واشنگٹن: امریکہ میں فائرنگ سے 4 افراد ہلاک ہو گئے جبکہ حملہ آور بھی مارا گیا۔
غیر ملکی خبر رساں ایجنسی کے مطابق امریکی ریاست فلوریڈا کے شہر جیکس ول کے ڈالر جنرل اسٹور میں فائرنگ کا واقعہ پیش آیا جہاں ایک شخص نے اسٹور میں گھس کر فائرنگ شروع کر دی فائرنگ کے نتیجے میں 4 افراد ہلاک ہو گئے جبکہ حملہ آورنےخود کشی کر لی-
پولیس کےمطابق واقعہ مقامی وقت کے مطابق دوپہر ایک بجے پیش آیا جبکہ پولیس نے موقع پر پہنچ کر صورتحال کو کنٹرول کیا اور لوگوں کو متاثرہ علاقے سے دور رہنے کی ہدایت کی ملزم نے فائرنگ سے قبل قریب موجود یونیورسٹی میں داخل ہونے کی کوشش کی تھی۔
ایران : بس کھائی میں جاگری ،10 افراد ہلاک اور 8 زخمی
پولیس کا کہنا ہے کہ واقعہ نسلی منافرت پر مبنی ہے کیونکہ فائرنگ کرنے والے شخص نے کہا تھا کہ وہ سیاہ فاموں کو نشانہ بنانا چاہتا ہے، مسلح شخص کے پاس سے ایک منشور بھی برآمد کیا گیا ہے، حملہ آور کی عمر 20 برس کے قریب تھی اور وہ سفید فام تھا،امریکا کی مختلف ریاستوں میں اس سال کے پہلے 8 ماہ میں قتل عام کے کم سے کم 470 واقعات ہو چکے ہیں۔
امریکا میں پاکستانی ڈاکٹرکو دہشتگردی کےالزام میں سزا سنادی گئی
دوسری جانب مشرقی افریقا کے ملک مڈغاسکر میں انڈین اوشن آئی لینڈ گیمز کی افتتاحی تقریب کے دوران بھگڈر مچنے سے12 افراد ہلاک جبکہ 80 افراد زخمی ہو گئے، اسٹیڈیم کے باہر شائقین کا ایک بڑا ہجوم موجود تھا داخلی دروازے پر بھگدڑ مچنے سے12 افراد ہلاک ہوگئے ، 11 افراد کی حالت تشویشناک بتائی گئی ہے جبکہ 80 افراد زخمی ہو ئے ہیں،مڈغاسکر کے وزیراعظم حادثے کے موقع پر اسٹیڈیم میں مومود تھے، انہوں نے حادثے کو المناک قرار دیا جبکہ قیمتی جانوں کے نقصان پر ایک منٹ کی خاموشی اختیار کرنے کا کہا۔
