Baaghi TV

Tag: لاہور

  • وزیراعظم کی قبضہ مافیا کیخلاف کارروائی کی ہدایت

    وزیراعظم کی قبضہ مافیا کیخلاف کارروائی کی ہدایت

    وزیراعظم کی قبضہ مافیا کیخلاف کارروائی کی ہدایت
    وزیراعظم عمران خان سے وزیراعلیٰ پنجاب کی ملاقات ہوئی ہے ،ملاقات میں چیف سیکریٹری اور آئی جی پنجاب نے بھی شرکت کی پنجاب کی سول انتظامیہ اور امن و امان سے متعلق امور پر تبادلہ خیال کیا گیا ،وزیراعظم نے عام آدمی کو سہولیات کی فراہمی کیلئے اقدامات کی ہدایت کر دی،وزیرعظم نے ذخیرہ اندوزوں، اور قبضہ مافیا کیخلاف کارروائی کی ہدایت کی ہے

    وزیراعظم عمران خان سے وزیراعلیٰ پنجاب عثمان بزدار کی ملاقات ہوئی ہے ،ملاقات میں وزیر صحت پنجاب یاسمین راشد بھی شریک تھیں ملاقات میں پنجاب بھر میں نئے اسپتالوں کی تعمیر سے متعلق امور پر پرتبادلہ خیال کیا گیا وزیر اعظم کو پنجاب میں نیا پاکستان قومی صحت کارڈ سے متعلق بھی پریفنگ دی گئی وزیراعظم نے صحت کی سہولیات کیلئے تمام جاری منصوبوں پر عملدرآمد تیز کرنے کی ہدایت کی وزیراعظم نے صحت کارڈ سے متعلق عوام میں شعور اجاگر کرنے کی بھی ہدایت کی

    وزیر اعظم عمران خان سے وزیر اعلی پنجاب سردار عثمان بزدار کے ہمراہ وزیر بلدیات پنجاب میاں محمود الرشید کی ملاقات ہوئی ہے،ملاقات میں صوبے میں آئندہ بلدیاتی انتخابات سے متعلق حکمت عملی اور امور پر تبادلہ خیال کیا گیا، وزیراعظم نے انہیں صوبے میں بلدیاتی انتخابات میں کامیابی کو یقینی بنانے کے لیے نچلی سطح پر کارکنوں کو متحرک کرنے کے لیے عوامی رابطہ مہم تیز کرنے کی ہدایت کی۔

    وزیراعظم عمران خان لاہور پہنچ گئے وفاقی وزراء اسد عمر، شفقت محمود، حماد اظہر، خسرو بختیار اور معاون خصوصی ڈاکٹر شہباز گل ہمراہ ہیں ،وزیراعظم ایوان وزیراعلیٰ میں مختلف اجلاسوں کی صدارت کریں گے ، جس میں پنجاب کی انتظامی اورسیاسی صورتحال پر بریفنگ دی جائے گی وزیراعظم عمران خان مشیربرائےاحتساب سےبھی علیحدہ ملاقات کریں گے جبکہ وزیرصحت ڈاکٹر یاسمین راشد ہیلتھ کارڈکے حوالےسے بریفنگ دیں گی وزیراعلیٰ پنجاب خانیوال واقعے پر آئی جی پنجاب کے ہمراہ وزیراعظم کو بریفنگ دیں گے جس کے بعد عمران خان آج شام ہی اسلام آباد واپس روانہ ہوں گے

    کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

    کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

    دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

    شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    دوسری جانب چیئرمین پی سی بی رمیز راجہ نے وزیراعظم عمران خان کوپی ایس ایل فائنل دیکھنے کی دعوت دیدی پاکستان کرکٹ بورڈ نے وزیراعظم عمران خان کو دعوت نامہ بھیجنے کی تصدیق کردی وزیراعظم عمران خان کا پی ایس ایل سیون کے فائنل دیکھنے کا امکان ہے وزیراعظم مصروفیات کو دیکھتے ہوئے 27 فروری کو میچ سے متعلق فیصلہ کریں گےوزیراعظم عمران خان پی سی بی کے پیٹرن ان چیف ہیں

    قبل ازیں وزیر اعظم عمران خان نے سینئر صحافی غلام اکبر کی وفات پر گہرے دکھ کا اظہار کیا ہے، وزیراعطم عمران خان کا کہنا تھا کہ دہائیوں پر محیط صحافت کے سفر میں غلام اکبر نے اعلی صحافتی اقدار کو بڑھایا۔ غلام اکبر کی سیاسی بصیرت اور قلم کے ذریعے انصاف کے لیے جدو جہد ان کی صحافت کا خاصہ رہے۔ غلام اکبر کی صحافت کے لیے خدمات کو ہمیشہ یاد رکھا جائے گا۔ وزیر اعظم نے مرحوم کے لیے دعا مغفرت اور سوگوار خاندان سے ہمدردی کی

  • پی ایس ایل7: لاہور قلندرز نے ناقابل شکست ملتان سلطانز کو 52 رنز سے ہرادیا

    پی ایس ایل7: لاہور قلندرز نے ناقابل شکست ملتان سلطانز کو 52 رنز سے ہرادیا

    لاہور:پی ایس ایل7: لاہور قلندرز نے ناقابل شکست ملتان سلطانز کو 52 رنز سے ہرادیا ،اطلاعات کے مطابق پاکستان سپر لیگ (پی ایس ایل) کے ساتویں ایڈیشن کے دوسرے مرحلے کے دوسرے میچ میں لاہور قلندرز نے ایونٹ میں اب تک ناقابل شکست ملتان سلطانز کو 52 رنز سے ہرادیا۔

    لاہور کے قذافی سٹیڈیم میں پی ایس ایل 7 کا دوسرا مرحلہ جاری ہے، ایونٹ کے 17 ویں میچ کیلئے ملتان سلطانز کے کپتان محمد رضوان نے ٹاس جیت کر لاہور قلندرز کے قائد شاہین شاہ آفریدی کو پہلے بیٹنگ کی دعوت دی تھی۔

     

    ملتان سلطانز اننگز

    لاہور قلندرز کی جانب سے 183 رنز کا ہدف ملتان سلطانز کی ٹیم حاصل کرنے میں ناکام رہی اور 19 اعشاریہ 3 اوورز میں 130 رنز بناکر آؤٹ ہوگئی۔

    شان مسعود 8، کپتان محمد رضوان 20، صہیب مقصود 29، رائیلی روسو صفر، ٹم ڈیوڈ 24، خوشدل شاہ 22، انور علی 5، عباس آفریدی 1، بلیسنگ موزاربانی صفر پر اور عمران طاہر 3 رنز پر آؤٹ ہوئے جبکہ شاہنواز دھانی 6 سکور پر ناٹ آؤٹ رہے، لاہور قلندرز کے شاہین شاہ آفریدی، حارث رؤف اور راشد خان نے 2،2 جبکہ زمان خان نے 3 کھلاڑیوں کو پویلین واپس بھیجا۔

     

    لاہور قلندرز اننگز

    قلندرز کی جانب سے فخر زمان اور عبداللہ شفیق نے اننگز کا آغاز کیا جبکہ ملتان سلطانز کے انور علی نے پہلا اوور کرایا۔

    فخر زمان 60، عبداللہ شفیق 4، کامران غلام 42 اور محمد حفیظ 43 رنز بناکر آؤٹ ہوئے، ملتان سلطانز کی جانب سے انور علی، عباس آفریدی ،شاہنواز دھانی اور عمران طاہر نے 1،1 وکٹ حاصل کی۔

     

     

    لاہور قلندرز نے مقررہ 20 اوورز میں 4 وکٹ کے نقصان پر 182 رنز بنائے، فل سالٹ 26 اور راشدخان 1 رنز پر ناٹ آؤٹ رہے۔

    فخر زمان کو 2 چھکوں اور 5 چوکوں کی مدد سے 37 گیندوں پر 60 رنز کی اننگز کھیلنے پر میچ کا بہترین کھلاڑی قرار دیا گیا۔

    ملتان سلطانز سکواڈ

    لاہور قلندرز کے خلاف میچ کیلئے ملتان سلطانز کے سکواڈ میں کپتان محمد رضوان، شان مسعود، صہیب مقصود، رائیلی روسو، ٹم ڈیوڈ، خوشدل شاہ، انور علی، عباس آفریدی، عمران طاہر، بلیسنگ موزاربانی اور شاہنواز دھانی شامل تھے۔

    لاہور قلندرز سکواڈ

    ملتان سلطانز کے خلاف میچ کیلئے لاہور قلندرز کے سکواڈ میں کپتان شاہین شاہ آفریدی، فخر زمان، عبداللہ شفیق، کامران غلام، محمد حفیظ، فل سالٹ، ہیری بروک، ڈیوڈ ویزے، راشد خان، حارث رؤف اور زمان خان شامل تھے۔

  • پنجاب میں بلدیاتی انتخابات، حلقہ بندیوں کا پہلا مرحلہ مکمل:لاہور کو”ٹوٹےٹوٹے”کردیا گیا

    لاہور:پنجاب میں بلدیاتی انتخابات، حلقہ بندیوں کا پہلا مرحلہ مکمل:لاہور کو”ٹوٹےٹوٹے”کردیا گیا،اطلاعات کے مطابق پنجاب میں بلدیاتی انتخابات میں اہم پیش رفت سامنے آگئی اور صوبے سمیت لاہور میں ابتدائی طور پر حلقہ بندیوں کا پہلا مرحلہ مکمل کرلیا گیا ہے۔

    لاہور میں ابتدائی طور پر 502 نیبر ہوڈ کونسلز بنا دی گئیں، عوام الناس کی سہولت کے لیے ڈسٹرکٹ الیکشن کمیشنر آفس میں حلقہ بندیوں کو آویزاں کردیا گیا، ووٹرز 11 فروری سے 25 فروری تک حلقہ بندیوں پر اعتراضات دائر کرسکتے ہیں جبکہ الیکشن کمیشن 22 مارچ کو حتمی لسٹ جاری کرے گا ۔

    ترجمان الیکشن کمیشن کے مطابق لاہور کینٹ تحصیل میں 28 نیبر ہوڈ، سٹی ڈویثرن کے لیے 183 نیبر ہوڈ، تحصیل ماڈل ٹاؤن میں 135 نیبر ہوڈ، تحصیل رائے ونڈ میں 42 جبکہ شالیمار کی حدود میں 114 نیبر ہوڈ بنائی گئی ہیں۔

    ترجمان کے مطابق پنجاب بھر کی نیبر ہوڈ اور وارڈز کا مجموعی طور تعداد کل شیئر کی جائے گئی اور قانون کے مطابق الیکشن کمیشن نے حلقہ بندیوں کا پہلا مرحلہ مکمل کیا ہے۔

  • ورلڈ کال کی طرف سے نیلامی کےلیے آکشن جاری کردیا گیا

    ورلڈ کال کی طرف سے نیلامی کےلیے آکشن جاری کردیا گیا

    لاہور:ورلڈ کال کی طرف سے نیلامی کےلیے آکشن جاری کردیا گیا ،اطلاعات کے مطابق پاکستان کے ٹیلی کام کے بڑے ادارے ورلڈ کال کی طرف سے نیلامی کے حوالے سے آکشن یعنی شرائط جاری کردی گئی ہیں جن کے مطابق کہا گیا ہے کہ عوام الناس کو مطلع کیا جاتا ہے کہ گروی رکھی ہوئی جائیداد، جس کا ذیل میں ذکر کیا گیا ہے، ورلڈ کال ٹیلی کام لمیٹڈ ("ورلڈ کال”) کے ذریعہ 22 مارچ 2011 کو سب رجسٹرار کے پاس رجسٹرڈ مارگیج ڈیڈ کی شق 6 کے مطابق عوامی نیلامی کے ذریعے فروخت کیا جا رہا ہے۔

    اس آکشن میں یہ بھی تفصیلات فراہم کی گئی ہیں کہ نشتر ٹاؤن، لاہور بذریعہ دستاویز نمبر 6010، کتاب نمبر 1، والیم نمبر 3556، مورخہ 18-04-2011، رہن رکھنے والے سے بقایا رہن کی رقم کے علاوہ سود کی وصولی کے لیے جس نے میسرز ورلڈ کال کے فنانس کو محفوظ بنانے کے لیے جائیداد گروی رکھی تھی۔ ٹیلی کام لمیٹڈ جس کا دفتر پلاٹ نمبر پر ہے۔ 112 اور 113، بلاک-ایس، قائداعظم انڈسٹریل اسٹیٹ، کوٹ لکھپت، لاہور۔ رہن رکھنے والے کا نام اور پتہ درج ذیل ہے:

    اس آکشن میں یہ وضاحت بھی کی گئی ہے کہ بولی دینے والے یہ بات یاد رکھیں‌ کہ مخصوص قیمت سے کم کوئی بولی وصول نہیں کی جائے گی۔ عام عوام کا ہر رکن نیلامی میں بولی کا حقدار ہو گا جس کے تحت روپے جمع کرائے جائیں گے۔ 200,000/- نقد یا ورلڈ کال ٹیلی کام لمیٹڈ کو پے آرڈر کے ذریعے، یہ ناکام بولی دہندگان کو واپس کر دیے جائیں گے۔

    اس آکشن میں یہ بھی وضاحت کی گئی ہے کہ بولی ختم ہوتے ہی سب سے زیادہ بولی لگانے والوں کو نیلامی کی جائیداد کا خریدار قرار دیا جائے گا۔ سب سے زیادہ بولی لگانے والا بولی کی قیمت کا 10% نقد یا پیمنٹ آرڈر کے ذریعے نیلامی کے 3 دن کے اندر ادا کرے گا۔ 90% کی باقی رقم کامیاب بولی دہندہ کے نام رہن جائیداد کی منتقلی کے وقت ادا کی جائے گی۔ اگر سب سے زیادہ بولی لگانے والا 10% نیچے ادائیگی کرنے میں ناکام ہو جاتا ہے تو اس کی بیانیہ رقم ضبط کر لی جائے گی اور جائیداد اگلے سب سے زیادہ بولی دینے والے کو پیش کی جا سکتی ہے یا اسے ورلڈ کال کے طور پر اپنی صوابدید کے مطابق دوبارہ نیلام کیا جا سکتا ہے۔ نیلامی کے دیگر شرائط و ضوابط کا اعلان فروخت کے وقت کیا جائے گا۔ خریدار صوبائی اور وفاقی ٹیکس کے ساتھ منتقلی کی لاگت کا ذمہ دار ہوگا۔

  • پاکستان پی ایس ایل 7 : میچز شروع ہونے سے قبل شہریوں کو خبردار کر دیا گیا

    پاکستان پی ایس ایل 7 : میچز شروع ہونے سے قبل شہریوں کو خبردار کر دیا گیا

    لاہور:پاکستان پی ایس ایل 7 : میچز شروع ہونے سے قبل شہریوں کو خبردار کر دیا،اطلاعات کے مطابق پی ایس ایل کا میلا قذافی سٹیڈیم میں سجنے کو تیار، ٹیمز کو پی سی ہوٹل سے قذافی سٹیڈیم تک لے جانے کیلئے مختلف شاہراہوں کو ٹریفک کے لیے مکمل طور پر بند رکھا گیا، ٹریفک جام میں پھنسے شہریوں کو شدید مشکلات کا سامنا رہا.

    ٹریفک پولیس نے پی ایس ایل میچز شروع ہونے سے قبل ہی شہریوں کو خبردار کر دیا ہے کہ شہری دوپہر اور شام کے اوقات میں فیروز پور روڈ اور کینال روڈ پر سفر مت کریں۔ ٹیمز کو پریکٹس سیشن کے لیےقذافی سٹیڈیم لےجانے کے لیے کینال روڈ کو نومنٹ تک ٹریفک کے لیے بند رکھا گیا۔مال روڈ الحمرا سے کینال روڈ کی جانب جانے والی ٹریفک کو تیرہ منٹ تک بند رکھا گیا۔

    کینال روڈ کو دھرم پورہ سے مسلم ٹاؤن تک نو منٹ تک بند کیا گیا۔جیل روڈ سے ٹریفک کو صدیق ٹریڈ سینٹر کی جانب جانے کی اجازت نہیں دی گئی۔صدیق ٹریڈ سینٹر سے لبرٹی کی جانب بھی ٹریفک معطل رہی۔فیروز پور روڈ مسلم ٹاؤن سے ٹریفک کو وحدت روڈ کی جانب ڈائیورٹ کیا گیا۔

    فیروز پور کو مسلم ٹاؤن سے کلمہ چوک تک بند کیا گیا۔ جس کے باعث قرطبہ چوک سے مسلم ٹاؤن ، مال روڈ ، وحدت روڈ ، فیروز پور روڈ ، مین بلیووارڈ میں گاڑیوں کی لمبی قطاریں لگی رہیں۔ ٹریفک جام کی اذیت میں مبتلا شہریوں کو شدید دشواری کا سامنا کرنا پڑا۔

    یاد رہے کہ دوسری طرف پاکستان کرکٹ بورڈ نے نئے کمنٹیٹرز کی تلاش کا بیڑا اُٹھالیا ہے۔کمنٹیٹر کی تلاش کے لیے پاکستان کرکٹ بورڈ نے ایک مقابلے کا اعلان کیا ہے جس کے تحت مقابلہ جیتنے والے کو 5 لاکھ روپے اور پی ایس ایل سیون کے فائنل میں کمنٹری کرنے کا موقع دیا جائے گا۔

    پی سی بی کےمطا بق پی ایس ایل سیون کے دوران نئے کمنٹیٹرز کی تلاش کے لیے مہم شروع کی جارہی ہے اور اس کام کا آغاز ہوگیا ہے۔

    پی سی بی کا کہنا ہے کہ کمنٹری کو پروفیشنل کیرئیر بنانے کے خواہشمند افراد اس مقابلے میں حصہ لے سکتے ہیں، مقابلے میں 18 سال سے زائد عمر اور پاکستانی ہونا شرط ہے۔

    پی سی بی کے مطابق پہلے مرحلے میں 20 کمنٹیٹرز کا انتخاب کیا جائے گا، اس کے بعد اُن میں سے 5 کمنٹیٹرز کو شارٹ لسٹ کیا جائے گا جو فائنل راؤنڈ میں حصہ لیں گے اور پھر فاتح کا فیصلہ ہوگا۔

    پی سی بی کے مطابق کامیاب اُمیدوار کو 5 لاکھ روپے انعام اور پی ایس ایل سیون کے فائنل میں کمنٹری کا موقع فراہم کیا جائے گا۔

  • پی ایس ایل 7: دوسرے مرحلے کاآغاز آج قذافی اسٹیڈیم میں ہوگا

    پی ایس ایل 7: دوسرے مرحلے کاآغاز آج قذافی اسٹیڈیم میں ہوگا

    لاہور: ایچ بی ایل پی ایس ایل 7(پاکستان سپر لیگ) کے دوسرے مرحلے کا آج سے قذافی اسٹیڈیم میں آغاز ہوگا۔

    باغی ٹی وی : پی ایس ایل 7 کے دوسرے مرحلے کے پہلے میچ میں پشاور زلمی اور ملتان سلطانز قذافی اسٹیڈیم میں مدمقابل ہوں گی۔ میچ رات ساڑھے 7 بجے شروع ہوگا لاہور میں میچز کیلیے تیاریاں مکمل ہو چکیں، شائقین کا جوش و خروش عروج پر ہے سیکیورٹی ادارے اپنی پوزیشنز سنبھالے ہوئے ہیں، رینجرز، پولیس اور قانون نافذ کرنے والے دیگر اداروں کے اہلکار وینیو اور اطراف میں ڈیوٹیوں پر تعینات ہیں-

    پی ایس ایل سیون،ہاکی اسٹیڈیم میں کنٹرول روم قائم

    ڈی سی لاہور عمر شیر چٹھہ نے کنٹرول روم کا دورہ کیا،ڈی سی لاہور عمر شیر نے کنٹرول روم میں تمام تر انتظامات کا جائزہ لیا. کنٹرول روم میں تعینات ملازمین کی حاضری کو چیک کیا گیا. قذافی اسٹیڈیم کے اطراف میں شائقین کرکٹ کو سہولیات کی فراہمی کے لئے 11 ہیلپ ڈیسک قائم کئے گئے ہیں. ڈی سی لاہور عمر شیر چٹھہ کا کہنا تھا کہ بذریعہ شٹل سروس شائقین کرکٹ کو قذافی اسٹیڈیم تک پہنچایا جائے گا.شہریوں اور شائقین کرکٹ کو ہرممکن سہولیات کی فراہمی کو یقینی بنایا جا رہا ہے. 08 سے 10 ہزار ٹکٹیں فروخت ہو چکی ہیں. قذافی اسٹیڈیم کے اطراف میں سیف سٹی کے علاوہ 360 سی سی ٹی وی کیمرے نصب کر دئیے گئے ہیں. ان سی سی ٹی وی کیمروں کی مدد سے سیکیورٹی انتظامات اور ٹیموں کے آنے والے روٹس کی بھرپور مانیٹرنگ کی جا رہی ہے. کورونا ویکسینیشن سے متعلق بھی سہولیات کی فراہمی کو یقینی بنایا جا رہا ہے .ڈی سی لاہور عمر شیر چٹھہ نے 25 بیڈز پر مشتمل عارضی ہسپتال کا بھی دورہ کیا.ڈی سی لاہور عمر شیر چٹھہ نے ٹریفک پلان کا بھی جائزہ لیا.شائقینِ کرکٹ اور شہریوں کے لئے تمام تر سہولیات کی فراہمی کو یقینی بنایا جا رہا ہے.

    ملتان سلطانز کے کپتان محمد رضوان کا کہنا ہے کہ ہمیں اپنے کھلاڑیوں اور سپورٹ اسٹاف کے ہر رکن پر فخر ہے، ٹیم کی کارکردگی میں تسلسل کی خوشی ہے،ہم کراچی کی طرح لاہور میں بھی اپنے مخصوص برانڈ کی کرکٹ کھیلیں گے، دوسرے مرحلے میں مزید بہتر کارکردگی کا مظاہرہ کرنے کے لیے پْرجوش ہیں۔

    پشاور زلمی کے کپتان وہاب ریاض نے کہاکہ پہلے مرحلے میں ٹیم کی کارکردگی توقعات کے مطابق نہیں رہی،ہم تجربہ کار اور باصلاحیت کھلاڑیوں کی موجودگی میں لاہور میں بہترین کھیل کا مظاہرہ کرنے کیلیے پْرعزم ہیں، زیادہ سے زیادہ کامیابیاں سمیٹ کر پلے آف مرحلے میں رسائی کی کوشش کریں گے، سب جانتے ہیں کہ پشاور زلمی جب ایک بار پلے آف مرحلے میں پہنچ جائے تو پھر اسے روکنا آسان نہیں ہوتا، لہٰذا ہم ایونٹ میں شاندار کم بیک کے لیے پْرامید ہیں۔

    پی ایس ایل سیون کیلئے نیشنل ہاکی سٹیڈیم میں عارضی ہسپتال قائم

    واضح رہے کہ ایچ بی ایل پی ایس ایل 7 کا 27 جنوری سے شروع ہونیوالا پہلا مرحلہ 7 فروری تک نیشنل اسٹیڈیم کراچی میں مکمل ہوا،اس دوران مجموعی طور پر کھیلے گئے 15 سنسنی خیز میچز میں تمام ٹیموں نے پانچ پانچ میچز کھیلے ملتان سلطانز نے محمد رضوان کی قیادت میں ٹیم نے اپنے کامیابی حاصل کی اور اپنے تمام 5 میچ جیت کر پوائنٹس ٹیبل پر پہلے نمبر پر ہے۔

    اسلام آباد یونائیٹڈ 6پوائنٹس کے ساتھ ٹیبل پر دوسری پوزیشن پر براجمان ہے، لاہور قلندرز کے پوائنٹس بھی 6 ہیں مگر رن ریٹ کی بنیاد پر تیسرے نمبر پر موجود ہے،اب تک2،2 میچز جیتنے والی کوئٹہ گلیڈی ایٹرز اور پشاور زلمی کا پوائنٹس ٹیبل پر بالترتیب چوتھا اور پانچواں نمبر ہے اب تک ایک بھی میچ نہ جیتنے والی کراچی کنگز آخری نمبر پر ہے۔

    پی ایس ایل دیکھنے والوں کو فری ماسک دینے کا اعلان

  • پی ایس ایل سیون،ہاکی اسٹیڈیم میں کنٹرول روم قائم

    پی ایس ایل سیون،ہاکی اسٹیڈیم میں کنٹرول روم قائم

    پی ایس ایل سیون.ضلعی انتظامیہ لاہور نے ہاکی اسٹیڈیم میں قائم مین کنٹرول روم میں تعینات ملازمین کا ڈیوٹی روسٹر جاری کر دیا.

    کنٹرول روم آپریشنل کر دیا گیا ہے. آج سے ہی ملازمین کنٹرول روم میں ڈیوٹی سر انجام دے رہے ہیں. ایس این اے ڈی سی آفس لاہور علی مرتضیٰ مین کنٹرول روم کے انچارج ہیں. سپیشل برانچ کے انٹیلیجنس آفیسر محمد وقاص ڈیوٹی سر انجام دے رہے ہیں . محکمہ ٹریفک پولیس سے قیصر اور ثنا علی ڈیوٹی کر رہے ہیں .پاک آرمی کے میجر اسد، کیپٹن ارسلان اور کیپٹن اویس ڈیوٹی سر انجام دے رہے ہیں . رینجرز کے ظفر اقبال اور اسد محمود ڈیوٹی سر انجام دے رہے ہیں .پولیس ڈیپارٹمنٹ سے انسپکٹر حسنین حیدر ڈیوٹی سر انجام دے رہے ہیں . محکمہ ایل ڈی اے سے اسسٹنٹ ڈائریکٹر ایل ڈی اے طیب اقبال ڈیوٹی سر انجام دے رہے ہیں . ایم سی ایل کے ایم او انفراسٹرکچر محمد انور جاوید ڈیوٹی سر انجام دے رہے ہیں . سول ڈیفنس کے انسٹرکٹر جی تھری حافظ محمد ہارون رشید ڈیوٹی سر انجام دے رہے ہیں . لی پارک کے انسپکٹر شفیع اللہ نیازی ڈیوٹی سر انجام دے رہے ہیں . لیسکو کے لائن مین حسنین ڈیوٹی سر انجام دے رہے ہیں . پی ایچ اے سے اسسٹنٹ ڈائریکٹر ہارٹیکلچر وقار رحمن ڈیوٹی سر انجام دے رہے ہیں .

    پنجاب ماس ٹرانزٹ اتھارٹی کے ڈپٹی مینجر سیکیورٹی محمد عمران، ڈپٹی جنرل مینجر آپریشنز عجب گل، مینجر آپریشن سہیل رانا ڈیوٹی سر انجام دے رہے ہیں . ہیلتھ ڈیپارٹمنٹ سے ڈی ڈی او ہیلتھ گلبرگ زون محمد توقیر ڈیوٹی سر انجام دے رہے ہیں . ایس این جی پی ایل کے سپر وائزر رانا شہباز ڈیوٹی سر انجام دے رہے ہیں . ٹیپا کے ڈائریکٹر ٹرانسپورٹ اینڈ پلاننگ وقار اسلم، واسا کے جونیئر پمپ آپریٹر شہزاد شریف ڈیوٹی سر انجام دے رہے ہیں . پی ٹی سی ایل کے انٹرنیٹ انسٹالر محمد واصف جبکہ ایل ڈبلیو ایم سی کے ایم ای او محمد احمد اور فیضان احمد ڈیوٹی سر انجام دے رہے ہیں .

    قبل ازیں ٹریفک کی موثر روانی اور آگاہی کیلئے ٹریفک پلان جاری کر دیا گیاسی ٹی او لاہور منتظر مہدی کا کہنا ہے کہ مجموعی طور پر 11 ڈی ایس پیز، 90 انسپکٹرز فرائض سرانجام دیں گے، کرکٹ ٹیموں کے روٹس اور متبادل راستوں پر 700 سے زائد وارڈنز تعینات ہونگے، رانگ پارکنگ کے خاتمے کیلئے 20فورک لفٹرز، 5بریک ڈاؤنز بھی تعینات ہونگے، شائقین کرکٹ کی سہولت اور باآسانی اسٹیڈیم تک رسائی کیلئے 05 پارکنگ اسٹینڈز مختص کئے گئے ہیں، پارکنگ اسٹینڈز سے شٹل سروس کے ذریعے شائقین کرکٹ قذافی اسٹیڈیم پہنچ سکیں گے، سٹی ٹریفک پولیس روائتی انداز میں شائقین کرکٹ کو خوش آمدید کہے گی،کینال روڈ، جیل روڈ، وحدت روڈ، ایم ایم عالم روڈ ٹریفک کیلئے کھلی رہیں گیں، راستہ ایپ،راستہ ایف ایم 88.6 کے ذریعے شہریوں کو ٹریفک کی بدلتی صورتحال سے آگاہ رکھا جائیگا، شہر ی مزید راہنمائی اور مدد کیلئے ہیلپ لائن15پر کال کرسکیں گے،

     پی ایس ایل سیون کیلئے نیشنل ہاکی سٹیڈیم میں 20بیڈز پر مشتمل عارضی ہسپتال قائم 

    پی ایس ایل دیکھنے والوں کو فری ماسک دینے کا اعلان

    آسٹریلیا کے خلاف ٹیسٹ سیریز کے لیے قومی اسکواڈ کا اعلان

  • ورسٹائل اداکارمسعود اختر کی اسپتال میں زیرعلاج تصاویر وائرل

    ورسٹائل اداکارمسعود اختر کی اسپتال میں زیرعلاج تصاویر وائرل

    پاکستان کے سینئیر،ورسٹائل اور معروف اداکار مسعود اختر کی اسپتال میں زیر علاج لی گئی تصاویر سوشل میڈیا پر گردش کر رہی ہیں-

    باغی ٹی وی : اداکار لاہور کے گنگا رام اسپتال میں زیرِ علاج ہیں سوشل میڈیا پر زیرِ گردش تصویر میں دیکھا جاسکتا ہے کہ ٹیلی ویژن اسکرین پر اپنی جاندار اداکاری سے سب کے دلوں میں گھر کر جانے والے مسعود اختر اسپتال کے بستر پر بےسُدھ لیٹے ہیں۔

    حرامانی بھی سیاسی ہوگئیں:عمران خان کے خلاف نوازشریف کی کمپین چلانے لگیں‌

    خیال رہے کہ کچھ دن قبل اہلیہ مسعود اختر کا بتانا تھا کہ مسعود اختر کی طبیعت زیادہ خراب ہونے پر اسپتال میں داخل کرا دیا گیا مسعود اختر پھیپھڑوں کے عارضے میں مبتلا ہیں مداحوں کی جانب سے اداکار کی صحتیابی کے لئے دعائیں اور نیک تمناؤں کا اظہار کیا جا رہا ہے-

    سلمان خان کے لیے سعودی عرب کا "پرسنالٹی آف دی ایئر” ایوارڈ

    یاد رہے کہ پاکستان کے نامور اداکار مسعود اختر 5 ستمبر 1940ء کو ساہیوال میں پیدا ہوئے۔ 60 کی دہائی میں انہوں نے اپنے فنی کیرئیر کا آغاز کیا اور جلد ہی اسٹیج کے مشہور اداکاروں میں شمار ہونے لگےان کے فن کو نکھارنے میں نذیر ضیغم نے بڑا نمایاں کردار ادا کیا-

    نیلم منیر کی مسٹری تھرلر فلم ’چکر‘ کا ٹیزر جاری،فلم عید الفطر پرریلیز کرنے کا…

    ٹی وی ڈراموں سے مقبولیت پانے والے فن کار مسعود اختر نے کئی فلموں میں ولن کی حیثیت سے کام کیا فلم ’سنگدل‘ میں ان کی اداکاری کو سراہا گیا، اداکار مسعود اختر کو فنی خدمات پر پرائیڈ آف پرفارمنس ایوارڈ بھی مل چکا ہے حکومت پاکستان نے انہیں 14 اگست 2005ء کو صدارتی تمغہ برائے حسن کارکردگی عطا کیا تھا۔

    سلمان خان کی نئی فلم آئندہ برس عید پر ریلیزہو گی

  • لاہور:گھر میں سلنڈر دھماکہ،بچوں سمیت 12 افراد زخمی

    لاہور:گھر میں سلنڈر دھماکہ،بچوں سمیت 12 افراد زخمی

    لاہور: شیراکوٹ کے علاقہ میں گھر میں سلنڈر دھماکے سے بچوں سمیت 12 افراد زخمی ہوگئے۔

    باغی ٹی وی : ایدھی حکام کے مطابق دھماکہ شیراکوٹ کے علاقہ بدرو گاؤں گھر میں ہوا۔زخمیوں میں 2سالہ نازش،۔9 سالہ عائشہ،5 سالہ نازو، 2سالہ نازمین،۔17 سالہ حمیداں،2سالہ مائلکہ،4سالہ نصبو، 3 سالہ سیف۔ 45سالہ اختر بی بی، 5سالہ نسیمہ،6سالہ کرامت اور 33سالہ باتیسہ بی بی شامل ہیں

    پیرو میں مسافر بردار طیارہ گر کر تباہ،ایک ہی خاندان کے 5 افراد جاں بحق

    ذرائع کے مطابق تمام زخمیوں کو ہسپتال منتقل کردیا گیا ہے جہاں ان کی حالت خطرے سے باہر بتائی گئی ہے-

    قبل ازیں نارتھ کراچی کے صنعتی علاقے میں واقع فیکٹری میں خوفناک آتشزدگی کا واقعہ رونما ہوا تھا فائر بریگیڈ حکام کا کہنا تھا کہ نارتھ کراچی انڈسٹریل ایریا 16بی میں تولیہ بنانےکی فیکٹری میں اچانک آگ بھڑک اٹھی، جس نے دیکھتے ہی دیکھتے پوری عمارت کو اپنی لپیٹ میں لے لیا، واقعے کی اطلاع موصول ہونے پر 8 فائر ٹینڈرز کو جائے حادثے پر روانہ کیا گیا آگ کی شدت زیادہ ہونے کے باعث ایک اسنارکل اور 2واٹرباؤزر کو بھی روانہ کیا گیا۔

    لاہور:16 سالہ طالبہ کو ہراساں کرنے والے 3 اوباش نوجوان گرفتار

    تولیہ فیکٹری میں آتشزدگی کی رپورٹ پر ایم ڈی واٹر بورڈ نے سخی حسن ہائیڈرنٹ پر ایمرجنسی نافذ کردی تھی اور تمام کمرشل گاڑیوں کو پانی بھرنے سے روکنے کی ہدایت کی تھی جبکہ رینجرز بھی موقع پر پہنچی اور جائے حادثے کو گھیرے میں لیتے ہوئے غیر متعلقہ افراد کو باہر نکال دیا۔

    ذرائع کا کہنا تھا کہ فیکٹری کےاندرون حصوں کےمختلف مقامات پر آگ لگی ہے، مگر کوئی ایمرجنسی ایگزیٹ گیٹ نہیں ہے، جس کے باعث فائرفائٹرز کو امدادی کاموں میں دشواری کا سامنا ہےمتاثرہ فیکٹری تین منزلوں پر مشتمل ہے، ہنگامی حالات میں فیکٹری میں داخل ہونےکے راستےنہیں بنائے گئے اور نہ ہی فیکٹری میں آگ بجھانے کے آلات بھی موجود ہیں، جس جگہ پر فیکٹری قائم ہے وہ جگہ بھی تنگ ہے-

    کراچی: تولیہ فیکٹری میں خوفناک آگ لگ گئی

  • دلہن کا میک اپ ادھورا چھوڑنے پر بیوٹی پارلر کو50 ہزار روپے جرمانہ

    دلہن کا میک اپ ادھورا چھوڑنے پر بیوٹی پارلر کو50 ہزار روپے جرمانہ

    لاہور:عدالت نے دلہن کا میک اپ ادھورا چھوڑنے پر بیوٹی پارلر کو50 ہزار روپے جرمانے کا حکم سنادیا۔

    باغی ٹی وی : تفصیلات کے مطابق لاہور کی صارف عدالت میں دلہن کا میک اپ ادھورا چھوڑنے والے پارلر کے خلاف درخواست پر سماعت ہوئی، جج وسیم افضل میاں نے ڈاکٹر شازیہ کے دعویٰ پر سماعت کی-

    میک اپ کے کاروبارمیں دھوکہ دہی پر خاتون کو قید بامشقت اور کروڑوں روپے جرمانے کی…

    درخواست گزار نے بتایا کہ سیلون کی مالکن نےطےشدہ رقم سے زائد مانگی اور دلہن کا میک اپ ادھورا چھوڑ کر سیلون سے باہر نکال دیا درخواست گزار نے استدعا کی عدالت پارلر کو ایک لاکھ 10 ہزار روپے جرمانہ ادا کرنے کا حکم دے جس پر عدالت نے بیوٹی پارلر کو 50 ہزار ہرجانہ دینے کا حکم دے دیا۔

    ملتان کےنواحی علاقے میں ڈکیتی کے دوران خاتون سے اجتماعی زیادتی

    قبل ازیں راولپنڈی کی احتساب عدالت نے میک اپ کے کاروبار میں دھوکہ دہی پرخاتون کو5 سال قید بامشقت اور4 کروڑ 90 لاکھ جرمانے کی سزا سنا ئی نیب راولپنڈی کی جانب سے دائرریفرنس میں نامزد ملزمہ سعدیہ انور کو جرم ثابت ہونے پرسزاسنائی گئی ریفرنس 2020 میں دائرکیا گیا تھا سعدیہ انورپرشہریوں سے4 کروڑ90 لاکھ روپے کے فراڈ کا الزام تھا۔

    نیب کی زیرحراست سعدیہ انورنے خود کودبئی سے کاسمیٹکس کی امپورٹرظاہرکیا تھا اورکاروبار میں سرمایہ کاری پرپرکشش منافع کا لالچ دے کرلوگوں سے فراڈ کیا نیب راولپنڈی نے سعدیہ انورکے خلاف شکایات موصول ہونے پرریفرنس دائرکیا تھا۔

    سینیٹ میں بچوں کی کسٹڈی سے متعلق بل منظور