لاہور ہائیکورٹ نے ریڈیو پاکستان کے کنٹریکٹ ملازمین کے خلاف کسی بھی قسم کی تادیبی کاروائی سے روک دیا

عدالت نے ملازمین کی مستقلی کی درخواستوں پر انتظامیہ کو قانون کے مطابق فیصلہ کرنے کا حکم دیدیا ،عدالت نے کہا کہ انتظامیہ ریڈیو پاکستان کے ملازمین کو ذاتی طور پر سن کر فیصلہ کرے ،تحریری حکم میں عدالت نے کہا کہ متعلقہ حکام فیصلہ پر دو ماہ میں عمل درآمد کرے ،جسٹس راحیل کامران شیخ نے غلام سرور بٹ کی درخواست پر دو صفحات پر مشتمل تحریری حکم جاری کردیا،عدالت نے کہا کہ یہ بنیادی حقوق کا معاملہ ہے اسے نظر انداز نہیں کر سکتے ، ریڈیو پاکستان کے 23 ملازمین نے مستقل نہ کرنے کے خلاف درخواستیں داٸر کی گئی تھیَ،متاثرین نے موقف اپنایا تھا کہ سالہا سال سے ریڈیو پاکستان میں کام کر رہے ہیں مگر مستقل نہیں کیا جا رہا ،

دوسری جانب لاہور ہائیکورٹ نے چیئرمین پی سی بی کے انتخابات کروانے کی اجازت دیدی عدالت نے چیئرمین پی سی بی کے انتخابات کے خلاف حکم امتناعی واپس لے لیا ،جسٹس انوار حسین نے تمام دلائل سننے کے بعد حکم امتناعی کی درخواست پر فیصلہ سنایا

راولپنڈی، انسداد دہشت گردی عدالت ،تحریک انصاف کے رہنما شہریار خان آفریدی ضمانت کیس پر سماعت ہوئی،انسداد دہشتگردی عدالت نے درخواست ضمانت پر سماعت 5 جولائی تک ملتوی کر دی ،تفتیشی ٹیم نے عدالت میں کہا کہ ملزم کی آواز میچنگ فرانزک رپورٹ کا انتظار ہے، عدالت نے حکم دیا کہ آئندہ تاریخ پر ہرصورت آواز میچنگ اور تفتیشی رپورٹ پیش کی جائے، سماعت انسداد دہشتگردی کی خصوصی عدالت کے جج حامد حسین نے کی۔

سویٹزرلینڈ کے اعلی سطح وفد اگلے ہفتے پاکستان دورے کا امکان
سعودی شہزادہ طلال بن عبدالعزیز آل سعود سپردخاک
دو گروپوں میں تصادم، 4 افراد جاں بحق
دو فریقین کی خونخوار لڑائی میں 14 افراد زخمی،5 کی حالت تشویش ناک
صادق سنجرانی کا چیئرمین سینیٹ کی تاحیات مراعات کا بِل واپس لینے کا فیصلہ
پی ٹی آئی نے 17 رکنی کراچی نگراں کمیٹی کا اعلان کر دیا

لاہور ہائیکورٹ ،یوٹیوبرعمران ریاض بازیابی کیس کی سماعت ہوئی

عدالت نے عمران ریاض کو بازیاب کرنے کے لئے پولیس کو دس روز کی مزید مہلت دے دی ،آئی جی پنجاب سمیت دیگر افسران عدالت کے روبرو پیش ہوئے ،وکیل میاں علی اشفاق نے کہا کہ ہم ورکنگ کمیٹی کے سامنے پیش ہوئے ہیں آئی جی پنجاب نے یقین دہانی کروائی ہے کہ ہم کوششیں کررہے ہیں،چیف جسٹس لاہور ہائیکورٹ نے وکیل سے استفسار کیا کہ کیا آپ ورکنگ کمیٹی کی کاوش سے مطمئن ہیں ،وکیل عمران ریاض نے کہا کہ ہمیں عمران ریاض کی بازیابی درکار ہے اس کے لیے آئی جی پنجاب سمیت اسکی ٹیم کام کررہی ہے ،وکیل عمران ریاض عبداللہ ملک نے عدالت میں کہا کہ ہم امید کرتے ہیں پولیس جلد عمران ریاض کو بازیاب کرائے گی۔چیف جسٹس لاہور ہائیکورٹ نے ریمارکس دیتے ہوئے کہا کہ ہم عمران ریاض کی زندگی کے لیے دعاگو بھی ہیں اور کوشش بھی کر رہے ہیں

درخواست میں حکومت پنجاب سمیت دیگر کو فریق بنایا گیا ہے ، درخواست میں موقف اپنایا گیا ہے کہ عمران ریاض خان صحافی اور سینئر اینکر پرسن ہیں عمران ریاض خان نے اپنے پروگراموں میں حکومتی پالیسیوں پر تنقید کی تنقید کرنے پر اور عمران خان کی گرفتاری کے بعد عمران ریاض خان کو گرفتار کرلیا گیا پولیس اور ایف آئی اے حکام نے غیر قانونی طور پر عمران ریاض خان کو گرفتار کیا عدالت عمران ریاض خان کو فوری بازیاب کراکے رہا کرنے کا حکم دے عدالت عمران ریاض خان کیخلاف درج مقدمات کی تفصیلات فراہم کرنے کا حکم دے

عمران ریاض ہمیں مطلوب نہیں تھا 

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

 لیگل ٹیم پولیس لائن گئی تو انہیں عدالت جانے سے روک دیا گیا

نواز شریف کو سزا سنانے والے جج محمد بشیر کی عدالت میں عمران خان کی پیشی 

سیاسی مفادات کے لئے ملک کونقصان نہیں پہنچانا چاہئے

 بشریٰ بی بی کی گرفتاری کے بھی امکانات

لاہور: ینگ ڈاکٹرز ایسوسی ایشن کی ہڑتال پر لاہور ہائی کورٹ نے پنجاب حکومت اور سیکرٹری صحت سے جواب طلب کرلیا۔

باغی ٹی وی: ڈاکٹروں کی غیر قانونی ہڑتال کے خلاف لاہور ہائیکورٹ کے جسٹس شاہد کریم نے درخواست پر سماعت کی درخواست گزار جوڈیشل ایکٹوازم پینل کی وکلا آمنہ اور سلمیٰ نے دلائل دیتے ہوئے مؤقف اپنایا کہ سرکاری اسپتالوں میں سستا علاج کرانا شہریوں کا آئینی حق ہے تاہم ڈاکٹرز نے اسپتالوں میں غیر قانونی طور پر ہڑتال کر رکھی ہے۔

آئی ایم ایف کے طے شدہ معیارات کی کوئی خلاف ورزی نہ ہو،وزیراعظم

جوڈیشل ایکٹوازم پینل کی وکلاء نے استدعا کی کہ عدالت ینگ ڈاکٹرز ایسوسی ایشن کی رجسٹریشن معطل کرنے کا حکم دے اور سرکاری اسپتالوں میں مریضوں کے علاج کے لئے احکامات جاری کرے۔

لاہور ہائیکورٹ نے پنجاب حکومت، سیکرٹری صحت اور ینگ ڈاکٹرز ایسوسی ایشن کو کو نوٹسز جاری کرتے ہوئے جواب طلب کرلیا ہے۔

واضح رہے کہ چلڈرن اسپتال لاہور میں ڈاکٹر پرتشدد کے خلاف اسپتالوں کی اوپی ڈیز کی بندش کو ایک ہفتہ ہوگیا مگر ڈاکٹرز ٹھوس اقدامات تک احتجاج جاری رکھنے پربضد ہیں صوبے پھر میں او پی ڈیز کی بندش اور باربارہڑتالوں سے تنگ آکر مریضوں نے حکومت سے معاملہ سلجھانے کا مطالبہ کردیا۔

ڈاکٹروں کی غیر قانونی ہڑتال کیخلاف لاہورہائیکورٹ میں درخواست دائر

ایک سال کی بچی میڈیکل وارڈ میں داخل تھی، طبیعت نہ سنبھلنے پر ڈاکٹرز کی کوشش کے باوجود جانبر نہ ہو سکی اور خالق حقیقی سے جا ملی بچی کی ہلاکت پر لواحقین آپے سے باہر ہو گئے، لواحقین نے اسپتال میں توڑ پھوڑ کی اور ڈیوٹی ڈاکٹر و عملہ پر تشدد کیا-

لواحقین نے ڈیوٹی ڈاکٹر کو تھپڑوں، لاتوں اور گھونسوں سے تشدد کا نشانہ بنایا، لواحقین کے تشدد سے ڈاکٹر شدید زخمی ہو گیا، مشتعل لواحقین نے لیڈی ڈاکٹرز اور نرسنگ سٹاف کو بھی گالیاں دیں،مذکورہ واقعہ کے بعد ڈاکٹرز نے اسپتال میں علاج معالجہ بند کر دیا تھا-

محکمہ ایکسائز نے پی ٹی آئی رہنماؤں کے نام رجسٹرڈ گاڑیوں کی تفصیل نیب کو …

لاہور: پنجاب کی نگراں حکومت کے خاتمے سے متعلق کیس کی سماعت لاہور ہائیکورٹ میں ہوئی-

باغی ٹی وی: لاہور ہائیکورٹ کے جسٹس شاہد کریم نے شیخ رشید اور زمان وردگ کی نگراں پنجاب حکومت کو ختم کرنے اور نیا عبوری سیٹ اپ تشکیل دینے سے متعلق درخواستوں پر سماعت کی اور آئندہ سماعت پر فریقین سے تحریری جواب طلب کرلیا۔

افغانستان کےصوبے بدخشاں میں بم دھماکہ:صوبے کے ڈپٹی گورنر جاں بحق

درخواست گزار نے موقف اختیار کیا کہ موجودہ نگراں حکومت اپنی مدت پوری کرچکی ہے اور غیر آئینی طور پر کام کر رہی ہے۔ عدالت سے استدعا ہے کہ نگراں پنجاب حکومت کو ختم کرکے تمام پارٹیز سے مشاورت کے بعد نیا عبوری سیٹ اپ تشکیل دینے کا حکم دیا جائے۔

سعودی عرب کی جنرل ایویشن سول ایویشن کا اعلی سطحی وفد پاکستان پہنچ گیا

پنجاب حکومت کی جانب سے جواب جمع کروانے پر عدالت نے برہمی کا اظہار کیا لاہور ہائیکورٹ نے ریمارکس دیئے کہ یہ تاثر نہیں ملنا چاہیے جیسے نگراں حکومت طاقت میں رہنا چاہتی ہے، عبوری حکومت کو غیر جانبدار ہونا چاہیے، ہر بات پر نگراں حکومت کا جواب دینا ضروری نہیں ہے۔ کیا نگراں حکومت چاہتی ہے کہ انہیں حکومت کرنے دی جائے-

کوئٹہ:نامعلوم افراد کی فائرنگ سے سپریم کورٹ کا وکیل جاں بحق

لاہور ہائیکورٹ میں جناح ہاؤس جلاؤ گھیراؤ کے مقدمے سے یاسمین راشد کی بریت کو پنجاب حکومت نے چیلنج کر دیا۔

باغی ٹی وی : حکومت پنجاب نے ڈپٹی پراسیکیوٹر جنرل کے توسط سے اپیل دائر کی، جس میں مؤقف اپنایا گیا کہ ڈاکٹر یاسمین راشد نے جناح ہاؤس پر حملے کی ہدایات دیں یاسمین راشد پی ٹی آئی ورکرز کو جناح ہاؤس تک لے کر گئیں، ملزمہ کےخلاف ٹھوس شواہد اور موقع کے گواہان موجود ہیں،درخواست میں استدعا کی گئی کہ عدالت یاسمین راشد کی بریت کے فیصلے کو کالعدم قرار دے۔

افغانستان کےصوبے بدخشاں میں بم دھماکہ:صوبے کے ڈپٹی گورنر جاں بحق

واضح رہے کہ پی ٹی آئی کے چئیرمین عمران خان کی گزشتہ ماہ اسلام آباد ہائیکورٹ میں رینجرز کی جانب سے بدعنوانی کے مقدمے میں گرفتاری کے بعد ملک بھر میں مظاہرے ہوئے تھے، اس دوران فوجی تنصیبات سمیت کئی نجی اور سرکاری املاک کو توڑ پھوڑ کا نشانہ بنایا گیا تھا۔

یاسمین راشد کو پی ٹی آئی کی 17 دیگر خواتین کارکنوں کے ساتھ ابتدائی طور پر مینٹیننس آف پبلک آرڈر آرڈیننس (ایم پی او) کے تحت حراست میں لیا گیا تھا اور 13 مئی کو لاہور ہائیکورٹ کی جانب سے ان کی رہائی کا حکم دئیے جانے کے چند گھنٹوں بعد ہی انہیں دوبارہ گرفتار کرلیا گیا تھا۔

جج کو توہین عدالت کی درخواست میں فریق نہیں بنایا جا سکتا،چیف جسٹس

یاسمین راشد پر 9 مئی کے فسادات میں مبینہ طور پر ملوث ہونے سے متعلق لاہور میں درج تین مقدمات میں بھی فرد جرم عائد کی گئی تھی تاہم ہفتہ کو لاہور کی انسداد دہشت گردی عدالت نے 9 مئی کو کور کمانڈر لاہور کی ہائش گاہ میں توڑ پھوڑ سے متعلق کیس میں پی ٹی آئی رہنما یاسمین راشد کو 23 دیگر ملزمان سمیت بری کرنے کا حکم جاری کیا تھا 9 مئی کے احتجاج سےمتعلق دیگرمقدمات کی وجہ سے انہیں رہا نہیں کیا گیا-

تاہم دو دن قبل پنجاب پولیس نےپی ٹی آئی رہنما ڈاکٹر یاسمین راشد کی رہائی کے خلاف ہائیکورٹ سے رجوع کرنے کا اعلان کیا تھا۔

کوئٹہ:نامعلوم افراد کی فائرنگ سے سپریم کورٹ کا وکیل جاں بحق

لاہورہائیکورٹ نے سپرنٹینڈنٹ کیمپ جیل کو سابق وزیراعلیٰ کوپرویز الہیٰ سہولیات فراہم کرنے کا حکم دیا۔

باغی ٹی وی:لاہور ہائیکورٹ میں پرویز الہیٰ کو جیل میں سہولیات فراہمی کی درخواست پر سماعت ہوئی، جسٹس وحید خان نے پرویز الہٰی کے بیٹے راسخ الہیٰ کی درخواست پر سماعت کی، درخواست گزار کی طرف سے آصف چیمہ ایڈووکیٹ پیش ہوئے۔

9 مئی واقعات: پنجاب میں نظربند افرادکی فہرست پیش

درخواست میں مؤقف اپنایا گیا کہ پرویز الہٰی سابق وزیر اعلیٰ پنجاب اور سینئر سیاستدان ہیں، پولیس نے پرویز الہٰی کو جھوٹے کیس گرفتار کرکے جیل منتقل کیا، جیل میں پرویز الہٰی کو ان کے اسٹیٹس کے مطابق سہولیات فراہم نہیں کی جارہیں۔

درخواست میں استدعا کی گئی کہ پرویز الہٰی کو پرہیزی کھانا، ادویات و دیگر فراہم نہیں کرنے دی جارہیں، عدالت جیل میں پرویز الہٰی کو سہولیات فراہم کرنے کا حکم جاری کرے۔

ایم ڈی پی ٹی وی کیس: درخواست گزاروں کو وکلا تبدیل کرنے کی اجازت

عدالت نے سپرنٹینڈنٹ کیمپ جیل کو سابق وزیراعلیٰ کو سہولیات فراہم کرنے کی ہدایات جاری کرتے ہوئے درخواست نمٹا دی۔

لاہور ہائیکورٹ نے ظل شاہ قتل کیس میں چیئرمین پاکستان تحریک انصاف (پی ٹی آئی)عمران خان کی عبوری ضمانت کی درخواست منظور کرلی۔

باغی ٹی وی:عمران خان ظل شاہ قتل کیس میں ضمانت کےلیےلاہورہائیکورٹ میں ذاتی حیثیت میں پیش ہوئےجسٹس انوارالحق نے چیئرمین پی ٹی آئی کی درخواست ضمانت پر سماعت کی، عدالت نے پراسیکیوٹر سے استفسار کیا کہ کونسی دفعات کے تحت مقدمات درج ہیں؟ کیا یہ کیس قابل ضمانت ہے؟ پراسیکیوٹر نے جواب دیا کہ جی ہیں تو قابل ضمانت –

9 مئی واقعات: پنجاب میں نظربند افرادکی فہرست پیش

سرکاری وکیل نے مقدمے کا ریکارڈ عدالت میں پیش کرتے ہوئے کہا کہ تفتیشی افسر کی تبدیلی کی وجہ سے تفتیش مکمل نہیں ہو سکی عدالت میں اسسٹنٹ ایڈووکیٹ جنرل پنجاب نے ایف آئی آر پڑھ کر سنائی-

عدالت کا کہنا تھا کہ یہاں تین پراسیکیوٹر کھڑے ہیں، بتائیے آپ نے جو ایف آئی آر پڑھی اس سے ملزم کا کیا تعلق بنتا ہے ؟ آپ چھوڑ دیں کہ ملزم کون ہے صرف یہ دیکھیں کہ کیا اس کی ضمانت منسوخ ہوتی ہے، آپ کوئی تو طریقہ بتا دیں۔

ایم ڈی پی ٹی وی کیس: درخواست گزاروں کو وکلا تبدیل کرنے کی اجازت

عدالت نے چیئرمین پی ٹی آئی عمران خآن کی ظل شاہ قتل کیس میں ایک لاکھ روپےکے مچلکوں کے عوض ضمانت منظور کرلی۔