انسداد دہشتگردی عدالت میں ڈیفنس کار حادثے میں ایک ہی خاندان کے 6افراد کی ہلاکت کے کیس میں ملزم افنان کے والد کی عبوری ضمانت پر سماعت ہوئی،

عدالت نے ملزم افنان کے والد شفقت اعوان کی عبوری ضمانت کنفرم کردی ،انسداد دہشتگردی عدالت کی جج عبہر گل نے محفوظ فیصلہ سنایا،عدالت نے وکلا کے دلائل کے بعد فیصلہ محفوظ کیا تھا،تھانہ ڈیفنس سی پولیس نے مقدمہ درج کررکھا ہے،

ڈی ایچ اے حادثہ کی کہانی، افنان شفقت کے والد کی زبانی

ملزم افنان کے والد شفقت کا مکمل انٹرویو سننے کے لئے یہاں کلک کریں

واضح رہے کہ ڈیفنس لاہور میں افسوسناک واقعہ پیش آیا تھا،کم عمر نوجوان نے گاڑی چلاتے ہوئے دوسری گاڑی کو ٹکر ماری جس سے دو بچوں سمیت چھ افراد کی موت ہو گئی ہے. ریسکیو حکام کے مطابق ٹریفک حادثے میں مرنیوالوں میں 45 سالہ رخسانہ، 4 سالہ عنابیہ، 4 ماہ کا حذیفہ، 27 سالہ محمد حسین، 30 سالہ سجاد، 23 سالہ عائشہ شامل ہیں،حادثہ ڈرائیور کی تیز رفتاری، غفلت اور زگ زیگ کے باعث پیش آیا،ڈرائیور کی شناخت افنان شفقت کے نام سے ہوئی، پولیس نے کم عمر ڈرائیور کو حراست میں لے کر مقدمہ درج کرلیا

 عدالت نے حکم دیا کہ بغیر لائسنس کے گاڑی چلانے والوں کو گرفتار کیاجائے

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

طیارہ حادثہ، رپورٹ منظر عام پر آ گئی، وہی ہوا جس کا ڈر تھا، سنئے مبشر لقمان کی زبانی اہم انکشاف

لاہور ہائیکورٹ، اسموگ کے تدارک سے متعلق کیس کی سماعت ہوئی

عدالت نے قانون کی خلاف ورزی کرنیوالے جوہر ٹاؤن کے کیفے کو فوری سیل کرنے کا حکم دے دیا، وکیل ایل ڈی اے نے کہا کہ لاہور کے انڈر پاسز کی تزئین و آرائش کی تعمیر 25 دسمبر تک مکمل ہو گی،جسٹس شاہد کریم نے ریمارکس دیتے ہوئے کہا کہ لاہور کے انڈر پاسز کا کام جلدی مکمل کریں، 25 دسمبر بہت دور ہےنو انڈر پاسز کی تعمیر کے باعث ٹریفک جام رہتی ہے، پیر تک مشاورت کر کے بتائیں کب تک انڈر پاسز کاکام مکمل ہو سکتا ہے،

دوسری جانب محکمہ تحفظ ماحول پنجاب نےآج کا ائیر کوالٹی انڈکس جاری کردیا،گرین فورٹ 2 ،لاہور میں اے کیو آئی 230 رہا،پنجاب یونیورسٹی لاہور کالج آف ارتھ اینڈ انوائرمینٹل سائنسز میں ایئر کوالٹی انڈکس 210ریکارڈ کیا گیا،ٹاؤن ہال لاہور میں اے کیو آئی 246نوٹ گیا،شالے ویلی رینج روڈ راولپنڈی پر اے کیو آئی 229ریکارڈ کیا گیا،شاہین ویلز فیز ٹو،لاہور فیصل آباد بائی پاس روڈ شیخوپورہ پر ایئر کوالٹی انڈکس 176نوٹ کیا گیا،یہ ڈیٹا گذشتہ چوبیس گھنٹے کی بنیادپر مرتب کیا گیا ہے.

سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

آلودگی پھیلانے والی فیکٹروں کو سیل کرنے کا حکم

 ہفتے میں 2روز گھر سے کام کرنے کی پالیسی پر عمل کرائیں

گھروں میں گاڑیاں دھونے والوں کے خلاف بھی کارروائی یقینی بنائی جائے

لاہور ہائیکورٹ: خدیجہ شاہ کی نظربندی اور توہین عدالت کی درخواستوں پر علیحدہ علیحدہ سماعت ہوئی

عدالت نے ایڈیشنل ایڈووکیٹ جنرل غلام سرور نہنگ کو ہدایات کیلئے مہلت دیدی،عدالت نے کہا کہ آپ بیان حلفی دینے کے حوالے سے ہدایات لے کر ایک گھنٹے بعد بتائیں، اگر خدیجہ شاہ آئندہ ایسا نہ کرنے کا بیان دیتی ہیں تو کیا حرج ہے ،وکیل درخواست گزار نے کہا کہ خدیجہ شاہ کی طرف سے بیان حلفی بھی دینے کو تیار ہیں،جسٹس علی باقر نجفی نے جہانزیب امین کی درخواست پر سماعت کی

خدیجہ شاہ کے شوہر جہانزیب امین نے خدیجہ شاہ کی نظر بندی کو چیلنج کر رکھا ہے ،درخواست میں ڈی سی لاہور سمیت دیگر کو فریق بنایا گیا ہے،درخواست میں موقف اختیار کیا گیا ہے کہ 15 نومبر کو ڈی سی لاہور نے خدیجہ شاہ کی نظر بندی کا نوٹیفکیشن جاری کیا،خدیجہ شاہ کی نظر بندی بدنیتی پر مبنی ہے، عدالت خدیجہ شاہ کی فوری رہائی کا حکم دے،خدیجہ شاہ کو نظر بند کرنے والے حکام کے خلاف کارروائی کا حکم دیا جائے،خدیجہ شاہ کو لاہور کی حدود سے باہر لیجانے سے روکا جائے،

دوسری جانب خدیجہ شاہ کے شوہر جہانزیب امین نے لاہور ہائیکورٹ میں میڈیا سے گفتگوکرتے ہوئے کہا کہ خدیجہ شاہ الیکشن لڑانے کا ارادہ نہیں رکھتی ،خدیجہ شاہ نے کبھی الیکشن لڑنے کے حوالے سے اظہار بھی نہیں کیا،پہلے بھی ہماری فیملی ممبران نے کہا کہ خدیجہ شاہ پی ٹی آئی میں نہیں ہیں ،خدیجہ شاہ نا پی ٹی آئی کی رکن ہیں نا کوئی آفیشل عہدہ رکھتی ہیں

جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

سروسز ہسپتال میں عمارت کا باقی حصہ بھی گر گیا۔ایک ہفتہ قبل عمارت گری تھی جس کی ابھی تک رپورٹ سامنے نہیں آ سکی تا ہم اب عمارت کا دوسرا حصہ بھی گر گیا ہے،

ای این ٹی کی پرانی چار منزلہ عمارت 30 نومبر کو دوران کنسٹرکشن گری تھی، اس وقت گرنے والی عمارت کا پچھلا حصہ زمین بوس ہوا تھا، ایم ایس ڈاکٹر ملک منیر کا کہنا ہےکہ عمارت کے اس دوسرے حصے کو گرانا تھا مگر انکوائری چل رہی تھی، تاہم اس کے انہدام سے کسی قسم کا جانی و مالی نقصان نہیں ہوا،

نگران وزیر صحت جاوید اکرم کا کہنا ہے کہ تحقیقاتی کمیٹی بنائی گئی ہے جو تمام شکوک و شبہات کا جائزہ لے گی، ریسکیو حکام کے مطابق سروسز اسپتال کی مرمت کی جانے والی بوسیدہ عمارت میں شارٹ سرکٹ ہوا، دھواں اٹھتے دیکھ کر عمارت میں کام کرنے والے مزدور باہر نکلے تو اچانک عمارت زمین بوس ہو گئی، یہ عمارت 60 سال پرانی ہے، اس بلڈنگ میں ای این ٹی ڈیپارٹمنٹ سمیت دیگر شعبہ جات سے مریضوں کا علاج کیا جا رہا تھا، کچھ ماہ سے ریویمپنگ کا کام جاری تھا

دوسری جانب ینگ ڈاکٹرز کا کہنا ہے کہ نگران حکومت نے اربوں روپے کھانے کا منصوبہ بنا لیا جو بلڈنگ کے گرنے کا باعث بنا، بل گرینائٹ کا پتھر اور باہر سے انسولیشن ٹائلز اتار کر مقامی سستے معیار کی ٹائلیں لگا کر چھ ارب روپے کھانے کا منصوبہ بنایا گیا۔ فنکشنل بلڈنگ سے مریضوں کو نکال کر توڑ پھوڑ شروع کی گئی۔ ینگ ڈاکٹرز ایسوسی ایشن کی جانب سے بار بار تنبیہ کے باوجود قیمتی پتھر اور انسولیشن ٹائلز اتارنے کا کام بند نہ کیا گیا۔ ایک ہفتہ قبل بلڈنگ کا ایک بڑا حصہ گر گیا جبکہ دوسرا حصہ آج گر چکا ہے۔تا ہم وزیر اعلی پنجاب اور سی این ڈبلیو کے سیکرٹری کی ہٹ دھرمی اور لالچ جاری ہے۔جعلی تزئین و آرائش کے نام پر اربوں روپے جھونکنے کا سلسلہ بھی جاری ہے۔بلڈنگ کا جو حصہ بچ چکا ہے وہ انتہائی کمزور ہو چکا ہے کہ وہ تزئین و آرائش کے باعث کبھی بھی گر سکتا ہے لیکن حکومت بجٹ ہڑپنے کے چکر میں کام جاری رکھنا چاہتی ہے۔

گھریلو تشدد کی شکار بچی رضوانہ کو 4 ماہ تک جنرل اسپتال میں زیر علاج رکھنے کے بعد ڈسچارج کرکے چائلڈ پروٹیکشن بیورو کے سپرد کردیا گیا ہے، رضوانہ نے صحتیابی کے بعد میڈیا سے گفتگو کرتے ہوئے کہا کہ میں بہت خوش ہوں، سب نے میرا بہت خیال رکھا ہے،ڈاکٹرز اور نرسز نے میرا بہت خیال رکھا ہے اب میری طبیعت بہتر ہو چکی ہے۔ نئی زندگی ملنے پر بہت خوش ہوں

گھریلو تشدد کی شکار ہو کر لاہور جنرل ہسپتال میں 18ہفتے زیر علاج رہنے کے بعد رو بصحت ہو کر رخصت ہونے پر رضوانہ کیلئے پرنسپل امیر الدین میڈیکل کالج پروفیسر الفرید ظفر کا منفرد اور شاندار اقدام سامنے آیا ہے جس میں انہوں نے رضوانہ کے لئے ہسپتال سے ڈسچارج ہونے پر اُسے سکول بیگ، کتابوں، یونیفارم اور ضروریات زندگی پر مشتمل اشیاء کے تحائف دیے ہیں اور متاثرہ بچی کے اہل خانہ کو یقین دلایا ہے کہ وہ آئندہ بھی رضوانہ کی تعلیم اور دیگر ضروریات کے لئے ہر ممکن تعاون کریں گے۔پروفیسر الفرید ظفر کا کہنا تھا کہ بچیاں ہم سب کی بیٹیاں ہیں اور اُن کے ساتھ معاشرے میں ایسے حادثات کا ہونا بلا شبہ افسوسناک امر ہے لیکن ضرورت اس اقدام کی ہے کہ ہم سب اپنی انفرادی اور اجتماعی ذمہ داریاں پوری کرتے ہوئے رضوانہ جیسی بچیوں کے لئے اعلیٰ تعلیم حاصل کر نے کا بندوبست کریں۔ انہوں نے کہا کہ اس اقدام سے معاشرے میں رضوانہ جیسی بچیاں خود کو اپنے پاؤں پر کھڑا کر سکیں جس کے لئے علم کی شمع کا روشن ہونا بہت ضروری ہے اسی لیے رضوانہ کو کتابوں،سکول بیگ اور دیگر اشیاء کے تحائف دیے گئے ہیں تاکہ وہ خود کو معاشرے کا سود مند شہری بنا سکیں۔پرنسپل پی جی ایم آئی نے مزید کہا کہ اس وقت معاشرے میں غربت کے باعث بڑھتی ہوئی چائلڈ لیبر میں بھی کمی لانے کی ضرورت ہے اور اُس کا بھی واحد راستہ یہی ہے کہ ہم کام کرنے والے بچوں کے ہاتھوں میں اوزار کی بجائے قلم دیں اور انہیں تعلیم کی طرف راغب کریں۔

اس موقع پر پرنسپل پروفیسر الفرید ظفر نے اٹھارہ ہفتے تک علاج کرنے والے ڈاکٹرز،نرسز اور طبی عملے کے لئے تعریفی سرٹیفکیٹس کا بھی اعلان کیا۔انہوں نے کہا کہ رضوانہ صرف ایک مرض میں مبتلا نہیں تھی بلکہ اسے بیک وقت کئی بیماریاں اور خطرات لا حق تھے اورہسپتال انتظامیہ نے اس کیس کو چیلنج کے طور پر لیا اور وزیر اعلیٰ پنجاب سید محسن نقوی اور وزیر صحت ڈاکٹر جاوید اکرم کی ہدایات کی روشنی میں ڈاکٹرز اور طبی عملے نے بہترین ٹیم ورک کا مظاہرہ کرتے ہوئے رضوانہ کی دیکھ بھال میں کوئی کسر اٹھا نہیں رکھی جس پر یہ سارا عملہ مبارکباد کا مستحق ہے۔ اُن کا یہ بھی کہنا تھا کہ ہیلتھ پروفیشنلز نے دن رات اور سرکاری تعطیلات کے دوران بھی رضوانہ کی صحت یابی کے لئے سر دھڑ کی بازی لگائے رکھی اور آج الحمد اللہ ہم اپنے مشن میں سرخرو ہوئے ہیں جس پر اللہ تعالیٰ کے حضور سجدہ شکر بجا لاتے ہیں

چئیرپرسن چائلڈ پروٹیکشن بیورو سارہ احمد @SarahAhmad_CPWB کی جنرل ہسپتال آمد .
گھریلو تشدد کا شکار کمسن ملازمہ رضوانہ سے ملاقات
رضوانہ اب مکمل طور پر صحت یاب ہوچکی ہے۔ عدالتی احکامات پر رضوانہ کو چائلڈ پروٹیکشن بیورو تحویل میں لے لیا۔ pic.twitter.com/8Y1SuLWk4V

— Child Protection & Welfare Bureau (@cpwbpunjab) December 6, 2023

چئیرپرسن چائلڈ پروٹیکشن بیورو سارہ احمد نے رضوانہ کو چائلڈ پروٹیکشن بیورو منتقل کر دیا۔چیئرپرسن سارہ احمد کا کہنا تھا کہ عدالتی حکم پر رضوانہ کو چائلڈ پروٹیکشن بیورو کی تحویل میں لیا گیا۔ چائلڈ پروٹیکشن بیورو میں رضوانہ کی مکمل دیکھ بھال کی جائے گی۔ تشدد کا شکار رضوانہ کی تعلیم اور بہتر نگہداشت کے مکمل انتظامات کئے جائیں گے۔

24 جولائی کو تھانہ ہمک میں سول جج عاصم حفیظ کی اہلیہ پر ملازمہ پر تشدد کا مقدمہ درج ہوا ،کمسن بچی رضوانہ کو ملازمت پر رکھنے کے الزام کی صفائی دینے تاحال سول جج شامل تفتیش نہ ہوئے۔ کمسن بچی کو ملازمت پر رکھنے اور تشدد سے محفوظ رکھنے کے الزام میں سول جج کو شامل تفتیش کرنا تھا۔ پہلے لاہور ہائیکورٹ پھر سیشن جج راولپنڈی کے ذریعے سول جج سے تفتیش کا کہا گیا۔ سول جج عاصم حفیظ جے آئی ٹی سربراہ اور تفتیشی کو بلا کر تحقیق کا حصہ بننا چاہتے ہیں،سول جج عاصم حفیظ کی اہلیہ بچی پر سونا چوری کرنے اور بچے کو نیند کی گولیاں دینے پر تشدد کرتی رہیں۔

عاصم حفیظ کو لاہور ہائیکورٹ او ایس ڈی بنا چکی ہے، جس کے بعد انہیں طلب کیا گیا تھا، تا ہم وہ نہیں پیش ہو رہے،جے آئی ٹی کو بھی ملزمہ کے شوہر سے بطور جج کوشامل کرنا مشکل تھا ،جے آئی ٹی کی جانب سے جج کو شامل تفتیش کرنے کیلئے لاہور ہائی کورٹ سے رجوع بھی کیا گیا تھا،جے آئی ٹی متاثرہ بچی کے والدین اور ملزمہ کا بیان ریکارڈ کر چکی ہے

جج عاصم حفیظ بار بار طلبی کے باوجود جے آئی ٹی کے سامنے پیش نہیں ہوئے

 اسد شاہ کی بیوی حنا شاہ کے بہت مظالم برداشت کئے،

13 سالہ گھریلو ملازمہ عندلیب فاطمہ تشدد کیس کی سماعت

راجہ پرویز اشرف نے بچوں پر تشدد کے بڑھتے ہوئے رجحان پر اظہار تشویش کیا

یو ای ٹی کے چیف میڈیکل آفیسر ڈاکٹر شہزاد کے خلاف تین سال سے کاروائی نہ ہو سکی

2020 میں ڈاکٹر شہزاد کے خلاف بننے والی انکوائری کمیٹی نے کہا تھا کہ ڈاکٹر شہزاد ایک وقت میں دو نوکریاں کر رہے ہیں اور لاکھوں روپے تنخواہ بھی وصول کر رہے ہیں ، انکوائری کمیٹی کی ہدایت پر وائس چانسلر کو کاروائی کے لئے کہا گیا تھا لیکن ابھی تک تین سال گزر گئے کوئی کاروائی نہیں کی گئی، ڈاکٹر شہزاد کے خلاف کاروائی کے لئے دوبارہ درخواست دے دی گئی ہے،

دوسری جانب محمد آصف یوای ٹی میں بطور رجسٹرار اپنی خدمات سرانجام دے رہے ہیں۔مبینہ طور پر وہ کئی غیر قانونی سرگرمیوں میں ملوث ہیں، اینٹی کرپشن، آڈٹ اور ایچ ای سی نے محمد آصف کے خلاف کاروائی کرنے کا کہا تا ہم یو ای ٹی کے وی سی نے کوئی کارروائی نہیں کی۔ انہوں نے اخبار میں ٹینڈر شائع کیے بغیر دکانیں الاٹ کی ہیں جو کہ پیپرا رولز کی کھلی خلاف ورزی ہے۔

دوسری جانب یونیورسٹی آف انجینئرنگ اینڈ ٹیکنالوجی لاہور کے وی سی منصور سرور کے دور میں یونیورسٹی میں ہونے والی بے ضابطگیوں اور جعلسازیوں کے بارے بڑے بڑے الزامات سامنے آئےہیں اور ڈینز اور چیئرمینز کی تقرریوں پر مبینہ انکشافات کا سلسلہ میڈیا اور سوشل میڈیا پر جاری ہے. ڈاکٹر منصور سرور نے اپنے پورے دور میں سنیارٹی لسٹ و سنیارٹی رولز کی عدم موجودگی میں تقرریاں کی۔ڈاکٹر منصور سرور نے نہ صرف خود یو ای ٹی ایکٹ کی خلاف ورزی کی بلکہ ہائر ایجوکیشن ڈیپارٹمنٹ اور چانسلر آفس کو بھی گمراہ کیا۔ ذرائع کے مطابق چیئرمین کی تقرری تین سینئر پروفیسرز میں سے وائس چانسلر کرتا ہے جبکہ ڈین کا تقرر تین سینئر پروفیسرز میں سے چانسلر یعنی گورنر کرتا ہے۔ یو ای ٹی نے کبھی سنیارٹی لسٹ یا سنیارٹی رولز ہی نہیں بنائے۔ یعنی سنیارٹی لسٹ کی عدم موجودگی میں سنیارٹی کا تعین کر لیا گیا۔

یو ای ٹی لاہور کے ایک طالب علم عبدالولی خان نے گورنر پنجاب کو خط لکھا ہے جس میں یونیورسٹی آف انجینئرنگ اینڈ ٹیکنالوجی کے سابق وائس چانسلر ڈاکٹر منصور سرور بارے انکشافات کئے ہیں، خط کی کاپی وائس چانسلر یو ای ٹی، سیکرٹری ہائر ایجوکیشن کمیشن، پنجاب ہائر ایجوکیشن کمیشن اور صدر لاہور پریس کلب کو بھی ارسال کی گئی ہے۔ خط میں یو ای ٹی لاہور کے سابق وائس چانسلر ڈاکٹر منصور سرور کیخلاف غیر اخلاقی سرگرمیوں میں ملوث ہونے پر انکوائری کا مطالبہ کیا گیا ہے۔ خط میں الزام عائد کیا گیا ہے کہ ڈاکٹر منصور سرور چار سال تک یونیورسٹی میں غیر اخلاقی سرگرمیوں ملوث، خواتین کو ہراساں کرتے رہے اور دفتر کو منفی سرگرمیوں کے لیے استعمال کرتے رہے

سیشن 2019/2023 کے شکایت کنندہ طالب علم عبد الولی خان داوڑ نے وائس چانسلر دفتر کے باہر لگے کیمروں کی چھ مہینوں کی ریکارڈنگ قبضے میں لینے کا مطالبہ کرتے ہوئے کہا کہ مخصوص خواتین کے وائس چانسلر دفتر میں داخل ہونے کے اوقات، وائس چانسلر کی قربت پانے کے بعد عہدے پر تیزی سے ترقی ملنے کو بھی دائرہ تفتیش میں شامل کیا جائے اور وی سی ہاؤس کے سی سی ٹی وی کیمروں کا ریکارڈ بھی قبضہ میں لیا جائے کیونکہ منصور سرور چار سال تک وی سی ہاؤس میں اپنی فیملی کے ساتھ شفٹ ہونے کے بجائے اسے غیر اخلاقی سرگرمیوں کے لیے استعمال کرتے رہے۔درخواست گزار نے اندیشہ ظاہر کیا ہے کہ کیمروں کی ریکارڈنگ غائب کر دی جائے گی لہٰذا مکمل ریکارڈ فوری طور پر قبضے میں لینے کے لیے ایف آئی اے کی معاونت حاصل کی جائے۔ خط میں یہ الزام بھی لگایا گیا ہے کہ پروفیسر منصور سرور نے ان خواتین کے رشتے داروں کو نوازنے کے لیے اپنی مدت ملازمت کے آخری مہینوں میں 3 سنڈیکیٹ اور تین سلیکشن بورڈز کرائے جس میں 50 سے زائد افراد کو بھرتی کیا گیا۔ اس پر الگ سے انکوائری کرانا بے حد ضروری ہے تاکہ میرٹ کی خلاف ورزیاں سامنے لائی جا سکیں۔

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

کرونا میں مرد کو ہمبستری سے روکنا گناہ یا ثواب

زیادتی کے بعد خاتون کو جلانے والے ملزم گرفتار

خواتین کی حفاظت کے لئے لگائے جائیں گے بسوں میں کیمرے

لاہور میں اسموگ کی شدت میں کمی ریکارڈ ،دنیا کے آلودہ شہروں کی فہرست میں 7ویں نمبر پر آ گیا-

باغی ٹی وی : لاہور میں صبح 8 بجے سے پہلے پارٹیکولیٹ میٹر کی تعداد 164 ریکارڈ کی گئی ہے،کراچی میں بھی فضائی آلودگی میں کمی دیکھی گئی ہے اور اب کراچی دنیا کے آلودہ ترین شہروں کی فہرست میں 9ویں نمبر پر آگیا ہے۔

اس کے علاوہ لاہور، فیصل آباد، گوجرانوالہ سمیت وسطی پنجاب میں اسموگ کے باعث شہریوں کو نزلہ، زکام، بخار اور گلے میں انفیکشن کی شکایات بھی سامنے آئی ہیں۔

بار بار دھواں چھوڑنے والی فیکٹریوں کو 10،10 لاکھ جرمانے کی ہدایت

واضح رہے کہ گزشتہ روز لاہور ہائیکورٹ باربار آلودہ دھواں چھوڑنے والی فیکٹریوں کو 10،10لاکھ جرمانہ کرنےکی ہدایت کی تھی، لاہور ہائیکورٹ کے جسٹس شاہد کریم نے حکم جاری کیا تھا،علاوہ ازیں عدالت نے حکم دیا کہ پانی ضائع کرنے والےگھریلو صارفین کے لیے 10 ہزار روپےجرمانہ عائد کیاجائے اور پانی کا بے دریغ استعمال کرنے والے کمرشل صارفین کو 20 ہزار روپے جرمانہ کیا جائے-

امریکی جیل میں ڈاکٹر عافیہ کے ساتھ جنسی زیادتی کا انکشاف

دوسری جانب سعودی عرب نے اپنےشہریوں کو پاکستان سمیت 25 ممالک کے غیر ضروری سفر سے گریز کی ہدایت کر دی ہے،سعودی محکمہ صحت کا کہنا ہے کہ ان ممالک میں متعدی امراض اور طبی سہولیات کے معیار کے پیش نظر اپنے شہریوں کو غیر ضروری سفر سے گریز کی ہدایت جاری کی گئی ہے، بیما ریوں میں ڈینگی، ہیضہ ،پولیو، یلو فیور، خسرہ ، منکی پاکس، ملیریا، کووڈ 19بھی شامل ہیں۔

امریکی سفیر کیوبا کے لیے جاسوسی کے الزام میں گرفتار

لاہور دنیا کے آلودہ ترین شہروں کی فہرست میں دوسرے نمبر پرآ گیا ہے جبکہ نئی دہلی پہلے نمبر پر اور کراچی تیسرے نمبرپر چلا گیا۔

باغی ٹی وی : لاہور میں مجموعی طور پر ایئر کوالٹی انڈیکس 221 ریکارڈکیا گیا، لاہور کے 6 علاقوں میں ایئر کوالٹی انڈیکس 300 سے زائد ریکارڈ ہوا، لاہور میں شاہراہ قائداعظم پر سب سے زیادہ 372 اے کیو آئی ریکارڈکیا گیا، ڈی ایچ اے فیز 8، گارڈن ٹاؤن، شملہ پہاڑی چوک آلودہ علاقوں میں شامل ہیں۔

دنیاکے آلودہ ترین شہروں میں نئی دہلی352 اے کیوآئی کے ساتھ پہلے نمبر پررہا، لاہور238 اے کیوآئی کے ساتھ آلودہ شہروں میں دوسرے نمبر پرہےکراچی188 اے کیوآئی کے ساتھ دنیاکے آلودہ شہروں میں تیسری نمبر پر ہے۔

آئندہ 24 گھنٹوں میں ملک کا موسم کیسا رہے گا؟

اسرائیل کی تیار کردہ ٹیک مصنوعات پر بڑا سائبر حملہ

امریکی مسلمانوں کا اگلے انتخابات میں جوبائیڈن کے خلاف مہم چلانے کا اعلان

لاہور (نمائندہ خصوصی) "ادارہِ امن و تعلیم کے زیر اہتمام بیسٹ ویسٹرن ہوٹل لاہور میں 4 روزہ تربیتی ورکشاپ کا انعقاد کیا گیا ۔

باغی ٹی وی: جمہوریت کے فروغ کے لیے نوجوانوں کے کردار” پر 4 روزہ تربیتی ورکشاپ کا انعقاد ادارہِ امن و تعلیم کے زیرِ اہتمام لاہور میں بیسٹ ویسٹرن ہوٹل میں ہوا جس میں مختلف مکاتبِ فکر سے نوجوانوں کو مدعو کیا گیا پہلے دن ڈائریکٹر پیس اینڈ ایجوکیشن فاؤنڈیشن غلام مرتضی نے ادارہِ امن و تعلیم کا مختصر تعارف کروایا، ورکشاپ کے مقاصد اور ورکشاپ کے اصول بتائے گئے۔

پہلے دن 4 مختلف سیشنز ہوئے جس میں ورکشاپ میں استعمال ہونے والی اصطلاحات، عالمی منظر نامے میں پاکستان کا جمہوری نظام، جمہوریت،اسلام اور مسلم دنیاکا نظام اور نظامِ جمہوریت میں بننے والے بیانیے پر ڈاکٹر عبدالغنی اور صاحب زادہ امانت رسول نے مفصل گفتگو کی اور ایکٹیویٹی بیسڈ سرگرمیاں کروائیں ، اس کے ساتھ ساتھ جمہوریت پر لکھی گئی کتاب "جمہوریت اور پاکستان کا نوجوان” کے خالق جنابِ ڈاکٹر محمد حسین نے کتاب کے حوالے تفصیلاً تعارف کروایا اور ورکشاپ کے دوسرے دن پروفیسر ڈاکٹر شہباز منج نے پاکستان کے جمہوری نظام کا جائزہ لیا اور شرکاء سے اس حوالے سے تفصیل سے گفتگو کی۔

ہماری زمین سے 13 گنا بڑا سیارہ، جس نے سائنسدانوں کو چکرا کر رکھ …

جواد ظفر ( ایڈووکیٹ سپریم کورٹ) نے شرکاء کو آئینِ پاکستان کے مطابق انسانی حقوق اور بطور پاکستانی شہری ہماری زمہ داریوں کے بارے میں بتایا۔ فردِ واحد کی طاقت اور پاکستانی نوجوانوں کا جمہوریت میں کردار اور پاکستان میں انتخابی نظام پر پروجیکٹ مینیجر میڈم ارسہ شفیق نے مفصل گفتگو کی اور ساتھ ہی ساتھ عملی سرگرمیاں بھی کروائی گئیں۔

ورکشاپ کے تیسرے دن سمیر علی خان نے شرکاء سے جمہوریت میں میڈیا کا کردار اور سیڈ پروجیکٹ کے بارے میں تبادلہ خیال کیا گیا ورکشاپ کے آخری اور چوتھے روز پاکستانی معاشرے کی حساستیں اور سیڈ پروجیکٹس کے ابتدائی ڈرافٹ کی پیشکش کی گئی اور اس پر فیڈ بیک دیا گیا۔

8 فروری عوام کےلئے ظلم کےنظام سےنجات کا دن ہوگا،سراج الحق

پروگرام کی اختتامی تقریب کے مہمانانِ خصوصی میں پروفیسر تیمور الرحمن (ہیڈ آف ڈیپارٹمنٹ پولیٹیکل سائنس)، پیر سید حبیب عرفانی (اسلامی نظریاتی کونسل کے ممبر) ، زنایہ چودھری ٹرانسجینڈرز (ویکٹم سپورٹ آفیسر ، نے خصوصی طور پر شرکت کی اور تقریب منعقد کرنے والوں کی حوصلہ افزائی کی اور شرکاء میں سرٹیفکیٹس بھی تقسیم کئے گئے۔

پروگرام میں میڈم عروج فاطمہ نے کوآرڈینیٹر کے فرائض سر انجام دیئے اور محمد عثمان نے چار روزہ ورکشاپ میں بطور کیمرہ مین اپنے فرائض نبھائے ی اختتام پر ڈائریکٹر پیس اینڈ ایجوکیشن فاؤنڈیشن غلام مرتضی نے سب کا شکریہ ادا کیا گیا اور ملک و قوم کی سلامتی کے لیے دعا بھی کی گئی۔

بنگلہ دیش نے موسمیاتی تبدیلی سے نمٹنے کیلئے بین الاقوامی اتحاد قائم کرلیا