Tag: فہد مصطفیٰ

پاکستانی اداکار فہد مصطفیٰ نے دبئی میں فلم فیئر مڈل ایسٹ اچیورز نائٹ میں شرکت کی اس موقع پر انہیں ایوارڈ بھی ملا . ایوارڈ لینے کےلئے وہ سٹیج پر گئے جہاں انہوں نے کہا کہ میری دعا ہے کہ پاکستان اور بھارتی فنکار ایک بار پھر ایک ساتھ کام کریں. ان کے سامنے بالی وڈ اداکار گوندا بھی بیٹھے ہوئے تھے فہد مصطفی نے ان کی طرف دیکھتے ہوئے کہا کہ انہوں‌نے اداکاری گوندا کو دیکھتے ہوئے شروع کی. انہوں نے کہا کہ پاکستان میں‌رہتے ہوئے ہمیشہ یہی کوشش رہی کہ گوندا کی طرح‌ہی اداکاری کروں. فہد مصطفی نے کہا کہ گوندا سر میں آپ کو بہت بڑا مداح

ہوں اور ہمیشہ ہی رہوں گا. انہوں نے مزید کہا کہ میری بہت زیادہ خوش قسمتی ہے کہ جس سٹیج پر آج گوندا موجود ہیں وہیں پر میں کھڑا ہوں. میرے سامنے ہمایوں سعید بھی موجود ہیں میں ان کا بھی بہت بڑا مداح ہوں. انہوں نے یہ بھی کہا کہ بھارتی اور پاکستانی ایک ہی سٹیج پر موجود ہیں خوشی اور فخر کی بات ہے . یاد رہے کہ فہد مصطفی پاکستانی اداکار ہیں انہوں نے بہت سارے ڈراموں میں کام کیا لیکن اب انہوں نے خود کو فلموں کی حد تک محدود کر لیا ہےاور وہ صرف فلموں میں‌ہی شائقین کو نظر آتے ہیں. رواں برس ان کی فلم قائداعظم زندہ باد ریلیز ہوئی .

اداکار شان شاہد کی فلم ضرار 25 نومبر کو سینما گھروں کی زینت بننے جا رہی ہے اس حوالے سے شان شاہد انٹرویوز بھی دے رہے ہیں ان کا ایک انٹرویو پڑ گیا ہے ان کے گلے کیونکہ شان شاہد نے اس میں کہا ہے کہ ادھر نہیں جائونگی ادھر نہیں جاونگی سے نکلیں تو مختلف موضوعات پر فلمیں بنائیں اس پر ہمایوں سعید سمیت دیگر سٹارز کا کسی نہ کسی صورت میں رد عمل سامنے آرہا ہے. حال ہی میں اداکار فہد مصطفی نے ایک ٹویٹ کیا ہے جس میں انہوں نے لکھا ہے کہ ”آپ اِدھر جائیں اُدھر جائیں آپ کو عالمی سطح پر تاج پہنایا جائے گا۔ میں نے آپ سے بہت کچھ سیکھا ہے آپ ایک حقیقی سپر اسٹارہیں”. فہد مصطفی ہوں یا ہمایوں سعید اور فرحان سعید ان سب کی طرف شان شاہد کی سٹیٹمنٹ پر رد عمل

بتا رہا ہے کہ ان کو شان شاہد کی یہ بات کسی طور بھی اچھی نہیں لگی. تاہم شان شاہد نے اپنے ہی بیان پر رد عمل دیتے ہوئے کہا ہے کہ میرا مطلب وہ نہیں جو لیا گیا ہے کہ میں نے تو صرف یہ کہا ہے کہ روٹین کے موضوعات سے ہٹ کر کام ہونا چاہیے لیکن لگتا ہے میڈیا کو کنٹرورسی پیدا کرنے کی عادت ہے. شان شاہد اپنے ہی بیان کی وجہ سے آگئے ہیں اچھی خاصی تنقید کی زد میں.

چھوٹی عمر میں شوبز انڈسٹری میں آنے والی لائبہ خان نے نہایت ہی کم عرصے میں نام بنایا ہے . انہوں نے اپنے حالیہ انٹرویو میں کہا ہے کہ میں حافظ قرآن ہوں . نو سال کی عمر میں ، میں نے قرآن مجید حفظ کر لیا تھا. اور یہ بات میں بہت زیادہ لوگوں کو بتاتی نہیں تھی. انہوں نے کہا کہ فہد مصطفی اور دانش تیمور میرے کرش ہیں. انہوں نے ایک سوال کے جواب میں انہوں نے کہا کہ میں‌ آج تک رینٹ کے گھر میں رہتی ہوں اور میں نے اپنی ماں کو شفٹنگ کے دوران بہت زیادہ پریشان ہوتے دیکھا ہے. ہمارے گھر کی جب میں‌شفٹنگ ہوتے دیکھتی تھی تو بہت پریشان ہوتی تھی میری امی بہت سر کھپاتی تھیں . میرے دل میں یہ سب دیکھ کر خواہش پیدا ہوتی تھی کہ خدایا مجھے اتنے پیسے دے کہ میں اپنی

امی کو ایک گھر بنا کر دوں. اور میں اپنی امی کو گھر بنا کر دوں گی. انہوں نے مزید کہا کہ میں نے تو گھر میں سب کو کہہ رکھا ہے کہ میری شادی کی جب تک بات نہ کریں جب تک کہ میں اپنی امی کو گھر نہ بنا کر دے دوں . میرا یہی ٹارگٹ ہے کہ میں اپنی امی کو گھر بنا کر دوں اسکے لئے کوشش کررہی ہوں. یاد رہے کہ لائبہ خان نیو کمرز میں سے ایک ایسی اداکارہ ہیں‌جنہوں کیرئیر کی شروعات میں ہی نامور لوگوں کے ساتھ کام کیا ہے. ان کی فین فالونگ بھی کافی زیادہ ہے.

بگ برادر اور بگ باس کی طرز پر بنایا جانے والا رئیلٹی شو تماشا گھر جو کہ اے آر وائی پر آج کل چل رہا ہے اس میں آج مہمان بن رہے ہیں جو دو ایسے مہمان کہ جن کو دیکھ کر آپ کا دل ہوجائیگا خوش . جی ہاں آج تماشا گھر میں مہمان بن رہے ہیں کرکٹ کے لیجنڈ وسیم اکرم اور اداکاری کے بادشاہ فہد مصطفی . شو کے ٹیزر میں دیکھا جا سکتا ہے کہ وسیم اکرم اور فہد مصطفی دونوں شو کے شرکاء سے مختلف سوال کرتے نظر آرہے ہیں. وسیم اکرم نے شو کے شرکاء سے پوچھا کہ کس کا ابھی تک ایک دوسرے کے ساتھ اس گھر میں جھگڑا نہیں ہوا ، اس شو کا یادگار لمحہ

کونسا ہے ، جبکہ فہد مصطفی پوچھتے ہوئے سنائی دے رہے ہیں کہ آپ کو کیا لگتا ہے کہ شو کو کون جیتے گا . فہد مصطفی شو کے ٹیزر میں یہ بھی کہہ رہے ہیں کہ میں آپ سب کو آج ایک ایک چیز دے کر جائوں گا اب دیکھنا یہ ہے کہ فہد مصطفی شو کے شرکاء کو کیا دے کر جاتے ہیں. یاد رہے کہ تماشا گھر کی میزبانی معروف اداکار عدنان صدیقی کررہے ہیں. شو میں شوبز انڈسٹری سے تعلق رکھنے والی شخصیات موجود ہیں جن میں کامیڈین رئوف لالہ ، سیدہ امتیاز و دیگر شامل ہیں شو چالیس دن تک جاری رہے گا اس کے بعد ونر کا اعلان ہو گا .

اداکار فہد مصطفی جن کی ماہرہ خان کے ساتھ حال ہی میں فلم قائداعظم زندہ باد ریلیز ہوئی ہے، فلم ابھی تک کافی اچھا بزنس کررہی ہے. فلم کا بزنس اور لوگوں میں اس کی مقبولیت کو دیکھ کر اسے سپر ہٹ کہا جا سکتا ہے. فہد مصطفی اور ماہرہ خان پہلی بار ایک ساتھ دکھائی دئیے ہیں اس سے قبل دونوں کسی فلم میں تو دور کی بات ہے کسی کمرشل تک میں ایک ساتھ نظر نہیں آئے. دونوں کی آن سکرین جوڑی کو شائقین بہت سراہ رہے ہیں. ماہرہ خان کے ساتھ کام کے ھوالے سے اداکار، پرڈیوسر و میزبان کئی بار کام کرنے کا تجربہ شئیر کر چکے ہیں. ھال ہی میں انہوں نے ایک بار پھر کہا ہے کہ ماہرہ خان کے

ساتھ کام کرناا ان کے لئے کسی اعزاز سے کم نہیں‌ ہے. فہد مصطفی نے اعتراف کیا کہ وہ ماہرہ خان کے بہت بڑے مداح ہیں اور اپنی فیورٹ اداکارہ کے ساتھ کام کرنا ان کے لئے نہ صرف باعث فخر اور باعث عزت ہے بلکہ اعزاز کی بات ہے. فہد مصطفی فلم قائداعظم زندہ باد کی پرموشنز کے دوران بھی کئی بار کہہ چکے ہیں کہ انہیں جب ماہرہ خان کے ساتھ کام کرنے کی آفر ہوئی تو انہوں نے فورا قبول کر لی کیونکہ ان کی خواہش تھی کہ وہ اداکارہ کے ساتھ کام کریں. فہد مصطفی ماہرہ خان کی خوبصورتی کی تو تعریف کرتے ہی ہیں بلکہ ان کا کہنا ہے کہ بطور انسان ماہرہ خان بہت اچھی ہیں اور ان کے ساتھ کام کرکے محسوس نہیں‌ہوتا کہ آپ کسی بہت بڑی سلیبرٹی کے ساتھ کام کررہے ہیں.

حال ہی میں ریلیز ہونے والی فلم قائداعظم زندہ باد جو کہ کامیابی سے پاکستان اور دیگر ممالک میں جاری ہے، اس کے بارے میں کہا جا رہا ہے کہ ایکشن سین بالی اور ہالی وڈ کی فلموں سے کاپی کئے گئے ہیں. فلم کے حوالے سے اس قسم کی باتیں کی جا رہی ہیں. نبیل قریشی نے آخر خاموشی توڑ دی ہے اور کہا ہے کہ میں نے قائداعظم زندہ باد میں بہت سارے فائٹ‌ کے مناظر خود بنائے لیکن یقینا کچھ سینز ہالی وڈ کی فلموں سے کاپی کئے اور جہاں تک یہ کہا جا رہا ہے کہ میں نے سینز بالی وڈ کی فلموں سے کاپی کئے ہیں تو یہ غلط ہے کیونکہ میں نے بالی نہیں‌ہالی وڈ کی فلموں سے کاپی کئے ہیں اور وہیں پر یہ سینز سب سے پہلے بنے بالی وڈ نے بھی کاپی کیے.نبیل قریشی نے کہا کہ چونکہ اس قسم کی فلم پاکستان میں پہلی بار بنی ہے اگر روٹین سے بنتی رہیں تو یقینا بہت بہتری آئیگی. نبیل قریشی نے مزید کہا کہ میں شکر گزار ہوں کہ میری فلم کو پسند کیا جا رہاہے. یاد رہے کہ فلم قائداعظم کی مصنفہ اور پرڈیوسر فضا علی مرزا ہیں مرکزی کردار ماہرہ خان اور فہد مصطفی نے ادا کئے ہیں.فضا اور نبیل اس سے قبل بھی فہد مصطفی کے ساتھ ایکٹر ان لاء میں کام کر چکے ہیں جبکہ ماہرہ خان کے ساتھ ان کا یہ پہلا پراجیکٹ‌ ہے. فلم کا میوزک اور کہانی کو کافی پسند کیا جا رہا ہے.

اداکار و میزبان فہد مصطفی جنہیں بہت پسند کیا جاتا ہے انہوں نے حال ہی میں ایک انٹرویو دیا ہے اس میں انہوں نے کہا ہے کہ حال ہی میں‌ جو فلمیں‌ ریلیز ہوئی ہیں وہ بہت اچھا بزنس کررہی ہیں اور فلم انڈسٹری سے جڑے لوگوں کے لئے یہ اچھی علامت بھی ہے. یعنی کہ اگر فلم اچھی بنی ہو تو وہ نہ صرف چلتی ہے بلکہ ہالی وڈ کی فلموں کا بھی مقابلہ کر جاتی ہے.انہوں نے مزید یہ بھی کہا کہ اگر ہم فلم انٍڈسٹری کو ترقی کی راہوں پر لیکر جانا چاہتے ہیں تو بہت ضروری ہے کہ

تہواروں کی بجائے سارا سال ہی فلمیں ریلیز کی جائیں. اس طرح‌سے پاکستانی شائقین کا پاکستانی فلموں پر اعتماد بڑھے گا.فہد مصطفی نے مزید کہاکہ پاکستان میں مختلف مقامات پر شوٹنگ کرنے کے حوالے سے بہت زیادہ مشکلات ہیں حکومت کو چاہیے کہ تمام محکموں کو آڈر کرے اور کہے کہ اگر کوئی فلمی یونٹ ان کے پاس آئے تو نہ صرف وہ اجازت دیں بلکہ جتنی ہو سکے مدد بھی کریں. اچھی فلم بنانے کےلئے ضروری ہے کہ سب مل کر کام کریں اور اگر کسی قسم کی رکاوٹ کہیں بھی آرہی ہے اسکو دور کیا جائے. فہد مصطفی نے مزید کہا کہ عید پر ریلیز ہونے والی فلموں کے اچھے بزنس نے فلم سازوں کو بہت حوصلہ دیا ہے.انہوں‌نے مزید بھی اچھا کام کرنے کا عزم ظاہر کیا.

اداکار و میزبان فہد مصطفی نے ڈال دیا اپنے پرستاروں کو امتحان میں بولے اگر مجھ سے آپ محبت کرتے ہیں تو پھر باراں سو روپے خرچ کرکے سینما جائیں اور میری فلم قائداعظم زندہ باد دیکھیں. فہد مصطفی نے سوشل میڈیا پر اپنے پرستاروں سے کی گزارش. ان کے پرستاروں نے اس پوسٹ کے نیچے مختلف قسم کے کمنٹس کئے کسی نے کہاکہ ہم فلم ضرور دیکھنے جائیں گے کسی نے کہا کہ کیوں نہ ہم باراں سو روپے کا گھی لے آئیں یا بائیک میں‌پیٹرول ڈلوا لیں. کسی نے کہا کہ اتنی مہنگائی کے دور میں کون باراں سو روپے کی ٹکٹ خرید سکتا ہے. یوں فہد مصطفی کی پوسٹ کے نیچے دلچپسپ تبصرے ہوتے رہے.یاد رہے کہ حال ہی فہد مصطفی کی فلم قائداعظم زندہ باد ریلیز ہوئی ہے فلم ملک بھر کے ساتھ دیگر ملکوں میں بھی ریلیز ہوئی

ہے. فلم کافی پسند کی جا رہی ہے خصوصی طور پر ماہرہ خان اور فہد مصطفی کی اداکاری اور کہانی کو بہت سراہا جا رہا ہے.قائداعظم زندہ باد کے ساتھ ہمایوں سعید کی فلم لندن نہیں‌جائونگا بھی نمائش پذیر ہے. دونوں فلموں میں‌بڑی کاسٹ ہے اور دونوں‌ہی فلموں‌پر شائقین کا ہجوم دیکھنے کو مل رہا ہے.دونوں فلموں کی کاسٹ ابھی تک مختلف سینما گھروں میں‌جا رہے ہیں اور اپنے پرستاروں سے مل رہے ہیں. ان دونوں فلموں‌ کے ساتھ عید کے روز لفنگے بھی ریلیز ہو رہی ہے.

عید الاضحی پر ریلیز ہونے والی فلم قائداعظم زندہ باد کی پریس کانفرنس کا دبئی کے صحافیوں‌نے بائیکاٹ کر دیا ہے . بتایا جا رہا ہے کہ پریس کانفرنس کے لئے جو وقت دیا گیا صحافی اس پر آ کر انتظار کرتے رہے لیکن مقررہ وقت گزر جانے کے دو گھنٹے کے بعد بھی فلم کی کاسٹ وہاں نہیں‌پہنچی. دبئی کے صحافیوں نے تنگ آکر پریس کانفرنس کا بائیکاٹ‌ کر دیا.اس فلم کی لاہور میں‌بھی پریس کانفنرس میں یہی حال تھا کاسٹ خاصی تاخیر سے پہنچی جو وقت دیا گیا اس سے کچھ نہیں تو ڈیڑھ گھنٹہ کی تاخیر کے بعد کاسٹ پہنچی تھی. اس دوران صحافیوں کے ساتھ سیکیورٹی کی طرف کافی عجیب رویہ روا رکھا گیا. صحافیوں نے فضا اور نبیل کے آنے تک پریس کانفرنس کا بائیکاٹ کر دیا.

یاد رہے کہ قائداعظم زندہ باد کی مرکزی کاسٹ میں ماہرہ اور فہد مصطفی ہیں لاہور میں اس کا پریمئیر ہو چکا ہے اب دبئی میں‌پریمئیر کے بعد کراچی میں‌ ہوگا. فلم میں فہد مصطفی ایک پولیس آفیسر کا کردار نبھا رہے ہیں. فلم کی پوری ٹیم کا دعوی ہے کہ شائقین سینما گھر سے جب اس فلم کو دیکھ کر نکلیں گے تو انکے دماغ میں‌ یہ سوچ ضرور آئیگی واقعی کچھ دیکھ کر نکل رہے ہیں‌.ماہرہ فہد اور فضا نبیل کا کہنا ہے کہ ان کی فلم ہمارے سسٹم پر بہت سارے سوال اٹھاتی ہے اسلئے اسے دیکھا جانا بہت ضروری ہے.

عید الاضحی کے موقع پر ریلیز ہونے والی فلم قائداعظم کا گزشتہ روز لاہور میں‌ پریمئیر کیا گیا ، پریمئیر میں میڈیا کو مدعو نہیں کیا گیا، میڈیا کو مدعو نہ کرنے کی وجہ شاید یہ تھی کہ اس فلم کی پریس میٹ پر سیکیورٹی ایشوز کی وجہ سے میڈیا کے ساتھ ناخوشگوار واقعہ پیش آیا تھا. گزشتہ شب جو پریمئیر ہوا اس میں گنتی کےصحافیوں کے علاوہ میڈیا دیکھنے کو نہیں ملا. فلم کے پریمئیر میں شرکت کرنے کے لئے جن کے پاس پاسسز تھے ان کو کوڈ جاری کئے گئے تھے جن کو دکھائے بغیر وہ اندر نہیں آسکتے تھے.پریمئیر میں جن شخصیات نے شرکت کی ان میں اداکار سلمان شاہد ، قوی خان ،سمیع خان

،کوریوگرافر نگاہ، امجد اسلام امجد ، کرکٹر وہاب ریاض کے علاوہ فضا نبیل اور ماہرہ خان فہد مصطفی نے شرکت کی.ماہرہ خان کالے رنگ کا ڈریس زیب تن کئے ہوئے تھیں وہ بہت ہی دلکش لگ رہی تھیں. فلم شروع ہونے سے پہلے فضا اور نبیل نے ہال میں‌کھڑے ہو کر وہاں پر موجود لوگوں سے درخواست کی کہ فلم چونکہ ابھی یلیز نہیں ہوئی اس کا پریمئیر چند دن پہلے کیا جا رہا ہے اس لئے فلم اور کہانی کے حوالے سوشل میڈیا پر جا کر کچھ نہ لکھا جائے یہاں تک کہ نہ فلم کا کوئی کلپ بنایا جائے نہ ہی گانا ریکارڈ کرکے سوشل میڈیا پر ڈالا جائے. اس موقع پر فضا اور نبیل نے ماہرہ خان اور فہد مصطفی کا بہت شکریہ ادا کیا.