Tag: مراد علی شاہ

وزیراعلٰی سندھ مراد علی شاہ نے پریس کانفرنس کرتے ہوئے کہا ہے کہ اللہ کے کرم سے ہماری اسمبلی نے اپنی مدت پوری کی ، 4 سال 11 ماہ بعد اسمبلی تحلیل ہو گئی، میری ایڈوائس پر گورنر سندھ نے کل رات اسمبلی تحلیل کردی

وزیراعلیٰ سندھ سید مراد علی شاہ کا کہنا تھا کہ سندھ اسمبلی رات 9 بجے تحلیل ہوئی,آئین کے مطابق اسمبلی کو تحلیل کیا گیا،جب تک نگراں وزیر اعلی نہیں آ جاتا تب تک میں وزیر اعلی سندھ ہوں ، میری اور اپوزیشن لیڈر کے درمیان مشاورت ہوگی،اگر نہیں ہو پائی تو آئین میں پارلیمینٹ کمیٹی بنائے گی اسے تین دن دئیے جائیں گے، اگر پارلیمنٹری کمیٹی سے بھی بات نہ بنی تو الیکشن کمیشن دو دن میں فیصلہ سنائے گا،

وزیراعلیٰ سندھ مراد علی شاہ کا کہنا تھا کہ کچھ گندے انڈے اگر آجاتے ہیں تو پورا تالاب خراب کرتے ہیں،اس وقت کے وزیراعظم نے کہا تھا کہ کراچی ہمارا ہے ہی نہیں، اس حالت کے پیش نظر ہمیں مشکل حالات سے گزرنا پڑا، چیئرمین بلاول بھٹو نے اسی حالات کو دیکھتے ہوئے بیان دیا کہ وزیراعلیٰ یہی رہے گا چاہے جیل میں سے ہی کیوں نہ حکومت چلانی پڑے،کورونا سے کئی قیمتی جانیں گئی، ڈاکٹر کی تجویز پر میں نے فیصلے لئے تو مجھے شدید تنقید کا نشانہ بنایا گیا، جو میرے خلاف تنقید کررہے تھے بعد میں انھوں نے میرے فیصلوں کو تسلیم کیا، سندھ نے کورونا میں بہترین کام کیا، اور ہم کامیاب رہے

وزیراعلیٰ سندھ سید مراد علی شاہ کا کہنا تھا کہ پھر سیلاب آ گیا، وزیراعظم شہباز جب بھی آئے وہ حیران ہوگئے اتنا پانی دیکھ کر کہ کیسے نکلے گا،وزیراعظم شہباز شریف بہت پریشان تھے کہ گندم کی فصل کیسے ہوگی، وزیراعظم شہباز شریف کو میں نے اعتماد میں لیا اور ہم نے کام کیا، گندم کی قیمت اگر نہیں بڑھاتے تو کسانوں کے خرچے پورے نہیں ہوتے، ہم نے اللہ تعالیٰ کی مدد سے پورے سندھ سے سیلاب کا پانی نکالا اور گندم بھی اگائی ، گندم کی رکارڈ فصل ہوئی اور اس سال کپاس کی فصل آنے والی ہے، سیلاب نے سندھ کو شدید نقصان پہنچایا، تمام ایم پی ایز فیلڈ میں رہے اور کام کرتے رہے،اس وقت کے وزیراعظم کچھ منٹوں کیلئے صرف کراچی آتے اور چلے جاتے، سندھ کے کسی شہر میں انھوں نے دورہ نہیں کیا، سیلاب میں سندھ کے ہر شہر میں ہم پہنچے اور مدد کی،اس وقت کے تمام جماعتوں کا موقف تھا کہ اسمبلی سے استعفیٰ دینا چاہئے،
ہمارے تمام اتحادی جماعتوں کے ذریعے ہم جمہوری طریقے سے ایک وزیراعظم کو گھر بھیجا،ملک کی تاریخ میں پہلی بار جمہوری طریقے سے وزیراعظم کو گھر بھیجا، وزیراعظم شہباز شریف کو نیا وزیراعظم منتخب کروایا، سیلاب میں ہر جگہ جہاں جاتا دیکھ کر میں ہمت ہار چکا تھا،تمام اہم شاہراہیں بند ہوچکی تھی، کھانے پینے کی اشیاء پہنچا نہیں پارہے تھے، ہماری کابینہ اور ٹیم نے چیئرمین بلاول بھٹو کی ہدایت پر فیلڈ میں رہے، جو بھی سیلاب متاثرین تھے ہر ایک ایک شخص کے پاس پہنچے، اللہ تعالیٰ کی طرف سے ایک آزمائش تھی لیکن ہم نے ہر متاثرین کی مدد کی،

دوسری جانب وزیراعلیٰ سندھ سید مراد علی شاہ کےاعزاز میں وزیراعلیٰ ہائوس کے اسٹاف کی جانب سے ظہرانہ دیا گیا،ظہرانے میں چیف سیکریٹری ، سہیل راجپوت، سابق پرنسپل سیکریٹریز، تمام سابق اور موجودہ ڈپٹی سیکریٹریز ، گریڈ 2 سے لے کر 20 تک کے افسران و ملازمین نے شرکت کی،وزیراعلیٰ ہائوس کے 4 گریڈ کے ملازم ڈنل خان ، چیف سیکریٹری سہیل راجپوت اور پرنسپل سیکریٹری فیاض جتوئی نے تقاریر کیں،تمام ملازمین نے وزیراعلیٰ سندھ کی شفقت ، مختلف شعبوں میں ان کی رہنمائی اور سندھ کے حقوق پر آواز بلند کرنے پر انہیں خراج تحسین پیش کیا،تمام ملازمین نے وزیراعلیٰ سندھ کے ساتھ تصویربنانے کی خواہش کا اظہار کیا،وزیراعلیٰ سندھ مراد علی شاہ نے وزیراعلی ہاوس کے ملازمین کے ساتھ یادگار سیلفی بھی بنائی

تحریک انصاف کی صوبائی رکن فرح کی آڈیو سامنے

عابد زبیری نے مبینہ آڈیو لیک کمیشن طلبی کا نوٹس چیلنج کردیا

آڈیو لیکس جوڈیشل کمیشن نے کارروائی پبلک کرنے کا اعلان کر دیا

کراچی: صوبہ سندھ کا مالی سال 2023-24 کا بجٹ 10 جون کو پیش کیا جائے گا۔

باغی ٹی وی: محکمہ خزانہ کے حالیہ اعلان کے مطابق صوبہ سندھ کا مالی سال 2023-24 کا بجٹ10 جون کو پیش کیا جائے گا،بجٹ وزیر اعلیٰ سندھ مراد علی شاہ صبح 11 بجے پیش کریں گے۔

پی سی بی نیوزی لینڈ میں وائٹ بال کرکٹ سیریز کھیلنے پر رضا مند

سیکرٹری سندھ اسمبلی کو لکھے گئے خط میں محکمہ خزانہ نے بجٹ پیش کرنے کی تاریخ اور وقت کی تصدیق کردی، یہ سالانہ مالیاتی منصوبہ بہت اہمیت کا حامل ہے کیونکہ یہ آئندہ مالی سال کے لیے فنڈز کی تقسیم اور حکومتی ترجیحات کا خاکہ پیش کرتا ہے۔

واضح رہےکہ مالی سال وفاقی بجٹ سندھ کے بجٹ کےاعلان سے ایک روز قبل 9 جون کو پیش کیے جانے کا امکان ہے، وفاقی اور صوبائی بجٹ کے درمیان ہم آہنگی خطے میں وسائل کی تقسیم اور ترقیاتی اقدامات کے تعین میں اہم کردار ادا کرے گی۔

نیب کا بشریٰ بی بی کو گواہ بنانے کا فیصلہ

سندھ کے بجٹ کی پیش کش میں بیان کردہ بجٹ کے فیصلوں اور پالیسیوں کےمختلف شعبوں بشمول تعلیم،صحت کی دیکھ بھال، انفراسٹرکچر اور سماجی بہبود پر نمایاں اثرات مرتب ہوں گے۔

رواں سال وزیراعلی سندھ مراد علی شاہ کے فضائی اخراجات کی تفصیلات سامنے آگئی ہیں،جس کے مطابق مجموعی طور 10 کروڑ 24 لاکھ 18 ہزار 949 روپے خرچ ہوئے ہیں-

باغی ٹی وی : چیف پائلٹ نے سیکرٹری محکمہ جنرل ایڈ منسٹریشن کو مزید فضائی اخراجات کیلئے 3 کروڑ 50 لاکھ روپے مانگ لیے ہیں، اور اس کے لئے سیکرٹری محکمہ جنرل ایڈمنسٹریشن کو مراسلہ بھی ارسال کر دیا ہے، جس میں کہا گیا ہے کہ فضائی سفر جاری رکھنے کے لئے رقم جاری کرنا لازم ہے۔

پی ٹی آئی کارکنان کی بازیابی کی درخواست،حکومت پنجاب کو جواب جمع کرانے کیلئےمہلت

مراسلے میں کہا گیا ہے کہ رواں سال وزیر اعلی سندھ کے فضائی اخراجات پر 10 کروڑ 24 لاکھ 18 ہزار 949 روپے خرچ ہوئےہیلی کاپٹر کی مرمت اور ایندھن کیلیے 3 کروڑ 85 لاکھ روپے جاری نہیں ہوئے،ہیلی کاپٹر، پلین چارجز، ایندھن اور مرمت کیلئے 10 کروڑ 47 لاکھ 67 ہزار روپے مختص کئے گئے تھے، اس رقم میں سے 10 کروڑ 24 لاکھ 18 ہزار 949 روپےخرچ کئے گئے، 23 لاکھ 48 ہزار51 روپے کی رقم بیلنس میں موجود تھی، 3 کروڑ 63 لاکھ 17 ہزار 208 روپے کے بل ابھی التوا ہیں۔

سعودی خلابازوں کا مشن مکمل،10 دن بعد زمین پر واپس پہنچ گئے

وزیراعلٰی سندھ سید مراد علی شاہ نے میڈیا سے گفتگو کرتے ہوئے کہا ہے کہ 9 مئی کو ایک وارنٹ کے ذریعے ایک ملزم گرفتار کیا گیا،جس کے بعد ہنگامے ہوئے،اس ماحول میں بھی سندھ کے مفادات کو پیچھے نہیں چھوڑا ہے،

وزیراعلٰی سندھ سید مراد علی شاہ کا کہنا تھا کہ منظم انداز میں ملک میں افراتفری پیدا کی گئی ، ریڈیو پاکستان اس خطے کے پرانے ریڈیو اسٹیشن میں شمار ہوتا ہے، کراچی میں لوگوں کو تکلیف دی گئی، ایک بس کو جلا دیا گیا واٹر بورڈ کے املاک کو آگ لگائی گئی ،لوگوں کی موٹر سائیکلوں کو آگ لگائی گئی ،درخت کی ٹہنیوں کو توڑ کر آگ لگائی گئی، عمران خان سے شروع ہو کر جو بھی لوگ ملوث ہیں ان کی نشاندہی ہو گئی ہے ، جو لوگ بھی اس میں ملوث ہیں گرفتار ہونگے،مردم شماری پر ہمیشہ تحفظات کا اظہار کیا ،میرے لئے وہ مردم شماری درست ہوگی جس میں ہر فرد کو گنا جائے، ہم اپنی ہر ذمہ داری کو پوری کررہے ہیں ،7 ملین تک آبادی کو کم گنا گیا میرے لیے تعصب پھیلانے کی کوشش کی جا رہی ہے ہمیں مردم شماری قبول نہیں ہے ہماری مردم شماری 65 ملین کے قریب آنی چاہیے کئی بلاکس کو وقت سے پہلے بند کر دیا گیا

سیاسی مفادات کے لئے ملک کونقصان نہیں پہنچانا چاہئے

نواز شریف کو سزا سنانے والے جج محمد بشیر کی عدالت میں عمران خان کی پیشی 

 لیگل ٹیم پولیس لائن گئی تو انہیں عدالت جانے سے روک دیا گیا

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

دوسری جانب پیپلز پارٹی کے رہنما، سندھ کے صوبائی وزیر اطلاعات شرجیل میمن نے کہا ہے کہ 9 مئی کو بتایا گیا کہ اگر ہمارے لیڈر کو کچھ ہوا تو نقصان پہنچائیں گے اب کچھ لوگ بیانات بدل رہے ہیں، کچھ لوگ پارٹیاں چھوڑ رہے ہیں، عمران خان کا موقف عیاں ہورہا ہے، جس طرح لوگوں کو پی ٹی آئی میں لایا گیا تھا، اسی طرح پارٹی کو چھوڑ رہے ہیں، جنہوں نے حملہ کیا تھا اس میں پی ٹی آئی کے لیڈر اس کے پیچھے تھے ، ہم ویڈیو میں دکھائیں گے کہ کون کون سے رہنما اس میں موجود ہیں، املاک کو نقصان پہنچایا گیا ، جن کے موٹر سائیکل جلائی گئی ہے ، ان کو حکومت موٹر سائیکل لیکر دے گی،میں ایڈوانس میں کہہ رہا ہوں یہ جو ہماری بسیں جلائی گئی ہیں ان کا پیسہ عمران خان کا گھر بیچ کر میں ان سے بھرواؤں گا، اس کے سارے پیسے ان سے وصول کریں گے،

کراچی: وزیراعلیٰ سندھ سید مراد علی شاہ نے مردم شماری پر تحفظات کے حوالے سے وفاقی وزیر برائے منصوبہ بندی و ترقیات احسن اقبال کو خط لکھ دیا-

باغی ٹی وی: لکھے گئے خط میں وزیراعلیٰ سندھ سید مراد علی شاہ نے خبردار کرتے ہوئے متنبہ کیا ہے کہ تحفظات دور نہ ہوئے تو مردم شماری کے نتائج سندھ حکومت کو قبول نہیں ہوں گے انہوں نے دعویٰ کیا ہے کہ سندھ کے کئی اضلاع اور تعلقہ میں خانہ شماری اور مردم شماری کا کام شروع ہی نہیں کیا گیا۔

اسامہ بن لادن آپریشن کے دن وائٹ ہاؤس کی خصوصی تصاویر پہلی بار منظر عام …

پاکستان پیپلزپارٹی کے رہنما اور وزیراعلیٰ سندھ نے اپنے خط میں مؤقف اختیار کیا ہے کہ بہت سے اضلاع کی آبادی کو تاحال پوری طرح شمار نہیں کیا گیا، معلوم ہوا ہے کچھ تحصیلوں میں مردم شماری روکنے کا فیصلہ ہوا ہے مردم شماری روکنے کے فیصلے اورمن مانی پر شدید تحفظات ہیں، سندھ میں اب بھی بہت سے اضلاع کو مکمل نہیں گنا گیا ہے۔

وزیراعلیٰ سندھ سید مراد علی شاہ نے ن لیگ کے مرکزی رہنما اور وفاقی وزیر احسن اقبال کو تحریر کردہ خط میں مطالبہ کیا ہے کہ سندھ کے تمام اضلاع میں مردم شماری جاری رکھی جائے۔

سرکاری لائن سے تیل چرانے والے دو افراد مٹی میں دب کر ہلاک

دوسری جانب کراچی میں جماعت اسلامی نے مردم شماری میں مبینہ دھاندلی کے خلاف آج شارع فیصل پر مظاہرے کا اعلان کیا، حافظ نعیم الرحمان کا کہنا تھا کہ جہاں خانہ شماری ہو گئی وہاں اب تک مردم شماری کا عملہ نہیں پہنچا،آدھا کراچی شمار نہیں کیا گیا اور خانہ شماری ابھی تک مکمل نہیں کی گئی۔

واضح رہے کہ گزشتہ روز ڈائریکٹر ادارہ شماریات سندھ نے ساتویں ڈیجیٹل مردم شماری کے اعداد و شمار جاری کیے ہیں ڈائریکٹرادارہ شماریات سندھ منور علی گھانگرو کے مطابق سندھ کی آبادی میں 64 لاکھ 63 ہزار کا اضافہ ہوچکا اور صوبے کی آبادی 5 کروڑ 43 لاکھ 18 ہزارتک پہنچ گئی ہے۔

گائے نےشیر کے بچے سے مماثلت رکھتے بچے کو جنم دیا

کراچی: وزیراعلیٰ سندھ مراد علی شاہ کا کہنا ہے کہ جب ججز اس فیصلے سے متفق نہیں تو عوام کیسے ہوسکتے ہیں-

باغی ٹی وی : کراچی میں میڈیا سےگفتگو کرتے ہوئے مراد علی شاہ نے کہا کہ الیکشن سے متعلق سپریم کورٹ نے جلد بازی میں فیصلہ کیا، جب ججز اس فیصلے سے متفق نہیں تو عوام کیسے ہوسکتے ہیں، جن ججزنےانکارکیا ان کےعلاوہ فل کورٹ بنائیں،الیکشن کا فیصلہ الیکشن کمیشن پر چھوڑ دینا چاہیے، ادارے اپنی حدود میں کام کریں گے تو حالات میں بہتری آئے گی-

مجھے معلوم ہے پولیس کیا کارنامے انجام دے رہی ہے،عدالت کے ریمارکس

مراد علی شاہ نے کہا کہ آئین میں ہر ادارے کی پاور اور حدود کا تعین کیاگیا ہے، الیکشن تب ہوں گے جب الیکشن کمیشن چاہے گا، الیکشن ضرور ہوں لیکن لیول پلیئنگ فیلڈ ہونی چاہیے اور الیکشن ایسے نہ ہوں کہ 2018 والی صورتحال ہو۔

رات کو تھوڑی تاخیر سے کھانا کھانا صحت کیلئےنقصان دہ نہیں،تحقیق

ملٹری گریڈاسلحے پرلوگوں کے تحفظات کے حوالے سے مراد علی شاہ نے کہا کہ حکومت سندھ کاکام ہے فنڈ دینا تاہم ملٹری گریڈاسلحے پرلوگوں کے تحفظات ہیں، ایسانہ ہو ملٹری گریڈ اسلحےکے استعمال سے دوسرےبھی زدمیں نہ آجائیں، گھوٹکی کےکچے میں ڈاکوؤں کے خلاف آپریشن چل رہا ہے، کچے کے علاقے میں اسلحہ کی اسمگلنگ کو روکنا ہوگا، کچے میں چوکیاں بنائی ہیں تاکہ ڈاکوؤں کے پاس آنے والا اسلحہ روکا جائے۔

پاکستان کا برطانوی وزیر داخلہ کے پاکستانی مردوں کے حوالے سے بیان پراظہارتشویش

کراچی: گورنر سندھ کامران ٹیسوری نے مراد علی شاہ کو ڈاکٹریٹ کی ڈگری تفویض کی۔

باغی ٹی وی: این ای ڈی یونیورسٹی میں اسپیشل کانووکیشن ہوا جس میں صوبائی وزراء نے بھی شرکت کی گورنر سندھ کامران ٹیسوری نے وزیراعلیٰ مراد علی شاہ کو ڈاکٹریٹ کی ڈگری دینے کی تصاویر ٹوئٹر پر بھی شیئر کیں۔

پی ایچ ڈی کی ڈگری ملنے پر وزراء کی جانب سے وزیر اعلیٰ سندھ مراد علی شاہ کو مبارکباد پیش کی گئی۔

Awarded honourary degree to Chief Minister Sindh Syed Murad Ali Shah at a special convocation of NED University pic.twitter.com/eQb3DxN9oe

— Kamran Tessori (@KamranTessoriPk) March 11, 2023

مراد علی شاہ وزیر اعلی سندھ کی حیثیت سے صوبوں کی سرکاری جامعات کی کنٹرولنگ اتھارٹی بھی ہیں مراد علی شاہ کو یہ ڈگری صوبے کے لیے کی گئی خدمات کے اعتراف میں دی گئی۔ اس موقع پر این ای ڈی یونیورسٹی وائس چانسلر پروفیسر ڈاکٹر سروش حشمت لودھی بھی موجود تھے۔

اس موقع پر خطاب کرتے ہوئے وزیر اعلٰی سندھ نےکہا کہ یہ دن میرے لیے اہم اور خصوصی اہمیت کا حامل ہے، میں نہیں چاہتا کہ مجھے ڈاکٹر کہہ کر مخاطب کیا جائے، میں نے کوشش کی ہے کہ اپنی قابلیت کو صوبے اور ملک کی خدمت کے لیے استعمال کروں۔

سرکاری جامعات کے چانسلر اور گورنر سندھ کامران ٹیسوری نے کہا کہ جب وائس چانسلر میرے پاس مراد علی شاہ کو پی ایچ ڈی کی سند دینے کی تجویز لائ تو میرے لیے یہ فیصلہ کرنا مشکل تھا، میں نے سوچنے کے لیے وقت مانگا اور کئی لوگوں بشمول دیگر وائس چانسلرز سے مشورہ بھی کیا۔

گورنر سندھ نے کہا کہ کوویڈ 19 میں مراد علی شاہ نے بہترین کردار ادا کیا۔ کامران ٹیسوری نے کہا کہ ہم فرقوں اور قومیتوں میں بٹ چکے ہیں اب لوگ پاکستان کی بات نہیں کرتے قومیت کی بات کرتے ہیں یہ تربیت ہمارے اساتذہ کو کرنی ہے۔

وزیر اعلیٰ سندھ مراد علی شاہ نے کہا کہ اگر عمران خان کو بات چیت کرنی ہے تو اس میں شرطیں نہیں لگائی جاتیں۔

باغی ٹی وی : کراچی میں میڈیا سے گفتگو کرتے ہوئے مراد علی شاہ کا کہنا تھا کہ عمران خان عدم اعتماد کے ذریعے جمہوری طریقے سے نکالے گئے، وہ اپنی کارکردگی نہیں دیکھتے، اللّٰہ کا شکر ہے کہ ان کا اقتدار ختم ہو گیا۔

مراد علی شاہ نے کہا کہ عمران خان نے کافی کچھ سیکھ لیا ہو گا اب ان میں سنجیدگی آ جانی چاہیے، اتحادیوں نے عمران خان کے ساتھ کام نہ کرنے کا فیصلہ کیا ہے۔

انہوں نے کہا کہ پاکستان کی بہتری کے لیے بات چیت ضروری ہے، اگر عمران خان کو بات چیت کرنی ہے تو اس میں شرطیں نہیں لگائی جاتیں۔

ایم کیو ایم پاکستان کے حوالے سے پوچھے گئے سوال پر مراد علی شاہ کا کہنا تھا کہ ایم کیو ایم کے خدشات الیکشن کے لیے نہیں ، ان کے خدشات ضرور دور کریں گے۔

گزشتہ ماہ نومبر میں بچوں کے اغوا کے 44 واقعات رپورٹ ہوئے،لاہور پولیس

وزیر اعلیٰ سندھ کا کہنا تھا کہ لوگ سمجھتے ہیں ہم ریلیف اور ریسکیو کے عمل سے گزر گئے، ایسا نہیں ہے، سیلاب سے متاثرہ علاقوں میں لوگوں کے پاس کھانے کو کچھ نہیں ہے، سیلاب متاثرین کے لیے عمران خان نے بھی ٹیلی تھون کی تھی اور پیسے جمع کیے تھے، وہ پیسے کہاں گئے کسی کو معلوم ہی نہیں۔

شفاء میڈیکل سنٹر اور جھنگ پولیس کے مابین MOU پر دستخط

کراچی:وزیر اعلیٰ سندھ سید مراد علی شاہ کا آئیڈیاز 2022 میں سندھ پولیس کی ڈسپلے کا دورہ ،اطلاعات کے مطابق وزیر اعلیٰ سندھ سید مراد علی شاہ نے ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کے ہمراہ ایکسپو سینٹر میں آئیڈیاز 2022 میں سندھ پولیس کے ڈسپلے کا دورہ کیا۔

ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے وزیر اعلیٰ سندھ کو آئیڈیاز 2022 میں سندھ پولیس کے ڈسپلے کی خصوصیات کے بارے میں آگاہ کیا۔ انہوں نے سیکیورٹی ڈویژن کی خدمات، اسپیشل ویپن اینڈ ٹیکٹکس ٹیم (S.W.A.T) کے قیام، جدید پولیسنگ اور سندھ پولیس میں اپنائی جانے والی انفارمیشن ٹیکنالوجی کی اہمیت کے بارے میں بھی آگاہ کیا۔

دورے کے دوران وزیر اعلیٰ سندھ نے کہا کہ سندھ حکومت سندھ پولیس کی کیپیسٹی بلڈنگ پر توجہ دے رہی ہے اور پولیس کے مختلف شعبوں کی اپ گریڈیشن کے لیے فنڈزکی منظوری بھی دے دی گئی ہے۔

سندھ پولیس ہال نمبر 8 (مارکیو)، پاکستان پویلین میں اپنی خدمات کی نمائش کر رہی ہے۔ سیمینار کے تیسرے روز بھی مندوبین کی ایک بڑی تعداد نے سیکیورٹی ڈویژن کے ڈسپلے کا دورہ کیا اور سندھ پولیس کے جدت کی طرف سفر کو سراہا۔

ادھر دفاعی مصنوعات تیار کرنے والے ادارے گلوبل انڈسٹریل اینڈ ڈیفنس سلوشنز نے ملکی دفاعی صنعت میں جدید سب سونک کروز میزائل کو بین الاقوامی مارکیٹ میں متعارف کرادیا۔

بین الاقوامی دفاعی نمائش میں موجودہ دور میں روایتی جنگوں کے تبدیل ہوتے میدان سامنے آرہے ہیں، اسی لیے پاکستان بھی دنیا میں جدید اسمارٹ دفاعی ٹیکنالوجی میں خود انحصاری کے راستے پر گامزن ہے۔

11ویں بین الاقوامی دفاعی نمائش آئیڈیاز 2022 میں پاکستان کی اہم دفاعی مصنوعات کو مارکیٹ کیا جارہا ہے ، ان مصنوعات میں سب سونک کروز میزائل ’حربہ‘ اور جدید جنگی ڈرون ‘شاہپر ٹو’ پاکستان کی ایک بڑی کامیابی ہے۔

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا