Baaghi TV

Tag: قازقستان

  • قازقستان کے صدر نے وزیراعظم کی دورہ پاکستان کی دعوت قبول کرلی

    قازقستان کے صدر نے وزیراعظم کی دورہ پاکستان کی دعوت قبول کرلی

    اسلام آباد: قازقستان کے صدر قاسم جومارت توکائیو نے وزیراعظم شہباز شریف کی جلد دورہ پاکستان کی دعوت قبول کرلی۔

    باغی ٹی وی: وزیراعظم شہبازشریف اور قازقستان کے صدر قاسم جومارت توکائیو کے درمیان ٹیلیفونک رابطہ ہوا ہے، اس دوران انہوں نے قازقستان کے صدر کو عیدالاضحیٰ کی مبارکباد دی اور دونوں ممالک کے عوام کے لیے عید کی مبارکباد اور نیک خواہشات کا تبادلہ بھی ہوا۔

    دونوں رہنماؤں کے درمیان دوطرفہ اور باہمی دلچسپی کےعلاقائی امور پر تبادلہ خیال کیا گیا جبکہ دونوں رہنماؤں نے اپنے دو طرفہ تعلقات کی مثبت رفتار پر اطمینان کا اظہار کیاقازقستان کے صدر نے شہبازشریف کے دوسری بار وزیراعظم منتخب ہونے پُر مسر ت کا اظہار کیا،قاسم جومارت توکائیو نے کہا کہ پاکستان کی سیاسی اور اقتصادی صورتحال کو مضبوط بنانے میں مدد ملے گی۔

    محسن نقوی کو پوری طرح پتہ چل چکا ہےکہ ٹیم میں کیا ہوتا رہا ہے،چوہدری …

    ٹیلی فونک رابطے میں دونوں وزیراعظم شہباز شریف اور قازقستان کے صدر نے دوطرفہ تجارت اور سرمایہ کاری میں وسعت دینے کی مشترکہ خواہش کا اعادہ کیا، اس موقع پر وزیر اعظم شہباز شریف نے کہا کہ دونوں ممالک میں بہتر روابط اقتصادی اور تجارتی تعلقات کے لیے اہم ہیں، وزیراعظم شہبازشریف نے قازقستان کے صدر کو جلد دورہ پاکستان کی دعوت دی ، جس پر انہوں نے وزیراعظم کی دورہ پاکستان کی دعوت قبول کرلی۔

    خوش اور سلامت رہیں، نریندر مودی کی مسلمانوں کو عید الاضحیٰ کی مبارکباد دی

  • پاکستان افغانستان اور سنٹرل ایشیا تجارت میں تاریخ رقم

    پاکستان افغانستان اور سنٹرل ایشیا تجارت میں تاریخ رقم

    سنٹرل ایشیا روٹ پر نیا سنگ میل طے ،پاکستان افغانستان اور سنٹرل ایشیا تجارت میں تاریخ رقم ہو گئی

    قازقستان سے شروع کیے گئے منصوبے سے ٹرک افغانستان کے راستے پاکستان پہنچ گئے ،سفارتی ذرائع کے مطابق قازقستان اور پاکستان کے درمیان پاکستانی کمپنی نیشنل لاجسٹک سیل کے ساتھ ذریعے تجارت روٹ پر کام کرے گی، نیشنل لاجسٹک سیل پاکستان اور قازقستان کے درمیان تجارت کو محفوظ طریقے سے یقینی بنائے گی۔قازقستان سے پاکستان اور واپس جانے والا کارگو 4,000 کلومیٹر کا سفر طے کیا ،

    سنٹرل ایشیا اور پاکستان کے درمیان 4 ہزار کلومیٹر سب سے کم راستہ ہے قازقستان افغانستان کو آٹے اور اناج کی فراہمی کے لیے ازبکستان کے ساتھ مل کر اپنا تعاون بھی بڑھائے گا ،انہوں نے افغانستان کی سمت ترکمانستان کی سرزمین کے ذریعے سامان کی ترسیل پر 30 فیصد رعایت کے معاہدہ ہوچکا ہے وسطی ایشیا، ہندوستان اور خلیج فارس کو ملانے والے پل کے طور پر، افغانستان قازقستان کو پاکستان کی کراچی اور گوادر کی بندرگاہوں کا استعمال ہوگا،قازقستان 3 اگست کو آستانہ میں پہلے قازق-افغان بزنس فورم کی میزبانی بھی کرے گا،اجلاس میں میں پاکستان اور افغانستان کے ساتھ تجارتی اور اقتصادی تعلقات کو فروغ دینے پر توجہ دی جائے گی۔

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

  • قازقستان کی ایس سی اے ٹی ائیر لائنز کی افتتاحی پرواز کی لاہور آمد و روانگی

    قازقستان کی ایس سی اے ٹی ائیر لائنز کی افتتاحی پرواز کی لاہور آمد و روانگی

    قازقستان کی ایس سی اے ٹی ائیر لائنز کی افتتاحی پرواز ہفتے کی شب لاہورعلامہ اقبال انتر نیشنل ائیر پورٹ پہنچی جو مسافروں کو لے کر روانہ ہوگئی۔

    باغی ٹی وی: پاکستان سول ایوی ایشن اتھارٹی کے ترجمان کی طرف سے ہفتہ کو جاری بیان کے مطابق الماتے سے روانہ ہونے والی ایس سی اے ٹی ائیرلائنز کی افتتاحی پرواز ڈی وی 849 نے رات 8 بج کر 10 منٹ پر لاہور کے علامہ اقبال انٹرنیشنل ائیرپورٹ پر لینڈ کیا افتتاحی پرواز رات تقریباً 10 بجے 110 مسافروں اور عملےکے 7 افراد کے ساتھ واپس الماتے روانہ ہوئی۔

    ایس سی اے ٹی ائیر لائنز ہفتہ وار ہر بدھ اور ہفتہ کو پرواز چلائے گی جب کہ ائیر لائن کی جانب سے اس سیکٹر پر بوئنگ 737 میکس 8 طیارے استعمال کیے جا رہے ہیں قازقستان کے سفیر کستافن یرزہان بھی اسی افتتاحی پرواز سے الماتے سے لاہور پہنچے۔

    کراچی میں وقفے وقفے سے بارش کا سلسلہ جاری،مزید بارش کی پیشگوئی

    واضح رہے کہ قبل ازیں اس حوالے سے ٹی ڈی اے پی کے چیف ایگزیکٹو جناب محمد زبیر موتی والا نے قازقستان اور پاکستان کے در میان دو طرفہ تعلقات پر کہا تھاک ہ دونوں قوموں کے درمیان براہ راست ہوائی پرواز کا آغاز ایک اہم تبدیلی لائے گا، جس سے تجارت میں اضافہ، ثقافتی تبادلے اور باہمی مفاہمت کو فروغ ملے گا۔

    تجھ سے سب کچھ کہہ کے بھی کچھ ان کہی رہ جائے گی

    ان کا کہنا تھا کہ قازقستان اور پاکستان کے درمیان براہ راست فضائی راستہٍ تجارتی سرگرمیوں کو بڑھانے اور دوطرفہ تجارت کو فروغ دینے میں اہم کردار ادا کرنے کے لیے تیار ہے نقل و حمل کے آسان اور موثر ذرائع فراہم کرتے ہوئے یہ براہ راست پرواز بلاشبہ دونوں ممالک کے تاجروں، سیاحوں اور سرمایہ کاروں کو نئے مواقع تلاش کرنے، اپنے آپریشنز کو وسعت دینے اور مضبوط اقتصادی تعلقات استوار کرنے کی ترغیب دے گی۔

    نواز شریف کی واپسی کیلئے قانونی مشاورت جاری ہے،عطا تارڑ

    انہوں نے اقتصادی اہمیت کے علاوہ، قازقستان اور پاکستان کے درمیان ثقافتی تبادلے کی اہمیت پر زور دیا۔ براہ راست ہوائی پرواز دونوں ممالک کے لوگوں کے درمیان زیادہ سے زیادہ تعامل میں سہولت فراہم کرے گی، جس سے وہ ایک دوسرے کے متحرک ثقافتی ورثے میں اپنے آپ کومتعارف کرا سکیں گے۔ یہ تبادلہ بلاشبہ دونوں ممالک کے درمیان گہری افہام و تفہیم، تعریف اور دوستی کو فروغ دے گا۔

    9 مئی واقعات میں ملوث ایک اور شرپسند گرفتار

  • قازقستان کے جنگلات میں آگ، مرنے والوں کی تعداد 14 ہوگئی

    قازقستان کے جنگلات میں آگ، مرنے والوں کی تعداد 14 ہوگئی

    قازقستان کے جنگلات میں لگنے والی آگ سے مرنے والوں کی تعداد 14 ہوگئی۔

    باغی ٹی وی: غیر ملکی خبر رساں ادارے کے مطابق شمالی مشرقی قازقستان کے جنگلات میں آگ لگی جس نے دیکھتے ہی دیکھتے بڑے حصے کو اپنی لپیٹ میں لیا حکام کے مطابق آگ خشک اور گرم موسم کی وجہ سے لگی۔

    جوبائیڈن انتظامیہ شیطانی کھیل، کھیل رہی ہے،ڈونلڈ ٹرمپ کا اپنےخلاف فرد جرم پرردعمل


    آگ نے ایک لاکھ 48 ہزار ایکٹر رقبے پر تباہی مچائی جس کے بعد حکومت کی جانب سے ہنگامی حالت کا نفاذ کردیا گیا جبکہ قازقستان کے صدر نے آگ پر بروقت قابو نہ پانے اور کارکردگی دکھانے میں ناکامی پر ملک کے ہنگامی صورتحال کے وزیر کو برطرف بھی کیا۔

    جنگلات میں آگ سے متاثرہ علاقوں میں سرچ آپریشن کے دوران جنگل بچاؤ ٹیم کے تین ملازمین سمیت گیارہ افراد کی لاشیں ملیں، جس کے بعد جاں بحق افراد کی تعداد 14 تک پہنچ گئی ہے۔

    جو بائیڈن نے یو کرینی کمپنی سے بطور رشوت خطیر رقم وصول کی،امریکی میڈیا

    قازقستان کی ہنگامی وزارت نے بتایا کہ قازقستان کے مشرقی ابے ریجن میں جنگلات میں لگنے والی آگ کے نتیجے میں ریسکیو ٹیموں نے مزید گیارہ لاشیں نکال لی ہیں، اس طرح ہلاکتوں کی کل تعداد 14 ہو گئی ہے-

    بیان میں کہا گیا کہ ابے ریجن میں آگ بجھانے کی کوششوں کے لیے کام کرنے والی ٹاسک فورس کے مطابق،سرچ آپریشنز کے دوران گیارہ لاشیں ملی ہیں۔ ان کی شناخت کی جا رہی ہےیاد رہےکہ جنگلاتی ادارے کے تین لاپتہ ملازمین کی لاشیں ملی ہیں۔ اس طرح ہلاکتوں کی تعداد بڑھ گئی ہے۔

    حکام کے مطابق چھ سو سے زائد اہلکار اور چھ ہیلی کاپٹر آگ بجھانے کی کوششوں میں شامل رہے، آگ سے متاثرہ علاقوں سے سیکڑوں افراد کو محفوظ مقام پر منتقل کیا گیا۔

    ایمازون کے جنگلات میں طیارہ حادثہ،4 بچے معجزاتی طور پر 40 دنوں بعد زندہ مل …

  • قازقستان سے لاہور کے لئے فلائٹ آپریشن شروع کرنےکا اعلان

    قازقستان سے لاہور کے لئے فلائٹ آپریشن شروع کرنےکا اعلان

    لاہور :قازقستان سے لاہور کے لئے فلائٹ آپریشن شروع کرنےکا اعلان کر دیا گیا۔

    باغی ٹی وی : تفصیلا ت کے مطابق قازقستانی سکیٹ ایئرلائن کی جولائی میں الماتے سے لاہور کے لیے دوطرفہ پروازیں آپریٹ ہوں گی، پروازوں کا آغاز 8 جولائی سے کیا جائے گا۔

    اسلام آباد اور پنجاب سے فوج واپس بلانے کا فیصلہ

    ذرائع کے مطابق سکیٹ ایئرلائن ہفتہ وار دوطرفہ 2 پروازیں بدھ اور ہفتے کے روز آپریٹ کرے گی، سکیٹ ایئرلائن بوئنگ 737 طیارے استعمال کرے گی۔

    ذرائع کا کہنا ہے کہ قازقستان کے لیے پروازوں کے آغاز کے سلسلہ میں لاہور ایئرپورٹ پر تیاریوں کا آغاز کر دیا گیا۔

    پالائن کشمین کا یوم پیدائش

  • قازقستان کے پارلیمانی وفد کی پارلیمنٹ ہاؤس آمد

    قازقستان کے پارلیمانی وفد کی پارلیمنٹ ہاؤس آمد

    قازقستان کے پارلیمانی وفد کی ایوان زیرین (مجلس پارلیمنٹ) کے چیئرمین Mr.Yerlan Koshanov کی سربراہی میں پارلیمانی وفد کی پارلیمنٹ ہاؤس آمد-

    باغی ٹی وی : اسپیکر قومی اسمبلی راجہ پرویز اشرف ، ڈپٹی اسپیکر زاہد اکرم درانی نے قومی اسمبلی سیکرٹریٹ کے اعلی حکام کے ہمراہ وفد کا استقبال کیا۔

    تحریک انصاف کا اسمبلیوں کی تحلیل اور قومی اسمبلی سے استعفوں سے متعلق بڑا فیصلہ


    پارلیمانی وفد کے سربراہ Mr.Yerlan Koshanov نے پارلیمنٹ ہاؤس کے سبزہ زار میں منگولیا گرینڈی فلورا کا پودا لگایا ۔

    تقریب میں اسپیکر قومی اسمبلی راجہ پرویز اشرف، ڈپٹی اسپیکر قومی اسمبلی زاہد اکرم درانی اور قازقستان کے پارلیمانی وفد کے ممبران بھی موجود تھے-


    اس موقع پر دونوں برادر ممالک کی ترقی و خوشحالی اور مسلم امہ کے مابین اتحاد و یکجہتی کے لئے خصوصی دعا کی گئی۔

    پاکستان میں تعنیات جرمن سفیر کا گوادر کا دورہ ، سرمایہ کاری میں دلچسپی کا اظہار

  • چین اور قازقستان کے درمیان بڑے تجارتی اور دفاعی معاہدے

    چین اور قازقستان کے درمیان بڑے تجارتی اور دفاعی معاہدے

    بیجنگ:چین کے وزیراعظم لی کھہ چھیانگ نے قازقستان کے وزیراعظم علی خان سمائیلوف سے ورچوئل ملاقات کی۔ بدھ کے روز چینی ذرا ئع ابلا غ کے مطا بق اس موقع پر لی کھہ چھیانگ نے کہا کہ چین قازقستان کے ساتھ تمام سطحوں پر اعلیٰ سطحی تبادلوں کو فروغ دینا چاہتا ہے،ترقیاتی حکمت عملی کو مضبوط بنانا چاہتا ہے ، مختلف شعبوں میں ٹھوس تعاون کو وسعت دینا چاہتا ہے ،علاقائی و عالمی امور میں مشاورت اور تعاون کو فروغ دینا چاہتا ہے۔

    انہوں نے کہا کہ چین دونوں ممالک کے درمیان تعلقات کو مسلسل فروغ دینا اور خطے میں امن و استحکام اور ترقی کا تحفط کرنا چاہتا ہے۔لی کھہ چھیانگ نے مزید کہا کہ چین اور قازقستان کے درمیان تعاون کی بہتر ین بنیاد موجود ہے اور نئے امکانات کا مستقبل واضح اور روشن ہے۔ چین قازقستان سے ماحول دوست زرعی پیداوار کی درآمدات کو وسعت دینا چاہتا ہے۔ فریقین مالیات اور سرحد پار ای کامرس سمیت مختلف شعبوں میں تعاون کے نئے امکانات تلاش کر سکتے ہیں۔

    قازقستان کے وزیراعظم علی خان سمائیلوف نے کہا کہ قازقستان چین کے ساتھ اپنے تعلقات کو بڑی اہمیت دیتا ہے ، دونوں ممالک کے سفارتی تعلقات کے قیام کی ۳۰ ویں سالگرہ کے موقع پر چین کے ساتھ سیاسی باہمی اعتماد کو مضبوط بنانا چاہتا ہے اور بین الحکومتی اقتصادی اور تجارتی تعاون کے منصوبوں پر عمل درآمد کرناچاہتا ہے،مختلف شعبوں میں تعاون کو مضبوط بناناچاہتا ہےاور قازقستان چین اسٹرٹیجک شراکت دار کو فروغ دیناچاہتا ہے۔

    2035ءتک چین کے جوہری ہتھیارتین گُنا بڑھ کرقریباً 1500 ہوجائیں گے. رپورٹ
    عام انتخابات کے بعد وفاق سمیت چاروں صوبوں میں عوامی راج ہوگا،بلاول
    پولیس کی بروقت کاروائی، ڈکیتی کی کوشش بنائی ناکام،ملزمان گرفتار
    موٹروے بھونگ انٹرچینج کی تعمیرسے متعلق کیس کی سماعت ملتوی

  • پاکستان ہمسایہ ممالک کے ساتھ امن کا خواہاں ہے،وزیر اعظم

    پاکستان ہمسایہ ممالک کے ساتھ امن کا خواہاں ہے،وزیر اعظم

    وزیر اعظم شہباز شریف کا دو روزہ دورہ قازقستان وزیر اعظم شہباز شریف آستانہ میں سیکا اجلاس میں شریک ہیں

    وزیر اعظم شہباز شریف نے آستانہ میں سیکا اجلاس سے خطاب کرتے ہوئے کہا کہ پاکستان سیکا کانفرنس کو اہمیت دیتاہے ،پاکستان کو خطے میں جاری صورتحال اورمسائل کا ادراک ہے،پاکستان موسمیاتی تبدیلی کے زیراثر آیا اور سیلاب سے بڑی تباہی ہوئی ،عالمی حدت کی وجہ سے دنیا موسمیاتی تبدیلی سے متاثر ہورہی ہے ،پاکستان کا موسمیاتی تبدیلی میں ایک فیصد حصہ مگر نقصان بہت بڑا ہوا،پاکستان میں سیلاب سے کروڑوں لوگ متاثر ہوئے پاکستان کے سیلاب متاثرہ علاقوں کے لوگ مہاجرین کی زندگی گزار رہےہیں،عالمی برادری پاکستان کو درپیش مسائل سے نکالنے میں مدد فراہم کرے ،سیلاب کی وجہ سے 3کروڑ لوگ بے سروسامانی کی زندگی گزارنے پرمجبور ہیں، سیلاب کی وجہ سے ہزاروں کلومیٹر شاہراہیں ،پل اور مکانات کو نقصان پہنچا سیلا ب کی وجہ سے اب بھی پاکستان کا آدھا حصہ زیرآب ہے

    وزیراعظم شہباز شریف کا کہنا تھا کہ پاکستان ہمسایہ ممالک کے ساتھ امن کا خواہاں ہے،افغانستان جنگ میں سب سےزیادہ نقصان پاکستان کو ہوا،بیلٹ اینڈ روڈ انیشیٹو خطے کی ترقی کے لیے اہم ہے پاکستان 4 ملین سے زائد افغان مہاجرین کی میزبانی کررہا ہے ،یواین سیکریٹری جنرل انتونیو گوتریس نے پاکستان میں سیلابی صورتحال پر تشویش کا اظہا رکیا،پاکستان کو موسمیاتی تبدیلی کے باعث غیر معمو لی صورتحال کا سامنا ہے پاکستان کو انصاف چاہیے اور دنیا کو ہماری مددکرنی چاہیے بھارت کی ذمہ داری ہے کہ وہ نتیجہ خیز مذاکرات کےلیے آگے بڑھے ،

    ایشیا میں روابط اور اعتماد سازی کے اقدامات سے متعلق اجلاس ہوا پاکستان سیکا تنظیم کے بانی ارکان میں شامل ہے وزیر اعظم شہباز شریف سیکا رکن ممالک کے رہنماؤں سے ملاقاتیں بھی کریں گے سیکا 1992 میں قائم کیا گیا بین الحکومتی ادارہ ہے جس میں ایشیا کے 27 ممالک شامل ہیں سیکا ایشیا میں امن، سلامتی اور سماجی و اقتصادی ترقی کو فروغ دینے پر توجہ رکھتا ہے

    وزیر اعظم شہباز شریف کی آستانہ میں سیکا اجلاس کے دوران ویتنام کے صدرسے ملاقات ہوئی ملاقات میں علاقائی ،عالمی اورخطے کو درپیش مسائل سے متعلق تبادلہ خیال کیا گیا،وزیراعظم شہبازشریف سے آذربائیجان کے صدر الہام علی یوف کے ساتھ بھی ملاقات ہوئی ،وزیراعظم محمد شہباز شریف سے تاجکستان کے صدر امام علی رحمن نے بھی ملاقات کی دونوں رہنمائوں کے درمیان ملاقات قازقستان کے دارالحکومت آستانہ میں سیکا کے چھٹے سربراہ اجلاس کے موقع پر ہوئی جس میں پاکستان تاجکستان دوطرفہ تعاون کے فروغ اور باہمی دلچسپی کے امور پر تبادلہ خیال کیا گیا

    وزیر اعظم شہباز شریف کے قازقستان پہنچنے پر نائب وزیراعظم نور سلطان بازیف نے استقبال کیا

    وزیراعظم شہباز شریف سے قازقستان میں آذربائیجان کے صدر الہام علی یوف نے ملاقات کی

  • قازقستان کے ایک غار سے 48 ہزار سال قبل رہنے والے انسان کی باقیات دریافت

    قازقستان کے ایک غار سے 48 ہزار سال قبل رہنے والے انسان کی باقیات دریافت

    قازقستان کے ایک غار سے تقریباً 48 ہزار سال قبل رہنے والے انسان کی باقیات ملی ہیں۔

    باغی ٹی وی : غیر ملکی میڈیا کے مطابق،سائنسدانوں کوقازقستان کے علاقے بیدی بیک ضلع میں بورالدائی پہاڑ پر واقع توتیبولک غار میں 48 ہزار سال پہلے رہنے والے ایک شخص کے آثار ملے ہیں۔

    اطلاعات کے مطابق نیشنل اکیڈمی آف سائنسز کے ماہر تعلیم اور ڈاکٹر آف ہسٹوریکل سائنسز زاکن تیماگن کا کہنا ہے کہ ہم قازقستان میں واقع اس غارکو جرمنی کی Tübingen یونیورسٹی کے سائنسدانوں کے ساتھ تلاش کررہے تھے ، جس میں اسپین، امریکا، رومانیہ اور قازقستان کے نمائندے بھی شامل تھے۔

    زاکن تیماگن کا کہنا ہے کہ ہم کافی عرصے سے کام کر رہے ہیں۔ ہمیں پچھلے سال غار کے اندر سے تاریخی آثار اور راکھ کے باقیات ملے تھے راکھ کی بنیاد پر لیبارٹری نے ثابت کیا کہ یہاں لوگ 48 ہزار سال پہلے رہتے تھے تاہم اور معلومات حاصل کرنے کیلئے ہم ابھی بھی مزید کھدائی کر رہے ہیں۔

    غیر ملکی میڈیا کے مطابق 2017 میں شروع ہونے والی کھدائی کے نتیجے میں محقیقن کو غار میں مختلف اشیاء، جیسے ریچھ، انسانی دانت اور ایک بنیادی پتھر ملا اس کے علاوہ ہزاروں سالوں سے زمین میں پڑی راکھ کی باقیات بھی شامل ہیں۔

    یہ علاقہ پچھلی صدی کے وسط میں دریافت ہوا تھا، لیکن کھدائی صرف 2017 میں شروع ہوئی۔ سائنسدانوں نے پہلے صرف ثقافتی تہوں میں کھدائی کی لیکن جلد ہی دیگر اوزاروں کے علاوہ پتھر کی پلیٹیں اور کھرچنے والے جیسے اہم نمونے بھی ملے۔ ان نتائج کو جانچ کے لیے جرمنی بھیجا گیا جس سے معلوم ہوا کہ یہ 48 ہزار سال پرانے ہیں۔

    جرمن ماہر آثار قدیمہ نے غاروں کی اہمیت کو نوٹ کیا کیونکہ سائنس دان اس علاقے میں پائے جانے والے لوگوں اور جانوروں کی نامیاتی باقیات کو نمونے کے طور پر استعمال کر سکتے ہیں تاکہ اس بات کی وضاحت کی جا سکے کہ وہاں انسانی نسلیں رہتی تھیں۔

    محققین کے مطابق توتیبولک قازقستان کا پہلا غار ہے جہاں اس قسم کے آثار ملے ۔ محقیقین ان کی عمر اور مخصوص دور کا تعین کرنے کے لیے تقریباً ایک سال تک نمونوں کا مزید مطالعہ کریں گے۔

  • پاکستان میں قازقستان کے سفیر کی جنرل قمر جاوید باجوہ سے ملاقات

    پاکستان میں قازقستان کے سفیر کی جنرل قمر جاوید باجوہ سے ملاقات

    پاکستان میں جمہوریہ قازقستان کے سفیر مسٹر یرژان کِسٹافن نے آج جی ایچ کیو میں چیف آف آرمی سٹاف (COAS) جنرل قمر جاوید باجوہ سے ملاقات کی۔

    باغی ٹی و: آئی ایس پی آر کے مطابق ملاقات میں باہمی دلچسپی کے امور، علاقائی سلامتی کی صورتحال اور مختلف شعبوں میں تعاون پر تبادلہ خیال کیا گیا ملاقات میں چیف آف آرمی سٹاف نے امید ظاہر کی کہ قازقستان میں امن و امان کی صورتحال جلد بحال ہو جائے گی۔

    سیالکوٹ بزنس کمیونٹی کیجانب سے پریانتھا کمارا کے اہلخانہ کیلئے 0.1 ملین ڈالر امداد

    آئی ایس پی آر کے مطابق افغانستان کا حوالہ دیتے ہوئے، چیف آف آرمی سٹاف نے وہاں انسانی بحران کو روکنے کے لیے مخلص بین الاقوامی کوششوں کی ضرورت پر زور دیا۔

    سی او اے ایس نے کہا کہ پاکستان خطے میں امن کے لیے اپنے بین الاقوامی شراکت داروں کے ساتھ تعاون کے لیے پرعزم ہے۔

    درپیش چیلنجز کا مقابلہ کرنے کیلئے بہترین حکمت عملی وضع کرنا ہو گی،قریشی

    دوسری جانب پاکستان میں موجود قازقستان کے سفیر نے علاقائی استحکام کے لیے پاکستان کے کردار اور کوششوں کو سراہا اور پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کا عہد کیا۔

    حکومت ایسے اقدامات کرے جس سے عام آدمی کو فائدہ پہنچے،چودھری پرویزالٰہی

    قبل ازیں ‏وزیر خارجہ مخدوم شاہ محمود قریشی کی زیر صدارت وزارت خارجہ میں انسٹیٹیوٹ آف اسٹریٹیجک اسٹڈیز اسلام آباد(ISSI) اور انسٹیٹیوٹ آف ریجنل اسٹڈیز (IRS) کے محققین کا اجلاس ہوازیر خارجہ مخدوم شاہ محمود قریشی کا کہنا تھا کہ آج اس بدلتے ہوئے علاقائی و عالمی منظر نامے میں خارجہ پالیسی کو جدید خطوط پر استوار کرنے میں، تھنک ٹینکس کا کردار انتہائی اہمیت کا حامل ہے،ہمیں خارجہ محاذ پر درپیش چیلنجز کو سامنے رکھتے ہوئے عالمی سطح کی تحقیق کو منظرعام پر لانا ہوگا پاکستان، وزیر اعظم عمران خان کے وژن کی روشنی میں اقتصادی ترجیحات پر توجہ مرکوز کیے ہوئے ہے ۔آج بدلتی ہوئی علاقائی صورتحال ہماری خصوصی توجہ کی متقاضی ہے۔موجودہ حکومت نے مسئلہ کشمیر کو اقوام متحدہ سمیت تمام عالمی فورمز پر بھرپور انداز میں اجاگر کیا، پاکستان، نے ناقابل تردید شواہد پر مبنی "ڈوزیر "کے ذریعے عالمی برادری کی توجہ مقبوضہ جموں و کشمیر میں جاری انسانی حقوق کی سنگین خلاف ورزیوں اور بھارتی قابض افواج کے مظالم کی جانب مبذول کروائی،

    تربیلا ڈیم،سپریم کورٹ نے بڑا فیصلہ سنا دیا

    شاہ محمود قریشی کا کہنا تھا کہ افغانستان کی مخدوش معاشی صورتحال کے تناظر میں پاکستان کی جانب سے او آئی سی وزرائے خارجہ کونسل کے غیر معمولی اجلاس کی میزبانی ،ہماری اہم سفارتی کامیابی ہے، تیزی سے بدلتے ہوئے، عالمی منظر نامے میں ہمیں،درپیش چیلنجز کا مقابلہ کرنے کیلئے بہترین حکمت عملی وضع کرنا ہو گی۔ہم اپنے تحقیقی اداروں کو مزید فعال بنانے اور جدید تقاضوں سے ہم آہنگ بنانے کیلئے ہر ممکن کوششیں اور وسائل بروئے کار لانے کیلئے پر عزم ہیں۔

    تبدیلی کا جھانسا دے کر عوام کی جیبوں پر ڈاکا مارا گیا۔ حمزہ شہباز