Baaghi TV

Tag: قیمتیں

  • حکومت کا آٹے کی قیمت میں کمی کرنے کا اصولی فیصلہ

    حکومت کا آٹے کی قیمت میں کمی کرنے کا اصولی فیصلہ

    لاہور: وفاقی وصوبائی حکومت نے آٹے کی موجودہ قیمتوں میں200 تا 300 روپے فی 20 کلو تھیلا تک کمی کرنے کا فیصلہ کیا ہے-

    باغی ٹی وی : ذرائع کے مطابق 20 کلو آٹے کے تھیلے کی قیمت 1 ہزار تا 1050 روپے کے درمیان مقرر کئے جانے کا امکان ہے،ان قیمتوں کا اطلاق ہونے کی صورت میں حکومت فی تھیلا 600 روپے سے زائد کی سبسڈی برداشت کرے گی-

    وزیراعلیٰ پنجاب حمزہ شہباز شریف کا ڈسٹرکٹ ہیڈ کوارٹر ہسپتال فیصل آباد کا اچانک…

    ذرائع کے مطابق فلورملز کو سرکاری گندم کی فراہمی کا آغاز آئندہ ماہ کی بجائے آئندہ چند روز میں شروع ہونے کا قوی امکان ہے وفاقی حکومت نے ملک میں گندم کے ذخائر کو مستحکم کرنے کیلئے کم ازکم 20 لاکھ ٹن گندم امپورٹ کرنے پر بھی ورکنگ شروع کردی ہے اس حوالے سے اقتصادی رابطہ کمیٹی کے اجلاس میں سمری پیش کی جائے گی۔

    اس وقت حکومت 2200 روپے میں گندم خرید رہی ہے ،سرکاری فارمولہ کے تناسب سے 20 کلو آٹا تھیلا کی قیمت 1300 روپے کے لگ بھگ بنتی ہے لیکن وزیر اعظم شہباز شریف اور وزیر اعلی حمزہ شہباز نے وزراء اور بیوروکریٹس کے ساتھ مشاورت کے بعد اصولی فیصلہ کر لیا ہے کہ آٹا کی نئی قیمت تحریک انصاف حکومت کی قیمت سے کم رکھی جائے گی جو کہ 1100 روپے تھی۔

    پاکستانی فلموں کی ریلیز کا معاملہ :جاوید شیخ کا وزیر اعظم سے معاملے پر ایکشن لینے کا مطالبہ

    ذرائع کے مطابق حکومت 1000 تا1050 روپے فی بیس کلو تھیلا کے درمیان قیمت مقرر کرنے کا سوچ رہی ہے حالانکہ چند روز قبل پنجاب کی بیوروکریسی نے تجویز دی تھی کہ سابق ریلیز سیزن کے تحت اس مرتبہ بھی فلورملز کو 1950 روپے فی من قیمت پر گندم دیکر20 کلو آٹا تھیلا کی قیمت 1100 روپے کو برقرار رکھا جائے۔

    اگر قیمت 1100 روپے مقرر کی جاتی تو حکومت فی تھیلا 600 روپے سبسڈی برداشت کرتی لیکن اگر قیمت 1 ہزار روپے مقرر کی جاتی ہے تو پھر حکومت -700 روپے سے زائد فی تھیلا سبسڈی برداشت کرے گی۔

    پاکستان اور بھارت کیلئے وارننگ جاری

    گزشتہ 14 برس کے دوران ن لیگ اور تحریک انصاف کی حکومتوں کے دور میں آٹا پر دی گئی سبسڈی کی مد میں محکمہ خوراک نے آج بھی 440 ارب روپے محکمہ خزانہ پنجاب سے وصول کرنا ہیں۔

    ذرائع کے مطابق خیبر پختونخواہ میں 220 کے لگ بھگ فعال ملز ہیں ، وہاں6 رولر باڈی فی مل کے مطابق کوٹہ ملتا ہے جو 6 ہزار ٹن یومیہ تک ہوتا ہے ،روزانہ 10 ہزار ٹن کے لگ بھگ آٹا پنجاب سے کے پی کے کو فراہم کیا جاتا ہے بعض حکومتی حکام کی رائے میں خیبر پختونخواہ کو وفاق کی جانب سے سبسڈائزڈ گندم دینے کا فائدہ کم ہوگا کیونکہ عالمی منڈی میں زیادہ قیمتوں کے سبب افغانستان کے راستے سمگلنگ کے امکانات زیادہ ہیں۔

    اتنا ہی ڈال پلیٹ میں جتنا سما سکے تیرے پیٹ میں ازقلم: غنی محمود قصوری

  • بجلی کی قیمتوں میں مزید اضافے کا امکان

    بجلی کی قیمتوں میں مزید اضافے کا امکان

    اسلام آباد: سینٹرل پاور پرچیزنگ ایجنسی (سی پی پی اے) نے بجلی کی قیمتوں میں اضافے کی درخواست نیپرا میں جمع کروا دی-

    باغی ٹی وی : تفصیلات کے مطابق بجلی کی قیمتوں میں اضافے کی درخواست ماہانہ فیول ایڈجسٹمنٹ کی مد میں کی گئی درخواست میں مؤقف اپنایا گیا کہ مارچ کے مہینے میں 10 ارب یونٹ بجلی پیدا ہوئی، جس سے بجلی کی پیداواری لاگت 94 ارب روپے رہی۔

    پُرانا پاکستان مبارک ہو:حکومت نےآتے ہی 5 روپے بجلی مہنگی کردی

    بتایا گیا کہ فرنس آئل سے 22 روپے 52 پیسے فی یونٹ میں مہنگی ترین بجلی پیدا کی گئی، ایل این جی سے پیدا ہونے والی بجلی کی لاگت 14 روپے 36 پیسے فی یونٹ رہی اور 17 روپے 35 پیسے فی یونٹ میں ایران سے بجلی درآمد کی گئی جبکہ 27 پیسے فی یونٹ بجلی لائن لاسز کی نظر ہوگئی۔

    جمعیت علمائے اسلام ف نے اپنی جماعت کے وزرا کے محکموں کا بتا دیا

    نیپرا بجلی کی قیمتوں میں اضافے سے متعلق درخواست پر سماعت 27 اپریل کو کرے گا، منظوری کی صورت میں صارفین پر 30 ارب روپے کا اضافی بوجھ پڑے گا۔

    قبل ازیں 15 اپریل کو حکومت کی درخواست کے بعد نیپرا نے 4 روپے 85 پیسے فی یونٹ بجلی کی قیمت میں اضافے کی منظوری دی تھی اضافہ اپریل کے لیے فیول ایڈجسٹمنٹ کی مد میں کیا گیا ےھا سی پی پی اے -جی نے 4 روپے 94 پیسے فی یونٹ اضافے کی درخواست کی تھی۔

    فارن فنڈنگ کیس: پی ٹی آئی کے وکیل کو الیکشن کمیشن نامکمل ہونے پر اعتراض

  • عالمی منڈی میں خام تیل کی قیمتوں میں کمی

    عالمی منڈی میں خام تیل کی قیمتوں میں کمی

    عالمی منڈی میں خام تیل کی قیمت میں 3 سے 4 فیصد کمی ریکارڈ کی گئی۔

    باغی ٹی وی : مختلف ممالک کے اپنے سٹریٹیجک ذخائر میں سے خام تیل اور اس کی مصنوعات استعمال کرنے کے اعلان کے بعد عالمی منڈی میں خام تیل کی قیمتوں میں کمی دیکھی گئی ہے۔

    سٹاک مارکیٹ میں زبردست تیزی،ڈالر کی قیمت میں بھی کمی

    دوران ٹریڈنگ برینٹ خام تیل 99 ڈالر فی بیرل سے نیچے آگیا جبکہ ڈبلیو ٹی آئی خام تیل کی قیمت 95 ڈالر فی بیرل سطح پر آگئی ہے۔

    واضح رہے کہ گزشتہ ماہ عالمی منڈی میں خام تیل کی قیمت بڑھ کر 105 ڈالر فی بیرل تک پہنچ گئی تھی۔

    انٹرنیشنل انرجی ایجنسی (آئی ای اے) کے رکن ممالک اگلے 6 ماہ میں 6 کروڑ بیرل تیل جاری کریں گے جبکہ امریکہ نے مارچ میں 18 کروڑ بیرل تیل جاری کرنے کا اعلان کیا تھا اس اقدام کا مقصد یوکرین جنگ کے بعد روس پرعائد کی جانے والی پابندیوں کی وجہ سے روسی خام تیل کی سپلائی میں پیدا ہونے والی کمی سے نمٹنا ہے۔

    دوسری جانب چین میں ایک بار پھر کورونا پھیلاو کے بعد بڑے مینیوفیکچرنگ مراکز شین یانگ اور شنگھائی میں لاک ڈاون نافذ ہے جس کے باعث تیل کی طلب میں کمی بھی تیل کی قیمتوں میں کمی کی بڑی وجہ ہے۔

    آئی ایم ایف کا پٹرول،بجلی کی قیمتیں بڑھانے کا مطالبہ،گورنر سٹیٹ بینک کا انکشاف

    ماہرین کا کہنا ہے کہ عالمی مارکیٹ میں خام تیل کی فی بیرل قیمت 100 ڈالر سے نیچے آنے پر پاکستانی معیشت پر زرمبادلہ کا دباؤ گھٹنے کی امید اور درآمدی بل کے حجم میں کمی کے امکانات بھی زرمبادلہ مارکیٹ پر اثرانداز رہے جس سے ڈالر کی قدر میں بتدریج کمی توقع کی جارہی ہے۔

    واضح رہے کہ گزشتہ روز انٹر بینک میں پیر کے روز ڈالر کی قیمت ساڑھے 3 روپے کمی کے بعد 184 روپے سے بھی کم ہوئی تھی اسی طرح اوپن مارکیٹ میں ڈالر 185 روپے پر آگیا تھا انٹربینک مارکیٹ میں پیر کو روپے کی نسبت ڈالر کی قدر 1.76 روپے کی مزید کمی سے 182.92 روپے کی سطح پر بند ہوئی تھی جبکہ اوپن کرنسی مارکیٹ میں ڈالر کی قدر 3 روپے کی کمی سے 185 روپے کی سطح پر بند ہوئی تھی-

    ای ایف پی کا شرح سود میں نمایاں کمی کا مطالبہ

  • عالمی مارکیٹ میں تیل کی قیمتوں میں بڑی کمی

    عالمی مارکیٹ میں تیل کی قیمتوں میں بڑی کمی

    عالمی مارکیٹ میں تیل کی قیمتوں میں 17 فیصد کی بڑی کمی ہوئی ہے۔

    باغی ٹی وی : تفصیلات کے مطابق متحدہ عرب امارات کا تیل کی پیداوار میں اضافے کا اعلان کے ساتھ ہی برینٹ خام تیل کی قیمت فی بیرل 112 ڈالر پر آ گئی روس کے یوکرین پر حملے کے بعد آئل تاریخی مہنگی ترین سطح پر پہنچ چکا ہے، یہ پہلا موقع ہے جب اس کی قیمت میں کمی سامنے آئی ہے، گزتتہ روز امریکا کی روسی تیل اور گیس کی درآمد پر مکمل پابندی کے بعد عالمی مارکیٹ میں خام تیل کی قیمت کو پر لگ گئے تھے۔

    روس کا امریکا پر یوکرین میں حیاتیاتی ہتھیار بنانے کا الزام

    برطانوی خام تیل برینٹ کی قیمت ایک سو بیس ڈالر فی بیرل سے زائد تک پہنچ گئی تھی، امریکی صدر نے روسی تیل کی درآمد پر پابندی عائد کرتے ہوئے امریکیوں کو خبردار کیا تھا کہ ملک میں تیل کی قیمتوں میں اضافہ ہو گا۔

    لیکن ترکی نے باور کرایا تھا کہ وہ روسی تیل کے بائیکاٹ کا کوئی ارادہ نہیں رکھتا ہے ترکی کے وزیر توانائی الب ارسلان پیرقدار نے واضح کیا تھا کہ ان کا ملک ماسکو سے تیل کی خریداری جاری رکھے گا انہوں نے ساتھ ہی امید ظاہر کی کہ ایران پر سے پابندیاں اٹھا لی جائیں گی جس سے تیل کی عالمی طلب پوری کی جا سکے گی۔

    ہم نے پابندیاں لگائیں تو مغرب کو مشکلات اور تکالیف کا سامنا کرنا پڑے گا،روس کا انتباہ

    پیرقدار نے بدھ کے روز توانائی سے متعلق سیراوک کانفرنس کے موقع پر اپنے بیان میں کہا تھا کہ ترکی اپنی قدرتی گیس کی ضرورت کا 45 فی صد ، تیل کی ضرورت کا 17 فی صد اور پٹرول کی ضرورت کا 40 فی صد حصہ روس سے پورا کرتا ہے دنیا کو اس وقت مزید تیل کی ضرورت ہے جو کہیں سے بھی آئے، امریکا سے، سعودی عرب سے یا وینزویلا سے یا ایران سے یا پھر کسی بھی اور جگہ سے انقرہ کے لیے یہ آسان نہیں کہ روسی تیل کی ترسیل کو کسی دوسری جگہ سے تبدیل کر لے کیوں کہ روس ایک پرانا اور قابل اعتماد ذریعہ ہے۔

    یوکرین اور روس کا انخلا کیلئے 12 گھنٹوں کی جنگ بندی پر اتفاق

  • برائلر گوشت کی قیمتیں دفعات کے حساب سے

    برائلر گوشت کی قیمتیں دفعات کے حساب سے

    قصور
    دو ہفتوں میں مرغی کے گوشت کی قیمت میں 100 روپیہ فی کلو سے بھی زائد کا اضافہ،دو ہفتہ قبل 302 کی قیمت کی دفع تھی اب 407 کی مگر دکانداروں نے من مانی کرتے ہوئے 420 کی دفعات کے تحت قیمت ہی 420 مقرر کرلی

    تفصیلات کے مطابق قصور میں برائلر مرغی کے گوشت کی قیمتیں بلند ترین سطح پر پہنچ چکی ہیں
    جو برائلر مرغی اپنے پاؤں پر اچھے سے چل پھر نہیں سکتی اس کے گوشت کو پر لگ چکے ہیں جس کی باعث محض دو ہفتوں میں مرغی کے گوشت کی قمیت میں 100 روپیہ سے زیادہ کا اضافہ ہو چکا ہے
    دو ہفتے قبل گورنمنٹ کی طرف سے مرغی کھانے والوں پر 302 کی قیمت لگائی گئی تھی مگر اب ترقی کرتے 407 کی قیمت لگا دی گئی مگر دکانداروں کی من مانی نے 420 کی قیمت کی دفعات مقرر کر رکھی ہیں اور 420 کے تحت من مانے ریٹوں پر فروخت کر رہے ہیں
    شہریوں کا کہنا ہے کہ سرکار قیمتوں کا اطلاق دفعات سے ہٹ کر کرے تاکہ شہریوں کو وضع ہو کہ یہ سزا ہے یاں گوشت خریدنےکی قیمت

  • گیس کی قیمتوں میں 68 روپے فی ایم ایم بی ٹی یواضافہ

    گیس کی قیمتوں میں 68 روپے فی ایم ایم بی ٹی یواضافہ

    گیس کی قیمتوں میں 68 روپے فی ایم ایم بی ٹی یواضافہ ہو گیا-

    باغی ٹی وی : تفصیلات کے مطابق اوگرا نے گیس کی قیمتوں میں 68 روپے فی ایم ایم بی ٹی یو اضافے کی منظوری دے دی۔ گیس کی اوسط قیمت 670 روپے 37 پیسے فی ایم ایم بی ٹی یو مقررہوگئی۔ گیس کی قیمتوں میں اضافے سے صارفین پر 2 سو 27 ارب روپے کا بوجھ پڑے گا۔

    ایل پی جی کی فی کلو قیمت میں 27 روپے ایک پیسے کا اضافہ

    اوگرا نے سوئی ناردرن گیس کمپنی کا نظر ثانی فیصلہ جاری کر دیا سوئی ناردرن گیس کمپنی نے گیس کی قیمتوں میں 2 سو 69 روپے فی ایم ایم بی ٹی یو اضافہ مانگا تھا۔

    قبل ازیں اوگرا نے مائع پیٹرولیم گیس (ایل پی جی) کا گھریلو سلنڈر 318 روپے یکم مارچ سے مزید مہنگا کردیا ایل پی جی کی فی کلو قیمت میں 27 روپے ایک پیسے کا اضافہ کیا گیا ہے جس کے بعد ایل پی جی کی فی کلو نئی قیمت 233 روپے 78 پیسے ہوگئی ہے نئی قیمتوں کے بعد گھریلو سلنڈر 318 روپے 76 پیسے مہنگا ہوگیا قیمت میں اضافے کے بعد 11.8 کلو گرام کے گھریلو سلنڈر کی قیمت 2758 روپے 69 پیسے ہوگئی۔

    واضح رہے کہ گزشتہ ماہ فیڈرل بورڈ آف ریونیو (ایف بی آر) نے سوئی سدرن گیس کمپنی کے بینک اکاونٹس منجمد کردیئے تھے سوئی سدرن گیس کمپنی کے اکاؤنٹس 23 ارب کے سیلز ٹیکس واجبات ادا نہ کرنے پر منجمد کیے گئے تھے۔

    بجلی کی قیمت میں فی یونٹ فیول ایڈجسٹمنٹ کی رقم حکومت ادا کرے گی،حماد اظہر

    اس ضمن میں جاری کردہ اعلامیے میں بتایا گیا تھا کہ سوئی سدرن گیس کمپنی سے سیلز ٹیکس کی مد میں 312 ملین روپے وصول کیے جا چکے ہیں 23 ارب روپے کی واجب الادا رقم کی اپلیٹ کمشنر بھی تصدیق کرچکے ہیں۔

    اعلامیے میں واضح کیا گیا ہے کہ ایس ایس جی سی کے منجمد اکاؤنٹس سے واجب الادا رقم ریکور کی جائے گی لارج ٹیکس پیئرآفس کو سیلز ٹیکس ایکٹ 1990 کی سیکشن 48 کے تحت یہ اختیار حاصل ہے۔

  • عالمی منڈی میں خام تیل کی قیمتیں ساڑھے7سال کی بلند ترین سطح پر پہنچ گئیں:دنیا مسائل کا شکار

    عالمی منڈی میں خام تیل کی قیمتیں ساڑھے7سال کی بلند ترین سطح پر پہنچ گئیں:دنیا مسائل کا شکار

    لندن :عالمی منڈی میں خام تیل کی قیمتیں ساڑھے7سال کی بلند ترین سطح پر پہنچ گئیں:دنیا مسائل کا شکار،اطلاعات کے مطابق یوکرین پر روس کے حملے کے بعد ترسیلی نظام میں تعطل آنے کے خدشے کے پیش نظر عالمی منڈی میں خام تیل کی قیمتیں تقریباً ساڑھے 7 سال کی بلند ترین سطح پر پہنچ گئی ہے۔

    برطانوی خبر رساں ایجنسی کے رپورٹ کے مطابق منگل کو خام تیل کی قیمتوں میں تقریباً 8 فیصد اضافہ ریکارڈ کیا گیا۔مئی کے مہینے کیلئے ہونے والے برینٹ کروڈ آئل کے سودے 7.83 ڈالر اضافے کے بعد 105.80 ڈالر فی بیرل پر طے ہوئے۔

    اس کے علاوہ امریکی خام تیل ویسٹ ٹیکساس انٹرمیڈیٹ کے اپریل کے کیلئے ہونے والے سودے 8.27 ڈالر فی بیرل اضافے کے بعد 103.99 ڈالر فی بیرل پر ہوئے۔
    کاروبار کے دوران برینٹ کروڈ آئل اگست 2014 اور ویسٹ ٹیکساس انٹرمیڈیٹ جولائی 2014 کے بعد کی بلند ترین سطح پر دیکھے گئے۔

    دوسری جانب روس اور یوکرین کے درمیان جنگ کی وجہ سے سپلائی میں تعطل اور قیمتوں میں اضافے کو روکنے کیلئے عالمی توانائی ایجنسی کے رکن ممالک اپنے اسٹریٹجک پیٹرولیم ریزروز میں سے 6 کروڑ بیرل تیل مارکیٹ میں جاری کرنے پر غور کر رہے ہیں تاکہ قلت کی وجہ سے قیمتیں اوپر نہ جائیں۔

    اس معاملے پر تیل برآمد کرنے والے ممالک کی تنظیم (اوپیک) اور روس کے مذاکرات بدھ کو ہونے کا امکان ہے۔

    یوکرین پر حملے کی وجہ سے امریکا اور یورپی یونین نے روس پر اقتصادی پابندیاں عائد کردی ہیں اور روسی کمپنیوں اور شخصیات کے اثاثے منجمد کردیے گئے ہیں جس کہ وجہ سے روس سے تیل خریدنے والے ممالک کو ادائیگیوں میں مشکلات کا سامنا ہے۔

    خیال رہے کہ روس یومیہ 40 سے 50 لاکھ بیرل خام تیل برآمد کرتا ہے جبکہ 20 سے 30 لاکھ بیرل تیل کی ریفائنڈ مصنوعات برآمد کرتا ہے۔

  • ہونڈا موٹر سائیکلز کی قیمتوں میں ریکارڈ اضافہ

    ہونڈا موٹر سائیکلز کی قیمتوں میں ریکارڈ اضافہ

    اٹلس ہونڈا لمیٹڈ (اے ایچ ایل) نے ایک مرتبہ پھر موٹر سائیکل ماڈلز کی قیمتوں میں اضافہ کردیا-

    باغی ٹی وی : تفصیلات کے مطابق اٹلس ہونڈا نے آخر کار 2022 کی پہلی قیمت میں اضافے کا اعلان کر دیا ہے جس کے ساتھ پاکستان میں ہونڈا موٹر سائیکل کی قیمت میں روپے 9,400 کاتک اضافہ کیا گیا ہے نئی قیمتوں کا اطلاق آج یکم مارچ سے ہو گا-

    تاہم، اٹلس ہونڈا کی طرف سے یہ واحد قیمت میں اضافہ نہیں ہوگا کیونکہ پاکستانی روپے کی قدر میں کمی، آٹو موٹیو سیکٹر اپنی مصنوعات کی قیمتوں میں مزید اضافے کا اعلان کرے گا۔ پاکستان میں ہونڈا موٹرسائیکل / بائیک کی قیمتوں میں اضافے میں ہونڈا سی ڈی 70 ،ڈریم 70، پرائیڈر ،سی بی 150 ایف ، سی بی 125 ایف ،سی جی 125 ایس ای، سی جی 125 اور سی بی 150 ایف ایس ای شامل ہیں۔

    یہ بات قابل ذکر ہے کہ اٹلس ہونڈا نے گزشتہ سال پاکستان میں اپنی موٹرسائیکل کی قیمتوں میں آٹھ بار اضافہ کیا تھا اور جب کہ کمپنی کی جانب سے رواں سال قیمتوں میں اضافے کا یہ پہلا اعلان ہے تاہم اس میں مزید کئی اضافے متوقع ہیں، خاص طور پر گرتی ہوئی کرنسی-

    اٹلس ہونڈا کئی دہائیوں سے پاکستان میں بغیر کسی تبدیلی کے یہ موٹرسائیکل تیار کر رہی ہے اور سستی پروڈکٹ فراہم کرنے کے بجائے کمپنی سال میں کئی بار ان کی قیمتوں میں اضافہ کرتی رہتی ہے۔ تاہم، صرف کمپنی ہی قصوروار نہیں ہے کیونکہ صارفین اپنے پرانے CD70 اور CG125 کو نئے اسٹیکر کے لیے خریدتے رہتے ہیں۔

    اٹلس ہونڈا نے موٹر سائیکلز کی قیمتوں میں ہنڈا موٹر سائیکل کی قیمت میں 3000 روپے اضافہ کر دیا گیا پاکستان میں سب سے زیادہ پسند کی جانے والی موٹر سائیکل ہونڈا سی ڈی 70 کی قیمت مذکورہ اضافے کے بعد 94 ہزار 900 روپے سے بڑھا کر 97 ہزار 900 روپے تک پہنچ جائے گی۔

    ہونڈا سی ڈی 70 ڈریم کی قیمت بھی 3 ہزار روپے جبکہ پرائڈر کی قیمت میں 3 ہزار 400 روپے کا اضافہ کیا گیا ہے۔

    جس کے بعد سی ڈی 70 ڈریم کی قیمت 1 لاکھ 1500 روپے سے بڑھ کر 1 لاکھ 4500 ہو گئی جبکہ پرائیڈر کی قیمت ایک لاکھ 30 ہزار 500 سے بڑھ کر ایک لاکھ 33 ہزار 900 روپے ہو گئی ہے-

    موٹر سائیکل بنانے والی کمپنی کی جانب سے ہونڈا سی جی 125 کی قیمت میں 3400 روپے کا اضافہ کیا گیا ہے جس کے بعد اس کی قیمت ایک لاکھ 52 ہزار 500 سے بڑھ کر ایک لاکھ 55 ہزار 900 روپے ہوگئی جبکہ ہونڈا سی جی 125 ایس کی قیمت 3500 روپے کے اضافے کے بعد ایک لاکھ 82 ہزار سے بڑھ کر ایک لاکھ 85 ہزار 500 ہو گئی-

    سی بی 125 ایف کی قیمت میں 9400 کا اضافہ کیا گیا مذکورہ اضافے کے بعد سی بی 125 ایف کی قیمت 2 لاکھ 18 ہزار 500 سے بڑھ کر 2 لاکھ 27ہزار 900 روپے ہوگئی-

    جبکہ سی بی 150 ایف سرخ اور بلیک کی قیمت 9400 کے اضافے کے بعد 2 لاکھ 73 ہزار 500 سے بڑھ کر 2 لاکھ 82 ہزار 900 روپے ہوجائے گی۔

    ہونڈا سی بی 150 ایف سلور کی قیمت بھی 9400 روپے اضافے کے بعد 2 لاکھ 77 ہزار 500 روپے سے بڑھ کر 2 لاکھ 86 ہزار 900 روپے ہوگئی ہے۔

    ماڈل پرانی قیمت ( پاکستانی روپے) نئی قیمت (پاکستانی روپے) قیمتوں کا فرق

    ہونڈا سی ڈی 70 94،900 97،900 3000

    سی ڈی 70 ڈریم 101،500 104،500 3000

    ہونڈا پرائیڈر 130،500 133،900 3400

    سی جی 125 152،500 155،900 3400

    سی جی 125 ایس-ایس ای 182،000 185،500 3500

    سی بی 125 ایف 218،500 227،900 9400

    سی بی 150 ایف(ریڈ،بلیک) 273،500 282،900 9400

    سی بی 150 ایف (سلور) 277،500 286،900 9400

    یکم مارچ 2022

    یہ بات قابل ذکر ہے کہ یاماہا نے بھی پاکستان میں اپنی موٹرسائیکل کی قیمتوں میں اضافہ کر دیا ہے۔

  • غریب عوام پر ایک بار پھر پٹرول بم گرنے کا امکان

    غریب عوام پر ایک بار پھر پٹرول بم گرنے کا امکان

    پیٹرولیم مصنوعات کی قیمتوں میں 8 سے 10 روپے فی لیٹر اضافے کا امکان ہے

    پیٹرولیم لیوی میں مزید اضافے اور کرنسی کی قدر میں کمی سے بڑے اضافے کا خدشہ ہے پیٹرول کی قیمت میں تقریباً 9روپے 60 پیسے فی لیٹر اضافہ متوقع ہے ہائی اسپیڈ ڈیزل کی قیمت میں 8 روپے 50 پیسے اضافے کا امکان ہے 16فروری سے پیٹرولیم مصنوعات پر سیلز ٹیکس کی شرح صفر کردی گئی تھی مٹی کے تیل اور لائٹ ڈیزل میں 4 روپے تک اضافے کا امکان ہے روس یوکرائن جنگ کے باعث بین الاقوامی مارکیٹ میں قیمتوں میں نمایاں اضافہ ہوا ،اوگرا کی سمری پر فیصلہ آج ہوگا نئی قیمتوں کا اطلاق آج رات 12 بجے کے بعد ہوگا

    پیٹرولیم ڈویژن کا کہنا ہے کہ عالمی مارکیٹ کے مطابق ڈیزل وپیٹرول کی قیمتوں میں ساڑھے 4 سے ساڑھے 5 روپے تک اضافہ بنتا ہے تاہم اس اضافے میں لیوی شامل نہیں ہے جب کہ اس حوالے سے حکومت کیا فیصلہ کرتی ہے ابھی کچھ نہیں کہا جا سکتا۔ عالمی مارکیٹ میں تیل کی موجودہ قیمتوں کو دیکھتے ہوئے پیٹرول کی قیمت میں ساڑھے 5 روپے فی لیٹر اور ڈیزل کی قیمت میں ساڑھے 4 روپے تک اضافہ بنتا ہے جب کہ 4 روپے لیوی شامل کرنے سے پیٹرول کی فی لیٹرقیمت میں اضافہ ساڑھے 9 روپےبنتا ہے، اسی طرح 4 روپے لیوی شامل کی جائے تو فی لیٹر ڈیزل اضافہ ساڑھے 8 روپے بنتا ہے۔ذرائع کا کہنا ہے کہ اس وقت پیٹرول پر لیوی 17.92 روپے اور ڈیزل پر 13.30 روپے فی لیٹر ہے جب کہ پٹرول اور ڈیزل پر جی ایس ٹی صفر ہے ۔ سمری پر حتمی فیصلہ وزیراعظم عمران خان کریں گے۔

    پٹرولیم مصنوعات کی قیمتوں میں اضافے سے اپوزیشن جماعتوں کی جانب سے احتجاج کا بھی امکان ہے، اپوزیشن جماعتوں پی ڈی ایم اور پیپلز پارٹی نے الگ الگ لانگ مارچ کا اعلان کیا، پی پی کے لانگ مارچ کا گزشتہ روز شہر قائد سے آغاز ہو چکا ہے، آج لانگ مارچ کا دوسرا روز ہے اور اسلام آباد کی جانب رواں دواں ہے، مہنگائی میں اضافہ لانگ مارچ کو مزید تقویت دے رہا ہے کیونکہ مہنگائی سے عوام کی زندگی اجیرن ہو چکی ہے، پٹرولیم مصنوعات کی قیمتوں میں اضافے سے مہنگائی میں بھی اضافہ ہو گا، اشیا کی قیمتیں بڑھیں گی جو ابھی تک مسلسل بڑھ رہی ہیں، کسی چیز کی قیمت میں کوئی کمی نہیں ہوئی

    پٹرولیم مصنوعات کی قیمتوں میں اضافہ،اپوزیشن کا ایوان میں بھر پور احتجاج کا فیصلہ

    عمران خان قیمتوں میں اضافہ پڑھتا جا شرماتا جا ، خواجہ آصف

    ‏یادِ ٹویٹر عذاب ہے یارب ،چھین لے مجھ سے فون مرا ،رضا رومی کا خان کی دو سال قبل کی گئی ٹویٹ پر طنز

    مافیا حکومت میں موجود ہے جس نے قیمتوں میں اضافے کا حکومت سے فیصلہ کرایا،رانا ثناء اللہ

    ‏کچھ دن پہلے پٹرول سستا ھونے پر ذلیل ھو رھا تھا اب مہنگا ھونے پر ذلیل ھو گا، مشاہد اللہ خان

    پٹرول ذخیرہ کرنے والوں کوکس کی پشت پناہی حاصل ہے؟ قادر پٹیل

    ‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

    ہارن بجاؤ، حکمران جگاؤ، وزیراعظم ہاؤس کے سامنے ہارن بجا کر احتجاج کا اعلان ہو گیا

    وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

    جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

  • دودھ کی قیمتوں میں اضافے کا امکان

    دودھ کی قیمتوں میں اضافے کا امکان

    ڈیری اینڈ کیٹل فارمرز ایسوسی ایشن نے فارم گیٹ پر دودھ کی قیمتوں کا تخمینہ جاری کردیا-

    باغی ٹی وی : صدر ڈی سی ایف اے پاکستان کے مطابق فارم گیٹ پر دودھ کی فی لیٹر پیداواری لاگت 177.70 روپیہ اور 17.77 روپیہ نفع کے ساتھ 195 روپیہ فی لیٹر ہے فی لیٹر کرایہ ،ہول سیلرز اور ریٹیلرز کا نفع شامل کرکے 220 روپیہ فی لیٹر ہوگا –

    گندم کی فی من قیمت میں 400 روپے اضافے کا امکان

    دودھ کی نئی قیمتوں کا اعلان 25 فروری کو دیگر اسٹیک ہولڈرز کے ساتھ مل کر کیا جائے گا پہلے مرحلے میں 30 روپیہ فی لیٹر اضافہ ہوگا دوسرا اضافہ وقت اور حالات کے مطابق رمضان المبارک کے بعد کیا جائے گا-

    نئی قیمت 1 مارچ سے نافذ العمل ہوگی جوکہ 170 روپیہ فی لیٹر ہوگی قیمتوں میں بتدریج اضافہ کیا جائے گا اس سال کے آخر تک قیمت 225 روپیہ فی لیٹر تک جاسکتی ہے-

    منسٹری آف کامرس اگر ضروری اجناس کی ایکسپورٹ پر پابندی اور ان پٹس پر سے 17 فیصد سیلز ٹیکس واپس لے تو یہ اضافہ بڑی حد تک کم ہوسکتا ہے-

    ہرجمہوری حکومت کا حق ہےکہ اسے مدت مکمل کرنے دی جائے،چودھری پرویزالٰہی

    واضح رہے کہ پنجاب کابینہ نے گندم کی فی من قیمت 2200 روپے مقرر کرنے کی سفارش وفاق کو ارسال کر دی ہے پنجاب کابینہ کی جانب سے گندم کی فی من قیمت 2200 روپے مقرر کرنے کی سفارش وفاق کو ارسال کی گئی ہے، جس پر اہم ترین وفاقی وزراء کی جانب سے تحفظات کا اظہار کیا گیا ہے پنجاب اور خیبرپختونخوا میں گندم کی امدادی قیمت خرید کے حوالے سے وفاقی وزرا کے اختلاف سامنے آئے ہیں-

    وفاقی وزراء کا موقف ہے کہ گندم کی امدادی قیمت خرید گزشتہ سال 1800 روپے فی من مقرر کی گئی تھی، اور اب یکمشت 400 روپے فی من اضافہ کرنے سے آٹا کی قیمت میں غیر معمولی اضافہ ہوگا دوسری جانب پنجاب کابینہ کی جانب سے ارسال کی گئی گندم اسپورٹ پرائس کی سمری اقتصادی رابطہ کمیٹی میں پیش کی جائے گی-

    یکم مارچ سے پھر پیٹرول مہنگا ہونے کا امکان