Tag: لاہور

قبضہ گروپوں اور بدمعاشوں کے بعد منشیات فروشوں کے خلاف کریک ڈاؤن کا حکم

سی سی پی او لاہور کی تمام ڈویژنل افسران کو انٹیلی جینس بیسڈ آپریشنز کی ہدایت پر سربراہ لاہور پولیس کی ڈویژنل افسران کو منشيات فروشوں کے خلاف کارروائی کرکے اپنی اپنی ڈویژن کی رپورٹ پیش کرنے کی ہدایت دی گئی-

بقول سی سی پی او لاہور منشیات فروشی کے گھناؤنے کاروبار میں ملوث بڑے مگرمچھوں کو پکڑا جائےگا- بڑے مگرمچھوں پر ہاتھ ڈالنے سے جرائم پیشہ افراد قلع قمع ہوگا-

غلام محمود ڈوگرنی آرڈر دیا کہ منشیات فروش پکڑا جانے پر اس کے پورے نیٹ ورک پر ہاتھ ڈالا جائے، منشیات کی سپلائی توڑنے کےلئے انٹیلیجنس بیسڈ کارروائیاں کیں جائیں، شہر میں کالجز و یونیورسٹیز کے باہر خصوصی چیک اینڈ بیلنس رکھا جائے- سی سی پی او لاہور کی منشیات فروشوں کی پشت پناہی کرنے والے اہلکاروں کو بھی بے نقاب کرنے کی ہدایت- غلام محمود ڈوگرنے ہدایت دی کہ جوئے کے اڈے جرائم کی نرسری، ان کے خلاف بھی سخت کریک ڈاؤن کیا جائے، قمار بازی کسی صورت برداشت نہیں کی جائے گی-

سی سی پی او لاہور کا کینال روڈ پر نشئیوں کےخلاف کریک ڈاؤن کا بھی حکم، نشئیوں کو نشہ آور ادویات اور ٹیکے فراہم کرنے والوں کو پکڑا جائے، شہرِ لاہور کو نشے جیسی لعنت سے پاک کیا جائے، غلام محمود ڈوگر – ماہ جنوری میں 721 منشیات فروشی کے مقدمات درج کرتے ہوئے 725 ملزمان کو گرفتار کیا گیا- ملزمان کے قبضہ سے بھاری مقدار میں منشیات اور شراب پکڑی گئی،

لاہور : لال پل، فتح گڑھ، لاری اڈا، داتا دربار اور بادشاہی مسجد کے اطراف لکشمی چوک، چوبرجی چوک سمیت 120 علاقوں میں نشہ کے عادی افراد کے ڈیرے منشیات کے استعمال میں تشویشناک حد تک اضافہ، خواتین کی بڑی تعداد بھی مبتلا، شہر میں کھلی سڑکوں پر منشیات عام ہو گئی، جبکہ پولیس خاموش تماشائی بنی ہوئی ہے۔ نشہ کے عادی افراد نے 120 مقامات پر ڈیرے جما لئے۔ لال پل، فتح گڑھ، مغلپورہ، ہربنس پورہ، باغبان پورہ اور پارکوں سمیت دیگر علاقوں میں کھلے عام نشے کا استعمال اور ٹیکے لگائے جا رہے ہیں ،سب سے زیادہ نوجوان نسل متاثر ہو رہی ہے ۔ ذرائع کے مطابق شہر میں 2020 کے دوران منشیات کی طلب اور رسد میں تشویشناک حد تک اضافہ ہوا ہے جس کی وجہ ملک میں معاشی عدم استحکام، مہنگائی ،بیروزگاری وغیرہ شامل ہیں۔ خواتین کی بڑی تعداد بھی نشہ جیسی لت کا شکار ہو رہی ہے ۔لاری اڈا، علی پارک، داتا دربار اور بادشاہی مسجد کے اطراف، ایف سی کالج میٹر وسٹیشن، پرندہ مارکیٹ، بھاٹی، موچی گیٹ، لوہاری، ٹیکسالی، شاہدرہ، لاہور ہوٹل، لکشمی ، ریگل، گنگا رام، چوبرجی چوک، سبزہ زار، علامہ اقبال ٹاؤن، گلشن راوی بند روڈ، شیر پاؤپل، مسلم ٹاؤن موڑ، کوآپ سٹور، مصری شاہ اور دیگر علاقوں میں منشیات کا استعمال ہو رہا ہے۔ ذرائع کے مطابق پاکستان میں نشہ کرنے والے افراد کی تعداد 2013 میں 67 لاکھ اور 2020 میں ایک کروڑ تک پہنچ چکی ہے ۔ترجمان پنجاب پولیس نے کہا انجکشن نشہ کو کنٹرول کرنا محکمہ ہیلتھ کا کام ہے کیونکہ نشئی انجکشن سمیت دیگر نشہ آور اشیا میڈیکل سٹورز سے لیکر استعمال کرتے ہیں۔ چیف ڈرگ کنٹرولر پنجاب اظہر جمال سلیمی نے کہا میڈیکل سٹورز پر نشہ آور ادویات کی روک تھام کیلئے اقدامات کئے جا رہے ہیں، بغیر نسخہ کے کسی کو بھی نارکوٹکس ادویات نہیں دی جا رہیں، اگر کوئی میڈیکل سٹور یا فارمیسی ایسا کر رہی ہے تو اس کے خلاف کارروائی کی جا رہی ہے ۔

گرفتار ملزمان نے4ماہ قبل دوران ڈکیتی 32سالہ خاتون کو زیادتی کا نشانہ بنایا تھاجبکہ ملزمان ڈکیتی کے متعددمقدمات میں بھی ملوث ہیں۔

لاہور انویسٹی گیشن پولیس صدر ڈویژن نے کارروائی کرتے ہوئے دوران ہاؤس رابری گن پوائنٹ پر خاتون کو زیادتی کا نشانہ بنانے والے 3ملزمان گرفتارکر لیا ہے۔ ان خیالات کا اظہار ایس پی انویسٹی گیشن صدر محمد عیسیٰ خان نے آج اپنے دفتر میں الیکٹرانک اور پرنٹ میڈیا کے نمائندوں سے گفتگو کرتے ہوئے کیا۔ اُنہوں نے کہا کہ ایس ڈی پی او رائیونڈمحمد حسیب کی سربراہی میں انچارج انویسٹی گیشن رائیونڈ سٹی عدنان مسعود اور دیگر اہلکاروں پر مشتمل پولیس ٹیم نے کارروائی کرتے ہوئے مختلف معلومات سمیت جدید ٹیکنالوجی کی مدد سے دوران ہاؤس رابری گن پوائنٹ پر خاتون کو زیادتی کا نشانہ بنانے والے 3ملزمان وقاص عرف وقاصی، وقار اور ابرارکو گرفتار کر لیا ہے۔ محمد عیسیٰ خان نے بتایا کہ درندہ صفت ملزمان نے تقریباً 4ماہ قبل 32سالہ خاتون کو زیادتی کا نشانہ بنایا تھا۔ ملزمان دوران واردات طلائی زیورات، نقدی اور دیگر قیمتی اشیاء بھی لوٹ کر لے گئے تھے۔ ایس پی انویسٹی گیشن صدر نے کہا گرفتار ملزمان کے خلاف لاہور شہرکے مختلف تھانوں میں ڈکیتی کے متعددمقدمات ٹریس ہوئے ہیں۔ انویسٹی گیشن پولیس ٹیم نے مختلف معلومات سمیت جدید ٹیکنالوجی کی مدد سے ملزمان کو گرفتار کیا۔ایس پی انویسٹی گیشن صدر محمد عیسیٰ خان نے کہا کہ جرائم پیشہ عناصر کے خلاف بھر پور کارروائیاں جاری رہیں گی۔