لاہور ، (نمائندہ باغی ٹی وی) رائےونڈ فلائی اوور پر تیز رفتار کار کی موٹرسائیکل کو ٹکر سے موٹر سائیکل سوار موقع پر جاں بحق ہو گیا۔
باغی ٹی وی کی رپورٹ کے مطابق رائیونڈ فلائی اوور پر اوور ٹیک کرتے ہوئے موٹرسائیکل سوار فلائی سے نیچے جاگرا
تھا۔
تفصیلات کے مطابق کار نمبری LEB470 نے موٹر سائیکل سوار کو ٹکر ماری اور ڈرائیور موقع سے فرار ہوگیا تھا۔
کار ڈرائیور نے موٹر سائیکل کو اوور ٹیک کر رہا تھا کہ موٹرسائیکل سوار کار سے ٹکرانے پر فلائی اوور سے نیچے گر گیا اور گرتے ہی موقع پر جاں بحق ہوگیا۔ جاں بحق ہونے والے موٹر سائیکل سوار کی شناخت بشیر احمد کے نام سے ہوئی ہے۔کار سوار گاڑی چھوڑ کر موقع سے فرار ہوگیا ۔تھانہ رائیونڈ کی پولیس نے لاش قبضہ میں لیکر کارروائی کا آغاز کر دیا ہے۔
Tag: لاہور
-
رائیونڈ فلائی اوور پر حادثہ ، موٹر سائیکل سوار جاں بحق
-
اک شخص سارے شہر کو ویران کر گیا ۔۔۔ تحریر : سلمان آفریدی
حافظ ابتسام الحسن بھائی ایک انسان دوست ، حکمت سے معمور اور دعوتی جذبے سے سرشار عالم دین تھے۔ دعوتی تڑپ اور دین کے پھیلاؤ کی جو لگن ان مِیں دیکھی وہ بہت ہی کم لوگوں میں نظر آتی ہے۔ گزشتہ روز رات بارہ بجے کے قریب ہمارے ایک مشترکہ دوست اور ایک عزیز بھائی اویس کا فون آیا جنہوں نے اطلاع دی کہ سلمان بھائی ابتسام بھائی ہم میں نہیں رہے ، چند ثانیے تو یقین ہی نہیں آیا وہ کہنے لگے کہ ان کے چھوٹے بھائی اور اہلیہ ہسپتال میں ہیں میں اپنی فیملی کے ساتھ ان کے پاس جا رہا ہوں آپ بھی آ جائیں۔ میں کچھ تاخیر سے جب وہاں پہنچا تو ان کا جسد خاکی میو ہسپتال کے ڈیڈ ہاوس میں پوسٹ مارٹم کے لیے لایا جا رہا تھا۔ گلاب کی طرح کھلا ہوا چہرہ ، اور چہرے پر اطمینان دیکھ کر آنکھوں سے آنسو جاری ہو گئے۔
ابتسام بھائی روڈ ایکسیڈنٹ میں گاڑی کی ٹکر سے شہید ہوئے ۔ اطلاعات کے مطابق انار کلی بازار لاہور کے قریب گاڑی میں دو لوگ سوار تھے جو آپس میں کسی وجہ سے الجھے جس بناء پر گاڑی ابتسام بھائی کی بائیک سے جا ٹکرائی وہ گرے مگر اٹھ کر کھڑے ہو گئے گاڑی والا ڈر کر بھاگتے ہوئے دوبارہ ان سے جا ٹکرایا اور ان کو شدید چوٹیں آئیں۔ اس دوران وہاں موجود لوگ ڈرائیور کے ساتھی کو پکڑنے میں کامیاب ہو گئے جبکہ ڈرائیور بھاگ نکلا۔ ابتسام بھائی کو قریب واقع میو ہسپتال لے جایا گیا جہاں پہلے ان کی طبیعت سنبھل گئی۔ اس دوران جب ان کی طبیعت بہتر تھی انہوں نے دیگر باتوں کے ساتھ ساتھ ڈرائیور کو معاف کرنے کی بھی وصیت کی (اللہ اکبر کیسا اعلی ظرف انسان تھا، کیسا وسیع القلب آدمی تھا اللہ تو اس کو معاف کر اور اس سے راضی ہو جا) کچھ دیر ٹھیک رہنے کے بعد طبیعت پھر بگڑنا شروع ہوئی یہاں تک کہ ابتسام بھائی بہت سی آنکھوں کو اشکبار چھوڑ کر جان جان آفریں کے سپرد کر گئے۔
اس دھیمے مزاج اور خوبیوں سے مالا مال شخص کی وفات کی اطلاع جس جس نے سنی اس کا دل غم سےلبریز ہو گیا۔ ابتسام بھائی ایک واعظ اور خطیب ہونے کے ساتھ ساتھ سوشل میڈیا پر بھی تحریر و تقریر سے دعوت کے کام میں مصروف عمل رہتے تھے۔ ڈیفنس کی جامع مسجد الرباط میں ایک لمبا عرصہ امام تراویح رہے۔ ان کی دلنشیں اور پرسوز آواز میں کی جانیوالی قرات قران سننے کے لیے لوگ دور دور سے آتے تھے خصوصا قنوت میں ان کا رو رو کر دعائیں کرنا دیکھ کر بہت رشک آتا جب وہ خود بھی رو رہے ہوتے اور ان کے پیچھے کھڑے مقتدیوں کی آنکھیں بھی اشکبار ہوتیں۔ سوشل میڈیا پر وہ علم و عمل انسٹیٹوٹ، پاک بلاگرز فورم سمیت کئی فورمز سے وابستہ تھے ۔ ان کے مضامین ، کالمز اور آڈیو ویڈیو لیکچرز گاہے بگاہے شائع و نشر ہوتے رہتے تھے۔ اس کے ساتھ ساتھ وہ حفظ القران اور تجوید کے استاد بھی تھے۔ مرکز الودق ڈیفنس اور دیگر کئی مقامات پر خدمات سرانجام دینے بعد انہوں نے حلیمہ سعدیہ ایجوکیشنل کمپلیکس نزد شرقپور روڈ پر کام کا آغاز کر رکھا تھا جہاں تعلیم بالغاں کے ساتھ مدرسہ حفظ القران اور تجوید کا بھی اجراء کیا جا چکا تھا۔ یقینا وہ گوناگوں صفات کے مالک اور کثیر الصلاحیت شخص تھے۔
ان کے ساتھ کام کرنے والے دوستوں میں طہ منیب بھائی نے ان کے بارے میں بات کرتے ہوئے کہا کہ ان کی اچانک وفات سے دل بہت غمگین اور اداس ہے۔ دعوتی اور اصلاحی پلیٹ فارمز پر ویڈیو ریکارڈنگ کے سلسلے میں ان سے ملاقاتیں ہوتی رہتی تھیں۔ رمضان المبارک اور ربیع الاول میں محسن انسانیت صلی اللہ علیہ وسلم کے موضوع پر ان کے متعدد لیکچرز ریکارڈ کروائے جبکہ چند ماہ پہلے ان کی کال آئی جس میں انہوں نے اپنے مقتدیوں کے اصرار پر تلاوت قران کی ریکارڈنگ کے لیے آڈیو ریکاڈنگ سٹوڈیو کا پوچھا ہم نے ریکارڈنگ شروع کی اب تک تین پارے ہو چکے تھے کہ اللہ کی مشیت غالب آ گئی۔
اس طرح پاک بلاگرز فورم کے مدیر خنیس الرحمان نے ان کے بارے میں بات کرتے ہوئے کہا کہ
ہم حافظ ابتسام رحمۃ اللہ کے ہوتے ہوئے فخر محسوس کرتے تھے کہ ہمارے درمیان عالم دین موجود ہیں آج پاک بلاگرز فورم ان کے جانے سے یتیم ہوگیا, ان کی خدمات کو ہمیشہ یاد رکھا جائے گا, یقین ہی نہیں آتا. بار بار ان کی گفتگو اور ان کے کہے ہوئے بہت سے الفاظ کانوں میں گونجتے ہیں۔ ان کو یاد کرنے اور کہنے کو بہت کچھ ہے مگر ان کی جدائی کا صدمہ اس قدر ہے کہ کچھ سمجھ نہیں آتا کہ کیا کہوں۔بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیاشہادت کی دعائیں مانگنے والا شہادت کا یہ طلبگار ان شااللہ شہید ہو کر اپنے رب کے پاس پہنچا۔ اللہ سے دعا ہے کہ اللہ رب العالمین ہمارے بھائی کی کوتاہیوں سے درگزر فرمائے اس کو معاف فرمائے اس سے راضی ہو جائے اور اس کو جنت الفردوس میں اپنا مہمان بنائے۔ آمین یا رب العالمین
-
پاک سرزمین پارٹی کے چیئرمین سید مصطفیٰ کمال کی باغ جناح میں میڈیا سے گفتگو
پاک سرزمین پارٹی کے چیئرمین سید مصطفیٰ کمال کی باغ جناح میں میڈیا ٹاک. پی ایس پی 25 جولائی کا الیکشن ہارنے کے بعد اور زیادہ مضبوط ہوئی ہے.21 جولائی 2019 بروز اتوار کو باغ جناح میں پاک سرزمین پارٹی عظیم الشان جلسہ کرے گی۔
باغ جناح کراچی کا سب سے بڑا گراؤنڈ ہے۔ ہم نے اسے قناتیں لگا کر چھوٹا نہیں کیا۔ ظلم سہہ کر اپنے بچوں کو خاموشی سے دفنانے والا خود بھی ظالم ہے. للہ تعالیٰ نے کہہ دیا ہے کہ جو حق بات نہیں کہتا وہ خسارے میں ہے . کراچی والوں سے پوچھتا ہوں کہ اب نہیں تو کب. کب تک دیکھو گے کہ گھر کے آگے کچرے کا ڈھیر بن رہا ہے. کب تک دیکھو گے کہ نوجوان ڈگریاں لے کر گھوم رہے ہیں. کب تک دیکھو گے کہ مایوسی نسلوں میں پھیل رہی ہے .کراچی میں ساری زبانیں بولنے والے پاک سرزمین پارٹی کے جھنڈے تکے ایک ہیں. بلا تفریق لوگ پی ایس پی میں شامل ہیں. جو لوگ آج بھی تذبذب کا شکار ہیں وہ دیکھیں کہ سچ کی وجہ سے ہم جڑ کر اور زیادہ مضبوط ہو کر کھڑے ہیں. جو لوگ جیت گئے ان کی ٹوٹ پھوٹ کا اندازہ بھی کوئی نہیں لگا سکتا۔ لوگ چار گھنٹے کی قربانی دیں اللہ اپنی مدد بھیجے گا۔ 21 جولائی کو آگے کا لائحہ عمل دوں گا۔ کراچی والے فیصلہ کریں کہ انہیں ایک ایک کر کے مرنا ہے یا حقوق کے لیے کھڑا ہونا ہے۔
-
تھانہ مصطفی ٹاؤن پولیس کی بروقت کارروائی
تھانہ مصطفی ٹاؤن پولیس کی بروقت کارروائی. مصطفیٰ ٹاؤن کے علاقے میں دس سالہ بچے کے ساتھ بد فعلی کی کوشش کرنے والا ملزم گرفتار.
با غی ٹی وی کی رپورٹ کے مطابق ملزم شاہد بچے کے ساتھ بد فعلی کی کوشش کر رہا تھا اہل علاقہ نے پولیس کو 15 پر واقعہ کی اطلاع دی . ملزم نے بھاگنے کی کوشش کی مگر پولیس نے بروقت کارروائی کرتے ہوئے ملزم کو گرفتار کر لیا. بچے کے چچا کی درخواست پر ملزم کے خلاف قانونی کارروائی عمل میں لائی جا رہی ہے. ملزم کے خلاف قانون کے مطابق سخت کارروائی عمل میں لائی جائے گی. ترجمان پولیس.مصطفیٰ ٹاؤن کے علاقے میں دس سالہ بچے کے ساتھ بد فعلی کی کوشش کرنے والا ملزم گرفتار.
-
ملتان ڈپٹی کمشنرعامرخٹک کا غازی پور میں کھلی کچہری سے خطاب
ملتان( ) ڈپٹی کمشنر عامر خٹک نے کہا ھے کہ انہیں شجاع آباد اور جلال پور ہیروالا کے درمیان سڑک کی خستہ حالی کی وجہ سے عوام کی مشکلات کا ادراک ھے۔ حکومت پنجاب سے اس شاہراہ کی مرمت کے لیے فنڈز طلب کئے گئے ہیں۔ اس مقصد کے لیے مقامی منتخب ممبران اسمبلی کی مدد بھی انتظامیہ کے ساتھ ھے۔ توقع ھے کہ سڑک کی مرمت کا کام جلد شروع کیا جائے گا۔
ؐ باغی ٹی وی کی رپورٹ کے مطابق وہ تحصیل جلالپور پیروالا کی یونین کونسل غازی پور میں کھلی کچہری سے خطاب کر رھے تھے۔ ایم این اے رانا قاسم نون، اے ڈی سی جی حمزہ سالک،اے ڈی سی ہیڈکوارٹر محمد عباس شاہ، اے سی جلال لپورپیروالا احمد رضا،اے سی تحصیل صدر طیب خان اور تمام محکموں کے افسران اس موقع پر موجود تھے۔
کھلی کچہری میں غازی پور کا پورا گاوں امڈ آیا تھا۔ خواتین کی بھی بڑی تعداد اپنے مسائل کے حل کے لیے کھلی کچہری میں موجود تھی۔ ڈپٹی کمشنر نے سینکڑوں درخواستوں پر موقع پر احکامات جاری کئے۔
ڈپٹی کمشنر نے کھلی کچہری سے خطاب کرتے ہوئے کہا کہ انہوں نے تہیہ کیا ہے کہ وہ گلی گلی اور گاوں گاوں جائیں گے اور عوام کے مسائل سنیں گے اور موقع پر احکامت جاری کریں گے تاکہ جو لوگ سفری صعوبتوں اور وقت کی کمی کہ وجہ ان کے آفس نہیں آ سکتے ان کے مسائل ان کی دہلیز پہ سنے جائیں۔ڈپٹی کمشنر نے کہا کہ کھلی کچہری میں پیش کی جانے والی درخواستوں کا ان کے آفس میں ریکارڈ رکھا جاتا ہے اور باقاعدہ فالو اپ لیا جاتا ہے اور جو افسران انکے احکامات پر عمل کرنے میں تاخیر کرتے ہیں ان کے خلاف سخت کاروائی کی جاتی ہے۔ انہوں نے کہا کہ شجاع آباد جلال پور کے درمیان ایکسپریس وے تعمیر کی جائے گی لیکن اس میگا پرجیکٹ کے فنڈز کی منظوری کا انتظار کئے بغیر موجودہ سڑک کی بروقت مرمت ضروی ہے تاکہ عوام کو سفر کی صعوبتوں سے نجات دلا ئی جا سکے۔ انہوں کہا کہ فارم ٹو مارکیٹ روڈز کی تعمیر کے منصوبوں پر کام کی رفتار کو تیز کیا جا رہا ہے اور دیہی علاقوں میں فاصلے کم کرنے کے لیے نہروں اور نالوں پر پل تعمیر کرنے کا پلان بنایا جا رہا ہے۔ انہوں نے کہا کہ حکومت کو غازی پور میں گونمنٹ گرلز ہائی سکول قائم کرنے کی سفارش کی جائے گی۔
اس موقع پر ممبر قومی اسمبلی رانا قاسم نون نے بھی کھلی کچہری سے خطاب کیا اور کہا کہ
کھلی کچہریوں کے انعقاد کا فیصلہ حکومت کا احسن اقدام ہے۔ایسے اقدامات سے گڈ گورنس کو فروغ ملے گا۔ انہوں نے کہا کہ کھلی کچہری کے ذریعے گھر کی دہلیز پہ مسائل حل ہونے سے عوام کا وقت اور پیسہ بچے گا۔ -
اینٹی کرپشن حکام کا ایجوکیشن آفس میں چھاپہ
اینٹی کرپشن حکام کا ایجوکیشن آفس میں چھاپہ ڈپٹی ڈسٹرکٹ ایجوکیشن آفیسر زنانہ مسماۃ ثریا کو رشوت لینے کے الزام میں گرفتار کر لیا گیا.
ڈپٹی ڈی اومسماۃ ثریا پر اپنے ماتحت کلرک سے 40 ہزار روپے رشوت لینے کا الزام ہے. کلرک مرتضیٰ شاہ کی مدعیت میں مھکمہ اینٹی کرپشن حکام نے ڈپٹی ایجوکیشن آفیسر زنانہ مسماۃ ثریا کے خلاف مقدمہ درج کر دیا. ڈی ای او ایجوکیشن مسماۃ ثریا کو جوڈیشل ریمانڈ پر جیل منتقل کر دیا گیا ہے.اینٹی کرپشن حکام کا ایجوکیشن آفس میں چھاپہ ڈپٹی ڈسٹرکٹ ایجوکیشن آفیسر زنانہ مسماۃ ثریا کو رشوت لینے کے الزام میں گرفتار کر لیا گیا. ڈپٹی ڈی اومسماۃ ثریا پر اپنے ماتحت کلرک سے
-
جنوبی پنجاب کے صدر چوہدری فیاض احمد وڑائچ کا اجلاس سے خطاب
بلاامتیاز،بے رحم اورشفاف احتساب ملکی ترقی کیلئے ناگزیر ہے۔چوہدری فیاض احمد وڑائچ. سالہا سال سے پاکستان کو کرپشن کی دلدل میں دھکیلنے والوں کے خلاف احتساب کا کوڑا تیز کیا جائے۔ قومی خزانہ لوٹنے والے چوروں کے واویلہ پر کان دھرنے کی بجائے لوٹی ہوئی دولت واپس لانے پر توجہ دی جائے۔ صوبائی صدر پاکستان عوامی تحریک جنوبی پنجاب کااجلاس سے خطاب.
پاکستان عوامی تحریک جنوبی پنجاب کے صدر چوہدری فیاض احمد وڑائچ نے کہا ہے کہ کرپٹ عناصر نے دنیا بھر میں پاکستان کو بدنام کیا۔انکے کالے کرتوتوں کی وجہ سے بیرون ملک پاکستانیوں کو شرمندگی کا سامنا کرنا پڑتا ہے۔گذشتہ چالیس سے برسراقتدار طبقے نے ملک کو بے رحمی سے لوٹا اورقومی خزانہ لوٹ کر بیرون ممالک جائیدادیں بنائیں جبکہ ملک کو مقروض کردیا۔وہ پاکستان عوامی تحریک کے اجلاس کی صدارت کررہے تھے۔چوہدری فیاض احمد وڑائچ نے کہا کہ سالہا سال سے پاکستان کو کرپشن کی دلدل میں دھکیلنے والوں کے خلاف احتساب کا کوڑا تیز کیا جائے۔بلاامتیاز،بے رحم اورشفاف احتساب ملکی ترقی کیلئے ناگزیر ہوچکا ہے۔کرپشن کے ناسور کو ختم کئے بغیر ملک کو ترقی کی راہ پر گامزن نہیں کیا جاسکتا۔انہوں نے کہا کہ موجودہ چیئرمین نیب کی تعیناتی بھی سابق حکومت اوراپوزیشن نے کی تھی۔اب انکے خلاف احتساب کا شکنجہ کسا گیا ہے تو چیئرمین نیب میں نقائض کیوں نظر آرہے ہیں۔حکومت کو چاہیے کہ وہ قومی خزانہ لوٹنے والے چوروں کے واویلہ پر کان دھرنے کی بجائے لوٹی ہوئی قومی دولت واپس لانے پر توجہ دے۔اگر لوٹی ہوئی قومی دولت واپس نہیں لائی جاتی تو احتساب کا عمل محض ٹوپی ڈرامہ کہلائے گا۔اجلاس میں میجر محمد اقبال چغتائی،احسان سعیدی،سجاد نقشبندی،احمد قریشی،صابرعلی،چوہدری محمداکرم گجر نمبردار،راؤ عظمت علی اوردیگر نے شرکت کی۔
-
تحریک صوبہ ملتان کے مرکزی رہنما حکومت پر برس پڑے
تحریک صوبہ ملتان
سو دن میں صوبے کا وعدہ کرنے والے سب سیکرٹریٹ بھی نہ دے سکے۔چوہدری شہزاد فیصل ارائیں .جنوبی پنجاب صوبہ
.محاذ کے نام پر عوام کو بیوقوف بنانے والے سیاستدانوں کا محاسبہ کریں گے۔باغی ٹی کی رپورٹ کے مطابق حکومت علیحدہ صوبہ ملتان کے قیام کیلئے ٹھوس آئینی و قانونی اقدامات کرے۔.تحریک صوبہ ملتان کے مرکزی رہنما کا اجلاس سے خطاب.تحریک صوبہ ملتان کے مرکزی رہنما چوہدری شہزاد فیصل نے کہا ہے کہ حکومت بنانے کے بعد پہلے سو دن میں علیحدہ صوبے کے قیام کا وعدہ کرنے والے جنوبی پنجاب کی عوام کو سب سیکرٹریٹ بھی نہ دے سکے۔ایسے لگتا ہے جیسے اس خطے کی محرومیوں کو برقرار رکھنے کی سازش کی جارہی ہے۔وہ تحریک صوبہ ملتان کے اجلاس کی صدارت کررہے تھے جس کے مہمان خصوصی تحریک صوبہ ملتان کے بانی راؤ عارف رضوی تھے۔چوہدری شہزاد فیصل ارائیں نے کہا کہ انتخابات سے قبل چند مفاد پرست سیاستدانوں نے جنوبی پنجاب صوبہ محاذ کے نام پر اپنی بولیاں لگوائیں اور عوام کو بیوقوف بنا کر ووٹ حاصل کئے۔جنوبی پنجاب صوبہ محاذ کے نام پر خطہ ملتان کے عوام کو بیوقوف بنانے والے سیاستدانوں کا محاسبہ کیا جائے گا۔ہم اس خطے کے عوام کے حقوق کی جنگ لڑتے رہیں گے۔ہم اس خطے میں ہرقسم کے تعصب سے پاک علیحدہ صوبہ ملتان کے قیام کی جدوجہد جاری رکھیں گے۔انہوں نے مطالبہ کیا کہ حکومت علیحدہ صوبہ ملتان کے قیام کیلئے ٹھوس آئینی و قانونی اقدامات کرے تاکہ اس خطے کے عوام کو ان کے بنیادی آئینی حقوق مل سکیں اوراس خطے کی محرومیاں اور پسماندگی دور ہوسکے۔اجلاس میں راؤ عبدالقیوم شاہین اوررکن الدین ملتانی نے بھی شرکت کی۔
-
صوبائی وزیر تعلیم مراد راس کی ٹوئیٹر پر مہک منیر کو ملتان بورڈ میں ٹاپ کرنے پر مبارکباد
صوبائی وزیر تعلیم مراد راس کی ٹوئیٹر پر مہک منیر کو ملتان بورڈ میں ٹاپ کرنے پر مبارکباد .اور اساتزہ کو ان کے محنت اور کوشش کو سرہا .اور ان کے سکول کی ملتان بورڈ میں ٹاپ پوزیشن انے پرمبارکباد دی
میٹرک کے رزلٹ کے بعد صوبائی وزیر تعلیم مراد راس کا مختلف سکولوں کا دورا اور بچوں میں مختلف انعامات تقسم کیے اوراسی طرح . شجاع آباد میں گورنمنٹ سکول کی طلبا مہک منیر کے سکول اور اساتذہ کی کارکردگی کو بھی سراہاا.اور ان کے سکول کی ملتان بورڈ میں ٹاپ پوزیشن انے پرمبارکباد دی. صوبائی وزیر تعلیم محکمہ تعلیم کی ویب سائٹ پر بھی مبارکبادکی پیشکش دی گی .
-
لاہور پریس کلب ہاﺅسنگ سکیم (صحافی کالونی) کی مینجمنٹ کمیٹی کا آج پہلا اجلاس منقد
لاہور پریس کلب ہاﺅسنگ سکیم (صحافی کالونی) کی مینجمنٹ کمیٹی کا پہلا اجلاس صدر لاہور پریس کلب و کمیٹی کے کنوینئر ارشد انصاری کی زیر صدارت پنجاب جرنلسٹس ہاﺅسنگ فاﺅنڈیشن کے سائٹ آفس صحافی کالونی میں منعقد ہوا جس میں سینئر نائب صدر ذوالفقار علی مہتو(ممبر ازالہ شکایات)، سیکرٹری زاہد عابد(ممبر سیکورٹی سروسز)، نعمان یاور ( ممبریوٹیلٹی سروسز )، خواجہ نصیر (ممبر کوڑا کرکٹ کولیکشن )، اسسٹنٹ ڈائریکٹر پی جے ایچ ایف حسیب افضل ( سیکرٹری)، سٹیٹ افسر وسیم بھٹی(فنانس سیکرٹری) شریک ہوئے۔
باغی ٹی کی رپورٹ کے مطابق اجلاس میں صدر ارشد انصاری نے کہا کہ صحافی کالونی کو سٹیٹ آف دی آر ٹ رہائشی کالونی بنایا جائے گاجس کیلئے ہنگامی بنیادوں پر کام شروع کر دیئے گئے ہیں، سکول اور ہسپتال کی تعمیر کیلئے وزیر اعلیٰ کی زیر صدارت پی جے ایچ ایف بورڈ آف ڈائریکٹر کے اگلے اجلاس میں منظوری لے لی جائے گی ۔ اجلاس میں درج ذیل متفقہ فیصلے کئے گئے،
1 ) کالونی کے رہائشیوں کو الیکٹریشن اور پلمبر کی 24 گھنٹے سہولت فوری فراہم کرنے کا فیصلہ کیا گیا جس کی شکایات مینجمنٹ کمیٹی کے واٹس ایپ گروپ ” صحافی کالونی مینجمنٹ” میں درج کروائی جا سکے گی۔
2 ) صحافی کالونی کی مین سڑک سمیت دیگر سڑکوں کی مرمت کی منظوری دی گئی جس پر فوری کام شروع کیا جائے گا۔
3 ) اجلاس میں صدر ارشد انصاری نے بتایا کہ پی جے ایچ ایف نے واٹر سپلائی اور سیوریج کا نظام واسا اور بجلی کا نظام لیسکو کو ہینڈ آوور کرنے کیلئے لیٹر لکھ دیئے ہیں ۔ واسا اور لیسکو چند روز میں نظام ٹیک آوور کر لیں گے۔
4 ) کالونی میں گیس کے مسنگ لنکس جلد مکمل کئے جائیں گے ۔
5 ) کالونی کے خالی پلاٹوں میں جھاڑیوں کی صفائی پی ایچ اے کے تعاون سے کروائی جائے گی جبکہ خالی پلاٹوں کی صفائی کیلئے مستقل نظام بھی وضع کیا جائے گا جس کیلئے پی جے ایچ ایف خالی پلاٹس کے مالکان سے رابطہ کرے گی۔
6 ) کالونی سے کوڑا اکٹھا کرنے اور سڑکوں کی صفائی کے نظام کیلئے کوٹیشنز لی جائیں گی۔
7 ) کالونی کی آمدن اور اخراجات کیلئے علحدہ اکاﺅنٹ کھلوایا جائے گا ۔
8 ) کمیٹی نے بجلی کے نظام کی بہتری کیلئے 2 ٹرانسفامرز فوری طور پر مرمت کروانے کی منظوری دی۔
9 ) کالونی کی باﺅنڈری وال کی فوری مرمت کیلئے کوٹیشنز لینے کی منظوری دی گئی۔
10 ) کمیٹی نے رہائشیوں کی سہولت کیلئے کمرشل ایریا کی تعمیر ہونے تک ایک عارضی بازار بنانے کی منظور ی دی جس میں جنرل سٹور، سبزی، چکن، بیف و مٹن، تندور کی عارضی دکانیں قائم کی جائیں گی اور کالونی کی دیگر جگہوں پر قائم کھوکھے ختم کر دیئے جائیں گے۔
11 ) کالونی میں کسی بھی شخص یا گروہ کی طرف سے کالونی کے معاملات چلانے کیلئے مکینوں سے چندہ اکٹھا کرنے، یا کسی بھی شکل میں رقوم وصول کرنے پر سختی سے پابندی لگا دی گئی ہے ۔ ایسا کرنے والوں کے خلاف قانون کے مطابق کارروائی کی جائے گی اور مکینوں سے گذارش ہے کہ وہ ایسا کرنیوالوں کی شکایات واٹس ایپ گروپ یا ذاتی طور پر کریں۔
12 ) پنجاب جرنلسٹس ہاﺅسنگ فاﺅندیشن کے رولز کے مطابق رہائشی جگہ پر کمرشل سرگرمیوں کی اجازت نہیں ہے ، کالونی میں رہائشی گھروں میں کمرشل سرگرمیوں پر انہیںفوری طور پر بند کرنے کے نوٹس دیئے جائیں گے۔
13 ) مینجمنٹ کمیٹی اجلاس میں فیصلہ کیا گیا کہ رہائشیوں کو سڑکوں کی مرمت، سیکورٹی، واٹر سپلائی، سیوریج، سٹریٹ لائٹس، سڑکوں کی صفائی، گھروں سے کوڑے کی کلکشن، الیکٹریشن، پلمبنگ اور دیگر سہولیات فراہم کی جائیں گی جس کیلئے ماہانہ فی گھر چارجز 1500 روپے سے کم کرکے 1000 روپے ماہانہ کر دیئے ہیں۔ کنوینئر ارشد انصاری نے بتایا کہ پہلے ماہانہ پندرہ سو روپے چارجز نومبر2017 ءسے لاگو تھے جس کے بقایاجات ایک کروڑ چوبیس لاکھ روپے وزیر اعلیٰ پنجاب سے معاف کروا لئے گئے ہیں۔