Tag: لالی وڈ

لالی وڈ کی اداکارہ زارا شیخ بڑی اور چھوٹی سکرین پر کم کم نظر آتی ہیں. بڑی سکرین پر تو ایک عرصے سے نظر ہی نہیں آرہیں .ماضی قریب میں وہ عمران اشرف اور سارا خان کے ساتھ ڈرامہ سیریل رقص بسمل میں نظر آئیں ان کے کردار کو کافی سراہا گیا. انہوں نے حال ہی میں ایک انٹرویو دیا ہے اور کہا ہے کہ میں اپنی مرضی اور مزاج کے مطابق کام کرتی ہوں. میں نے ہمیشہ پاور فل کرداروں کو ترجیح دی ہے اگر کردار پاور فل نہ ہو تو میں کسی صورت پراجیکٹ سائن نہیں کرتی یہی وجہ ہے کہ میں شائقین کو ٹی وی پر کم دکھائی دیتی ہوں. زارا شیخ نے کہا کہ میں نے بہت شہرت سمیٹی اور بہت کام کیا اور

مرضی کاکام کیا، میں نے شہرت حاصل کرنے کے لئے اوچھے ہتھکنڈوں کا استعمال نہیں کیا. میں یہ بھی جانتی ہوں کہ خبروں میں رہنے کےلئے جان بوجھ کر جھوٹے سچے سکینڈلز بنوائے جاتے ہیں، میں ایسی باتوں پر یقین نہیں رکھتی. میں اچھا اور بہتر کام کرنے پر یقین رکھتی ہوں یہی وجہ ہے میں جب اور جتنی ضرورت ہو سامنے آجاتی ہوں. زارا شیخ نے مزید کہا کہ کام کا مزہ تب آتا ہے جب آپ کی مرضی کے مطابق ملے اور میں نے ہمیشہ اپنے کام کو انجوائے کیا.مجھے لگتا ہے کہ اگر آرٹسٹ اپنے کام کو انجوائے کرے تو شائقین بھی انجوائے کرتے ہیں.

نوے کی دہائی کی سپر ہٹ اداکارہ ریما خان نے عمرہ کی سعادت حاصل کر لی ہے، ریما خان نے اپنی چند تصاویر سوشل میڈیا پر جاری کرتے ہوئے لکھا کہ میں نے پاکستان کے لئے دعائیں کی ہیں. ان تصاویر میں ریما خان کو مقدس مقامات پر حاضری دیتے ہوئے بھی دیکھا جا سکتا ہے. ریما خان سے پہلے سعود اور جویریا نے اپنے بچوں‌کے ہمراہ عمرہ کی ادائیگی کی. اس سے پہلےسٹیج اداکارہ نرگس نے بھی عمرہ کی ادائیگی کی. سعود اور جویریا نے بھی عمرے کی ادائیگی کے بعد چند تصاویر سوشل میڈیا پر جاری کیں تھیں اور اداکارہ نرگس نے عمرہ کےلئے روانگی کرتے ہوئے ائیرپورٹ سے کچھ تصاویر سوشل میڈیا پر جاری کی تھیں. اداکارہ

نرگس تو فلمی پارٹیوں میں نظر نہیں آتیں لیکن ریما اور جویریا تسلسل سے شوبز کا حصہ ہیں اور پارٹیوں میں بھی نظر آتی ہیں. ریما خان پچھلے کچھ برسوں سے مختلف چینلز پر رمضان ٹرانسمیشن کرتی ہوئی بھی دکھائی دیتی ہیں انہوں نے اپنے گھر کا ماحول بہت الگ رکھا ہوا ہے وہ بتاتی ہیں کہ ان کا بیٹا کافی چھوٹا تھا جب انہوں نے اسکو کلمہ اور درود شریف پڑھنا سکھا دیا تھا اور یہ بات ریما درست بتاتی ہیں کیونکہ ہم نے ان سے ایک بار انٹرویو کیا اس میں ان کا بیٹا بھی شامل ہو گیا اور اس نے نہ صرف کلمہ سنایا بلکہ دورد پاک بھی پڑھ کر سنایا.

فلم ”جیوا” سے کیرئیر کی شروعات کرنے والی اداکارہ ریشم نے فلم انٍڈسٹری میں ہیروئین کا تصور بالکل تبدیل کرکے رکھ دیا تھا. ریشم کا شمار ان اداکارائوں میں ہوتا ہے جنہوں نے وقت کے ساتھ ساتھ خود کو بدلا اپنے بولنے چالنے پر توجہ دی اور سیکھا کہ دنیا کے ساتھ کیسے چلنا ہے. ریشم اکثر اپنے گھر پر کوکنگ کرتی نیاز تیار کرتی ہوئی نظر آرہی ہوتی ہیں. ھال ہی میں اداکارہ ریشم نے ایک انٹرویودیا ہے اس میں انہوں نے کہا کہ آج اچھے ڈرامے بن رہے ہیں ان میں گلیمر بھی کافی زیادہ ہے لیکن یہ بھی زہن میں رہنا چاہیے ہر کوئی گلیمر کو پسند نہیں کرتا. انہوں نے مزید کہا کہ ٹی وی ڈرامے معاشرے کی اصلاح

کا بہترین ذریعہ ہیں اور سکرپٹ بھی پھر اسی حساب سے لکھا جانا چاہیے. اداکارہ ریشم نے مزید کہا کہ میں نے ٹی وی اور ڈرامے دونوں میں کام کیا ہے اور میں نے جتنا بھی کام کیا ہے اس پر بہت مطمئن ہوں. اب بھی اگر اچھا کام ملے گا تو یقینا کروں گی. جو لوگ ریشم کو قریب سے جانتے ہیں انہیں پتہ ہے کہ ریشم کو ادب سے خاصا لگائو ہے وہ اکثر خوبصورت اشعار اور غزلیں بھی سنا رہی ہوتی ہیں. اداکارہ نے کہا کہ کتابیں تنہائی کا بہترین ساتھی ہیں کتابوں سے بہتر کوئی دوست نہیں‌ہو سکتا. کتابوں سے ہم بہت کچھ سیکھ سکتے ہیں وہ الگ بات ہے کہ اب کتابیں‌پڑھنے کا بہت زیادہ رجحان باقی نہیں رہ گیا.

میزبان و اداکارہ متھیرا کہتی ہیں کہ انہوں‌ نے اب فیصلہ کر لیا ہے کہ وہ اب خود کو ڈھانپ کر رکھیں گی اور خود کو کور کرکے رکھنے والا لباس ہی زیب تن کریں گی. اپنے ایک حالیہ انٹرویو میں متیھرا نے کہا ہے کہ میں اب فیصلہ کر چکی ہوں‌ کہ اپنی سکن کسی کو نہیں دکھائوں گی جو اطمینان اور سکون خود کو ڈھانپ کر رکھنے میں ہے وہ کسی دوسری چیز میں‌نہیں‌. اللہ تعالی سے رابطہ رکھا جائے تو وہ آپ کی خطائیں معاف کرکے آپ پر اپنی رحمتوں‌کی بارش کر دیتا ہے. اور میں اب اپنے اس فیصلے پر قائم رہوں گی. متھیرا نے مزید

کہا کہ اللہ تعالی سے گفتگو کرنے کے جو سکون ملتا ہے وہ بیان سے باہر ہے. میں نے آج تک اللہ تعالی سے جو بھی مانگا انہوں نے مجھے دیا میری دعا قبول کی. متھیرا نے دعوی کیا کہ ان کی دعائیں چند دنوں‌میں ہی قبول ہوجاتی ہیں. متھیرا نے یہ بھی کہا کہ انسان کو اپنی زندگی کے گولز سیٹ کرکے رکھنے چاہیں اور منصوبہ بندی کے ساتھ گزارنی چاہیے بغیر مقصد کے زندگی بھی کیا زندگی ہے. متھیرا نے نوجوان نسل کو بھی پیغام دیا کہ وہ بھی اپنا وقت ضائع نہ کریں اور الٹے سیدھے کاموں میں‌پڑنے کی بجائے اپنی زندگی کا مقصد تلاش کریں اور وطن سے محبت کریں.

پاکستان فلم انڈسٹری کے سینئر اداکارہ فیصل رحمان نے حال ہی میں‌ کہا ہے کہ ہمارے ہاں نوجوان نسل کے نمائندہ ڈائریکٹرز بہت اچھا کاکام کررہے ہیں لیکن اگر بالی وڈ کی نقل کرنا بند کر دی جائے تو مزید بہتر کام سامنے آسکتا ہے. فیصل رحمان نے کہا کہ میں نے آج کل ہونے والا کام دیکھا ہے خوش ہوں‌کہ اچھا کام ہو رہا ہے. فیصل رحمان نے مزید کہا کہ مجھے بہت زیادہ افسوس ہے کہ میں نے پنجابی فلموں میں‌کام نہیں‌کیا، لیکن اب اگر مجھے ایسا موقع میسر
آیا تو میں‌ضرور کروں گا. فیصل رحمان نے کہا کہ ہمارے ہاں ماضی میں بہت اچھی پنجابی

فلمیں‌بنی ہیں. فیصل رحمان نے مزید کہا کہ ہماری مادری زبان فارسی ہے اس زبان میں بھی فلمیں بننی چاہیے. فیصل رحمان نے اسی کی دہائی میں سپر ہٹ فلمیں دی ان کے کریڈٹ پر جتنا بھی کام ہے بہت ہی زبردست ہے. فیصل رحمان کبھی کبھار ڈراموں میں‌نظر تو آجاتے ہیں لیکن ابھی تک کسی فلم کا حصہ نہیں‌ بنے. فیصل رحمان کے مداح ان کو دیکھنا چاہتے ہیں لیکن فیصل کم مگر معیاری کام کو ترجیح دیتے ہیں اس لئے ان کو جب کوئی بہتر سکرپٹ سمجھ میں آتا ہے وہ تب ہی کرتے ہیں. فیصل رحمان اداکارہ حنا الطاف کے ساتھ ڈرامہ سیریل گمراہ میں نظر آچکے ہیں ان کو اس ڈرامے میں‌کافی سراہا گیا تھا.

اداکار فہد مصطفی جن کی ماہرہ خان کے ساتھ حال ہی میں فلم قائداعظم زندہ باد ریلیز ہوئی ہے، فلم ابھی تک کافی اچھا بزنس کررہی ہے. فلم کا بزنس اور لوگوں میں اس کی مقبولیت کو دیکھ کر اسے سپر ہٹ کہا جا سکتا ہے. فہد مصطفی اور ماہرہ خان پہلی بار ایک ساتھ دکھائی دئیے ہیں اس سے قبل دونوں کسی فلم میں تو دور کی بات ہے کسی کمرشل تک میں ایک ساتھ نظر نہیں آئے. دونوں کی آن سکرین جوڑی کو شائقین بہت سراہ رہے ہیں. ماہرہ خان کے ساتھ کام کے ھوالے سے اداکار، پرڈیوسر و میزبان کئی بار کام کرنے کا تجربہ شئیر کر چکے ہیں. ھال ہی میں انہوں نے ایک بار پھر کہا ہے کہ ماہرہ خان کے

ساتھ کام کرناا ان کے لئے کسی اعزاز سے کم نہیں‌ ہے. فہد مصطفی نے اعتراف کیا کہ وہ ماہرہ خان کے بہت بڑے مداح ہیں اور اپنی فیورٹ اداکارہ کے ساتھ کام کرنا ان کے لئے نہ صرف باعث فخر اور باعث عزت ہے بلکہ اعزاز کی بات ہے. فہد مصطفی فلم قائداعظم زندہ باد کی پرموشنز کے دوران بھی کئی بار کہہ چکے ہیں کہ انہیں جب ماہرہ خان کے ساتھ کام کرنے کی آفر ہوئی تو انہوں نے فورا قبول کر لی کیونکہ ان کی خواہش تھی کہ وہ اداکارہ کے ساتھ کام کریں. فہد مصطفی ماہرہ خان کی خوبصورتی کی تو تعریف کرتے ہی ہیں بلکہ ان کا کہنا ہے کہ بطور انسان ماہرہ خان بہت اچھی ہیں اور ان کے ساتھ کام کرکے محسوس نہیں‌ہوتا کہ آپ کسی بہت بڑی سلیبرٹی کے ساتھ کام کررہے ہیں.

نوے کی دہائی کی سپر ہٹ اداکارہ ریما جنہوں نے پہلی فلم بلندی سے ہی اپنی صلاحیتوں کا لوہا منوایا. انہوں نے پاکستان فلم انڈسٹری میں فلموں‌کے تصور کو ہی تبدیل کر دیا ان سے قبل فلموں میں جو ہیروئینزتھیں وہ زرا بلکی سی ہوتی تھیں لیکن ریما خان دبلی پتلی تھیں ان کو اس قدر پسند یا گیا کہ فلم انڈسٹری میں دبلی پتلی ہیروئنز کا دور دورہ شروع ہو گیا. اداکارہ ریما نے وقت کے ساتھ ساتھ خود پر بہت توجہ دی اپنی بول چال ، لباس وغیرہ میں اپنا ایک انداز بنایا. ادب کا مطالعہ کیا. ریما بھی دوسرے اداکاروں کی طرح سوشل میڈیا پر کافی متحرک رہتی ہیں چاہے وہ فیس بک ہو یا انسٹاگرام وہ ہر جگہ

اپنی تصاویر اور وڈیوز تواتر سے شئیر کرتی رہتی ہیں. حال ہی میں انہوں نے ایک انسٹاگرام پر ایک پوسٹ شئیر کی ہے جس میں انہوں نے اپنے پرستاروں‌کو ایک پیغام دیا ہے اور پیغام بھی بہت خوبصورت ہے انہوں نے کہا کہ جب بھی بولیں اپنی زبان کو دماغ کے ساتھ جوڑ لیں کیونکہ آپ جو بھی بو ل رہے ہوں گے اس سے آپ کی تربیت جھلکے گی اور اندازہ لگایا جائیگا کہ آپ کی تربیت کس انداز سے کی گئی ہے. اداکارہ نے کہا کہ بولنے سے ہی پتہ چلتا ہے کون کیسا ہے یا کس نے اخلاقیات کا دامن پکڑ رکھا ہے. اداکارہ ریما خان اس طرح کے اصلاحی پیغامات اکثر سوشل میڈیا پر وڈیوز کے زریعے جاری کرتی رہتی ہیں.

کون جانتا تھا کہ ڈرامہ سیریل ہمسفر میں کام کرنے والی لڑکی ایک دن آئیگا لالی وڈ کی نمبر ون ہیروئین ہوگی. ماہرہ خان نے کیرئیر کی ابتداء میں بہترین ڈراموں میں کام کیا ان کو شناخت بھی ملی لیکن ڈرامہ سیریل ہمسفر نے انہیں‌راتوں رات شہرت کی بلندیوں پر پہنچا دیا. ماہرہ خان نے حال ہی میں ایک انٹرویو دیا ہے اس میں انہوں نے کہا کہ میں‌محنت پر بہت زیادہ یقین رکھتی ہوں اگر کوئی یہ کہے ہ شوبز میں کامیابی کی ضمانت خوبصورتی اور حسن ہے تو میں اس سے اتفاق نہیں‌کرتی کیونکہ میرا ماننا ہے کہ کامیابی کے لئے خوبصورتی کے ساتھ ٹیلنٹ کا ہونا بھی بہت ضروری ہے. اداکارہ نے کہا کہ

میں سارا دن کام کرتی ہوں یہاں تک کہ اگر رات کی شفٹ بھی ہو تو تمام رات بھی کام کرنا پڑے تو کرتی ہوں. ماہرہ خان نے ایک سوال کے جواب میں‌کہا کہ میں دوسروں کے جھگڑوں میں نہیں‌ پڑتی نہ ہی کسی کی باتوں میں آکر کسی سے کوئی جواب سوال کرتی ہوں. کسی کو میری ذات سے اختلاف ہو سکتا ہے لیکن میں کسی کی ذات سے اختلاف کرنے کی بجائے اصولوں پر اختلاف کرتی ہوں. یاد رہے کہ ماہرہ خان کے ھوالے سے چاہے خلیل الرحمان قمر ہو یا فردوس جمال یا کوئی بھی کچھ کہے تو وہ جواب نہیں‌ دیتیں نہ ہی کسی کی تنقیدکو سر پر سوار کرتی ہیں وہ اپنی ذات میں گم رہتی ہیں اور کام کرتی رہتی ہیں.

اداکارہ اور بہترین رقاصہ ریما خان جو کہ نوے کی دہائی کی صف اول کی فنکارہ ہیں انہوں نے حال ہی میں ایک انٹرویو دیا ہے اس میں انہوں نے کہا ہے کہ ہماری فلم انڈسٹری اور اس جڑے لوگوں میں بہت صلاحیتیں ہیں ان سے فائدہ اٹھانے کی ضرورت ہے اور فلم انڈسٹری اس وقت صحیح ڈگر پر جا رہی ہے لہذا ضرورت اس امر کی ہے کہ اب اسکے عروج کے لئے ہم سب کو مل کوششیں کرنی چاہیں اور متفقہ اور جامع پالیسی مرتب کی جائے اس میں سرکردہ لوگوں‌کو شامل کیا جائے تاکہ ہر

کسی کی رائے شامل ہوجائے. اداکارہ ریما خان نے کہا کہ پاکستان کی فلم انڈسٹری میں بڑا پوٹینشل ہے جس سے استفادہ کرنے کےلئے سب کو اپنا کردار ادا کرناہوگا۔فلموں کےلئے سب سے بڑا مسئلہ سرمایہ کاری ہے جس کےلئے میری تجویز ہے کسی ایک سرمایہ کار کی بجائے مشترکہ سرمایہ کار ی ہونی چاہیے. ریما خان نے مزید کہا کہ فلم انڈسٹری سے جڑا ہر شخص فلم انڈسٹری کی بہتری کے لئے دعا گو ہے اس کی وجہ یہ ہے کہ جب فلمیں بنتی ہیں تو سب کو ہی روزگار ملتا ہے اور بہت سارے ٹیکنیشنز کے گھروں کے چولہے جلتے ہیں اس لئے ہمیں کوشش کرنی چاہیے کہ زیادہ سے زیادہ فلمیں بنیں تاکہ اس انڈسٹری سے جڑے لوگوں کے لئے آسانیاں ہوں .

نوے کی دہائی کی سپر ہٹ اداکارہ ریشم جو کہ بہت ہی ہنس مکھ ہیں ہر وقت ہنستی مسکراتی دکھائی دیتی ہیں ادب سے خاصا لگائو رکھتی ہیں انہوں‌نے حال ہی میں ایک انٹرویو دیا ہے اس میں انہوں نے کہا کہ مجھے جو بھی کام ملا میں نے وہ بہتر سے بہترین کرنے کی کوشش کی، مجھے کام حاصل کرنے کےلئے نہ کسی کے پاس جانا پڑا نہ ہی کسی کی سفارش کروانی پڑی. مجھے جو بھی کام ملا میری اداکاری کو دیکھتے ہوئے ملا. اداکارہ نے مزید کہا کہ میں نے بے شمار فلموں‌میں کام کیا اور ہر فلم سے مجھے بہت زیادہ شہرت ملی ہر فلم میں میرے کام کو سراہا گیا. میں نے جس چیز کی بھی زندگی میں تمنا کی وہ

خدا کی ذات نے مجھے نوازی اور مجھے اب کسی چیز کی تمنا نہیں ہے. اداکارہ نے مزید کہا کہ اگر محنت اور لگن کے ساتھ کوئی کام کیا جائے ہو نہیں سکتا کہ آپکو کامیابی نہ ملے.اگر صاف نیت سے کسی کام کو کرنے کا ارادہ کیا جائے تو وہ ضرور ہو جاتا ہے. ایک سوال کے جواب میں اداکارہ ریشم نے کہا کہ صرف فلموں میں کام کرنے سے ہی کسی بھی اداکارہ کے مصروف ہونے کا اندازہ نہیں‌لگایا جا سکتا.یاد رہے کہ اداکارہ ریشم کم مگر معیاری کام کو ترجیح دیتی ہیں یہی وجہ ہے کہ وہ آج کل ہمیں‌کم کم کام کرتی دکھائی دے رہی ہیں.