Baaghi TV

Tag: قیمتیں

  • سوزوکی گاڑیوں کی قیمتوں میں چوتھی باراضافہ

    سوزوکی گاڑیوں کی قیمتوں میں چوتھی باراضافہ

    پاکستان میں سوزوکی موٹر کمپنی نے ایک مرتبہ پھر سے گاڑیوں کی قیمتوں میں اضافہ کر دیا ہے، نئی قیمتوں کا اطلاق آج 6اپریل 2023 سے ہوگیا۔

    باغی ٹی وی: بزنس ریکارڈر کے مطابق پاک سوزوکی موٹر کمپنی (PSMC) نے بدھ کو جاری کیلنڈر سال میں اپنی گاڑیوں کی قیمتوں میں چوتھی بار اضافہ کیا، جس میں 235,000 روپے تک کا اضافہ ہوا،مجموعی طور پر، کمپنی نے صرف اس سال گاڑیوں کے نرخوں میں 1.203 ملین روپے تک اضافہ کیا ہے۔

    ہونڈا بائیکس کی قیمتوں میں ایک بار پھر اضافہ

    سوزوکی کی سب سے سستی مسافر کار آلٹو وی ایکس کی قیمت میں ایک لاکھ 7 ہزار کا اضافہ کیا گیا ہے جس کے بعد نئی قیمت 22 لاکھ 51 ہزار ہو گئی، آلٹو وی ایکس آر کی قیمت ایک لاکھ 25 ہزار اضافے کے بعد 26 لاکھ 12 ہزار ہو گئی کمپنی کی اعلیٰ درجے کی سوئفٹ GLX CVT کی قیمت میں 235,000 روپے کا اضافہ ہوا اور اب اسے 49 لاکھ 6 ہزار روپے میں فروخت کیا جائے گا۔

    آلٹو وی ایکس آر اے جی ایس کی قیمت میں ایک لاکھ 34 ہزار کا اضافہ ہوا ہے، کار کی قیمت 27 لاکھ 99 ہزار ہوگئی ہے سوزوکی کے برینڈ ویگن آر وی ایکس آر کی نئی قیمت 1 لاکھ 52 ہزار اضافے کے بعد 32 لاکھ 14 ہزار روپے تک پہنچ گئی ہے، ویگن آر وی ایکس ایل کی نئی قیمت 1 لاکھ 64 ہزار اضافے کے بعد 34 لاکھ 12 ہزار روپے ہے،ویگن آر اے جی ایس کی پرانی قیمت 35 لاکھ 63 ہزار روپے تھی جو کہ اب ایک لاکھ 78 ہزار کے اضافے کے بعد 37 لاکھ 41 ہزار ہو جائے گی۔

    15 کروڑ سے زیادہ آمدن والے ٹیکس دہندگان کو 50 فیصد سپر ٹیکس ادا کرنے


    سوزوکی کے مشہور برینڈ کلٹس وی ایکس آر کی نئی قیمت بھی ایک لاکھ 78 ہزار اضافے کے بعد 37 لاکھ 18 ہزار تک پہنچ گئی ہے جبکہ کلٹس وی ایکس ایل کی نئی قیمت ایک لاکھ 95 ہزار کے بڑے اضافے کے بعد 40 لاکھ 84 ہزار ہوگئی ہے۔

    سوئفٹ جی ایل ایم ٹی کی نئی قیمت دو لاکھ چار ہزار کے اضافے کے بعد 40 لاکھ 52 ہزار کے بعد 42 لاکھ 56 ہزار ہوگی جبکہ سوئفٹ جی ایل سی وی ٹی کی نئی قیمت 2 لاکھ 19 ہزار روپے کے اضافے کے بعد 45 لاکھ 74 ہزار تک پہنچ گئی ہے۔

    چینی کمپنی پاکستان میں دو ارب ڈالرز کی سرمایہ کاری کرے گی

    سوزوکی کی کاروں کے ساتھ ساتھ پک اپ گاڑیوں کی قیمتوں میں بھی اضافہ ہوا ہے جس کے بعد سوزوکی پک اپ کی راوی کی نئی قیمت 88 ہزار کے اضافے کے ساتھ 18 لاکھ 56 ہزار اور راوی ود آؤٹ ڈیک کی قیمت 88 ہزار کے اضافے کے بعد 17 لاکھ 81 ہزار ہوگئی ہے۔

  • دنیا بھر میں پیٹرول اور ڈیزل کی قیمتوں میں مزید اضافے کا امکان

    دنیا بھر میں پیٹرول اور ڈیزل کی قیمتوں میں مزید اضافے کا امکان

    دنیا بھر میں پیٹرول اور ڈیزل کی قیمتوں میں مزید اضافہ ہونے کا امکان ہے۔

    باغی ٹی وی : سعودی عرب سمیت اوپیک ممالک نے خام تیل کی پیداوار میں دس لاکھ بیرل یومیہ کمی کا اعلان کر دیاہے سعودی عرب نےمئی سے تیل کی پیداوار میں کمی کافیصلہ کیا ہے اوپیک اتحادی ممالک 1.15 ملین بیرل کٹوتی کریں گے، اوپیک اتحادی ممالک نےتیل کی عالمی منڈی میں استحکام کیلئے پیداوارمیں کمی کا فیصلہ کیا۔

    گورنر سندھ کا عید کے بعد سرجانی ٹاؤن میں قبضہ مافیا کیخلاف آپریشن کا اعلان

    سعودی خبرایجنسی کے مطابق اگلے ماہ سے تیل کی پیداوارمیں روزانہ کی بنیادپر5 لاکھ بیرل کمی کی جائے گی،تیل کی پیداوار میں کمی سال2023کے آخر تک کی جائے گی اس کے علاوہ اویپک میں شامل متحدہ عرب امارات، کویت، عمان، عراق اور الجیریا نے بھی تیل کی پیداوار میں رضاکارانہ طور پرکمی کا اعلان کیا۔

    جبکہ عراق نے 2 لاکھ 11 ہزار بیرل، امارات نے ایک لاکھ 44 ہزار بیرل، کویت نے ایک لاکھ 28 ہزار، الجیریا نے 48 ہزار اور عمان نے 40 ہزار بیرل یومیہ تیل کی پیداوار میں کمی کریں گے اور یہ کمی رواں سال کے آخر تک جاری رہے گی۔

    کراچی سے ٹورنٹو جانے والی پی آئی اے پروازکی اوسلو ائیرپورٹ پر ایمرجنسی لینڈنگ

    ماہرین کے مطابق پیداوار میں کمی کے بعد خام تیل کی قیمتوں میں 10 ڈالر فی بیرل اضافے کا امکان ہےاوپیک ممالک کی جانب سے گزشتہ روز خام تیل کی قیمتوں میں کمی کے اعلان کے بعد آج مارکیٹ میں خام تیل کی قیمتوں میں اضافہ دیکھنے میں آ رہا ہے۔

  • یاماہا موٹر سائیکل کی قیمتوں میں ایک مرتبہ پھر اضافہ

    یاماہا موٹر سائیکل کی قیمتوں میں ایک مرتبہ پھر اضافہ

    کراچی: یاماہا موٹر سائیکل کی قیمتوں میں ایک مرتبہ پھر اضافہ کردیا گیا ہے-

    باغی ٹی وی: ” پاک وہیلز” کے مطابق یاماہا YB125Z (ریڈ/بلیک) کی قیمت میں 3000 روپے کا اضافہ کیا گیا ہے جس کے بعد بائیک کی قیمت 305500 روپے سے بڑھ کر 308500 روپے ہو گئی ہے۔

    یاماہا YB125Z-DX (ریڈ/بلیو/بلیک) کی قیمت 327000 روپے سے بڑھ کر 330500 روپے ہو گئی ہے جس کے معنی یہ ہوئے کہ بائیک کی قیمت میں 3500 روپے کا اضافہ کیا گیا ہے۔

    اسی طرح یاماہا YBR 125 (ریڈ/بلیو/بلیک) کی قیمت میں 3500 روپے کا اضافہ کیا گیا ہے جس کے بعد بائیک کی قیمت 336000 سے بڑھ کر 339500 روپے ہو گئی ہے۔

    علاوہ ازیں YBR125G (سرخ/سیاہ) کی قیمت میں 3500 روپے کا اضافہ کیا گیا ہے جس کے بعد بائیک کی قیمت 349500 روپے سے بڑھ کر 353000 روپے ہوئی ہے۔

    جبکہ یاماہا کی جانب سے حال ہی میں لانچ ہونے والی یاماہا YBR125G (میٹ ڈارک گرے) کی قیمت بھی 3500 روپے بڑھ گئی ہے جس کے بعد بائیک کی قیمت 352500 روپے اضافے کے بعد 356000 روپے ہو گئی ہے۔

    دوسری جانب کمپنی کی جانب سے حسب روایت قیمتیں بڑھانے کی کوئی وجہ نہیں بتائی گئی ہے البتہ جی ایس ٹی میں ایک فیصد اضافے کے بعد گاڑیاں اور بائیکس تیار کرنے والی دیگر کمپنیوں نے بھی گزشتہ چند دنوں کے دوران اپنی پراڈکٹس کی قیمتوں میں اضافہ کیا ہے۔

  • ہنڈا ، سوزوکی اور یاماہا موٹر سائیکلوں کی قیمت میں ریکارڈ اضافہ

    ہنڈا ، سوزوکی اور یاماہا موٹر سائیکلوں کی قیمت میں ریکارڈ اضافہ

    ہنڈا ، سوزوکی اور یاماہا موٹر سائیکلوں کی قیمت سال 2022 میں آسمان پر جا پہنچی۔

    باغی ٹی وی: اس سال 70 سی سی کے سستے موٹر سائیکل ہوں یا 150 سی سی موٹر سائیکل سب کی قیمتوں میں ہر کچھ ہفتے بعد اضافہ کیا جاتا رہا۔

    امریکی ڈالر کی قدر میں اضافے کا سلسلہ جاری

    سب سے زیادہ اضافہ یاماہا کی موٹر سائیکلز کی قیمتوں میں کیا گیا۔ یاماہا کمپنی نے سال میں 11 بار قیمتوں میں اضافہ کیا۔ اسی طرح ہونڈا اٹلس کی قیمتوں میں 7 بار جبکہ سوزوکی کے موٹر سائیکلز کی قیمتوں میں 5 بار اضافہ کیا گیا۔

    یاماہا کی وائی بی 125زیڈ کی قیمت میں ایک لاکھ 3 ہزار 500 روپے اضافہ ہوا۔ قیمت 2 لاکھ 93 ہزار 500 روپے ہو گئی۔ وائی بی 125زیڈ ڈی ایکس کی قیمت میں ایک لاکھ 9 ہزار اضافہ کیا گیا یہ اب 3 لاکھ 14 ہزار500 کی ہو گئی ہے۔ اسی طرح وائی بی آر 125 جی کی قیمت میں ایک لاکھ 15ہزار 500 کا اضافہ ہوا اور یہ 3 لاکھ 36ہزار کی ہو گئی ہے۔

    ہونڈا اٹلس کی 70 سی سی بائیک، کی قیمت میں سال کے اندر اندر 26 ہزار سے زائد کا اضافہ ہوا۔ ہونڈا سی ڈی 70 کی قیمت میں26 ہزار 600 روپے کا اضافہ ہوا اور اس کی قیمت ایک لاکھ 21 ہزار 500 روپے تک پہنچ گئی۔ اسی طرح سی ڈی 70 ڈریم کی قیمت 28 ہزار 400 روپے کے اضافے سے ایک لاکھ 29 ہزار 900 روپے تک پہنچ گئی۔

    سونے کی فی تولہ قیمت میں ایک بار پھر معمولی اض

    ہونڈا کی 100 سی سی موٹرسائیکل، ہونڈا پرائیڈر کی قیمت 31 ہزار 400 روپے بڑھی اور اس کی مجموعی قیمت ایک لاکھ 61 ہزار 900 روپے ہو گئی۔ سی جی 125 کی قیمت33 ہزار 400 روپے اضافے سے ایک لاکھ 85 ہزار 900 روپے ہو گئی جبکہ سیلف اسٹارٹ 125 ایس ای، کی قیمت 2 لاکھ 19 ہزار 500 روپے ہو گئی۔ سی بی 125 ایف کی قیمت 2 لاکھ 83 ہزار 900 روپے جبکہ سی بی 150 ایف کی قیمت 3 لاکھ 53 ہزار 900 روپے ہو گئی۔

    سوزوکی جی ڈی110ایس کی قیمت میں اس سال 45 ہزار روپے کا اضافہ ہوا۔ قیمت 2 لاکھ 44 ہزار روپے ہو گئی۔ سوزوکی جی ایس 150 کی قیمت 51 ہزار بڑھنے کے بعد 2 لاکھ 66ہزار ہو چکی ہے جبکہ جی آر 150 کی قیمت 70ہزار روپے بڑھی جو کہ اب 3 لاکھ 85 ہزار روپے تک پہنچ گئی ہے۔

    پاک سوزوکی نے بھی اپنا پلانٹ بند کردیا

  • ہونڈا موٹرسائیکلوں کی قیمت میں ہو شربا اضافہ

    ہونڈا موٹرسائیکلوں کی قیمت میں ہو شربا اضافہ

    معروف جاپانی برینڈ ایٹلس ہونڈا نے اپنے بائیکس کی قیمتوں میں ایک بار پھر ہوشربا اضافہ کر دیا ہے۔

    باغی ٹی وی : پاک وہیلز کی رپورٹ کے مطابق ہونڈا سی ڈی 70 کی قیمت پانچ ہزار روپے کے اضافے کے بعد اب 121,500 ہو گئی ہے موٹر سائیکل کی پرانی قیمت 116,500 تھی-

    راولپنڈی: ڈاکوؤں نے کیش وین لوٹ لی،مزاحمت پر ملزمان کی فائرنگ سے سیکورٹی گارڈ ہلاک

    ہونڈا سی ڈی 70 ڈریم کی قیمت 5,400 روپے کے اضافے کے بعد اب 129,900 روپے ہو گئی ہے جبکہ پرانی قیمت 124,500 روپے تھی-

    ہونڈا پرائڈر کی نئی قیمت 6,000 روپے کے اضافے کے بعد 161,900 ہو گئی جبکہ اس کی پرانی قیمت 155,900 تھی –

    اس کے بعد کمپنی کی دوسری سب سے مشہور موٹر سائیکل ہونڈا سی جی 125 کی قیمت میں 6000 روپے کا اضافہ کیا گیا ہے جس کے بعد اس کی قیمت 185,900 روپے ہو گئی ہے جبکہ پرانی قیمت 179,900 روپے تھی-

    ہونڈا سی جی 125 ایس ای کی قیمت میں 8,600 روپے کا اضافہ جس کے بعد اس کی قیمت 219,500 روپے ہو گئی ہے جبکہ پرانی قیمت 210,900 تھی-

    ارشد شریف کیس: وزیراعظم کی ہدایت پر تحقیقات کے لیے تین رکنی انکوائری کمیشن تشکیل

    Honda CB 125F میں 10,000 کا اضافہ ہوا ، موٹر سائیکل کی قیمت 273,900 سے بڑھ کر 283,900 روپے ہو گئی ہے Honda CB 150F کی نئی قیمت 15000 روپے کے اضافے کے بعد 353,900 ہو گئی ہے اس کی پرانی قیمت 338,900 تھی-

    CB 150F SE کی قیمت میں بھی 15,000 کا اضافہ ہوا جس کے بعد اس کی قیمت 342,900 سے بڑھ کر 357,900 روپے ہو گئی ہے-

    نئی قیمتوں کا اطلاق یکم نومبر 2022 سے ہو گا۔

    واضح رہے کہ کمپنی نے یکم اگست 2022 کو اپنی قیمتوں میں اضافہ کیا تھا۔ دلچسپ بات یہ ہے کہ کمپنی نے اس مرتبہ بھی قیمتوں میں اضافے کے بارے میں کوئی وجہ نہیں بیان نہیں کی اور، ہونڈا اٹلس نے یہ فیصلہ اس وقت لیا ہے جب امریکی ڈالر کے مقابلے روپے کی قدر بڑھ رہی ہے۔

    حکومت کا کسانوں کو 1800ارب روپے کے قرضے دینے کا اعلان

    دلچسپ بات یہ ہے کہ ان اونچی قیمتوں کے باوجود، "آن منی” کلچر بائیک مارکیٹ میں داخل ہو چکا ہے۔ اور لوگ دیر سے ڈیلیوری پر بائک بک کر رہے ہیں-.

  • اوگرا نے ایل این جی کی قیمت میں کمی کا اعلان کردیا

    اوگرا نے ایل این جی کی قیمت میں کمی کا اعلان کردیا

    اسلام آباد: آئل اینڈ گیس ریگولیٹری اتھارٹی (اوگرا) نے قدرتی مائع گیس (ایل این جی) کی قیمت میں کمی کا اعلان کردیا ہے۔

    باغی ٹی وی : اوگرا کی جانب سےجاری نوٹیفکیشن کے مطابق اکتوبر کے لیے ایل این جی سستی کردی گئی ہے-

    اوگرا کی جانب سے جاری نوٹیفکیشن کے مطابق سوئی ناردرن سسٹم پر ایل این جی 2.19 ڈالر فی ایم ایم بی ٹی یو سستی ہوگئی جب کہ سوئی سدرن سسٹم پر ایل این جی 2.28 ڈالر فی ایم ایم بی ٹی یو سستی ہوگئی ہے۔

    لاہور قلندرز کا خواتین کرکٹرز کی ترقی کے لیے سپورٹس بورڈ پنجاب سے اشتراک

    نوٹیفکیشن کے مطابق سوئی ناردرن سسٹم پرایل این جی کی نئی قیمت 14.78 ڈالرز فی ایم ایم بی ٹی یو مقرر کی گئی ہے جب کہ سوئی سدرن سسٹم پر ایل این جی کی نئی قیمت 15.18 ڈالر فی ایم ایم بی ٹی یو مقررکی گئی ہے۔

    شیخوپورہ: موسم سرما کی آمد سے قبل سموگ دھند اور ماحولیاتی آلودگی سے حفاظت کیلئے…

  • یوٹیلٹی اسٹورز پرمتعدد اشیا کی قیمتوں میں اضافہ، نوٹیفیکیشن جاری

    یوٹیلٹی اسٹورز پرمتعدد اشیا کی قیمتوں میں اضافہ، نوٹیفیکیشن جاری

    یوٹیلٹی اسٹورز پرمختلف برانڈز کی متعدد اشیا کی قیمتوں میں اضافہ، نوٹیفیکیشن بھی جاری کر دیا گیا۔

    باغی ٹی وی :یوٹیلٹی اسٹورز کارپوریشن کی جانب سے جاری کردہ نوٹیفیکیشن کے مطابق 100 گرام ٹوتھ پیسٹ کی قیمت 10 روپے تک اضافے کے بعد 133 روپے سے بڑھا کر 143 روپے ہو گئی،200 ملی لیٹر (ایم ایل) باڈی واش 30 روپے تک مہنگا کردیا گیا جبکہ 275 گرام ڈش واش کی قیمت میں 50 روپے تک اضافے کے بعد 90 روپے سے بڑھ کر 140 روپے کا ہوگیا ہے۔

    مہنگائی کا نیا طوفان،فی انڈہ 25 روپیہ

    نوٹیفیکیشن کے مطابق ایک کلو کپڑے دھونے کا پاؤڈر 75 روپے جبکہ بچوں کے ڈائپر 348 روپے تک مہنگے کر دیئے گئے ، ڈائپر کا سمال سائز کا پیک 1352 سے بڑھا کر 1700 روپے کا کر دیا گیا ٹشو پیپر کے ڈبے کی قیمت میں بھی 11 روپے تک اضافہ کیا گیا ہے جبکہ 800 ایم ایل کیڑے مار اسپرے کی قیمت میں 300 روپے اضافے کے بعد 800 ایم ایل کیڑے مار لکوئڈ 490 روپے سے بڑھ کر 790 روپے کا ہو گیا۔

    نوٹیفیکیشن کے مطابق 300 گرام شہد کے جار کی قیمت میں 60 روپے، سبز قہوہ کے 45 گرام پیک کی قیمت میں 20 روپے، 250 گرام میکرونی کی قیمت میں 11 روپے، 66 گرام نوڈلز کی قیمت میں 5 روپے جبکہ اچار، مختلف برانڈز کے بسکٹ اورجیلی کی قیمت میں بھی اضافہ کیا گیا ہے۔

    کراچی سمیت ملک بھر میں مہنگا آٹا مزید مہنگا

    دوسری جانب فارمی انڈہ تاریخ کی بلند ترین قیمت پہ پہنچ گیا سخت گرمی کے باوجود فی انڈہ 25 روپے میں فروخت ہو رہا ہے بجلی،سوئی گیس,سبزیاں پھل و تمام ضروریاتِ زندگی کی اشیاء کی قیمتیں آسمان کو چھو رہی ہیں جس کے باعث غریب لوگ سخت پریشان ہیں اور دو وقت کی روٹی کو ترس گئے ہیں-

    چیزوں کی قیمتیں بڑھتی ہی جا رہی ہیں سخت گرمی کے باوجود فارمی انڈے کی قیمتیں بہت زیادہ بڑھ گئی ہیں،شدت کی گرمی کے باوجود فارمی انڈہ 25 روپیہ کا فروخت ہو رہا ہے-

    اس سال شاید چاول کی ایکسپورٹ پہلے جیسی نہ ہو: مفتاح اسماعیل

  • ملک میں سیلاب اور بارشوں سے فصلوں کی تباہی کے باعث سبزیوں کی قیمتوں میں اضافہ

    ملک میں سیلاب اور بارشوں سے فصلوں کی تباہی کے باعث سبزیوں کی قیمتوں میں اضافہ

    ملک میں سیلاب اور بارشوں سے فصلوں کی تباہی کے باعث سبزیوں کی قیمتوں میں اضافے نے عوام کی پریشانیوں میں مزید اضافہ کر دیا-

    باغی ٹی وی: تفصیلات کے مطابق کراچی میں ٹماٹر 320 روپے فی کلوفروخت ،پیاز 200 روپے فی کلوفروخت اور آلو70روپے فی کلو فروخت ہو رہے ہیں جبکہ کراچی میں بھنڈی 100سےبڑھ کر280روپےکلو تک مہنگی ہوگئی،دھنیہ پودینہ گڈی 30 تیس روپےمیں فروخت ہونےلگی اور ادرک اور لہسن 400 روپے فی کلو میں فروخت ہو رہا ہے-

    محکمہ موسمیات کی سندھ میں ستمبر کے مہینے میں معمول سے زائد بارشوں کی پیشگوئی

    کراچی میں پھول گوبی 200 اورپتہ گوبی150روپے فی کلو اور لوکی 150روپے فی کلو فروخت ہو رہی ہےاسی طرح کراچی میں لیموں اورگاجرکی قیمت بھی 300روپے کی ہوچکی ہے-

    لاہور میں بھی سبزیوں کی قیمتیں آسمانوں کو چھو رہی ہیں خریداروں کا کہنا ہے کہ منڈیوں میں کوئی بھی سبزی سرکاری نرخ نامے کے مطابق دستیاب نہیں-

    لاہور میں سرکاری نرخ نامےمیں پیاز 128 روپے کلوہیں جبکہ منڈیوں میں 250 روپے فی کلو فروخت ہو رہے ہیں ،نرخ نامےمیں ٹماٹر 140 اور منڈیوں میں 200 روپے کلو، نرخ نامے میں آلو 83 روپے، منڈیوں میں 100 روپے فی کلو فروخت جاری ہے-

    ملک بھر میں بارشوں اورسیلاب سے مزید 27 افراد جاں بحق

    لاہورمیں نرخ نامے میں پھول گوبھی 135، منڈیوں میں 200 روپے کلو فروخت ہو رہی ہے ،نرخ نامہ میں بھنڈی 105 روپے ، منڈیوں میں180 روپے میں فروخت جاری ہے نرخ نامے میں پالک 63 ، مارکیٹ میں120 روپے فی کلو فروخت کی جا رہی ہے-

    لاہور میں نرخ نامے میں پالک 63 ، مارکیٹ میں120 روپے فروخت کی جا رہی ہے ، نرخ نامے میں توری 80 روپےجبکہ مارکیٹ میں 150 روپے فی کلو میں فروخت کی جا رہی ہے جبکہ شملہ مرچ 400، ادرک 400 میں فروخت ہورہا ہے-

    سیلاب متاثرہ علاقوں میں وبائی امراض پھیلنا شروع ہوگئیں:عوام الناس دوہری مصیبت میں…

  • ادویات کی قیمتوں میں 40 فیصد اضافہ ہونے کا امکان

    ادویات کی قیمتوں میں 40 فیصد اضافہ ہونے کا امکان

    اسلام آباد: ادویات کی قیمتوں میں 40 فیصد اضافہ ہونے کا امکان، ادویہ ساز کمپنیوں نے حکومت سے ادویات کی قیمتوں میں اضافہ کرنے کا مطالبہ کر دیا۔ تفصیلات کے مطابق پاکستان کی ادویہ ساز کمپنیوں نے حکومت پاکستان سے مطالبہ کیا ہے کہ ادویات کی قیمتوں میں 40 فیصد اضافہ کیا جائے اگر ایسا نہ کیا گیا تو ملک میں ادویات قلت بڑھتی جائے گی جس کے نتیجے میں مریضوں اور ان کے اہل خانہ کو شدید مشکلات پیش آئیں گی۔

    پاکستان فارما سیوٹیکل مینوفیکچررز ایسوسی ایشن کے وفد نے وائس چیئرمین عاطف اقبال کی قیادت میں وزیراعظم کی ہدایت پر ادویات کی قلت کے معاملے پر بنائی گئی پی ایم انسپیکشن کمیٹی کے اراکین سے ملاقات کی۔پرائم منسٹر انسپیکشن ٹیم نے ادویات کی قلت سے متعلق انکوائری شروع کر رکھی ہے۔

    کمیٹی میں محکمہ صحت سمیت دیگر اداروں کے اعلی حکام بھی شامل ہیں۔

    پاکستان فارما سیوٹیکل مینوفیکچررز ایسوسی ایشن کے چیئرمین قاضی منصور دلاور نے بتایا کہ پی پی ایم اے کے اراکین نے وزیراعظم انسپیکشن کمیٹی سے ملاقات کی اور کمیٹی کے سامنے اپنے مطالبات اور تجاویز رکھی ہیں۔انہوں نے بتایا کہ ڈالر کی قیمتوں میں اضافے، خام مال کی قیمتوں میں اضافے اور مہنگائی کی وجہ سے 30 سے 40 فیصد ادویات وائبل ہی نہیں ہیں، ان ساری چیزوں سے انڈسٹری متاثر ہورہی ہے ہم خود سے قیمتیں بڑھا نہیں سکتے، جو کم قیمت ادویات ہیں ان پر لاگت زیادہ آرہی ہے، وہ مارکیٹ میں نہیں مل رہیں، جب لاگت زیادہ آئے گی تو انڈسٹری کیسے چلے گی۔

    انہوں نے کہا کہ ڈاکٹر لکھتے ہی ملٹی نیشنل کمپنی کی ادویات ہیں، لوگ مانگتے ہی وہ ہیں اس لئے ان کا پتہ چل جاتا ہے کہ ان ادویات کی قلت ہے۔ہم نے بتایا کہ ہم سے سیلز ٹیکس کی مد میں 35سی 40 کروڑ لے لیا جو واپس نہیں ملا، ڈالر اور پیٹرول کی قیمتوں میں اضافہ ہوا اس کا انڈسٹری پر فرق پڑا ہے۔قاضی منصور کا کہنا تھا کہ ڈیڑھ سال پہلے 20 فٹ کنٹینر کا انٹرنیشنل فریٹ ریٹ 1200 ڈالر تھا جو اب 10 ہزار ڈالر ہوگیا، اس وجہ سے ادویات کی لاگت کہیں سے کہیں جاپہنچی ہے، ہم نے حکومت سے ادویات کی قیمتوں میں 40 فیصد اضافے کا مطالبہ کیا ہے، ساری سفارشات اور تجاویز انہیں دی ہیں۔

    انہوں نے مزید کہا کہ ہم سے انہوں نے پوچھا ہے اس بحران سے نکلنے میں کتنا وقت لگے گا ، تو ہم نے کمیٹی کو بتایا ہے کہ اگر فوری قیمتیں دے دی جائیں تو 90 دن لگیں گے اور صرف قیمتیں نہیں بلکہ ہمیں ہمارا سیلز ٹیکس کی مد میں لیا گیا پیسہ بھی واپس کرائیں، اگر یہ تاخیر کریں گے تو مزید ادویات کی قلت ہوگی۔

  • حکومت کا پٹرول کی قیمت میں 3 روپے 5 پیسے فی لٹر کمی کا اعلان

    حکومت کا پٹرول کی قیمت میں 3 روپے 5 پیسے فی لٹر کمی کا اعلان

    اسلام آباد: حکومت نے پٹرول کی قیمت میں کمی اور ڈیزل کی قیمت میں اضافے کا اعلان کردیا ہے۔سماجی رابطے کی ویب سائٹ ٹوئٹر پر پیغام جاری کرتے ہوئے وفاقی وزیر خزانہ نے نئی قیمتوں کا اعلان کیا۔

     

    نئی قیمتوں کے مطابق پٹرول کی قیمت میں 3 روپے 5 پیسے فی لٹر کمی جبکہ ڈیزل کی قیمت میں 8 روپے 95 پیسے کا اضافہ کیا گیا ہے، نئی قیمتوں کا اطلاع رات 12 بجے سے ہوگا۔

     

    پٹرول کی نئی قیمت 227 روپے 19 پیسے، ہائی سپیڈ ڈیزل کی قیمت میں 8 روپے 95 پیسے اضافے کے ساتھ 244 روپے 95 پیسے فی لٹر ہوگئی ہے۔

    مٹی کا تیل 4 روپے 62 پیسے مہنگا ہوا جس کے بعد نئی قیمت 201 روپے 7 پیسے فی لٹر ہوگئی ہے۔