قصور
پنجاب کابینہ نے لاہور کے ساتھ مذید چار اضلاع میں پتنگ بازی کا سامان تیار کرنے کی اجازت دے دی ہے
لاہور، فیصل آباد، قصور، شیخوپورہ اور ملتان میں اب رجسٹرڈ مینوفیکچررز پتنگ اور ڈور تیار کر سکیں گے لیکن صرف لاہور میں رجسٹرڈ ٹریڈرز کے ذریعے فروخت کی اجازت ہوگی
یہ فیصلہ پنجاب کابینہ نے بسنت کے موقع پر پتنگ بازی کے محفوظ انتظامات کے لئے کیا ہے
اس فیصلے پر عوام میں ملا جلا ردعمل سامنے آیا
کچھ شہریوں نے اسے خوش آئند قرار دیتے ہوئے کہا کہ اس سے کاروبار کو فروغ ملے گا اور نوجوانوں میں مصروفیت بڑھے گی تاہم اکثر لوگوں نے اس اقدام کی مخالفت کی اور کہا کہ پتنگ بازی کے دوران حادثات اور بچوں کی جان کو خطرہ لاحق رہتا ہے لہٰذا اس فعل کو محدود اور سخت نگرانی کے ساتھ ہونا چاہیے
کابینہ کی جانب سے پابندیاں واضح کی گئی ہیں کہ سامان صرف رجسٹرڈ افراد ہی تیار اور فروخت کر سکیں گے اور بسنت کے مقررہ دنوں تک ہی استعمال کی اجازت ہوگی
واضع رہے کہ لاہور، فیصل آباد، قصور، شیخوپورہ اور ملتان میں بسنت منانے کی اجازت نہیں ہے بلکہ اُن اضلاع میں صرف پتنگ بازی کا سامان تیار کرنے کی مشروط اجازت دی گئی ہے جو بعد میں لاہور میں بسنت کے لیے استعمال ہو گا لہذہ ان شہروں کی عوام محتاط رہے
Tag: فیصل آباد
-
قصور،شیخوپروہ،فیصل آباد اور ملتان میں پتنگ سازی کی اجازت،پتنگ بازی ممنوع
-
لاہور اور فیصل آباد ائیر پورٹس پر پرندے جہازوں سے ٹکراگئے
لاہور اور فیصل آباد ائیر پورٹس پر پرندوں کے جہازوں سے ٹکرانے کے دو علیحدہ واقعات پیش آئے ہیں-
ائیرپورٹ ذرائع کے مطابق لاہور ایئرپورٹ پر نجی ائیرلائن کی پرواز جیسے ہی رن وے پر ٹیک آف کی تیاری میں تھی، ایک پرندہ اچانک سامنے سے آ کر طیار ے سے ٹکرا گیا واقعے کے فوراً بعد جہاز کو واپس پارکنگ پر منتقل کر دیا گیا اور انجینئرز نے جہاز کا مکمل معائنہ شروع کر دیا پائلٹ نے ابتدائی بیان میں تصدیق کی کہ پرندہ طیارے کے سامنے سے آ کر ٹکرایا،تاہم جہاز میں تمام مسافر محفوظ رہے۔
دوسری جانب فیصل آباد ایئرپورٹ پر دبئی سے آنے والی پرواز کے انجن سے پرندہ ٹکرا گیا، جس کے باعث انجن میں تکنیکی خرابی پیدا ہوئی پائلٹ نے انتہائی مہارت سے طیارے کو بحفاظت لینڈ کروایا، جبکہ تمام مسافر محفوظ رہے ۔
مون سون بارشوں کا چوتھا اسپل کل سے شروع ہو گا، پی ڈی ایم اے
واضح رہے کہ وزیر اعلیٰ پنجاب مریم نواز کی ہدایت پر ”نو برڈ زون“ کی حدود میں کارروائیاں تیز کر دی گئی ہیں۔ لاہور کے ایئرپورٹس کے گرد 8 کلومیٹر کے دائرے میں وائلڈ لائف، ای پی اے فورس، ضلعی انتظامیہ اور دیگر اداروں نے مشترکہ آپریشنز کا آغاز کر دیا ہے۔ کچرا ہٹانے، پولٹری شاپس کی نگرانی اور گھونسلے و پرندو ں کے ڈبے ہٹانے جیسے اقدامات کیے جا رہے ہیں، اب تک شالامار باغ، بھٹہ چوک، آر اے بازار، گیریژن گالف کلب، الفیصل ٹاؤن، جیل روڈ اور بہار شاہ روڈ سمیت مختلف علاقوں سے سینکڑوں گھونسلے ہٹائے جا چکے ہیں جبکہ درجنوں شہریوں کو جرمانے اور گرفتار بھی کیا گیا ہے۔
پاک فضائیہ کے طیارے برطانیہ میں رائل انٹرنیشنل ایئر ٹیٹو شو میں چھا گئے، عالمی اعزاز جیت لیے
-
حوالدار محمد نوید شہید فیصل آباد میں مکمل فوجی اعزاز کے ساتھ سپردخاک
فیصل آباد سے تعلق رکھنے والے پاک فوج کے بہادر سپوت حوالدار محمد نوید شہید کو فیصل آباد میں مکمل فوجی اعزاز کے ساتھ سپردخاک کردیا گیا۔
شہید حوالدار محمد نوید معرکہ حق کے دوران شہادت کے عظیم رتبے پر فائز ہوئے، ان کی نماز جنازہ و تدفین فیصل آباد میں ادا کی گئی جس میں جنرل آفیسر کمانڈنگ سرگودھا سمیت پاک فوج کے سینئر افسران و جوانوں، شہید کے عزیزو اقارب اور عمائدین علاقہ کی بڑی تعداد نے شرکت کی۔
شہید کی نماز جنازہ میں شرکت کرنے والوں نے حوالدار محمد نوید شہید کو خراجِ تحسین بھی پیش کیا، جنرل آفیسر کمانڈنگ نے حوالدار محمد نوید شہید کے لواحقین سے اظہارِ تعزیت کیا اور شہید کی بہادری کو سراہا۔
اس موقع پر شہید کے لواحقین کا کہنا تھا کہ وطن کی حرمت پر 1 تو کیا اگر 10 بیٹے بھی ہوں تو وہ بھی قربان کر دیتے ہماری افواج دشمن کے خلاف سیسہ پلائی دیوار کی طرح کھڑی ہیں، عوام اور افواج پاکستان ساتھ ساتھ ہیں۔
-
فیصل آباد میں ٹریفک حادثہ، ایک ہی خاندان کے 8 افراد جاں بحق
فیصل آباد کے علاقے جڑانوالہ میں مسافر بس اور رکشہ میں تصادم کے نتیجے میں 8 افراد جاں بحق ہوگئے۔
باغی ٹی وی کے مطابق جڑانوالہ لاہور روڈ پر مسافر بس اور رکشہ میں تصادم ہوا ہے۔ حادثہ تیز رفتاری کے باعث پیش آیا۔ اطلاعات کے مطابق پانچ افراد موقع پر جبکہ تین افراد اسپتال میں دوران علاج جاں بحق ہو ئے، حادثے میں جاں بحق ہونے والوں کا تعلق ایک ہی خاندان سے تھا.جاں بحق ہونے والوں میں 14 سالہ مسکان ، 15 سالہ ایمان ، 12 سالہ فیضان اور دس سالہ نعمان، 12 سالہ حمزہ ، 14 سالہ علی زین ، 35 سالہ شازیہ ، 15 سالہ حمیرا ، 18 سالہ آمنہ ، 26 سالہ ساجد اور 35 سالہ ممتاز بی بی شامل ہیں، حادثے میں متعدد زخمیوں کی حالت تشویش ناک بتائی جارہی ہے ، زخمیوں کو ہسپتال منتقل کردیا گیا۔ریسکیو حکام کے مطابق بس اور رکشہ میں تصادم کے بعد رکشہ بس کے نیچے آگیا۔
وزیر اعلی پنجاب مریم نواز کا دکھ و رنج کا اظہار
وزیر اعلی مریم نواز شریف نے جڑانوالہ ٹریفک حادثہ میں قیمتی انسانی جانوں کے ضیاع پر گہرے دکھ و رنج کا اظہار کیا۔انہوں نے سوگوار خاندانوں سے دلی ہمدردی و اظہار تعزیت بھی کیا۔وزیر اعلی مریم نواز شریف نے زخمیوں کو بہترین طبی سہولتیں فراہم کرنے کا حکم دیا۔پنجاب میں نوجوانوں کے لیے نئے پروگرام شروع کرنے کا فیصلہ
علی امین گنڈاپور اورتیمورجھگڑامیں اختلافات سامنے آگئے
سعودی دارالحکومت میں زیرِ زمین سڑکیں بنانے کا منصوبہ
-
فیصل آباد،مسافر وین اور کار کی ٹکر، 26 افراد زخمی
فیصل آباد کے علاقے تاندلیانوالا میں اوکاڑہ روڈ پرمسافروین کارسے ٹکراکراُلٹ گئی، حادثے میں خواتین اوربچوں سمیت 26 افراد زخمی ہوئے.
میڈیا رپورٹس کے مطابق تاندلیانوالہ میں اوکاڑہ روڈ پر تیز رفتار مسافر وین کار سے ٹکرا کر الٹ گئی۔ جس کے نتیجے میں وین میں سوار 26 مسافر زخمی ہوگئے، جن میں خواتین اور بچے بھی شامل ہیں۔ریسکیو اہلکاروں نے موقعہ پر پہنچ کر معمولی زخمیوں کو ابتدائی طبی امداد دی اور دو خواتین سمیت 13 شدید زخمی مسافروں کو تحصیل ہیڈ کوارٹر اسپتال تاندلیانوالہ منتقل کر دیا۔ریسکیو ذرائع کے مطابق مسافر وین فیصل آباد سے اوکاڑہ جارہی تھی۔ اور حادثہ تیز رفتاری کے باعث پیش آیا ہے۔
دوسری جانب لاہورموٹروے پر حادثے میں جاں بحق ہونے والی دو لڑکیوں کی تاحال شناخت نہیں ہو سکی۔گزشتہ روز موٹروے پر ٹھوکر نیاز بیگ کے قریب پیدل سڑک عبور کرتے ہوئے دونوں لڑکیاں نامعلوم گاڑی کی زد میں آکر زخمی ہوگئی تھیں۔موٹروے پولیس کے مطابق حادثے میں زخمی ہونے والی لڑکیوں کو فوری طبی امداد کے لیے جناح ہسپتال منتقل کیا گیا تاہم وہ زخموں کی تاب نہ لاتے ہوئے دم توڑ گئیں۔
ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار
کراچی میں کل سے گرمی کی شدت میں اضافے کا امکان
-
لڑکی بن کر دوستی، فحش ویڈیوزبنوانے والاگینگ بے نقاب
فیصل آباد میں ایف آئی اے سائبر کرائم کی کارروائی، لڑکی بن کر عمر رسیدہ امیر لوگوں کو لوٹنے والا گینگ بے نقاب،ملزمان خواتین کے نام سے سوشل میڈیا اکاؤنٹس بنا کر عمر رسیدہ لوگوں سے دوستیاں کرتے۔
باغی ٹی وی کے مطابق فیصل آباد: ملزمان لڑکی کی آواز میں ان افراد سے ویڈیو کالز پر فحش ویڈیوز بنواتے تھے، پھر گینگ کے دوسرے 2 ممبر ایف آئی اے کے ملازم بن کر ان عمر رسیدہ افراد کو ویڈیوز سے بلیک میل کرتے، اس گینگ نے اب تک مختلف افراد سے لاکھوں روپے لوٹ لیے ہیں۔ایف آئی اے نے مرکزی ملزم خاور عباس کو بھکر سے گرفتار کر لیا، ایف آئی اے سب انسکپٹر عامر سلطان کا کہنا تھا دیگر ملزمان کی گرفتاری کے لئے چھاپے مارے جارہے ہیں، ملزمان کے خلاف مقدمہ درج کر لیا گیا ہے، دیگر ساتھیوں کو جلد گرفتار کر لیں گے۔
حکومتی دعوے کھوکھلے،بجلی تقسیم کارکمپنیوں کے نقصانات میں اضافہ
ویسٹ انڈیز کے خلاف پہلے ٹیسٹ کے لیے قومی ٹیم کا اعلان
کراچی کے نوجوانوں کیلئے ترقی کے راستے روکے جارہے ہیں، حافظ نعیم
-
فیصل آباد،گاڑیوں کا ناقص معیار،حادثے میں کارمکمل تباہ
پاکستان میں آج ایک دل دہلا دینے والا واقعہ پیش آیا جس میں چھ افراد اپنی جان سے ہاتھ دھو بیٹھے۔ اس سانحے کی اصل وجہ گاڑی کا ناقص معیار بتائی جا رہی ہے، جس پر عوامی حلقوں میں شدید تشویش اور غم و غصہ پایا جا رہا ہے۔
تاندلیانوالہ کے قریب دھند کے باعث پیش آنے والے ایک خوفناک حادثے میں 6 افراد جاں بحق اور 3 شدید زخمی ہو گئے۔یہ واقعہ تاندلیانوالہ کے علاقے میں پیش آیا، جہاں لاہور سے آنے والی ایک کار گنے سے لدی ٹرالی سے ٹکرا گئی۔ حادثے میں جاں بحق ہونے والوں میں ایک خاتون اور اس کے چار بچے شامل ہیں۔پولیس ترجمان کے مطابق، لاہور سے تاندلیانوالہ کی طرف آنے والی ایک کار میں خواتین، بچے اور ایک مرد سوار تھے۔ شدید دھند کی وجہ سے گاڑی کا ڈرائیور ٹرالی کو نہ دیکھ سکا اور یہ حادثہ پیش آیا۔ کار گنے سے لدی ٹرالی سے ٹکرا گئی جس کے نتیجے میں کار میں سوار ایک خاتون رابعہ بی بی اور اس کی بیٹیاں 13 سالہ فجر، 11 سالہ عمامہ، 6 سالہ یحییٰ، 1 سالہ موسیٰ اور رشتہ دار بچہ 1 سالہ رئیس موقع پر ہی جاں بحق ہو گئے۔پولیس حکام کے مطابق، حادثے کے بعد گنے والی ٹرالی کا ڈرائیور موقع سے فرار ہو گیا۔ پولیس نے بتایا کہ ٹرالی ڈرائیور کی تلاش جاری ہے اور اس کی گرفتاری کے لیے کارروائیاں کی جا رہی ہیں۔
حادثے کے بعد حادثے کا شکار ہونے والی کار کی تصویر منظر عام پر آئی ہے،کار مکمل طور پر تباہ ہو چکی ہے، سوشل میڈیا پر اس سانحے کے بعد پاکستانی شہریوں نے وزیر اعظم پاکستان، شہباز شریف اور وفاقی وزیر برائے صنعت و پیداوار رانا تنویر حسین سے فوری نوٹس لینے کی اپیل کی ہے۔ لوگوں کا کہنا ہے کہ اگر گاڑیوں کی معیار میں بہتری نہ لائی گئی تو ایسے سانحات میں مزید اضافہ ہو سکتا ہے۔رپورٹس کے مطابق، گاڑی کے خراب معیار اور حفاظتی تدابیر میں کمی کی وجہ سے اس طرح کے حادثات بڑھ رہے ہیں۔ خاص طور پر مقامی خودروساز کمپنیوں پر تنقید کی جا رہی ہے کہ وہ عوام کی حفاظت کو نظر انداز کرتے ہوئے معیاری گاڑیاں تیار نہیں کر رہی ہیں۔اس سانحے کے بعد مختلف سوشل میڈیا پلیٹ فارمز پر عوامی مطالبات سامنے آ رہے ہیں کہ حکومت فوری طور پر خودروسازی کی صنعت میں اصلاحات کرے اور گاڑیوں کے معیار کو بہتر بنانے کے لئے سخت قوانین بنائے۔
شہریوں کا کہنا ہے کہ گاڑیاں بنانے والی کمپنیوں کو عوام کی زندگیوں کی قیمت پر منافع کمانے کی اجازت نہیں ہونی چاہیے۔ حکومت سے یہ بھی مطالبہ کیا جا رہا ہے کہ وہ اس طرح کے واقعات کی روک تھام کے لیے سخت حفاظتی معیارات متعارف کرائے اور معیاری گاڑیوں کی تیاری کو فروغ دے۔عوامی حلقوں کا یہ بھی مطالبہ ہے کہ حکومت گاڑیوں کے معیار کی نگرانی کے لیے ایک مستقل کمیٹی تشکیل دے تاکہ اس طرح کے واقعات کی روک تھام کی جا سکے اور عوام کی حفاظت کو یقینی بنایا جا سکے۔
-
فیصل آباد،پیزا ڈکیتی کی چوتھی واردات،پولیس بے بس
فیصل آباد: شہر میں پیزے کے شوقین ڈاکوؤں نے ایک اور ڈلیوری بوائے کو نشانہ بنایا اور اس سے پیزا چھین لیا۔
یہ واقعہ گزشتہ دنوں تھانہ مدینہ ٹاؤن کے علاقے میں پیش آیا جہاں دو موٹرسائیکل سوار ڈاکوؤں نے پیزا ڈلیوری بوائے کو لوٹ لیا۔ ڈاکوؤں نے نہ صرف پیزا اور پیزا بیگ چھینے بلکہ موبائل فون اور نقدی بھی لوٹ لی،پولیس کے مطابق واردات کی تفصیلات فراہم کرتے ہوئے بتایا گیا کہ پیزا ڈلیوری بوائے، امان اللہ، نے اپنے بیان میں کہا کہ دو ڈاکو موٹرسائیکل پر آئے اور ان سے پیزا، پیزا بیگ، موبائل فون اور تین ہزار روپے چھین کر فرار ہو گئے۔ پولیس نے فوری طور پر مقدمہ درج کر لیا ہے اور ملزمان کی تلاش شروع کر دی ہے۔
یہ واقعہ فیصل آباد میں گزشتہ ڈیڑھ ماہ کے دوران پیزا خور ڈاکوؤں کی چوتھی واردات ہے۔ اس سے قبل تھانہ صدر اور مدینہ ٹاؤن کے علاقوں میں بھی اسی نوعیت کی تین وارداتیں ہو چکی ہیں جن میں ڈاکوؤں نے پیزا ڈلیوری بوائز سے پیزا، نقدی اور موبائل چھینے تھے۔ اس کے باوجود پولیس ابھی تک ان ملزمان کو گرفتار کرنے میں ناکام رہی ہے۔
پیزا خور ڈاکوؤں کے خلاف پولیس کی کارکردگی پر سوالات اٹھنے لگے ہیں۔ شہریوں کا کہنا ہے کہ پولیس کی جانب سے ملزمان کی گرفتاری کے لیے خاطر خواہ اقدامات نہیں کیے جا رہے، جس کی وجہ سے ڈاکو مزید وارداتوں کو انجام دے رہے ہیں۔ شہریوں کا مطالبہ ہے کہ پولیس اس گینگ کو پکڑنے کے لیے فوری طور پر مؤثر حکمت عملی اپنائے۔یہ سلسلہ مسلسل بڑھ رہا ہے جس کی وجہ سے پیزا ڈلیوری بوائز کی حفاظت بھی ایک سنگین مسئلہ بن گئی ہے۔ شہریوں نے پولیس سے درخواست کی ہے کہ وہ پیزا ڈلیوری بوائز کی حفاظت کے لئے فوری طور پر اضافی سیکیورٹی فراہم کرے تاکہ ایسے واقعات کی روک تھام کی جا سکے۔فیصل آباد میں پیزا خور ڈاکوؤں کی بڑھتی ہوئی وارداتیں شہریوں میں خوف و ہراس پیدا کر رہی ہیں۔ پولیس کے لئے یہ ایک چیلنج بن چکا ہے اور امید کی جا رہی ہے کہ پولیس جلد ملزمان کو گرفتار کر کے شہریوں کے تحفظ کو یقینی بنائے گی۔
یونان کشتی حادثہ،زندہ بچ جانے والے پاکستانیوں کی داستان
حکومت واپوزیشن عوامی مسائل پر توجہ دیں ،خالد مسعود سندھو
سرکاری اسپتالوں سے چوری کی گئی لاکھوں روپے مالیت کی ادویات برآمد
-
فیصل آباد کی ٹیکسٹائل انڈسٹری میں ہنر مند افرادی قوت کی کمی
پاکستان کے ٹیکسٹائل مرکز فیصل آباد کو ہنر مند کارکنوں کی کمی کا سامنا ہے جس سے اس کی ترقی کی صلاحیت متاثر ہو رہی ہے.
میڈیا رپورٹس کے مطابق ایک سرکاری یونیورسٹی کے استاد ڈاکٹر شاہد نے بتایا کہ جب تکنیکی اور پیشہ ورانہ تعلیم کے ادارے صحیح ہنر سکھانے کی بات کرتے ہیں تو وہ توقعات پر پورا نہیں اترے یہ ہنر مند افرادی قوت کے مسئلے کو حل کرنے میں ایک بڑی رکاوٹ ہے.انہوں نے کہا کہ تعلیمی اداروں میں پڑھایا جانے والا نصاب اکثر پرانا ہوتا ہے تعلیمی اداروں کے ساتھ صنعتی روابط بڑھانے کے بغیر ہم کھو رہے ہیں انہوں نے کہا کہ مہارت کی ترقی کے لیے ناکافی پالیسی سپورٹ اور پبلک فنانسنگ بھی صورتحال کو مزید خراب کر رہی ہے ہمارے پیشہ ورانہ اداروں میں جدید تعلیمی اداروں کے مقابلے میں جدید ترین تربیتی آلات کی کمی ہے ہمیں اپنے اصولوں اور اقدار کو بہتر بنانا ہوگا کیونکہ ہمارے معاشرے میں بلیو کالر تکنیکی کیریئر کے خلاف عمومی تعصب ہے اس کا مطلب ہے کہ لوگ ان ملازمتوں کو کم اہمیت دیتے ہیں جن میں ہاتھ سے کام یا تکنیکی مہارتیں شامل ہوتی ہیں، جیسے مکینکس، الیکٹریشن یا دیگر ہنر مند تجارت ہیں.انہوں نے کہا کہ یونیورسٹی کی ڈگریوں کو زیادہ عزت اور وقار دیا جاتا ہے چاہے ان کا براہ راست صنعت کی ضروریات سے کوئی تعلق نہ ہو جس سے زیادہ تر لوگ یونیورسٹی کی تعلیم کی طرف راغب ہوتے ہیں حالانکہ بہت سی تکنیکی ملازمتیں اچھی تنخواہ اور مستحکم کیریئر کے مواقع فراہم کرتی ہیں انہوں نے کہا کہ یہ تعصب نہ صرف ان لوگوں کے لیے نقصان دہ ہے جو تکنیکی شعبوں میں کام کرنا چاہتے ہیں بلکہ پاکستان کی معیشت کے لیے بھی نقصان دہ ہے ہنرمند کارکنوں کی کمی صنعتی ترقی میں رکاوٹ بن سکتی ہے اور پالیسی سازوں اور عوام کے لیے یہ ضروری ہے کہ وہ بلیو کالر ملازمتوں کی قدر کو پہچانیں اور انہیں یونیورسٹی کی ڈگریوں کے برابر احترام دیں.فیصل آباد چیمبر آف کامرس اینڈ انڈسٹری کے رکن سہیل ملک کا کہنا تھا کہ وہ کئی دہائیوں سے تعلیمی اداروں اور صنعت کے درمیان خلیج کو ختم کرنے کے لیے ڈھول پیٹ رہے ہیں لیکن اس کا کوئی اثر نہیں ہوا انہوں نے کہا کہ سکل گیپ ٹیکسٹائل انڈسٹری کے لیے ایک بڑی تشویش ہے. انہوں نے کہا کہ صنعت کاروں کو تکنیکی ماہرین، انجینئرز اور مشین آپریٹرز تلاش کرنے کے لیے جدوجہد کرنی پڑتی ہے کیونکہ ان کا کردار اعلی پیداواری اور کارکردگی کی سطح کو برقرار رکھنے کے لیے اہم ہے صنعت کاروں کو پیداواریت اور کارکردگی کی قیمت پر کم اہل امیدواروں کی خدمات حاصل کرنے کے لیے تصفیہ کرنا پڑتا ہے انہوں نے کہا کہ کاروبار کی بے لگام ترقی کے لیے صحیح ٹیلنٹ کی دستیابی ضروری ہے انہوں نے کہا کہ بے لگام مہنگائی کی وجہ سے صنعتکار مہنگے اندرون ملک تربیتی پروگرام شروع نہیں کر سکتے ایک ٹیکنیکل اور ووکیشنل ٹریننگ انسٹی ٹیوٹ کے استاد احمد ریاض نے نوکری کے لیے تیار گریجویٹس پیدا کرنے میں بڑے چیلنجز کو اجاگر کرتے ہوئے بتایا کہ ضلع کا پیشہ ورانہ تربیتی نظام متعدد ساختی چیلنجوں سے دوچار ہے.ان چیلنجوں کی وضاحت کرتے ہوئے انہوں نے کہا کہ ادارے ایسے ہنر سکھا رہے ہیں جو صنعتوں کی ضروریات کو پورا کرنے کے وقت اپنے نشان سے محروم رہے ان اداروں میں نصب آلات پرانے ہیں اور نصاب میں بھی سنجیدہ تبدیلی کی ضرورت ہے تکنیکی ترقی کو اپنائے بغیرہم صنعت کے لیے ایک موثر افرادی قوت پیدا نہیں کر سکتے انہوں نے پالیسی سازوں پر زور دیا کہ وہ صنعت کی مستقبل کی ضروریات کو پورا کرنے کے لیے نوجوانوں کا پروگرام شروع کریں.
گھر سے ایک کروڑ 80 لاکھ مالیت کے زیورات چوری کرنیوالی ملازمہ گرفتار
-
فیصل آباد : اسپتال کے ملازم کی مریضہ کو نشہ آور انجیکشن لگاکر زیادتی،وزیراعلیٰ پنجاب کا نوٹس
فیصل آباد کے الائیڈ اسپتال کے ملازم نے 14 سالہ مریضہ کو مبینہ طور پر نشہ آور انجکشن لگا کر زیادتی کا نشانہ بنا ڈالا۔
باغی ٹی وی : پولیس کے مطابق واقعہ 3 روز قبل پیش آیا جب افغان آباد کی رہائشی خاتون کی 14 سالہ بیٹی بیمار تھی جس کے ٹیسٹ کروانے کے بہانے اسپتال کے ملازم احسان عرف احسن نے انہیں ہسپتال بلایا، ملزم احسان والدہ کو وارڈ کے باہر بٹھا کر اس کی 14 سالہ بیمار بیٹی کو ٹیسٹ کروانے کے بہانے لیبر روم کی طرف لے گیا اور مبینہ طور پر اسے نشہ آور انجکشن لگا کر بے ہوش کر کے زیادتی کا نشانہ بنادیا اور لڑکی کو چھوڑ کر خود فرار ہو گیا،متاثرہ لڑکی کی والدہ کی درخواست پر مقدمہ درج کر کے مزید قانونی کارروائی شروع کر دی ہے۔
دوسری جانب وزیر اعلیٰ پنجاب مریم نواز نے فیصل آبادالائیڈ ہسپتال میں 14 سالہ لڑکی سے مبینہ زیادتی کے واقعہ کا نوٹس لے لیا ہے، وزیر اعلیٰ مریم نواز شریف نے انسپکٹر جنرل پولیس سے رپورٹ طلب کر لی ہے۔
حکومت کا اضافی قرضوں پر ملک کے انحصار کو کم کرنے کا فیصلہ
تونسہ: 10 کروڑ روپے سے زائد مالیت کا نایاب نسل کا عقاب برآمد ،ملزم …
حزب اللہ کا جوابی وار،اسرائیل پر میزائل حملے،فوجی اڈہ نشانہ،یہودی چھپنے پر مجبور