Tag: محکمہ موسمیات

محکمہ موسمیات نے مختلف علاقوں میں تیز ہواؤں کے ساتھ بارش اور ژالہ باری کی پیشگوئی کر دی۔

محکمہ موسمیات کے مطابق خیبرپختونخوا، پنجاب ، کشمیر اور گلگت بلتستان کے مختلف اضلاع میں بارش ہونےکا امکان ہے،بیشتر علاقوں میں گرمی کی شدت برقرار رہے گی، تاہم کئی شہروں میں آندھی، گرج چمک اور بارش کا امکان بھی موجود ہے اسلام آباد، راولپنڈی اور مری میں بھی بارش کا امکان ہے، دیر، سوات، مالم جبہ، کوہستان اور باجوڑ میں گرج چمک کے ساتھ بارش ہونے کی توقع ہے۔

محکمہ موسمیات نے کالام، چترال، بونیر، کوہاٹ، ایبٹ آباد اور پشاور میں آندھی اور بارش کا امکان ظاہر کیا ہے، صوابی، مردان، مالاکنڈ، پارا چنار، کرم اور بنوں میں گرج چمک کے ساتھ بارش ہونے کی توقع ہے ڈی آئی خان، لکی مروت، کرک اور وزیرستان میں آندھی اور بارش کا امکان ہے-

محمد عامر کو برطانوی شہریت مل گئی

محکمہ موسمیات کے مطابق میں پشاور میں آج مطلع جزوی ابر آلود رہے گا جبکہ موسم گرم رہنے کی توقع ہے، شہر کا درجہ حرارت 40 ڈگری سینٹی گریڈ تک بڑھ سکتا ہے جبکہ ہوا میں نمی کا تناسب 29 فیصد ریکارڈ کیا گیا ہے۔

محکمہ موسمیات کے مطابق گزشتہ شب خیبر پختونخوا کے مختلف علاقوں میں بارش ریکارڈ کی گئی، سب سے زیادہ 20 ملی میٹر بارش اپر دیر میں ہوئی جبکہ میرکھا نی میں 17 ملی میٹر، کالام میں 16 ملی میٹر، دروش میں 13 ملی میٹر، میں 12 ملی میٹر اور پٹن میں 8 ملی میٹر بارش ریکارڈ کی گئی-

جماعت اسلامی پنجاب کے سابق امیر انتقال کر گئے

پنجابی گلوکارہ شادی سے انکار پر قتل ، لاش نہر سے برآمد

محکمہ موسمیات نے ملک کے مختلف علاقوں میں آج سے بارشوں کی پیشگوئی کر دی ہے۔

محکمہ موسمیات کے مطابق ملک کے بالائی علاقوں میں مغربی ہواؤں کا نیا سلسلہ داخل ہوگیا ہے، آج سے 23 مئی تک مختلف علاقوں میں بارش کا امکان ہےخیبر پختونخوا، پنجاب، اسلام آباد، گلگت بلتستان اور کشمیر میں بارش ہونے کی توقع ہے، اسلام آباد ، مری، گلیات، راولپنڈی، اٹک، جہلم، چکوال، لاہور اور گوجرانوالہ میں آندھی اور بارش کا امکان ظاہرکیا گیا ہے۔

چترال، دیر، سوات، مالاکنڈ، ہزارہ، پشاور اور مردان میں بھی بارش کا امکان ہے،کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر ژالہ باری کی پیشگوئی کی گئی ہےبالائی خیبر پختونخوا، گلگت بلتستان اور کشمیر کے پہاڑی علاقوں میں لینڈ سلائیڈنگ کا اندیشہ بھی ظاہر کیا گیا ہے۔ مغربی ہواؤں کے ملک میں داخل ہونے کی وجہ سے موسم میں تبدیلی کا امکان ہے۔

دوسری جانب دیر بالا کے سیاحتی مقام وادی کمراٹ میں شدید بارش سے ندی نالیوں میں طفیانی آگئی جبکہ دریائے کوہستان میں پانی کی سطح بلند ہوگئی،وادی کمراٹ روڈ پر جگہ جگہ لینڈ سلائیڈنگ سے کمراٹ روڈ ٹریفک کے لیے بند ہوگیا، جس کے سبب گاڑیوں کی قطاریں لگ گئیں اور سیاح پھنس گئے۔

نیشنل ڈیزاسٹر مینجمنٹ اتھارٹی (این ڈی ایم اے) نے 19 سے 22 مئی کے دوران ملک کے مختلف علاقوں میں بارش، آندھی اور بعض مقامات پر ژالہ باری کا امکان ظاہر کیا ہے۔

پنجاب کے مختلف اضلاع بشمول راولپنڈی، اسلام آباد، مری، اٹک، چکوال، لاہور، سیالکوٹ، قصور اور ملتان میں اس دوران بارش متوقع ہےبلوچستان میں بھی 19 سے 22 مئی کے دوران تیز ہواؤں کے ساتھ بارش اور چند مقامات پر ژالہ باری کی پیشگوئی کی گئی ہے کوئٹہ، ژوب، زیارت، چمن اور خضدار میں بار ش کا امکان ظاہر کیا گیا ہے، تاہم صوبے کے دیگر علاقوں میں گرمی کی شدت بڑھنے کی توقع ہے۔

صوبہ سندھ میں موسم گرم اور خشک رہے گا جبکہ درجہ حرارت میں مسلسل اضافہ ہو سکتا ہےخیبرپختونخوا کے مختلف اضلاع میں بھی بارش، آندھی اور بعض مقامات پر ژالہ باری کا امکان ہے، جن میں چترال، سوات، پشاور، بنوں، ایبٹ آباد، مانسہرہ اور لنڈی کوتل شامل ہیں۔

گلگت بلتستان اور آزاد کشمیر میں گرج چمک کے ساتھ بارش اور ژالہ باری کی پیشگوئی کی گئی ہے۔ ان علاقوں میں گلگت، اسکردو، ہنزہ، استور، مظفرآباد، نیلم ویلی، باغ اور کوٹلی شامل ہیں جبکہ آئندہ 12 سے 24 گھنٹوں کے دوران خیبرپختونخوا، بلوچستان، گلگت بلتستان اور آزاد کشمیر کے مختلف حصوں میں بارش کا سلسلہ جاری رہنے کا امکان ہے۔

محکمہ موسمیات نے ملک بھر میں شدید گرمی کی لہر کی پیشگوئی کرتے ہوئے خبردار کیا ہے کہ آئندہ چند روز کے دوران سندھ، جنوبی پنجاب اور بلوچستان میں درجہ حرارت خطرناک حد تک بڑھ سکتا ہے-

محکمہ موسمیات کے مطابق 7 سے 11 مئی تک ملک کے بیشتر علاقوں میں شدید گرمی کی لہر متوقع ہے، جس کے دوران سندھ، جنوبی پنجاب اور بلوچستان میں درجہ حرارت 46 سے 50 ڈگری سینٹی گریڈ تک جا سکتا ہے۔

رپورٹ کے مطابق پنجاب کے میدانی علاقوں میں بھی درجہ حرارت 47 ڈگری سینٹی گریڈ تک پہنچنے کا امکان ہے جب کہ بالائی علاقوں میں بھی گرمی کی شدت برقرار رہے گی جہاں درجہ حرارت 43 سے 47 ڈگری کے درمیان رہنے کی توقع ہے 8 سے 10 مئی کے دوران میدانی علاقوں میں گرد آلود ہوائیں چل سکتی ہیں، جس سے گرمی کی شدت میں مزید اضافہ ہوگا۔

شہریوں کو ہدایت کی گئی ہے کہ وہ ہیٹ ویو کے دوران غیر ضروری طور پر گھروں سے باہر نکلنے سے گریز کریں اور خاص طور پر بچوں، خواتین اور بزرگ افراد کو دھوپ سے بچانے کے لیے احتیاطی تدابیر اختیار کریں کسانوں کو بھی موسمی حالات کے پیش نظر اپنی فصلوں کی دیکھ بھال کے لیے اقدامات کرنے کی ہدایت جاری کی گئی ہے۔

محکمہ موسمیات نے سندھ کے عوام کو خبردار کیا ہے کہ آئندہ چند روز کے دوران سندھ سمیت مختلف علاقوں میں درجہ حرارت غیر معمولی حد تک بڑھ سکتا ہے سندھ میں درجہ حرارت 3 سے 4 دن کے اندر 50 ڈگری سینٹی گریڈ تک پہنچنے کا امکان ظاہر کیا گیا ہے 10 مئی کی شام سے ایک مغربی سسٹم بالائی علاقوں میں داخل ہوگا جس کے باعث موسم میں تبدیلی آئے گی جب کہ 13 مئی تک ان علاقوں میں بارش اور درجہ حرارت میں کمی کا امکان ہے شدید گرمی کے باعث شہری احتیاط برتیں اور پانی کا زیادہ استعمال کریں تاکہ ممکنہ اثرات سے بچا جا سکے-