Tag: قصوریات

قصور
الہ آباد میں ٹریفک وارڈن انسپکٹر محمد یونس نے کرونا کے مارے ٹرانسپورٹروں کی زندگی اجیرن بنا دی الہ آباد سے لاہور جانے اور واپس آنے والی ٹیوٹا گاڑیوں کو فی گاڑی پانچ سو سے ایک ہزار کا ٹیکہ لگانے لگا ڈرائیوروں کے ساتھ بدتمیزی اور گالم گلوچ معمول بنا لیا ہے SP اور DIG ٹریفک وارڈن سے نوٹس لینے کا مطالبہ
تفصیلات کے مطابق تقریباً چار ماہ سے لاک ڈاؤن اور کرونا کے حالات سے تنگ ٹرانسپورٹروں کو انسپکٹر ٹریفک وارڈن قصور یونس نے تنگ کرنا معمول بنا لیا ہے غربت کے ہاتھوں تنگ شعبہ ٹرانسپورٹ کے مالکان، ڈرائیورز اور کنڈیکٹر جو پہلے ہی حالات سے شدید پریشان ہیں چار ماہ سے کھڑی گاڑیاں تقریباً ناکارہ ہو چکی ہیں ٹرانسپورٹرز عملہ کاروبار نہ ہونے کی وجہ سے زیادہ تر فاقوں میں مبتلا ہے چند ایک گاڑیاں الہ آباد سے لاہور جاتی ہیں اور لاہور سے واپس آتی ہیں لاہور کے اکثر علاقوں میں لاک ڈاؤن ہونے کی وجہ سے سواری بالکل کم ہے اور کاروبار بالکل مندا ہے ان برے حالات میں ٹریفک انسپکٹر محمد یونس ٹرانسپورٹروں کے لئے موت کا فرشتہ بن چکا ہے ہر آنے جانے والی گاڑی کو پانچ سو روپے سے لیکر ایک ہزار روپے تک کا چالان زبردستی تھما دیا جاتا ہے ٹرانسپورٹروں نے وزیر اعلیٰ پنجاب، DIG اور SP ٹریفک پولیس سے نوٹس لینے کا مطالبہ کیا ہے محمد یونس نے اپنے مؤقف میں بتایا کہ پنجاب حکومت کی طرف سے ٹریفک پولیس کو ساڑھے چار ارب روپے جرمانوں کی مد میں اکھٹا کرنے کا ٹارگٹ دیا گیا تھا جو کہ پورا نہیں ہو سکا ہمیں جرمانے کم کرنے پر شو کاز نوٹس ملے ہیں اس لیے ہر ایک گاڑی کا چالان کرنا میری مجبوری ہے

قصور
الہ آباد میں مجبور بے سہارا کی پریس کانفرنس
تفصیلات کے مطابق نواحی گاؤں گہلن ہٹھاڑ کی رہائشی غریب خاتون حمیداں بی بی زوجہ محمد یحییٰ نے صحافیوں کو بتایا کہ میری والدہ بختاور بی بی اور خالہ فاطمہ بی بی دونوں اپنے والد احمد دین ولد اللہ دتہ کی بیٹیاں تھیں جبکہ ان کا کوئی بھائی نہ تھا وہ دونوں 569 کنال 5 مرلہ کی مالکہ تھیں حمیداں بی بی نے بتایا کہ ہم تین بہن بھائی بختاور بی بی کی اولاد ہیں جبکہ خالہ فاطمہ بی بی کی کوئی اولاد نہ ہے ہم تین بہن بھائیوں کے نام 147 کنال اراضی کا وراثتی انتقال ہوا جو کہ 95,96,98 اور 1999 کی جمع بندی میں ہمارے نام انتقال وراثت موجود ہے لیکن بعد ازاں ملزمان محمد امین، محمد شریف، یونس، یعقوب پسران فتح محمد نمبردار وقار اور ثریا بی بی نے پٹواری کے ساتھ ساز باز ہو کر غیر قانونی جعل سازی اور دھوکہ دہی سے اپنے نام کروا لی وزیراعظم سٹیزن پورٹل پر درخواست دی لیکن اے سی آفس چونیاں کے کرپٹ ملازمین نے انکوائری کرنا تو دور کی بات حمیداں بی بی کو بلانا بھی گوارہ نہ کیا ہے اور ملزم پارٹی سے مبینہ طور پر ساز باز ہو کر غلط رپورٹ بنا کر درخواست داخل دفتر کر دی حمیداں بی بی نے وزیراعظم اور وزیراعلی پنجاب سے فوری نوٹس لینے اور ملزمان کے خلاف کاروائی کا مطالبہ کیا ہے

قصور
چونیاں میں حق کی آواز بلند کرنا جرم بن گیا صحافی پر تشدد اور جان سے مارنے کی دھمکیاں
تفصیلات کے مطابق گزشتہ دن بدنام زمانہ جہانگیر عرف جگی ٹیپو چدھڑ اور اس کے دو نامعلوم ساتھیوں نے چونیاں سے دنیا ٹی وی کے رپورٹر رانا خالد پر قاتلانہ حملہ کیا اور جان سے مارنے کی دھمکیاں دیں اور تشدد کی ویڈیو بنا کر سوشل میڈیا پر وائرل کر دی صحافی پر تشدد کی وجہ اس کی جرم کے خلاف آواز بلند کرنا ہے جو کہ ملزم کو برداشت نہیں کیونکہ ملزم خود جرائم پیشہ ہے ملزم نے دوران تشدد صحافی کو جرم کے خلاف آواز بلند نا کرنے کا کہا صحافی نے متعلقہ تھانے میں ملزمان کے خلاف درخواست دے دی ہے
قصور کی ساری صحافی برادری رانا خالد کیساتھ ہے اور اس ظلم کے خلاف کاروائی کا مطالبہ کرتی ہے اور ڈی پی او قصور سے اپیل ہے کہ جلد سے جلد ملزمان کو گرفتار کرکے سزا دی جائے بصورت دیگر پورے ضلع کی صحافی برادری احتجاج کرے گی

قصور
کمپیوٹرائزڈ اراضی ریکارڈ سنٹر قصور میں اندھیر نگری چوپٹ راج
تفصیلات کے مطابق کمپیوٹرائزڈ اراضی سینٹر میں لوٹ مار کا بازار گرم ہے چند ماہ قبل فرد برائے ذاتی ریکارڈ حاصل کرنے کی فیس 450 روپے مقرر تھی
اور اب فرد برائے ذاتی ریکارڈ لینے کی فیس 1950 روپے کردی گئی ہے
معلوم کرنے پر پتہ چلا کہ کرونا کی وجہ سے ہیڈ کوارٹر سے حکم آیا ہے کے فرد برائے ذاتی ریکارڈ کی فیس 1950 روپے کر دی جائے
کسانوں کے ساتھ ظلم کی فہرست طویل سے طویل ہوتی جا رہی ہے
جنوبی پنجاب میں ٹڈی دل کسانوں کی فصلیں چاٹ رہا ہے
اور وسطی پنجاب میں کمپیوٹرائزڈ اراضی سنٹر قصور والوں نے لوٹ مار شروع کی ہوئی ہے
کسانوں کو تو پہلے ہی مہنگی کھاد مہنگی زرعی ادویات اور مہنگے بیج نے بے حال کر رکھا ہے
رہی سہی کسر کمپیوٹرز اراضی سنٹر نے پوری کر دی
شہریوں نے ڈی سی قصور اور وزیراعلی پنجاب سے نوٹس لینے کی اپیل کی ہے

قصور
الہ آباد میں ڈی پی او قصور زاہد مروت اور ڈی ایس پی خالد گجر کی ہدایت پر ایس ایچ او تھانہ الہ آباد کی زبردست کاروائی
تفصیلات کے مطابق قصور پولیس تھانہ الہ آباد کے ایس ایچ او محسن سندھو نے زبردست کارروائی کرتے ہوئے موضع بگھیانہ خورد سے مورخہ 21/6/20 کو نامعلوم چوروں کی طرف سے چرائے گئے ٹرانسفارمر کو برآمد کر لیا نامعلوم چور ٹرانسفارمر چوری کر کے لے اڑے تھے ایس ایچ او تھانہ الہ آباد نے 24 گھنٹے کے اندر ٹرانسفارمر معہ چور گرفتار کر لیے اور ملزمان کو حوالات میں بند کر دیا بگھیانہ خورد کے رہائشیوں نے ایس ایچ او تھانہ الہ آباد کو خراج تحسین پیش کیا

قصور
پتوکی تھانہ سٹی پتوکی پولیس کا اختیارات کا ناجائز استعمال کرنے لگی تاجر کو حبس بے جا میں رکھ کر تشدد کیا
تفصیلات کے مطابق تھانہ سٹی پتوکی پولیس نے ہلہ روڈ پتوکی کے تاجر ملک قریش کو دوکان سے پکڑ کر تھانہ میں چار روز حبس بیجا رکھا میں
تاہم بات میڈیا پر آنے پر پولیس نے تاجر پر بجرم 420 لگا کر ایف آئی آر درج کرلی اور تاجر ملک قریش کو 420 کا مجرم بنا کر عدالت پیش کیا
تاہم جرم ثابت نا ہونے پر عدالت نے تاجر ملک قریش کی ضمانت منظور کرلی
پتوکی شہر کی بڑی بڑی تاجر تنظیمیوں نے ڈی پی او قصور زاہد نواز مروت ،آئی جی پنجاب پولیس کو نوٹس لے کر متعلقہ تھانے کے اہلکاروں کے خلاف کاروائی کا مطالبہ کیا ہے

قصور
الہ آباد کےعلاقہ تلونڈی میں پیٹرول پمپ مالک لوگوں کو لوٹنے لگا فی لیٹر 126 روپے
تفصیلات کے مطابق چونیاں کے علاقے اور الہ آباد کے نواحی گاؤں تلونڈی میں واقغ اٹک پٹرول پمپ 126 روپے لیٹر میں پٹرول فروخت ہونے لگا علاقہ کے لوگوں کا کہنا ہے کہ انتظامیہ فوری نوٹس لے
جبکہ لوگوں نے تصویر کھینچی تو عملہ نے لوگوں کو ڈرانا دھمکانا شروع کر دیا لوگوں کا کہنا ہے کہ پیٹرول پمپ مالک لوگوں کو لوٹ رہا ہے جبکہ اے سی چونیاں و ڈی سی قصور لاعلم ہیں لہذہ فوری نوٹس لے کر پیٹرول پمپ مالک کے خلاف کارروائی کی جائے