Tag: فہد مصطفیٰ

فضا علی مرزا اور نبیل کی فلم ”قائداعظم زندہ باد” نہ صرف پاکستان بلکہ امریکہ ، نیوزی لینڈ ، کینڈا، یو اے ای اور آسٹریلیا میں بھی ریلیز ہو گی. ان ملکوں میں موجود ماہر ہ خان اور فہد مصطفی کے پرستاروں کے لئے یقینا خوشخبری ہے اور سب عید الاضحی پر اپنے ملک میں بیٹھے پاکستانی فلم کا مزہ لیں گے. لاہور میں گزشتہ شب فلم کا پرئیمیر ہو چکا ہے.پریمئیر محدود پیمانے پر کیا گیا. اس میں‌میڈیا کو نہ ہونے کے برابر انوائٹ کیا گیا. نبیل اور فضا کی طرف سے وہاں آنے والوں‌کو خاص کر کہا گیا کہ جب تک فلم ریلیز نہ ہوجائے فلم کا ریویو کہیں بھی نہ لکھا جائے نہ ہی کہانی پر بات کی جائے. فلم قائداعظم زندہ باد

کے حوالے سے ماہرہ خان بہت پرجوش ہیں انہوں نے اپنے پرستاروں سےکہا ہے کہ وہ عید پر گھروں سے ضرور نکلیں اور جا کر فلم دیکھیں .اسی طرح‌ سے وہ کہتی ہیں کہ ان کے پرستاروں کو ایک نئی ماہرہ خان دیکھنے کو ملے گی. انہوں نے کہا کہ میرا اس فلم میں کردار روٹین سے ہٹ کر ہے.اسی طر‌ح سے فہد مصطفی نے کہا کہ میری یہ فلم میرے پرستاروں کے لئے عید پر ٹریٹ ہے.میری خواہش ہے کہ سب عید پر وقت نکال کر دیکھنے ضرور جائیں. یاد رہے کہ فہد اور ماہرہ خان کی اس فلم کے ساتھ لندن نہیں جائونگا ریلیز ہو رہی ہے فلم لفنگے کی ریلیز کا ابھی فیصلہ ہونا باقی ہے کیونکہ اسکو بین کر دینے کی خبریں گردش کررہی ہیں.

ورسٹائل اداکار فہد مصطفی کہتے ہیں کہ انہوں نے اداکاری شاہ ر خ خان کو دیکھ کر شروع کی. شاہ رخ خان ایک بڑے اداکار ہیں اور ہم بچپن سے ان کو دیکھتے آرہے ہیں ہم سب کی خواہش رہی ہے کہ ان جیسا کام کریں اور جو انہوں نے کام کیا ہے اس کا ہم ایک فیصد بھی کر لیں تو بڑی بات ہوگی. فہد مصطفی نے مزید کہا کہ میں نے تو اداکاری ہی ان کو دیکھ کر شروع کی. فہد مصطفی نے مزید کہا کہ کسی کو پسند کرنا اچھی بات ہوتی ہے لیکن اپنے انداز سےکام کرنا اس سے بھی زیادہ اچھی بات ہوتی ہے شاہ رخ خان شاہ رخ ہیں اور میں فہد مصطفی ہوں اسلئے مقابلہ نہ کیا کریں نہ ایسا سوال کیا کریں جس سے مقابلے کا تاثر ابھرے. فہد مصطفی نے گزشتہ

روزلاہور میں قائداعظم زندہ باد کی پریس کانفرنس میں کہا کہ ہم نے جو فلم بنائی ہے وہ یقینا شائقین کو بہت پنسد آئیگی. ماہرہ خان ایک بہترین اداکارہ ہیں انہوں‌ نے بہت محنت سے کام کیا ہے. میں ان کی صلاحیتوں سے بہت متاثر ہوں. نہایت ہی پروفیشنل اداکارہ ہیں ہم دونوں پہلی بار ایک ساتھ سکرین پر آرہے ہیں اور مزید بھی آپ ہمیں‌ ایک ساتھ دیکھتے ہی رہیں گے.اگر میں‌ یہ کہوں کہ یہ فلم میرے کیرئیر کی بہترین فلم تو بے جا نہ ہوگا. یہ فلم بہت سے حوالوں سے یادگار ہے.یاد رہے کہ فلم قائداعظم زندہ باد عید الاضحی پر ریلیز کی جا رہی ہے اس سلسلے میں فلم کی کاسٹ‌ شہر شہر جا کر فلم کی پرموشن کررہی ہے.

عید الاضحی کے موقع پر ریلیز ہونے والی فلم قائداعظم زندہ باد جس کا شائقین بے چینی سے انتظار کررہے ہیں اسکا پریس میٹ اپ آج لاہور میں‌ہوگا اس موقع پر فلم کی مرکزی کاسٹ کیساتھ ڈائریکٹر اور پرڈیوسر بھی ہوں گے. فلم قائداعظم زندہ باد کی پریس میٹ اور پریمئیرکے لئے اس وقت کاسٹ اور ڈائریکٹر پرڈیوسر لاہور پہنچ چکے ہیں. فلم کا پریمئیر پانچ جولائی کو لاہور میں‌ کیا جا رہا ہے. فلم جو کہ کامیڈی ایکشن ہے اس میں‌ فہد مصطفی پہلی بار ایکشن کرنے جا رہے ہیں انہوں‌ نے اس سےپہلے جتنی بھی فلمیں‌کی ہیں ان میں اس طرح‌کا ایکشن نہیں‌ہے جس طرح سے اس فلم میں انہوں نے کیا ہے.دوسری طرف ماہرہ خان اور فہد مصطفی پہلی بار

ایکساتھ نظر آرہے ہیں اس فلم کی لکھاری اور پرڈیوسر فضا علی کہتی ہیں کہ ہم جب فلم کی کہانی لکھ رہے تھے تو ہمارے ذہنوں میں‌پہلی چوائس ماہرہ خان اور فہد مصطفی ہی تھے خوش نصیبی سے انہوں نے ہاں بھی کردی.ماہرہ خان اپنی اس فلم کے ھوالے سے کہتی ہیں کہ کہانی سنتے ہی اتنی اچھی لگی کہ فورا ہاں کردی. قائداعظم زندہ باد کے ساتھ فلم لفنگے اور لندن نہیں‌ جائونگا ریلیز ہونے جا رہی ہیں.ان دونوں‌ فلموں‌ کی پرموش زور و شور سے جاری و ساری ہے.مقابلے کی اس فضا میں کونسی فلم کتنا شائقین کے دل کے تاروں کو چھوتی ہے اسکے لئے ہم سب کو کرنا پڑے گا عید کا انتظار.

اداکار فہد مصطفی کہتے ہیں کہ میں اپنے انسٹاگرام اورٹویٹر کے فالورز کواپنی فیملی کی طرح نہیں لیتا کیونکہ یہ وہ لوگ ہیں جو صرف آپ کے کام میں دلچپسی رکھتے ہیں لہذا ان کو زیادہ سیریس نہیں لیا جانا چاہیے۔فہد مصطفی نے مزید کہا کہ میں بہت زیادہ لوگوں پر انحصار نہیں کرتا نہ ہی ان سے زیادہ انٹریکشن کرتا ہوں۔ میں پبلک سے بہت زیادہ انٹریکشن کرکے ان کمفرٹیبل ہو جاتا ہوں۔ فہد مصطفی نے مزید کہا کہ میں اپنی زندگی کو پرائیویٹ رکھنا پسند کرتا ہوں اور چاہتا ہوں‌ کہ میری پرائیویسی کا بھی احترام کیا جائے.یوں فہد مصطفی نے بتا دیا ہے کہ وہ اپنے ٹویٹر یا انسٹاگرام فالورز کے بارے میں کیا سوچتے ہیں.

یاد رہے کہ فہد مصطفی کا شمار بہترین پرڈیوسرز اور میزبانوں میں ہوتا ہے اداکاری میں بھی انہوں نے اپنا آپ منوایا ہے.فہد نے جب سے فلموں کا رخ کیا ہے وہ ٹی وی ڈراموں میں کم کم نظر آتے ہیں. فہد آج کل اپنی فلم قائداعظم زندہ باد کی پرموشن میں‌مصروف ہیں اس سلسلے میں وہ میڈیا سے بھی میٹ اپ کررہے ہیں. عید الاضحی پر ریلیز ہونے والی اس فلم کا ٹریلر ریلیز ہو چکا ہے اور فلم کی پرموشن زوروں پر ہے.فضا علی مرزا اور نبیل کی اس فلم میں فہد مصطفی اور ماہرہ خان ایکساتھ پہلی بار دکھائی دیں گے.کہا جا رہا ہے کہ یہ فلم بھی فہد کی پچھلی فلموں‌ کی طرح کامیابی کے نئے ریکارڈز قائم کریگی.

فہد مصطفی پڑ گئے مشکل میں
بعض اوقات اپنی ہی کہی ہوئی باتیں کسی کو بھی مہنگی پڑ جاتی ہیں ایسا ہی کچھ ہوا اداکار و پرڈیوسر فہد مصطفی کے ساتھ ۔فہد مصطفی نے گزشتہ روز دیا ایک انٹرویو اس میں جہاں انہوں نے بہت ساری دوسری باتیں کیں وہیں اپنے بچوں کے حوالے سے بھیبولے ۔انہوں نے کہا کہ میری بیٹی اب بڑی ہو چکی ہے اس کی عمر گیاراں برس ہے لہذا س کی نسبت جو بیٹا چھوٹا ہے اس پر زیادہ رتوجہ دیتا ہوں ۔میری بیٹی ایک کورین بینڈ کو بہت زیادہ سنتی ہے اور کورین بول بھی لیتی ہیں لیکن سندھی نہیں بول پاتی ۔فہد مصطفی کا ایسا کہنا ان کے مداحوں کو برا لگ گیا اور انہوں نے فہد مصطفی کو سوشل میڈیا پر خوب سنائیں اور غصے کا اظہار کیا کہ بیٹی کو اگر سندھی بولنی نہیں آتی تو یہ فخر کی بات نہیں ہے

بلکہ ان کی اپنی ہی زبان سے محبت پر سوالیہ نشان ہے ۔مداحوں نے اپنے اپنے مزاج کے مطابق کمنٹس کئے کئی صارفین نے اس بات کو معمولی قرار دیا اورکئی صارفین نے شدید غصے کا اظہار کیا۔فہد مصطفی آج کل اپنی فلم کی پروموشن کے سلسلے میں مصروف ہیں اور ان کے انٹرویوز بھی ہو رہے ہیں یہی وجہ ہے کہ وہ ہرجگہ دکھائی دے رہے ہیں ۔یاد رہے کہ فہد مصطفی کی فلم ”قائداعظم زندہ باد“ عید الاضحی کے موقع پر ریلیز کی جا رہی ہے اس میںان کے ساتھ پہلی بار ماہرہ خان دکھائی دے رہی ہیں فلم کا ٹریلر تو ہٹ ہو چکا ہے فلم ،شائقین کو کتنی پسند آتی ہے ابھی اس کا فیصلہ ہونا باقی ہے۔

ہمایوں سعید جن کو ہر عمر کے لوگ بے پناہ پسند کرتے ہیں ،پردے پر بے شک وہ سنجیدہ کرداروں میں نظر آتے ہیں لیکن ذاتی زندگی میںکافی ہنسی مذاق کرنے والے انسان ہیں ۔ ہنسی مذاق میں کچھ ایسی باتیں بھی کہہ جاتے ہیں کہ جو ان کے پرستاروں کے لئے دلچپسی کا باعث بنتی ہیں ۔ایسی ہی ایک بات انہوں نے گزشتہ روز کہہ دی۔ ہمایوں سعید نے کہا کہ کچھ لڑکیوں کو یقینا تھور کا مرکزی کردار پسند ہے لیکن میںاتنا جانتا ہوں کہ لڑکیاں مجھے اور فہد مصطفی کو بہت زیادہ پسند کرتی ہیں ۔ہمایوں سعید نے یہ بات اس وقت کہی جب وہ کسی تقریب میں شریک تھے ۔ان کی کہی ہوئی یہ بات سوشل میڈیا پر دلچپسی کا باعث بن گئی ۔لوگ اپنے اپنے انداز سے اس بات پر کمنٹ کررہے ہیں اور زیادہ تر صارفین ہمایوں سعید کی اس بات سے اتفاق کرتے ہوئے محظوظ ہورہے ہیں ۔

یاد رہے کہ فہد مصطفی اور ہمایوں سعید دونوں ہی ٹاپ کے پرڈیوسر بھی ہیں ان دونوں کے درمیان دوستی تو کسی سے ڈھکی چھپی نہیں ہے ۔ فہد اور ہمایوں دونوں کی فلمیں عید الاضحی پر ریلیز ہو رہی ہیں دونوں فلموں کے ٹریلر جا ری ہو چکے ہیں ٹریلر دیکھ کر شائقین کافی پسند بھی کررہے ہیں ۔فہد مصطفی کی قائداعظم زندہ باد اور ہمایو ں سعید کی لندن نہیںجاﺅنگا کی ریلیز کا شدت سے انتظار کیا جا رہا ہے فلموں کی ٹریلر لانچ پر دونوں پراجیکٹس سے جڑے لوگ کافی پر امید دکھائی دئیے ۔

عموما ہمارے ہاں ایسا ہوتا ہے کہ سینئر اداکار خود ہی اپنے بنائے ہوئے ڈرامو ں اور فلموں میں دکھائی دیتے ہیں بہت کم حوصلے والے لوگ ہوتے ہیں جو دوسروں کو آگے آنے کا موقع دیں۔ فہد مصطفی ان میں سے ایک ہیں کیونکہ انہوں نے ایک ایسا بیان دیا ہے کہ جس نے ان کے مداحوں کے دل جیت لئے ہیں۔فہد مصطفی نے کہاہے کہ میرا دل کرتا ہے کہ ایک سال میں ،میں چار پانچ فلمیں کروں اور ان سب میں ،میںہی نظر آﺅں لیکن مجھے پتہ ہے کہ میں ایسا نہیں کر سکتا یا مجھ سے ایسا نہیں ہو سکتا اس لئے میں ان اداکاروں کو کام کرنے کا موقع دیتا ہوں جو حق دار ہیں کہ ان کو آگے آنے دیا جائے۔فہد مصطفی نے یہ با ت حال ہی میں کہی ہے ان کا کہنا ہے کہ نئے آنے والوں کو کام کا موقع دیا جانا چاہیے تاکہ وہ اپنی صلاحیتوںکا لوہا منوا سکے۔

یاد رہے کہ فہد مصطفی کافی عرصے سے ڈراموں میں بطور ایکٹر کام نہیں کر رہے ہیں شاید انہوں نے اپنی مصروفیات کی وجہ سے بریک لگا رکھی ہے لیکن ہر سال وہ کسی ایک فلم میں ضرور نظر آتے ہیں گو کہ کورونا کی وجہ سے ابھی تک دو سال میں کسی کی بھی کوئی فلم ریلیز نہیں ہو سکی لیکن جیسے ہی فلموں کی ریلیز کا سلسلہ شروع ہوا ہے تو عید الاضحی پر ان کی فلم قائداعظم زندہ باد ریلیز ہونے جا رہی ہے اس میں ان کے ساتھ ہر دلعزیز ماہرہ خان بھی نظر آرہی ہیں ماہرہ خان اور فہد مصطفی ابھی تک کہ کسی بھی پراجیکٹ میں پہلی بار ایک ساتھ نظر آر ہے ہیں ۔

فہد مصطفی شاہ رخ کی طرح ڈانس سٹیپس اٹھاتے ہیں :ماہرہ خان
پاکستان اور بھارت میں یکساں مقبول لاکھوں دلوں کی دھڑکن ماہرہ خان نے حال ہی میںایک تقریب میں کسی کے سوال کا جواب دیتے ہوئے کہا ہے کہ میں نے شاہ رخ خان کیساتھ کام کیا اور دیکھا کہ وہ ڈانس کی ریہرسل کے بغیر ڈانس کے سٹیپس ا س طر ح اٹھاتے ہیں کہ کوئی بھی حیران رہ جائے اور میں بھی حیران رہ جاتی تھی اور سوچتی تھی کہ بھئی ہم پانچ دن سے ریہرسل کررہے ہیں اور یہ آتے ہی ڈانس کرنا شروع ہو گئے ہیں اور بغیر ریہرسل کے اتنا زبردست ڈانس کررہے ہیں ۔ماہرہ خان نے کہا کہ اس طرح کی پریکٹس میں نے یہاں کسی کی نہیں دیکھی لیکن فہد مصطفی میں یہ چیز دیکھی اوران کا اس طرح کرنا مجھے شاہ رخ خان کی یاد دلاتا تھا ۔ماہرہ خان اور فہد مصطفی کی فلم ”قائداعظم زندہ باز“ عید الاضحی پر ریلیز کی جا رہی ہے اس میں دونوں پہلی بار ایک ساتھ نظر آرہے ہیں فلم کا ٹریلر لانچ ہو چکا ہے جو کہ کافی دلچپسپ ہے فلم سے کافی امیدیں کی جا رہی ہیں۔

یاد رہے کہ ماہرہ خان نے شاہ رخ خان کی فلم رئیس میں کام کیا تھا،شاہ رخ خان نے ماہرہ خان کا کام دیکھتے ہوئے انہیں اپنی فلم کی آفر کی جسے ماہرہ نے قبول کر لیا ۔رئیس میں ماہرہ خان کو شاہ رخ خان کے ساتھ ڈانس کرتے ہوئے دیکھا جا سکتا ہے۔ماہرہ اور شاہ رخ خان کی جوڑی کو کافی سراہا گیا تھا ۔

اداکار و پرڈیوسر فہد مصطفی نے ڈاکٹر عامر لیاقت کے انتقال پر گہرے رنج کا اظہار کرتے ہوئے کہا کہ آئیڈیا نہیں تھا کہ عامر لیاقت اتنی جلد ی چلے جائیں گے اور ہمیں یہ دن بھی دیکھنا پڑے گاکہ جب ہم کہیں گے کہ عامر لیاقت ہم میں نہیں رہے ۔فہد مصطفی نے مزید کہا کہ میں کیا ہر کوئی عامر لیاقت حسین کا پرستار رہا ہے ۔ہم نے جب میزبانی کا کیرئیر شروع نہیں کیا تھا تو جو اس شعبے میں سب سے زیادہ نام کما رہا تھا وہ تھا عامر لیاقت ۔ عامر لیاقت کو دیکھ دیکھ کر ہم نے میزبانیسیکھی اور ان کو شوز کی میزبانی سے جتنی شہر ت ملی اسکی کہیں کوئی مثال نہیں ہے ۔ہم جیسے لوگ انہیں میزبانی کے شعبے میں فالو کرنا چاہتے تھے اور ہم نے کیا بھی ۔مجھے یہ کہنے میں بالکل بھی شرم نہیں ہے کہ وہ ہم سب کے لئے مثال تھے ۔

یاد رہے کہ ڈاکٹر عامر لیاقت حسین گزشتہ روز اپنے کمرے میں تشویشناک حالت میں پائے گئے ان کو ہستپال لیجایا گیا تو وہ دنیا سے جا چکے تھے ۔ڈاکٹروں نے ابتدائی معائنہ کرنے کے بعد موت کی تصدیق کی ۔عامر لیاقت گزشتہ کچھ عرصے سے کافی ڈپریشن میں تھے وہ نہ کسی سے مل رہے تھے نہ کسی کے رابطے میں تھے ۔ان کی اہلیہ دانیہ شاہ کے ساتھ معاملات کافی حد تک بگڑ چکے تھے دانیہ نے ان کی کچھ پرائیویٹ وڈیوز سوشل میڈیا پر شئیر کیں جن کے بعد وہ کافی ٹوٹ گئے تھے اس معاملے پر خاموشی اختیار کئے رکھی لیکن مرنے سے پہلے ایک آدھ وڈیوسوشل میڈیا پر لگا کر لوگوں سے انٹریکشن کیا ۔

اداکار فہد مصطفی جن کی فلم ”قائداعظم زندہ باد“ عید الاضحی پر ریلیز ہو نے جا رہی ہے اس میںان کے ساتھ ماہرہ خان ہیں ۔گزشتہ روز جب اس فلم کا ٹریلر جاری کیا گیا تو اس موقع پر فہد مصطفی اور ماہرہ خان کا انٹرویو کیا گیا ۔فہد مصطفی نے وہاں موجود ایک صحافی کے سوال کا جواب دیتے ہوئے کہا کہ میں ماہرہ خان کا شکریہ ادا کرتا ہوں کہ انہوں نے میرے ساتھ کام کیا ہے یقینا وہ شاہ رخ خان کے ساتھ کام کرنے کے بعد میرے لئے کام کررہی ہیں (مسکراتے ہوئے) ۔اس پر اداکارہ ماہرہ خان ہنس پڑیں اور انہوں نے کہا کہ فہد کے ساتھ کام کرنے کا تجربہ بہت اچھا ہے اور امید ہے کہ شائقین ہماری جوڑی کو پسند کریگی ۔

فہد مصطفی نے کہا کہ میں جانتا ہوں کہ میری اور ماہرہ خان کی جوڑی بہت اچھی لگی ہے یہاں تک کہ میری بیوی نے بھی مجھے ایسا کہا ہے کہ ماہرہ خان میرے ساتھ اچھی لگ رہی ہیں ۔فہد نے مزید کہا کہ میرے والد بھی آج مجھے اور اس فلم کی پوری ٹیم کو سپورٹ کرنے کے لئے آئے ہیں ۔ماہرہ خان سے ایک صحافی نے کہا کہ آپ نے شاہ رخ خان کے ساتھ کام کیا اب فہد مصطفی کے ساتھ کام کررہی ہیں کیسا لگ رہا ہے تواس پر ماہرہ سے پہلے فہد مصطفی نے جواب دیا اور ہنستے ہوئے کہا کہ ماہرہ کو کیسا لگا ہو گا بھئی وہ خان ہے میں سندھی ہوں بس ایسا ہی لگا ہو گا ۔
یاد رہے کہ فہد مصطفی کو باکس آفس کنگ کہا جاتا ہے انکی فلم جب بھی سینما گھرکی زینت بنتی ہے چھا جاتی ہے