Tag: لاہور

وزیر اطلاعات و ثقافت پنجاب عامر میر نے کہا ہے کہ وزیر اعلیٰ پنجاب محسن نقوی کی ہدایت پر داتا دربار ہسپتال کے انتظامی اختیارات محکمہ پرائمری و سیکنڈری ہیلتھ کیئر کو منتقل کیے جا رہے ہیں۔ہسپتال کے انتظامی اختیارات کی محکمہ صحت کو منتقلی کا فیصلہ گزشتہ رات ہسپتال کے دورے کے بعد کابینہ سے مشاورت کے بعد کیا گیا۔جس کامقصد ہسپتال کی حالت زار میں بہتری اور شہریوں کو صحت کی بہتر سہولیات کی فراہمی ہے۔سموگ پر کنٹرول کے لیے 35کڑوڑ روپے کی لاگت سے مصنوعی بارشوں کے انتظامات کی خبر درست نہیں ہے۔ نہ ہی محکمہ خزانہ کو ایسی کوئی سمری بھیجوائی گئی ہے۔سموگ کی بڑی وجہ دھواں ہے۔ دھوئیں پر کنٹرول کے لیے الیکٹرک گاڑیاں متعارف کروانے کا فیصلہ لیا گیا ہے۔ پنجاب حکومت طلبہ اور سرکاری ملازمین کو امدادی قیمتوں پر الیکٹرک موٹر سائیکلیں مہیا کرنے کی تجویز پر بھی غور کر رہی ہے۔

ان خیالات کا اظہار صوبائی وزیر نے داتا دربار ہسپتال میں وزیر اوقاف اظفر علی ناصر اور وزیر برائے پرائمری ہیلتھ ڈاکٹرجمال ناصر کے ہمراہ اہم پریس کانفرنس کے دوران کیا۔ صوبائی وزیر نے میڈیا نمائندگان کو بتایا کہ حکومت کی جانب سے سموگ پر کنٹرول کے لیے کلاؤڈ سیڈنگ ٹیکنالوجی کے استعمال کا فیصلہ کیا گیا ہے جو مصنوعی بارشوں کے لیے نسبتاً ایک کم خرچ ٹیکنالوجی ہے۔ انہوں نے بتایا کہ لاہور میں چند مقامات پر مصنوعی بارش کی تیاری کی جا رہی ہے۔ تاہم اس کے لیے آسمان پر قدرتی بادلوں کی موجودگی ضروری ہے۔ انہوں نے مزید بتایا کہ کلاوڈ سیڈنگ میں مصنوعی بارش کے لیے بادلوں پر ایک مخصوص سالڈ کا چھڑکاؤ کیا جاتاہے۔ سالڈ کے چھڑکاؤ کے لیے جو جہاز استعمال لایا جانا تھا اسے چالو کیا جا رہا ہے. جہاز کی بحالی تک مصنوعی بارشوں کے لیے کلاؤڈ سیڈنگ ممکن نہیں۔ مزید برآں کلاؤڈ سیڈنگ کیونکہ بادلوں سے مشروط ہے اس لیے مصنوعی بارش کے لیے حتمی طور پر کسی تاریخ کا تعین بھی ممکن نہیں۔ وزیر اوقاف اظفر علی ناصر نے داتا دربار ہسپتال کی محکمہ پرائمری ہیلتھ کو منتقلی کا خیر مقدم کرتے ہوئے کہا کہ مزکورہ ہسپتال 1961 میں قائم کیا گیا تھا۔آج 64 سال گزر جانے کے بعد بھی یہاں مقامی لوگوں کو علاج معالجے کی بنیادی سہولیات دستیاب نہیں۔

وزیر برائے پرائمری ہیلتھ ڈاکٹر جمال ناصر نے ہسپتال کے انتظامی ڈھانچے کی اصلاح کے لیے وزیراعلی پنجاب کے محکمہ صحت پر اعتماد پر تشکر کا اظہار کرتے ہوئے بتایا کہ محکمہ اس سے قبل طیب اردگان ٹرسٹ کے زیر اہتمام پانچ ہسپتالوں سمیت شہر کے سات سے زائد ہسپتالوں کا انتظام سنبھال چکا ہے۔ صوبائی وزیر کا کہنا تھا کہ ہمارے ہاں وسائل کی کوئی کمی نہیں ہمیں اگر کسی چیز کی ضرورت ہے تو وہ ڈاکٹرز کی محنت اور نیک نیتی ہے۔ وزیر اعلیٰ نے ہسپتال کی بہتری کے لیے ہم پر اعتماد کیا ہے۔ہم انشائاللہ ان کی امیدوں پر پورا اتریں گے

نیب میں اکثر سوالوں کے جواب میں شہباز شریف نے کہا مجھے نہیں پتہ ،ارشاد بھٹی

سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

آلودگی پھیلانے والی فیکٹروں کو سیل کرنے کا حکم

 ہفتے میں 2روز گھر سے کام کرنے کی پالیسی پر عمل کرائیں

گھروں میں گاڑیاں دھونے والوں کے خلاف بھی کارروائی یقینی بنائی جائے

سیکرٹری ویمن ڈویلپمنٹ ڈیپارٹمنٹ سمیرا صمد نے اپنی ٹیم کے ہمراہ پنجاب میں صنفی تشدد کے خلاف عالمی 16 روزہ مہم کی تیاریاں مکمل کر لیں۔

محکمہ 25 نومبر سے 10 دسمبر تک صنفی تشدد کے خلاف آگاہی مہم کا سلسلہ مؤثر سرگرمیوں کے ذریعے شروع کر رہا ہے۔اس حوالے سے صنفی تشدد سے نمٹنے اور ان کا مقابلہ کرنے کے لیے 25 نومبر کو ہر سال عالمی سطح پر خواتین کے خلاف تشدد کے خاتمے کا دن منایا جاتا ہے جبکہ اس دن کو صنفی تشدد کے خلاف یکجہتی اور عزم کا ایک طاقتور نمائندہ مانا جاتا ہے۔اس کا مقصد اسٹیک ہولڈرز کی شمولیت سے صنفی تشدد سے نمٹنے اور روکنے کے لیے فوری کارروائی کرنا ہے۔

سیکرٹری ویمن سمیرا صمد نے کہا کہ ویمن ڈویلپمنٹ ڈیپارٹمنٹ کے زیر انتظام صنفی تشدد کے خلاف 16 روزہ آگاہی مہم جامع اقدامات سے بھرپور ہو گی۔ اس سال کی مہم کی تھیم ”UNiTE! خواتین اور لڑکیوں کے خلاف تشدد کو روکنے کے لیے سرمایہ کاری کریں ” ہے۔ انہوں نے کہا کہ محکمہ کل شام مینارِ پاکستان اور پنجاب اسمبلی کی عمارت کو نارنجی روشنیوں سے منور کر دے گا۔ اس کے علاوہ ”نارنجی رنگ” جو صنفی تشدد کے تدارک کا علامتی رنگ تصور کیا جاتا ہے اسی مناسبت سے 16 روزہ آگاہی مہم کے دوران پنجاب سول سیکرٹریٹ میں صنفی تشدد کی روک تھام سے متعلق مواد کی نمائش کی جائے گی جو کہ خواتین کو ان کے قانونی حقوق، دستیاب معاون خدمات، اور صنفی تشدد کے واقعات کی اطلاع دینے کے راستے کے بارے اہم معلومات دی جائیں گی۔ انہوں نے مزید بتایا کہ پنجاب کمیشن آن دی سٹیٹس آف ویمن کے تعاون سے پنجاب جینڈر پیریٹی رپورٹ 2022 کا اجراء کیا جائے گا۔ علاوہ ازیں سرکاری افسران کے لیے خواتین کو مرکزی دھارے میں شامل کرنے، صنفی جوابی منصوبہ بندی، اور صنفی جوابی بجٹ کے بارے میں ضروری تربیت کا بھی انعقاد کیا جائے گا اور محکمہ ٹرانسپورٹ کے ذریعے آگاہی مہم چلائی جائے گی۔ اس موقع پر سیکرٹری ویمن ڈویلپمنٹ سمیرا صمد کا کہنا تھا کہ سوشل میڈیا کے ذریعے مہم کو وسعت دینے کیلئے ”OrangeTheWorld#” اور ”16 Days” جیسے ہیش ٹیگز استعمال کیے جائیں گے۔

عورت مارچ نا منظور،مردان میں "مرد مارچ” کے نعرے

مرد دوسری شادی کے بعد پہلی بیوی کو گھر سے نکال دیتا ہے،وزیراعظم

تاثر غلط ہے کہ ہراسمنٹ کا قانون صرف خواتین کے لیے ہے،کشمالہ طارق

عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے

اسلام آباد: عورت مارچ اور یوم خواتین ریلی کے شرکا میں تنازع، عورت مارچ شرکاء نے دیکھتے ہی غلیظ نعرے اورپتھراو شروع کردیا

عورت مارچ پر پتھراوَ کرنے والوں کے خلاف مقدمہ درج

حنا پرویز بٹ "عورت مارچ” کے حق میں کھڑی ہو گئیں

لاہور ہائیکورٹ: سموگ کے تدراک کے حوالے سے کیس کی سماعت ہوئی

عدالت نے درخواستوں پر سماعت,چار دسمبر تک ملتوی کر دی ،عدالت نے گرین بیلٹ پر رکاوٹیں ہٹانے کا حکم دے دیا،عدالت نے گرین بیلٹ پر کھڑی گاڑیوں کو جرمانے کرنے کا حکم دے دیا ،عدالت نے ریلیف کمشنر کے نوٹیفکیشن پر عدم اطمینان کر دیا،عدالت نے کہا کہ واٹر کمیشن خود ریلیف کمشنر سے مل کر ازسر نو نوٹیفکیشن جاری کرائے،عدالت میں وکلا نے ایل ڈی اے 24کنال پر بنائے گیے سپورٹس کمپلیکس کی نشاندہی کی گئی ،عدالت نے اس کمپلیکس کو آپریشنل کرنے کے لیے ایل ڈی اے کے وکیل کو ہدایات جاری کر دیں ،عدالت نے کہا کہ اس نوٹیفکیشن میں سقم ہے ،عدالت نے جوہر ٹاون سے اللہ ہو چوک تک تمام کیفے سیل کرنے کا حکم دے دیا۔عدالت نے کیفوں کو ٹیک وے کی اجازت دے دی ،عدالت نے حکم دیا کہ میرے آرڈر تک ان کیفوں کو ڈی سیل نہ کیا جائے،پولیس اور ادارے عدالت کے آرڈر پر عمل درآمد نہیں کرتے،صرف وزیر اعلی کے حکم پر عمل درآمد ہورہا ہے۔

میاں عرفان اکرم ایڈوکیٹ نے کہا کہ اے سی ماڈل ٹاون فی کیفے ایک لاکھ لیتا ہے ۔عدالت نے اپنے نوٹیفکیشن پر عمل درآمد کا حکم دے دیا ،عدالت نے ریلیف کمشنر کی طرف سے ہفتہ کو دفاتر تین بجے کھولنے پر افسوس کا اظہار کیا، عدالت نے کہا کہ ریلیف کمشنر کو سموگ نظر نہیں آتی، عدالت نے حکومتی نوٹیفیکیشن پر واٹر کمیشن کو کسی قسم کی مداخلت کرنے سے روک دیا،عدالت نے کہا کہ حکومت نے کاروبار اوردفاتر کا جو نوٹیفیکیشن جاری کیا ہے واٹر کمیشن مداخلت نہ کرے،

عدالت نےدھواں چھوڑنے والے بھٹہ اور فیکٹریوں کو دوبارہ سیل کرنے کا حکم دیا،واٹر کمیشن نے کہا کہ اگر حکومت دھواں اور بھٹے کنٹرول کر لیں تو سموگ کا خاتمہ ہو سکتا ہے،ڈی جی پلاننگ نے کہا کہ ڈھاکہ سے لے کر انڈیا تک پالوشن سات سو گنا زیادہ ہے ،عدالت نے کہا کہ ضرورت اس امر کی ہے کہ آپ عدالت کے فیصلوں پر عمل درآمد کرائیں، ہمیں سموگ دور سے نظرآتی ہے مگر ماحولیات کے افسروں کو کیوں نظر نہیں آتی، واٹر کمیشن نے کہا کہ ملتان میں بیشتر بھٹہ دھواں چھوڑتے ہیں ،عدالت نے کہا کہ آپ تسلیم کریں کہ سموگ ہے ،سڑکوں پر لگایا گیا پیسہ اگر سموگ پر لگایا جاتا تو اج سموگ نہ ہوتی.

سموگ ، جمعہ اور ہفتہ کو تعلیمی ادارے بند کرنے کا اعلان 

سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

آلودگی پھیلانے والی فیکٹروں کو سیل کرنے کا حکم

 ہفتے میں 2روز گھر سے کام کرنے کی پالیسی پر عمل کرائیں

گھروں میں گاڑیاں دھونے والوں کے خلاف بھی کارروائی یقینی بنائی جائے

لاہور جنرل ہسپتال میں چار ماہ قبل سرگودھا سے انتہائی تشویشناک حالت میں منتقل کی جانے والی گھریلو تشدد کا شکار 15سالہ رضوانہ مکمل طور پر صحت یاب ہو گئی ہے،

متاثرہ بچی کو نامور فزیشن ڈاکٹر جاوید اکرم کے طبی معائنے کے بعد ہسپتال سے ڈسچارج کر دیا جائے گا۔ متاثرہ کے علاج معالجے اور بحالی میں وزیر اعلیٰ پنجاب سید محسن نقوی نے خصوصی دلچسپی لی اور پرنسپل پروفیسر الفرید ظفر سے مسلسل رابطے میں رہے جنہیں ہسپتال انتظامیہ نے بچی کی صحت کے بارے میں لمحہ بہ لمحہ آگاہ رکھا جبکہ صوبائی وزیر صحت ڈاکٹر جاوید اکرم بھی بطور فزیشن گاہے بگاہے رضوانہ کا معائنہ کرتے رہے اور اپنی ماہرانہ رائے سے ڈاکٹرز کی علاج معالجے میں رہنمائی کی۔ ہسپتال انتظامیہ، ڈاکٹرز اور نرسز نے علاج معالجے اور نگہداشت میں 120دن تندہی کے ساتھ اپنی پیشہ وارانہ ذمہ داریاں نبھائیں،اللہ تعالیٰ کے فضل و کرم اور ڈاکٹرز کی دن رات مہارت سے بالآخر 4ماہ بعد بچی اپنے پاؤں پر کھڑے ہونے کے قابل ہو گئی، سونیا اپنی چھوٹی بہن رضوانہ کو بغیر سہارے چلتا دیکھ کر خوشی سے نہال دکھائی دی۔یہ امر قابل ذکر ہے کہ حکومت پنجاب ضرورت کے مطابق وقتاً فوقتا ًرضوانہ کے علاج اور اُس کے اہل خانہ کو سہولیات کی فراہمی کے سلسلے میں ہسپتال انتظامیہ ہدایات جاری کرتے رہے جس کی روشنی میں لڑکی کے اہل خانہ کو 4ماہ تک رہائش اور کھانے کی سہولت بھی فراہم کی گئی۔

ہسپتال ریکارڈ کے مطابق جس وقت رضوانہ کو جنرل ہسپتال لایا گیا تو اُس کی حالت تشویشناک تھی اور اندرونی اعضاء بھی متاثر تھے۔ دوران علاج بچی کا آکسیجن لیول غیر متوازی چلتا رہا اور بعض اوقات حالت انتہائی تشویشناک مرحلے میں بھی داخل ہوئی لیکن اب الحمداللہ رضوانہ مکمل طور پرصحت یاب ہو چکی ہے۔بچی کے بہترین علاج معالجے اور مسلسل دیکھ بھال سے ایک مرتبہ پھر زندگی کی طرف لوٹ آنے پر گھریلو تشدد کا شکار 15سالہ رضوانہ کے والدین نے وزیر اعلیٰ پنجاب سید محسن نقوی اور جنرل ہسپتال انتظامیہ کا شکریہ ادا کیا اور اپنے جذبات کا اظہار کرتے ہوئے کہا کہ وہ جھولیاں بھر بھر کر وزیر اعلیٰ پنجاب اور ہسپتال انتظامیہ کو دعائیں دے رہے ہیں۔ صحافیوں سے گفتگو میں پرنسپل پی جی ایم آئی پروفیسر الفرید ظفر کا کہنا تھا کہ اللہ تعالیٰ نے سر خرو کیا اور ہیلتھ پروفیشنلز مبارکباد کے مستحق ہیں اور مستقبل میں بھی مریضوں کو بہتر سے بہتر طبی سہولیات کی فراہمی کا سلسلہ جاری رکھیں گے

24 جولائی کو تھانہ ہمک میں سول جج عاصم حفیظ کی اہلیہ پر ملازمہ پر تشدد کا مقدمہ درج ہوا ،کمسن بچی رضوانہ کو ملازمت پر رکھنے کے الزام کی صفائی دینے تاحال سول جج شامل تفتیش نہ ہوئے۔ کمسن بچی کو ملازمت پر رکھنے اور تشدد سے محفوظ رکھنے کے الزام میں سول جج کو شامل تفتیش کرنا تھا۔ پہلے لاہور ہائیکورٹ پھر سیشن جج راولپنڈی کے ذریعے سول جج سے تفتیش کا کہا گیا۔ سول جج عاصم حفیظ جے آئی ٹی سربراہ اور تفتیشی کو بلا کر تحقیق کا حصہ بننا چاہتے ہیں،سول جج عاصم حفیظ کی اہلیہ بچی پر سونا چوری کرنے اور بچے کو نیند کی گولیاں دینے پر تشدد کرتی رہیں۔

عاصم حفیظ کو لاہور ہائیکورٹ او ایس ڈی بنا چکی ہے، جس کے بعد انہیں طلب کیا گیا تھا، تا ہم وہ نہیں پیش ہو رہے،جے آئی ٹی کو بھی ملزمہ کے شوہر سے بطور جج کوشامل کرنا مشکل تھا ،جے آئی ٹی کی جانب سے جج کو شامل تفتیش کرنے کیلئے لاہور ہائی کورٹ سے رجوع بھی کیا گیا تھا،جے آئی ٹی متاثرہ بچی کے والدین اور ملزمہ کا بیان ریکارڈ کر چکی ہے

جج عاصم حفیظ بار بار طلبی کے باوجود جے آئی ٹی کے سامنے پیش نہیں ہوئے

 اسد شاہ کی بیوی حنا شاہ کے بہت مظالم برداشت کئے،

13 سالہ گھریلو ملازمہ عندلیب فاطمہ تشدد کیس کی سماعت

راجہ پرویز اشرف نے بچوں پر تشدد کے بڑھتے ہوئے رجحان پر اظہار تشویش کیا

لاہور: انسداد دہشت گردی عدالت نے 9 مئی کے واقعات میں گرفتار ڈاکٹر یاسمین راشد، اعجاز چوہدری اور روبینہ جمیل پر فرد جرم عائد کر دی۔

باغی ٹی وی: انسداد دہشت گردی عدالت کی ایڈمن جج عبہر گل خان نے سماعت کی، ملزمان نے جرم صحت سے انکار کردیا، جس پر عدالت نے پراسیکیوشن کے گواہان کو شہادت کیلئے طلب کر لیا،اورلاہور کی انسداد دہشت گردی عدالت نے ڈاکٹر یاسمین راشد، اعجاز چوہدری اور روبینہ جمیل پر فرد جرم عائد کر دی ہے۔

عدالت نے ملزمان کیخلاف پراسیکیوشن کے گواہان کو شہادت قلمبند کرانے کیلئے طلب کرتے ہوئے کیس کی مزید سماعت 16 دسمبر تک ملتوی کر دی،ملزمان کو گزشتہ سماعت پر چالان کی کاپیاں تقسیم کی گئی تھیں۔

سندھ میں پی ٹی آئی کے 32 رہنما استحکام پاکستان پارٹی میں شامل

واضح رہے کہ ملزمان پر 9مئی کو راحت بیکری کے سامنے پولیس کی گاڑیاں جلانے کا الزام ہے،ملزمان کے خلاف تھانہ سرور روڈ میں دو مقدمات درج ہیں،مقدمہ میں بغاوت سمیت دیگر نئی دفعات شامل ہو چکی ہیں تھانہ سرور روڑ پولیس نے مقدمہ نمبر 108/23 درج کر رکھا ہے،روبینہ جمیل کو تھانہ سرور روڑ کے مقدمہ نمبر 109/23 میں پیش کیا گیا-

ایم کیو ایم رہنماؤں کی پیپلز پارٹی میں شمولیت

لاہور میں ٹریفک حادثے میں 6 افراد کی تفتیش میں اہم پیش رفت سامنے آئی ہے

ڈرائیور افنان کے ساتھ فرنٹ سیٹ پر بیٹھے دوست ابراہیم کو بھی حراست میں لے لیا گیا ،ابراہیم نے تصدیق کر دی کہ گاڑی افنان ہی چلا رہا تھا، افنان کا آج پولی گرافک ٹیسٹ بھی کروایا جائے گا ،وقوعہ کے وقت گاڑی میں چار دوست افنان،ابراہیم۔ سعد اور علی موجود تھے،ابراہیم سے ڈی آئی جی انویسٹی گیشن عمران کشور نے اپنے دفتر میں پوچھ گچھ کی، دیگر دو دوست ابھی تک فرار ہیں، سعد اور علی کی گرفتاری کے لئے پولیس چھاپے مار رہی ہے،مرکزی ملزم افنان جوڈیشل ریمانڈ پر پولیس حراست میں ہے۔

واضح رہے کہ ڈیفنس لاہور میں افسوسناک واقعہ پیش آیا تھا،کم عمر نوجوان نے گاڑی چلاتے ہوئے دوسری گاڑی کو ٹکر ماری جس سے دو بچوں سمیت چھ افراد کی موت ہو گئی ہے. ریسکیو حکام کے مطابق ٹریفک حادثے میں مرنیوالوں میں 45 سالہ رخسانہ، 4 سالہ عنابیہ، 4 ماہ کا حذیفہ، 27 سالہ محمد حسین، 30 سالہ سجاد، 23 سالہ عائشہ شامل ہیں،حادثہ ڈرائیور کی تیز رفتاری، غفلت اور زگ زیگ کے باعث پیش آیا،ڈرائیور کی شناخت افنان شفقت کے نام سے ہوئی، پولیس نے کم عمر ڈرائیور کو حراست میں لے کر مقدمہ درج کرلیا

 عدالت نے حکم دیا کہ بغیر لائسنس کے گاڑی چلانے والوں کو گرفتار کیاجائے

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

طیارہ حادثہ، رپورٹ منظر عام پر آ گئی، وہی ہوا جس کا ڈر تھا، سنئے مبشر لقمان کی زبانی اہم انکشاف

جنید جمشید سمیت 1099 لوگوں کی موت کا ذمہ دار کون؟ مبشر لقمان نے ثبوتوں کے ساتھ بھانڈا پھوڑ دیا

اے ٹی سی کی وائس ریکارڈنگ لیک،مگر کیسے؟ پائلٹ کے خلاف ایف آئی آر کیوں نہیں کاٹی؟ مبشر لقمان نے اٹھائے اہم سوالات

لاہور ہائیکورٹ نے اسموگ کے باعث جنوری کے آخر تک ہفتے کے روز تمام تعلیمی ادارے بند رکھنے کا حکم دے دیا

عدالت نے ڈپٹی کمشنر سمیت دیگر کو سکول ،کالجز اور یونیورسٹیز بند کرنے کا نوٹیفکیشن جاری کرنے کی ہدایت کردی ،جسٹس شاہد کریم نے اسموگ کے تدارک کے لیے دائر درخواستوں کا تحریری حکم جاری کردیا ، تحریری حکم میں عدالت نے کہا کہ پنجاب حکومت ہفتے کے دو روز ورک فرام ہوم کرنے کے حوالے سے اقدامات کررہی ہے،نوٹیفکیشن میں جم بند کرنے کا لفظ معطل کیا جاتا ہے ،یہ نوٹیفکیشن کرونا کی شق کے تحت کیا گیا اسے مزید لاگو نہیں کیا جاسکتا،اسموگ کے خلاف کاروائیاں نہ کرنے والے محکمہ ماحولیات ایسے افسران کے خلاف محکمانہ کاروائی کرے،

نیب میں اکثر سوالوں کے جواب میں شہباز شریف نے کہا مجھے نہیں پتہ ،ارشاد بھٹی

سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

آلودگی پھیلانے والی فیکٹروں کو سیل کرنے کا حکم

 ہفتے میں 2روز گھر سے کام کرنے کی پالیسی پر عمل کرائیں

گھروں میں گاڑیاں دھونے والوں کے خلاف بھی کارروائی یقینی بنائی جائے

وکیل نے کہا کہ محکمہ ماحولیات کا کہنا ہے کہ ا سموگ کا 40 فیصد بھارت سے آیا ہے ،عدالت نے کہا کہ محکمہ ماحولیات کو کچھ پتہ نہیں ہے ،برطانیہ میں ججز آج بھی سائیکل پر دفتر آتے ہیں،آپ سائیکلنگ کو فروغ دیں لاہور والے 5 ماہ بعد آپ کو سائیکلوں پر نظر آئیں گے، یہ سب حکومتی ادارے کرسکتے ہیں .

لاہور بار ایسوسی ایشن نے پاکستان تحریک انصاف کے وکلا سے لاتعلقی کا اعلان کردیا۔

باغی ٹی وی: سیکریٹری لاہور بار کے مطابق لاہور بار ایسوسی ایشن پروفیشنل وکلا کی بار ہے جو کسی سیاسی جماعت کی حمایت نہیں کرتی، اگر کوئی وکیل کسی سیاسی جماعت سے تعلق رکھتا ہے تو وہ اس کا ذاتی فعل ہے، لاہور بار سیاسی طور پر کسی کے قول فعل کی حمایت نہیں کرتی، سیاسی الیکشن لڑنے والے وکلاء کے لیے لاہور بار ذمہ دار نہیں ہے لاہور بار کا مقصد وکلاء کی فلاح وبہبود ہے بار کسی بھی وکیل کے فیصلوں کی تائید نہیں کرتی-
https://x.com/chsandhilaa/status/1725925900213248464?s=20