Tag: مسلم لیگ ن

لاہور: ایک سرکاری تنظیم کی جائزہ رپورٹ سے معلوم ہوا ہے کہ 8 فروری کو ہونے والے عام انتخابات میں مسلم لیگ (ن) سب سے بڑی جماعت بن کر ابھرے گی-

باغی ٹی وی : انگریزی اخبار دی نیوز سے نام نا ظاہر کرنے کی شرط پر ایک اہلکار نے بتایا کہ سرکاری تنظیم نے پولیس ذرائع، ریونیو ڈپارٹمنٹ، مزدور یونینز اور مختلف شعبوں میں پیشہ ور افراد کے انٹرویوز کے ذریعے جمع کی گئی معلومات کی بنیاد پر یہ تجزیہ پیش کیا ہے یہ جائزہ پولیس اسٹیشن اور یونین کونسل کی سطح پر کیا گیا ہے-

دی نیاز کے مطابق اہلکار نے بتایا کہ غلط اندازوں کے امکان کو دور کرنے کیلئے یہ سروے سائنسی انداز میں کیا گیا ہے، اگرچہ اب تک کیے گئے سروے میں ن لیگ کی مقبولیت کی شرح کے حوالے سے ایک پُرامید اندازہ لگایا گیا ہے کیونکہ نواز شریف کی واپسی کے بعد سے پارٹی کی مقبولیت میں اضافہ ریکارڈ کیا گیا ہے لیکن اب تک کسی نے یہ جائزہ پیش نہیں کیا کہ پارٹی کتنی نشستیں جیت سکتی ہے۔

رپورٹ کے مطابق بین الاقوامی میڈیا نے بھی نواز شریف کو مستقبل کے وزیر اعظم کے طور پر پیش کیا ہے لیکن کیا وہ سادہ اکثریت حاصل کر پائیں گے یا نہیں اس کا جواب نہیں ہے لیکن اس سرکاری جائزے کے مطابق ن لیگ کو 115 سے 132 کے درمیان قومی اسمبلی کی نشستیں ملنے کا امکان ہے۔

خواتین اور اقلیتوں کی مخصوص نشستوں کو شامل کرنے کا مطلب یہ ہوگا کہ پارٹی کے پاس سادہ اکثریت کے ساتھ تنہا حکومت بنانے کا موقع ہوگا، جہاں تک صوبائی اسمبلی کی نشستوں کا تعلق ہے، جائزے کے مطابق پنجاب اسمبلی میں انہیں 297 میں سے 190 کے قریب نشستیں مل سکتی ہیں یعنی ن لیگ کو صوبائی اسمبلی میں مکمل اکثریت مل سکتی ہے ن لیگ چند اضلاع کے علاوہ پنجاب میں کلین سوئپ کر سکتی ہے۔

سرکاری اندازوں کے مطابق ن لیگ پنجاب میں ممکنہ دو تہائی اکثریت کے ساتھ حکومت بنائے گی، خیبرپختونخوا اور بلوچستان میں ن لیگ مخلوط حکومتیں بنانے کامیاب ہوجائے گی جبکہ پیپلز پارٹی کے پاس صرف سندھ میں حکومت کا امکان ظاہر کیا گیا ہے۔

دی نیوز کے مطابق جائزہ رپورٹ میں کہا گیا ہے کہ مرکز میں پیپلز پارٹی کو 35 سے 40 کے نشستیں مل سکتی ہیں جبکہ تحریک انصاف کے آزاد امیدوار 23 سے 29 کے درمیان سیٹیں حاصل کر سکتے ہیں، ایم کیو ایم کو 12 سے 14 نشستیں مل سکتی ہیں، جے یو آئی قومی اسمبلی کی 6 سے 8 نشستیں، ق لیگ اور استحکام پاکستان پارٹی کو قومی اسمبلی میں دو سے تین نشستیں ملنے کی توقع ہے۔

لاہور: قومی اسمبلی کے حلقہ این اے 127 میں ووٹوں کی خرید وفروخت کے معاملے پر پیپلز پارٹی اور مسلم لیگ ن نے صلح کرتے ہوئے ایک دوسرے کے خلاف شکایتیں واپس لے لیں۔

باغی ٹی وی: الیکشن کمیشن کے نوٹس پر دونوں پارٹیوں کے وکلاء ڈسٹرکٹ مانیٹرنگ آفیسر پی پی 160 عمرمقبول کے روبرو پیش ہوئے وکیل عطا تارڑ ناصر چوہان نے بتایا کہ دونوں پارٹیوں کے شکایت کنندہ نے ڈسٹرکٹ مانیٹرنگ افسر کے دفتر میں معاملات طے کئے اور الیکشن کمیشن کو فیصلے سے آگاہ کر دیا، دونوں پارٹیوں نے ضابطہ اخلاق پر عمل پیرا ہونے کی شرط پر شکایات واپس لیں۔

واضح رہے کہ پاکستان مسلم لیگ ن اور پاکستان پیپلز پارٹی نے ایک دوسرے پر ووٹوں کی خریدو فرخت کا الزام عائد کیا تھا پیپلزپارٹی نے ن لیگ کے رہنما عطا تارڑ پرالیکشن آفس پر دھاوا بولنے اور کارکنوں کے اغوا کا الزام عائد کرتے ہوئے الیکشن کمیشن آف پاکستان سے نوٹس لینے کا مطالبہ کیا تھا قومی اسمبلی کےحلقہ این اے127 لاہور میں پاکستان پیپلزپارٹی کے چیئرمین بلاول بھٹو زرداری اور مسلم لیگ ن کے رہنما عطاتارڑ مدمقابل ہیں۔

لاہور: مسلم لیگ ن کے رہنما عطا تارڑ نے کہا ہے کہ پیپلز پارٹی کے پاس نا ووٹر نا سپورٹر موجود ہے صرف ان کے پیسے ہیں-

باغی ٹی وی : مسلم لیگ ن کے رہنما این اے 127 کے امیدوار عطا تارڑ نے ڈی سی آفس میں میڈیا سے گفتگو میں کہا کہ ہماری مہم مکمل طور پر چل رہی ہے ، ہم گلی کوچوں اور ہر شہری کے پاس جا رہے ہیں ، پیپلز پارٹی کے پاس نا ووٹر نا سپورٹر موجود ہے صرف ان کے پیسے ہیں ، وہ ووٹ خرید کر لاہور کے امن کی سیاست کو آلودہ کرنا چاہتے ہیں-

عطا تارڑ نے کہا کہ بلاول بھٹو ایک وڈیرہ ابن وڈیرہ ہے ، لوگوں کو روٹی دینے کا دعوی کرنے والے ٹینکروں سے پانی پینے کو دیتے ہیں ،پیپلز پارٹی کی بدیانتی اور کرپشن کی وجہ سے کراچی کھنڈرات کا منظر پیش کر رہا ہے ، لاہور میں جب بارش آتی ہے تو یہاں پانی نہیں آتا یہاں ڈرینج بنے ہیں ، بلاول بھٹو کی منطق ہے بارش سے موازنہ کرتے ہیں اپنے تعلیمی نظام کا موازنہ کرے –

بلوچستان میں لیویز تھانے پر نامعلوم دہشتگردوں کا حملہ

لیگی رہنما نے کہا کہ اسلم گل نے نام بگاڑ کر اپنی تربیت کا مظاہرہ کیا ہے ، یہ کرپشن کی سیاست کر رہے ہیں پولیس کو رپورٹ کیا ، ہم نے رشوت دینے والوں کو رنگے ہاتھوں پکڑا ہے ،الیکشن ہم جیتے ہوئے ہیں بلاول بھٹو گھبرا کر پیسے لگا رہا ہے ، الیکشن کمیشن اور نگران وزیر اعلی اس وقت غیر جانبدار ہیں، میری التماس ہے کہ نگران وزیر اعلی اور الیکشن کمیشن نیوٹرل رہ کر اپنا کردار ادا کریں ، ہم نے ڈسٹرکٹ مانیٹرنگ افسر کو اپنا بیان ریکارڈ کروایا ہے-

علی ظفر نے پی ایس ایل 9 کے ترانے کا نام بتا دیا

عطا تارڑ نے کہا کہ بلاول اپنی اعلی شان گاڑی سے اتر کر کسی غریب خانے میں بھی جائیں ، بلاول بھٹو کو کہتا ہوں اعلی شان بنگلوں میں بیٹھ کر سیاست نہیں ہوتی ،میں نے بلاول کی طرح شکایت نہیں کی کہ پاپا عطا مجھے تنگ کرتا ہے ، میں نے دھاوا بولنا ہوتا تو سب کو بتا کر جاتا ہے ، ہم نے پر امن احتجاج کیا جو ہمارا حق ہے ، قران پاک پر ہاتھ رکھ کر رشوت دیتے ہیں، آج تک سیاست میں قرآن پاک پر ہاتھ نہیں رکھا ، خدا کا خوف کریں اور قرآن پاک کو درمیان میں مت لائیں-

بلوچستان میں لیویز تھانے پر نامعلوم دہشتگردوں کا حملہ

لاہور: چیئرمین پی پی پی بلاول بھٹو زرداری نے مسلم لیگ ن کی جانب سے لاہور این اے 127 کے صوبائی حلقے پی پی 160 کے الیکشن آفس پر حملے کی مذمت کی ہے،جبکہ الیکشن کمیشن نے عطا تاررڑ کی جانب سے پیپلز پارٹی دفتر پر حملے کا نوٹس لیتے ہوئے رپورٹ طلب کر لی-

باغی ٹی وی:چیئرمین بلاول بھٹو زرداری نے کہا کہ این اے 127 کے صوبائی حلقے پی پی 160 کے الیکشن آفس پر حملے کے معاملے پر الیکشن کمیشن ڈسکہ کی طرح سنجیدہ اقدامات کرے، این اے 127 کے صوبائی حلقے پی پی 160 کے الیکشن آفس پر حملے کے معاملے پر پولیس ذمہ داران کے خلاف مقدمات درج کرکے انہیں گرفتار کرے-

بلاول نے کہا کہ مسلم لیگ ن اپنے روایتی اوچھے ہتھکنڈوں کو اختیار کرکے لاہور کے عوام کو ڈرانا چاہتی ہے، لا ہور کے عوام مسلم لیگ ن کی غنڈہ گردی سے ڈرنے والے نہیں ہیں، لاہور کے عوام 8 فروری کو تیر پر ٹھپہ لگا کر مسلم لیگ ن کی غنڈہ گردی کا جواب دیں گے، لاہور کے باشعور عوام کو مسلم لیگ ن خرید کر اور ڈرا کر نہیں جھکا سکتی-

دوسری جانب رضا ربانی، ذوالفقار علی بدر،چودھری اسلم گل،فیصلمیر،عدنان گورسی،میاں مصباح،فیاض بھٹی،عثمان ملک، کی مشترکہ پریس کانفرنس کی-

پی پی رہنما رضا ربانی نے کہا کہ ‏پاکستان پیپلز پارٹی کے مرکزی دفتر پر عطا تارڑ نے جو دہشت گردی کی ہے انکی شکست عیاں ہو گئی ہے،الیکشن کمشن سے مطالبہ کرتا ہوں کہ این اے127 ہائی پروفائل حلقہ ہے الیکشن کمشن یہاں دہشت گردی اور اغوا کاری کا فوری نوٹس لےلاہور پولیس اور انتظامیہ سے مطالبہ کرتا ہوں کہ ایف آئی آر فوری درج ہونی چاہیے۔

رضا ربانی نے کہا کہ 5گھنٹے گزرنے اور فونز کے باوجود پولیس کا مناسب رد عمل سامنے نہیں آیا، نگراں حکومت کا کام فری اینڈ فیئر الیکشن کرانا ہے، چاہتے ہیں 8فروری آرام سے گزرے کیونکہ اس روز بلاول بھٹو زرداری کامیاب ہونگے، تصادم ہمارے حق میں نہیں یہ شکست خوردہ عناصر کا کام ہے۔

پی پی رہنما اسلم گل نے کہا کہ پیپلز پارٹی کل ایک بجے اجلاس میں اپنے مستقبل کے لائحہ عمل کا اعلان کرینگے، یہ غنڈہ گردی میاں صاب جب آپ کو جوتے مار کر نکالا جاتا ہے تو بھاگ جاتے ہیں عطا تارڑ نے چھوٹی حرکت کی ہےاس بدمعاشی کا مطلب ہے کہ تم ہار چکے ہو اس وقت بلاول بھٹو اور انکے امیدوار جیت رھے ہیں۔تمھیں اس کا جواب دیا جائیگا-

اسلم گل نے کہا کہ بلاول بھٹو کے انتخابی دفتر پی پی 160میں دہشت گردی کا واقعہ ہوا ہے،عطا تارڑ اور فہد نے300مسلحہ افرد کیساتھ یہاں موجود لوگوں پر حملہ کیا، ہمارے کراچی سے ایم پی اے نوید جیوا کی گاڑی پر ن لیگ والوں نے توڑ پھوڑ کی، الیکشن کمشن اور سی سی پی او لاہور کیا سوئے ہوئے ہیں-

پی پی رہنما علی بدر نے کہا کہ دس ورکرز کو اغوا کیا،ائی پیڈ اٹھایا اور سوشل میڈیا پر دکھایا، ووٹرز پرچی اور انکی تفصیلات ساتھ لے گئےالیکشن میں شکست دیکھ کر بوکھلا گئے ہیں،میاں مصباح اور دیگر عہدیدار حملے کے وقت دفتر میں موجود نہیں تھے الیکشن کمشن نوٹس لے ڈکیتی اور اغوا کنندگان اور عطا تارڑ کے خلاف قانونی کارروائی کی جائے۔

علی بدر نے کہا کہ اسلحے کی نمائش کی گئی۔ہماری چوری شدہ چیزیں سوشل میڈیا پر عطا تارڑ لے گیے، تین مرتبہ 15پر کال کی مگر پولیس نہیں آئی، ن لیگ کے غنڈوں نے متعلقہ تھانے پر قبضہ کر رکھا ہے، این اے 127سے بلاول بھٹو کی جیت کو دیکھ کر ن لیگ کے غنڈے ڈر گئے ہیں، نقص امن کا خطرہ ہے،امیدواروں اور کارکنوں کو پر امن رہنے کی تلقین کی ہے،چاہتے ہیں کہ الیکشن سبوتاژ نہ ہو ، یہ سلسلہ نہ رکا تو عوام کو کوئی نہیں روک سکے گا،عطا تارڑ کی وڈیو سامنے آئی ہے جس میں وہ قرآن پر حلف لیکر ووٹرز میں پیسے تقسیم کر رہے ہی ۔

فیصل میر نے کہا کہ یہ ہر مرتبہ ووٹ خریدتے ہیں،عطا تارڑ نے شکست سے بچنے کیلیے ووٹوں کی خریداری ،شروع کی، عطا تارڑ خود کو لگام دو ہماری لیڈر شپ نے روکا نہ ہوتا تو جواب دیتے۔

دوسری جانب لاہور میں پریس کانفرنس کرتے ہوئے عطا اللہ تارڑ نےکہا کہ ہمیں اطلاع آرہی تھی کہ پیپلزپارٹی ووٹوں کی خرید و فروخت میں ملوث ہے، انہوں نے کوشش کی کہ پیسےکا بے دریغ استعمال کیا جائے، سندھ سے گاڑیوں کے ذریعے پیسےلائےگئے، پیپلزپارٹی نے حلقے میں ووٹوں کی خریدو فروخت شروع کیم کمیشن ایجنٹ مقررکیےگئےکہ جو زیادہ ووٹ لائےگا اس کا زیادہ کمیشن ہے۔
https://x.com/TararAttaullah/status/1753809295135703229?s=20
عطا اللہ تارڑ نےکہا کہ ایک سیٹ اپ موجود ہے جو ووٹوں کی خرید و فروخت میں ملوث ہے، ہمیں بلاول بھٹو زرداری حلقے میں کہیں نظر نہیں آرہے، آپ کوشش کر رہے ہیں پیسا استعمال کرکے ووٹوں میں تبدیل کیا جائے، یہ کرپشن کا پیسا سندھ کے عوام کا حق تھا، لاڈلے کو ایم این اے بنانےکے لیے اوچھے ہتھکنڈے استعمال کیے جا رہے ہیں، آپ کا سارا تکیہ پیسے پر ہے، سندھ سے آکر لوگ بیٹھے ہوئے ہیں۔

این اے127 سے مسلم لیگ ن کے امیدوار کا کہنا تھا کہ ہماری قیادت نے ہمیشہ صاف ستھری سیاست کی ہے، ہم نے ہمیشہ ووٹوں کی سیاست کی ہے، ہماری ان لوگوں پر بھی نظر ہے جن کو آپ نے پیسے دیے ہیں، جنہوں نے ووٹ بیچا ان کے خلاف بھی کارروائی ہوگی، ہمیں چار ٹیب ملے ہیں، ہمارے پاس تمام ڈیٹا آچکا ہے،تین لوگ پکڑے ہیں جنہیں کوٹ لکھپت تھانے منتقل کیا ہے، منصوبہ بندی تھی زیادہ سے زیادہ ووٹوں کی خریداری کرنی ہے، آپ نے لوگوں کی مجبوریوں کا فائدہ اٹھاتے ہوئے ضمیر خریدنےکی کوشش کی۔