Tag: قصوریات

قصور
ڈسٹرکٹ ہیڈ کوارٹرز بلہے شاہ ہسپتال قصور مریضوں کو سہولیات دینے سے قاصر،شہری سخت پریشان،انتظامیہ سے نوٹس کی اپیل

تفصیلات کے مطابق بلہے شاہ ہسپتال قصور مریضوں کو سہولیات دینے سے قاصر ہے
شہریوں کے مطابق سی بی سی جیسا عام ٹیسٹ بھی بعض مرتبہ ہسپتال میں نہیں کیا جاتا اور باہر سے ٹیسٹ کروانے کی ہدایت کی جاتی ہے
جبکہ ایکسرے ڈیپارٹمنٹ ایکسرے فلموں کی عدم دستیابی کی وجہ بتاتا ہے اور
ہسپتال کی بیشتر مشینیں خراب پڑی ہیں نیز ادویات بھی دستیاب نہیں ہیں زیادہ تر بڑے مریضوں کو بچوں والے شربت دے کر ٹرخا دیا جاتا ہے
واضع رہے کہ ان دنوں ڈینگی کے مریضوں میں اضافہ ہو رہا ہے جس کے پیش نظر لوگ ہسپتال سے خالی ہاتھوں بغیر علاج کے لوٹ رہے ہیں

ذرائع کے مطابق ہسپتال میں سٹیشنری سامان اور مریضوں کی فائلیں تک دستیاب نہیں ہیں
شہریوں نے ڈپٹی کمشنر قصور، سی ای او ہیلتھ قصور سے ازخود نوٹس لینے کا مطالبہ کیا ہے

قصور
ڈسٹرکٹ پولیس کی جانب سے موک ایکرسائز کا انعقاد کیا گیا،ملک دشمن عناصر کے خلاف مشقیں کی گئیں

تفصیلات کے مطابق ڈی پی او قصور طارق عزیز سندھو کی خصوصی ہدایات پر ملک دشمن عناصر کے خلاف اور ان کی حوصلہ شکنی و شہریوں کے تحفظ کی خاطر ڈی پی او آفس قصور میں فرضی مشقوں کا انعقاد کیا گیا جس میں ڈسٹرکٹ پولیس،ایلیٹ فورس، سپیشل برانچ، سیکیورٹی برانچ، سول ڈیفنس اور سی ٹی ڈی کے جوانوں نے حصہ لیا اور شاندار مظاہرہ کیا

موک ایکسرسائز میں جوانوں کی جانب سے کسی بھی قسم کی دہشت گردی کو ناکام بنانے اور دہشت گردوں کو گرفتار کرنے کا مظاہرہ کیا گیا

قصور
ادویات بلیک مارکیٹنگ مافیا تاہم ابھی تک گورنمنٹ کی پہنچ سے دور،ادویات کی بلیک مارکیٹنگ دھڑلے سے جاری،ڈالر و پیٹرول کی طرح ادویات بلیک مارکیٹنگ مافیا کو لگام ڈالنے کی استدعا

تفصیلات کے مطابق گزشتہ دو ماہ سے ڈالر و پیٹرول کی قیمتوں کیساتھ دیگر ضروریات زندگی کی قیمتوں میں کچھ حد تک کمی دیکھنے میں آئی ہے جو کہ خوش آئند ہے تاہم ڈالر و پیٹرول کی قیمتوں میں کمی کے باوجود ادویات کی قیمتوں میں نا تو اضافہ رک سکا ہے نا ہی ادویات کی بلیک مارکیٹنگ پہ قابو پایا جا سکا ہے جو کہ لمحہء فکر ہے

ان دنوں سردی کی آمد کے پیش نظر chloroquine, amodiaquine, Metronidazole, Diclofenac sodium, Diclofenac potassium, و دیگر anti cough,anti flu جیسی روزمرہ استعمال کی ادویات نایاب ہو چکی ہیں جن کو منہ مانگی قیمتوں پہ فروخت کیا جا رہا ہے
نیز مرگی و دمہ کی ادویات بھی عرصہ دراز سے مارکیٹ میں منہ مانگی قیمتوں پہ فروخت ہو رہی ہے

اگر تاریخ پاکستان کو دیکھا جائے تو ضروریات زندگی کی دیگر اشیاء کی قیمتوں میں اضافے کے بعد کمی دیکھنے کو ملتی ہے تاہم ادویات کی قیمتوں شاید ہی 76 سالہ تاریخ پاکستان میں کبھی کمی ہوئی ہو

ادویات ساز کمپنیاں قیمتیں بڑھاتے ہوئے ڈالر و پیٹرول کے بڑھتے ریٹس کا رونا روتی تھیں تاہم اب ان کی قیمتوں میں کمی کے بعد ادویات کی قیمتوں میں کمی تو دور الٹا مذید اضافہ کیا جا رہا ہے جس کے باعث شہری سخت پریشان ہیں اور حکومت وقت سے مطالبہ کرتے ہیں کہ ادویات کی بلیک مارکیٹنگ مافیا کو لگام ڈالی جائے اور بڑھی ہوئی قیمتیں کم کروائی جائیں

قصور
مین دیپالپور روڈ پہ واقع شہری آبادی شدید پریشان،نکاسی آب نا ہونے کے باعث گلیاں تالاب،رہائشیوں کا گزرنا محال ،انتظامیہ خاموش

تفصیلات کے مطابق مین دیپالپور قصور روڈ سٹی نزد دربار بابا کمال چشتی کے نزدیک واقع ٹبی کمبواں والی میں سویوں والی فیکٹری کے قریب کے رہائشی دن رات سخت اذیت میں مبتلا ہیں
نکاسی آب نا ہونے کے باعث پانی گلیوں بازاروں میں جمع رہتا ہے اور تالاب کا منظر پیش کرتا ہے جس کے باعث لوگوں کا گزرنا بہت اذیت ناک ہے خاص کر عورتیں،بچے اور بزرگ شدید پریشان ہیں
نماز پڑھتے نماز گندے پانی سے پریشان ہیں اور معمر افراد مسجد کی بجائے گھر پہ نماز ادا کرنے پہ مجبور ہیں

اہلیان علاقہ نے اس بابت انتظامیہ کو کئی بار آگاہ بھی کیا ہے مگر کوئی شنوائی نہیں ہوئی

اہلیان علاقہ نے ڈپٹی کمشنر قصور سے ازخود نوٹس لے کر عمل کی استدعا کی ہے

قصور
مرکزی مسلم لیگ پاکستان کے زیر اہتمام اپنی نوعیت کے پہلے خدمت ہاؤس کا سنگ بنیاد 10 نومبر کو رکھا جائے گا

تفصیلات کے مطابق قصور میں مرکزی مسلم لیگ پاکستان کی جانب سے اپنے خدمت انسانیت کے سلسلے کو مذید بڑھاتے ہوئے ایک شاندار اور اپنی نوعیت کے اعتبار سے بہت اعلیٰ منصوبے کا آغاز کرنے جا رہی ہے
اس منصوبے کا نام مرکز معصب بن عمیر و خدمت ہاؤس رکھا گیا ہے جس کا سنگ بنیاد ڈاکٹر حافظ عبدالرحمن کل بروز جمعہ 10 نومبر کو المدینہ سٹی قصور روڈ الہ آباد میں رکھیں گے
اس مرکز کیلئے 4 کنال جگہ خریدی گئی ہے
اس مرکز میں یتیم،بے سہارا اور غریب لوگوں کو ٹھہرایا جائے گا اور ایک جدید ہسپتال بنایا جائے گا جس میں مرکز میں ٹھہرے لوگوں کیساتھ اہلیان علاقہ کو بھی مفت طبی سہولیات مہیا کی جائیں گیں
اس مرکز کے یتیم سنٹر میں علاقے کے یتیم بچوں کی کفالت، رہن سہن اور ان کی پڑھائی لکھائی کے ساتھ ساتھ ان کو ہنر بھی سکھایا جائے گا تاکہ بڑے ھو کر جب عہ یہاں سے نکلیں تو در در کی ٹھوکریں کھانے کی بجائے اپنا ہنر آزمائیں اور عزت کی روٹی کما سکیں اور معاشرے کے عزت مند فرد بن سکیں
نیز اس مرکز میں ایک سلائی سینٹر بھی بنایا جائے گا جس میں امیر غریب کی بیٹی فری سلائی سیکھ سکے گے
نیز وہ جوان مرد و خواتین و بوڑھے لوگ جو بے گھر کر دئیے گئے ہیں گھروں سے نکال دیئے گئے ان کے لئے مختول شیر کے نام سے اولڈ ھوم بنایا جائے گا جہاں ان کے رہن سہن کیساتھ ان کے کھانے پینے کا اچھا انتظام ھو گا تاکہ ان کو گھر کی کمی نا محسوس ہو
اسی مرکز میں ایک کمیونٹی سنٹر بنایا جائے گا جس میں لوگوں کے مسائل سنیں بھی جائیں گے اور ان شاءاللہ حل بھی کئیے جائیں گے
نیز فری ایمبولینس سروس بھی ھو گی جس می گھر سے قبرستان تک میت کی منتقلی کیلئے ایک گاڑی کا انتظام ھو گا
اس خدمت مرکز کی پہلی برانچ قصور کی تحصیل چونیاں کے شہر الہ آباد میں بنائی جا رہی ہے تاہم بعد میں ایسے مراکز پورے پاکستان میں بنائے جائینگے

قصور
ڈینگی کے وار جاری،شہری بیمار ہو کر کام کاج سے محروم ہو کر ہسپتالوں میں منتقل،عرصہ دراز سے ڈینگی مچھر کی افزائش روکنے کی سپرے نہیں کی گئی،نوٹس کی اپیل

تفصیلات کے مطابق قصور ضلع بھر میں ڈینگی وائرس سے متاثرہ افراد کی تعداد میں اضافہ ہو رہا ہے
ہر روز کئی شہری ڈینگی مچھر کے کاٹنے سے بیمار ہونے سے کام کاج سے محروم ہو کر ہسپتالوں میں منتقل ہو رہے ہیں
ضلع بھر میں مچھروں خاص کر ڈینگی مچھر کی افزائش میں خطرناک حد تک اضافہ ہو گیا ہے
واضع رہے کہ عرصہ دراز سے مچھروں کے تدراک کی سپرے نہیں کی گئی جس کے باعث مچھر اور خاص کر ڈینگی مچھر کی بہتات ہو گئی ہے

قصور میں ڈینگی بریگیڈ موجود ہونے کے باوجود بھی ڈینگی کے خلاف کام نا کرنا اور سپرے نا کرنا باعث تشویش ہے
شہریوں نے ڈپٹی کمشنر قصور اور سی او ہیلتھ سے استدعا کی ہے کہ مچھر مار سپرے کروائی جائے تاکہ مچھروں کی تعداد میں کمی واقع ہو اور لوگ بیماریوں سے محفوظ رہ سکیں

قصور
یونین کونسل 11 میں سیکریٹری کی زیرنگرانی روزانہ کی بنیاد پہ گاؤں دیہات کی صفائی ستھرائی کا کام جاری

تفصیلات کے مطابق قصور کی نواحی دیہی یونین کونسل نمبر 11 اوراڑہ نو میں یونین کونسل سیکریٹری سید محمود شاہ اور معاون امان اللہ کی زیر نگرانی روزانہ کی بنیاد پہ پوری یونین کونسل کے تمام گاؤں دیہات میں صفائی ستھرائی کا کام جاری
ہے
ہر روز ایک گاؤں میں نالیاں کی صفائی کی جاتی ہے اور گلیوں بازاروں میں جھاڑو لگوایا جاتا ہے
نالیوں سے نکلنے والی گندی اور جمع ہونے والے کورے کرکٹ کو بعد میں اٹھا کر کچرے کے ڈھیروں میں پھینکا جاتا ہے
اہلیان علاقہ نے صفائی ستھرائی مہم پہ اظہار اطمینان کیا ہے اور استدعا کی ہے کہ اس سلسلے کو مستقل چلایا جائے

قصور
ضلع بھر میں دھان کی کٹائی جاری،کٹائی کے بعد فصل کی باقیات کو آگ لگانے سے گریز کیا جائے،محکمہ زراعت پنجاب

تفصیلات کے مطابق اس وقت قصور میں دھان کی فصل کی کٹائی جاری ہے جس پہ
محکمہ زراعت پنجاب نے کاشتکاروں کو ہدایت جاری کی ہے کہ سموگ سے بچاؤ کے لئے دھان کے کاشتکار کٹائی کے بعد فصل کی باقیات کو آگ لگانے سے گریز کریں کیونکہ اس سے سموگ میں اضافہ ہو گا
محمکہ ماحولیات کے مطابق پاکستان دنیا کے ان 10 ممالک میں شامل ہے جو موسمیاتی تبدیلی اور فضائی آلودگی کا شکار ہو رہے ہیں اور
سموگ فضائی آلودگی کی وہ قسم ہے جو انسانوں، جانوروں اور پودوں کے علاوہ پورے ماحول کو آلودہ کر دیتی ہے لہذہ کسان حضرات دھان کی فصل کی کٹائی کے بعد باقیات کو آگ لگانے سے گریز کریں

قصور
ڈی پی او قصور کا تھانہ گنڈا سنگھ کا دورہ،کرائم میٹنگ کی گئی

تفصیلات کے مطابق ڈی پی او قصور طارق عزیز سندھو نے تھانہ گنڈا سنگھ میں تفتیشی افسران کیساتھ کرائم میٹنگ کی اور جرائم اور امن و امان کی صورتحال کا جائزہ لیا نیز سردی کی آمد پیش نظر جائزہ لیا کہ پولیس افسران دھند میں بہترین حکمت عملی کے تحت چوری اور ڈکیتی کی وارداتوں کو کنٹرول کرنے میں کس طرح محنت کریں گے اور شہریوں کی جان و مال کی حفاظت کو یقینی بنائیں گے
ڈی پی او قصور نے وزٹ کے دوران تھانہ کی صفائی ستھرائی، حوالات اور فرنٹ ڈیسک کو چیک کیا اور عوام کو فوری انصاف کی فراہمی کیلئے اپنے فرائض کو احسن طریقے سے سر انجام دینے کی ہدایت کی

قصور
شہر بھر میں خاص کر بلہے شاہ دربار کے نزدیک مچھلی فروشوں نے ٹریفک جام کرنا معمول بنا لیا،انتظامیہ خاموش تماشائی

تفصیلات کے مطابق قصور شہر بھر میں ٹریفک جام ہونے کا سلسلہ بڑھتا ہی چلا جا رہا ہے خاص کر سرکلر روڈ قصور نزد دربار بابا بلہے شاہ کے قریب دن و رات ٹریفک جام رہنا معمول بن گیا ہے جس کی وجہ مچھلی فروش ریڑھی والے ہیں جو کہ تقریباً عین سڑک کے وسط میں ریڑھیاں لگا کر راستہ روکے رکھتے ہیں
ان کی ریڑھیوں پہ کسی شہری کو کوئی بھی اعتراض نہیں کیونکہ یہ محنت کش اپنی حلال کی روزی کماتے ہیں مگر مسئلہ اس بات کا ہے کہ یہ سڑک کنارے کی بجائے سڑک کے وسط میں ریڑھیاں لگاتے ہیں جس کے باعث ہر وقت ٹریفک جام رہتی ہے
دور دراز سے آئے شہریوں کے علاوہ شہر کے رہائشی بھی اس ٹریفک جام سے شدید پریشان ہیں اور انتظامیہ سے مطالبہ کرتے ہیں کہ ان مچھلی فروش ریڑھی والوں کی ریڑھیاں سڑک کے کنارے لگوائی جائیں یا پھر ان کا سڑک کنارے پھٹے لگانے کا بندوبست کیا جائے تاکہ یہ لوگ بآسانی آپنی حلال کی روزی بھی کما سکیں اور لوگوں کے گزرنے میں رکاوٹ بھی پیدا نا ہو۔اگر کوئی شہری ان ریڑھی والوں کو سمجھائے تو یہ اکھٹے ہو کر لڑنے پہ تیار ہو جاتے ہیں
شہریوں نے ڈپٹی کمشنر قصور سے از خود نوٹس لینے کی اپیل کی