Tag: مراد علی شاہ

وزیراعلی سندھ مراد علی شاہ اور عالمی بینک کے کنٹری ڈائریکٹر ناجے بینہسن کی قیادت میں ملاقات کرنے والے وفد کے درمیان سندھ مین چلنے والے منصوبوں کا جائزہ لیا گیا اور ان کی تکمیل کے اہداف مقرر کیے گئے۔ ملاقات وزیراعلی ہاس میں ہوئی جس میں صوبائی وزرا، چیف سیکریٹری اور متعلقہ سیکریٹریز نے شرکت کی۔

باغی ٹی وی کی رپورٹ کے مطابق ورلڈ بینک کی ٹیم میں مختلف شعبوں کے سربراہوں نے شرکت کی جنہوں نے کنٹری ڈائریکٹر کی معاونت کی۔ عالمی بینک کے تحت سندھ میں 3 ارب ، 12 کروڑ اور چالیس لاکھ ڈالر کے 13 ترقیاتی منصوبے جاری ہیں جن کیلیے ایک ارب 36 کروڑ ڈالر جاری کیے جا چکے ہیں۔ منصوبوں میں کراچی میں پانی و نکاسی کی بہتری کا منصوبہ، کچرے کو ٹھکانے لگانے کا منصوبہ، سندھ سولر انرجی پروجیکٹ، کراچی موبیلٹی پروجیکٹ، سندھ میں ابتدائی تعلیم کی بہتری کا منصوبہ، کراچی کو قابل رہائش بنانے کا منصوبہ ، سندھ صحت و آبادی منصوبہ، سیلاب متاثرین کیلیے گھروں کی تعمیر کا منصوبہ، سندھ میں سماجی تحفظ کی بہتری کا منصوبہ، سیلاب متاثرین کی بحالی کا منصوبہ، بیراجوں کی مرمت کا منصوبہ، سندھ پانی و زرعی ترقیاتی منصوبہ ، سندھ لائیو اسٹاک اینڈ ایگریکلچر سیکٹر ٹرانفارمیشن پروجیکٹ شامل ہیں۔

سیلاب متاثرین کی بحالی کے ہنگامی پروگرام کے تحت 2022 کے سیلاب متاثرین کیلیے رہائش کے انتظامات اور حکومت سندھ کی موسمیاتی تبدیلیوں سے نمٹنے کی صلاحیتوں کو بہتر کرنا شامل ہے۔ پروگرام کے چار شعبے ہیں جن میں گھروں کی تعمیر، گذر بسر کیلیے امداد، تکنیکی امداد کیلیے اداروں کو مضبوط کرنا اور پروجیکٹ مینجمنٹ و لاگت کا تخمینہ شامل ہیں۔
اجلاس کو بتایا گیا کہ گذربسر کیلیے دی جانے والی امداد کے واجبات اس ماہ کے آخر تک ادا کردیے جائیں گے۔ سیلاب متاثرین کیلیے گھروں کی تعمیر کے منصوبے کے تین مراحل ہیں جن میں گھروں کی تعمیر کیلیے امداد دینا، اداروں کی مضبوطی و تکنیکی امداد اور منصوبے کے عملدرآمد میں مدد شامل ہیں۔ اجلاس کو بتایا گیا کہ بیزمین متاثرین کو زمین الاٹ کرکے انہیں بسایا گیا ہے۔
مالکانہ حقوق انہیں منتقل کیے جا رہے ہیں۔ کراچی موبیلٹی پروجیکٹ کے تحت مختلف شاہراہوں پر نقل و حمل کی بہتری، رسائی میں آسانی اور تحفظ کی بہتری شامل ہے۔ اس کے تحت ییلو لائن کیلیے سڑک کی تعمیر، بی آر ٹی سسٹم کی تعمیر و روانگی اور استعداد میں اضافے و ٹکنیکی امداد شامل ہیں۔ اجلاس کو بتایا گیا کہ موجودہ اور نئی جام صادق پل کا ابتدائی خاکہ منظور ہو چکا ہے ، ستمبر 2024 میں حتمی ڈیزائن بھی جمع کرایا جا چکا ہے۔
چونکہ پلرز کا ڈیزائن منظور ہو چکا ہے اس لیے پلرز کا کام شروع ہو چکا ہے جبکہ بھرائی اور دیگر کام عملدرآمد کے مراحل میں ہے۔ ییلو لائن بی آر ٹی سسٹم کی تعمیر کیلیے 13 اور 19 اگست 2024 کو معاہدوں پر دستخط کیے جا چکے ہیں اور کام پر پیش رفت جاری ہے۔ ڈپو ون پر ستر اکتوبر 2024 کو کام کا آغاز ہوگا۔ کنسلٹنٹس نے تعمیراتی ماڈلز پیش کردیے ہیں جس پر بحث اور تجاویز کا تبادلہ ہوچکا اور بارہ اکتوبر 2024 کو اپ ڈیٹ رپورٹ پیش کی جائیگی۔
کلک پروگرام کے تحت شہری انتظام ، خدمات اور کاروباری ماحول کی بہتری اور ہنگامی حالات میں امداد کی فراہمی کو بہتر بنانا ہے۔ کارکردگی کی بنیاد پر مقامی اداروں کو 14 کروڑ 40 لاکھ ڈالر کی امداد ، پراپرٹی ٹیکس کے نظام کی بہتری، کاروباری ماحول کی بہتری، کچرا ٹھکانے لگانے کیلیے تکنیکی امداد اور ہنگامی امداد کے آلات کی خریداری شامل ہے۔
اجلاس کو بتایا گیا کہ تمام نو منصوبوں کے ٹھیکے دیے جا چکے ہیں۔ تمام 18 منصوبوں پر کام کا آغاز ہو چکا ہے۔25 ٹان میونسپل کمیٹیوں میں دو کروڑ ، 25 لاکھ اور 80 ہزار ڈالر کی 73 اسکیمیں فائنل کردی گئی ہیں۔ 64 اسکیموں کے اشتہارات شایع کردیے گئے ہیں جبکہ 9 منصوبے ٹان میونسپل کمیٹیوں میں منظوری کے مراحل میں ہیں۔ کے ایم سی نے 1 کروڑ 30 لاکھ ڈالر کی7 منصوبے تجویز کیے ہیں جن میں سے 2 منصوبے ٹھیکیداری کے مرحلے میں ہیں جبکہ پانچ باقی اسکیموں کے ابتدائی ڈیزائن پیش کیے گئے ہیں جن کو فائنل کیا جا رہا ہے۔
کے ایم سی کی سال 26-2025 کے چھ اسکیموں کی جانچ پڑتال مکمل کرلی گئی ہے جن میں فلائی اوورز، سڑکیں، نکاسی، ایک اسپورٹس کمپلیکس اور ایک فٹ بال اسٹیڈیم شامل ہے جبکہ ٹان کمیٹیوں کی اسکیموں کی جانچ پڑتال کی جا رہی ہے۔ کراچی میں پراپرٹی سروے کیلیے 15 سے 22 اگست کے درمیان گلبرگ اور نارتھ ناظم آباد میں سروے کیا گیا، سو سے زیادہ جائدادوں کی تفصیلات حاصل کی گئیں۔
اابتدائی سروے کی تفصیلات عالمی بینک کو فراہم کردی گئیں۔ منصوبے کیلیے بولی 25 ستمبر 2024 کو دی گئی تھی۔ اجلاس کو بتایا گیا کہ کراچی واٹر اینڈ سیوریج بورڈ میں انتظامی، مالیاتی اور آپریشنل اصلاحات کے منصوبے کی 20 ستمبر 2024 کو منظوری دی گئی ہے۔ تمام بڑی خریداری کے ٹینڈر جاری کیے جاچکے ہیں اور کام تیزی سے جاری ہے۔ 20 اکتوبر 2024 تک تمام معاہدوں پر دستخط کا امکان ہے۔
اس سلسلے میں اب تک 76 فیصد کام ہو چکا ہے جبکہ 20 اکتوبر تک یہ 95 فیصد تک ہو جائیگا۔ منصوبے کیلیے چیف انفارمیشن ٹیکنالوجی آفسر اور چیف انٹرنل آڈیٹر مقرر کیے جا چکے ہیں جبکہ چیف فنانشل آفسر کا تقرر 15 نومبر 2024 تک ہو جا چاہیے۔ سندھ میں چار سولر پارکس کے قیام، سرکاری عمارتوں کی شمسی توانائی پر منتقلی اور سولر ہوم سسٹم کے بارے میں بتایا گیا کہ سولر پارکس کے قیام کیلیے کامیاب بولی دہندہ اور لینڈ ڈیپارٹمنٹ کے درمیان زمین کی لیز کا معاہدہ کیا جائیگا۔
مانجھند میں نیشنل گرڈ کے ساتھ جوڑنے کے منصوبے کی منظوری ابھی باقی ہے۔ 10 ستمبر 2024 کو ایک اجلاس میں این ٹی ڈی سی کی جانب سے جون 2028 تک بجلی کی ترسیل کا زبانی وعدہ کیا گیا تھا تاہم یہ تصدیق تحریری طور پر کرنے کیلیے رابطہ کیا گیا ہے۔ اجلاس کے دوران بتایا گیا کہ سولر ہوم سسٹم کی کٹس فراہم کرنے کے پہلے معاہدے پر دستخط ہو چکے ہیں اور نومبر کے اوائل میں پہلی کھیپ پہنچ جائیگی۔
15 اکتوبر تک دوسرے معاہدے پر بھی دستخط کے امکانات ہیں۔ اس کیلیے انتظامات تیزی سے مکمل کیے جا رہے ہیں۔ پرائمری سطح پر تعلیم کی بہتری کے پروگرام سلیکٹ کے بارے میں اجلاس کو بتایا گیا کہ منصوبے کے پی سی ون کی منظوری دی جا چکی ہے۔ پلاننگ کمیشن سے درخواست کی جائے گی کی اس عمل کو تیزی سے مکمل کیا جائے۔ وزیراعلی سندھ نے بتایا کہ انہوں نے منصوبے کیلیے 23 لاکھ ڈالرز مختص کیے ہیں۔
میرپور خاص ضلع کیلیے سول ورک شروع کرنے کے احکامات دیے جا چکے ہیں۔ ٹھٹہ کیلیے اشتہارات جاری کیے جا چکے ہیں جبکہ ٹنڈو محمد خان اور مٹیاری کیلیے منصوبہ تیاری کے مراحل میں ہیں۔ پہلی سے دوسری جماعت کیلیے اشاعتی مواد کی رپورٹ عالمی بینک کو یکم کتوبر 2024 کو فراہم کردی گئی تھی۔ کتب جنوری 2025 تک فراہم کردی جائیں گی۔ تیسری سے پانچویں جماعت کی کتابیں بھی اپریل 2025 تک فراہم کردی جائیں گی۔
اجلاس کو بتایا گیا کہ 2022 کے سیلاب متاثرہ علاقوں میں آبپاشی نظام کی بہتری کے منصوبے کے ٹھیکے دیے جا چکے ہیں۔ قومی اور بین الاقوامی ٹیمیں متحرک کردی گئی ہیں۔ سندھ واٹر پالیسی عملدرآمد کمیٹی کا پہلا اجالس تین نومبر 2023 کو ہوا۔ پانی کی فراہمی میں بہتری کے منصوبوں کے حوالے سے بتایا گیا کہ اکرام واہ کی بحالی کا کام جاری ہے۔ اسٹیئرنگ کمیٹی کے اجلاس میں کینال کی ڈیزائن میں تبدیلی پر تفصیلی تبادلہ خیال گیا۔
کینال کی آر ڈی زیرو سے 193 تک لائننگ پر اتفاق کیا گیا۔ اس حوالے سے رپورٹ عالمی بینک کو فراہم کردی گئی ہے۔ بنیادی صحت کی بہتری کے پروگرام کے حوالے سے بتایا گیا کہ موجودہ مالی سل میں 121 مزید گورنمنٹ ڈسپنسریز قائم کردی جائیں گی۔ 171 ڈسپنسریز کے قیام کیلیے ایک ارب 60 کروڑ روپے کا بجٹ جمع کرایا گیا ہے جس کیلیے ادائیگیوں کے مرحلے کا آغاز کردیا گیا ہے۔
متعلقہ فورمز سے مںظوری کے بعد اضافی ایمبولینسز کے حصول کا کام شروع کردیا جائیگا۔ نیشنل ہیلتھ سپورٹ پروگرام کے بارے میں بنیادی صحت میں بہتری کے حوالے سے رپورٹ عالمی بینک کو فراہم کردی گئی ہے تاہم اس کی نیشنل ٹی بی پروگرام اور گلوبل فنڈ سے توثیق باقی ہے۔ یہ توثیق آ جانے کے بعد رپورٹ کو حتمی شکل دی جائے گی۔ کراچی میں کچرا ٹھکانے لگانے کے منصوبے کے حوالے سے بتایا گیا کہ گاربیج ٹرانسفر اسٹیشن کی تعمیر کیلیے یکم فروری 2024 کو ٹینڈر جاری کیا گیا اور 12 اگست 2024 کو منظوری کا لیٹر جایر کیا گیا ۔
گڈو اور سکھر بیراج سمیت سندھ میں کینالوں کی حفاظت اور محکمہ آبپاشی کی استعداد کار بڑھانے کے منصوبے کے بارے میں بتایا گیا کہ ہنگامی کام مکمل کرلیا گیا ہے۔ سکھر بیراج کے گیٹ نمبر 44 اور 47 اگلے سیزن میں دوبارہ تبدیل کیے جائیں گے۔ منصوبے کے ٹیم لیڈر ڈاکٹر کلیمنٹ کو سکھر بیراج کے دورے کی دعوت دی جا چکی ہے تاکہ گیٹ ٹوٹنے کی وجوہات کا پتہ لگایا جاسکے تاہم ویزہ مسائل کے باعث ان کا دورہ تاخیر کا شکار ہوگیا۔
اب وہ اکتوبر کے دوسرے ہفتے میں آئیں گے۔ سندھ کے منتخب اضلاع میں زچہ و بچہ سروسز کو بہتر بنانے کے پروگرام کے حوالے سے اجلاس کو بتایا گیا کہ سوشل پروٹیکشن ڈیپارٹمنٹ اور بینظیر انکم سپورٹ پروگرام کے درمیان 27 اگست 2027 کو معلومات کی فراہمی کے معاہدے پر دستخط ہوگئے ہیں۔ اگلے نوے روز میں پی ایس پی کی پہلی قسط جاری ہو جائے گی۔

پیپلز پارٹی شہداء کارساز کو کبھی فراموش نہیں کرے گی،سید وقار مہدی

ویران کالج کو آباد کرنے والی پرنسپل کا اچانک تبادلہ، طالبات سراپا احتجاج

کراچی میں 10 دن میں 90 ڈینگی کیسز سامنے آ گئے

وزیراعلیٰ سندھ سید مراد علی شاہ کی زیر صدارت اجلاس میں ہاری کارڈ جاری کرنے کا فیصلہ کر لیا گیا.

باغی ٹی وی کی رپورٹ کے مطابق وزیراعلیٰ سندھ کو محکمہ زراعت کی جانب سے ہاری کارڈ کے اجراء کیلئے مختلف پیکجز پر بریفنگ دی گئی . اجلاس میں صوبائی وزیر منصوبہ بندی و ترقی سید ناصر حسین شاہ، وزیر زراعت محمد بخش مھر، چیف سیکریٹری آصف حیدر شاہ، چیئرمین پی اینڈ ڈی نجم شاہ، سیکریٹری زراعت رفیق برڑو، سیکریٹری خزانہ فیاض جتوئی اور سیکریٹری رحیم شیخ موجود تھے جبکہ وزیر آبپاشی جام خان شورو اور سیکریٹری ہاؤسنگ خالد شیخ بذریعہ وڈیو لنک اجلاس میں شریک ہوئے اس موقعہ پر وزیراعلیٰ سید مراد علی شاہ کا کہنا تھا کہ سندھ میں ایک تا 12 ایکڑز راضی کے دس لاکھ آبادگار ہیں، آبادگاروں کی گندم کی کاشت کے لئے ہاری کارڈ کے ذریعہ حوصلہ افزائی کرنا چاہتا ہوں.ہم چاہتے ہیں کہ گندم کی پیداوار زیادہ سے زیادہ ہو، سندھ سے ہر سال چاول کی بڑی مقدار برآمد ہوتی ہے، ہمارے آبادگار اس سال ایسی فصلیں اگائیں جن کو برآمد کرسکیں، سندھ حکومت زرعی اور صنعتی شعبوں میں جدت لانا چاہتی ہے، زرعی شعبہ میں ترقی کرنے کی کافی گنجائش ہے اگر زراعت سائنسی بنیادوں پر کی جائے، اس موقع پر وزیراعلیٰ سندھ نے محکمہ آبپاشی کو ہدایت کی کہ ربیع کی فصلوں کیلئے بروقت زرعی پانی کی رسائی کو یقینی بنایا جائے اور کاشتکاروں کو فصلوں کی بہتر پیداوار سے متعلق مکمل آگاہی فراہم کی جائے.اجلاس میں گندم کے کاشتکاروں کو بہترین فصل اگانے کیلئے آگاہی مہم شروع کرنے کا فیصلہ بھی کیا گیا .

کراچی، ستمبر میں اسٹریٹ کرائمز کی 5 ہزار 8 سو 32 وارداتیں

وزیراعلیٰ سندھ مراد علی شاہ نے کہا ہے کہ پاکستان میں کھجور کی پیدار کے لحاظ سے سندھ ستاون فیصد کے ساتھ سرفہرست ہے۔

باغی ٹی وی کی رپورٹ کے مطابق وزیراعلیٰ سندھ ایکسپو سنٹر کراچی میں پاکستان کے پہلے بین الاقوامی کھجور فیسٹیول کی افتتاحی تقریب سے خطاب کر رہے تھے۔ انہوں نے فیسٹیول میں شرکت کرنے والے مقامی اور بین الاقوامی کاشت کاروں اور تاجروں کی کوششوں کو سراہا۔ مراد علی شاہ نے کھجور کی باغبانی کی اہمیت پر زور دیتے ہوئے کہا کہ پاکستان کھجور کا پانچواں پیداواری اور تیسرا بڑا برآمد کنندہ ملک ہے لیکن عالمی سطح پر پاکستانی کھجور کی قیمت نہیں ملتی جس کےلیے بارش برداشت کرنے اور زیادہ پیداوار دینے والی اقسام لگانی ہوں گی، جدید ٹیکنالوجی کو بھی اپنانا ہوگا۔ دنیا بھر میں یہ ایک نقد فصل مانی جاتی ہے۔ یہ غذائیت سے بھرپور اور معاشی طور پر اہم فصل ہے۔ انہوں نے نشاندہی کی کہ پاکستان میں دو لاکھ باون ہزار ایکڑ پر کھجور کے باغات ہیں ۔ 2022 میں 7 لاکھ 30 ہزار ٹن پیداوار کے ساتھ پاکستان عالمی کھجور مارکیٹ کا ایک اہم شراکت دار بن گیا۔

وزیراعلیٰ سندھ نے کھجور کی پیداوار میں سندھ کے نمایاں کردار پر فخر کرتے ہوئے کہا کہ پاکستان کی کل پیداوار کا 57 فیصد سندھ پیدا کرتا ہے۔ ساڑھے 33 فیصد کے ساتھ بلوچستان دوسرے نمبر پر جبکہ ڈھائی فیصد پیداوار کے ساتھ خیبرپختونخواہ تیسرے نمبر پر ہے۔ سندھ میں خیرپور کھجور کی مختلف اقسام کا مرکز ہے جہاں اصیل سمیت 300 سے زیادہ اقسام کی کھجور کاشت کی جاتی ہے۔ اصیل کا قومی پیداوار میں حصہ 70 فیصد ہے۔ بلوچستان میں بیکم جنگی اور مضاواتی جبکہ خیبرپختونخوا میں ڈھکی مشہور اقسام ہیں۔

وزیراعلیٰ سندھ نے امید ظاہر کی کہ تین روزہ فیسٹیول معلومات کے تبادلے اور پائیدار کاشت کاری کو یقینی بنانے میں مددگار ثابت ہوگا۔ انہوں نے کہا کہ حکومت کاشت کاری کے جدید طریقوں اور عالمی مارکیٹ میں پاکستان کے کردار کو بڑھانے کےلیے عالمی شراکت داری خصوصاً متحدہ عرب امارات کے ساتھ تعاون کےلیے پرعزم ہے۔ مراد علی شاہ نے بتایا کہ خلیجی ممالک کی طرز پر وزارت قومی غذائی تحفظ و تحقیق نے زرعی تحقیقاتی کونسل کے ذریعے صحرائے تھر میں بھی کھجوروں کی کاشت کا آغاز کیا ہے۔ کئی تجربات کے بعد کھجور کی 38 اقسام کی نشاندہی کی گئی جن میں 8 کی بڑے پیمانے پر کاشت کی سفارش کی گئی ہے۔ کھجور کی یہ 8 اقسام پنجاب کے صحرائے چولستان جیسے خشک علاقوں میں پیداواری صلاحیت کی حامل ہیں تاہم انہوں نے نشاندہی کی کہ پاکستان میں کھجور کی زیادہ تر اقسام روایتی اور مقامی ہیں جو براہ راست برآمد کرنے کے لائق نہیں ہیں۔

وزیراعلیٰ سندھ نے کہا کہ ہماری کھجور کی اقسام بارش برداشت کرنے کی صلاحیت نہیں رکھتیں جو عموماً اسی موسم میں ہوتی ہیں نتیجتاً بڑا مالی نقصان اٹھانا پڑتا ہے۔ اس مسئلے سے نمٹنے کےلیے ہمیں خلیجی ممالک سے بارش برداشت کرنے والی اقسام درآمد کرنی ہوں گی یا جدید تحقیق کے ذریعے نئی اقسام بنانی ہوں گی۔ کھجور کی اعلیٰ اقسام حاصل کرنے کےلیے ٹشو کلچر ٹیکنالوجی بھی اہم کردار ادا کرسکتی ہے۔ وزیراعلیٰ سندھ نے بڑے اور بہترین کاشت کاروں کو اسناد اور نقد انعامات سے بھی نوازا ۔ اس سے پہلے وزیراعلیٰ سندھ مراد علی شاہ نے گورنر سندھ کامران ٹیسوری اور متحدہ عرب امارات کے سفیر حماد عبید الزبی کے ہمراہ ربن کاٹ کر پاکستان کے پہلے بین الاقوامی کھجور فیسٹیول کا افتتاح کیا۔

وزیراعلیٰ سندھ سید مراد علی شاہ نے کہا ہے کہ نیشنل فنانس کمیشن (این ایف سی) ایوارڈ پر تحفظات وفاق کے سامنے رکھ دیے ہیں۔

باغی ٹٰی وی کی رپورٹ کے مطابق کراچی میں تقریب سے خطاب میں وزیراعلیٰ سندھ نے کہا کہ این ایف سی سے کوئی فرق نہیں پڑے گا، وفاق نے اس معاملے میں تحفظات حل کرنے کا یقین دلایا ہے۔انہوں نے کہا کہ وزیراعظم شہباز شریف سے بات کروں گا کہ کیالیکٹرک کے بورڈ میں سندھ حکومت کی نمائندگی ہو۔سید مراد علی شاہ نے مزید کہا کہ پی ٹی آئی کی حکومت میں معیشت سے کھیل کھیلا گیا، ملک کو سنبھالنے میں دو سال لگے ہیں۔ پی ٹی آئی کے غلط فیصلے ٹھیک کرنے میں وقت لگے گا، ملک معاشی مسائل سے ابھی نکلا نہیں، نکلنے جارہا ہے۔وزیراعلیٰ سندھ نے کہا کہ میثاق جمہوریت میں ججز کی سلیکشن کا طریقہ کار اور عدالت بننے کا عمل واضح ہے، پیپلز پارٹی کے منشورمیں بھی آئینی عدالتیں شامل ہیں، کہا جارہا ہے عدالتیں کسی ایک شخص کیلیے بنائی جارہی ہیں۔

چکن گونیا، ڈینگی اور ملیریا کے کیسزمیں تشویشناک حد تک اضافہ

انہوں نے کہا کہ میڈیا پر بھاری ذمے داری ہے کہ وہ لوگوں تک اصل حقائق پہنچائے، پہلے صحافت کا اسٹینڈرڈ ہائی ہوتا تھا، اب ہر موبائل والا صحافی ہے۔سید مراد علی شاہ نے کہا کہ صحافت کے غلط استعمال سے نقصانات ہوتے ہیں، ہم صحافت کو ریاست کا چوتھا ستون سمجھتے ہیں۔#

وزیراعلیٰ سندھ سید مراد علی شاہ سے آج پاکستان پیپلزپارٹی کے منتخب نمائندوں اور پارٹی رہنماؤں نے ملاقات کی اور علاقے کے مسائل، تنظیمی معاملات پر تبادلہ خیال کیا۔

باغی ٹی وی کی رپورٹ کے مطابق وزیراعلیٰ سندھ مراد علی شاہ سے رکن قومی اسمبلی عبدالقادر پٹیل اور رکن صوبائی اسمبلی آصف خان نے ملاقات کی۔ دونوں رہنماؤں نے اپنے حلقے کے مسائل اور ترقیاتی کاموں کے حوالے سے وزیراعلیٰ سندھ کے ساتھ تبادلہ خیال کیا۔ مراد علی شاہ نے انہیں بتایا کہ کراچی میں سڑکوں کی تعمیر کےلیے فنڈز جاری کردیے گئے ہیں۔مراد علی شاہ سے رکن قومی اسمبلی پیر آفتاب جیلانی نے بھی وزیراعلیٰ ہاؤس میں ملاقات کی۔ اس موقع پر علاقے میں بارش کے بعد بحالی کی صورتحال اور ترقیاتی منصوبوں پر تبادلہ خیال کیا گیا۔ وزیراعلیٰ نے بتایا کہ انہوں نے متاثرہ علاقوں میں نقصانات کا سروے کرنے کا حکم جاری کردیا ہے۔

کار ساز حادثہ کیس کی ملزمہ نتاشہ بیمارپڑگئی

وزیراعلیٰ سندھ سے رکن صوبائی اسمبلی گیانچند ایسرانی نے ملاقات کی۔ اس موقع پر علاقے کے مسائل کے علاوہ اقلیتوں کے امور پر بھی تبادلہ خیال کیا گیا۔ وزیراعلیٰ سندھ سے رکن صوبائی اسمبلی ڈاکٹر سکندر شورو نے بھی ملاقات کی اور اپنے مسائل سے آگاہ کیا۔ وزیراعلیٰ سندھ نے موقع پر احکامات جاری کیے۔ مراد علی شاہ سے پیپلزپارٹی سندھ کے جنرل سیکریٹری وقار مہدی نے بھی ملاقات کی۔ سندھ میں تنظیمی سرگرمیوں اور سیاسی حکمت عملی پر تبادلہ خیال کیا گیا ۔

وزیراعلیٰ سندھ مراد علی شاہ نے کہا ہے کہ آج فخر ہے ہم سعودی عرب کا 94 واں قومی دن منا رہے ہیں.

باغی ٹی وی کی رپورٹ کے مطابق وزیر اعلیٰ سندھ سید مراد علی شاہ نے سعودی عرب کے 94 واں قومی دن پر پیغام میں کہا کہ یہ دن سعودی ریاست کے تاریخ ساز و اتحاد کاعکاس ہے، میں شاہ سلمان بن عبدالعزیز، ولی عہد شہزادہ محمد بن سلمان اور سعودی عرب کے عوام کو دلی مبارکباد پیش کرتا ہوں. ہم نہ صرف سعودی لیڈروں کی بلکہ سعودی عوام کے جذبے کی بھی عزت کرتے ہیں.سعودیہ قوم اپنی گہری ثقافت کے ساتھ دنیا میں بڑی قوت کے طور پر ابھری ہے.خدا کرے کہ یہ مملکت اسی طرح اتحاد، ترقی و امن کے طور پر پھلتے پھولتے رہے.

ڈاکٹر عافیہ کی رہائی کے لیے ٹیکساس جیل کے باہر مظاہرہ

کار ساز حادثہ کیس کی ملزمہ نتاشہ بیمارپڑگئی

وزیراعلیٰ سندھ مراد علی شاہ نے کہا ہے کہ مظلوم فلسطینیوں پر اسرائیلی مظالم کی شدید مخالفت کرتا ہوں.

باغی ٹی وی کی رپورٹ کے مطابق وزیراعلیٰ سندھ سید مراد علی شاہ کا امن کے عالمی دن کے موقع پر پیغام میں کہنا تھا کہ اسرائیل اب تک ہزاروں بے گناہ فلسطینیوں کو شہید کرچکا ہے، اقوام متحدہ کو اسرائیلی جارحیت کے خلاف اقدام اٹھانا ہوگا.آج انسانیت کی بقا کی خاطر اقوام عالم کو اپنا بھرپور کردار ادا کرنا ہوگا. انہوں نے مطالبہ کیا کہ کشمیریوں کو حقِ خود ارادیت دیا جائے تاکہ وہ اپنی خوشی سے زندگی گزارسکیں،ھارتی مظالم کا سدباب کیاجائے، جو اب تک معصوم کشمیریوں کا قتل عام کرتا آرہا ہے.امن سے ہی محبت پروان چڑھتی ہے.ہم سب اس درھرتی کے وارث ہیں ،ہم جتنا اسے بہتر بنائیں گے ، ہماری آئندہ نسلیں اتنی ہی خوشحال زندگی بسر کریں گی.آئیں یہ عہد کریں کہ رنجشوں کو بھلا کر دنیا کو امن کا گہوارہ بنائیں ،امن جو کہ ہر ترقی کی بنیاد اور خوشحالی کی ضمانت ہے.

مشتاق احمد کی بیٹی کی شادی کی تقریب، کرکٹرز اور شوبز ستاروں کی شرکت

وزیراعلیٰ سندھ سید مراد علی شاہ سے چین کے قونصل جنرل یانگ یونڈونگ (Yang Yundong) نے ملاقات کی ہے.

باغی ٹی وی کی رپورٹ کے مطابق ترجمان وزیراعلیٰ سندھ نے بتایا کہ ملاقات میں سی پیک کے منصوبوں پر تبادلہ خیال کیا گیا، اس موقع پر سید مراد علی شاہ کا کہنا تھا کہ حیدرآباد تا سکھر موٹروے سی پیک پروجیکٹ میں شامل کروانا چاہتے ہیں، حیدرآباد تا سکھر موٹروے سندھ کا اہم منصوبہ ہے، وزیراعلیٰ سندھ نے کے سی آر منصوبے کو بھی سی پیک پروجیکٹس میں منظوری سے متعلق بات کی.چین کے قونصل جنرل یانگ یونڈونگ کا کہنا تھا کہ چائنیز اتھارٹی ان دونوں منصوبوں پر غور کر رہی ہیں، قونصل جنرل نے وزیراعلیٰ سندھ کو اپنے قومی دن کے پروگرام کی دعوت بھی دی.

حکومتی یقین دہانی پر احتجاجی دھرنا موخر کر رہے ہیں،عافیہ موومنٹ

وزیر اعلیٰ سندھ سید مراد علی شاہ نے پاکستان کے پہلے کیفے خودی کا افتتاح کیاجس کا عملہ خصوصی افراد پر مشتمل ہے۔

باغی ٹی وی کی رپورٹ کے مطابق اس موقع پر مراد علی شاہ نے کہا کہ یہ کیفے ایک سنگ میل کی حیثیت رکھتا اور اس بات کی روشن دلیل ہے کہ فرد اگر اپنی صلاحیتوں کو بروئے کار لا ئے تو وہ کیا کچھ نہیں کرسکتا ۔یہاں پر خصوصی افراد اپنے روشن کیریئر کے ساتھ ساتھ ذاتی تجربہ بھی حاصل کررہے ہیں جو محض فنی تعلیم حاصل کرنے کی نسبت ایک عملی قدم ہے۔اس موقع پر وزیراعلیٰ سندھ کے ہمراہ صوبائی وزراء سعید غنی اور ذوالفقار شاہ تھے۔ کے وی ٹی سی کے سی ای او سینیٹر حسیب احمد اور دیگر نے وزیراعلیٰ سندھ کو یونٹو کے حوالے سے بریفنگ دی۔وزیراعلیٰ سندھ نے کہا کہ کراچی ووکیشنل ٹریننگ سینٹر (KVTC) طویل عرصے سے خصوصی افراد کو بااختیار بنانے کے لیے کام کررہی ہے اور بہترین پیشہ ورانہ تربیتی پروگرام کی فراہمی کویقینی بناتے ہوئے اپنی پوری توجہ مرکوز رکھتی ہے۔

پی ٹی آئی کو اپنے بانی کو سمجھانے کی ضرورت ہے، مصفی کمال

انہوں نے مزید کہا کہ کے وی ٹی سی پروگرام صرف صلاحیتوں میں اضافہ نہیں بلکہ زندگی تبدیل کرنے کے حوالے سے ایک اہم قدم ہے۔ انہوں نے کہا کہ جس طرح کے پروگرام آج ہم دیکھ رہے ہیں، خاص طور پر کھانے پینے کی اشیاء کے فن میں کے وی ٹی سی کے طلباء بہترین صلاحیت کے مالک ہیں جو انہیں پیشہ ورانہ تقاضوں کی تکمیل کے لیے تیار کرتے ہیں۔وزیراعلیٰ سندھ نے کے وی ٹی سی کی ٹیم کی لگن کو سراہا۔انہوں نے کہا کہ طلباء کو بااختیار بنانے، ان کی صلاحیتوں کو دریافت کرنے اور مدد کرنے میں کے وی ٹی سی نے غیر معمولی عزم کا مظاہرہ کیا ہے۔انہوں نے مزید کہا کہ کے وی ٹی سی ٹیم کی کوششوں کی وجہ سے طلباء نہ صرف سیکھ رہے ہیں بلکہ مستقبل کی جانب تیزی سے بڑھ رہے ہیں۔ مرادعلی شاہ نے کہا کہ طلباء نے بہترین صلاحیتوں کا مظاہر ہ کیا ہے اور بہترین رہنمائی سے تمام رکاوٹوں کوعبور کررہے ہیں ۔خودی ؛ بیکری اینڈ کیفے کا آغاز اس پیشرفت کا ثبوت ہے۔ یہ صرف ایک کیفے نہیں بلکہ اس سے کہیں آگے ہے۔انہوں نے کہاکہ جب لوگ کچھ کرنے کی ٹھان لیتے ہیں تو وہ ضرور اپنی منزل پا لیتے ہیں ۔ یہ قدم انہیں حقیقی دنیا کے قریب لے جائے گا جہاں وہ اپنی ترقی کا لوہا منواسکتے ہیں اور اپنے روشن مستقبل کے امکانات میں اضافہ کرسکتے ہیں۔ وزیراعلیٰ سندھ نے کہا کہ انہیں اس کیفے کا حصہ بن کر بے حد مسرت محسوس ہورہی ہے جو افراد کی صلاحیتوں کو نہ صرف نکھارتا ہے بلکہ انہیں حقیقی ترقی سے منسلک کرتا ہے اورآگے بڑھنے کے بہترین مواقع فراہم کرتا ہے جس سے ان کے وقار میں اضافہ ہوتاہے۔ انہوں نے کہا کہ یہ کیفے ہمارے معاشرے کے لیے ایک روشن مثال ہے، جو ہمیں بتاتاہے کہ حقیقی کامیابی اپنے ارادوں کی تکمیل میں ہے ۔

اسرائیل سے تعلقات آزاد فلسطینی ریاست تک ممکن نہیں، سابق سعودی انٹیلیجنس چیف

مرادعلی شاہ نے امید ظاہر کی کہ کیفے کے آغاز سے دوسروں کو بھی ان کے نقش قدم پر چلنے کی ترغیب ملے گی۔انہوں نے پیغام دیتے ہوئے کہا کہ ہمیں اپنی اسپیشل کمیونٹی کی بھر حمایت جاری رکھنی ہے اور انہیں وہ پلیٹ فارم دیں جس کی انہیں ضرورت ہےتاکہ وہ ترقی کرسکیں۔