Baaghi TV

Tag: فرانس

  • فرانس میں ہنگامہ آرائی جاری، مشتعل افراد نے پیرس کے میئرکے گھر کو آگ لگا دی

    فرانس میں ہنگامہ آرائی جاری، مشتعل افراد نے پیرس کے میئرکے گھر کو آگ لگا دی

    فرانس میں جاری ہنگامہ آرائی کے دوران مشتعل افراد نے پیرس کے میئر ونسنٹ جین برن کے گھر کو بھی آگ لگا دی۔

    عالمی میڈیا کے مطابق مشتعل مظاہرین نے پیرس کے میئر کے گھر سے کار ٹکرا دی جس کی وجہ سے میئر کی بیوی اور بچہ زخمی ہو گئے پیرس کے میئر ونسنٹ جین برن کا کہنا ہے کہ مشتعل مظاہرین نے میرے گھر کو آگ بھی لگائی۔

    رپورٹ میں یہ بھی بتایا گیا ہے کہ فرانس میں رات بھر مزید 719 افراد کو گرفتار کرلیا گیا اور اب تک گرفتاریوں کی مجموعی تعداد 2 ہزار سے زائد ہوگئی ہےملک بھر میں توڑ پھوڑ کے واقعات میں 577 گاڑیوں اور 74 املاک کو جلایا گیا ہے دکانوں اور کاروباری مراکز میں مظاہرین کی لوٹ مار کا سلسلہ بھی جاری ہے 45 ہزار سیکیورٹی اہلکاروں کے علاوہ حساس مقامات پر اضافی نفری بھی تعینات کر دی گئی ہے۔

    سوئیڈن میں قرآن پاک کی بے حرمتی،عراق کا جواب

    فرانس کے صدر ایمانوئل میکروں نے فرانس کے شہروں میں ہنگاموں کی چوتھی رات کے بعد اتوار کو شروع ہونے والا جرمنی کا دورہ ملتوی کر دیا ہے فرانس اور بیرون ملک بہت سے لوگوں نے قتل کے نتیجے میں ہونے والے فسادات کا ذمہ دار ملک میں وسیع طور پر آباد تارکین وطن کو ٹھہرانے کی کوشش کی۔

    دی گارڈین نے یہاں تک اطلاع دی کہ پولیس نے فسادیوں کو، جن میں سے زیادہ تر نوجوان تھے، ”وحشی گروہ“ کہا تھا تاہم، حالیہ عرصے میں اسی طرح کے واقعات پر ایک نظر سے واضح ہوتا ہے کہ جس طرح فرانسیسی پولیس نے ایک نوجوان کو قتل کیا اور پھر اس کے بعد کے حالات سے نمٹا، یہ ایک منظم نسل پرستی ہے اس سال پولیس کی فائرنگ سے کسی شخص کی ہلاکت کا یہ تیسرا واقعہ ہے اور گزشتہ سال اس طرح کے ریکارڈ 13 واقعات ہوئے تھے۔

    کولمبیا میں 2 طیارے پرواز کے دوران ٹکرا گئے،ویڈٰیو

    دی گارڈین کا کہنا ہے کہ 2017 سے اب تک ایسی فائرنگ کا زیادہ تر شکار سیاہ فام یا عرب ہیں فرانس کہتا ہے کہ نسل سے ہٹ کر ایک یکساں فرانسیسی شناخت کو فروغ دیا جاتا ہے، یہاں تک کہ نسل پر مبنی اعدادوشمار بھی جمع نہیں کیے جاتے، حقیقت اس سے کہیں زیادہ گہری ہے حقیقت میں، عرب اور سیاہ فام لوگوں کو سفید فاموں کے مقابلے میں 20 گنا زیادہ پولیس چیکنگ کے لیے روکا جاتا ہے اور جیلوں میں نسلی اقلیتوں کی بھی بہت زیادہ نمائندگی ہوتی ہے۔

    نسلی اقلیتوں کے خلاف تشدد بھی کوئی نئی بات نہیں ہے 1961 میں فرانسیسی پولیس نے پیرس میں احتجاج کرنے والے 100 سے زائد فرانسیسی عربوں کو ہلاک کیا اس واقعہ کو تقریباً 50 سال بعد تسلیم کیا گیا لیکن کبھی معافی نہیں مانگی گئی۔

    کائنات کے دو بڑے معموں کا مشاہدہ کرنے یوکلیڈ ٹیلی سکوپ روانہ

  • وزیراعظم شہبازشریف اور چین کے وزیراعظم لی کی چیانگ کی ملاقات

    وزیراعظم شہبازشریف اور چین کے وزیراعظم لی کی چیانگ کی ملاقات

    وزیراعظم شہبازشریف اور چین کی سٹیٹ کونسل کے وزیراعظم جنا ب لی کی چیانگ کی آج نئے عالمی مالیاتی معاہدے سے متعلق سربراہی اجلاس کے موقع پر پیرس میں ملاقات ہوئی۔ رواں سال مارچ میں وزارت عظمی کی ذمہ داری سنبھالنے کے بعد وزیراعظم لی کی چیانگ کی وزیراعظم شہبازشریف سے یہ پہلی ملاقات تھی۔

    ملاقات پاکستان اور چین کی سدابہار آزمودہ کوآپریٹو شراکت داری کی روایتی خیرسگالی اور پرجوش ماحول میں ہوئی۔ ملاقات کے دوران دونوں قائدین نے پاکستان چین اقتصادی راہداری (سی پیک) سمیت دوطرفہ تعلقات کے تمام پہلووں اور دوطرفہ معاشی تعاون پر تفصیلی بات چیت کی۔ کلیدی موضوعات پر چین کی حمایت کا اعادہ کرتے ہوئے وزیراعظم شہبازشریف نے پاکستان کی جغرافیائی سالمیت، خودمختاری اور سماجی ومعاشی ترقی کے لئے چین کی پختہ ومسلسل حمایت کا شکریہ ادا کرتے ہوئے کہاکہ جموں وکشمیر کے متنازعہ خطے میں جی 20 کا اجلاس بلانے کی چین کی طرف سے بھرپور مخالفت اقوام متحدہ کی قراردادوں اور عالمی قانون کی بالادستی کے چین کے اصولی موقف کا مظہر ہے۔

    وزیراعظم لی کی چیانگ نے کہاکہ پاکستان اور چین کی دوستی منفرد اور دونوں ممالک کی عوام کے درمیان موجود گہرے برادرانہ جذبات پر استوار ہے جو وقت اور حالات کی تبدیلی سے بے نیاز ہے۔ انہوں نے کہاکہ قریبی ہمسایہ اور آئرن برادر پاکستان چین کی ہمسایوں سے متعلق سفارت کاری میں خصوصی درجہ رکھتا ہے۔ چین کے وزیراعظم نے کہاکہ چین پاکستان کے کلیدی مفادات کے تحفظ، معاشی ترقی اور پاکستان کے عوام کی خوش حالی کے لئے اپنی کوششیں جاری رکھے گا۔

    پاکستان میں سی پیک منصوبوں کی مستحکم انداز میں ترقی کے عمل پر اطمینان کا اظہار کرتے ہوئے دونوں اطراف نے اس امر پر اتفاق کیا کہ سی پیک پاکستان کی سماجی ومعاشی ترقی میں مرکزی اہمیت رکھتا ہے۔ دونوں ممالک کے مشترکہ مفادات کے حصول کے لئے مل کر کام جاری رکھنے کے پختہ عزم کا اظہار کیاگیا۔ دونوں قائدین نے رواں سال سی پیک کی کامیابی کے دس سال مکمل ہونے کی خوشی بھرپور انداز میں منانے پر اتفاق کیا۔ وزیراعظم شہبازشریف اور وزیراعظم لی کی چیانگ نے پاکستان اور چین کے درمیان اعلی سطح کے رابطوں کی رفتار برقرار رکھنے پر اتفاق کیا۔ وزیراعظم شہبازشریف نے چین کے اپنے ہم منصب کو جلد پاکستان کا دورہ کرنے کی دعوت دی جو وزیراعظم لی کی چیانگ نے قبول کرلی۔

    وزیراعظم شہبازشریف کی جرمن چانسلر سے بھی ملاقات ہوئی،

    وزیراعظم شہبازشریف کی جرمن چانسلر اولاف شولز سے ملاقات ہوئی دونوں قائدین نے نئے عالمی مالیاتی معاہدے سے متعلق سربراہی اجلاس کے موقع پر ملاقات کی وزیراعظم نے پاکستان کے سیلاب متاثرین کے لئے جرمنی کی امداد پر شکریہ ادا کیا ،وزیراعظم نے 163 ملین یورو کی معاشی معاونت کی فراہمی پر بھی جرمن حکومت کا شکریہ ادا کیا ،وزیراعظم نے گفتگو کرتے ہوئے کہا کہ بے نظیر انکم سپورٹ پروگرام کے لئے 27 ملین یورو کی اضافی رقم سیلاب متاثرین کی مدد اور خوراک کی فراہمی کے لئے استعمال ہوئی، جرمنی کی ترقی کو ہمیشہ ایک مثال کے طورپر پیش کیا ہے، جرمنی نے جس طرح محنت سے اپنا مقام بنایا ہے، وہ ترقی پزیر ممالک کے لئے ایک عمدہ مثال ہے، ذاتی طورپر جرمنی کی ترقی، جرمن قوم کی محنت اور عزم کا گرویدا ہوں،امید کرتے ہیں کہ موسمیاتی تبدیلی سے خطرات اور معاشی دباﺅ جیسے مسائل میں جرمنی ترقی پزیر ممالک کی آواز بنے گا،ترقی پزیر ممالک سے مالیاتی دباﺅ میں کمی سے وہاں کے عوام کو ریلیف دینے میں مدد ملے گی،

    وزیراعظم نے پاکستان میں جرمن کمپنیوں اور این جی اوز کی خدمات کو سراہا ،دونوں قائدین نے پاکستان اور جرمنی میں تجارت، سرمایہ کاری، توانائی سمیت مختلف شعبوں میں تعاون بڑھانے پر اتفاق کیا،جرمن چانسلر نے وزیراعظم شہبازشریف کے لئے خیرسگالی کا پیغام میں کہا کہ آپ سے مل کر بہت خوشی ہوئی، جرمن چانسلرنے پاکستان کی حکومت اور عوام کے لئے نیک تمناﺅں کا اظہارکیا

    سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

    قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    بلاول بھٹو زرداری کی روضہ امام حسین آمد

  • حکومت آئی ایم ایف کے ساتھ وعدوں کو پورا کرے گی،وزیراعظم

    حکومت آئی ایم ایف کے ساتھ وعدوں کو پورا کرے گی،وزیراعظم

    وزیراعظم سے ایم ڈی آئی ایم ایف کی ملاقات ہوئی ہے

    ملاقات میں پاکستان اور آئی ایم ایف کے درمیان جاری آئی ایم ایف پروگرام سے متعلق تبادلہ خیال کیا گیا، وزیراعظم نے ایم ڈی آئی ایم ایف کو پاکستان کے معاشی اقدامات سے آگاہ کیا ،وزیراعظم نے معاشی استحکام سے متعلق کیے گئے اقدامات سے متعلق آگاہ کیا ،

    وزیرِ اعظم شہباز شریف کا کہنا تھا کہ آئی ایم ایف پروگرام نے نویں جائزہ کیلئے تمام ضروری اقدامات مکمل کر لیئے گئے ہیں۔حکومت پاکستان آئی ایم ایف کے ساتھ کیئے گئے وعدوں کو پورا کرے گی ۔امید ہے آئی ایم ایف پروگرام کے تحت جلد پاکستان کیلئے مختص فنڈز جاری ہونگے ۔فنڈز کے اجراء سے پاکستان کی معاشی استحکام اور عوام کو ریلیف فراہمی کی کوششوں کو مدد ملے گی ۔ڈائریکٹر آئی ایم ایف نے وزیراعظم کو آئی ایم ایف کی طرف سے ادارہ جاتی سطح پر کیئے جانے والے اقدامات سے آگاہ کیا

    وزیراعظم شہباز شریف کی سعودی ولی عہد شہزادہ محمد بن سلمان سے ملاقات
    وزیراعظم شہباز شریف کی سعودی عرب کے وزیراعظم اور ولی عہد شہزادہ محمد بن سلمان سے ملاقات ہوئی،ملاقات نئے عالمی مالیاتی معاہدے سے متعلق سربراہی اجلاس کے موقع پر ہوئی ،وزیراعظم شہباز شریف نے سعودی فرمانروا شاہ سلمان بن عبد العزیز کے لئے نیک تمناؤں کا اظہار کیا شہزادہ محمد بن سلمان نے پاکستان کی حکومت اور عوام کے لئے خیرسگالی کے جذبات کا اظہارکیا،دونوں راہنماؤں نے دوطرفہ تعاون کے فروغ کے لئے اشتراک عمل مزید بڑھانے پر اتفاق کیا ،دونوں راہنماؤں نے باہمی دلچسپی کے امور پر تبادلہ خیال کیا
    pm salman

    سربراہی اجلاس میں دعوت دینے اور پرتپاک میزبانی پروزیراعظم کا فرانسیسی صدر کا شکریہ
    وزیراعظم شہباز شریف نے فرانس کے صدر ایمانوئل میخواں سے ملاقات کی ہے،ملاقات نئے عالمی مالیاتی معاہدے کے موضوع پر منعقدہ سربراہی اجلاس کے موقع پر ہوئی ،وزیراعظم شہباز شریف نے نئے عالمی مالیاتی معاہدے پر سربراہی اجلاس بلانے پر صدر میخواں کو خراج تحسین پیش کیا ،وزیراعظم شہباز شریف نے سربراہی اجلاس میں دعوت دینے اور پرتپاک میزبانی پر صدر میخواں کا شکریہ ادا کیا،وزیراعظم نے فرانس کے صدر سے گفتگو کرتے ہوئے کہا کہ آپ نے ترقی پزیر ممالک کے ساتھ مالیاتی انصاف پر مبنی نظام کی طرف جرات مندانہ قدم اٹھایا، آپ کا شکریہ، ترقی پزیر ممالک کو وسائل کی عدم دستیابی، قرض اور سود کی ادائیگیوں کے بوجھ اور منجمند ترقی کے مسائل درپیش ہیں نئے عالمی مالیاتی معاہدے کے تحت قرض کی دلدل میں ڈوبے ترقی پزیر ممالک کی مدد وقت کی ضرورت ہے تاکہ وہاں کے عوام کو ریلیف مل سکے، موسمیاتی تبدیلیوں کے تباہ کن اثرات نے پہلے سے مسائل کا شکار ترقی پزیر ممالک کو مزید مشکلات سے دو چار کر دیا اہم مسئلہ پر عالمی اتفاق رائے پیدا کرنے کی آپ نے اہم کاوش کی ،صدر میخواں نے سربراہی اجلاس میں شرکت کرنے پر وزیراعظم شہباز شریف کا شکریہ ادا کیا .دونوں راہنماؤں نے دوطرفہ دلچسپی کے امور پر رابطے برقرار رکھنے پر اتفاق کیا.
    franc

    وزیراعظم شہبازشریف کی اقوام متحدہ کے سیکرٹری جنرل انتونیو گوتیرس سے ملاقات ہوئی ہے،دونوں قائدین کی ملاقات نئے عالمی مالیاتی معاہدے سے متعلق عالمی سربراہی اجلاس کے موقع پر ہوئی ،وزیراعظم نے سیکریٹری جنرل اقوام متحدہ کا پرتپاک خیرمقدم کیا اور نیک تمناﺅں کا اظہار کیا ،سیکریٹری جنرل اقوام متحدہ نے وزیراعظم کا جوابی خیرسگالی کے پرجوش جذبات سے خیرمقدم کیا،وزیراعظم شہبازشریف نے گفتگو کرتے ہوئے کہا کہ آپ کو پاکستان کا محسن تصور کرتے ہیں، سیلاب کے موقع پر آپ کی مدد بھول نہیں سکتے، موسمیاتی تبدیلیوں سے پاکستان میں ہونے والی تباہی کے آپ عینی شاہد ہیں ،وزیراعظم نے سیلاب متاثرین کی بحالی کے اقدامات کے بارے میں سیکریٹری جنرل کو آگاہ کیا اور کہا کہ سیلاب متاثرین کی بحالی اور ان کی دوبارہ آباد کاری ہماری اولین ترجیح ہے اور رہے گی، موسمیاتی تبدیلیوں سے ترقی پزیر ممالک پر معاشی دباﺅمزید بڑھا گیا ہے، ترقی پزیر ممالک میں شرح نمو بڑھانے اور مالیاتی توازن برقرار رکھنے میں نئے مسائل درپیش ہیں،کوپ 27 میں لاس اینڈ ڈیمیج فنڈ کو ترقی پزیر ممالک کی مالیاتی مدد کے لئے بروئے کار لایاجائے، نئے عالمی مالیاتی معاہدے کے لئے پیرس میں سربراہی کانفرنس ایک اچھی اور درست سمت میں شروعات ہیں، موسمیاتی انصاف کے ساتھ ترقی پزیر ممالک کے ساتھ عالمی مالیاتی وسائل کی تقسیم میں بھی منصفانہ رویہ درکار ہے، سیکریٹری جنرل اقوام متحدہ نے سیلاب متاثرین کی بحالی کے لئے وزیراعظم اور ان کی حکومت کے جذبے کو سراہا

    وزیراعظم شہبازشریف کی مصرکے صدر عبدالفتاح السیسی سے ملاقات ہوئی ہے،دونوں راہنماﺅں نے نئے عالمی مالیاتی معاہدے کے سربراہی اجلاس کے موقع پر ملاقات کی ،وزیراعظم نے کوپ27 کے شرم الشیخ میں ہونے والے اجلاس میں لاس اینڈ ڈیمیج فنڈ کو اہم پیش رفت قرار دیا اور کہا کہ شرم الشیخ نے لاس اینڈ ڈیمیج فنڈ کے قیام کے عزم سے عالمی سطح پر ایک اہم پیش رفت کی بنیاد رکھی ہے، شرم الشیخ میں جس سیاسی عزم کا اظہارکیاگیا، وہ بتدریج آگے بڑھ رہاہے،دونوں قائدین نے دوطرفہ تعلقات کے فروغ اور انہیں مزید وسعت دینے کے عزم کا اعادہ کیا ،دونوں برادر اسلامی ممالک کے درمیان مختلف شعبوں میں تعاون بڑھانے پر بھی اتفاق کیا گیا ،دونوں قائدین نے عالمی وعلاقائی امور پر باہمی رابطے برقرار رکھنے پر بھی اتفاق کیا

    دوسری جانب وزیرِ اعظم محمد شہباز شریف کا دورہءِ فرانس وزیراعظم محمد شہباز شریف کی نیو گلوبل فائنانسگ پیکٹ سمٹ کی افتتاحی تقریب میں شرکت کے لئے برونیاغ پیلس آمد ہوئی ہے ,فرانسیسی صدر میکرون نے صدارت میں ہونے والے سمٹ میں پچاس سے زیادہ سربراہان مملکت کی شرکت ہو گی،سمٹ کے دوران ہونے وزیر اعظم اپنے خیالات کا اظہار بھی کریں گے۔دو روزہ سمٹ کا اختتام کل 23 جون کو ہو گا.

    سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

    قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    بلاول بھٹو زرداری کی روضہ امام حسین آمد

  • دنیا بھر میں ارب پتی افراد کی تعداد اور ان کی مجموعی دولت میں کمی

    دنیا بھر میں ارب پتی افراد کی تعداد اور ان کی مجموعی دولت میں کمی

    امریکی جریدے فوربز نے اپنی رپورٹ میں انکشاف کیا ہے کہ دنیا بھر میں ارب پتی افراد کی تعداد اور ان کی مجموعی دولت میں کمی آئی ہے-

    باغی ٹی وی: "نیویارک ٹائمز” کے مطابق امریکی جریدے فوربز کی جانب سے 2023 کے امیر ترین افراد کی فہرست جاری کی گئی ہے جس میں پرتعیش اشیا بنانے والی کمپنی ایل وی ایم ایچ کے مالک 211 ارب ڈالرز کے ساتھ سرفہرست ہیں یوں تو فرانس سے تعلق رکھنے والےبرنارڈ آرنلٹ کافی عرصے سے دنیا کے امیر ترین شخص ہیں اور اب اس کا باضابطہ اعلان اب ہو اہے-

    پاؤڈر سے کینسر کا دعویٰ کرنیوالوں کوجانسن اینڈ جانسن کمپنی کی 8.9 بلین ڈالر کی …

    کے تازہ ترین اعدادوشمار کے مطابق 74 سالہ مسٹر ارنلٹ، جن کا دنیا بھر میں ڈومین 75 برانڈز پر مشتمل ہے، جس میں لوئس ووٹن ہینڈ بیگ، ٹفنی ڈائمنڈ رِنگ، کرسچن ڈائر ڈریسز اور سیفورا ہائی اینڈ کاسمیٹکس شامل ہیں-

    برنارڈ آرنلٹ کی دولت میں 2022 کے دوران 53 ارب ڈالرز کا اضافہ ہوا، جبکہ ایلون مسک 39 ارب ڈالرز سے محروم ہونے کے بعد پہلے سے دوسرے نمبر پر پہنچ گئے جبکہ 2022 میں امیر ترین شخص کا اعزاز حاصل کرنے والے ایلون مسک 180 ارب ڈالرز کے ساتھ 2023 کے لیے دنیا کے دوسرے امیر ترین شخص قرار پائے ہیں۔

    برنارڈ آرنلٹ اور ایلون مسک کی پوزیشن کو مستقبل قریب میں کوئی خطرہ نظر نہیں آتا ہے کیونکہ ایمازون کے بانی جیف بیزوس 114 ارب ڈالرز کے ساتھ تیسرے نمبر پر ہیں، یعنی کافی بڑا فرق ہے اوریکل کمپنی کے مالک لیری ایلیسن 107 ارب ڈالرز کے ساتھ چوتھے، وارن بفٹ 106 ارب ڈالرز کے ساتھ 5 ویں، بل گیٹس 104 ارب ڈالرز کے ساتھ چھٹے اور مائیکل بلومبرگ 94.5 ارب ڈالرز کے ساتھ 7 ویں نمبر پر موجود ہیں۔

    گوگل کا بلوچستان کے نوجوانوں کیلئےایک ہزار اسکالر شپس دینے کا اعلان

    کارلوس سلم 93 ارب ڈالرز کے ساتھ دنیا کے 8 ویں امیر ترین میکش امبانی 83.4 ارب ڈالرز کے ساتھ 9 ویں نمبر پر ہیں اور رواں برس کے لیے ایشیا کے امیر ترین شخص بھی قرار پائے ہیں جبکہ اسٹیو بالمر 80.7 ارب ڈالرز کے ساتھ 10 ویں نمبر پر ہیں۔

    فوربز کی رپورٹ کے مطابق دنیا کے امیر ترین افراد کے لیے 2023 ایک اور سخت سال ثابت ہونے والا ہے اور رواں برس بھی ان کی دولت میں کمی آنے کا امکان ہے رپورٹ میں بتایا گیا کہ 2022 کے دوران دنیا کے 25 امیر ترین افراد کی دولت میں مجموعی طور پر 200 ارب ڈالرز کی کمی آئی دنیا بھر میں ارب پتی افراد کی تعداد اور ان کی مجموعی دولت میں کمی آئی۔

    گزشتہ سال 254 افراد ارب پتی کی حیثیت سے محروم ہوگئے اور باقی بچ جانے والے 2640 ارب پتی افراد ایک سال میں 500 ارب ڈالرز سے محروم ہوئے۔

    مجموعی طور پر، فوربز کی فہرست سے پتہ چلتا ہے کہ یورپ کے ارب پتیوں نے روایتی شعبوں جیسے کہ لگژری، ریٹیل، کنزیومر گڈز، خوراک اور صنعتی کمپنیوں میں پیسہ کمایا ہے۔ اس میں تقریباً کوئی بھی ارب پتی ٹیکنالوجی کے سربراہ نہیں ہیں-

    برازیل کے پرائمری سکول میں نوجوان نے کلہاڑٰ کے وار سے 4 بچوں کوہلاک اور …

    امیر ترین کمانے والوں کی فہرست میں سرفہرست، مسٹر ایسکنڈے نے کہا کہ دو یا تین سالوں میں، ٹیک کے واپس آنے کا امکان ہے جو امریکہ اور چین کی مسلسل اقتصادی طاقت کی عکاسی کرتا ہے 20 سال کوشش کرنے کے بعد بھی یورپ میں، ہمارے پاس اب بھی ایپل، ایمیزون، نیٹ فلکس یا گوگل کے مقابلے کی کوئی چیز نہیں ہے-

  • فرانس نے بھی چینی ایپ ٹک ٹاک پر پابندی لگا دی

    فرانس نے بھی چینی ایپ ٹک ٹاک پر پابندی لگا دی

    فرانس نے بھی چینی ایپلیکیشن ٹک ٹاک پر پابندی لگا دی-

    باغی ٹی وی: فرانس کی پبلک سیکٹر ٹرانسفارمیشن اور سول سروسز کی وزارت کی جانب سے جاری بیان کے مطابق حکومت کی طرف سے عائد کی گئی پابندی پر فوری عمل درآمد کیا جائے گا فرانس نے جمعہ کو اعلان کیا کہ اس نے ڈیٹا کی ناکافی حفاظتی اقدامات کے بارے میں تشویش کی وجہ سے پابند ی عائد کی جا رہی ہے-

    یہ اقدام مقبول ویڈیو شیئرنگ ایپ کے بارے میں خدشات کے درمیان جمہوری ممالک میں ٹِک ٹاک پر اسی طرح کی پابندیوں کے بعد ہے۔ لیکن فرانسیسی فیصلے میں دوسرے پلیٹ فارمز کو بھی شامل کیا گیا جو بڑے پیمانے پر سرکاری عہدیداروں، قانون سازوں اور خود صدر ایمانوئل میکرون کے ذریعہ استعمال ہوتے ہیں۔

    فرانسیسی حکام کا کہنا ہے کہ سرکاری ملازمین اور انتظامیہ کی سائبر سکیورٹی کو یقینی بنانے کیلئے حکومت کی جانب سے ملازمین کے پروفیشنل فون پر ٹک ٹاک جیسی ’ری کریئشنل‘ ایپلی کیشنز کے استعمال پر پابندی کا فیصلہ کیا گیا ہے۔

    فرانسیسی وزیر برائے تبدیلی اور پبلک ایڈمنسٹریشن، سٹینسلاس گورینی نے ایک بیان میں کہا ہے کہ ’’تفریحی‘‘ ایپس اتنی محفوظ نہیں ہیں کہ ریاستی انتظامی خدمات میں استعمال کیے جا سکیں یہ ڈیٹا کے تحفظ کے لیے خطرہ بن سکتے ہیں-

    پابندی کی نگرانی فرانس کی سائبر سیکیورٹی ایجنسی کرے گی بیان میں یہ نہیں بتایا گیا کہ کن ایپس پر پابندی ہے لیکن یہ نوٹ کیا گیا کہ یہ فیصلہ دیگر حکومتوں کی جانب سے ٹِک ٹاک کو نشانہ بنانے کے اقدامات کے بعد آیا۔

    گورینی کے دفتر نے ایسوسی ایٹڈ پریس کو بتایا کہ پابندی میں ٹویٹر، انسٹاگرام، نیٹ فلکس، کینڈی کرش جیسی گیمنگ ایپس اور ڈیٹنگ ایپس بھی شامل ہوں گی۔

    حکام کے مطابق فرانس کے یورپی اور بین الاقوامی پارٹنرز کی جانب سے چینی ایپلی کیشن ٹک ٹاک کی ڈاؤن لوڈنگ اور استعمال پر پابندی عائد کی گئی تھی، سکیورٹی خدشات کے بنا پر فرانس نے بھی ایپلی کیشن پر پابندی کا فیصلہ کیا ہے تاہم پروفیشنل معاملات میں ایپلی کیشن کے استعمال کو استثنیٰ حاصل ہوگا۔

    واضح رہے کہ اس سے قبل امریکا، کینیڈا، برطانیہ، نیدرلینڈ، بیلجیئم اور نیوزی لینڈ سمیت دیگر ممالک کی جانب سے ٹک ٹاک کے استعمال پر پابندی عائد کی گئی تھی۔

  • فرانس پنشن اصلاحات بارے مظاہرے؛ شاہ چارلس سوم کا دورہ منسوخ

    فرانس پنشن اصلاحات بارے مظاہرے؛ شاہ چارلس سوم کا دورہ منسوخ

    فرانس میں اس وقت افراتفری دیکھنے میں آئی جب پولیس نے مظاہرین پر آنسو گیس فائر کیا اور پیرس میں لاٹھی چارج کرنے والے ہجوم جہاں ہزروں نے پنشن اصلاحات بارے مارچ کیا ہے

    انگریزی اخبار ڈیلی میل کے مطابق فرانس میں پولیس نے پیرس میں احتجاج کرنے والوں پر آنسو گیس کے گولی داغے ہیں۔ اور واضح رہے فرانس کے صدر کے پنشن کےلئے عمر بڑھائے جانےکے منصوبے پر ہزاروں احتجاجیوں نے ملک بھر میں مارچ کیا ہے۔ ملک گیر سطح پر جاری احتجاج کے 9ویں دن بھی ٹرین اور فضائی سفر متاثر ہے۔ جبکہ کئی اساتذہ نے کام روک دیا ہے۔ وسطی پیرس میں احتجاجی عام طور پر پُرامن ہیں۔ البتہ احتجاجیوں کے چھوٹے گروپوں نے دکانوں کی کھڑکیوں کو توڑا اور بورڈیاکس ٹاؤن کو آگ لگا دی ہے۔ پارلیمنٹ میں ووٹ کےبغیر ریٹائرمنٹ کی عمر دو سال بڑھائے جانے کے حکومت کے ایک قانون کے خلاف احتجاج شروع ہوئے تھے۔

    یاد رہے کہ گزشتہ بدھ کے روز صدر میخواں نے کہا تھا کہ ملک بھر میں احتجاج کے بڑھنے کے باجود بھی اس قانون کو سال کے آخر تک نافذ کردیا جائے گا۔ کیونکہ انتہائی اہم چیز ہے اور ہم کسی دباؤ میں نہیں آئیں گے. فرانسیسی صدر ایمانوئل میخواں کی انتہائی متنازع پنشن اصلاحات کے خلاف تین ماہ سے جاری احتجاج کے دوران مظاہرین اور پولیس کے درمیان جھڑپوں میں 150 اہلکار زخمی ہو گئے ہیں عالمی ادارے کے مطابق اب تک کے سب سے سنگین تشدد میں جمعرات کو مظاہرین کی فرانسیسی سکیورٹی فورسز کے ساتھ جھڑپ کے بعد بڑی تعداد میں گرفتاریاں عمل میں لائی گئی ہیں جبکہ مظاہرین نے کئی شہروں میں سڑکوں پر نکل کر پُرتشدد احتجاج کیا اور پیرس کے ایک تاریخی مرکز میں آگ بھی لگا دی ہے.

    تاہم پولیس نے کئی شہروں میں تشدد میں ملوث مظاہرین کو حراست میں لیا ہے جبکہ فرانسیسی صدر کی جانب سے اصلاحات اُن کی حکومت کے لیے بہت بڑا چیلنج بن کر سامنے آئیں جب ملک بھر میں ریٹائرڈ سرکاری ملازمین احتجاج کے لیے نکلے ہیں جبکہ خیال رہے کہ ایمانوئل میخواں کے فرانس میں دوسری مدت کے لیے صدر منتخب ہونے کے بعد یہ اُن کے خلاف سب سے بڑی عوامی احتجاج کی لہر ہے۔
    مزہد یہ بھی پڑھیں؛
    بیان حلفی دیں کہ آپ نے دہشت گردی عدالت اسلام آباد میں ضمانت دائر کی تھی, عمران خان کو بیان حلفی جمع کروانے کی ہدایت
    20 رمضان سے قبل پنشن اور تنخواہ کی ادائیگی یقینی بنائی جائے، قائمہ کمیٹی
    سوال یہ ہے کہ اکتوبر میں کیسے ہوں گے الیکشن؟ عمران خان
    راہول گاندھی کو بھارتی پارلیمنٹ نے نااہل قرار دے دیا
    صدرکے ساتھ کوئی بامعنی مشاورت نہیں کی گئی، صدر کا وزیر اعظم کو خط میں شکوہ
    عمران خان کا افغان بچیوں کی تعلیم پر پابندی بارے طالبان کی مذمت کرنے سے انکار
    قومی اسمبلی؛ قائمہ کمیٹی برائے انفارمیشن ٹیکنالوجی نے ایل سیز کھولنے کی سفارش کر دی

    عالمی اخبار کے مطابق برطانیہ کے شاہ چارلس سوم اگلے ہفتے فرانس پہنچ رہے تھے لیکن اب یہ دورہ منسوخ ہوگیا ہے خیال رہے کہ یہ دورہ فرانسیسی ٹریڈ یونین کے منگل کو ہڑتال اور احتجاج کا اعلان کرنے کے بعد منسوخ ہوا ۔ جبکہ شاہ چالس سوم کا یہ پہلا غیر ملکی دورہ تھا اور وہ اس میں جنوب مغربی شہر بورڈو کا بھی دورہ کرنے والے تھے جہاں جمعرات کو مظاہرین نے سٹی ہال کے پورچ میں آگ لگائی۔ یہ بھی واضح رہے کہ گزشتہ بدھ کو فرانسیسی صدر کی جانب سے ایک ٹی وی چینل کو دیئے گئے انٹرویو میں اصلاحات واپس لینے سے انکار کے بیان کے بعد جمعرات کو غصے سے بھرے مظاہرین کی بڑی تعداد نے سڑکوں اور گلیوں کا رُخ کیا تھا۔ تاہم پیرس شہر کی سڑکوں اور گلیوں میں پولیس اور مظاہرین میں جھڑپیں ہوئیں جہاں اہلکاروں نے آنسو گیس کے شیل پھینکے اور احتجاج کرنے والوں پر لاٹھی چارج کیا۔

  • فرانس: 16 سالہ طالبعلم نے چاقو کے وار سے خاتون ٹیچر کو قتل کر دیا

    فرانس: 16 سالہ طالبعلم نے چاقو کے وار سے خاتون ٹیچر کو قتل کر دیا

    فرانس کے سکول میں دوران کلاس 16 سالہ طالبعلم نے چاقو کے وار سے خاتون ٹیچر کو قتل کر دیا۔

    باغی ٹی وی: غیر ملکی میڈیا رپورٹس کے مطابق فرانس کے جنوب مغربی علاقے میں ایک سیکنڈری اسکول میں ٹیچر کو چاقو کے وار کر کے قتل کرنے کے بعد پولیس نے ایک 16 سالہ طالب علم کو گرفتار کر لیا ہے۔

    52 سالہ ٹیچر فرانس کے قصبے سینٹ جین ڈی لیو کے ایک اسکول میں ہسپانوی زبان کی کلاس لے رہی تھیں کہ جماعت میں موجود ایک 16 سالہ طالبعلم نے ان پر چاقو سے حملہ کر دیا-

    چاقو کے حملے سے شدید زخمی ہونے کے باعث ٹیچر کو فوری طبی امداد دی گئی لیکن وہ اسپتال جاتے ہوئے زخموں کی تاب نہ لاتے ہوئے چل بسیں۔

    فرانسیسی میڈیا نے بتایا کہ حملہ کے بعد طالب علم کلاس روم سے نکل کر پڑوسی کلاس میں چلا گیا، جہاں اس نے استاد کو کیا ہوا تھا بتایا اور چاقو حوالے کر دیاایمرجنسی سروسز نے خاتون کو مردہ قرار دے دیا۔

    فرانسیسی وزیر تعلیم پاپ ندائے نے بدھ کی سہ پہر کو اسکول کا دورہ کیا، جس میں 11 سے 18 سال کی عمر کے تقریباً 1,100 طلباء ہیں۔

    16 سالہ طالبعلم کو گرفتار کرلیا گیا اور مزید تفتیش جاری ہے،ابتدائی تحقیقات سے معلوم ہوا ہے کہ واقعہ دہشت گردی نہیں بلکہ طالبعلم کا ذاتی فعل ہے۔

  • گھر میں آتشزدگی کے واقعہ،ماں سمیت 7 بچے دم گھٹنے سے جاں بحق

    گھر میں آتشزدگی کے واقعہ،ماں سمیت 7 بچے دم گھٹنے سے جاں بحق

    فرانس کے شمال مشرقی علاقے میں گھر میں آتشزدگی کے واقعے میں ماں اور 7 بچے دم گھٹنے کے باعث چل بسے۔

    باغی ٹی وی: غیرملکی خبررساں ادارے کے مطابق گھر میں آتشزدگی کا واقعہ پیرس سے 82 کلو میٹر دور چارلے سرمانے شہر میں پیش آیا گھر میں آگ رات کو لگی جب سب سو رہے تھے اور دیکھتے ہی دیکھتے گراؤنڈ فلور سے دھواں پورے گھر میں پھیل گیا گھر میں آگ لگنے کی اطلاع پڑوسیوں نے دی اور ریسکیو آپریشن میں 80 فائر فائٹرز نے حصہ لیا۔

    فلم سیلفی کی پروموشن، اکشے کمار اور سلمان خان کی ویڈیو سوشل میڈیا پر وائرل

    مقامی پراسیکیوٹر نے تصدیق کی کہ گھر میں آگ کپڑے سکھانے والی مشین میں لگی اور دم گھٹنے سے ماں اور 7 بچے انتقال کرگئے۔ ہلاک ہونے والے بچوں کی عمریں 2 سے 14 سال کے درمیان ہیں اور مرنے والوں میں 5 بچیاں اور 2 بچے شامل ہیں۔

    پراسیکیوٹر نے بتایا کہ ایسا لگتا ہے کہ باپ نے آگ بجھانے کی کوشش کی جبکہ بچوں اور ان کی ماں گھر کی دوسری منزل پر دھویں اور شعلوں میں پھنس گئےگھر میں دھواں بھر جانے کے دوران، فائر فائٹرز کو گھر کی اوپر کی کھڑکیوں تک سیڑھیاں لگانے میں دشواری کا سامنا کرنا پڑا، جو کہ 2,600 باشندوں کے گاؤں کے بیچ میں ایک تنگ گلی میں واقع ہے۔

    چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور…

    گھر کی برقی کھڑکیوں کے شٹر بند کر دیے گئے تھے کیونکہ ناقص ایپلیا کی وجہ سے بجلی کی بندش شروع ہو گئی تھی۔

    حکام کے مطابق بچوں کو بچانے کی کوششوں کے دوران والد بری طرح جھلس گئے جنہیں تشویشناک حالت میں اسپتال منتقل کردیا گیا ہے واقعے کی تحقیقات شروع کردی گئی ہیں۔

  • سعودیہ عرب ریڈ سی انٹرنیشنل فلم فیسٹیول کا جونی ڈیپ کی نئی فلم کی مالی سپورٹ کا اعلان

    سعودیہ عرب ریڈ سی انٹرنیشنل فلم فیسٹیول کا جونی ڈیپ کی نئی فلم کی مالی سپورٹ کا اعلان

    جدہ: سعودیہ عرب ریڈ سی انٹرنیشنل فلم فیسٹیول فنڈ نے ہالی وڈ اداکار جونی ڈیپ کی نئی فلم ’جین دُبیری‘ کی مالی سپورٹ کا اعلان کیا ہے-

    باغی ٹی وی: یہ ریڈ سی فیسٹیول فنڈ کی پہلی انٹرنیشل فلم ہےجس میں وہ فرانس کےساتھ اشتراک کریں گےفلم کی ڈائریکٹر فرانسیسی اداکارہ میجوین ہیں اور تاریخی واقعات پر مبنی فلم میں جونی ڈیپ اٹھارہویں صدی کے فرانسیسی بادشاہ لوئی پانزدہم کے کردار میں ںظر آئیں گے۔


    ریڈ سی فلم فیسٹیول فنڈ کے سی ای او محمد الترکی نے اپنے بیان میں کہا ہے کہ ہم میجوین کی نئی فلم ’جین دُبیری‘ کو سپورٹ کرنے پر نہایت خوش ہیں ہم پرامید ہے کہ اس تعاون سے سعودی اور فرانسیسی سنیما کے تعلقات مضبوط ہوں گے اور یہ ان فلموں میں سے ایک ہے جس میں ہم خواتین فلم میکرز کو سپورٹ کرتے ہیں۔


    انہوں نے مزید کہا کہ اس فلم کی سپورٹ ہمارا یہ عزم ظاہر کرتی ہے کہ ہم نئے ٹیلنٹ، بہترین رائٹروں، ڈائریکٹروں اور پروڈیوسروں کی سپورٹ کیلئے ہر وقت تیار ہیں۔

  • فرانس کی جانب سے یوکرین کی حمایت جاری رکھنے کا اعلان

    فرانس کی جانب سے یوکرین کی حمایت جاری رکھنے کا اعلان

    پیرس:فرانس کے وزیردفاع نے جنگ یوکرین کے حوالے سے مداخلت پسندانہ اقدامات کا سلسلہ جاری رکھتے ہوئے، کیف کی حمایت جاری رکھنے کا اعلان کیا ہے۔ فرانسیسی وزیردفاع سباسٹین لیکورنو نے یوکرین پہنچنے کے بعد صحافیوں سے بات چیت کرتے ہوئے کہا کہ پیرس جنگ زدہ ملک یوکرین کی حمایت جاری رکھے گا۔ انہوں نے کہا کہ وہ یوکرین کے صدر ولادیمیر زیلنسکی ، وزیردفاع الیکسی رزنیکوف اور اعلی فوجی حکام کے ساتھ ملاقاتوں میں یوکرین کی عسکری حمایت میں اضافے پر بات چیت کریں گے۔

    لاہور،سہاگ رات ثابت ہوئی دولہا دلہن کیلئے آخری رات، واش روم سے لاشیں برآمد

    دوسری جانب اٹلی کے وزیر دفاع نے کہا ہے کہ صدر کی جانب سے یوکرین میں طیارہ شکن نظام بھیجنے کے وعدے کے باوجود ایسا صرف اس صورت میں کیا جائے گا جب ایسا کرنا ہمارے لیے ممکن ہو گا ۔اطالوی وزیر دفاع گیڈو کروسیٹو نے کہا کہ اگر ہم یوکرین کو طیارہ شکن نظام دیتے ہیں، تو ہمیں وہ اپنی فوج سے لیکر دینا ہو گا، لہٰذا ہمیں پہلے اس بات کا اطمینان حاصل کرنا ہوگا کہ ہمارے گودام خالی نہ ہوجائیں ۔

    روس کا ایران کوجدید سخوئی ایس یو35 لڑاکا طیارے دینے کا اعلان

    اٹلی کے وزیردفاع کروسیٹو نے حال ہی میں کہا تھا کہ یوکرین نے حال ہی میں اٹلی اور فرانس کے تیار کردہ، سیمپ ٹی اینٹی ایئر کرافٹ سسٹم فراہم کر نے کی درخواست کی ہے ۔ اٹلی کے وزیر دفاع نے یہ بات اطالوی وزیراعظم جارجیا میلونی اور یوکرین کے صدر ولادیمیر زیلنسکی کے درمیان فون کال کے بعد کہی۔ اس فون کال کے بعد زیلنسکی نے ٹویٹ کیا کہ روم، کیف کو طیارہ شکن نظام بھیجنے پر غور کر رہا ہے۔

    درایں اثنا روسی وزیر خارجہ نے مغرب کی مدد سے روس کو بے دخل کرنے کے یوکرینی صدر کے امن منصوبے کو ایک سراب قرار دیا ۔

    خبر رساں ایجنسی ریا نووستی کے ساتھ بات چیت کرتے ہوئے سرگئی لاؤروف نے کہا کہ روس یوکرین کے صدر ولادیمیر زیلنسکی کے امن فارمولے کو مذاکرات کی بنیاد نہیں سمجھتا کیونکہ ہمارا خیال ہے کہ کیف حقیقی امن مذاکرات کے لیے ہنوز آمادہ نہیں ہے۔ لاوروف نے یہ بھی کہا کہ کیف کا مغرب کی مدد سے روس کو مشرقی یوکرین اور کریمیا سے بے دخل کرنے کا خیال ایک وہم ہے۔

    2011 کے بعد پہلی مرتبہ شام، ترکی اور روس کے وزرائے دفاع کی پہلی ملاقات،مذاکرات

    قبل ازیں، کریملن نے یوکرین کے صدر ولادیمیر زیلنسکی کے دس نکاتی امن منصوبے کو مسترد کرتے ہوئے کہا تھا کہ یوکرین میں جنگ کے خاتمے کی کسی بھی تجویز میں روس میں شامل ہونے والے یوکرین کے چار علاقوں کے بارے میں زمینی حقائق کو مدنظر رکھنا ضروری ہے۔

    قابل ذکر ہے کہ یوکرین کے صدر ولادیمیر زیلنسکی ان دنوں اپنے دس نکاتی امن منصوبے کی تشہیر کر رہے ہیں اور عالمی رہنماؤں سے اپنے پیش کردہ امن منصوبے کی بنیاد پر بین الاقوامی اجلاس بلانے کی بھی اپیل بھی کرچکے ہیں ۔ صدر زیلنسکی نے پہلی بار رواں سال نومبر میں جی ٹوئینٹی کے اجلاس میں یہ امن فارمولہ پیش کیا تھا۔ روس کے وزیر خارجہ سرگئی لاوروف نے اس سے پہلے ایک پریس ریلیز میں اعلان کیا تھا کہ میدان جنگ میں روس پر یوکرین کو فتح دلانے کی مغرب کی خواہش ہی امن کے عمل میں رکاوٹ ہے۔