چیئرپرسن چائلڈ پروٹیکشن بیورو سارہ احمد کا فیصل آباد میں13 سالہ بچے پر تشدد کے واقعہ کا نوٹس۔
چیئرپرسن سارہ احمد نے چائلڈ پروٹیکشن بیورو فیصل آباد کی ٹیم کو بچے کو تحویل میں لینے کی ہدایت دی۔ فیصل آباد میں 13 سالہ بچے کو والد نے تشدد کا نشانہ بنایا۔والد نے تشدد کے بعد کھیتوں میں پھینک دیا۔
بچے کے گھٹنے اور ٹانگیں شدید زخمی ہیں۔ بچے کو ہسپتال میں منتقل کیا جا رہا ہے اور میڈیکل کے بعد مقدمہ درج کروایا جائے گا۔
Tag: فیصل آباد
-
فیصل آباد میں 13 سالہ بچے کو والد نے تشدد کا نشانہ بنایا،چیئرپرسن چائلڈ پروٹیکشن بیورو سارہ احمد
-
حکومت اپنے وعدے پورے کرنے میں ناکام، سرکاری ملازمین کے بعد صحافتی تحریک کا اعلان
فیصل آباد یونین آف جرنلسٹس کی اسلام آباد میں سرکاری ملازمین پر ریاستی طاقت کے استعمال کی مذمت
ایف یو جے کا کہنا تھا کہ موجودہ حکومت ایک فاشسٹ حکومت ہے جو ڈنڈے کے زور پر تمام مسائل حل کرنا چاہتی ہے- صحافی بھی جلد اسلام آباد کا رخ کرنے والے ہیں حکومت پہلے ہی مطالبات تسلیم کرلے-فیصل آباد یونین آف جرنلسٹس نے اسلام آباد میں اپنے مطالبات کی منظوری کے لیے احتجاج کرنے والے سرکاری ملازمین پر ریاستی طاقت کے استعمال کی سخت الفاظ میں شدید مذمت کی ہے اور حکومت سے مطالبہ کیا ہے کہ وہ فوری طور پر گرفتار ملازمین کو رہا کرے اور ان کے تمام مطالبات تسلیم کیے جائیں۔ فیصل آباد یونین آف جرنلسٹس کے صدر ندیم جاوید، جنرل سیکریٹری آصف غفار، دیگر عہدیداران عاطف چوہدری، معظم رندھاوا ، منظور عالم، راؤ نعیم ، ثناء رؤف ، پی ایف یو جے کے اسسٹنٹ سیکرٹری حامد یاسین، ممبران ایف ای سی نور الامین، جاوید صدیقی سمیت مجلس عاملہ کے تمام اراکین کی جانب سے جاری ایک بیان میں کہا گیا ہے کہ اسلام آباد میں سرکاری ملازمین پر جس انداز سے ریاستی طاقت کا استعمال کیا گیا ہے وہ اس بات کا ثبوت ہے کہ موجودہ حکومت ایک فاشسٹ حکومت ہے جو تمام مسائل ڈنڈے کے زور پر حل کرنا چاہتی ہے-
موجودہ حکومت کے قیام سے اب تک اس ملک کے مزدور طبقے کو صرف جبری برطرفیاں، تنخواہوں کی عدم ادائیگی اور کٹوتی جیسے تحفے ملے ہیں جس میں میڈیا ورکرز بھی شامل ہیں۔ موجودہ حکومت اپنا ایک بھی وعدہ پورا کرنے میں ناکام ہے اور جب اسے وعدے یاد دلانے کی کوشش کی جارہی ہے تو وہ طاقت کا اندھا استعمال کررہی ہے۔ فیصل آباد یونین آف جرنلسٹس نے سرکاری ملازمین کے احتجاج کی مکمل حمایت کرتے ہوئے کہا ہے کہ ملک میں مزدوروں کی کوئی بھی تحریک ہو ایف یو جے نے ہمیشہ اس کی حمایت کی ہے اور آئندہ بھی کرتی رہے گی۔ انہوں نے حکومت کو یاد دلایا ہے کہ ملک کی صحافی برادری بھی جلد اسلام آباد کا رخ کرنے والی ہے مارچ کے آخری ہفتے میں کوئٹہ سے ملک گیر صحافی تحریک کا آغاز ہوگا اور ملک بھر کے صحافی اپریل کے ہہلے ہفتے میں اسلام آباد پہنچ کر اپنے مطالبات کی منظوری کے لیے پارلیمنٹ ہاوس کے باہر دھرنا دیں گے حکومت اگر اس وقت کسی ہزیمت سے بچنا چاہتی ہے اس سے پہلے ہی پی ایف یو جے کے مطالبات منظور کرلے۔
-
اوکاڑہ: تھانہ صدرگوگیرہ کی پولیس کا وحشیانہ تشدد، ملزم جان کی بازی ہار گیا۔ ورثا کا سخت احتجاج
اوکاڑہ(علی حسین) اوکاڑہ کے نواحی علاقے صدرگوگیرہ پولیس تھانہ میں ڈکیتی کے مقدمے کی بابت لائے گئے ملزم تصور کو پولیس نے انسانیت سوز تشدد کا نشانہ بنا ڈالا۔ تصور کے ورثاء نے باغی ٹی وی کو بتایا ہے کہ تصور کو دس روز قبل تھانہ گوگیرہ کی پولیس نے پکڑا اور اسے وحشیانہ تشدد کا نشانہ بنایا جسکی وجہ سے وہ شدید زخمی ہوگیا۔ مضروب کی نازک حالت کی بنا پر اسے لاہور کے ایک ہسپتال میں ریفر کیا گیا جہاں وہ دس روز زیر علاج رہنے کے بعد زخموں کی تاب نہ لاتے ہوئے دم توڑ گیا۔ متوفی کے ورثاء نے اوکاڑہ فیصل آباد روڈ بلاک کرکے احتجاج ریکارڈ کرایا ہے۔ ڈی پی او اوکاڑہ عمرسعید ملک نے واقعہ کا فوری نوٹس لیتے ہوئے تھانہ گوگیرہ کے ایس ایچ او کا فی الفور تبادلہ کردیا ہے۔ باغی ٹی وی کو انٹرویو دیتے ہوئے عمرسعید ملک نے کہا ہے کہ واقعہ کی شفاف تحقیقات کی جائیں گی اور واقعے کے حقیقی محرک کو قرار واقعی سزا دی جائیگی۔
-
اوکاڑہ: صدرگوگیرہ میں نوجوان کو برہنہ کرکے تشدد کا نشانہ بنایا گیا۔ مرکزی ملزم گرفتار
اوکاڑہ(علی حسین) تھانہ گوگیرہ کی حدود میں چند بااثر افراد نے ایک نوجوان کو درخت سے باندھ کر تشدد کا نشانہ بنایا۔ ملزمان نوجوان کو برہنہ کرکے کئی دیر تک تشدد کا نشانہ بناتے رہے۔ گوگیرہ پولیس نے وقوعہ کے مرکزی ملزم لیاقت کو گرفتار کرکے مقدمہ درج کرلیا ہے۔ ڈی پی او اوکاڑہ عمرسعیدملک نے واقعہ کا نوٹس لیتے ہوئے کہا ہے کہ ملزمان کو سخت سزا دلوائی جائیگی۔
-
اوکاڑہ میں ڈاکٹر نے کم عمر بچے کو بدفعلی کا نشانہ بنا ڈالا۔ ملزم گرفتار
اوکاڑہ(علی حسین) ڈاکٹر نے کم عمر بچے کو بدفعلی کا نشانہ بناڈالا۔ 6 نمبر چونگی اوکاڑہ سٹی میں ڈاکٹر حسن وٹو نے اپنے کلینک کے کم عمر ملازم نعمان کو زبردستی بدفعلی کا نشانہ بنا ڈالا۔ بچے کے والد کی مدعیت پر پولیس نے ملزم کو گرفتار کرکے مقدمہ درج کرلیا ہے۔
-
صدرگوگیرہ میں ٹاؤن کمیٹی دفتر کی منظوری دیدی گئی
اوکاڑہ(علی حسین) پی ٹی آئی رہنما چوہدری ارسلان گلزار بھٹی نےباغی ٹی وی کو بتایا ہے کہ صوبائی حکومت نے ٹاؤن کمیٹی صدر گوگیرہ کے دفتر کی تعمیر کی منظوری دیدی ہے۔یہ دفتر محکمہ لائیوسٹاک کی شہر میں خالی جگہ پر تعمیر ہوگا۔ یہ جگہ ساٹھ سال سے خالی پڑی ہوئی تھی، جس کا بہترین مصروف اب نظر آیا ہے۔ واضع رہے کہ ٹاؤن کمیٹی کا موجودہ دفتر ایک عارضی اور محدود جگہ پر قائم ہے ۔
-
اوکاڑہ: صدرگوگیرہ کے نواحی قصبے فتح پور میں نامعلوم چور کروڑوں روپے مالیت کا سامان چوری کرکے فرار
اوکاڑہ(علی حسین) گوگیرہ کے نواحی قصبہ فتح پور میںچوری کی بڑی واردات ۔ چور مجموعی طور پراکیاسی لاکھ پچیس ہزار کے زیورات و نقدی چوری کرنے میں کامیاب ہو گئے۔تفصیلات کے مطابق گزشتہ رات گوگیرہ کے نواحی قصبہ فتح پور شریف میں رواں سال کی سب سے بڑی چوری کی واردات میں مجموعی طور پر 8125000روپے کا مال و زر چرا لیا گیا۔سید ثقلین عابد کاظمی اپنی فیملی کے ساتھ گھر میں سویا ہوا تھا کہ پانچ نامعلوم چور گھر کی دیواریں پھلانگ کر داخل ہو گئے ساتھ والے کمرے کا تالہ توڑکر کمرے میں موجود سیف الماری اور شو کیس کے تالے بھی توڑ کر 38تولہ سونا ، 65000روپے نقدی، 52000سعودی ریال، 12000امریکن ڈالراور دیگر سامان چوری کر کے مین گیٹ کے اندر سے تالہ توڑ کر رات کے اندھیرے میں فرار ہونے میں کامیاب ہو گئے۔صبح نماز کے لئے بیدار ہوئے تو کمرے کا تالہ ٹوٹا ہوا پایا تو پولیس کو اطلاع دی گئی گوگیرہ پولیس اور کرائم سین یونٹ نے موقع پر آ کر شواہد اکھٹے کئے اور نمونے لیبارٹری بجھوا دئیے تا حال پولیس نے چوری کا مقدمہ درج نہ کیا ہے۔
-
اوکاڑہ میں بڑے بھائی نے فائرنگ کرکے اپنے چھوٹے بھائی کو قتل کردیا۔
اوکاڑہ(علی حسین) اوکاڑہ سٹی میں تحصیل روڈ پر ایک بھائی نے فائرنگ کرکے اپنے سگے بھائی کو قتل کردیا۔ تحصیل روڈ ٹھنڈی سڑک پر موجود ریفریشمنٹ پوائنٹ ملا فروٹ چاٹ پر فروٹ چاٹ کھانے آئے تنویر عالم پر اسکے بڑے بھائی نے اچانک آکر فائرنگ شروع کردی۔ جس کیوجہ سے تنویر عالم شدید زخمی ہوگیا۔ حالت نازک ہونیکی بنا پر مضروب کو ڈسٹرکٹ ہسپتال ریفر کیا گیا لیکن وہ زخموں کی تاب نہ لاتے ہوئے جان کی بازی ہار گیا۔ قاتل تاحال فرار ہے۔ قتل کی وجہ فی الحال معلوم نہ ہوسکی۔ پولیس مصروف کاروائی ہے۔
-
اوکاڑہ: صدرگوگیرہ فیصل آباد روڈ پر حادثہ، ایک شخص ہلاک
اوکاڑہ(علی حسین) اوکاڑہ فیصل آباد روڈ پر غلہ منڈی کے قریب ٹریکٹر اور موٹر سائیکل کے تصادم میں ایک شخص محمد امین ولد شعبان قوم بھٹی سکنہ صدرگوگیرہ موقع پر ہلاک ہوگیا۔
-
اوکاڑہ تا چک جھمرہ ون وے سڑک کی تعمیر کے لیے سروے شروع
اوکاڑہ(علی حسین) اوکاڑہ تا چک جھمرہ براستہ نول پلاٹ دو رویہ سڑک کی تعمیر کے لیے سروے شروع کردیا گیا ہے. سروے ٹیم کے مطابق چھ ماہ تک کام شروع کردیا جائے گا. اوکاڑہ فیصل آباد روڈ کے مسافروں میں خوشی کی لہر دوڑ گئی. باغی ٹی وی سے گفتگو کرتے ہوئے کئی افراد نے اس سڑک کی تعمیر شروع کرنے پر نیک خیالات کا اظہار کیا ہے.