Tag: لاہور

امیر جماعت اسلامی سراج الحق نے جنرل اسپتال میں جج کی بیوی کے تشدد کا شکار کم سن ملازمہ رضوانہ کی عیادت کی۔سراج الحق نے رضوانہ کے اہلخانہ کو ساتھ دینے کی یقین دہانی کروائی اور کہا کہ رضوانہ کو انصاف دلانے کیلئے بھرپور تعاون کریں گے۔امیر جماعت اسلامی سراج الحق نے کہا کہ جج کے گھر میں کمسن ملازمہ رضوانہ پر تشدد پوری قوم کیلئے شرمندگی کا باعث ہے، یہ شرمناک واقعہ ایک جج کے گھر میں ہوا۔ یہ پہلا واقعہ نہیں بلکہ راولپنڈی میں پہلے بھی ایسا ہو چکا ہے۔
سراج الحق نے کہا کہ یہ واقعہ ایسے گھر میں ہوا ہے جس کا سربراہ لوگوں کو قانون کا درس دیتا تھا، اس جج کا کام لوگوں کو انصاف دلانا تھا لیکن اس جج کے گھر کا ماحول ہی شرمناک تھا۔

لاہور۔ صوبائی دارالحکومت لاہور میں موسلادھاربارش، نشیبی علاقے زیرآب آ گئے

بارش سے حبس ختم، موسم خوشگوار ہو گیا،محکمہ موسمیات کے مطابق آئندہ گھنٹوں کے دوران مزید بارش کا امکان ہے، بارش کے بعد لیسکو کے 95 فیڈرز ٹرپ کرگئے،فیڈرز ٹرپ ہونے سے متعدد علاقوں میں برقی رو کی سپلائی معطل ہو گئی، گلیوں میں پانی کھڑا ہونے سے شہریوں کو گھروں سے باہر جانے میں مشکلات کا سامنا ہے

شہر بھر میں موسلا دھار بارش ،سب سے زیادہ بارش گلشن راوی میں 130 ملی لیٹر بارش ہوئی ،پانی والا تالاب 125 ملی لیٹر بارش ہوئی ،لکشمی چوک میں 64 ملی لیٹر بارش ہوئی ،قرطبہ چوک میں 50 ملی لیٹر بارش ہوئی .تاج پورہ میں 45 ملی لیٹر بارش ہوئی ،نشتر ٹاؤن 44 ملی لیٹر بارش ہوئی ،سمن آباد 34 ملی لیٹر بارش ہوئی ،اقبال ٹاؤن 32 ملی لیٹر بارش ہوئی

موسلا دھار بارش کے پیش نظر ضلعی انتظامیہ متحرک رہی۔ ڈی سی لاہور رافعہ حیدر کی ہدایت پربارش تھمتے ہی بروقت اور تیز رفتار آپریشن شروع کیا گیا۔ڈی سی لاہور نے بتایا کہ نکاسی آب کے پوائنٹ کلئیر کر کے فوری آپریشن شروع کیا گیا

جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

سپریم کورٹ میں گن اینڈ کنٹری کلب کیس کی سماعت، عدالت نے دیا حکومت کو بڑا جھٹکا

گن اینڈ کنٹری کلب سے متعلق کیس کی سماعت،سپریم کورٹ کا بڑا حکم

امیر جماعت اسلامی سراج الحق کا کہنا ہے کہ حضرت حسینؓ اور ان کے ساتھیوں نے ملوکیت کو چیلنج کیا، پاکستان اسلام کے نام پر قائم ہوا، یہاں ملوکیت قائم ہے۔لاہور میں محرم کے موقع پر اپنے بیان میں سراج الحق نے کہا کہ حسینیت اور یزیدیت آج بھی برسرِ پیکار ہیں۔ انہوں نے کہا کہ دنیا میں یزید کا ساتھی جنت میں حسینؓ کا ہمراہی نہیں ہوگا، حق کا ساتھ دینا اور اس پر ڈٹے رہنا اصل کامیابی ہے۔انہوں نے کہا کہ حضرت حسینؓ ہمارے آئیڈیل ہیں، ان کی قربانی، قربانیوں کی معراج ہے۔امیر جماعت اسلامی کا کہنا تھا کہ حضورﷺ نے فرمایا جو شخص ظالم کا ساتھ دے اس کا امت سے کوئی واسطہ نہیں۔
سراج الحق نے کہا کہ کربلا کا سبق یہ نہیں کہ مردہ یزید پر لعن طعن، زندہ یزید کا جھنڈا اٹھا رکھا ہو۔

حضرت سید علی بن عثمان الہجویری ؒالمعروف حضرت داتا گنج بخشؒ کے مزار کو سالانہ غسل مبارک دینے کی تقریب آج منعقد ہوئی۔نگران وزیراعلیٰ پنجاب محسن نقوی،وفاقی وزیر خزانہ اسحاق ڈار،صوبائی وزیراوقاف اظفر علی ناصر،سینئر ممبر بورڈ آف ریونیو،سیکرٹری اوقاف، کمشنر لاہور ڈویژن، سی سی پی او لاہور،سیکرٹری ایکسائز،بلال یاسین اورعقیدت مندوں کی بڑی تعداد کی مزار کو سالانہ غسل مبارک دینے نے تقریب میں شرکت کی۔محسن نقوی،اسحاق ڈاراوردیگر شخصیات نے حضرت سید علی بن عثمان الہجویریؒ المعروف حضرت داتا گنج بخشؒ کے مزار کو عرق گلاب سے غسل دیا۔محسن نقوی اوراسحاق ڈارنے مزار پرپھولوں کی چادر چڑھائی۔محسن نقوی،اسحاق ڈار اورسینکڑوں عقیدت مندوں نے اس موقع پر ملک کی ترقی، خوشحالی، استحکام اورقیام امن کیلئے دعا کی۔

نگران وزیراعلیٰ پنجاب محسن نقوی اوروفاقی وزیر خزانہ اسحاق ڈارنے حضرت داتا گنج بخش ؒ کے دربار کے توسیعی منصوبے کا سنگ بنیاد رکھ دیا ،محسن نقوی اوراسحاق ڈار نے ”نذرانہ آن لائن“ ایپ اور غلام گردش کے توسیعی منصوبے کا بھی آغاز کیا .”نذرانہ آن لائن“ کے ذریعے بیرون ملک بیٹھ کر لنگر بھی تقسیم کرایا جاسکے گا۔

”نذرانہ آن لائن“کے ذریعے صفائی،سکیورٹی اورخادمین کو بھی نذرانہ دیا جاسکے گا۔ ”نذرانہ آن لائن“کے ذریعے 24گھنٹے مزار کے اندرونی حصے کی زیارت بھی کی جاسکے گی۔ ”نذرانہ آن لائن“کے ذریعے لنگر تقسیم کروانے اورچادر چڑھانے والے لائیو بھی دیکھ سکیں گے ”نذرانہ آن لائن“کے ذریعیحضرت سید علی بن عثمان الہجویری ؒالمعروف حضرت داتا گنج بخشؒ کے عقیدت مند دنیا کے کسی بھی حصے میں آن لائن نذرانہ پیش کرسکیں گے .نیالنگر خانہ اورکمرشل کچن بھی بنایا جائے گا ایڈمن بلاک،ایگزیکٹو وی آئی پی لانچ،ڈائننگ ہال اورگارڈن بھی بنائے جائیں گے داتا گنج بخش کمپلیس میں لائبریری اورمیوزیم بھی بنائے جائیں گے گولڈن گیٹ کے سامنے 17 کنال اراضی حاصل کر کے کمپلیکس کو توسیع دی جائے گی۔

نگران وزیراعلی محسن نقوی اور وفاقی وزیر اسحاق ڈار نے میڈیا سے گفتگو کی، وفاقی وزیر اسحاق ڈار نے نگران وزیراعلیٰ محسن نقوی کوداتا دربارکے توسیعی پراجیکٹ کے آغاز پر مبارکبادپیش کی اوراسے تیسری بڑی توسیع قراردیا

کرائم ونگ کی ٹیم نے اسلام آباد میں بھروسہ ایپ کے دفتر پر چھاپہ مارا 

26 سال کے بعد بھی شاہ رخ خان کا کرشمہ قائم ہے شامک داور

کرشنا ابھیشیک نے اپنے ماموں گووندا اور ممانی کے ساتھ جھگڑے کی خبروں پر رد عمل دیدیا

سورو گنگولی نغمہ کے ساتھ اپنی دوستی چھپا کر رکھنا چاہتے تھے لیکن کیا ہوا؟‌

دوسری جانب محرم الحرام ویوم عاشور سکیورٹی پلان،نگران وزیراعلیٰ محسن نقوی کی ہدایت پر پنجاب حکومت کی پوری انتظامیہ و پولیس متحرک ہوگئی۔چیف سیکرٹری پنجاب زاہد اختر زمان اور آئی جی پولیس ڈاکٹر عثمان انورنے راولپنڈی میں مرکزی جلوس کے روٹ کا دورہ کیا۔صوبائی وزیرڈاکٹرجمال ناصراور ایڈیشنل چیف سیکرٹری داخلہ شکیل احمد بھی ہمراہ تھے۔چیف سیکرٹری اور آئی جی نے امن کمیٹی کے ہمراہ مرکزی جلوس کے روٹ، امام بارگاہ کرنل مقبول اور امام بارگاہ قدیمی کا معائنہ کیا۔چیف سیکرٹری اور آئی جی نے میونسپل کارپوریشن میں قائم کنٹرول روم میں مانیٹرنگ کے عمل کا جائزہ لیا۔صوبائی وزیرجمال ناصر نے کہا کہ وزیر اعلیٰ پنجاب نے صوبائی وزراء کو بھی سیکورٹی انتظامات کی نگرانی کی ذمہ داریاں تفویض کی ہیں۔ چیف سیکرٹری نے کہا کہ محرم الحرام کے دوران امن و امان برقرار رکھنے کیلئے ہر ممکن اقدامات کئے گئے ہیں۔عشرہ محرم کے دوران انتظامیہ، پولیس اور قانون نافذ کرنیوالے ادارے دن رات فیلڈ میں موجود ہیں۔ روٹس کا دورہ کیا ہے، صفائی اور دیگر انتظامات تسلی بخش ہیں۔

چیف سیکرٹری نے ہدایت کی ہے کہ بارش کی صورت میں جلوس کے روٹ کو کلیئر رکھا جائے۔مذہبی ہم آہنگی، اتحاد و اتفاق وقت کا تقاضا ہے۔امن اور بھائی چارے کی فضا برقرار رکھنے میں امن کمیٹیوں کا کردار قابل تعریف ہے۔ آئی جی پنجاب نے کہا کہ جلوسوں اور مجالس کے اختتام تک سکیورٹی ہائی الرٹ رہے گی۔ فول پروف سیکیورٹی یقینی بنانے کیلئے انٹیلی جنس بیسڈ آپریشنز کئے جا رہے ہیں۔ امن و امان برقرار رکھنے کیلئے علماء کرام کا تعاون حاصل ہے۔ عاشورہ پر راولپنڈی میں 6 ہزاراور صوبہ میں ایک لاکھ سے زائد اہلکار سکیورٹی کے فرائض سر انجام دیں گے۔ ڈویژنل کمشنر، آر پی او،ڈپٹی کمشنر راولپنڈی اور متعلقہ افسران بھی اس موقع پر موجود تھے

جماعت اسلامی پاکستان کے امیر سراج الحق نے کہا ہے کہ اگر اسحاق ڈار کو ہی نگراں وزیراعظم بنانا ہے تو پھر شہباز شریف کو ہی رہنے دیں، نگراں وزیراعظم نیوٹرل ہونا چاہیے، ہم کوئی ٹوپی ڈرامہ قبول نہیں کریں گے۔لاہور میں پریس کانفرنس کرتے ہوئے سراج الحق نے کہا کہ اسحاق ڈار موجودہ حکومت کے وزیر خزانہ ہیں وہ نگراں وزیراعظم کیسے بن سکتے ہیں۔ حکومت رخصتی سے قبل بجلی کی قیمتوں میں اضافہ واپس لے۔سراج الحق نے کہا کہ سمجھ نہیں آرہا کہ کس کے کہنے پر نگراں حکومت کے اختیارات میں اضافہ کیا گیا، یہ اقدام آئندہ عام انتخابات کے خلاف سازش ہے۔سراج الحق نے کہا کہ موجودہ حکومت نے جاتے جاتے 3 دفعہ بجلی کی قیمتوں میں 72 فیصد تک اضافہ کیا، ہمارا مطالبہ ہے کہ آئی ایم ایف کے ساتھ کیے گئے معاہدے اسمبلی میں پیش کیے جائیں۔انہوں نے کہا کہ موجودہ حکمرانوں نے بدترین مہنگائی کی، آٹے اور ادویات کی قیمتوں میں کئی گنا اضافہ کیا گیا، بجلی بلوں میں ریڈیو ٹیکس بھی لگایا گیا ہے، اس وقت لوگ خود کشی پر مجبور ہو چکے ہیں۔
امیر جماعت اسلامی نے کہا کہ موجودہ حکومت ناکام ترین ثابت ہوئی ہے، ان کا جتنی جلدی اختتام ہو جائے بہتر ہے، انہوں نے تو بس اپنے کیسز ہی ختم کروائے ہیں، سراج الحق نے حکومت سے انتخابات وقت پر کرنے کا مطالبہ کیا
امیر جماعت اسلامی نے کہا کہ حکومت کے ظلم و جبر کی وجہ سے ادارے مفلوج ہو کر رہ گئے ہیں۔ موجودہ حکمرانوں کے ہوتے ہوئے عوام کے لیے خیر کی کوئی خبر نہیں ہے۔انہوں نے کہا بہاولپور یونیورسٹی کا اسکینڈل سامنے آنا انتہائی تشویشناک ہے، استاد اور طالبعلم کا مقدس رشتہ ہوتا ہے، ہم نے حکومت کو 3 اگست تک ڈیڈ لائن دی ہے کہ واقعہ ملوث افراد کو کٹہرے میں لایا جائے۔

لاہور ہائیکورٹ نے بارش کے دوران سی بی ڈی کے انڈر پاسز کے نیچے پانی جمع ہونے پر اظہار برہمی کیا ہے

عدالت نے سی بی ڈی،سنٹرل بزنس ڈسٹرکٹ کو تا حکم ثانی کام کرنے سے روک دیا،جسٹس شاہد کریم نے ریمارکس دیتے ہوئے کہا کہ عدالت سی بی ڈی منصوبے کی تحقیقات کے لئے کمیٹی تشکیل دے گی ، کمیٹی موقع کا جائزہ لے کر رپورٹ پیش کرے گی، پھر دیکھیں گے،

جسٹس شاہد کریم نے سموگ تدارک کے متعلق کیس کی سماعت کی ،پنجاب حکومت کی جانب سے اسٹنٹ ایڈوکیٹ جنرل شیبا قیصر پیش ہوئے، ایل ڈی اے ، محکمہ ماحولیات ،ٹریفک پولیس ، سمیت دیگر محکموں کے نمائندے پیش ہوئے ،ممبران ماحولیاتی کمیشن نے عدالتی احکامات پر عمل درآمد کے متعلق رپورٹ پیش کی ،سی بی ڈی کے وکیل شازب مسعود نے انڈر پاسز منصوبے کے حوالے سے تحقیقاتی رپورٹ پیش کی ،عدالت نے سی بی ڈی کی حکومتی تحقیقاتی رپورٹ پر عدم اطمینان کا اظہار کیا، عدالت نے سی بی ڈی کے انڈر پاسز میں پانی جمع ہونے پر اظہار ناراضگی کیا، جسٹس شاہد کریم نے سی بی ڈی وکیل سے مکالمہ کرتے ہوئے کہا کہ بتائیں حکومت کس طرح کی رپورٹس بنا رہی ہے، سب کے بارے میں کچھ لکھا ہے ، سی ای او جو ذمہ دار ہے اس کے بارے میں کچھ نہیں لکھا، وکیل سی بی ڈی شازب مسعود نے کہا کہ وزیر اعلی پنجاب نے انکوائری کمیٹی بنانی ہے ، جسٹس شاہد کریم نے ریمارکس دیتے ہوئے کہا کہ سب سے پہلے جس کا نام آنا چاہیے ، جس کا نام ہونا چاہیے وہ نہیں ہے ، جسٹس شاہد کریم نے سی بی ڈی وکیل سے مکالمہ کرتے ہوئے کہا کہ گلبرگ کے جتنے ایریا میں پانی گیا ہے اس کی نشاندھی کریں ، فی الحال کام بند کردیں ، کمیٹی بناتا ہوں ، فی الحال وہاں سارے کام روک دیں ،

سی بی ڈی کے وکیل نے فاضل جج سے استدعا کی کہ آپ کمیٹی بنادیں ،کام نہ روکیں ۔ جسٹس شاہد کریم نے ریمارکس دیتے ہوئے کہا کہ انڈر پاسز کے معاملے پر روزانہ اخراجات بڑھا دیتا ہے، اس کے باوجود انڈر پاسز کے نیچے پانی کھڑا ہے، ایل ڈی اے انڈر پاسز بناتا ہے وہاں تو پانی اکٹھا نہیں ہوتا ، سی بی ڈی نے ایک ہی انڈر پاس بنایا ہے تو لوگوں کے گھروں میں پانی چلا گیا، یہ عوامی پیسہ ہے، اس کو کس طرح استعمال کیا جارہا ہے،دوران سماعت پنجاب حکومت کی خاتون وکیل خاموش کھڑی رہی عدالت نے کیس کی مزید سماعت ستمبر تک ملتوی کردی

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

لاہور ہائیکورٹ ،چوہدری پرویز الہی کو اسپیشل سینٹرل عدالت میں پیش نہ کرنے کا معاملہ ،لاہور ہائیکورٹ میں ہوم سیکرٹری ،آئی جی پنجاب ،آئی جی جیل خانہ جات نے 50 ہزار روپے جرمانہ،تنخواہیں بند کرنے اور شوکاز نوٹس جاری کرنے کے فیصلے کے خلاف درخواست پر سماعت ہوئی

جسٹس شجاعت علی خان پنجاب حکومت کے تینوں افسران کی درخواست پر سماعت سے معذرت کرلی ،جسٹس شجاعت علی خان نے ریمارکس دیتے ہوئے کہا کہ ذاتی وجوہات کی بنیاد پر کیس کی سماعت نہیں کر سکتا جسٹس شجاعت علی خان نے فائل واپس برانچ میں بھجوا دیا ،تینوں افسران کی جانب سے ایڈووکیٹ جنرل پنجاب خالد اسحاق پیش ہوئے ،درخواست ہوم سیکرٹری، آئی جی پنجاب اور آئی جی جیل کی جانب سے دائر کی گئی

درخواست میں پرویز الہی سمیت دیگر کو فریق بنایا گیا ،اسپیشل جج سنٹرل کورٹ نے عدالتی حکم کے باجود پرویز الٰہی کو پیش نہ کرنے پر تینوں افسران کے خلاف فیصلے جاری کیا تھا ،درخواست میں موقف اختیار کیا گیا تھا کہ چوہدری پرویز الہی کو قانون کے مطابق لاہور سے راولپنڈی جیل منتقل کیا گیا پرویز الہی کو نظر بندی کا نوٹیفکیشن کے بعد روالپنڈی جیل منتقل کیا گیا اسپیشل سینٹرل عدالت کے جج نے غیر قانونی طور پر شوکاز نوٹس جاری کیا عدالت تین افسران کو جاری شوکاز نوٹس کا حکم کالعدم قرار دے عدالت درخواست کے فیصلے تک شوکاز نوٹس کے احکامات کو معطل کرے

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

واضح رہے کہ کل چوہدری پرویز الٰہی کے خلاف منی لانڈرنگ کے مقدمے کی سماعت ہوئی،پولیس نے پرویز الہی کو عدالت کے روبرو پیش نہ کیا ،عدالت نے آئی جی پنجاب ،آئی جی جیل خانہ جات اور ہوم سیکرٹری کی تنخواہ بند کرنے کا حکم دے دیا ،عدالت نے پرویز الہی کو عدالتی احکامات کے باوجود پیش کہ کرنے پر تںخواہ بند کرنے کا حکم دیا عدالت نے پرویز الہی کو اجازت کے بغیر روالپنڈی جیل منتقل کرنے پر تین افسران کو پچاس پچاس ہزار روپے جرمانہ کردیا ،عدالت نے ہوم سیکرٹری ، آئی جی پنجاب ، آئی جی جیل خانہ جات کو 50ہزار روپے جرمانہ کردیا ،عدالت نے تین افسران کو شوکاز نوٹس بھی جاری کردیا ،عدالت نے کاروائی پانچ اگست تک ملتوی کردی