Tag: قصوریات

قصور
سوشل میڈیا پہ وائرل ہونے والی ویڈیو پہ پولیس کا ایکشن،لڑکے کو مرغا بنا کر مارنے والے چاروں ملزمان گرفتار،مقدمہ درج

تفصیلات کے مطابق سوشل میڈیا پہ ایک ویڈیو وائرل ہوئی جس میں ایک لڑکے کو چند ملزمان مرغا بنا کر تشدد کر رہے ہیں
ویڈیو وائرل ہونے کے بعد تھانہ سرائے مغل
نے کاروائی کرتے ہوئے لڑکے کو مرغا بنا کر تشدد کرنے والے چار ملزمان کو گرفتار کر لیا
موضع بونگی لالو کے رہائشی عدیل نامی لڑکے کو ملزمان اسد وغیرہ نے موضع ہلہ کے قریب تشدد کا نشانہ بنایا اور ویڈیو سوشل میڈیا پہ وائرل کر دی تھی
تھانہ سرائے مغل پولیس نے موضع اپلانوالا کے رہائشی چاروں ملزمان عدیل، اسد، ذیشان اور تصور کو گرفتار کرکے مقدمہ درج کر لیا
ملزمان کے خلاف تعزیرات پاکستان کی مختلف دفعات کے تحت مقدمہ درج کر لیا گیا ہے

قصور
شدید ترین دھند،حد نگاہ چند میٹر،دھند کے باوجود اوور لوڈڈ ٹرالیاں سڑکوں پہ،لوگوں کی زندگیوں کو سخت خطرہ،ٹریفک پولیس خاموش تماشائی،ڈی پی او قصور سے نوٹس کی اپیل

تفصیلات کے مطابق قصور ضلع بھر میں شدید دھند کا راج ہے جس کے باعث حد نگاہ ایک دو میٹر ہی رہ گئی ہے دن کے وقت رات کا سماں شروع ہو جاتا ہے
دھند کے باعث سڑکوں پہ سفر کرنے والوں کو کافی مشکلات کا سامنا ہے
شدید دھند کے باعث ہر روز سڑکوں پہ حادثات رونما ہو رہے ہیں جس میں کئی شہری اپنی زندگیوں سے ہاتھ دھو بیٹھے ہیں تاہم ٹریفک پولیس قصور کی بے حسی عروج پہ پہنچ چکی ہے
ٹریفک پولیس کی غیر ذمہ داری سے شدید دھند میں اوور لوڈڈ ٹرالیاں ٹرالے،ٹرک اور کنٹینر سڑکوں پہ دندناتے پھر رہے ہیں جو کہ سفر کرنے والوں کے لئے بہت بڑا خطرہ ہیں
ٹریفک پولیس کا سارا دیہان موٹر سائیکل سواروں سے دیہاڑیاں لگانے میں ہے
شہریوں نے دن کے وقت شدید دھند میں بڑی سڑکوں پہ کھلے عام اوور لوڈڈ ٹرالیوں پہ تشویشن کا اظہار کیا ہے اور ڈی پی او قصور سے از خود نوٹس لے کر ٹریفک پولیس کو اوور لوڈڈ ٹرالیوں کے خلاف کاروائی کا مطالبہ کیا ہے تاکہ شہری محفوظ رہ کر سفر کر سکیں
واضع رہے کہ قصور رائیونڈ روڈ پہ دو طرفہ بائی پاس ہونے کی وجہ سے رائیونڈ اور قصور دونوں سمت سے چوبیس گھنٹے ہیوی ٹریفک بلا روک ٹوک چلتی ہے جس میں ان دھند کے دنوں میں ابتک چار سے پانچ افراد زندگی کی بازی ہار چکے ہیں تاہم کسی ٹریفک پولیس اہلکار کو کوئی پرواہ نہیں کہ ان گاڑیوں کا داخلہ روکا جائے
ابھی رواں ہفتے ہفتہ کے دن قصور رائیونڈ روڈ پہ دھند کے باعث مرکزی مسلم لیگ قصور کے اعلیٰ عہدیدار عبداللہ شاہین بھی تیز رفتار ٹرک تلے آنے سے دار فانی سے کوچ کر چکے ہیں تاہم ابھی تک ان اوور لوڈڈ گاڑیوں کے خلاف کوئی ایکشن نہیں لیا گیا

قصور
ڈی جی پنجاب فوڈ اتھارٹی عاصم جاوید کی ہدایت پر ضلع قصور میں کاروائی، 2000 ہزار لیٹر جعلی دودھ تلف،قصور شہر میں کاروائی کا مطالبہ

تفصیلات کے مطابق ڈی جی پنجاب فوڈ اتھارٹی
قصور عاصم جاوید کی ہدایات پہ عمل کرتے ہوئے فوڈ سیفٹی ٹیم نے قصور کے علاقے پھول نگر تحصیل پتوکی میں واقع اصغر ملک فیبریکیشن یونٹ پر چھاپہ مار کر 2000 لیٹر کیمیکلز سے تیار جعلی دودھ تلف کرکے مقدمہ درج کر دیا
پانی میں پاؤڈر، کیمیکلز اور گھی ڈال کر دودھ جیسا سفید گاڑھا محلول تیار کیا جاتا تھا ناقص پاؤڈر، کیمیکلز،آئل سے تیار دودھ لاہور بھیجا جارہا تھا
فوڈ سیفٹی ٹیموں کی بروقت کارروائی سے جعلی دودھ کو موقع پر تلف کر دیا گیا
جعلی دودھ تیار کرنے والے یونٹ کے مالک کے خلاف مقدمہ درج کر دیا گیا اور دودھ بردار گاڑی، کیمیکل، خشک دودھ اور کوکنک آئل ضبط کر لیا گیا
ڈی جی فوڈ اتھارٹی نے بتلایا کہ جعلی یا ملاوٹی دودھ کا استعمال انسانی صحت کیلئے انتہائی مضر ثابت ہے عوام جعلی دودھ بنانے والے عناصر کا جڑ سے خاتمہ کرنے کے لئے ہمارا ساتھ دیں اور ایسے سماج دشمن عناصر کے خلاف فیس بک ایپلی کیشن، ٹال فری نمبر 1223 پر شکایات درج کروائیں
نیز شہر قصور کے رہائشیوں نے پنجاب فوڈ اتھارٹی سے درخواست کی ہے کہ قصور شہر و گردونواح میں قائم دودھ فروش دکانوں پہ کاروائیاں کی جائیں جہاں سرعام جعلی دودھ بیچا جاتا ہے

قصور

قصور باڈی بلڈنگ کے زیر سایہ سالانہ کمپیٹیشن برادرز لون فارم کھارا بائی پاس میں آج 15 دسمبر کو ہو گا،شو پوزنگ کیلئے مسٹر پاکستان تشریف لائیں گے

تفصیلات کے مطابق آج 15 دسمبر 2023 بروز جمعہ بوقت دن 11 بجے برادر لون فارم نزد کھارا گاؤں قصور بائی پاس میں قصور باڈی بلڈنگ کا سالانہ کمپیٹیشن ہو گا
کمپیٹیشن قصور باڈی بلڈنگ کے چئیرمین حافظ عبد الوارث ساجد،صدر عثمان مئیو
جنرل سیکریٹری استاد ابوہریرہ،فنانس سیکریٹری چوہدری اویس ایڈووکیٹ کی زیر صدارت برادر لونگ فارم نزد کھارا گاؤں قصور بائی پاس میں ہو گا جس میں جیتنے والے مسٹر قصور کو سی جی ون ٹو فائیو ،جونئیر مسٹر قصور کو سی ڈی سیونٹی و دیگر حصہ لینے والوں کو نقد انعامات و اسناد سے نوازا جائے گا
کمپیٹیشن میں شو پوزنگ کے لئے مسٹر پاکستان تشریف لائیں گے
کمپیٹیشن ہر سال حافظ عبد الوارث ساجد کی زیر نگرانی کروایا جاتا ہے تاکہ نوجوان نسل میں اپنی صحت بارے شعور اور اگاہی آئے

قصور
مشہور جنسی زیادتی سیکنڈل کیس میں عمر قید پانے والوں کی
کل ضمانت منظور، رہا کرنے کا حکم

تفصیلات‏ کے مطابق 2015 میں قصور کے علاقے میں کمسن بچوں کے ساتھ جنسی زیادتی ویڈیو سکینڈل کے مرکزی ملزمان کو لاہور ہائیکورٹ کے ڈویژن بنچ نے تین ملزمان کی عمر قید کی سزا کو کالعدم قرار دیتے ہوئے بری کرنے کا حکم دے دیا

گزشتہ دن عدالت نے ملزمان حسیم عامر, علیم آصف۔,وسیم بٹری کی اپیلوں کو منظور کیا اور تینوں عمر قید کے سزا یافتہ ملزمان کو رہا کرنے کا حکم جاری کیا

انسداد دہشت گردی کی عدالت نے تینوں کو عمر قید کی سزا سنائی تھی اور ملزمان کے خلاف تھانہ گنڈا سنگھ والہ قصور نے 2015 میں مقدمہ درج کر رکھا تھا‏

قصور
سردی کی امد سے بیماریوں میں اضافہ،ادویات ساز کمپنیوں نے ادویات کی قیمتوں میں پھر اضافہ کر دیا،بیشتر ادویات مارکیٹ سے غائب،گورنمنٹ خاموش تماشائی،ادویات کی بلیک میں فروخت جاری

تفصیلات کے مطابق گورنمنٹ محض دعوے ہی کر رہی ہے عملی طور پہ کام نامی کوئی چیز نہیں بلیک مارکیٹنگ مافیا گورنمنٹ کی پہنچ سے بہت دور ہے جس کی من مانیاں جاری ہیں
گورنمنٹ کی طرف سے ہر روز نئے سے نیا دعویٰ کیا جاتا ہے جو کہ ریٹ کا گھروندا ثابت ہوتا ہے ملک بھر کی طرح شہر قصور میں بھی
سردی میں اضافہ ہوتے ہی شہریوں میں الرجی، نزلہ،زکام اور بخار جیسی بیماریوں میں اضافہ ہو گیا ہے
جس سے ادویات کی مانگ میں اضافہ ہوا ہے اور اسی بات کا فائدہ اٹھا کر بلیک مارکیٹنگ مافیا نے ادویات نایاب کرکے ادویات کی قیمتوں میں کئی فیصد تک اضافہ کر دیا ہے اور منہ مانگے داموں پہ فروخت جاری ہے جس سے مہنگائی کے مارے لوگ مذید پریشان ہو گئے ہیں
بیشتر ادویات مارکیٹ سے غائب کر دی گئی ہیں
ڈریپ،پرائس کنٹرول مینجمنٹ جیسے ادارے چپ سادھ کر خاموش تماشائی بنے بیٹھے ہیں اور ادویات ساز کمپنیوں کو عوام کو لوٹنے کی کھلی چھٹی دے رکھی ہے
شہریوں نے ارباب اختیار سے نوٹس لینے اور رحم کرنے کی اپیل کی ہے

قصور
انڈین نیل گائے چھانگا مانگا جنگل میں پہنچا دی گئی

تفصیلات کے مطابق گزشتہ دن قصور کی تحصیل چونیاں کے سرحدی شہر کنگن پور کے گاؤں تلونڈی میں انڈین بارڈر کراس کر کے آنے والی نایاب نسل کی نیل گائے کو مقامی لوگوں نے اپنی مدد آپ کے تحت پکڑ لیا اور محکمہ وائلڈ لائف کو مطلع کیا
اسسٹنٹ ڈائریکٹر وائلڈ لائف قصور کی سربراہی میں وائلڈ لائف انسپکٹر چونیاں نذیر احمد نے بروقت کاروائی کرتے ھوے نایاب نیل گائے کو اپنی تحویل میں لے لیا اور چھانگا مانگا کے سفاری پارک میں پہنچا دیا
انڈین نیل گائے اب چھانگا مانگا سفاری زو کی زینت بن گئی ہے جہاں پہلے سے بہت سے نایاب نسل پرندے و جنگلی جانور موجود ہیں

ڈپٹی کمشنر قصور محمد ارشد بھٹی کے زیر صدارت محکمہ لوکل گورنمنٹ کا اہم اجلاس ہوا جس میں زیر التوا کورٹ کیسز سمیت دیگر اقدامات کاجائزہ لیا گیا
اجلاس گزشتہ روز ڈی سی کمیٹی روم میں منعقد ہوا جس میں ایڈیشنل ڈپٹی کمشنر ریونیو مظہر علی سرور، ڈپٹی ڈائریکٹر ڈویلپمنٹ سعد بن شبیر، چیف آفیسر میونسپل کارپوریشن، چیف آفیسر ضلع کونسل، چیف آفیسر میونسپل کمیٹیز، تمام میونسپل کمیٹیز کے لیگل ایڈوائرز موجود تھے جبکہ اسسٹنٹ کمشنرز قصور، چونیاں، پتوکی، کوٹ رادھاکشن نے ویڈیو لنک کے ذریعے اجلاس میں شرکت کی اجلاس میں محکمہ لوکل گورنمنٹ کے زیر التوا کورٹ کیسز، زیر التوا نقشہ جات کیسز اور سرکاری تجارتی عمارتوں،دکانوں کے کرایوں کے تعین کے حوالے سے اقدامات کا تفصیلی جائزہ لیا گیا ڈپٹی کمشنر نے تمام میونسپل کمیٹیز کے زیر التوا کورٹ کیسز اور دیگر مسائل کا فرداً فرداً جائزہ لیا اور متعلقہ افسران کو ہدایت جاری کی کہ پنجاب حکومت کے احکامات کی روشنی میں محکمہ لوکل گورنمنٹ کے تمام زیر التوا کورٹ کیسز کی ترجیحی بنیادوں پر پیروی کر کے انہیں نمٹایا جائے اور شہریوں کو بنیادی سہولیات کی فراہمی کو یقینی بنانے کیلئے تمام وسائل کو بروئے کار لایا جائے