Tag: ماہرہ خان

دا لیجنڈآف مولا جٹ کا ٹریلر نہ صرف پاکستانیوں بلکہ بھارتیوں کو بھی بھاہ گیا. بھارتی شوبز ستارے بھی ٹریلر کی تعریف کئے بنا نہیں رہے. فلم میکر انوراگ کشیپ نے ٹوئٹ میں فلم کے ٹریلر کا لنک شئیر کرتے ہوئے کیپشن لکھا کہ بالآخر وہ فلم جو مجھے کافی پسند ہے اور جسے آپ سب واقعی دیکھنا چاہیں گے، اس کا ٹریلر ریلیز کردیا گیا ہے۔بھارتی مشہور ناقد عمیر سندھو نے بھی ٹوئٹ میں لکھا کہ ہم کہہ سکتے ہیں کہ پاکستان کی پہلی 100 کروڑ کمانے والی فلم آرہی ہے۔ ایک اور مشہور بھارتی فلم ناقد توتیجا جگندر نے بھی دی لیجنڈ آف مولا جٹ کے ٹریلر کی تعریف کی اور کہا کہ یہ اب تک کی سب سے

کامیاب ترین فلم ہوسکتی ہے، فواد خان ،ماہرہ خان اور بلال لاشاری نے یقینا کچھ بہترین بنایا ہے۔ سدھارتھ ملہوترا نے بھی اپنی سوشل میڈیا پوسٹ میں فلم کے ٹریلر کی بے انتہا تعریف کی. یاد رہے کہ مولا جٹ پاکستان کی ابھی تک کی سب سے بڑے بجٹ کی فلم ہے. عمارہ حکمت کی بطور پرڈیوسر یہ پہلی فلم ہے جبکہ بلال لاشاری ایک اسٹیبلش ڈائریکٹر ہیں.اس فلم کی ریلیز کورونا اور کاپی رائٹس کےایشو کی وجہ سے تاخیر کا شکار رہی ہے.فلم کے ٹریلر نے سوشل میڈیا پا دھوم مچا رکھی ہے. یہ فلم روایتی فلموں سے یقینا ہٹ کر ثابت ہو گی لیکن دیکھنا یہ ہے کہ دا لیجنڈ آف مولا جٹ پرانی مولا جٹ کے سحر سے شائقین کو نکالنے میں کتنی کامیابی حاصل کرپاتی ہے.

دا لیجنڈ آف مولا جٹ جس کی ریلیز کا شائقین کو بے چینی سے انتظار ہے. کہا جا رہا ہے کہ فلم 13 اکتوبر کو سینما گھروں‌کی زینت بننے جا رہی ہے. فلم کی ایگزیکٹیو پرڈیوسر عمارہ حکمت بھی خاصی خوش ہیں ان کا کہنا ہے کہ فلم ہم نے بہت محنت اور دل سے بنائی ہے امید ہے ہ شائقین اسکو ضرور سراہیں گے. بلال لاشاری کی ڈائریکشن میں بنی اس فلم کی ریلیز چار سال سے رکی ہے کبھی کورونا تو کبھی عدالتی کاروائیاں. فلم کا پہلا ٹریلر 2018 میں ریلیز ہوا ٹریلر نے ریلیز ہوتےہی دھوم مچا دی لیکن سرور بھٹی جنہوں نے پنجابی مولا جٹ بنائی تھی وہ کاپی رائٹس کا معاملہ عدالت لے گئے یہ معاملہ کلئیر ہوا تو پھر

فلم کی ریلیز کورونا کی وجہ سے رکی رہی.فواد خان ، ماہرہ خان ، حمزہ علی عباسی اپنے کیرئیر کے یقینا مختلف کرداوں میں نظر آئیں گے. ماہرہ خان اس میں بہت ہی خوبصورت انداز میں پنجابی بولتی ہوئی نظر آرہی ہے. ماہرہ خان کا ایک ڈائیلاگ ”وے مولیا دس دے ایناں توں میں تیری پکی پکی مشوق آں” بہت ہٹ ہوا ماہرہ خان کہیں بھی جاتی ہیں تو ان سے اس ڈائیلاگ کے بولنے کی فرمائش کی جاتی ہے. کہا جا رہا ہے کہ فواد خان بھی فلم کی ریلیز پر کافی خوش ہیں ان کا کہنا ہے کہ ہم نے اس فلم کو بناتے ہوئے بہت مزہ کیا یقینا دیکھنے والے بھی لطف اندوز ہوں گے.

اداکار فہد مصطفی جن کی ماہرہ خان کے ساتھ حال ہی میں فلم قائداعظم زندہ باد ریلیز ہوئی ہے، فلم ابھی تک کافی اچھا بزنس کررہی ہے. فلم کا بزنس اور لوگوں میں اس کی مقبولیت کو دیکھ کر اسے سپر ہٹ کہا جا سکتا ہے. فہد مصطفی اور ماہرہ خان پہلی بار ایک ساتھ دکھائی دئیے ہیں اس سے قبل دونوں کسی فلم میں تو دور کی بات ہے کسی کمرشل تک میں ایک ساتھ نظر نہیں آئے. دونوں کی آن سکرین جوڑی کو شائقین بہت سراہ رہے ہیں. ماہرہ خان کے ساتھ کام کے ھوالے سے اداکار، پرڈیوسر و میزبان کئی بار کام کرنے کا تجربہ شئیر کر چکے ہیں. ھال ہی میں انہوں نے ایک بار پھر کہا ہے کہ ماہرہ خان کے

ساتھ کام کرناا ان کے لئے کسی اعزاز سے کم نہیں‌ ہے. فہد مصطفی نے اعتراف کیا کہ وہ ماہرہ خان کے بہت بڑے مداح ہیں اور اپنی فیورٹ اداکارہ کے ساتھ کام کرنا ان کے لئے نہ صرف باعث فخر اور باعث عزت ہے بلکہ اعزاز کی بات ہے. فہد مصطفی فلم قائداعظم زندہ باد کی پرموشنز کے دوران بھی کئی بار کہہ چکے ہیں کہ انہیں جب ماہرہ خان کے ساتھ کام کرنے کی آفر ہوئی تو انہوں نے فورا قبول کر لی کیونکہ ان کی خواہش تھی کہ وہ اداکارہ کے ساتھ کام کریں. فہد مصطفی ماہرہ خان کی خوبصورتی کی تو تعریف کرتے ہی ہیں بلکہ ان کا کہنا ہے کہ بطور انسان ماہرہ خان بہت اچھی ہیں اور ان کے ساتھ کام کرکے محسوس نہیں‌ہوتا کہ آپ کسی بہت بڑی سلیبرٹی کے ساتھ کام کررہے ہیں.

نوے کی دہائی کی سپر ہٹ اداکارہ ریشم نے معروف مصنف خلیل الرحمان قمر کو کھری کھری سنا دیں اور کہا کہ نوجوان نسل کی نمائندہ فنکاری کے خلاف ہر وقت بولتے رہنے کا کوئی مقصد نہیں ہے اور میں اس طرح کی بے جا تنقید کو پسند نہیں کرتی. اداکارہ نے حال ہی میں ایک انٹرویو کے دوران یہ بھی کہا کہ خلیل الرحمان قمر سوشل میڈیا پر خبروں میں رہنے کے لئے خوبصورت خواتین کے ساتھ اپنا نام جوڑنے کو پسند کرتے ہیں. اداکارہ ریشم نے کہا کہ ماہرہ خان ایک اچھی اداکارہ ہے بہت

سارے لوگ انہیں پسند کرتےہیں. ریشم نے یہ بھی کہا کہ خلیل الرحمان بہت اچھا لکھتے ہیں ہم سب ان کا لکھا ہوا بے ھد پسند کرتے ہیں ان کے کام کی تعریف تو ہر کوئی کرتا ہے لیکن انہیں ماہرہ خان پر ہر وقت تنقید نہیں‌کرتے رہنا چاہیے. یوں ریشم نے ماہرہ خان کا کھل کر دیا ساتھ اور ان پر تنقید کرنے والوں‌کو کئے منہ بند. یاد رہےکہ ریشم ایک باصلاحیت اداکارہ ہیں انکی پہلی فلم جس کو سید نور کی ڈائریکشن میں تیار ہوئی تھی اس نے فلم انڈسٹری کو ہر حوالے سے ایک نیا ٹرینڈ دیا اس میں انہوں نے جو ملبوسات زیب تن کئے تھے وہ عام لڑکیوں میں بہت مقبول ہو ئے تھے.ریشم نے زیادہ تر اردو فلموں‌میں کام کیا لیکن کیرئر کی شروعات ٹی وی سے کی تھی. ریشم کا کہنا ہے کہ اگر انہیں اچھے کردار ملے تو وہ ضرور کریں گی.

کون جانتا تھا کہ ڈرامہ سیریل ہمسفر میں کام کرنے والی لڑکی ایک دن آئیگا لالی وڈ کی نمبر ون ہیروئین ہوگی. ماہرہ خان نے کیرئیر کی ابتداء میں بہترین ڈراموں میں کام کیا ان کو شناخت بھی ملی لیکن ڈرامہ سیریل ہمسفر نے انہیں‌راتوں رات شہرت کی بلندیوں پر پہنچا دیا. ماہرہ خان نے حال ہی میں ایک انٹرویو دیا ہے اس میں انہوں نے کہا کہ میں‌محنت پر بہت زیادہ یقین رکھتی ہوں اگر کوئی یہ کہے ہ شوبز میں کامیابی کی ضمانت خوبصورتی اور حسن ہے تو میں اس سے اتفاق نہیں‌کرتی کیونکہ میرا ماننا ہے کہ کامیابی کے لئے خوبصورتی کے ساتھ ٹیلنٹ کا ہونا بھی بہت ضروری ہے. اداکارہ نے کہا کہ

میں سارا دن کام کرتی ہوں یہاں تک کہ اگر رات کی شفٹ بھی ہو تو تمام رات بھی کام کرنا پڑے تو کرتی ہوں. ماہرہ خان نے ایک سوال کے جواب میں‌کہا کہ میں دوسروں کے جھگڑوں میں نہیں‌ پڑتی نہ ہی کسی کی باتوں میں آکر کسی سے کوئی جواب سوال کرتی ہوں. کسی کو میری ذات سے اختلاف ہو سکتا ہے لیکن میں کسی کی ذات سے اختلاف کرنے کی بجائے اصولوں پر اختلاف کرتی ہوں. یاد رہے کہ ماہرہ خان کے ھوالے سے چاہے خلیل الرحمان قمر ہو یا فردوس جمال یا کوئی بھی کچھ کہے تو وہ جواب نہیں‌ دیتیں نہ ہی کسی کی تنقیدکو سر پر سوار کرتی ہیں وہ اپنی ذات میں گم رہتی ہیں اور کام کرتی رہتی ہیں.

سید نور پاکستان فلم انڈسٹری کے منجھے ہوئے ہدایتکار ہیں ان کے کریڈٹ پر زبردست فلمیں ہیں ان کی بنائی ہوئی فلمیں نوے کی دہائی میں فیملیز سینما جا کر دیکھا کرتی تھیں. سید نور کی فلم چوڑیاں نے ریکارڈ توڑ‌بزنس کیا پنجابی اس فلم کا ہر گیت بھی فلم جتنا ہی مقبول ہوا. فلم میں صائمہ اور معمر رانا کی جوڑی شائقین کو اپنی طرف متوجہ کرنے میں بہت کامیاب رہی. رواں برس سید نور کی فلم تیرے باجرے دی راکھی ریلیز ہوئی اس میں انہوں‌نے معروف ٹک ٹاکر جنت مرزا کو متعارف کروایا.جیسا کہ سید نور نے اپنی بہت ساری فلموں میں ہیروئنز کو

متعارف کروایا. فلم قائداعظم زندہ باد کی پرموشنز کے دوران ماہرہ خان نے سید نور کے ساتھ کام کرنے کی خواہش کا اظہار کیا اس حوالے سےحال ہی میں سید نور سے سوال ہوا تو انہوں نے کہا کہ ماہرہ خان حالیہ دور کی بہترین اداکارہ ہیں ان کے ساتھ کام کرنا فخر کی بات ہے اور میں شکر گزار ہوں کہ انہوں نے میرے کام کی تعریف کی، میرے پاس جیسے ہی کوئی اچھا سکرپٹ آئیگا میں یقینا ماہرہ خان کے ساتھ کام کرنا چاہوں گا. سید نور نے مزید کہا کہ ماہرہ خان نے ابھی تک جتنا کام کیا ہے بہت اچھا کیا ہے وہ ہیروئین میٹریل ہیں لوگ انہیں پسند کرتے ہیں لہذا ماہرہ خان کے ساتھ کام کرنا میرے لئے بھی فخر کی بات ہو گی.

خوبصورت اور باصلاحیت اداکارہ ماہرہ خان جن کی حال ہی میں فلم قائداعظم زندہ باد ریلیز ہوئی ہے، فلم کو شائقین کی طرف سے بہت زیادہ سراہا جا رہا ہے. فلم میں ان کے ساتھ فہد مصطفی پہلی بار دکھائی دے رہے ہیں شائقین نے دونوں کی جوڑی کو بہت پسند کیا ہے. قائداعظم زندہ باد جیسی فلمیں پاکستان میں ماضی میں‌بہت کم بنائی گئی ہیں. فلم پاکستان کے علاوہ دیگر ممالک میں‌بھی ریلیز ہوئی ہے ہر طرف سے اسے پسند کیا جا رہا ہے اگر ہم کہیں‌کہ فلم سپر ہٹ ہے تو بے جا نہ ہوگا. اداکارہ ماہرہ خان نے حال ہی میں ایک انٹرویو دیا ہے اس میں ان سے جب سوال ہوا کہ وہ آئٹم نمبر کیوں‌نہیں کرتیں تو انہوں نے کہا کہ مجھے یہ ٹائٹل

نہیں‌پسند اور ویسے بھی میں‌وہ گانا کرنے کو تریح دیتی ہوں جو کہانی کے لئے ضروری ہو.ان سے جب کہا گیا کہ آپ نے فلم سپر سٹار میں نوری آئٹم سانگ بھی تو کیا تھا تو اس حوالے سے انہوں نے کہا کہ وہ گانا فلم اور کہانی کی ضرورت تھی اور میں ایسی چیزیں کرلیتی ہوں‌جو کہانی اور فلم کےلئے بہت ضروری ہوں. باقی مجھے آئٹم نمبر کی نہ سمجھ آتی ہے نہ مجھے یہ ٹائٹل پسند ہے. ماہرہ خان کے اس انٹرویو میں‌ آئٹم نمبر کے حوالے سے کی گئی باتوں‌پر سوشل میڈیا صارفین کافی تبصرے کررہے ہیں. یاد رہے کہ ماہرہ خان پاکستان کی وہ پہلی اداکارہ ہیں‌جنہوں نے بالی وڈ کے سپر سٹار شاہ رخ خآن کے ساتھ کام کیا.

مصنف خلیل الرحمان قمر جو اپنی تیکھی باتوں کی وجہ سے کافی جانے جاتے ہیں ان کا کہنا ہےکہ وہ کبھی بھی ماہرہ خان سے نہ صلح کریں گے نہ ہی ان کو معافی دیں گے کیونکہ انہوں نے فردوس جمال کے حوالے سے غیر حساس باتیں کہیں تھیں. خلیل الرحمان قمر ایک سے زائد مرتبہ اداکارہ ماہرہ خان کی اداکاری پر نہ صرف سوال اٹھا چکے ہیں بلکہ وہ کہتے ہیں‌ کہ وہ ان کے جس بھی پراجیکٹ میں کاسٹ کی گئیں وہ اس پہ سخت شرمندہ ہیں.خلیل الرحمان قمر یہ بھی کہتے ہیں کہ ماہرہ خان بالکل بھی اچھی اداکارہ نہیں‌ ہیں پتہ نہیں کیوں انہیں‌ نمبر ون کہا جاتاہے. دوسری طرف ماہرہ خان نے اپنے ایک بیان میں‌کہا تھا کہ جب میں خلیل الرحمان قمر کے لکھے ہوئے ڈرامہ سریل صدقے تمہارے میں کاسٹ کی گئی تھی تب مصنف نے نہ صرف انہیں بہترین اداکارہ کہا بلکہ یہ کہا کہ وہ مزید بھی ان کے ساتھ کام کرنے کی خواہش رکھتے ہیں. اداکار فردس جمال جو کہ خلیل الرحمان قمر کے قریبی دوست ہیں انہوں نے بھی ماہرہ خان کے بارے میں‌کہا تھا کہ انہیں ماں کے کردار ادا کرنے چاہیں ہیروئین کے کردار کرنے کی ان کی عمر نہیں‌رہی ان کے اس بیان پر انہیں‌سخت تنقید کی سامنا کرنا پڑا تھا لیکن ماہرہ خان کے حوالے سے خلیل الرحمان قمر اکثر و بیشتر کچھ نہ کچھ ایسا کہتے رہتے ہیں کہ جن کی سرخیاں بن جاتی ہیں جبکہ ماہرہ خان انکی باتوں کا کم ہی جواب دیتی ہیں.

فلم قائداعظم زندہ باد جو کہ حال ہی میں ریلیز ہوئی ہے فلم بہت اچھا بزنس کررہی ہے شائقین ماہرہ خان اور فہد مصطفی کو دیکھنے کےلئے سینما گھروں کا رخ کررہے ہیں. اس فلم میں بہت ساری چیزیں نئی ہیں جیساکہ فہد مصطفی اور ماہرہ خان کا پہلی بار ایک ساتھ نظر آنا ، فلم میں ایسے ایفکیٹس کا استعمال جو ہم باہر کی فلموں میں دیکھتے ہیں، فہد مصطفی کے اسٹنٹس جو کہ انہوں نے خود کئے. شاید انہوں نے پہلی بار کسی فلم میں یہ چیز کی ہے. فلم کی پرڈیوسر اور مصنفہ فضا علی مرزا کہتی ہیں کہ فہد مصطفی نہایت ہی پروفیشنل اداکار ہیں انہوں نے فلم میں جتنے بھی اسٹنٹس تھے خود کئے ان کے پاس

چوائس تھی کہ ان کی جگہ ان اسٹنٹس کو ڈوپلیکیٹ کر لے لیکن انہوں نے منع کر دیا اور کہا کہ نہیں میں خود کروں گا. بعض سینز تو بہت مشکل تھے لیکن فہد نے مہارت کے ساتھ کئے. انہوں نے یہ بھی بتایاکہ ہم نے سپیشل ایفیکیٹس لگانے کےلئے اس کام میں مہارت رکھنے والی دو تین مختلف ٹیموں کو ہائر کیا. جہاز والے سین کے دوران فہد مصطفی کو کرین کے ساتھ اوپر لٹکایا گیا اور وہ تک لٹکے رہے انہوں نے یہ نہیں کہا کہ انہیں بہت دقت ہو رہی ہے انہیں نیچے اتار دیا جائے. فضا نے کہا کہ فہد مصطفی نے پروفیشنل ہونے کا مظاہرہ کیا.اسی طرح سے ماہرہ خان نے بھی دسمبر کی سردیوں میں ساڑھی پہن کر لوٹا رے گانا شوٹ کروایا.

اداکارہ میرا جنہوں نے حال ہی میںایک انٹرویو کے دوران کہا تھا کہ اداکارہ صبا قمر ان کو سخت نا پسند کرتی ہیں ان کی کوشش ہوتی ہے کہ مجھے کام نہ ملے بلکہ اداکارہ میرا نے تو سیدھا سیدھا یہ بھی الزام لگا دیا کہ صبا قمر پرڈیوسروں سے کہہ کر میرے راستے بند کررہی ہیں وہ نہیں چاہتی کہ مجھے کام ملے۔ اداکارہ میرا کے اس بیان کے بعد ہر طرف کافی چرچہ ہو رہی تھی ۔صبا قمر جو کہ سوشل میڈیا پر کافی متحرک رہتی ہیں انہوں نے اپنے پرستاروں کے ساتھ چیٹ کا ایک سیشن رکھا انہوں نے اس میںاپنے پرستاروں کی جانب سے کئے گئے سوالوں کے جوابات دئیے۔ اداکارہ میرا کی جانب سے دیا گیا یہ بیان

چونکہ تازہ تازہ تھا اس لئے صبا قمر سے ان کے ایک مداح نے پوچھا کہ میرا نے کہا ہے کہ آپ ان سے جلتی ہیں اور نہیں چاہتی کہ میرا آگے آئیں ،اس سوال پر اداکارہ صبا قمر کی طرف سے دیا گیا رد عمل کافی دلچپسپ تھا انہوں نے صرف اتنا لکھاکہ ویٹ ، وٹ ان کے اس قسم کے رد عمل کے بھی ہوئے کافی چرچے کسی نے اس رد عمل کو پسند کیا تو کسی نے اس کو میرا کے بیان کا مذاق کہا ۔ یاد رہے کہ اداکارہ میرا اورصبا قمر ایک ساتھ ایک ڈرامے میں کام کر چکی ہیں ۔ یہ پہلی بار نہیں ہے کہ اداکارہ میرا کسی پر الزام لگا رہی ہیں وہ مسلسل کسی نہ کسی پہ کام نہ ملنے کا الزام لگاتی رہتی ہیں ۔ایک وقت میں انہوں نے کہا تھا کہ اداکارہ ماہرہ خان مجھ سے جلتی ہیں اور نہیں چاہتی کہ میں کام کروں ۔