Tag: قصوریات

قصور
غربت و مہنگائی بے روزگاری سے تنگ لوگوں کا سود خور مافیا نے جینا حرام کر دیا
تفصیلات کے مطابق مہنگائی بے روزگاری سے پریشان غریب لوگوں کا سود خور مافیا نے خون چوسنا شروع کر دیا ماہانہ اقساط ادا نہ کرنے پر سود خور مافیا غریب عوام کو ذلیل و خوار اور جھوٹے مقدمات میں پھنسانے لگا نعیم الیکٹرونکس نزد ریلوے پھاٹک کے برانچ مینیجر صدیح احمد شاہ اور ایریا مینیجر زبیر جلاد بن گئے اور عوام کے ساتھ بدتمیزی اور ہتک آمیز رویئے کے ساتھ سنگین نتائج کی دھمکیاں دینے لگے ہیں پولیس بھی دھڑا دھڑا سود خور مافیا سے ساز باز ہو کر امانت میں خیانت کے جھوٹے مقدمات درج کرکے مال بنانے لگی ہے جبکہ سود خور مافیا کے چنگل میں پھنسی غریب عوام نے ڈپٹی کمشنر قصور، ڈی پی او قصور اور وزیر اعلیٰ پنجاب عثمان بزدار سے فوری نوٹس لیکر سود خور مافیا کے خلاف کارروائی کا مطالبہ کیا ہے
واضع رہے کہ یہ لوگ غریب عوام کو بہلا پھسلا کر ان کو سود پر چیزیں اقساط پر دیتے ہیں اور قسط لیٹ ہونے کی صورت میں نہ صرف ان کو علاقے میں ذلیل و خوار کیا جاتا ہے بلکہ ان کو امانت میں خیانت کے جھوٹے مقدمات میں پھنسا دیا جاتا ہے جبکہ نعیم الیکٹرونکس، افضل الیکٹرونکس اور دیگر سود خوروں نے مختلف ناموں سے دوکانیں بنا رکھی ہیں جو ماہانہ قسط لیٹ ہونے پر پولیس کے ساتھ ساز باز ہو کر غریب عوام کے خلاف جھوٹے مقدمات درج کرواتے ہیں

قصور
ایس ایچ او تھانہ کنگن پور نصراللہ بھٹی کا اعلان، ٹاؤٹ اور خوشامدی لوگ تھانہ میں آنے سے گریز کریں مظلوم اور شرفاء میرے پاس بلا جھجک آئیں کسی ٹاؤٹ یا سفارشی کو ساتھ مت لائیں
تفصیلات کے مطابق ایس ایچ او تھانہ کنگن پور نصراللہ بھٹی نے سینئر صحافیوں سے گفتگو کرتے ہوئے کہا کہ کرائم کا خاتمہ میری اولین ترجیح ہے جرائم پیشہ افراد کے ساتھ آہنی ہاتھوں سے نمٹا جائے گا خوشامدی اور ٹاؤٹ قسم کے لوگ میرے پاس آنے سے گریز کریں شرفاء کے لئے میرے دروازے چوبیس گھنٹے کھلے ہیں تمام صحافی میرے لئے قابل احترام ہیں بے لوث صحافت اور جرائم کی نشاندھی کرنے والے صحافیوں کی میں دل سے قدر کرتا ہوں انہوں نے مزید کہا کہ ڈی پی او قصور کی خصوصی ہدایت پر منشیات فروشوں اور جرائم پیشہ عناصر کے خلاف خصوصی مہم شروع کر رکھی ہے جو باقاعدہ اور تسلسل کے ساتھ جاری رہے گی
تھانہ کنگن پور کی حدود میں منشیات فروشوں اور جرائم پیشہ عناصر کے لئے کوئی جگہ نہیں لہذا وہ راہ راست پر آجائیں بصورت دیگر کسی کے ساتھ کسی قسم کی رعایت نہیں بھرتی جائے گی اور انہیں پکڑ کے سلاخوں کے پیچھے پابند سلاسل کیا جائے گا

قصور
بلدیہ کا ملازم رمیز فارغ کر دیا گیا وجہ رشوت اور محکمانہ غفلت
تفصیلات کے مطابق قصور بلدیہ کارپوریشن میں محکمہ سے غفلت کرنے والے ملازم رمیز کو نوکری سے برخاست کر دیا گیا ہے رمیز ملازم جو محکمہ بلدیہ کارپوریشن سے غفلت کرپشن کی بنا پر سی ای او چوہدری زبیر نے کرپشن محکمانہ غفلت اور عوامی شکایات بار بار نوٹس آنے پر پر بھی کام نا کرنے کی بناء پر فارغ کیا دیگر ملازموں کی انکوائری کی جا رہی ہے جواب نہ دینے والے اور غفلت کے مرتکب ملازمین کو برخاست کیا جائے گا

قصور
پتوکی میں تھانہ سٹی پتوکی کے پولیس افسر کو اختیارات کا ناجائز استعمال کرنا مہنگا پڑ گیا
تفصیلات کے مطابق گزشتہ ماہ قبل تھانہ سٹی پتوکی کے اے ایس آئی محمد سلیم نے پرانی منڈی کے شہری شہباز احمد کے گھر میں گھس کر خواتین کو تشدد کا نشانہ اور غلیظ گالیاں دیں تھیں مذئد اے ایس آئی کی جانب سے شہری شہباز احمد کو تھانہ کے اندر تشدد کا نشانہ بھی بنایا گیا تھا جس کی تحریری درخواست پر اعلی پولیس افسران نے بھر پور ایکشن لیا اور آر پی او شیخوپورہ ریجن کے حکم پر تھانہ سٹی پتوکی کے اے ایس آئی ملزم سلیم کے خلاف مقدمہ درج کر لیا ہے

قصور
تحصیل چونیاں کے نواح کنگن پور میں ایک شحض قتل
تفصیلات کے مطابق چونیقں کے نواحی شہر کنگن پور کے موضع کل میں گزشتہ شام ہارون ولد عبد الرحمن اپنے گھر موجود تھا کہ 4 نامعلوم افراد بلا کار کالا رنگ پر آئے اور ہارون سے لیاقت ولد کمال خان قوم میو کے گھر کا پتہ پوچھا ہارون پتہ بتانے کیلئے دروازہ کے قریب ہوا تو کار سواروں نے اسے زبردستی کار میں بٹھا لیا اور اس کو
گاڑی میں بٹھا کر لیاقت کے گھر کے سامنے پہنچ گئے اور آواز مار کر لیاقت ہو باہر آنے کا کہا جیسے ہی لیاقت اپنے گھر سے باہر نکلا تو کار سواروں نے فائرنگ کرکے لیاقت کو قتل کر دیا جب جاتے ہوئے ہارون کو بھی بازو میں فائر مارق جس سے وہ زخمی ہو گیا
لوگوں نے واقعہ کی اطلاع پولیس ہو دی جنہوں نے پہنچ کر زخمی اور مقتول کو ہسپتال کنگن پور منتقل کر دیا
پولیس تھانہ کنگن پور مصروف کاروائی ہے وجہ پرانی دشمنی بتائی جا رہی ہے جس پر پولیس تفتیش کر رہی ہے

قصور
محکمہ پنجاب فوڈ اتھارٹی اور پرائس کنٹرول کمیٹی نے قصور کے تاجروں سے ناروا سلوک کرکےمنظور نظر افراد کو نوازنیں اور رشوت نہ دینے والے دوکانداروں کو آئے دن بے جا جرمانوں سے ذہنی پریشانی میں مبتلا کر دیا جبکہ سستا دودھ فروخت کرنے پر پنجاب فوڈ اتھارٹی کے جرمانے
تفصیلات کے مطابق محکمہ پنجاب فوڈ اتھارٹی قصور کا تاجروں سے مبینہ ناروا سلوک زور پکڑ گیا ہے منظور نظر افراد کو نوازنیں اور رشوت نہ دینے والے دوکانداروں کو آئے دن بےجا جرمانوں کئے جانے لگے جس سے تاجر شدید ذہنی پریشانی میں مبتلا ہو گئے ہیں متعلقہ ملازمین بلا عذر دوکانداروں سے معیاری دودھ کے سیمپلز لیکر موقع پر چیک کرنیکی بجائے من پسند جگہ پر لے جا کر متعلقہ دوکانداروں کی عدم موجودگی میں خود ساختہ رزلٹ بنا کر بلیک میل کرتے ہیں اور اپنی مرضی کے مطابق جرمانے ڈال رہے ہیں اوپر سے ستم ظریفی یہ ہے کہ محکمہ پرائس کنٹرول کمیٹی کیطرف سے حکم ملتا ہے دودھ 70 روپے کلو سرکاری ریٹ پر فروخت کیا جائے جبکہ دوکاندار 80 روپے خود خرید رہے ہیں سرکاری ریٹ پر سستہ دودھ فروخت کرنے پر محکمہ پنجاب فوڈ اتھارٹی غیر معیاری کے بہانے دھڑا دھڑ جرمانے کررہے ہیں اور معیاری دودھ فروخت کرنے پر پرائس کنٹرول کمیٹی سرکاری ریٹ سے زیادہ پر جرمانے کر رہے ہیں جس کیوجہ سے شہر میں دودھ کا کاروبار بری طرح متاثر ہورہا ہے متاثرین ایک عجیب و غریب ذہنی پریشانی میں مبتلا ہیں انہوں نے حکام بالا سے فوری کاروائی انکوائری کا مطالبہ کیا ہے اگر محکمہ پنجاب فوڈ اتھارٹی اور پرائس کنٹرول کمیٹی نے آپنی روش نہ بدلی تو تاجران انکے خلاف ہڑتال کی کال دینگے

قصور
پولیس نے اپنی حالت نہ بدلی جو کہ ڈی پی او قصور اور آئی جی پنجاب کے لیے سوالیہ نشان
تفصیلات کے مطابق تھانہ تھ شیخم کے SHO علی اکبر اور چوکی انچارج بلال احمد قبضہ مافیا کے سرپرست بن گئے صحافی فہیم قاسم کے خلاف 15 پر کال کرنے پر جھوٹی ایف آئی آر درج کر دی ڈی ایس پی اور ڈی پی او قصور سے بھی انصاف نہیں ملا تو عدالت سے رجوع کرنے پر مجبور ہونا پڑا جبکہ پولیٹ صحافی فہیم قاسم سے انتقام لینے کی خاطر زیر سماعت مقدمہ جس کا سٹے آڈر لے رکھا ہے 19 اکتوبر قبضہ مافیا نے دوبارہ پولیس سے مل کر توہین عدالت کرتے ہوئے دوکانوں کے تالے توڑ دیے اور قبضہ مافیا کی طرف سے صحافی کو مسلسل قتل کی دھمکیاں مل رہی ہیں صحافیوں کے تحفظ کے لیے تھانہ تھ شیخم میں درخواست دی جس کی ابھی تک کوئی کارروائی نہیں کی گئی جبکہ صحافی نے آئی جی پنجاب شکایت سیل نمبر 8787 پر بھی اطلاع دی تاحال کاروائی عمل میں نہ آئی صحافی نے ڈی پی او قصور آئی جی پنجاب سے انصاف کی اپیل کی ہے

قصور
ڈی سی دفتر میں انتہا کی کرپشن
تفصیلات کے مطابق ڈپٹی کمشنر آفس ,قصور میں بے نامی جائیدادوں کی بندر بانٹ ایڈیشنل ڈپٹی کمشنر قصور کے آفس کا سپرنٹنڈنٹ سرور ڈوگر اہلکار بے نامی جائیدادوں کی بندربانٹ اور کرپٹ مافیا کا سرغنہ نکلا، اختیارات کا غلط اور ناجائز استعمال کرتے ہوئے انتہائی قیمتی اراضی کوڑیوں کے بھاؤ بیچ کر گورنمنٹ کے شیڈول کی دھجیاں اُڑاتے ہوئے اپنے بھائی کے نام منتقل کرنے لگا
ڈپٹی کمشنراور ایڈیشنل ڈپٹی کمشنرکے دفتر میں ہونیوالی انکوائریوں ودیگر معاملات کے متعلق بھاری رشوت کے ریٹس مقرر ہو چکے ہیں
ضلع کے سب سے بڑے افسر ڈپٹی کمشنر کے دفتر میں اُن کی ناک تلے بے نامی جائیدادوں کی بندربانٹ کرنے والا کرپٹ مافیا کا سرغنہ سپرنٹنڈنٹ محمدسرور ڈوگر جوکہ 2009ء میں ڈسٹرکٹ آفیسر (ریونیو) قصور کا بطور ریڈر سکیل 14 میں بھی کام کرتا رہا ہے تب سے لے کر اب تک آنے والے ایماندار اور فرض شناس افسران کو بھی دھوکے میں رکھ کر اپنے سرکاری اختیارات کا غلط اور ناجائز استعمال کرکے حکومتی خزانے کو نقصان پہنچاتے ہوئے بے نامی جائیداد کو اپنے برادرِحقیقی کے نام منتقل کرتا رہا ہے جس میں گورنمنٹ کے شیڈول کا بھی بالکل خیال نہیں رکھاگیا، موصوف نے 208 کنال انتہائی قیمتی زرعی اراضی موضع جوہدہ سنگھ والا قصور میں بروئے رجسٹری دستاویز نمبر 8022 بھی نمبر1جلد نمبر1566مورخہ 19.12.2009 کو اپنے حقیقی بھائی اشرف عابد ولد ہستا کے نام منتقل کر دیا جس کی سرکاری کاغذات میں کل مالیت کوڑیوں کے بھاؤ صرف 7 لاکھ روپے ظاہر کی گئی جبکہ زمین کی اصل قیمت کروڑوں روپے بنتی ہے اور اس میں اصل قیمت کے علاوہ گورنمنٹ کے نافذ کردہ شیڈول کی بھی دھجیاں اُڑائی گئیں حالانکہ اُس وقت نہ تو مذکورہ اہلکار کے بھائی اور نہ ہی باپ کا کوئی ذریعہ آمدن تھا صرف اپنی کرپشن کو چھپانے کی خاطر مذکورہ اہلکار نے قیمتی اراضی اپنے بھائی کے نام منتقل کروائی جبکہ مذکورہ اہلکار نے اپنی کرپشن سے کمائی گئی دولت سے دورانِ تعیناتی 2009 بطورِ ریڈر ایک عدد قیمتی پلاٹ واقع ڈیفنس کالونی قصورپر ایک عالیشان گھر تعمیر کیا ہوا ہے اور اس کے علاوہ مذکورہ اہلکار نے ڈپٹی کمشنراور ایڈیشنل ڈپٹی کمشنرکے دفتر میں کرپشن کے متعلق ہونے والی انکوائریوں کی ذمہ داری بھی لے رکھی ہے جس میں ملزمان کے ساتھ رشوت کے ریٹس مقرر کررکھے ہیں

قصور
سموگ کنٹرول کیلئے محکمہ اگریکچر متحرک ،گاؤں دیہات میں جا کر دھان کی فصل کی پرالی کو آگ لگانے سے روکنے کیلئے اعلانات،خلاف ورزی پر قانونی کاروائی کی جائے گی
تفصیلات کے مطابق قصور محکمہ ایگریکلچر نے سموگ کی روک تھام کیلئے گاؤں دیہات میں جا کر تشہیری مہم کے ساتھ مساجد میں اعلانات کا سلسلہ شروع کیا ہے جس میں دھان کی کٹائی کے موقع پر کسانوں کو خبردار کیا جا رہا ہے کہ وہ دھان کی پرالی و دیگر باقیات کو آگ نا لگائیں کیونکہ اس سے دھواں بننے سے سموگ بنتی ہے نیز اعلانات کے ذریعے کسانوں کو بتایا جا رہا ہے جس نے خلاف ورزی کی اس کے خلاف قانونی کارروائی عمل میں لائی جائے گی اور مقدمات درج کروائے جائینگے