اسلام آباد سےکراچی آنے والی نجی ائیرلائن کی پرواز کا مسافر دوران سفر انتقال کر گیا۔

باغی ٹی وی : ائیرپورٹ ذرائع کے مطابق اسلام آباد سےکراچی آنے والی نجی ائیرلائن کی پرواز ای آر 505 میں دوران سفر 19 سال کے حنین فاروق کو اچانک دل کی تکلیف ہوئی، مسافر اپنے کزن عمران سومرو کے ہمراہ اسلام آباد سےکراچی آرہا تھا-

کوئٹہ: بس اسٹاپ پر دھماکہ ایک شخص جاں بحق اور 20 افراد زخمی

ذرائع کا کہنا ہے کہ مسافر کی طبیعت بگڑنے پر کراچی ائیرپورٹ پر ڈاکٹرز کو انتظامات کی ہدایت کی گئی، مسافر کو طیارے سے باہر لاکر ڈاکٹرز نے چیک کیا تو وہ پہلے ہی انتقال کر چکا تھا۔

ائیرپورٹ ذرائع کے مطابق وفاقی وزارت صحت کے ڈاکٹرز نے مسافر حنین فاروق کا ڈیتھ سرٹیفیکیٹ بھی جاری کر دیا، متوفی مسافر بلدیہ ٹاؤن مدینہ کالونی کا رہائشی تھا۔

نجی ائیر لائن کی پرواز ای آر 505 رات 12 بجے اسلام آباد سے کراچی پہنچی تھی۔

گورنر پنجاب نے وزیراعلی پنجاب کو اعتماد کا ووٹ لینے کی ہدایت کر دی

جڑواں شہروں میں آمدورفت کیلئے میٹرو بس ایک بہترین سروس ہے لیکن متعدد مسافروں نے شکایت کی ہے کہ میٹرو بس اسٹیشنوں پر موجود عملہ دن بدن بڑھتی دھکم پیل کو روکنے میں ناکام نظر آتا ہے راولپنڈی کے ایک شہری ذوالقرنین چودھری نے باغی ٹی وی سے بات کرتے ہوئے شکایت کی کہ اکثراوقات دفاتر، کالجز اور جامعات میں حاضری اور چھٹی کے وقت زیادہ رش کی وجہ سے میٹرو بسوں میں دھکم پیل نظر آتی ہے اور اس رش میں بعض اوقات قیمتی سامان جیسے موبائل فون وغیرہ چوری ہونے کا بھی خطرہ ہوتا ہے

میٹرو بس اسٹیشن پر موجود ایک سیکورٹی اہلکار نے باغی ٹی وی کو نام ظاہر نہ کرنے کی شرط پر بتایا کہ: اس دھکم پیل کے ذمہ دار مسافر خود ہیں کیونکہ ہم تو انہیں کہتے رہتے ہیں کہ بس بھری ہوئی ہے اور اترنے والی سواریوں کو اترنے دو جبکہ آپ اگلی بس جس میں جگہ ہو بیٹھ جانا لیکن متعدد لوگ ہماری اس بات کو نظرانداز کرتے ہوئے زبردستی بس میں گھس جاتے ہیں۔ اب اگر کوئی زبردستی بس میں گھس جاتا ہے تو ہم اس کا کیا کرسکتے ہیں؟

ایک اور شہری نے بتایا کہ میں اسلام آباد کا رہائشی ہوں اور ایک محکمے میں ملازمت کرتا ہوں اور آنے جانے کیلئے اکثر اوقات میٹرو بس استعمال کرتا ہوں اور یقینا بدنظمی کے ذمہ دار مسافر ہیں لیکن کیا انتظامیہ کا کام انہیں بدنظمی اور دھکم پیل سے روکنا نہیں ہے؟
نیشنل یونیورسٹی آف ماڈرن لینگویجز اسلام آباد کی طالبہ ماہ نور نے باغی ٹی وی کو بتایا کہ: بطور خاتون مجھے میٹرو میں خاص کر صبح جامع میں جاتے وقت اور پھر واپسی پر تکلیف ہوتی ہے کیونکہ یہ وقت جامعات کی چھٹی کا ہوتا یے اور اس میں کوئی شک نہیں ہمارے ہاں دھکم پیل پڑھے لکھے جاہل ہی کرتے ہیں، لیکن جو عملہ ان چیزوں کو قابو کرنے کیلئے میٹرو اسٹیشنوں پر تعینات ہے وہ صرف تماشائی بنا رہتا ہے۔
انہوں نے میٹرو انتظامیہ کو مشورہ دیاکہ: اس بارے میں انتظامیہ کو ایک لائحہ عمل بنانا چاہئے اور جو سواری اسکی خلاف ورزی کرے اسے جرمانہ کیا جائے.

مسافرٹرینوں کی کمرشل مینجمنٹ کیلئے پراکس بورڈ کی نئے قواعدوضوابط کی منظوری
نئے رولز کی حتمی منظوری کیلئے ریلوے بورڈ کااجلاس 22دسمبر کو ہوگا،فیصلے کے بعد کمرشل مینجمنٹ پراکس کے حوالے کردی جائے گی

اسلام آباد(محمداویس)مسافرٹرینوں کی کمرشل مینجمنٹ لینے کے لیے پراکس بورڈ نے نئے رولز کی منظوری دے دی ۔ پراکس بورڈ سے نئے رولز کی منظوری کے بعد اب ریلوے بورڈ سے منظوری لی جائے گی جس کااجلاس 22دسمبر کو ہوگا، اس کے بعد مسافرٹرینوں کی کمرشل مینجمنٹ پراکس کے حوالے کردی جائے گی۔ذرائع کے مطابق مسافرٹرنیوں کی کمرشل مینجمنٹ کی آئوٹ سورسنگ میں ناکامی کے بعد مسافرٹرینیں پاکستان ریلوے کی اپنی کمپنی پراکس کو دینے کے لیے کام شروع ہوگیاہے اس حوالے سے گذشتہ روز پاکستان ریلوے ایڈوائزری اینڈ کنسلٹنسی سروسز(پراکس)کے بورڈ کااجلاس سیکرٹری وچیئرمین ریلوے حبیب الرحمن گیلانی کی سربراہی میں ہو۔ا اجلاس میں دیگر بورڈ ارکان نے بھی شرکت کی۔ بورڈ میںسی ای اور ریلوے نثار میمن ،ایم ڈی پراکس عامربلوچ ،ممبرفنائس وزارت ریلوے،اے جی ایم ٹریفک ،اے جی ایم ا نفرسٹرکچر،اے جی ایم مکینیکل،جنرل منیجر ڈبلیواینڈایس آئی اورجنرل منیجرایم اینڈ ایس پاکستان ریلوے شامل ہیں ۔

اجلاس میں پراکس کے نئے رولز پیش کئے جائیں گے اور اس پر بورڈ ارکان کو بریفنگ دی گئی جس کے بعد بورڈ نے پراکس کے نئے رولز کی منظوری دے دی جس کے بعد پراکس ریلوے کے مسافرٹرینوں کی کمرشل مینجمنٹ لینے کے قابل ہو گی ہے پراکس بورڈ سے نئے رولز کی منظوری کے بعد ریلوے بورڈ سے نئے رولز کی منظوری لے جائے گی اگر ریلوے بورڈ مسافرٹرینوں کی کمرشل مینجمنٹ پراکس کے حوالے کرنے کی منظور ی دے دی تو تمام مسافرٹرینیں پراکس کے حوالے کردی جائیں گئیں ریلوے بورڈ کااجلاس 22دسمبر کو سیکرٹری ریلوے بورڈ ظفرذمان رانجھا کی سربراہی میں ہوگا۔ذرائع کاکہناہے کہ جتنا ریلوے ان مسافرٹرنیوں سے کم رہی ہے اس سے زیادہ پر مسافرٹرینیں پراکس کودی جائیںگی جس سے ریلوے کوفائدہ ہوگا ۔واضح رہے کہ ٹرینوں کی باربارآوٹ سورسنگ میں ناکامی کے بعد وزیرریلوے سینیٹراعظم سواتی نے 4دسمبرکومسافرریل گاڑیاں پراکس کودینے کی ہدایت کی تھی جس کے لیے نئے رولز بنائے جارہے ہیں۔

نجی ائیرلائن ایئربلیو کی نااہلی اسلام آباد پہنچنے والے مسافروں کا سامان کراچی چھوڑ آئی

کراچی سے اسلام آباد کی پرواز PA 200 کے مسافروں نے اسلام آباد ایرپورٹ پر احتجاج کیا اورایئربلیو اییرلاین کے عملے کو کھری کھری سنا دیں ایئربلیو ایئرلاین 40 سے زائد مسافروں کا سامان کراچی چھوڑ آئی درجنوں مسافراسلام آباد ائیرپورٹ پر اپنے سامان کے منتظر ہیں، ائیرلائن عملہ کافی دیر بعد دوسری فلائٹ سے سامان بھیجنے کا بتارہا ہے،اسلام آباد ایئر پورٹ پر مسافروں کی عملے سے تکرار ہوئی ہے، مسافروں کا کہنا ہے کہ ہمیں سامان چاہییے کہیں ہم ائیرپورٹ سے کہیں نہیں جارہے ،نجی ایئر لائن حکام مسافروں کو تسلیاں دے رہے ہیں کہ کراچی سے اب جو فلائیٹ نکلے گی وہ کراچی سے سامان لے کر آئے گی،مسافر سامان کے انتظار میں ایئر پورٹ پر بیٹھے ہیں، ایئر بلیو حکام کے جانب سے مسافروں کو بار بار یہی کہا جا رہا ہے کہ اگلی فلائٹ پر سامان اسلام آباد پہنچ جائے گا

قبل ازیں رواں ماہ ہی پاکستان کی قومی ایئر لائن پی آئی اے بھی دبئی سے ملتان آنے والے مسافروں کا سامان دبئی چھوڑ آئی تھی جس پر مسافروں نے احتجاج کیا تھا ،پی آئی اے کی پرواز پی کے 222 57 مسافروں کا سامان دبئی چھوڑ آئی تھی