Tag: فراڈ

امریکا میں عارضی ملازمت کا خصوصی ایچ ون بی ویزا حاصل کرنے کے لیے بھارتی شہریوں کی جانب سے بڑے پیمانے پر دھوکہ دہی اور فراڈ سامنا آیا ہے-

امریکی ٹی وی کی رپورٹ کے مطابق سال 2015 سے اب تک امریکا میں کل 70 لاکھ ایچ ون بی ویزا درخواستیں پراسس کی گئی ہیں، جن میں سے حیرت انگیز طور پر 70 فیصد درخواستیں اکیلے بھارتی شہریوں کی طرف سے جمع کرائی گئی تھیں،رپورٹ میں انکشاف کیا گیا ہے کہ بھارت سے اس ویزا کے لیے درخواست دینےوالے 80 سے 90 فیصد افراد یا تو مکمل طور پر جعلی دستاویزات کےحامل پائے گئے یا پھر وہ اس مخصوص ملازمت کے لیے مطلوبہ اہلیت اور معیار پر پورا ہی نہیں اترتے تھے۔

تحقیقات کے دوران یہ پریشان کن انکشاف بھی سامنے آیا کہ بھارت میں قائم کئی جامعات باقاعدہ طور پر جعلی ڈگریوں کے دھندے اور غیر قانونی کار و بار میں ملوث ہیں اس حوالے سے ایک ایسی یونیورسٹی کی نشاندہی بھی کی گئی ہے جس نے اکیلے کم سے کم 36 ہزار جعلی ڈگریاں جاری کر کے ریکارڈ قا ئم کیا ہے۔

واضح رہے کہ امریکا کا یہ مخصوص ویزا ان غیر ملکی ماہرین کو دیا جاتا ہے جنہیں امریکی کمپنیاں کچھ خاص شعبوں میں عارضی طور پر ملازمت کے لیے اپنے پاس بلانا چاہتی ہیں۔

بھارت میں گزشتہ ایک دہائی کے دوران مالیاتی فراڈ اور سائبر کرائمز میں نمایاں اضافہ دیکھنے میں آیا ہے، جس کے نتیجے میں بھارت عالمی سطح پر ایک مالیاتی دھوکہ دہی کے مرکز کے طور پر پہچانا جا رہا ہے۔ بھارت طویل عرصے سے آن لائن دھوکہ دہی کرنے والوں کا گڑھ بن چکا ہے، جو نہ صرف امریکا بلکہ دنیا بھر کے ممالک کو اپنی اسکیموں کا نشانہ بناتے ہیں۔

بھارت کے مالیاتی سائبر کرائمز اب اس کی سرحدوں کو پار کر چکے ہیں اور دنیا بھر کے لوگوں کو Scam کا شکار کر رہے ہیں۔ تکنیکی مدد کے بہانے، معصوم افراد اپنی ذاتی تفصیلات جیسے کہ کریڈٹ کارڈ یا بینک اکاؤنٹس کی معلومات فراہم کرکے دھوکہ دہی کا شکار ہو جاتے ہیں۔ 2022 میں ایک بھارتی شہری، ہتیش مدھو بھائی پٹیل، کو 20 سال قید کی سزا سنائی گئی۔ پٹیل نے 2013 سے 2016 کے دوران بھارت میں قائم کال سینٹرز کے ذریعے امریکی شہریوں کو لاکھوں ڈالر کا دھوکہ دیا تھا۔بھارت میں مالیاتی فراڈز کا ایک بڑا حصہ 60 سال یا اس سے زائد عمر کے بزرگ شہریوں پر مشتمل ہے، جو کمزور نیٹ ورک یا سائبر سیکیورٹی کی معلومات کی کمی کی وجہ سے ان دھوکہ دہی کا شکار ہو جاتے ہیں۔ جون 2023 میں ایف بی آئی نے دہلی میں ایک کال سینٹر کا پردہ فاش کیا جس نے امریکی شہریوں سے تقریباً 20 ملین امریکی ڈالر کا دھوکہ دیا۔ اسی طرح، امریکہ کے فیڈرل بیورو آف انویسٹیگیشن کے اعداد و شمار کے مطابق، امریکی شہریوں کو کال سینٹرز سے منسلک دھوکہ دہی میں 10 بلین ڈالر سے زیادہ کا نقصان پہنچ چکا ہے۔

بھارت میں قائم کال سینٹرز یا جعلی کسٹمر سروس کال سینٹرز متاثرین کو تکنیکی مدد فراہم کرنے کے بہانے ان کے ذاتی اور مالی معلومات تک رسائی حاصل کرتے ہیں۔ یہ فراڈ رقوم اکثر برطانیہ، دبئی اور بھارت کے بینک کھاتوں میں منتقل کی جاتی ہیں۔ بھارت میں 2022 میں ان کمپنیوں نے امریکی شہریوں کو 10 بلین ڈالر سے زیادہ کا دھوکہ دیا۔ اس کے علاوہ، 2024 کے پہلے چار ماہ میں بھارتی سائبر کرائمز کے 7 لاکھ 40 ہزار سے زائد کیسز رپورٹ ہوئے، جن میں زیادہ تر مالی فراڈز سے متعلق تھے۔بھارت میں بینک فراڈ کی تعداد گزشتہ آٹھ برسوں میں دوگنا ہو چکی ہے۔ 2024 میں، ریزرو بینک آف انڈیا (آر بی آئی) نے 13,000 سے زائد بینک فراڈ کے کیسز رپورٹ کیے ہیں، جن کی کل مالیت 21,367 کروڑ روپے تک پہنچ گئی۔ بھارت میں ہونے والے بینک فراڈز میں 55 فیصد حصہ بینک اکاؤنٹ ٹیک اوور حملوں کا ہے، جو کہ ایک بڑھتا ہوا خطرہ ظاہر کرتا ہے۔

ایسی صورتحال کے پیش نظر، عالمی ادارے فنانشل ایکشن ٹاسک فورس نے بھارت پر زور دیا ہے کہ وہ مالی فراڈ کے مقدمات میں قانونی کارروائیوں کو تیز کرے اور سائبر کرائمز کے خلاف موثر اقدامات اٹھائے۔ امریکہ، برطانیہ اور دیگر ممالک کی حکومتیں بھی بھارت میں ہونے والی اس نوعیت کی مالیاتی دھوکہ دہی کے بڑھتے ہوئے واقعات پر گہری تشویش کا اظہار کر رہی ہیں۔

بھارت میں مالیاتی فراڈ اور سائبر کرائمز کے بڑھتے ہوئے واقعات عالمی سطح پر ایک سنگین مسئلہ بن چکے ہیں۔ بھارتی فراڈ کمپنیوں اور کال سینٹرز کے ذریعے امریکی، برطانوی اور دیگر ممالک کے معصوم شہریوں سے فراڈ کر کے ان سے پیسے ہتھیا لینا معمول بن چکا ہے، جو اس بات کا اشارہ ہے کہ بھارت میں ان جرائم کے خلاف سخت قانونی اقدامات کی ضرورت ہے۔

ایف ڈبلیو او کا خنجراب پاس کا تجارتی راستہ سال بھر کھلا رکھنے کا آپریشن

یورپ کے ساتھ پاکستانی برآمدات میں 3.8 بلین ڈالر کا قابل ذکر اضافہ

سپریم کورٹ،کیس مقرر نہ کرنے پر جسٹس منصور علی شاہ برہم،ایڈیشنل رجسٹرار کو بلا لیا

دبئی پولیس نے کاروبار کے نام پر 86 افراد کے ساتھ دھوکہ دہی کے الزام میں عرب نژاد یورپی شہری کو گرفتار کر لیا-

باغی ٹی وی : "اردو نیوز” کے مطابق دبئی پولیس کی جانب سے جاری کیے جانے والے بیان مین کہا گیا ہے کہ متعدد افراد نے ایک کمپنی کے ذمہ داران کیخلاف شکایات درج کرائی تھیں،ابتدائی تفتیش کے بعد کمپنی کے الک کو دھوکہ دہی کے الزام میں گرفتار کر لیا گیا ہے فراڈ کرنے والا شخص اس کمپنی کا مالک اور عرب نژاد یورپی شہری ہے، اس کے علاوہ پولیس ایک عرب شہری کی گرفتاری کیلئے بھی کارروائی کررہی ہے جس نے کمپنی کا اندراج اپنے نام سے کرایا تھا-

نمک کا زیادہ استعمال ذہنی بیماریوں کا سبب بن سکتا ہے،تحقیق

کمپنی کا گرفتارکیا جانے والا مالک اپنی کمپنی ایک ملازم کے ہاتھوں فروخت کرچکا ہے، اس کے علاوہ اس دھوکہ دہی کیلئے کمپنی کا نام بھی ایک سے زائد بار تبدیل کیا جاچکا ہے۔

فراڈ سے متاثرہ ایک خاتون نے پولیس کو بتایا کہ اُن سے ایک شخص نے سرمایہ کاری کیلئے رابطہ کیا اور بتایا تھا کہ وہ ایک اہم شخصیت کی کمپنی میں ملازم ہے، اس کی جانب سے دی جانے والی ترغیب کے بعد ابتدء میں ماہانہ 3 ہزار درہم منافع پر 50 ہزار درہم کی سرمایہ کاری کی-

جہانگیر ترین کی پارٹی، عمران خان نے بھی خاموشی توڑ دی

خاتون نے پولیس کوبتایا کہ ابتدائی 2 ماہ تک تو منافع کی رقم دی جاتی رہی اور پھرمزید سرمایہ کاری کیلئے کہا گیا جس پر انہیں ایک بار پھر50 ہزار درہم دیئے اتنا بھاری منافع دیئے جانے پر ابتداءمیں وہ شکوک وشبہات کا شکار رہی لیکن پھر پُرآسائش علاقے میں کمپنی کی عمارت دیکھ کر وہ خاصی مطمئن ہوگئی۔

متاثرہ خاتون کے مطابق اسے ایک کمپنی کے اہلکار نے رابطہ کرکے اپنی رقم کی واپسی کیلئے دفتر پہنچنے کو کہا جہاں جا کر علم ہوا کہ کمپنی کا ایک عہدیداررقم لے کر فرار ہوچکارقم واپس لینے کے لیے اور بھی بہت سے لوگ کمپنی کے دفترپہنچے تھے جنہیں جعلی چیک تھما دیا گیا تھا۔

دیامر بھاشا ڈیم کے لیے دریائے سندھ کا رُخ موڑنے کا فیصلہ