Tag: قصوریات

قصور
گورمے بیکری کے عملہ نے اپنے شاندار پاکستانی برینڈ کی ساکھ کو داؤ پہ لگا دیا،غیر معیاری اور چیزوں کی پرنٹ قیمت سے زائد پر فروخت

تفصیلات کے مطابق شاندار پاکستانی برینڈ گورمے کی ساکھ کو اسی کے عملہ نے داؤ پر لگانا شروع کردیا ہے
گزشتہ دن گورمے بیکری قادر آباد چوک قصور میں شہری نے کھانے پینے کی اشیاء خریدیں تو اسے شک گزرا کہ اشیاء غیر معیاری اور ایکسپائر ڈیٹ ہیں جس پر شہری نے بیکری کے مینیجر کو شکایت کی تو مینیجر نے بات ماننے سے انکار کردیا اور تو تکرار شروع کر دی
شہری نے مینیجر سے کہا کہ اگر یہ چیزیں غیر معیاری نہیں تو آپ میرے سامنے اس کو چکھ کر دکھا دیں جس پر مینیجر نے صاف انکار کر دیا
نیز جوس پر پرنٹ رقم 50 روپیہ کی بجائے 60 روپیہ میں فروخت کی جا رہی ہے
شہریوں کا کہنا ہے کہ فوڈ اتھارٹی گورمے بیکری کو حفظان صحت کے اصولوں کے مطابق چیزیں فروخت کرنے کا پابند بنائے تاکہ لوگ غیر ملکی برینڈ کی بجائے اپنے پاکستانی برینڈ کو ترجیح دیں اور ملکی معیشت میں بہتری آئے

قصور
یوٹیلیٹی سٹورز پر بدیانتی،2 کلو گھی دے کر 5 کلو کا میسج،دو کلو سے زیادہ گھی دیا ہی نہیں جاتا،بیشتر نجی سٹوروں پر یوٹیلیٹی سٹورز کی اشیاء فروخت

تفصیلات کے مطابق قصور شہر میں قائم یوٹیلیٹی سٹورز نے بدیانتی کی انتہاء کر دی
2 کلو گھی دے کر 5 کلو گھی کا میسج بھیج دیا
نیز 2 کلو سے زیادہ گھی دیا ہی نہیں جاتا
شہری نے بتایا کہ میں عرصہ دراز سے یوٹیلیٹی سٹور پر جا رہا ہوں اور میری مانگ 5 کلو گھی ماہانہ ہے تاہم مجھے 2 کلو گھی دیا جاتا ہے اور اس سے اوپر نا تو گھی دیا جاتا ہے اور نا ہی کوئی اور اشیاء جبکہ میسج دی گئی اشیاء سے زائد وزن کا آتا ہے
شہری کا کہنا ہے کہ ایک بار کارڈ استعمال کے بعد دوبارہ ایکٹو ہی نہیں ہوتا اور یوٹیلیٹی سٹور کی اشیاء نجی سٹوروں پر فروخت کی جاتی ہیں
اہلیان علاقہ نے ڈپٹی کمشنر قصور سے ازخود نوٹس لے کر کاروائی کی اپیل کی ہے

قصور
پھولنگر تا فیصل آباد روڈ شدید ٹوٹ پھوٹ کا شکار،لوگوں کی آمد و رفت کیساتھ تجارت بھی متاثر

تفصیلات کے مطابق تین ضلعوں قصور،ننکانہ،فیصل آباد کو ملانے والا فیصل آباد پھولنگر روڈ عرصہ دراز سے شدید ٹوٹ پھوٹ کا شکار ہے
یہ روڈ لوگوں کی آمد و رفت کیساتھ بہت ہی اہم ترین تجارتی گزر گاہ بھی ہے
پاکستان کے تیسرے بڑے شہر فیصل آباد میں قصور سے آنے جانے والے تاجر شدید مشکلات کا شکار ہیں
سارے روڈ پر بے شمار گڑھے پڑے ہوئے ہیں جس کے باعث حادثات رونما ہونے کیساتھ گاڑیوں کو بھی نقصان پہنچتا ہے
سارے روڈ پر گردو غبار کا راج ہے جس کے باعث لوگ کئی مہلک بیماریوں کا شکار ہو رہے ہیں
قصور سے فیصل آباد کا چند گھنٹوں کا سفر سارا دن میں طے پاتا ہے جس کے باعث تجارت متاثر ہو رہی ہے
علاقہ مکینوں نے کمشںر لاہور و وزیر اعلی پنجاب سے ازخود نوٹس لے کر جلد سے جلد روڈ کو نئے سرے سے تعمیر کا مطالبہ کیا ہے

قصور
100 یونٹ تک بجلی مفت دینے کے اعلان کے بعد گورنمنٹ نے غرباء کو ویسے ہی ختم کرنے کا پلان بنا لیا،بجلی کے بلوں میں تاریخی ٹیکس لگا کر بیجھا گیا،لوگوں کی چیخیں

تفصیلات کے مطابق سابق وزیراعلی پنجاب حمزہشہباز کے 100 تک بجلی یونٹ استعمال کرنے والے صارفین کو بل معافی کے اعلان کے بعد گورنمنٹ نے اچانک یوٹرن مارتے ہوئے تمام غرباء کو ویسے ہی ختم کرنے کا پلان بنا لیا ہے جس پر عمل کرتے ہوئے بجلی کے بلوں میں تاریخی زیادہ ترین ٹیکس بھیج کر عمل درآمد شروع کیا گیا ہے
پانچ سو سے ایک ہزار روپیہ بجلی بل ادا کرنے والے صارفین پانچ سے چھ ہزار روپیہ بل بجلی ادا کر رہے ہیں
شہریوں نے وزیراعظم پاکستان شہباز شریف سے اپیل کی ہے کہ خداراہ ایک سو یونٹ تک بجلی فری دینے کا اعلان واپس لے کر قوم پر احسان فرمائیں ورنہ چند ہی مہینوں میں لوگ بجلی کے بلوں سے تنگ آ کر خودکشیوں کے ذریعے ختم ہو جائیں گے تو پھر آپ بجلی فری کس کو دینگے؟؟؟
غریب شہریوں نے ایک دوسرے سے پیسے ادھار مانگ کر بجلی کے بل ادا کئے ہیں

قصور
ڈیڑھ سو سال پرانی بلڈنگ اہلیانِ علاقہ کیلئے ہر وقت خطرہ،برسات میں بلڈنگ گرنا شروع ہو چکی،انتظامیہ سے نوٹس کی اپیل

تفصیلات کے مطابق قصور شہر کے محلہ رڑا گجراں میں ڈیڑھ سو سال پرانی بلڈنگ لوگوں کیلئے انتہائی خطرے کا باعث بنی ہوئی ہے
یہ عمارت عرصہ دراز سے ٹوٹ پھوٹ کا شکار ہے اور گرنے کے بلک قریب ہے
نیز حالیہ برسات کے باعث عمارت مذید گرنا شروع ہو چکی ہے جس کے باعث ہر وقت کسی بڑے سانحہ کا خدشہ رہتا ہے
عمارت کے قریب سے ہی روزانہ بچے بوڑھے و خواتین گزرتے ہیں
ساری عمارت میں دراڑیں پڑ چکی ہیں اور اینٹیں گرتی رہتی ہیں
اہلیان علاقہ نے ضلعی انتظامیہ سے نوٹس لینے کی اپیل کی ہے تاکہ کسی بڑے سانحہ سے بچا جا سکے

قصور
کم عمر رکشہ ڈرائیوروں کے ساتھ کوئی رعایت نہیں برتی جائے گی ،ایک دفعہ ان کے والدین کو بلا کر وارننگ دے دی جا چکی ہے،انچارج ٹریفک پولیس قصور کاشف نذیر چوہدری
تفصیلات کے مطابق
صحافیوں سے گفتگو کرتے انچارج ٹریفک پولیس قصور کاشف نذیر چوہدری نے بتایا کہ روز بروز بڑھتے ہوئے حادثات کی سب سے بڑی وجہ کم عمر رکشہ ڈرائیور ہیں جو کہ ابھی شناختی کارڈ کے حامل بھی نہیں ہوتے اور رکشے چلا کر کی زندگیوں کے ساتھ کھیلتے ہیں نیز یہ کم عمر رکشہ ڈرائیور ڈرائیونگ قوانین سے مکمل نہ واقف ہوتے ہیں
اسی لئے ہم نے کم عمر رکشہ ڈرائیوروں کو پکڑ کر ان کے والدین کو بلا کر اچھی طرح وارننگ دی ہے اور سخت وارننگ دی ہے کہ اگر دوبارہ کوئی بھی کم عمر رکشہ ڈرائیور پکڑا گیا جس کے پاس ڈرائیونگ لائسنس نہ ہوا تو اس کو بھاری جرمانہ کیا جائے گا اور ایف آئی آر بھی کاٹی جائے گی
ممکنہ حادثات کے پیش نظر کسی قسم کی کوئی رعایت نہیں برتی جائے گی اور اس پر عمل درآمد کروانے کے لیے ہمیں عوام اور نو عمررکشہ ڈرائیور ان کے والدین کے بھرپور تعاون کی ضرورت ہے
کاشف نذیر چوہدری انچارج ٹریفک پولیس قصور مصطفی آباد نے کہا میرا مشن قصور شہر کی ٹریفک کو انتہائی پر امن اور حادثات سے پاک کرنا ھے کیونکہ اکثر ٹریفک حادثات کم عمر ڈرائیوروں کی لاپرواہی کی وجہ سے ہوتے ہیں جو مجھے کسی قیمت پر قبول نہیں ھیں