Tag: قصوریات

قصور
تھانہ صدر پتوکی پولیس کی کاروائی،قصور پولیس کے شہید اے ایس آئی محمد رفیق کا قاتل گرفتار،ناجائز اسلحہ و چرس برآمد

تفصیلات کے مطابق قصور کے تھانہ صدر پتوکی کے ایس ایچ او طارق محمود کی سربراہی میں پولیس ٹیم نے کامیاب کاروائی میں تھانہ سرائے مغل کی چوکی کے اے ایس آئی محمد رفیق کو شہید کرنے والا انتہائی مطلوب اشتہاری ملزم گرفتار کر لیا
ملزم وارث نے کچھ عرصہ قبل اے ایس آئی محمد رفیق کو شہید کر دیا تھا اور اشتہاری تھا
دوران مفروری ملزم وارداتیں کرتا رہا اور منشیات فروشی بھی کرتا رہا
ملزم کے قبضہ سے 3 کلوگرام چرس بھی برآمد کی گئی ہے
ملزم وارث تھانہ سٹی پتوکی،تھانہ صدر پتوکی،تھانہ مصطفی آباد،تھانہ سرائے مغل،تھانہ الہ آباد کو درجنوں وارداتوں میں مطلوب تھا

قصور
ڈینگی سکواڈ غیر فعال،قوم کا لاکھوں ماہانہ خرچ کرنے والا سکواڈ کئی ماہ سے مچھر مار سپرے نا کر سکا،پورے شہر میں ڈینگی مچھروں کی پروازیں

تفصیلات کے مطابق ڈینگی سکواڈ قصور لاکھوں روپیہ ماہانہ قوم کا کھا کر ڈکار بھی نہیں رہا
سارا کام خاموشی سے کئے جا رہا ہے
عرصہ دراز سے ڈینگی سکواڈ قصور کی طرف سے مچھر مار سپرے نہیں کی گئی جس کے باعث مچھروں کی افزائشِ نسل بہت تیزی سے بڑھ رہی ہے خاص کر ڈینگی مچھر کی بہتات ہو رہی ہے اور قصور شہر و قرب و جوار میں ڈینگی مچھروں کی پروازیں دیکھی جا رہی ہیں
ڈینگی سکواڈ قصور نے محض گلی محلوں میں اعلانات اور سیمینارز کروا لینا ہی اپنا اصل کام سمجھ لیا ہے اور عملی کچھ نا کرنے کی قسم کھا لی ہے جس کے باعث درجنوں لوگ ڈینگی کا شکار ہو کر ہسپتال میں پڑے ہیں
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

قصور
مہنگائی کا نیا طوفان ،بیکری پراڈکٹس ایک بار پھر مہنگی،غریب عوام کی پہنچ سے دور،حکمران خواب خرگوش کے مزے لینے میں مصروف

تفصیلات کے مطابق گزشتہ سالوں سے مہنگائی کو لگا ٹاپ گئیر ختم نا ہو سکا بلکہ مہنگائی نے مزید سپیڈ پکڑ لی ہے جس سے غرباء بنیادی ضروریات زندگی سے محروم ہوتے جا رہے ہیں
سابقہ گورنمنٹ کی طرح موجودہ گورنمنٹ بھی محض دعوؤں تک ہی محدود ہے اور نااہلی کی حدوں کو چھو رہی ہے
بیکری کی اشیاء میں ایک بار پھر اضافہ کر دیا گیا ہے
گزشتہ سال 70 روپیہ میں ملنے والی ڈبل روٹی 110, 15 روپیہ والا بن 30 روپیہ کا ہو گیا ہے جبکہ بسکٹ و دیگر پراڈکٹس کی قیمتوں میں بھی بے تحاشہ اضافہ ہو گیا ہے جس پہ گورنمنٹ کی طرف سے کوئی ایکشن نہیں لیا گیا
غریب لوگ مہنگے آٹے کے باعث پہلے ہی سخت پریشان تھے اوپر سے بیکری پراڈکٹس غرباء کی پہنچ سے دور ہو چکی ہیں
آئے دن قیمتوں میں اضافہ کر دیا جاتا ہے اور گورنمنٹ خاموشی سے تماشہ دیکھتی ہے
لوگوں کا کہنا ہے کہ گزشتہ گورنمنٹ کی طرح اس گورنمنٹ کی بھی بلیک میلروں سے ڈیل ہو گئی ہے کہ ہمارا حصہ ہمیں دو اور جب چاہو جیسے چاہو عوام کو رج کے لوٹو اور مال بناؤ

قصور
خدمت کمیٹی اٹھیل پور کے زیر اہتمام ایک روزہ فری ائی کیمپ لگایا جائے گا،فری چیک کیا جائے گا اور فری ادویات بھی دی جائیں گی

تفصیلات کے مطابق خدمت کمیٹی اٹھیل پور کے زیر اہتمام عبدالرحمن ساجد کے زیر سایہ کل بروز اتوار موضع اٹھیل پور میں ایک روزہ آئی کیمپ لگایا جائے گا جس میں امراض چشم کے ماہر ڈاکٹرز مریضوں کا مفت معائنہ کریں گے اور مفت ادویات بھی دی جائیں گی
فری آئی کیمپ کل 16 اکتوبر بروز اتوار کو موضع اٹھیل پور قصور رائیونڈ روڈ میں صبح 9 بجے سے دوپہر 12 بجے تک لگایا جائے گا
خدمت کمیٹی اٹھیل پور کی طرف سے اہلیان علاقہ کو گزارش کی گئی ہے کہ مستحق افراد اپنی آنکھوں کا مفت علاج کروانے کیلئے کل تشریف لائیں

قصور
مصروف ترین شاہراہ قصور رائیونڈ روڈ بمقام نول سٹاپ نزد نرسری برف کارخانہ والہ پہ صبح سات بجے واردات،ڈاکو ناکہ لگا کے لوگوں کو لوٹتے رہے

تفصیلات کے مطابق قصور ضلع بھر میں وارداتوں کا سلسلہ تیز تر ہو گیا ہے جس کے باعث لوگ دن رات ڈاکوؤں کے ہاتھوں لٹنے پہ مجبور ہیں جبکہ پولیس ڈاکوؤں کو پکڑنے میں مکمل ناکام ہے
آج صبح سات بجے کے قریب تھانہ صدر کی حدود میں تین مسلح موٹر سائیکل سوار ڈاکوؤں نے قصور رائیونڈ روڈ پہ نول سٹاپ بمقام برف والہ کارخانہ والی نرسری پہ عین رائیونڈ روڈ پہ دو موٹر سائیکل سوار طالب علموں کو گن پوائنٹ پہ روکا اور ایک عدد موبائل آئی فون مالیت 2 لاکھ و ایک سادا موبائل کیساتھ نقدی چھینی اور کوٹ رہنہ والا راستہ کی طرف ریلوے پھاٹک پہ مذید چار اور لوگوں کو لوٹا جن سے نقدی اور موبائل فون چھین کر ڈاکو بآسانی فرار ہو گئے
اسی جگہ پہ چند ماہ میں چوتھی مرتبہ لٹنے والے کوٹ رہنہ کے رہائشی شرافت علی مئیو نے بتایا کہ میں اسی جگہ پہ چند ماہ میں چار مرتبہ لٹ چکا ہوں اور ایف آئی آر بھی درج ہوئی ہے تاہم ڈاکو پکڑے نہیں گئے
لوگوں نے بتایا کہ ہر روز واردات ہوتی ہے جس کے باعث ہم نے اپنی مدد آپ کے تحت ناکہ لگانا شروع کیا تو آج ناکہ کے پندرہویں روز رات کو کوئی واردات نا ہوئی مگر ڈاکوؤں نے آج ٹائم بدل کر رات کی بجائے دن کا کر لیا اور لوگوں کو ناکہ لگا کر لوٹتے رہے جس پہ انتہائی افسوس ہے کہ ہم اپنے کام کاج کریں کہ دن رات سڑکوں پہ پہرہ دیں؟
لوگوں نے ڈی پی او قصور سے ازخود نوٹس لے کر جلد سے جلد ڈاکوؤں کو پکڑنے کا مطالبہ کیا ہے

قصور
حرمین شریفین کانفرنس 27 اکتوبر تا 28 اکتوبر مرکز ابن الخطاب الاسلامی چونیاں روڈ الہ آباد میں ہو گی

تفصیلات کے مطابق قصور کی تحصیل چونیاں کے قصبہ الہ آباد میں واقع مرکز ابن الخطاب الاسلامی میں حرمین شریفین کانفرنس 27 اکتوبر تا 28 اکتوبر تک ہو گی
مرکز ابن الخطاب الاسلامی کے رئیس علامہ احسان اکبر ظہیری فاضل کنگ سعود یونیورسٹی سعودی عربیہ نے اہلیان علاقہ کے نام اپنے پیغام میں کہا کہ ناموس رسالت پہ ہماری جان بھی قربان ہے اور شان مصطفیٰ کا پیغام پہنچانا ہم پہ بہت بڑا فرض بھی ہے اور قرض بھی لہذہ اہلیان علاقہ 27 اکتوبر بروز جمعرات کو مرکز ابن الخطاب الاسلامی بمقام چونیاں روڈ الہ آباد میں ذوق اور شوق سے پہنچیں اور اپنے ایمان کو تازہ کریں
کانفرنس 27 اکتوبر بعد از نماز مغرب شروع ہو گی اور 28 اکتوبر بروز جمعہ نماز جمعہ تک جاری رہے گی
کانفرنس میں علامہ زبیر الہی ظہیر،ضیاء اللہ شاہ بخاری،مطیع اللہ باجوہ،محمد اسحاق اوکاڑوی،عبدالرزاق طاہر ،ہارون یاسر بگووی،شیخ عاطف احمد،عبدالرؤف المناوی،محمد یوسف پسروری،محمد اسمعیل عتیق،معظم الہی ظہیر و ملک بھر سے آئے دیگر جید علماء کرام خطاب فرمائیں گے
کانفرنس کا اختتام مولانا عبید الرحمن محسن کے خطبہ جمعہ کے بعد ہو گا

قصور
بچوں کے سرکاری ملنے والے وظیفے پہ دکانداروں نے ہاتھ صاف کرنا شروع کر دیئے،12 ہزار وظیفہ پہ 15 سو کٹوتی جبکہ سرکاری فیس 0,اے سی قصور،ایچ بی ایل کونیکٹ کے ایریا مینجر سے کاروائی کا مطالبہ

تفصیلات کے مطابق قصور کے نواحی قصبے راؤ خانوالہ میں کراچی موبائل شاپ مین بازار راؤ خانوالہ نے منافع خوری کی حد کر دی ہے
Hbl Konnect
کی سہولت والی موبائل شاپ کراچی موبائل والوں نے
غریب بچوں کے وظیفے پہ ڈاکہ مارنا شروع کر دیا ہے
بچوں کے آئے وظیفہ پہ کوئی چارجز نہیں تاہم دکاندار حضرات جو کہ ایچ بی ایل کونیکٹ ہولڈر ہیں وہ 2 سو سے 3 سو روپیہ کٹوتی لیتے ہیں جو کہ قابل برداشت ہے حالانکہ گورنمنٹ و کمپنی کی طرف سے کوئی کٹوتی نہیں ہے
مگر کراچی موبائل شاپ والوں نے وظیفہ لینے جانے والے لوگوں سے 12 ہزار روپیہ وظیفہ پہ 15 سو روپیہ کاٹنے شروع کئے ہیں جس کے باعث غریب محنت کش والدین شدید پریشان ہو گئے ہیں کیونکہ قریبی دیہات میں ایچ بی ایل کونیکٹ کی سہولت صرف کراچی موبائل شاپ راؤ خانوالہ میں ہی ہے یاں پھر قصور شہر میں، اسی بات کا فائدہ اٹھا کر انہوں نے لوگوں کو لوٹنا شروع کیا ہے
لوگوں نے اے سی قصور، ڈپٹی کمشنر قصور و ایچ بی ایل کونیکٹ کمپنی کے ایریا مینیجر سے ازخود نوٹس لے کر کاروائی کا مطالبہ کیا ہے اور کہا ہے کہ ایسے لوگوں سے ایچ بی ایل کونیکٹ کی اتھارٹی،برانچ لے کر کسی اور کو دی جائے تاکہ لوگ ایسے ظالموں سے لٹنے سے بچ سکیں

قصور
گورنمنٹ نے پنجاب رورل ہیلتھ ایمپلائز ایسوسی کی ہڑتال کی کال کے باوجود کوئی مذاکرات نہ کئے،10 اکتوبر کو پنجاب اسمبلی کے باہر احتجاج کیا جائے گا

تفصیلات کے مطابق پی ایچ ایف ایم سی ہیلتھ ملازمین سابقہ پی آر ایس پی کے ملازمین کو 18 سال سے ریگولر نہیں کیا گیا ہے جب ماضی میں بھی بارہا مطالبہ کیا گیا مگر گورنمنٹ کی طرف سے کوئی شنوائی نا ہوئے
پی ایچ ایف ایم سی کے صوبائی صدر محمد جاوید انور نے کہا ہے کہ گورنمنٹ ان ملازمین کا عرصہ 18 سال سے معاشی قتل کر رہی ہے اگر اب بھی گورنمنٹ نے ملازمین کو ریگولر نا کیا تو تمام ایکٹیویٹی بند کر دی جائے گی اور 10اکتوبر کو لاہور میں پنجاب اسمبلی کے سامنے پر امن دھرنا دیا جائے گا اور یہ دھرنا تب تک جاری رہے گا جب تک ھمارے مطالبات پورے نہیں ہونگے
ان کا کہنا ہے کہ اتنے دنوں سے مطالبات کرنے اور ہڑتال کی کال کے باوجود گورنمنٹ نے ابھی تک کوئی مذاکرات نہیں کئے جس سے حکومت کی لاپرواہی نظر آ رہی ہے تاہم اس بار ہمارا دھرنا نتیجہ خیز ہو گا