Tag: قصوریات

قصور
پولیس جوانوں نے رشوت نا دینے پر محنت کش کے گھر چھاپہ مار کر اس کی بیوی بچوں پر تشدد کیا،محنت کش کو مار مار کر زخمی کر دیا،ہسپتال داخل

تفصیلات کے مطابق تھانہ بی ڈویژن قصور کی چوکی سبزی منڈی کے شیر جوان پولیس اہلکاروں نے رشوت نا دینے پر ذاتی انتقام لیتے ہوئے محنت کش کے گھر ریڈ کرکے اس کی بیوی بچوں کو مارا پیٹا اور محنت کش کو مار مار کر شدید زخمی کر دیا حالت غیر ہونے پر ہسپتال داخل کروا دیا
صادق اے ایس آئی و دیگر پولیس اہلکاروں نے محنت کش کو کہا کہ تم نشہ بیچتے ہو لہذا رشوت دو جس پر محنت کش نے کہا کہ میں نا تو نشہ بیچتا ہوں نا رشوت دو گا اس بات کا غصہ کرتے ہوئے پولیس نے اس کے گھر چھاپہ مارا اور اس کی بیوی و بچوں پر شدید مار پیٹ کی اور جاتے ہوئے گھر سے 50 ہزار نقد رقم و سونا بھی لے گئے اور جاتے ہوئے گھر کا سارا سامان بھی توڑ گئے
جبکہ محنت کش کو مار مار کر ادھموا کر دیا جس کی حالت غیر ہو گئی تو اسے علاج کے لئے ہسپتال داخل کروا دیا
اہلیان علاقہ و محنت کش کے ورثا نے ڈی پی او قصور سے ازخود نوٹس کی اپیل کی ہے

قصور
شدید ترین گرمی،واپڈ کی بے حسی،5 منٹ بعد 30 منٹ کے لئے بجلی بند،گزشتہ روز بجلی و لوڈ شیڈنگ نے سارے ریکارڈ توڑ دیئے،واپڈا حکام کا جانوروں جیسا رویہ اور کام

تفصیلات کے مطابق قصور میں گزشتہ دن گرمی و لوڈ شیڈنگ نے سارے ریکارڈ توڑ دیئے
کل شدید ترین گرمی اور حبس تھی جس کے باعث لوگوں کا سانس لینا بھی محال تھی مگر واپڈا حکام نے غیر انسانی بلکہ جانوروں والا کام کرتے ہوئے کل بہادر پورہ فیڈر اور راؤخانوالہ فیڈر میں سارا دن لوڈ شیڈنگ کی اور لوگوں کو خوب اذیت دی
5 منٹ بجلی کی تشریف آوری رہتی تھی اور 30 منٹ بجلی غائب رہتی تھی جبکہ وولٹیج بھی کافی لو تھے جس کی وجہ سے کل کا دن لوگوں نے سخت اذیت سے گزارا اور بیشر لوگ گرمی کی شدت اور لوڈ شیڈنگ سے بیمار ہوئے
پانی کی کمی نے بھی لوگوں کو ستائے رکھا
شہریوں نے واپڈا حکام کے جانوروں جیسے رویے پر اعلی حکام سے نوٹس لینے کی اپیل کی ہے

قصور
پرائس کنٹرول کمیٹی کا اجلاس،کارکردگی کا جائزہ لیا گیا
تفصیلات کے مطابق ڈپٹی کمشنر قصور رانا موسیٰ طاہر کی زیر صدارت پرائس کنٹرول مجسٹریٹس کی کارکردگی کا اجلاس ہوا جس بتایا گیا کہ خلاف ورزی کرنے والوں کو 10 لاکھ 90 ہزار 500 روپیہ جرمانہ کیا گیا ہے ہے جبکہ 26 افراد کیخلاف مقدمات کا اندراج کیا گیا ہے اور 272 افراد کو گرفتار کیا گیا یے
اجلاس ڈپٹی کمشنر رانا موسیٰ طاہر کی زیر صدارت ڈی سی کمیٹی روم میں منعقد ہوا اجلاس میں تمام پرائس کنٹرول مجسٹریٹس نے شرکت کی اور ڈپٹی کمشنر نے تمام پرائس کنٹرول مجسٹریٹس کی فرداً فرداً کارکردگی کا جائزہ لیا اور پرائس کنٹرول کیلئے مزید ہدایات جاری کیں
ڈپٹی کمشنر نے تمام پرائس کنٹرول مجسٹریٹس کو ہدایت کی کہ وہ وزیر ا عوام ریلیف پروگرام کے تحت روٹی،پھلوں،سبزیوں،چکن، گوشت، کریانہ آئٹمز اور ڈبل روٹی کی قیمتوں کو چیک کریں اور گرانفروشوں کیخلاف سخت کاروائیاں کریں اور ذمہ داروں کو بھاری جرمانوں کیساتھ ساتھ جیل بھیجا جائے نرخناموں کو نمایاں جگہوں پر آویزاں کروایا جائے

قصور
رات گئے پولیس مقابلہ میں دو ڈاکو زخمی،دو فرار ہونے میں کامیاب

تفصیلات کے مطابق تھانہ صدر پھولنگر کے علاقہ خانکے موڑ کے قریب پولیس مقابلہ میں
زیر حراست دو ڈاکو شاہزیب اور امین مسیح سکنائے مشن کالونی رائونڈ ساتھیوں کی فائرنگ سے زخمی جبکہ فائرنگ کرنے والے حملہ آور ملزمان فرار
ہونے میں کامیاب ہو گئے
زخمی ڈاکو انتہائی خطرناک ہیں جو راہزنی کی 22 سے زائد وارداتوں میں ملوث تھے اور مزاحمت پر گولی مارنے سے بھی گریز نہیں کرتے تھے
انکشاف ہوا ہے کہ یہ دونوں ڈاکو موٹر سائیکل پر سوار ہو کر پھولنگر کے علاقوں نتھے خالصہ اور مدکے روڈ پر شہریوں سے لوٹ مار کرتے تھے
تین ماہ قبل نتھے خالصہ میں دکان پر ڈکیتی کرتے ہوئے مزاحمت پر ڈاکو عبید کو گرفتار کر لیا گیا تھا جبکہ امین مسیح فرار ہونے میں کامیاب ہو گیا تھا
گزشتہ شب تھانہ صدر پھولنگر زیر حراست دونوں ڈاکوؤں کو مقدمہ 866/24 بجرم 392 میں موٹر سائیکل ریکوری کر کے واپس آ رہی تھی کہ ڈاکوؤں کے دو ساتھی اپنے ساتھیوں کو پولیس حراست سے چھڑانے کی نیت سے خانکے موڑ کے قریب حملہ آور ہو گئے جن کی فائرنگ سے زیر حراست دونوں ڈاکو زخمی ہو گئے جبکہ حملہ آور ملزمان رات کی تاریکی کا فائدہ اٹھاتے ہوئے بھاگنے میں کامیاب ہو گئے
فرار ہونے والے حملہ آور ملزمان کی گرفتاری کیلئے ٹیمیں تشکیل دے دی ہیں

قصور
کتے کے کاٹنے کے ڈر سے کتے کو مارنا بچے کو مہنگا پڑ گیا،کتا مالکان نے بچے کو مار مار کر ہلکان کر دیا

تفصیلات کے مطابق شہر قصور میں پیرو والا روڈ پر شوکت نامی وکیل کے بیٹوں نے کتا پال رکھا ہے جو کہ دیکھنے میں کافی خطرناک لگتا ہے
شوکت کے بچ کتے سے ایک بچے کو ڈرا رہے تھے جس پر اس بچے نے محسوس کیا کہ کتا اسے کاٹ لے گا خود کو غیر محفوظ محسوس کرتے ہوئے اس
بچے نے اپنے دفاع میں بچنے کی خاطر کتے کو اینٹ ماری تو شوکت کے بیٹوں نے اس بچے کو اس کے گھر سے گھسیٹ کر باہر نکالا اور بچے پر لاتوں مکوں کی بارش کر دی جس سے بچے کا برا حال کر ہو گیا اور وہ شدید زخمی ہو گیا
متاثرہ بچے کو بلھے شاہ ہسپتال قصور داخل کروایا گیا ہے اور بچے کو خون کی الٹیاں آ رہی ہیں
اہلیان علاقہ و بچے کے ورثاء نے ڈی پی او قصور سے نوٹس لینے کی اپیل کی ہے

قصور پٹرولنگ پولیس نور پور چیک پوسٹ عوام کو تحفظ فراہم کرنے میں ناکام پٹرولنگ کرنے کی بجائے سارا دن ہوٹلوں اور روڈ پر ٹھنڈی جگہ پر بیٹھ کر وقت ضائع کرتے رہتے ہیں ڈی آئی جی پٹرولنگ سے نوٹس لینے کا مطالبہ تفصیلات کے مطابق پٹرول پولیس چیک پوسٹ نور پور کا اے ایس آئی مجید اورعملہ مبینہ طور پر رشوت لینے کا عادی ہو چکا ہے مسافر اور لوڈر گاڑیوں کے علاوہ ٹریکٹر ٹرالیوں اور موٹر سائیکل سواروں سے مبینہ طور پر نذرانہ وصول کیا جا رہا ہے گشت کرنے کی بجائے سارا دن مختلف ہوٹلوں دکانوں یا روڈ پر ٹھنڈی جگہوں پر آرام کرتے نظر آتے ہیں پٹرولنگ پولیس کے عملہ کی نااہلی کی وجہ سے جرائم میں اصافہ ہو چکا ہے اور مین قصور دیپالپور روڈ پر اکثر ٹریفک بلاک رہتی ہے پٹرولنگ پولیس کی نااہلی کی وجہ سے جگہ جگہ توڑی کے بھاری ٹرالو اور اوور لوڈ گاڑیوں کی وجہ سے اکثر ٹریفک بھی بلاک رہتی ہے کیونکہ ان سے مبینہ طور پر نذرانہ وصول کیا جاتا ہے مقامی شہریوں عرفان ملک، رشید احمد،باسط علی بھٹی احسان اللہ خان نے ڈی آئی جی پٹرولنگ پولیس سے اصلاح و احوال کا مطالبہ کیا ہے

قصور
برف کی تاحال کمی،منہ مانگی قیمتوں پر فروخت جاری،دیگر اشیاء ضروریہ کی بھی زائد قیمتیں وصول کی جاتی رہی

تفصیلات کے مطابق قصور میں عید کے دنوں سے اب عید کے ختم ہونے تک آئس فیکٹریوں کی من مانی جاری ہے
برف کی شدید قلت پیدا کی گئی ہے اور منہ مانگی قیمتوں پر برف کی فروخت جاری ہے
آئس فیکٹری مالکان نے برف کی قیمتوں میں دوگنا سے بھی زیادہ اضافہ کر دیا ہے جس کے باعث شہری سخت گرمی میں برف سے محروم ہیں
دوسری جانب گھریلوں ریفریجریٹروں میں قربانی کے گوشت کے باعث برف نا بننے سے بازاری برف کی ڈیمانڈ میں اضافہ ہوا ہے جس کے باعث برف بیچنے والوں کو اپنی من مانیاں کرنے کا موقع ملا ہے
نیز دیگر ضروریات زندگی کی اشیاء کی قیمتوں میں بھی من مانی کی گئی ہے جیسے،نان،روٹی،پھل و دیگر اشیاء وغیرہ
جبکہ سبزی مصالحہ جات میں بڑا اضافہ ہوا ہے اور سبزیوں کی مانگ نا ہونے کے باعث سبزیوں کی قیمتوں میں کچھ کمی واقع ہوئی ہے

قصور
ضلع بھر خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے حاصل کرنے والی عورتوں سے رشوت لینے کا بازار گرم،وزیر اعلی سے نوٹس کی اپیل

تفصیلات کے مطابق قصور ضلع بھر میں اور خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے لینے والی غریب عورتوں سے رشوت لینے کا انکشاف ہوا ہے
گزشتہ دن کنگن پور میں
ڈیوائس ہولڈرز نے ٹاون کمیٹی کنگن پور ،سی او روم آفس میں بیٹھ کر عورتوں سے پیسے لیکر انکے انگوٹھے لگائے اور بہانہ یہ بنایا کہ یہاں نیٹ ورک ٹھیک چلتا
ان مجبور محنت کش عورتوں سے 3000 سے 4000 روپیہ فی عورت سے رشوت وصول کی گئی اور یہ معمول بن چکا ہے کہ بینظیر انکم سپورٹ پروگرام سے پیسے لینے والی عورتوں کو بغیر رشوت لئے پیسے نکال کر نہیں دیئے جاتے
کل اس بات پہ کنگن پور میں عورتوں نے احتجاج کیا اور میڈیا نمائندگان سے بات چیت کرتے ہوئے بتایا کہ دور دراز سے آئی عورتوں کو سخت گرمی میں گھنٹوں لائنوں میں کھڑا کرکے ذلیل و رسو کیا جاتا ہے پھر اس کے بعد جو عورت بطور رشوت پیسے دے اسے پیسے نکال کر دیئے جاتے ہیں وگرنہ واپس بھیج دیا جاتا ہے
عورتوں نے احتجاج کرتے ہوئے وزیر اعلی پنجاب سے نوٹس لینے کی اپیل کی ہے

قصور
ڈپٹی کمشنر قصور کی طرف سے ڈسٹرکٹ پریس کلب قصور کے صدر سردار شریف سوہڈل کے خلاف بےبنیاد مقدمہ کی دھمکی،میڈیا نمائندگان کو بریفننگ،جلد وفد وزیر اعلی پنجاب سے ملاقات کرے گا

تفصیلات کے مطابق ڈسٹرکٹ پریس کلب قصور کے بانی و صدر معروف صحافی و وکیل سردار شریف سوہڈل نے میڈیا نمائندگان کو بتایا کہ
ڈپٹی کمشنر قصور میرے خلاف جھوٹا مقدمہ درج کروانا چاہتا ھے
میں جھوٹے مقدمات سے نہیں ڈرتا کرپٹ مافیا کے خلاف آواز بلند کی ھے اور کرتا رھوں گا جلد انسانی حقوق،عوامی سماجی،صحافتی اور وکلا تنظیموں کی نماٸندہ شخصیات کا وفد وزیر اعلیّ پنجاب سے ملاقات کرے گا جس میں ڈسٹرکٹ گورنمنٹ کی کارکردگی بمعہ ثبوت آگاہ کیا جاٸے گا
آٸی جی پنجاب پولیس اور ڈی پی او قصور جھوٹی درخواست پر اپنے فراٸض سر انجام دیں وہ ڈی سی قصور سے زیادہ اللہ کو جواب دہ ہیں
انہوں نے کہا کہ عوامی تکلیف پر کرپشن کی نشان دھی اپنا فرض سمجھتے ہیں اس لٸے ہمیشہ بلا خوف اپنی زمہ داری نبھاٸی ہے جس کی وجہ سے بوکھلاہٹ میں ڈپٹی کمشنر قصور نے مجھے ہراساں کرنے کے لٸے اپنے قریبی رشتہ دار اکرام انصاری کی مدعیت میں میرے خلاف جھوٹی کہانی بنا کر درخواست لکھی اور ایس ایچ او تھانہ بی ڈویژن کو اپنے دفتر بلوا کر مقدمہ درج کرنے کا حکم دیا
چونکہ ڈی پی او قصور اچھی شہرت کے حامل ھیں شاید اس لٸے تاحال انہوں نے اس جھوٹی درخواست پر مقدمہ درج نہیں کیا یاد رھے کہ اس درخواست کا مدعی چند سال پہلے ویزے کے چکر میں درجنوں لوگوں سے کروڑوں روپے ہتھیا کر غاٸب ھے ڈپٹی کمشنر قصور ان کی پشت پناھی کرتا ھے جس کی وجہ سے ابھی تک یہ قانون کی پکڑ سے باہر ھے حق اور سچ کہنے پر قبل ازیں بھی کچھ بیوروکریٹس اور سیاست دانوں نے مجھے ہراساں کرنے کے لٸے جھوٹے مقدمات میں پھنسانے کی کوشش کی مگر اللہ نے مجھے سرخرو کیا
سچ آخر سامنے آکر رہتا ھے اور مقدمات خارج ھوٸے
موجودہ ڈپٹی کمشنر بھی ہراساں کرنے کے لٸے اپنا شوق پورا کرلے مجھے ایماندار اور جراتمند پولیس افسران سے انصاف کی توقع ھے