Tag: قصوریات

قصور پٹرولنگ پولیس نور پور چیک پوسٹ عوام کو تحفظ فراہم کرنے میں ناکام پٹرولنگ کرنے کی بجائے سارا دن ہوٹلوں اور روڈ پر ٹھنڈی جگہ پر بیٹھ کر وقت ضائع کرتے رہتے ہیں ڈی آئی جی پٹرولنگ سے نوٹس لینے کا مطالبہ تفصیلات کے مطابق پٹرول پولیس چیک پوسٹ نور پور کا اے ایس آئی مجید اورعملہ مبینہ طور پر رشوت لینے کا عادی ہو چکا ہے مسافر اور لوڈر گاڑیوں کے علاوہ ٹریکٹر ٹرالیوں اور موٹر سائیکل سواروں سے مبینہ طور پر نذرانہ وصول کیا جا رہا ہے گشت کرنے کی بجائے سارا دن مختلف ہوٹلوں دکانوں یا روڈ پر ٹھنڈی جگہوں پر آرام کرتے نظر آتے ہیں پٹرولنگ پولیس کے عملہ کی نااہلی کی وجہ سے جرائم میں اصافہ ہو چکا ہے اور مین قصور دیپالپور روڈ پر اکثر ٹریفک بلاک رہتی ہے پٹرولنگ پولیس کی نااہلی کی وجہ سے جگہ جگہ توڑی کے بھاری ٹرالو اور اوور لوڈ گاڑیوں کی وجہ سے اکثر ٹریفک بھی بلاک رہتی ہے کیونکہ ان سے مبینہ طور پر نذرانہ وصول کیا جاتا ہے مقامی شہریوں عرفان ملک، رشید احمد،باسط علی بھٹی احسان اللہ خان نے ڈی آئی جی پٹرولنگ پولیس سے اصلاح و احوال کا مطالبہ کیا ہے

قصور
برف کی تاحال کمی،منہ مانگی قیمتوں پر فروخت جاری،دیگر اشیاء ضروریہ کی بھی زائد قیمتیں وصول کی جاتی رہی

تفصیلات کے مطابق قصور میں عید کے دنوں سے اب عید کے ختم ہونے تک آئس فیکٹریوں کی من مانی جاری ہے
برف کی شدید قلت پیدا کی گئی ہے اور منہ مانگی قیمتوں پر برف کی فروخت جاری ہے
آئس فیکٹری مالکان نے برف کی قیمتوں میں دوگنا سے بھی زیادہ اضافہ کر دیا ہے جس کے باعث شہری سخت گرمی میں برف سے محروم ہیں
دوسری جانب گھریلوں ریفریجریٹروں میں قربانی کے گوشت کے باعث برف نا بننے سے بازاری برف کی ڈیمانڈ میں اضافہ ہوا ہے جس کے باعث برف بیچنے والوں کو اپنی من مانیاں کرنے کا موقع ملا ہے
نیز دیگر ضروریات زندگی کی اشیاء کی قیمتوں میں بھی من مانی کی گئی ہے جیسے،نان،روٹی،پھل و دیگر اشیاء وغیرہ
جبکہ سبزی مصالحہ جات میں بڑا اضافہ ہوا ہے اور سبزیوں کی مانگ نا ہونے کے باعث سبزیوں کی قیمتوں میں کچھ کمی واقع ہوئی ہے

قصور
ضلع بھر خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے حاصل کرنے والی عورتوں سے رشوت لینے کا بازار گرم،وزیر اعلی سے نوٹس کی اپیل

تفصیلات کے مطابق قصور ضلع بھر میں اور خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے لینے والی غریب عورتوں سے رشوت لینے کا انکشاف ہوا ہے
گزشتہ دن کنگن پور میں
ڈیوائس ہولڈرز نے ٹاون کمیٹی کنگن پور ،سی او روم آفس میں بیٹھ کر عورتوں سے پیسے لیکر انکے انگوٹھے لگائے اور بہانہ یہ بنایا کہ یہاں نیٹ ورک ٹھیک چلتا
ان مجبور محنت کش عورتوں سے 3000 سے 4000 روپیہ فی عورت سے رشوت وصول کی گئی اور یہ معمول بن چکا ہے کہ بینظیر انکم سپورٹ پروگرام سے پیسے لینے والی عورتوں کو بغیر رشوت لئے پیسے نکال کر نہیں دیئے جاتے
کل اس بات پہ کنگن پور میں عورتوں نے احتجاج کیا اور میڈیا نمائندگان سے بات چیت کرتے ہوئے بتایا کہ دور دراز سے آئی عورتوں کو سخت گرمی میں گھنٹوں لائنوں میں کھڑا کرکے ذلیل و رسو کیا جاتا ہے پھر اس کے بعد جو عورت بطور رشوت پیسے دے اسے پیسے نکال کر دیئے جاتے ہیں وگرنہ واپس بھیج دیا جاتا ہے
عورتوں نے احتجاج کرتے ہوئے وزیر اعلی پنجاب سے نوٹس لینے کی اپیل کی ہے

قصور
ڈپٹی کمشنر قصور کی طرف سے ڈسٹرکٹ پریس کلب قصور کے صدر سردار شریف سوہڈل کے خلاف بےبنیاد مقدمہ کی دھمکی،میڈیا نمائندگان کو بریفننگ،جلد وفد وزیر اعلی پنجاب سے ملاقات کرے گا

تفصیلات کے مطابق ڈسٹرکٹ پریس کلب قصور کے بانی و صدر معروف صحافی و وکیل سردار شریف سوہڈل نے میڈیا نمائندگان کو بتایا کہ
ڈپٹی کمشنر قصور میرے خلاف جھوٹا مقدمہ درج کروانا چاہتا ھے
میں جھوٹے مقدمات سے نہیں ڈرتا کرپٹ مافیا کے خلاف آواز بلند کی ھے اور کرتا رھوں گا جلد انسانی حقوق،عوامی سماجی،صحافتی اور وکلا تنظیموں کی نماٸندہ شخصیات کا وفد وزیر اعلیّ پنجاب سے ملاقات کرے گا جس میں ڈسٹرکٹ گورنمنٹ کی کارکردگی بمعہ ثبوت آگاہ کیا جاٸے گا
آٸی جی پنجاب پولیس اور ڈی پی او قصور جھوٹی درخواست پر اپنے فراٸض سر انجام دیں وہ ڈی سی قصور سے زیادہ اللہ کو جواب دہ ہیں
انہوں نے کہا کہ عوامی تکلیف پر کرپشن کی نشان دھی اپنا فرض سمجھتے ہیں اس لٸے ہمیشہ بلا خوف اپنی زمہ داری نبھاٸی ہے جس کی وجہ سے بوکھلاہٹ میں ڈپٹی کمشنر قصور نے مجھے ہراساں کرنے کے لٸے اپنے قریبی رشتہ دار اکرام انصاری کی مدعیت میں میرے خلاف جھوٹی کہانی بنا کر درخواست لکھی اور ایس ایچ او تھانہ بی ڈویژن کو اپنے دفتر بلوا کر مقدمہ درج کرنے کا حکم دیا
چونکہ ڈی پی او قصور اچھی شہرت کے حامل ھیں شاید اس لٸے تاحال انہوں نے اس جھوٹی درخواست پر مقدمہ درج نہیں کیا یاد رھے کہ اس درخواست کا مدعی چند سال پہلے ویزے کے چکر میں درجنوں لوگوں سے کروڑوں روپے ہتھیا کر غاٸب ھے ڈپٹی کمشنر قصور ان کی پشت پناھی کرتا ھے جس کی وجہ سے ابھی تک یہ قانون کی پکڑ سے باہر ھے حق اور سچ کہنے پر قبل ازیں بھی کچھ بیوروکریٹس اور سیاست دانوں نے مجھے ہراساں کرنے کے لٸے جھوٹے مقدمات میں پھنسانے کی کوشش کی مگر اللہ نے مجھے سرخرو کیا
سچ آخر سامنے آکر رہتا ھے اور مقدمات خارج ھوٸے
موجودہ ڈپٹی کمشنر بھی ہراساں کرنے کے لٸے اپنا شوق پورا کرلے مجھے ایماندار اور جراتمند پولیس افسران سے انصاف کی توقع ھے

قصور
کالعدم تنظیموں کو قربانی کی کھالیں اکھٹی کرنے سے روک دیا گیا،ڈی پی او قصور کی میٹنگ

تفصیلات کے مطابق ڈی پی او قصور محمد عیسیٰ نے پولیس افسران سے میٹننگ کرتے ہوئے احکامات جاری کئے کہ گورنمنٹ کے احکامات کی روشنی میں
قربانی کی کھالیں صرف گورنمنٹ آف پنجاب سے اجازت حاصل کرنیوالی تنظمیں ہی اکٹھی کر سکیں گی اور کسی کالعدم تنظیم کو کھالیں اکٹھی کرنے کی اجازت نہیں ہو گی
قصور ضلع بھر میں 7 مویشی منڈیوں پر 180 سے زائد پولیس افسران اور اہلکاروں کو تعینات کیا گیا ہے اور سیکورٹی کے فول پروف انتظامات کو یقینی بنایا گیا ہے
ڈی پی او قصور نے مویشی منڈیوں کے قریب پولیس گشت کو مزید بڑھانے کے احکامات جاری کئے تاکہ شہری ہر قسم کی واردات سے بچ سکیں اور عیدالاضحیٰ پر شہریوں کی جان و مال کی حفاظت کو صورت یقینی بن سکے

قصور
حق اور سچ کی آواز بلند کرنا صحافی کا جرم ٹھہرا،مقدمہ و دھمکیوں کا سامنا،صحافی برادری کا احتجاج،وزیر اعلی پنجاب سے نوٹس کی اپیل

تفصیلات کے مطابق قصور کے معروف صحافی و وکیل سردار شریف سوہڈل صدر ڈسٹرکٹ پریس کلب قصور نے ہمیشہ حق اور سچ کا ساتھ دینے کی کوشش کی اور بلا تفریق کرپشن کی نشاندھی کرنے کے لٸے اپنا کردار ادا کیا اور ذمہ دار پاکستانی شہری ہونے کے ناطے کرپشن کے خلاف کھل کر قلم اٹھایا
انہوں نے ڈسٹرکٹ گورنمنٹ کے دفاتر پٹوار خانے رجسٹری برانچ۔ڈومیساٸل برانچ وغیرہ میں رشوت کے بغیر عوام کے جاٸز کام نا ہونے پر ڈپٹی کمشنر کو کئی بار شکایت کی، اخبارات کے ذریعے و کھلی کچہریوں اور ان کے دفتر جا کر شکایات کیں جس پر چاہٸیے تھا کہ ڈپٹی کمشنر اس سلسلہ میں اپنا فرض ادا کرتے مگر وہ آگ بگولہ ھو گٸے اور سردار شریف سوہڈل کے کو جھوٹے مقدمات میں الجھانے کی دھمکیاں دینا شروع کر دیں اور اپنے ایک قریبی رشتہ دار اکرام انصاری کی مدعیت میں ان کے خلاف ایک جھوٹی کہانی بنا کر درخواست تیار کی اور ایس ایچ او بی ڈویژن انسپکٹر منیر حسین کو اپنے دفتر بلوا کر ان کے خلاف مقدمہ درج کرنے کا حکم دیا
اس سلسلہ میں عوامی نماٸندگان صدر مسلم لیگ ن لاھور ڈویژن اور سابق ایم این اے میاں وسیم اختر شیخ، ممبر پنجاب اسمبلی نعیم صفدر انصاری،حاجی صفدر علی انصاری نے بھی ڈی سی کو سمجھانے کی کوشش کی اور معاملے کو میرٹ پر بذریعہ پنچاٸت حل کرنے کا کہا مگر انہوں نے ان کے سامنے اقرار کیا کہ اس نے اپنے قریبی رشتہ دار کی مدعیت میں امانت میں خیانت کی درخواست دی ھے اور ڈی پی او قصور کو بھی مقدمہ درج کرنے کا حکم جاری کیا ھے
ایچ ایچ او نے درخواست پر کارواٸی کے لٸے ڈی ایس پی سٹی کو لیٹر لکھ دیا ھے
صدر ڈسٹرکٹ بار قصور فہد اکرم نے بھی متعلقہ افسران کو جھوٹا مقدمہ درج کرنے سے منع کیا ھے تاہم جونیٸر پولیس افسران ڈپٹی کمشنر قصور سے خاٸف نظر أتے ہیں جو کہ انصاف کا قتل ھے البتہ موجودہ ڈی پی او قصور اچھی شہرت کے حامل ہیں جن سے قصور کی صحافی برادری کی اپیل ہے کہ میرٹ پہ دو طرفہ فریقین کی بات سن کر کاروائی کی جائے اور کرپشن کے خلاف آواز بلند کرنے والے سینیئر ترین صحافی کے خلاف ذاتی انتظامی کارروائی کو رکوایا جائے
قصور کی صحافی برادری نے آزادی صحافت پہ شب خون مارنے والے افسران کے خلاف وزیر اعلی پنجاب سے نوٹس کی اپیل کی ہے

قصور
پاکستان مرکزی مسلم لیگ ضلع قصور کے زیر اہتمام
یوم تکبیر و یکجہتی فلسطین کانفرنس آج الہ آباد چونیاں میں ہوگی

تفصیلات کے مطابق آج مورخہ 27 مئی 2024 بروز سوموار شام 7 بجے پاکستان مرکزی مسلم لیگ قصور کے زیر اہتمام
چونیاں روڈ چوک الہ آباد میں یوم تکبیر و یکجہتی فلسطین کانفرنس ہو گی
جس میں ملک کے معروف مذہبی ، سیاسی و سماجی رہنما خطاب فرمائیں گے اور فلسطین سے خصوصی وفد کانفرنس میں شریک ہو گا
ضلع قصور کی تاریخ کی سب سے بڑی کانفرنس منعقد ہو گی جس میں ہزاروں لوگ شرکت فرمائیں گے نیز ملک بھر سے لوگ شرکت فرمائیں گے اور یوم تکبیر کے موقع پر فلسطینی وفد سے اظہار یکجہتی کرینگے

قصور
بدنام زمانہ منشیات فروش گرفتار،منشیات و اسلحہ برآمد،مقدمہ درج

تفصیلات کے مطابق ڈی پی او محمد عیسیٰ خاں کی ہدایت پر کاروائی کرتے ہوئے تھانہ راجہ جنگ پولیس نے ایس ایچ او عمران جاوید کی سربراہی میں انچارج چوکی اوراڑہ کی سرکردگی میں ریڈ کیا اور نواحی گاؤں ایشری سنگھ سے بدنام زمانہ منشیات فروش کو رنگے ہاتھوں گرفتار کر لیا
ملزم ایشری سنگھ کا رہائشی ہے اور عرصہ دراز سے منشیات فروشی کا کام کر رہا تھا
منشیات فروش ملزم رانا بہادر خان کو رنگے ہاتھوں گرفتار کیا گیا جس کے قبضہ سے ڈیڑھ کلوگرام چرس، ایک پمپ ایکشن، بندوق اور پسٹل برآمد
کرکے مقدمہ درج کیا گیا
ملزم راجہ جنگ اور گردونواح میں منشیات فروشی کا مکروہ دھندہ کر رہا تھا اور نوجوان نسل کو نشہ پر لگا کر برباد کر رہا تھا

قصور سے حصول تعلیم کیلئے کرغزستان جانے والی لڑکی کا وطن واپسی کا مطالبہ
قصور کی تحصیل چونیاں کے قصبے الہ آباد کی ایک اور طالبہ کشیدگی کی زد میں آگئی ہے عائشہ کا وڈیو بیان سامنے آگیا جو کہ الہ آباد کے نواحی قصبہ گہلن ہٹھاڑ کی رہائشی ہے اور میڈیکل کی طالبہ ہے
عائشہ وکیل نے وطن واپسی کا مطالبہ کیا ہے
عائشہ وکیل کا کہنا ہے کہ ہم اپنے کمروں میں محصور ہیں اور یہاں پر خوف کی فضاء ہے قائم ہے
واضع رہے کہ ضلع قصور سے بیس سے پچیس طلباء و طالبات کرغستان میں میڈیکل کی تعلیم حاصل کر رہے ہیں اور سب لوکل لوگوں کے تشدد کا شکار ہیں
عائشہ کا کہنا ہے کہ کرغستان میں حالات کنٹرول نہیں ہیں اور نا ہی ہمیں کسی قسم کی سیکورٹی مہیا کی جا رہی ہے حکومت پاکستان جلد از کوئی ایکشن لے اور ہمیں محفوظ طریقہ سے واپس پہنچایا جائے

قصور
سٹی قصور میں ٹریفک جام رہنا معمول بن گیا ،لوگ گھنٹوں شدید گرمی میں ٹریفک میں پھنسے رہنے لگے،ٹریفک پولیس خاموش تماشائی

تفصیلات کے مطابق قصور سٹی بھر میں ٹریفک جام ہونے کا مسئلہ سنگین نوعیت اختیار کر گیا ہے
پورے شہر میں جگہ جگہ ٹریفک جام رہنا معمول بن گیا ہے جس کے باعث شہری شدید گرمی میں گھنٹوں ٹریفک میں پھنسے رہتے ہیں
قصور شہر کا مشہور و معروف چوک، شفیع والا چو،ک ٹریفک جام ہونے میں گزشتہ کئی سالوں سے اول چوک مانا جاتا ہے جہاں آج دن تک کوئی ٹریفک پولیس اہلکار تعینات نہیں کیا گیا اور سب سے زیادہ ٹریفک یہاں جام رہتی ہے
نیز کاروباری مرکز ہونے کے باعث ٹریفک کا جام رہنا کاروباری حضرات کے لئے مذید پریشان کن ہے
شفیع والا چوک میں صبح سے رات تک گھنٹوں ٹریفک جام رہتی ہے
مقامی شہریوں و دکانداروں نے کئی بار اعلی حکام کی توجہ اس جانب مبذول کروائی ہے تاہم کوئی بات نہیں بنی

اہلیان علاقہ نے نئے تعینات ہونے والے ڈی پی او قصور محمد عیسیٰ سے از خود نوٹس لے کر ٹریفک پولیس اہلکاروں کی تعیناتی کا مطالبہ کیا ہے تاکہ ٹریفک کو کنٹرول کیا جا سکے