Tag: قصوریات

قصور
نواحی گاؤں میں کھلے عام ہیروئین کی فروخت جس سے چوری و ڈکیتی کی وارداتیں عام ہو گئیں، نشئی حضرات اپنے نشے کے لئے لوگوں کی چیزیں چرانے لگے،دن دیہاڑے موٹر سائیکل چوری، پولیس نے آنکھیں بند کر لیں
تفصیلات کے مطابق قصور کے نواحی گاؤں کھارا جو کہ تھانہ صدر کا علاقہ ہے ،میں لاقانونیت کی انتہاہ ہو گئی ہے گاؤں میں بڑے پیمانے پر ہیروئن کی فروخت کی جارہی ہے جس سے نوجوان نسل تباہ ہو رہی ہے نیز جب سے ہیروئن کی فروخت شروع ہوئی ہے تب سے گاؤں میں چوریوں ،ڈکیتیوں کا سلسلہ تیز ہو گیا ہے چھوٹے چھوٹے بچے نشے کے عادی ہو رہے ہیں اور اپنا نشہ پورا کرنے کیلئے لوگوں کی اشیاء چرا رہے ہیں پرسوں گاؤں میں ایک باراں سالہ نامعلوم بچے نے آئی جی آفس لاہور کے اہلکار ملک نوید کی موٹر سائیکل نمبر LEK_8511 گھر کے باہر سے چرا لی جس کی سی سی ٹی وی فوٹیج میں صاف دیکھا جا سکتا ہے کہ بچے کی عمر دس سے باراں سال ہے اور وہ لڑکھڑا رہا ہے اور موٹر سائیکل کو بغیر سٹارٹ کئے اڈہ بھلو والا سے کچے راستے براستہ جھلار فیروز پور روڈ کی جانب لیجا رہا ہے جس کی ایف آئی آر چوکی کھارا میں درج کروا دی گئی ہے
لوگوں کا کہنا ہے ایک دو ماہ سے جب سے گاؤں میں ہیروئن کی فروخت شروع ہوئی ہے تب سے چوری و ڈکیتی کی وارداتوں میں نمایاں اضافہ ہوا ہے لہذہ ڈی پی او قصور،ایس ایچ او تھانہ صدر اور ڈی ایس پی سٹی سرکل نوٹس لیتے ہوئے ہیروئن فروخت گینگ کے خلاف گھیرا تنگ کرکے قانون کے کٹہرے میں لائیں تاکہ نوجوان نسل نشے و چوری کی لعنت سے بچ سکے
اور چوری شدہ موٹر سائیکل برآمد کرکے ملزمان کو سزا دی جائے

قصور
تحصیل انتظامیہ اور مارکیٹ کمیٹی کی بلیک میلنگ و غنڈا گردی سے تنگ انجمن آڑھتیاں کا شدید احتجاج،سبزی منڈی غیر معینہ مدت کے لئیے بند کر دی گئی، کمشنر لاہور سے کرپٹ اے سی چونیاں کی فوری تبدیلی مطالبہ
تفصیلات کے مطابق انجمن آڑھتیاں سبزی منڈی چونیاں کے عہدداروں نے میڈیا سے گفتگو کرتے ہوئے بتایا کہ مارکیٹ کمیٹی اور تحصیل انتظامیہ کی بلیک میلنگ سے تنگ آ چکے ہیں آئے روز روزانہ کی بنیاد پر ناجائز جھوٹی ایف آئی آر درج کروائی جاتی ہیں اور ہزاروں روپے جرمانے کئیے جاتے ہیں گزشتہ روز بھی تحصیل انتظامیہ نے سبزی منڈی میں بھاری نفری اور عملہ کے ہمراہ غنڈہ گردی کرتے ہوئے بیس کے غریب چھابڑی فروشوں اور دکانداروں کو گرفتار کیا جنہیں سات گھنٹے تک حوالات میں بند رکھ کے تیس ہزار کے قریب جرمانے کر کے چھوڑ دیا گیا
آڑھتیوں کا کہنا ہے کہ پہلے بھی متعدد بار نجائز مقدمات درج کروا کر ہزاروں روپے جرمانہ کیا گیا مارکیٹ کمیٹی نے اے سی چونیاں کی ملی بھگت سے چند آوارہ لڑکوں کو منڈی میں بٹھا رکھا جو سارا دن منڈی آنے والی خواتین کو تنگ کرتے ہیں اور مال نہ دینے والے آڑھتیوں کو ٹارگٹ کر کے انکے خلاف کاروائیاں کرواتے ہیں آڑھتیوں کا مزید کہنا تھا کہ سالان گورنمنٹ کو لاکھوں روپے ٹیکس دیتے ہیں لیکن اے سی چونیاں ذاتی مفادات اور کرپٹ مارکیٹ کمیٹی کے عملہ کے ساتھ مل کر منڈی کو ٹارگٹ بناتے ہیں آڑھتیوں کی جانب سے شہر میں فلیکسز لگوا دی گئی ہیں جن پر تحصیل انتظامیہ چونیاں کے خلاف درج ہیں اور منڈی کو غیر معینہ مدت کے لئیے بند کر دیا گیا آڑھتیوں نے کمشنر لاہور چیف سیکرٹری پنجاب اور ڈی سی قصور سے فوری نوٹس لینے اور کرپٹ اے سی چونیاں کی تبدیلی کا مطالبہ کیا ہے

قصور
ڈی پی اوقصور عمران کشور نے کہا کہ تمام ایس ایچ اوز جرائم کی روک تھام اور شہریوں کی جان ومال کی حفاظت کو یقینی بنان کیلئے مجرمان اشتہاریوں، ڈاکوؤں اورجرائم پیشہ ملزمان کے خلاف کاروائیاں تیز کریں تاکہ جرائم اور لاقانونیت کو سختی سے کچل دیا جائے، ان خیالات کا اظہار انہوں نے ڈی ایس پی آفس پتوکی میں ایس ایچ اوز کیساتھ کرائم میٹنگ کے دوران خطاب کرتے ہوئے کیا، اس موقع پر ڈی ایس پی پتوکی محمد اکرام خاں بھی موجود تھے۔ ڈی پی اوقصور عمران کشور کی آمد پر پولیس کے چاک و چوبند دستے نے سلامی پیش کی، شہریوں کے مسائل بھی سنے اور انکے حل کیلئے موقع پر ہی احکامات جاری کیے، صحافیوں اور تاجروں سے تعارفی ملاقات بھی کی جنہوں نے پتوکی کے مسائل کے متعلق آگاہ کیا، ڈی پی او قصور نے ملاقات کے دوران کہا کہ پولیس اور عوام کے درمیان رابطے کو فروغ دینے کیلئے کمیونٹی پولیسنگ کو میدان میں بڑی تیزی سے آگے بڑھایا جائے گاتاکہ پولیس اور عوام ملکر صحیح معنوں میں جرائم کا موثر انداز سے خاتمہ کر سکیں۔ بعدازاں ڈی پی اوقصور نے سرکل پتوکی کے ایس ایچ اوز سے کرائم میٹنگ کی، کرائم اور امن و امان کی صورتحال کا جائزہ لیا۔ میٹنگ کے دوران ڈی پی اوقصور نے خطاب کرتے ہوئے کہا کہ سنگین وارداتوں اور موٹرسائیکل چوری ہرگز برداشت نہیں کی جائے گی، ایس ایچ اوز اپنی کارکردگی کو بہتر بناتے ہوئے سنگین جرائم میں ملوث ملزمان کو گرفتاریوں کو یقینی بنائیں، شہریوں کی جان و مال کی حفاظت ہماری اولین ڈیوٹی ہے اس لیے تمام افسران ہنگامی بنیادوں پر اقدامات اٹھائیں،تھانوں میں سائلین کی درخواستوں پر ایف آئی آر درج نہ کرنے والے پولیس افسران کیخلاف کاروائی ہوگی، سائلین کی بات کو تحمل سے سنیں اور قانون کے مطابق عملدرآمد کریں۔میٹنگ کے دوران ڈی پی اوقصور نے تمام ایس ایچ اوز کی فرداً فرداًکارکردگی کا جائزہ لیا اور ناقص کارکردگی پر متعدد ایس ایچ اوز کی سرزنش کی اور وارننگ دیتے ہوئے آئندہ کارکردگی بہتر بنانے کی ہدایت کی

قصور
کوٹ رادھاکشن میں منشیات فروشوں کے خلاف کاروائیاں جاری 30 لیٹر شراب برآمد مقدمہ درج
تفصیلات کے مطابق تھانہ کوٹرادھاکشن پولیس کا منشیات فروشوں کیخلاف کریک ڈاؤن تیز ہو گیا جس کے نتیجے میں منشیات فروشوں سے 30 لیٹر شراب اور 1350 گرام چرس برآمد کر کے علیحدہ علیحدہ مقدمات درج کر لے گئے ہیں
ایس ایچ او تھانہ کوٹرادھاکشن نے ڈی پی او قصور کی ہدایت پر منشیات فروشوں اور جرائم پیشہ عناصر کے خلاف کریک ڈاؤن شروع کر رکھا ہے کل دوران گشت کار کع مشکوک سمجھ کر تعاقب کیا گیا جس سے روک کر تلاشی لی گئی تو اُس کے اندر سے 1350 گرام چرس برآمد کرکے ملزم کو گرفتار کر لیا ہے

قصور
اسپتال میں بنی پناہ گاہ کو تالہ لگا دیا گیا عرصہ دراز سے تالہ نہیں کھولا گیا جس سے تالے کو زنگ لگ گیا ،لواحقین سردی میں رات بھر باہر رہنے پر مجبور
تفصیلات کے مطابق ڈی ایچ کیو انتظامیہ کی نااہلی سے مریضوں کے لواحقین کے لئے بنائی گئی پناہ گاہ کو تالے لگا دئے گئے واضع رہے کہ وزیراعلی پنجاب کے حکم پر یہ پناہ گاہ بنائی گئی تھی اب تو پناہ گاہ کے دروازے پر لگے تالے کو زنگ لگ گیا ہے
اسپتال میں قائم پناہ گاہ کو کئی ماہ سے تالہ لگا ہونے پر لواحقین کو شدید مشکلات کا سامنا ہے
مجبور لاچار مریضوں کے لواحقین اسپتال کے لان میں رات و دن گزارنے پر مجبور ہیں
لواحقین نے بتایا کہ ہم رات کے باہر بیٹھے ہیں پناہ گاہ کو تالہ لگا ہے، رات لان میں گزاری کوئی پرسان حال ہیں اس پناہ گاہ کا تالہ کھلوایا جائے تاکہ لوگ اس میں وقت گزار سکیں

قصور
ڈسٹرکٹ ہیلتھ اتھارٹی قصور میں پولیو ورکروں سے کارڈ کی مد میں سو روپیہ فی کس لینے کا انکشاف،لاکھوں لینے والے مزدوروں کو بھی نا بخشنے لگے
تفصیلات کے مطابق ڈسٹرکٹ ہیلتھ اتھارٹی قصور میں شدید بے ضابطگیوں کے ساتھ ساتھ غریب پولیو ورکروں کے ساتھ بھی ہاتھ کرنے کا معاملہ سامنے آیا ہے نام نا ظاہر کرنے پر غریب دیہاڑی دار پولیو ورکروں نے بتایا کہ ہم سے پولیو کارڈ کے نام پر فی کس ایک سو روپیہ وصول کیا گیا ہے جو کہ محکمہ کی ذمہ داری ہے ہمیں مہیا کرنا مذید ان کا کہنا تھا کہ ہماری اجرت ہمیں چار ہزار پچاس روپیہ مل جاتی ہے جو کہ مسلم کمرشل بینک سے ہم وصول کرتے ہیں تاہم محکمہ ہیلتھ کی طرف سے کارڈ کی مد میں ناجائز سو روپیہ لینا انتہائی قبیح فعل ہے کیونکہ ہم بے روزگاری سے تنگ لوگ ایک دو ماہ بعد پولیو ٹیم کے کارکن بن کر چار دن لوگوں کے گھروں میں ان کے بچوں کو گھروں جا کر قطرے پلاتے ہیں
لہٰذہ ڈپٹی کمشنر قصور اور سی ای او ہیلتھ اس بات کا نوٹس لیں اور غریب مزدوروں سے ایک سو روپیہ فی کس رشوت لینے والے اہلکاروں کے خلاف کاروائی کریں

قصور
تحصیل چونیاں کے علاقے الہ آباد میں پولیس کا مختلف علاقوں میں سرچ اپریشن،ملزمان گرفتار
تفصیلات کے مطابق قصور کی تحصیل چونیاں میں الہ آباد پولیس نے مختلف علاقوں میں سرچ اپریشن کیا اور دوران آپریشن مختلف تھانوں کی درجنوں وارداتوں میں ملوث تین ملزمان کو گرفتار کر لیا ہے
گرفتار ملزمان کا تعلق اعظم ڈکیت گینگ سے ہے جو چوری ڈکیتی اور راہزنی کی درجنوں وارداتوں میں ملوث ہیں جبکہ ملزمان کے قبضہ سے بھاری تعداد میں ناجائز اسلحہ،لاکھوں روپے نقدی اور دیگر مال مسروقہ بھی برآمد ہوا ہے
یہ بات بھی سامنے آئی ہے کہ ان ملزمان نے چھامانگا میں پولیس ملازمین کو تشدد کا نشانہ بنا کر سرکاری رائفل بھی چھینی تھی جو کہ ان کے دیگر ساتھیوں سے برآمد کر لی گئی تھی
پولیس کے مطابق ملزمان سے تفتیش جاری ہے اورگینگ میں شامل دیگر ارکان کی گرفتاری کے لئیے چھاپے مارے جارہے ہیں

قصور
پتوکی پارک میں ٹوٹے پھوٹے جھولے ناقص صفائی کا انتظام پارک میں ہر وقت سنسانی چھائی رہتی ہے
تفصیلات کے مطابق پتوکی سٹی میں سابقہ اسسٹنٹ کمشنر آصف ڈوگر کی زیر نگرانی مخیر حضرات کے تعاون سے کروڑوں رپے کی لاگت سے 4 ایکڑ کی قیمتی اور کمرشل جگہ پر بننے والا پارک موجودہ اسسٹنٹ کمشنر اسامہ شیرون کے زیر سایہ عملے کی عدم توجہ اور لاپرواہی کی نظر ھو گیا ہے شہری پارک کی حالت زار کو دیکھتے ھوٸے انتظامیہ پر پھٹ پڑے جبکہ پارک میں گندگی اور پانی نے جھولوں کا برا حال کر رکھا ھے پارک میں اسسٹنٹ کمشنر کے آفس کی موجودگی کے باوجود صفاٸی ستھراٸی کے ناقص انتظامات ہیں اور پھر ناقص میٹیریل سے تیار شدہ براٸے نام جھولے بھی ٹوٹ پھوٹ کا شکار ھو چکے ہیں حالیہ دنوں میں کمزور جھولوں سے گر کر تین بچے شدید زخمی بھی ھوٸے ہیں نیز پارک میں سٹریٹ لاٸٹ کی عدم موجودگی بھی انتظامیہ پر سوالیہ نشان بن گٸی اسی حوالے جب اسسٹنٹ کمشنر پتوکی اسامہ شیرون سے موقف لیا گیا تو انہوں نے اپنی ذاتی مصروفیت کا بہانہ ظاہر کرتے ھوٸے گفتگو کو گول کر دیا 2 لاکھ سے زاٸد آبادی پر مشتمل شہر پتوکی کے باسیوں نے حکام بالا سے پتوکی انتظامیہ کی غفلت پر نوٹس لینے کا مطالبہ کیا ہے

قصور
انصاف کرنے والی عدالتوں کے باہر بے انصافی،موٹر سائیکل کھڑی کرنے کے پیسے 30 روپیہ جبکہ لاہور میں ابھی بھی 20 سے 25 روپیہ چل رہے ہیں
تفصیلات کے مطابق ڈسٹرکٹ کورٹس قصور میں آنے والے سائلین جو کہ پہلے ہی سخت پریشانی میں مبتلا ہوتے ہیں ان کو مذید پریشانی کا سامنا کرنا پڑ رہا ہے انصاف کرنے اور لوگوں کے حقوق کا خیال رکھنے والی عدالتوں اور ان امور کے ذمہ دار ڈپٹی کمشنر کے دفتر کے بلکل باہر لوگوں سے نا انصافی کی جا رہی ہے مہنگائی کے مارے لوگوں سے پارکنگ فیس موٹر سائیکل 30 روپیہ رکشہ 40 اور کار کی پارکنگ فیس 50 روپیہ فی پھیرا وصول کی جا رہی ہے اگر کوئی بندہ کچہری آئے تو عموماً اسے کچہری سے باہر بھی کام کیلئے جانا پڑتا ہے مگر جب بھی وہ بیچارہ جائے گا تو اسے فیس دینی پڑے گی اور دوبارہ آ کر جانے پر پھر اتنی ہی فیس دینی پڑے گی جو کہ سخت نا انصافی ہے لاہور جیسے بڑے شہر میں ابھی تک موٹر سائیکل کی پارکنگ فیس 20 سے 25 جبکہ لاہور میوزیم میں صرف 10 روپیہ ہے
لوگوں کی سائلین کے ساتھ اس نا انصافی پر ڈی سی قصور سے نوٹس لینے کی اپیل ہے کیونکہ ضلع کچہری قصور میں روزانہ ہزاروں موٹر سائیکلیں اور گاڑیاں آتی ہیں جن سے لاکھوں روپیہ یومیہ اکھٹا کیا جاتا ہے اور اپنی جیبیں بھری جاتی ہیں

قصور پولیس کی منشیات فروشوں کے گرد گھیرا تنگ کرنے کی مہم کا آغاز ،ملزم سے 1 کلو سے اوپر چرس برآمد کرکے مقدمہ درج کر لیا
تفصیلات کے مطابق قصور پولیس نے منشیات جیسی لعنت سے معاشرے کو پاک کرنے کیلئے منشیات فروشوں کے گرد گھیرا تنگ کر دیا ہے پولیس تھانہ آلہ آباد نے منشیات فروشی کے خلاف کاروائی کرتے ہوئے چونیاں کے علاقے اور الہ آباد کے نواحی علاقے موضع تلونڈی سے شفیع نامی منشیات فروش شخص کو گرفتار کرکے 1100 گرام چرس برآمد کرلی ہے
جبکہ منشیات فروشی ایکٹ کے تحت مقدمہ درج کرںلیا گیا ہے