Tag: لاہور

الحمر امیں 17ویں سالانہ ینگ آرٹسٹ ایگزی بیشن کا انعقاد اپریل2021 کے پہلے ہفتے ہو گا۔

ایگزیکٹو ڈائریکٹر الحمرا کا کہنا تھا کہ یہ نمائش گزشتہ17سال سے آرٹ اور آرٹسٹ کی ترویج و ترقی میں نمایاں خدمات سر انجام دے رہی ہے ۔ ڈاکٹر اسلم ڈوگر نے کہا کہ ہمارا مصور فرداور معاشرہ کی حقیقی تصویر پینٹ کر رہا ہے جو سماجی حسن میں اضافہ کا باعث ہے۔
سربراہ الحمراء کے بقول پاکستان بھر سے 20تا32برس کے نوجوان آرٹسٹ یکم مارچ 2021تک اپنا کام الحمرا آرٹ گیلر ی میں جمع کروا سکتے ہیں۔ نمایاں پوزیشن حاصل کرنے والے آرٹسٹوں کو نقد انعامات،تعریفی اسناد اور سرٹیفکیٹ دیئے جائیں گے۔ ترجمان الحمراء کا کہنا تھا کہ نمائش میں حصہ لینے والے آرٹسٹوں کی بھرپور حوصلہ افزائی کے لئے انکے کام کو کیٹالاگ کی شکل میں شائع کیا جائے گا۔نوجوان کسی بھی میڈیم میں اپنا کام الحمرا بھیج سکتے ہیں،نمائش میں حصہ لینے والے آرٹسٹوں کے زیادہ سے زیادہ دو فن پارے رکھے جائیں گے۔

لاہور آرٹس کونسل الحمرا کے زیر اہتمام 17ویں سالانہ ینگ آرٹسٹ ایگزی بیشن کا انعقاد اپریل2021 کے پہلے ہفتے ہو گا۔پاکستان بھر سے 20تا32برس کے نوجوان آرٹسٹ01مارچ 2021تک اپنا کام الحمرا آرٹ گیلر ی میں جمع کروا سکتے ہیں۔نمایاں پوزیشن حاصل کرنے والے آرٹسٹوں کو نقد انعامات،تعریفی اسناد اور سرٹیفکیٹ دیئے جائیں گے۔نمائش میں حصہ لینے والے آرٹسٹوں کی بھرپور حوصلہ افزائی کے لئے انکے کام کو کیٹالاگ کی شکل میں شائع کیا جائے گا۔نوجوان کسی بھی میڈیم میں اپنا کام الحمرا بھیج سکتے ہیں،نمائش میں حصہ لینے والے آرٹسٹوں کے زیادہ سے زیادہ دو فن پارے رکھے جائیں گے۔ایگزیکٹو ڈائریکٹر الحمرڈاکٹر اسلم ڈوگر نے اس حوالے سے کہا کہ یہ نمائش گزشتہ 17سال سے آرٹ اور آرٹسٹ کی ترویج و ترقی میں نمایاں خدمات سر انجام دے رہی ہے،ہمارا مصور فرداور معاشرہ کی حقیقی تصویر پینٹ کر رہا ہے جو سماجی حسن میں اضافہ کا باعث ہے۔انھوں نے کہا کہ نمائش سے نوجوان آرٹسٹوں کی بھر پور حوصلہ افزائی ہوگی، الحمرا ینگ آرٹسٹو ں کے لئے نئے نئے مواقع پیدا کر رہا ہے جو ان کے روشن مستقبل کا ضامن ہونگے،ہمارے آرٹسٹ بے پناہ تخلیقی صلاحیتوں سے مالا مال ہیں جنہیں وہ سماجی خوبصورتی کے لئے درست سمت میں استعمال کر رہے ہیں۔اس نمائش میں سینکڑوں فن پارے آویزاں کئے جائیں گے جو دیکھنے والوں کے لئے بے حد معلوماتی ثابت ہونگے،نمائش میں پاکستان بھر کے نوجوان آرٹسٹوں کو آپس میں ایک دوسرے سے ملنے کے مواقع میسر آتے ہیں،جن کے مثبت نتائج برآمد ہوتے ہیں۔نوجوان سال بھر اس نمائش کا انتظار کرتے ہیں کیونکہ ان کے فن پاروں کونمائش میں شامل کرنا ان کے لئے ایک اعزاز سے کم نہیں ہوتا۔

لاہور کے چڑیا گھر میں سفید ٹائیگر کے بچے کرونا وائرس سے ہلاک ہونے کا شبہ ظاہر کیا گیا ہے۔ سفید ٹائیگرز کے بچوں کی ہلاکت کی پوسٹ مارٹم رپورٹ سامنے آگئی ہے۔

یونیورسٹی آف ویٹرنری اینڈ اینمل سائنسز کی پوسٹ مارٹم رپورٹ کے مطابق سفید ٹائیگرز کے بچوں کی ہلاکت کوڈ کی وجہ سے ہوئی۔ ہلاک ہونے والے سفید ٹائیگر کے بچوں کے معدے، گلے اور ناک سے مواد کے ٹیسٹ کیے گے تھے، جب کہ چڑیا گھر میں دیگر جانوروں کے بھی ٹیسٹ کیے گئے ہیں۔ پوسٹ مارٹم رپورٹ کے مطابق سفید شیرنی کے بچوں کی آنتوں میں سوزش تھی۔ ان کے پھیپھڑوں میں انفیکشن سے ایک پھیپڑا سکڑ چکا تھا –

فردوس عاشق اعوان نے اپنی میڈیا ٹاک میں بتایا کہ عمران نوٹوں اور لوٹوں کی خریدوفروخت کا باب ہمیشہ کے لئے بند کرنا چاہتے ہیں- وزیراعظم نے NRO کی لانڈری کو تالے لگا دیئے ہیں، اب کرپٹ سیاستدان اپنی سیاسی گندگی دھو کر پوتر نہیں بن سکتے- کرپٹ ٹولے نے سرکاری ملازمین کو اپنے ایجنڈے کے لئے استعمال کرنا شروع کر دیا ہے-

لاہورمیں معاون خصوصی وزیراعلیٰ پنجاب برائے اطلاعات ڈاکٹرفردوس عاشق اعوان نے کہا ہے کہ کرپٹ ٹولے کو عوام نے مسترد کیا تو اپوزیشن نے سرکاری ملازمین کو اپنے ایجنڈے کیلئے استعمال کرنا شروع کر دیا ہے۔اپوزیشن  سرکاری ملازمین کے احتجاج کی حمایت کر کے بیگانی شادی میں عبداللہ دیوانے کا کردار ادا کر رہی ہے۔مولانا فضل الرحمن 40 سال کی سیاسی استادی کے دعوے کے باوجود دو سیاسی نابالغوں کے کندھوں پر بیٹھ کر پارلیمنٹ پہنچنا چاہتے ہیں۔یہ وہی مولانا  ہیں جنہوں نے 40 سال تک نوٹ زدہ سیاست کا فلسفہ متعارف کروایا۔ ان خیالات کا اظہار انہوں نے آج ڈی جی پی آر میں صوبائی وزیر زراعت کے ہمراہ میڈیا سے گفتگو کرتے ہوئے کیا۔ڈاکٹر فردوس عاشق اعوان نے کہا کہ عمران خان بریف کیس کی سیاست کو ہمیشہ کے لئے دفن کرنا چاہتے ہیں۔دوسری طرف بریف کیس سیاست کے موجد لندن بیٹھ کر ہارس ٹریدنگ کا جال بن رہے ہیں۔ووٹ کو عزت دو کا نعرہ لگانے والے اوپن بیلٹنگ کی مخالفت کرکے نوٹ کو عزت دے رہے ہیں۔ڈاکٹرفردوس عاشق نے کہا کہ عمران خان ان سیاسی بونوں میں واحد دبنگ لیڈر ہے۔

مولانا کسی طرح بھی عمران خان کے ہم پلہ نہیں ہو سکتے اس لئے عمران خان کو سیاسی اکھاڑے میں چیلنج نہ کریں۔ معاون خصوصی نے کہا کہ خان نے ایک ہی جھٹکے میں پی ڈی ایم کو زمین بوس کر دیا ہے اور اب ان کی چیخیں بند نہیں ہو رہیں۔ اکھڑی ہوئی سانسوں والی پی ڈی ایم  اپنی مردہ سیاست میں جان ڈالنے کی ناکام کوشش کر رہی ہے۔انہوں نے کہا کہ نواز شریف اور زرداری نوٹ زدہ سیاست کے بانی ہیں۔اوپن بیلٹنگ کے مخالفین ووٹ نہیں نوٹ کو عزت دینے  کے حامی ہیں۔ نوٹو ں کے ذریعے پارلیمنٹ  پہنچنے والے کرپشن کے گل کھلانے کے سوا کیا کر سکتے ہیں؟عمران خان سیاسی لوٹوں اور ووٹوں کی خرید و فروخت کا باب ہمیشہ کیلئے بند کرنا چاہتے ہیں۔عمران خان نے NROکی لانڈری کو تالے لگا دیئے ہیں۔اب کرپٹ سیاستدان اپنی سیاسی گندگی دھو کر پوتر نہیں بن سکتے۔

وزیراعلیٰ عثمان بزدارنے اراکین قومی و صوبائی اسمبلی کی ملاقات کی جس میں وزیراعلیٰ کی حلقوں کے مسائل حل کرنے کی یقین دہانی کروائی گئی-عثمان بزدار نے کہا کہ عوامی نمائندوں کے حلقوں کے مسائل حل کرنے کیلئے لائحہ عمل تیار کرلیا گیا ہے اورخوشاب، فیصل آباد، سرگودھا او رلودھراں کا جلد دورہ کرونگا-

ان شہروں کیلئے ترقیاتی منصوبے ترجیحی بنیادوں پر مکمل کئے جائینگے، اراکین اسمبلی کے علاقو ں میں یکساں ترقیاتی کام ہونگے
سڑکوں کی تعمیر ومرمت کی سکیموں کے لئے فنڈز جاری کردئیے ہیں،یہ وقت ملکر عوام کی خدمت کا ہے- سابق حکمران دیوالیہ صوبہ چھوڑ کر گئے،صوبے کا پورا نظام تباہ حالت میں ملا،ادارے بدحالی اور بد انتظامی کی تصویر بنے ہوئے تھے- اداروں کو کام کرنے کی آزادی دی ہے،اداروں میں سیاسی مداخلت کا خاتمہ کیاہے،اب ہر کام شفافیت کے ساتھ میرٹ پر ہوتاہے- ،اراکین اسمبلی نےوزیراعلیٰ کی تعریف میں کہا کہ آپ منتخب نمائندوں کو احترام و عزت دیتے ہیں،آپ کی جانب سے اراکین اسمبلی کی تجاویز کو اہمیت دینا خوش آئند ہے-

لاہور میں وزیراعلیٰ پنجاب سردار عثمان بزدارسے آج وزیراعلیٰ آفس میں اراکین قومی و صوبائی اسمبلی نے ملاقات کی- وزیراعلیٰ عثمان بزدار سے اراکین قومی اسمبلی عمر اسلم خان،فیض اللہ کاموکا،صوبائی وزیر محنت انصر مجید خان نیازی اور رکن پنجاب اسمبلی نذیر احمدخان بلوچ نے ملاقات کی-منتخب نمائندوں نے وزیراعلیٰ عثمان بزدار کو اپنے علاقوں کے مسائل سے آگاہ کیا- وزیراعلیٰ عثما ن بزدارنے مسائل حل کرنے کی یقین دہانی کراتے ہوئے کہاکہ عوامی نمائندوں کے حلقوں کے مسائل حل کرنے کے لئے لائحہ عمل تیار کر لیاہے-خوشاب، فیصل آباد، سرگودھا او رلودھراں کا جلد دورہ کروں گا اوران شہروں کے لئے ترقیاتی منصوبے ترجیحی بنیادوں پر مکمل کئے جائیں گے- اراکین اسمبلی کے علاقو ں میں یکساں ترقیاتی کام ہوں گے- تعلیم،صحت،انفراسٹرکچر،سیوریج وسینی ٹیشن کی سکیموں کو ترجیحی بنیادوں پر مکمل کیا جائے گا- انہوں نے کہاکہ سڑکوں کی تعمیر ومرمت کی سکیموں کے لئے فنڈز جاری کردئیے ہیں –

یہ وقت ملکر عوام کی خدمت کا ہے- ہم سب نے ٹیم ورک کے طورپر صوبے کے عوام کی خدمت کرنی ہے۔انہوں نے کہاکہ سابق حکمران دیوالیہ صوبہ چھوڑ کر گئے- صوبے کا پورا نظام تباہ حالت میں ملا-ادارے بدحالی اور بد انتظامی کی تصویر بنے ہوئے تھے-اڑھائی برس میں محنت کے ساتھ صوبے کو درست سمت کی طرف گامزن کیاہے-انہوں نے کہاکہ اداروں کو کام کرنے کی آزادی دی ہے اوراداروں میں سیاسی مداخلت کا خاتمہ کیاہے-اب ہر کام شفافیت کے ساتھ میرٹ پر ہوتاہے-انہوں نے کہاکہ ہماری حکومت نے عوام کے بنیادی مسائل کے حل پر توجہ دی ہے۔ صوبے کے ہر شعبے میں بہتری لانے کے لئے اصلاحات کی گئی ہیں -اراکین قومی و صوبائی اسمبلی نے مسائل کے حل کے لئے ذاتی دلچسپی لینے پر وزیراعلیٰ عثمان بزدار کا شکریہ ادا کیا – اراکین اسمبلی نے اس موقع پر گفتگو کرتے ہوئے کہاکہ آپ منتخب نمائندوں کو احترام و عزت دیتے ہیں اورآپ کی جانب سے اراکین اسمبلی کی تجاویز کو اہمیت دینا خوش آئند ہے-