چیف الیکشن کمشنر سکندر سلطان راجہ کی وزیراعلیٰ آفس آمد، نگران وزیراعلیٰ پنجاب محسن نقوی نے خیرمقدم کیا

نگران وزیراعلیٰ پنجاب اور چیف الیکشن کمشنر کی زیر صدارت اعلیٰ سطح کا بریفنگ اجلاس ہوا،اجلاس میں 9 مئی کے دہشت گردی کے واقعات کی شدید الفاظ میں مذمت کی گئی اور پاک فوج کے ساتھ مکمل یکجہتی کا اظہار کیا گیا،چیف الیکشن کمشنر اور ممبران کو ایک سیاسی جماعت کے 9 مئی کے دہشت گردی کے واقعات میں ملوث ہونے کے ٹھوس شواہد پیش کئے گئے بریفنگ اجلاس میں چیف الیکشن کمشنر اور ممبران کو تصاویر، ویڈیوز اور میسجنگ کے ثبوت بھی پیش کئے گئے

نگران وزیراعلیٰ پنجاب محسن نقوی کا کہنا تھا کہ 9 مئی کو ایک سیاسی جماعت نے پوری پاکستانی قوم کو شرمسار کیا ،عسکری تنصیبات پر حملے باقاعدہ منصوبہ بندی کے تحت کئے گئے۔ جیو فینسنگ کے ذریعے حملہ آوروں اور زمان پارک میں موجود سیاسی لیڈرشپ کے درمیان رابطوں کے ثبوت سامنے آئے ہیں۔سیاست کی آڑ میں گھناؤنا کھیل کھیلا گیا اور ابتدائی تخمینے کے مطابق 600 کروڑ روپے کا نقصان ہوا۔

چیف الیکشن کمشنر سکندر سلطان راجہ کا کہنا تھا کہ نگران وزیراعلیٰ محسن نقوی کی قیادت میں پنجاب حکومت نے موجودہ صورتحال کے تناظر میں عوام کے تحفظ کیلئے بہترین اور جرأتمندانہ اقدامات کئے ہیں۔پنجاب حکومت کی ٹیم سے مطمئن ہوں کہ وہ اپنے فرائض ایمانداری سے ادا کر رہی ہے۔الیکشن کمیشن کا مقصد آزادانہ، منصفانہ اور پرامن عام انتخابات کرانا ہے۔ہمارا کسی سیاسی جماعت سے تعلق نہیں اور نہ کوئی سیاسی مقصد ہے ہمیشہ میرٹ پر فیصلے کئے ہیں، نگران حکومت بھی غیر جانبدار ہے اور فری اینڈ فیئر الیکشن اس کا مینڈیٹ ہے۔ عام انتخابات کے لئے سکیورٹی اقدامات کا دوبارہ جائزہ لیں گے۔الیکشن کمیشن پنجاب حکومت کو فری اینڈ فیئر الیکشن کے لئے ہرممکن سپورٹ کرے گا۔آپ کو کسی بھی دباؤ میں آنے کی ضرورت نہیں، ہم آپ کے ساتھ ہیں

اجلاس میں پنجاب میں عام انتخابات کے انعقاد کے لئے سکیورٹی انتظامات کا جائزہ لیا گیا اور موجودہ حالات کے تناظر میں سکیورٹی انتظامات پر از سر نو نظرثانی کرنے پر اتفاق کیا گیا چیف الیکشن کمشنر اور ممبران کو 9 مئی کو پیش آنے والے دہشت گردی کے واقعات کے بارے میں بریفنگ دی گئی انسپکٹر جنرل پولیس ڈاکٹر عثمان انور نے 9 مئی کو جناح ہاؤس اور دیگر عسکری تنصیبات پر حملوں کی تفصیلات سے چیف الیکشن کمشنر اور ممبران کو آگاہ کیا ایڈیشنل چیف سیکرٹری داخلہ نے دہشت گردوں کے حملوں سے ہونے والے نقصانات کے بارے میں بریفنگ دی اور بتایا کہ مجموعی طور پر 3 روز میں 256 تشدد کے واقعات ہوئے فوجی تنصیبات اور مقامات کو خصوصی طو رپر نشانہ بنایا گیا پولیس سمیت دیگر اداروں کی 108 گاڑیوں اور 23 عمارتوں کو نقصان پہنچایا گیا۔ پرتشدد واقعات میں 5 افراد جاں بحق ہوئے جبکہ 127 پولیس افسران و جوان اور 15 شہری زخمی ہوئے۔

الیکشن کمیشن آف پاکستان کے ممبر سندھ نثار احمد درانی، ممبر بلوچستان شاہ محمد جتوئی، ممبر کے پی کے جسٹس (ر)اکرام اللہ خان، ممبر پنجاب بابر حسن بھروانہ، سیکرٹری الیکشن کمیشن آف پاکستان عمر حمید خان، سپیشل سیکرٹری الیکشن کمیشن آف پاکستان ظفر اقبال حسین،صوبائی الیکشن کمشنر پنجاب سعید گل بھی اس موقع پر موجود تھے

سیاسی مفادات کے لئے ملک کونقصان نہیں پہنچانا چاہئے

نواز شریف کو سزا سنانے والے جج محمد بشیر کی عدالت میں عمران خان کی پیشی 

 لیگل ٹیم پولیس لائن گئی تو انہیں عدالت جانے سے روک دیا گیا

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

نگراں وزیراعلیٰ پنجاب محسن نقوی نے کہا ہے کہ 9 مئی کے جلاؤ گھیراؤ کے واقعات میں ملوث افراد کے خلاف کارروائی کے لئے کوئی نئی عدالت نہیں بنائی جارہی۔

باغی ٹی وی: چیئرمین تحریک انصاف عمران خان کی گرفتاری کے خلاف 9 مئی کو پُرتشدد احتجاج کے دوران آرمی تنصیبات پر حملوں میں ملوث افراد کے خلاف آرمی ایکٹ کے تحت کارروائی کے حوالے سے نگراں وزیراعلیٰ پنجاب محسن نقوی نے بیان میں کہا ہے کہ آرمی کا اپنا قانون ہے، ملوث افراد کومعاف نہیں کیا جائے گا۔

9 مئی کےتمام ذمہ داروں کو یقینی طور پر انصاف کے کٹہرے میں لایا جائے گا،آرمی چیف

انہوں نے کہا کہ آرمی ایکٹ کے تحت ملوث افراد کےخلاف کارروائی ہوگی، شرپسندوں کےلئے کوئی رعایت نہیں ہوگی، کوئی نئی عدالت نہیں بنائی جارہی ہے۔

دوسری جانب آرمی چیف نے کہا کہ کسی کو بھی ہمارے شہدا اوران کی یادگاروں کی بےعزتی کرنے کی اجازت نہیں دی جائے گی۔ وہ مسلح افواج، قانون نافذ کرنے والے اداروں، سرکاری اہلکاروں اورپاکستان کے عوام کے لیے الہام اور فخر کا باعث ہیں انہوں نے اس بات پر زور دیا کہ حال ہی میں منصوبہ بند اور منظم المناک واقعات کی دوبارہ کسی قیمت پر اجازت نہیں دی جائے گی۔

افواج پاکستان سے اظہار یکجہتی کیلئے مختلف شہروں میں ریلیاں

آرمی چیف نے پاکستانی عوام کے دلوں میں شہداکا عظیم مقام ہمیشہ قائم رہے گا، شہدا افواج پاکستان کی رینک اینڈ فائل کیلئے فخر کا باعث ہیں نے رینک اور فائلوں کو یقین دلایا کہ 9 مئی کےیوم سیاہ پرقوم کو شرمندہ کرنے کےتمام ذمہ داروں کو یقینی طور پر انصاف کے کٹہرے میں لایا جائے گا۔

9 مئی قومی سانحہ تھا،شرپسندوں کے خلاف افواج قانون کے مطابق کارروائی کی جائے گی،مریم …

لاہور: پنجاب حکومت نے 9 مئی کو فوجی تنصیبات اور املاک پر حملہ کرنے والوں کے خلاف آرمی ایکٹ کے تحت کارروائی اور شر پسندوں کیخلاف مقدمات کیلئے جوائنٹ انویسٹی گیشن ٹیم تشکیل دینے کی منظوری دے دی گئی۔

باغی ٹی وی:لاہور میں نگران وزیراعلیٰ پنجاب محسن نقوی کی زیر صدارت اجلاس ہوا، جس میں 9 مئی کے واقعات کے ذمہ داروں کیخلاف قانونی کارروائی کا جائزہ لیا گیا اجلاس میں بریفنگ میں بتایا گیا کہ 32 مقامات کی جیو فینسنگ کرکے ملزمان کو ٹریس کیا جارہا ہے۔

اگر پی ٹی آئی کو پی ٹی وی حملہ کیس میں سزا مل جاتی تو …

نگراں وزیراعلیٰ محسن نقوی نے 9 مئی کے واقعات میں ملوث افراد کی گرفتاری جلد از جلد یقینی بنانے کا حکم دیتے ہوئے واقعات کے اصل ذمہ داروں کی شناخت کیلئے سیکیورٹی اداروں کے باہمی اشتراک پر زور دیا۔

محسن نقوی نے ملزمان اور ان کے سہولت کاروں اورماسٹر مائنڈز تک پہنچنے کیلئے مؤثر میکانزم وضع کرنے کی ہدایت کی، اور کہا کہ تصاویراورویڈیوز میں چہرے سے شناخت کیلئے نادرا کے ڈیٹا بیس سے مدد لی جارہی ہے۔

چیف جسٹس کی "گڈ ٹو سی یو” کی وضاحت پر مریم نواز کا ردعمل

نگراں وزیراعلیٰ نے گرفتار افراد پر الزامات کی تصدیق کیلئے فول پروف طریقہ کار اپنانے کی ہدایت کرتے ہوئے کہا کہ پولیس حکام بے گناہ کی گرفتاری نہ ہونے کو یقینی بنانے کیلئے پروفیشنل طریقے سے کام کریں، اور تمام شرپسندوں کیخلاف قانونی کارروائی کو پیشہ ورانہ طریقے سے آگے بڑھایا جائے۔

لاہور: نگراں وزیراعلیٰ محسن نقوی کا کہنا ہے کہ 9 مئی کو پلان کے تحت میانوالی ایئربیس پر حملہ کیا گیا۔

باغی ٹی وی : لاہور میں پریس کانفرنس کرتے ہوئے نگراں وزیراعلیٰ پنجاب محسن نقوی کا کہنا تھا کہ 9 مئی کو پنجاب میں دہشتگردی کے ہولناک واقعات ہوئے، میانوالی بیس پر اٹیک کو پوری طرح پلان کیا گیا اور وہاں جہازوں کو جلایا گیا وزیراعلیٰ نے دعویٰ کیا کہ ایئربیس حملے کی پوری فوٹیج ان کے پاس ہے۔

باجوڑ میں بھی پاک فوج کے ساتھ اظہار یکجہتی کیلئے ریلی کا انعقاد

محسن نقوی کا کہنا تھا کہ 9 مئی کو 6 سو کروڑسے زائد کا نقصان ہوا، صوبے میں 23 بلڈنگز کو نقصان پہنچایا گیا، 108 گاڑیوں کو جلایا گیا، گاڑیوں کا پورا شو روم جلا دیا گیا، 2 میٹرو اسٹیشنز کو بھی جلایا گیا،واسا کی 6 گاڑیوں کو آگ لگا دی گئی سی ایس ڈی اسٹور کو لوٹا گیا اور پھر جلا ڈالاانہوں نے عسکری ٹاور پر حملے کا پلان بنا رکھا تھا۔

مسٹر نقوی نے کہا کہ ائیر بیس کے حملہ آور مسلح تھے اور وہ اڈے پر کھڑے تمام طیاروں کو تباہ کرنا چاہتے تھے مشتعل افراد نے میانوالی میں جی پی او آفس کو بھی نذر آتش کرنے کی کوشش کی لاہور میں کور کمانڈر ہاؤس پر حملہ کرنے والوں کے اسی گروپ نے عسکری ٹاور پر بھی حملہ کیا۔

کراچی میں پی ٹی آئی احتجاج:رینجرز کی چوکی کو آگ لگانے والا باپ بیٹا گرفتار

نگراں وزیراعلیٰ نے کہا کہ احتجاج ہر سیاسی جماعت کا حق ہے، لیکن جناح ہاؤس پر حملہ سیاسی پارٹی کا ورکر نہیں کرسکتا، جنہوں نے کور کمانڈر ہاؤس جلایا انہوں نے ہی عسکری ٹاور کو جلایا، شرپسندوں کے سارے کے سارے اہداف وہ تھے جو طالبان کی ہٹ لسٹ کے ٹارگٹ تھے کچھ شرپسند عاصر پکڑے گئے ہیں اور دیگر بھی پکڑے جائیں، کسی کے ساتھ رعایت نہیں برتی جائے گی۔

انہوں نے کہا کہ پی ٹی آئی کے غنڈوں نے سرکاری املاک کو بھی نقصان پہنچایا فسادیوں نے سیف سٹی کے سی سی ٹی وی کیمروں کو نقصان پہنچایا جناح ہاؤس پر 3800 افراد نے حملہ کیا یہ ہمارا فرض ہے کہ ہم انہیں گرفتار کریں اورن کے خلاف قانونی کارروائی کی جائے گی-

عمران خان اپنے پسندیدہ چیف جسٹس کی چھتری کے نیچے چھپ نہیں سکیں گے،احسن اقبال

انہوں نے 9 مئی کو پاکستان تحریک انصاف کے چیئرمین عمران خان کی گرفتاری کے بعد پھوٹ پڑنے والے توڑ پھوڑ کے واقعات میں ملوث ہر پرتشدد عنصر کو انصاف کے کٹہرے میں لانے کا عزم کیا پی ٹی آئی سنٹرل پنجاب کی صدر ڈاکٹر یاسمین راشد نے ان تمام واقعات میں مرکزی کردار ادا کیا ہے۔

نگران وزیراعلیٰ پنجاب محسن نقوی نے اپنے ٹویٹ میں پاکستان آرمی کے ساتھ مکمل یکجہتی کا اظہار کرتے ہوئے کہا ہے کہ جو بھی شخص پاک فوج اور جرنیلوں کے خلاف بیان دے رہا ہے وہ ریاست پاکستان کا دشمن ہے اور ہم ایسے ریاست مخالف پروپیگنڈے کوبرداشت کریں گے نہ جھکیں گے۔ پاک آرمی زندہ باد، پاکستان پائندہ باد۔

نگران وزیراعلیٰ پنجاب محسن نقوی نے بلوچستان کے علاقے مسلم باغ میں دہشت گردوں کے حملے کی شدید الفاظ میں مذمت کی ہے۔ محسن نقوی نے دہشت گردوں کے خلاف آپریشن کے دوران شہید جوانوں کی بہادری کو خراج عقیدت پیش کرتے ہوئے کہا کہ سکیورٹی فورسز کے جوانو ں نے اپنی جانیں دے کر دہشت گردوں کے مذموم عزائم کو ناکام بنایا اور انہیں جہنم واصل کیا۔پاک وطن کے بہادر سپوتوں نے شہادت کا بلند رتبہ پایا۔ قوم شہداء کی لازوال قربانیوں کو فراموش نہیں کرسکتی۔انہو ں نے کہا کہ شہداء کے خاندانوں کے ساتھ مکمل یکجہتی او ردلی ہمدردی کااظہار کرتے ہیں

بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

نگران وزیراعلیٰ پنجاب محسن نقوی کی زیرصدارت پنجاب سیف سٹیز اتھارٹی کے ہیڈ آفس میں امن وامان کی صورتحال کا جائزہ لینے سے متعلق اجلاس منعقد ہوا۔ اجلاس میں جناح ہاؤس،عسکری و سول تنصیبات میں تھوڑ پھوڑ اورجلاؤ گھیراؤ کے افسوسناک واقعات کی تحقیقات کیلئے جوائنٹ انوسٹی گیشن ٹیم بنانے کا فیصلہ کیا گیا۔جے آئی ٹی واقعات کی تحقیقات کر کے جامع رپورٹ حکومت کو پیش کرے گی۔ نگران وزیراعلیٰ محسن نقوی نے تمام شرپسندوں کو قانون کی گرفت میں لانے کیلئے کارروائیاں مزید تیز کرنے کا حکم دیتے ہوئے کہا کہ توڑ پھوڑ والے تمام مقامات کی جیو فینسنگ کرائی جائے گی۔ شرپسندوں کے خلاف تمام کیس انسداد دہشت گردی کی عدالت میں چلائے جائیں گے۔ محسن نقوی نے محکمہ پبلک پراسیکیوشن کو تمام کیسوں کا فوری ٹرائل یقینی بنانے کی ہدایت کرتے ہوئے کہا کہ کسی گناہ گار کو چھوڑیں گے نہیں اوربے گناہ کوپکڑیں گے نہیں۔شواہد اورثبوتوں کے ساتھ ہر شرپسند کو قانون کے کٹہرے میں لایا جائے گا۔ جناح ہاؤس، عسکری، سول و نجی املاک پر حملہ کرنے والے عناصر عبرتناک سزا سے نہیں بچ پائیں گے۔ شرپسندوں کے خلاف زیرو ٹالرنس پالیسی اپنائی ہے۔انہوں نے کہا کہ انشاء اللہ 15مئی کو تعلیمی ادارے کھول دیئے جائیں گے۔صورتحال میں بہتری آرہی ہے،عوام کے جان ومال کے تحفظ کو یقینی بنائیں گے۔متعلقہ ادارے امن وامان کی صورتحال کو برقرار رکھنے کے لئے بہترین کوآرڈینیشن جاری رکھیں۔ شرپسند عناصر کے مذموم عزائم کو ناکام بنانے کیلئے پوری فورس الرٹ ہے۔ انسپکٹرجنرل پولیس ڈاکٹر عثمان انور نے صوبے میں امن وامان کی صورتحال او ر شرپسندوں کے خلاف کارروائیوں کے بارے میں بریفنگ دی۔ صوبائی وزیر اطلاعات عامر میر، چیف سیکرٹری،انسپکٹر جنرل پولیس، ایڈیشنل چیف سیکرٹری،ایڈیشنل چیف سیکرٹری داخلہ،ایڈیشنل آئی جی سپیشل برانچ، سی سی پی او لاہور،ایڈیشنل آئی جی سی ٹی ڈی، سیکرٹری قانون، سیکرٹری پبلک پراسیکیوشن، ایم ڈی پنجاب سیف سٹیز اتھارٹی،کمشنر لاہورڈویژن، ڈپٹی کمشنر اور متعلقہ حکام نے اجلاس میں شرکت کی جبکہ تمام ڈویژنل کمشنرز او رآرپی اوز ویڈیولنک کے ذریعے اجلاس میں شریک ہوئے

نگران وزیراعلیٰ پنجاب محسن نقوی نے دریائے نیلم میں جیپ گرنے سے جاں بحق نوجوان غلام میراں اور لاپتہ نوجوانوں کے اہل خانہ سے آج چوک بابا اعظم اچھرہ میں ان کی رہائش گاہ پر ملاقات کی اور جاں بحقنوجوان غلام میراں کے لواحقین سے دلی ہمدردی و اظہار تعزیت کیااور روح کے ایصال ثواب کیلئے فاتحہ خوانی کی -محسن نقوی نے حادثے میں زخمی نوجوان محمد فہد کی خیریت دریافت کی اورزخمی نوجوان محمد فہد کے بہترین علاج معالجے کی ہدایت دی –

محسن نقوی نے متعلقہ حکام کو ہدایت کی کہ ریسکیو 1122 کے غوطہ خوروں کی خصوصی ٹیم فوری طور پر جائے حادثہ پر بجھوائی جائے۔ لاپتہ نوجوانوں کی زندگی کے لئے دعا گو ہیں۔ محسن نقوی نے لاپتہ نوجوانوں کے خاندانوں کو دلاسہ دیتے ہوئے کہا کہ اللہ تعالی سے دعا ہے کہ آپ کو ہمت عطا فرمائے۔واضح رہے کہ دریائے نیلم میں جیپ گرنے سے اچھرہ کے ایک ہی خاندان سے تعلق رکھنے والے 8 نوجوان غلام میراں، ولیدابرار، حسن صفدر، بلال مقبول، اظہر اشرف، رحیم خان۔ راحیل اور شاہنواز مقصود ڈوب گئے تھے -ایک نوجوان غلام میراں کی باڈی ریکور ہو چکی ہے جبکہ باقی نوجوانوں کی تلاش جاری ہے -3 نوجوان محمد فہد، معین اور حسنین شہزاد زخمی ہیں – کمشنر لاہور ڈویژن، سی سی پی او لاہور، ڈپٹی کمشنر لاہور اور دیگر حکام بھی اس موقع پر موجود تھے-

مسجد میرج ہال والدین کیلیے سکھ کا سانس ,مسجدوں کو آباد نہیں ۔۔ مسجدوں میں آباد ہو جائیے

11 سالا گھریلو ملازمہ قتل، بچی پر اتنا تشدد کیا گیا کہ جان نکل گئی

اداکارہ میرا کو مل گیا دولہا، کون ہے؟ سنیے نوجوانوں کے جذبات

فراڈ ہی فراڈ ، فراڈ سے بچنے کے لیے یہ ویڈیو لازمی دیکھ لیں

نگران وزیراعلیٰ پنجاب محسن نقوی نے آج مزار حضرت بی بی پاکدامن کا دورہ کیا اور مزار حضرت بی بی پاکدامن پر حاضری دی اور دعا کی-محسن نقوی نے مزار حضرت بی بی پاکدامن کی اپ گریڈیشن و توسیعی منصوبے کا معائنہ کیااور مزار حضرت بی بی پاکدامن کی اپ گریڈیشن و توسیعی منصوبے کی جلد تکمیل کے لئے متعلقہ حکام کو ضروری ہدایات دیں -محسن نقوی نے سیکرٹری تعمیرات و مواصلات کو ہدایت کی کہ مزار حضرت بی بی پاکدامن کی اپ گریڈیشن و توسیعی منصوبے کو محرم الحرام سے قبل مکمل کیا جائے- محسن نقوی نے مزید ہدایت کی کہ زائرین کے لئے مزار کے ساتھ اضافی سہولتیں فراہم کی جائیں -انہوں نے کہا کہ مزار کے گنبد کی تعمیر کے کام کو مزید تیز کیا جائے اور دن رات تعمیراتی کام کرکے پراجیکٹ کو مکمل کیا جائے- انہوں نے کہا کہ حضرت بی بی پاکدامن کے مزار کی اپ گریڈیشن و توسیعی منصوبے کی تکمیل سے زائرین کو بہترین سہولتیں میسر ہوں گی۔سیکرٹری تعمیرات و مواصلات نے مزارحضرت بی بی پاکدامن کی اپ گریڈیشن و توسیعی منصوبے پر پیش رفت کے بارے میں بریفنگ دی – معروف آرکیٹیکٹ نیئر علی دادا نے مزار کی اپ گریڈیشن اور اسلامی فن تعمیرات کے بارے میں بریف کیا-صوبائی وزیر اوقاف اظفر علی ناصر، صوبائی وزیر اطلاعات عامر میر، سیکرٹری اوقاف، سیکرٹری تعمیرات و مواصلات، کمشنر لاہور ڈویژن، سی سی پی او لاہور، ڈپٹی کمشنر لاہور اور متعلقہ حکام بھی اس موقع پر موجود تھے-

نگران وزیراعلیٰ پنجاب محسن نقوی عمرے کی سعادت حاصل کرنے کے بعد سعودی عرب سے آج علی الصبح لاہور واپس پہنچے تو انہوں نے مصروف ترین دن گزارا. محسن نقوی نے وزیراعظم شہباز شریف سے بھی ملاقات کی، بعد ازاں ق لیگ کے سربراہ چوھدری شجاعت سے بھی ملنے گئے

اسلام آباد: عورت مارچ اور یوم خواتین ریلی کے شرکا میں تنازع، عورت مارچ شرکاء نے دیکھتے ہی غلیظ نعرے اورپتھراو شروع کردیا

عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے

میرا جسم میری مرضی، طاہر اشرفی بھی میدان میں آ گئے، عورت مارچ منتظمین کو دی "دعوت”

خلیل الرحمان قمر لاکھوں مولویوں سے آگے نکل گیا،خادم رضوی بھی بول پڑے، مزید کیا کہا؟

نگران وزیر اعلی پنجاب محسن نقوی کی سینئر سیاستدان و مسلم لیگ قائداعظم کے سربراہ چودھری شجاعت حسین کی رہائش گاہ ظہور الٰہی روڈ آمد ہوئی ہے

محسن نقوی نے زخمی ہونے والے سالک حسین کی خیریت دریافت کی ،چیف سیکرٹری، انسپکٹر جنرل پولیس اور سی سی پی او لاہور بھی اس موقع پر موجود تھے ،محسن نقوی نے سالک حسین اور شافع حسین سے افسوسناک واقعہ کے بارے میں تفصیلات حاصل کیں، اس موقع پر محسن نقوی کا کہنا تھا کہ چودھری شجاعت حسین کی رہائش گاہ پر پیش آنے والے افسوسناک واقعہ پر معذرت خواہ ہوں۔ ہم عمرہ کی ادائیگی کے لئے سعودی عرب تھے ،آج صبح ہی لاہور واپس آیا ہوں اطلاع ملتے ہی فوری تفصیلات حاصل کیں اور انکوائری کا حکم دیا۔تحقیقات میں ذمہ داران کا تعین ہو گا اور بلاامتیاز کارروائی کی جائے گی قانون سب کے لیے برابر ہے ۔پرویز الٰہی کے کارکنوں نے پولیس پر پٹرول بم پھینکے اور پتھراو کیا ۔کسی کو پولیس پر حملے اور قانون ہاتھ میں لینے کی اجازت نہیں۔چودھری شجاعت حسین نے رہائش گاہ آمد پر محسن نقوی کا شکریہ ادا کیا.

چوہدری پرویز الہی کے گھر پر پولیس اور انٹی کرپشن ٹیم کے چھاپہ کا معاملہ ،چوہدری شافع حسین کا کہنا تھا کہ نگران وزیراعلی نے پوچھا کہ یہ واقعہ ہوا کیسے جس پر ان کو تمام تر تفصیلات بتائی گئیں ،نگران وزیراعلی محسن نقوی نے کہا کہ اس طرح کے واقعات کسی کے گھر پر بھی نہیں ہونے چاہیے نگران وزیراعلی نے ہم سے ملاقات میں کہا ہے کہ پولیس کا یہ طریقہ کار ٹھیک نہیں تھا انکوائری کی جارہی ہے، اس میں ملوث اہلکاروں کو سزا دی جائے گی الیکشن شفاف ہونے چاہیے،سیاسی پارٹیوں کو مل بیٹھ کر ایسا لائحہ عمل بنانا چاہیے جس سے انتخابات کا معاملہ حل ہونا چاہیے۔ہم اپنے نظریاتی لوگوں کو دوبارہ مسلم لیگ کے پلیٹ فارم پر اکھٹا کررہے ہیں

واضح رہے کہ سابق وزیراعلیٰ پنجاب اور تحریک انصاف کے صدر پرویز الہیٰ کی گرفتاری کے لئے پولیس نے چھاپہ مارا تھا، اس دوران پولیس چوھدری شجاعت کے گھر بھی چلی گئی، سالک اور شافع پولیس کو روکتے رہے لیکن کسی نے انکی نہ سنی،

پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

اس بار تو پولیس نے آپ پر ڈکیتی کی دفعہ بھی لگا دی ہے

پرویزالہٰی کی حفاظتی ضمانت پر تحریری فیصلہ 

مسلم لیگ ق کے سربراہ چودھری شجاعت حسین نے کہا ہے کہ کوئی ایسی بات نہیں کرنا چاہتا جس سے معاملات مزید خراب ہوں،کچھ لوگ واقعہ کو غلط رنگ دے کر عجیب کیفیت پیدا کرنا چاہتے ہیں،چودھری شجاعت کا کہنا تھا کہ پولیس کو بتایا گیا پرویز الہی میرے گھر پر ہیں، غلط گائیڈ کرنے پر پولیس والے پرویز الہی کا گھر چھوڑ کر میرے گھر کی طرف آئے، پولیس دروازے پر پہنچی تو دوسرے طرف میرے بیٹے موجود تھے،پولیس والے آگے بڑھے تو میرے دونوں بیٹوں نے انہیں روکا، پولیس نے دروازہ توڑنے کی کوشش کی، شیشے ٹوٹے، میرے بیٹے زخمی ہوئے، چودھری سالک کے ہاتھ پر ٹانکے لگے، دو گھنٹے بعد پولیس دروازے سے گئی،پولیس والوں سے پوچھا گیا کہ کس کیس میں یہ سب کیا جا رہا ہے بتایا گیا گجرات میں سڑکوں کی تعمیر میں اربوں کا کمیشن وصول کیا گیا، میرا یا میرے دونوں بیٹوں کا ایسے کسی معاملے سے کبھی کوئی تعلق نہیں رہا،سارے معاملے پر جو طریقہ کار اپنایا گیا وہ قابل قبول نہیں،