Tag: قصوریات

قصور
ٹریفک پولیس سڑکوں پہ برائے نام،مخصوص سڑکوں پہ مخصوص ناکے لگا کر عوام سے دیہاڑیاں لگانا ٹریفک پولیس کا کام،سڑکوں پہ ائے روز حادثات میں شہری مرنے لگے،گزشتہ روڈ ٹریفک حادثہ میں جانبحق ہونے والے ماں بیٹا کو ٹکر مارنے والی گاڑی کا کچھ پتہ نا لگ سکا

تفصیلات کے مطابق ٹریفک پولیس قصور کی کارکردگی سوالیہ نشان ہے
سڑکوں پہ کبھی کبھار ہی ٹریفک پولیس کی موجودگی محسوس کی جاتی ہے وگرنہ مخصوص سڑکوں پہ مخصوص ناکے لگا کر شہریوں سے دیہاڑیاں لگانا ٹریفک پولیس کا کام ہے
قصور رائیونڈ روڈ کے 28 کلومیٹر میں محض تھانہ راجہ جنگ کی دیوار کیساتھ روزانہ ناکہ لگا کر ٹریفک پولیس اہلکار دیہاڑی لگاتے ہیں تاہم ان کے سامنے دن کے وقت اوور لوڈڈ گاڑیاں گزرتی ہیں جن کو کبھی نہیں روکا گیا ساری کاروائی صرف موٹر سائیکل سواروں تک محدود ہے
کبھی بھی پورے روڈ پہ ان اہلکاروں کو کسی گاڑی کی سپیڈ لیمٹ چیک کرتے و لوگوں کو ٹریفک خلاف ورزی پہ روکتے نہیں دیکھا گیا جس کے باعث آئے روز قصور رائیونڈ روڈ پہ حادثات جنم لیتے ہیں اور شہری اپنی جانوں سے ہاتھ دھو رہے ہیں
گزشتہ شام اذان مغرب سے کچھ دیر قبل
قصور رائیونڈ روڈ پر نامعلوم گاڑی نے موٹر سائیکل سوار ماں بیٹے کو بھٹی ہسپتال کے قریب کچل دیا جس میں ماں بیٹا موقع پر جانبحق ہو گئے
جانبحق ہونے والے ماں ماں بیٹے کی شناخت پچیس سالہ وسیم اکرم اور پچاس سالہ نجمہ زوجہ اکرم سکنہ راؤ خانوالا کے ناموں سے ہوئی ہے
نامعلوم گاڑی کا ڈرائیور موقعہ سے فرار ہونے میں کامیاب ہو گیا جس کا تاحال کوئی سراغ نہ لگ سکا ہے
اہلیان علاقہ نے قصور رائیونڈ روڈ پہ آئے روز کے حادثات میں لوگوں کی زندگیاں جانے پہ ڈی پی او قصور و ڈی سی قصور کو نوٹس لینے کا مطابہ کیا ہے اور مطالبہ کیا ہے کہ ٹریفک پولیس،پنجاب پولیس قصور و ہائی وے پیٹرولنگ پولیس کی پیٹرولنگ کو سڑک پہ نمایاں کروایا جائے تاکہ حادثات و چوری ڈکیتی سے شہری محفوظ رہ سکیں

قصور
سڑکوں پہ اوور لوڈڈ ٹرالیوں کا راج,تارکول سے بنی نئی کارپٹ سڑکیں مٹی کہ تہہ جمنے سے کچی سڑکوں میں تبدیل،دھول مٹی اڑنے سے لوگ بیماریوں میں مبتلا ہونے لگے،انتظامیہ خاموش تماشائی

تفصیلات کے مطابق قصور ضلع بھر اور خاص کر تحصیل قصور کی سڑکوں،قصور رائیونڈ روڈ،قصور کوٹ رادھاکشن روڈ،قصور دیپالپور روڈ اور لاہور قصور روڈ و قرب و جوار کے گاؤں دیہات کی سڑکوں پہ مٹی سے لدی اوور لوڈڈ ٹریکٹر ٹرالیوں کا راج ہے
مٹی سے لدی بغیر ترپال اوور لوڈڈ ٹرالیوں سے مٹی گرتی رہتی ہے جس کے باعث تارکول سے بنی نئی کارپٹ سڑکیں مٹی کی تہہ جمنے سے کچی سڑکوں میں تبدیل ہو رہی ہیں اور مٹی کے جمنے کے باعث سڑکیں ٹوٹ رہی ہیں
قصور کے نواحی گاؤں کھارا میں چند سال قبل بننے والی رائیونڈ قصور روڈ ڈرین کیساتھ سے گاؤں آنے والی تارکول کی پختہ سڑک مٹی کی ٹرالیوں کے باعث ٹوٹ چکی ہے اور ساری سڑک پہ مٹی کی کئی تہیں بن گئی ہیں
اس سڑک پہ دن رات مٹی والی ٹرالیاں گزرتی ہیں اور مٹی گراتی رہتی ہیں جس کے باعث لوگوں کا گزرنا دشوار ہو چکا ہے اور دھول مٹی اڑنے سے لوگ کئی طرح کی بیماریوں میں مبتلا ہو رہے ہیں اس بابت انتظامیہ خاموش تماشائی بنی ہوئی ہے

اہلیان علاقہ نے ڈپٹی کمشنر قصور،اسسٹنٹ کمشنر قصور سے ٹرالی مالکان کی طرف سے سرکاری سڑک کو نقصان پہنچا کر لوگوں کو بیمار کرنے اور راستوں میں رکاوٹ ڈالنے پر ازخود نوٹس کا مطالبہ کیا ہے

قصور
دھند کے اغاز کیساتھ ہی وارداتوں میں اضافہ،مصرف سڑک پہ واردات،پیٹرولنگ بڑھانے کی استدعا

تفصیلات کے مطابق قصور میں دھند شروع ہوتے ہی وارداتوں میں اضافہ ہو گیا ہے

گزشتہ شب نجی فیکٹری کی بس قصور سے رائیونڈ اپنے ورکرز کو لے کر جا رہی تھی کہ موضع راؤخانوالہ نزد ڈرین پہ بس کو ڈاکوؤں نے لوٹ لیا اور پھر اس کے بعد آنے والے ایک کیری ڈبے کو لوٹا گیا
بڑھتی ہوئی وارداتوں کے پیش نظر شہریوں نے ڈی پی او قصور سے پیٹرولنگ بڑھانے کی استدعا کی ہے تاکہ لوگ چوروں ڈاکوؤں سے محفوظ ہو کر سفر کر سکیں

قصور
غیور عوام کی جانب سے اسرائیلی مصنوعات کے بائیکاٹ پہ کمپنیوں نے قیمتیں کم کرنا شروع کر دیں،عوام کا اظہار نفرت تاحال برقرار

تفصیلات کے مطابق ملک بھر کی طرح ضلع قصور میں بھی غیور عوام کی طرف سے اسرائیلی مصنوعات کا بائیکاٹ جاری ہے جس پہ اسرائیلی کمپنیوں کی سیل میں خاطر خواہ کمی واقع ہوئی ہے
اسرائیلی کمپنیوں نے عوام کو لالچ دیتے ہوئے ایریل واشنگ پاؤڈر کے بڑے پیک کی قیمت 670 روپیہ سے کم کرکے 600 روپیہ اور چھوٹے پیک کی قیمت 335 روپیہ سے کم کرکے 300 روپیہ اور اسی طرح باتھ سوپ کی چھوٹی ٹکیا کی قیمت 150 سے 135 اور بڑی کی 170 سے کم کرکے 150 روپیہ کر دی ہے نیز اس کے علاوہ دیگر اشیاء کی قیمتوں میں بھی کمی کی گئی ہے
تاہم دکانداروں کے مطابق ابھی تک لوگ اسرائیلی کمپنیوں کے متبادل خریدنے پہ اصرار کرتے ہیں جس سے اسرائیلی اشیاء کی فروخت میں کافی حد تک کمی واقع ہوئی ہے

قصور
بیوہ عورت پہ اس کے سامنے یتیم بچے پہ تشدد،ملزمان یتیم کے مکان پہ قبضہ کرنا چاہتے ہیں

تفصیلات کے مطابق قصور تھانہ سٹی اے ڈویژن کو رحمت بی بی بیوہ رحمت علی سکنہ کوٹ میر باز خان قصور نے مورخہ 24/11/23 کو درخواست دی کہ وہ اپنے بیٹے مظہر فرید کے ساتھ سبزی منڈی جا رہی تھی کہ تجمل ولد مشتاق اپنے ساتھیوں سمیت گلی کی نکر پہ اپنے ساتھیوں سمیت کھڑا تھا جس نے مجھے اور میرے بیٹے کو دیکھتے ہی گالیاں دینی شروع کر دیں جب میں نے اسے منع کیا تو اس نے میرے بیٹے کو میرے سامنے مارنا شروع کر دیا جس سے میرا بیٹا زخمی ہو گیا تو اس کے اور میرے شور کرنے پہ اہل محلہ نے چھڑوایا
ملزمان ہم دونوں کو جان سے مارنے کی دھمکیاں دیتے ہوئے فرار ہو گئے
اس سے قبل بھی ملزمان نے میرے بیٹے اور مجھے نقصان پہنچانے کی کوشش کی ہے جس کی دو مرتبہ پہلے درخواست گزاری جا چکی ہے تاہم کوئی شنوائی نہیں ہوئی
بیوہ رحمت بی بی نے بتایا کہ ملزمان میرے مکان پہ قبضہ کرنا چاہتے ہیں جس کی وہ دھمکیاں کئ بار دے چکے ہیں لہذہ ڈی پی او قصور ازخود نوٹس لیتے ہوئے مجھے انصاف مہیا کریں

قصور
دو مختلف حادثات میں ایک جانبحق اور دو شدید زخمی،ہسپتال منتقل

تفصیلات کے مطابق چونیاں و گردونواح میں دو مختلف ٹریفک حادثات میں ایک نوجوان جانبحق اور دو شدید زخمی ہوئے
چونیاں بائی پاس انڈسٹریل ایریا کے قریب تیز رفتار ڈمپر نے موٹر سائیکل سوار صادق کو کچل دیا جو کہ موقع پر ہی جانبق ہو گیا
جبکہ دوسرا حادثہ چھانگا مانگا کے قریب پیش آیا جس میں حساس ادارے کے آفیسر نے دو موٹر سائیکل سوار نوجوانوں کو کچل دیا
دونوں زخمیوں کو تشویشناک حالت میں ہسپتال منتقل کیا گیا ہے تھانہ سٹی پولیس چونیاں اور تھانہ چھانگا مانگا پولیس نے الگ الگ دونوں موقع پر پہنچ کر کارروائی کا آغاز کر دیا

قصور
کم عمر ڈرائیوروں کے خلاف کارروائیاں جاری،چالان و مقدمات کا سلسلہ برقرار

تفصیلات کے مطابق پنجاب بھر کی طرح ضلع قصور میں بھی کم عمر اور بغیر لائسنس ڈرائیونگ کرنے والوں کے خلاف بھرپور کریک ڈاؤن جاری ہے جس کے تحت کاروائیوں میں
گزشتہ تین روز کے دوران قصور پولیس نے ضلع بھر میں 200 کم عمر ڈرائیوروں کے خلاف قانونی کارروائی کرکے مقدمات قائم کئے ہیں جن میں سے
153 کے چالان کئے گئے ہیں
نیز ٹریفک پولیس نے بغیر لائسنس کے ڈرائیونگ کرنے والے 36 افراد کے خلاف مقدمات درج کئے ہیں اور 129 کے چالان کئے گئے ہیں

قصور پولیس نے کم عمر ڈرائیوروں کے خلاف کاروائیوں کیساتھ ساتھ بچوں کے والدین کے خلاف بھی مقدمات درج کئے ہیں اور والدین کو تنبیہہ کی ہے کہ اپنے کم عمر بچوں کو ڈرائیونگ سے روکیں ورنہ ان کے خلاف کاروائی کی جائے گی
دوسری جانب شہری کا کہنا ہے کہ کم ڈرائیوروں کو تنبیہہ کرکے چھوڑا جائے کیونکہ ان کے مقدمات بنا کر ان کا کریمنل ریکارڈ بنانے سے ان کے مستقبل کو برباد نا کیا جائے

قصور
خطرناک ڈکیت گینگ کا سرغنہ ساتھیوں سمیت گرفتار،مال مسروقہ برآمد

تفصیلات کے مطابق تھانہ الہ آباد کے ایس ایچ او محمد یاسر کی سربراہی میں پولیس ٹیم نے کامیاب کاروائی کرتے ہوئے ڈکیتی اور راہزنی کی وارداتوں میں ملوث جپھی کھرل ڈکیت گینگ کے چار ارکان گرفتار
جبکہ سرغنہ ساتھیوں سمیت بھاگنے میں کامیاب رہا

گرفتار ملزمان کے قبضہ سے شہری سے چھینا گیا 11 لاکھ روپیہ مالیت کا ٹرالا 3 عدد موٹر سائیکل نقد ایک لاکھ روپیہ اور اسلحہ برآمد کر لیا گیا

گرفتار ملزمان نے خطرناک ڈکیت گینگ تشکیل دے رکھا تھا جو روڈ بلاک کر کے شہریوں سے ٹریکٹر ٹرالا اور موٹر سائیکل وغیرہ چھیننے کی وارداتیں کرتا تھا
۔مڈکیت گینگ کے ایک ارکان وقاص عرف وقاصی نے کچھ عرصہ قبل تلونڈی کے علاقہ میں شہری کو مزاحمت پر فائرنگ کر کے زخمی کیا تھا
پولیس کا کہنا ہے کہ دیگر اراکین کو بھی ٹریس کیا جا چکا ہے جنہیں جلد گرفتار کر لیا جائے گا نیز ملزمان نے دوران تفتیش ڈکیتی کی کئی وارداتوں کا انکشاف کیا ہے
ڈی پی او قصور طارق عزیز سندھو نے اچھی کارکردگی پر تھانہ الہ آباد پولیس کو شاباش دی

قصور
احاطہ کچہری میں نوجوان ملزم کا ہتھکڑیوں سمیت پولیس کسٹڈی میں قتل لوگوں کے لئے باعث خوف بن گیا

تفصیلات کے مطابق گزشتہ دن پولیس کسٹڈی میں ہتھکڑیوں میں جکڑے نوجوان کو ملزمان کی جانب سے فائرنگ کرکے قتل کرنے کے بعد لوگوں میں شدید خوف و ہراس پایا جا رہا ہے
گزشتہ دن ایڈیشنل سیشن جج ندیم انصاری کی عدالت کے باہر زیر حراست 16 سالہ ملزم افضل کو ملزمان عابد اور عاطف نے پولیس کی موجودگی میں فائرنگ کرکے قتل کر دیا تھا جبکہ دوسرا شحض زخمی ہوا
اس پہ ڈی پی او قصور نے ضلع کچہری کے سکیورٹی انچارج سب انسپکٹر محمد جمیل کو معطل کردیا اور پیشی کیلئے لیجانے والے دیگر اہلکاروں کی انکوائری کیلئے ایس پی انویسٹی گیشن کو احکامات جاری کئے ہیں
کل صبح وکیل کی یونیفارم میں ملبوس ملزم نے زیر حراست ملزم افضل کو فائرنگ کرکے قتل جبکہ ملزم راشد مسیح کو زخمی کر دیا تھا
پولیس نے موقع سے ہی فائرنگ کرنے والے ملزم عابد اور اسکے ساتھی عاطف کو گرفتار کر لیا تھا
مقتول افضل نے ملزم عابد کے بیٹے کو سال 2022 میں قتل کیا تھا اسی سلسلے میں اس کا چالان عدالت میں پیش کیا گیا تھا اور اس کی پیشی تھی
واضع رہے کہ ضلع کچہری میں ی ہوئی پہلا قتل نہیں اس سے قبل بھی ایسے واقعات پیش آ چکے ہیں جس پہ عوام ضلع کچہری میں خود کو غیر محفوظ تصور کرنے لگی ہے

قصور
غیور شہریوں کی طرف سے اسرائیلی پراڈکٹس کا بائیکاٹ جاری،اسرائیلی پراڈکٹس کے نعم البدل ملکی و غیر ملکی پراڈکٹس کی مانگ میں اضافہ

تفصیلات کے مطابق 7 اکتوبر 2023 کے بعد اسرائیل کی جانب سے نہتے معصوم فلسطینیوں پہ فضائی بمباری اور مسلسل جنگ کرنے پہ پاکستانی عوام میں اسرائیل کے خلاف سخت غم و غصہ پایا جا رہا ہے
اسرائیل کے خلاف اظہار نفرت اور فلسطینوں سے اظہار یکجہتی کے طور پہ زندہ دلان قصور نے اسرائیلی پراڈکٹس کا بائیکاٹ شروع کیا ہوا ہے جس میں آئے دن اضافہ ہو رہا ہے
دکانداروں کے مطابق قصور کے غیور شہریوں نے کوکا کولا و پیپسی کا بائیکاٹ کرکے دیگر ملکی و غیر ملکی کولڈ ڈرنکس و مشروبات کا خریدنا تیز کر دیا ہے نیز دیگر ضروریات زندگی جیسے کہ سرف ایکسل،ایریل واشنگ پاؤڈر،لپٹن چائے،لیز،کنور چکن کیوبز وغیرہ جیسی اہم پراڈکٹس کی فروخت میں بھی کافی کمی واقع ہوئی ہے