Tag: مسلم لیگ ن

لاہور: مسلم لیگ ن کے رہنما طارق فضل چوہدری نے کہا ہے کہ موجودہ حالات میں قومی اتفاقِ رائے کی اشد ضرورت ہے۔

باغی ٹی وی : وفاقی وزیر طارق فضل چوہدری نے نیوز کانفرنس سے خطاب کرتے ہوئے کہا کہ عسکری قیادت نے قومی سلامتی کمیٹی کو مکمل بریفنگ دی ہے حکومت موجودہ حالات پر قابو پانے کے لیے مسلسل کوشش کر رہی ہے اور درپیش چیلنجز سے نمٹنے کے لیے تمام ضروری اقدامات کیے جا رہے ہیں۔

انہوں نے کہا کہ ہمیں اندرونی طور پر کمزور کرنے کی سازش کی جا رہی ہے، سیاست کی خاطر ریاست پر حملہ آور ہونے کا ملک کو نقصان ہو رہا ہے،عسکری قیادت نے قومی سلامتی کمیٹی کو ملکی سیکیورٹی کے حوالے سے مکمل آگاہی فراہم کی اور ان چیلنجز سے نمٹنے کے لیے لائحہ عمل پر تفصیلی گفتگو کی گئی۔

سوشل میڈیا پر منفی پروپیگنڈا مہم، پی ٹی آئی کے ملوث ہونے کے شواہد سامنے آگئے

انہوں نے اس بات پر زور دیا کہ موجودہ حالات میں قومی اتفاق رائے کی اشد ضرورت ہے تاکہ ملک کو درپیش خطرات سے مؤثر انداز میں نمٹا جا سکے ملک دشمن قوتیں پاکستان مخالف ایجنڈے پر عمل پیرا ہیں اور گزشتہ 20 سال سے پاکستان دہشتگردی کے چیلنج کا سامنا کر رہا ہے۔

انہوں نے انکشاف کیا کہ دہشتگردی کے خلاف جنگ میں پاکستان 93 ہزار سے زائد شہادتیں دے چکا ہے ہم نے ماضی میں دہشت گردی کا مکمل خاتمہ کر دیا تھا، مگر بدقسمتی سے آج ایک بار پھر دہشتگردی سراٹھا رہی ہے،کچھ ناعاقبت اندیش عناصر دشمنوں کے آلہ کار بنے ہوئے ہیں، جو ملک کی سلامتی کے لیے سنگین خطرہ ہیں۔

دنیا کے خوش ترین ممالک کی نئی فہرست جاری، پاکستان کا نمبر کیا ہے؟

انہوں نے الزام لگایا کہ پاکستان تحریک انصاف (پی ٹی آئی) نے پاکستان اور امریکا کے تعلقات کو خراب کرنے کی کوشش کی، اور ہمیں اندرونی طور پر کمزور کرنے کی سازش کی جا رہی ہے،ایک مخصوص جماعت ملک توڑنے کے لیے ہر طرح کی کوششیں کر رہی ہے اور سیا ست کی خاطر ریاست پر حملہ آور ہونے سے ملک کو ناقابل تلافی نقصان پہنچ رہا ہے۔

طارق فضل چوہدری نے کہا کہ حکومت قومی سلامتی کے معاملات پر سنجیدہ ہے اور کسی بھی سازش کو کامیاب نہیں ہونے دے گی، انہوں نے عوام سے اپیل کی کہ وہ ملک دشمن عناصر کے بیانیے کو مسترد کریں اور قومی استحکام کے لیے حکومت کا ساتھ دیں۔

انسانی اسمگلنگ میں ملوث 3 ملزمان گرفتار

اسلام آباد: وزیراعظم نے رمضان المبارک میں اشیاء خوردونوش کی قیمتیں کنٹرول کرنے اور عوام کو اشیائے ضروریہ کم نرخوں پر دستیابی پر کمیٹی اور اسلام آباد انتظامیہ کی کاکردگی کو سراہا-

باغی ٹی وی: وزیرا عظم آفس کی جانب سے جاری بیان کے مطابق وزیر اعظم شہباز شریف کی زیر صدارت اسلام آباد میں رمضان المبارک کے دوران اشیاء خوردونوش ارزاں قیمتوں پر فراہم کرنے کے لیے قائم کردہ کمیٹی کی کارکردگی کے حوالے سے جائزہ اجلاس ہوا۔

اجلاس میں گفتگو کرتے ہوئے وزیراعظم نے کہا کہ یقینی بنایا جائے کہ کوئی بھی منافع خور سزا سے بچ نہ پائے اور کوئی بے گناہ زیر عتاب نہ آئے، ماہ رمضان میں عوام کو زیادہ سے زیادہ ریلیف فراہم کرنے کیلئے پرعزم ہیں۔

ماسکو پر یوکرین کا اب تک کا سب سےبڑا ڈرون حملہ

وزیراعظم نے ہدایت دی کہ عوامی نمائندے اور وفاقی وزراء سستی اشیائے ضروریہ کی عوام کی فراہمی کیلئے اسلام آباد میں قائم رمضان بازار ، سہولت اسٹالز اور دیگر مختص مقامات کے دورے یقینی بنائیں، پرائس کنٹرول کے نظام کی مسلسل نگرانی کی جائے تاکہ عوام کو ریلیف کی فراہمی میں کوئی کمی نہ آئے، وزیراعظم

اجلاس میں وزیر اعظم کو قیمتیں کم کرنے کے اقدامات، سستی اشیاء خوردونوش کی فراہمی کے لیے قائم کردہ سہولت مراکز اور منافع خوروں کے خلاف اٹھائے گئے اقدامات کے بارے میں بریفنگ دی گئی، بریفنگ میں کہا گیا کہ اسلام آباد میں 16 سہولت سٹالز، 5 رمضان بازار، 18 فیئر پرائس دکانیں اور متعدد دیگر سہولیات قائم کی گئی ہیں،ان سہولیات میں گھی، انڈے، دالیں، چینی، چکن اور دیگر اشیائے خوردونوش مارکیٹ ریٹ سے کم نرخوں پر فروخت ہو رہی ہیں-

معروف کورین پاپ اسٹار اپنے کمرے میں مردہ پائے گئے

بریفنگ میں کہا گیا کہ 12اشیاء ضروریہ کی ارزاں نرخوں پر فراہمی یقینی بنانے کے لیے ڈپارٹمنٹل سٹورز میں ڈی سی کاؤنٹر قائم کیے گئے ہیں،رمضان المبارک کے آغاز سے اب تک منافع خوروں کے خلاف 4915 انسپکشنز، 785 گرفتاریاں اور 728000 روپے کے جرمانے عائد کیے جا چکے ہیں-

بریفنگ میں مزید کہا گیا کہ پرائس مجسٹریٹس کی کارکردگی کی نگرانی کے لیے آن لائن ایپ استعمال کی جا رہی ہے بیت المال کے تحت اسلام آباد میں 8 مقامات پر مستحق روزہ داروں کو افطاری کی سہولت فراہم کی جا رہی ہے-

نادیہ حسین کی شوہر کی گرفتار ی کے بعد سوشل میڈیا پر مبہم پوسٹ

اجلاس میں وفاقی وزرا ڈاکٹر احسن اقبال، احد خان چیمہ، عطا اللہ تارڑ، طارق فضل چوہدری، حنیف عباسی، وزیر مملکت طلال چوہدری اور متعلقہ اداروں کے اعلیٰ افسران شریک تھے-

دو کالم،،،،،،،،،،،،،،تجزیہ ،،،،،،،،،،،،،،،،،تصحیح شدہ
امریکہ کی بدلتی پالیسی،یورپ سمیت دنیا کو ورطہ حیرت میں ڈال دیا
یوکرائن جنگ،غزہ کی بگڑتی صورتحال،ایران ٹارگٹ، ٹرمپ نےجنگ کا ماحول بنادیا
بھٹو شہید نے ایٹمی ملک کی بنیاد رکھی ،نواز شریف نے دھماکے کرکے دنیا کو پیغام دیدیا
ملک ناقابل تسخیربنایا نواز شریف تیرا شکریہ!معاشی استحکام ن لیگ کا خاصا،ڈار کااہم کردار
دہشتگردی جنگ میں فورسز نے ہزاروں جانیں قربان کیں’’سیاسی‘‘ حدودو قیود کا خیال رکھیں

تجزیہ ،شہزاد قریشی
آج عالمی قوتوں کی بدلتی ہوئی خارجی پالیسی اور عالمی نقشے پر دفاعی لحاظ سے کمزور ممالک کی طرف توجہ، دیکھا جائے تو وطن عزیز کو دفاعی لحاظ سے مضبوط کرنے والی شخصیات بھٹو سے نوازشریف اور ان فوجی حکمرانوں کے لئے دعا نکلتی ہے جنہوں نے اس وطن عزیز کو خونخوار پنجوں سے محفوظ کرنے میں کردار ادا کیا ،ان سیاسی شخصیات میں نوازشریف قوم میں موجود ہیں، قوم کو ان پر فخر ہے جبکہ پاک فوج ،جملہ اداروں اور پولیس کے ان شہداء پر بھی فخر ہے، جنہوں نے ملک کو دہشت گردوں سے محفوظ رکھنے کے لئے اپنی جانوں کا نذرانہ دیا اور تادم تحریر ملک قو م کی حفاظت کے لئے قربانیاں دے رہے ہیں تاکہ یہ گلشن آباد رہے،ایران پرامریکی صدر کا دبائو، مشرق وسطیٰ کے حالات ، روس، یوکرائن جنگ کی بدلتی عالمی صورتحال کو اگر مدنظر رکھا جائے تو خوف آتا ہے کہ دنیا میں کیا نیا ہونے جا رہا ہے خدا نہ کرے اگر ایران مذاکرات کے دروازے بند کرتا ہے تو کیا ایک نئی جنگ کے لئے دنیا کو تیار رہنا چاہیے، عالمی تجزیہ کاروں کا کہنا ہے کہ کسی نے نہیں سوچا تھا کہ امریکی صدر ٹرمپ 1945ء کے بعد امریکی پالیسی کو اتنی تیزی سے بدل دیں گے امریکی صدر نے خارجہ پالیسی کو ڈرامائی طور پر تبدیل کر دیا ہے، امریکی اتحادی یورپی ممالک بھی حیران ہیں،امریکی صدر کے فیصلوں سے دنیا پر کیا اثرات مرتب ہوں گے اس کے لئے دنیا کو انتظار کرنا پڑے گا،کمزور معیشت کے حامل ممالک جن میں پاکستان بھی شامل ہے امریکی خارجہ پالیسی سنبھالنے کے لئے کافی ہمیں اپنی معیشت پر بھرپور توجہ دینا ہوگی، ماضی میں نوازشریف کے دور حکومتوں میں معیشت مستحکم رہی موجودہ وزیر خارجہ اسحاق ڈار کا کردار اہم رہا ،نوازشریف کو ملکی معیشت مستحکم کرنے کے لئے وطن عزیز کے لئے اہم کردار ادا کرنا ہوگا، ماضی میں بھی سیاسی عدم استحکام کا وطن عزیز کو سامنا رہا ہے، جمہوری نظام کو اگر چلتا کیا تو اس میں سیاسی جماعتوں نے ہی کردار ادا کیا کون سی سیاسی و مذہبی جماعت ہے جس نے فوجی حکمرانی کو قبول نہیں کیا؟ سیاسی مسخرے پن کی حدوں کو کراس نہ کریں ملک و قوم کے لئے اپنے ذاتی مفادات کو پس پشت ڈال کر ملکی مفادات کے لئے کردار ادا کریں، خلق خدا کے لئے آسانیاں پیدا کریں خالق کائنات کو راضی کرنے کےلئے تکبر غرور سے باہر نکل کر اس وطن عزیز کے لئے قومی فریضہ ادا کریں-
تجزیہ

اسلام آباد: مسلم لیگ (ن) کے پارلیمانی لیڈر عرفان الحق صدیقی نے کہا ہے کہ کسی قیدی پر تشدد نہیں ہورہا، جیل میں مشکلات ہوتی ہیں لیکن پی ٹی آئی کے رہنما تشدد والی کہانیاں مت بیان کریں۔

باغی ٹی وی:ہفتے کو سینیٹ کا اجلاس چیئرمین یوسف رضا گیلانی کی صدارت میں شروع ہوا، جہاں کارروائی دس نکاتی ایجنڈے کے تحت جاری رہی۔ اجلاس میں مختلف وزارتوں کے وقفہ سوالات، قائمہ کمیٹیوں کی رپورٹس اور توجہ دلاؤ نوٹسز پر بحث کی گئی اجلاس کے دوران نومنتخب سینیٹر اسد قاسم رونجھو نے حلف اٹھایا، جس کے بعد ایوان میں سیاسی گرما گرمی دیکھنے میں آئی۔

سینیٹ اجلاس سے اظہار خیال کرتے ہوئے عرفان الحق صدیقی نے کہا کہ چئیرمین سینیٹ صاحب آپ نے ہمارا بہت امتحان لیا، آپ ممبران کے استحقاق کےلئے کوئی رولنگ دیتے ہیں تو پورا ایوان آپ کے ساتھ کھڑا ہے، دونوں سینیٹرز کے پروڈکشن آرڈرز پر عمل ہونا چاہیے، امید ہے اب استحقاق کمیٹی اب معاملہ کو دیکھے گی۔

خواتین کا عالمی دن:دو مختلف واقعات میں سسرالیوں کے ہاتھوں 2 بہوئیں قتل

ان کا کہنا تھا کہ چیئرمین سینیٹ کی رولنگ ایوان کی آواز ہے اور اس پر کسی کو اختلاف نہیں ہونا چاہیے قیدیں کاٹنا سیاستدانوں کا زیور ہےچئیرمین سینیٹ آپ نے 9 سال، نواز شریف نے مجموعی طور پر 4 سال قید کاٹی، کسی قیدی پر تشدد نہیں ہورہا، جیل میں مشکلات ہوتی ہیں لیکن تشدد والی کہانیاں مت بیان کریں، آپ کے جاری کردہ پروڈکشن آرڈرز پر عمل ہونا چاہئے۔

آسٹریلیا میں طوفان نے تباہی مچا دی، ساڑھے 7 لاکھ لوگ متاثر

اسلام آباد: وزیراعظم شہبازشریف کے کابینہ ارکان کو قلمدان سونپنے سے قبل صلاح مشورے جاری، قلمدانوں کا فیصلہ کرنے کیلئے وزیراعظم نے وزرا سے الگ الگ ملاقاتیں کیں۔

باغی ٹی وی: وزیراعظم شہبازشریف نے ملاقات کرنیوالے وزرا کو ذمہ داریوں سے متعلق آگاہ کردیا، ملاقات کرنے والوں میں مصدق ملک، اویس لغاری، طلال چوہدری، عبدالرحمان کانجو شامل تھےوزیراعظم نے بعض پرانے وزرا کے قلمدانوں میں بھی ردو و بدل کا عندیہ دیا وفاقی وزراء کو ایک سے زائد وزارت کے قلمدان چھوڑنا ہوں گے اہم وزارتوں میں وفاقی وزیر کے ساتھ وزیر مملکت بھی مقرر کیا جائے گا۔

ذرائع کا کہنا ہے کہ وزیراعظم پٹرولیم، توانائی، فوڈ سیکیورٹی کے وزراء کو تبدیل کرنے کے خواہاں ہیں، نجکاری، سرمایہ کاری، موسمیاتی تبدیلی، اسٹیبلشمنٹ کے وزیروں کی تبدلی متوقع ہے احد چیمہ کہ جگہ توقیر شاہ کو بیورو کریسی کی ذمہ داری ملے گی، احد چیمہ کو اقتصادی امور ڈویژن کی زمہ داری دینے پر مشاورت کی گئی۔

بنگلادیش کا پاکستان کے ساتھ وائٹ بال سیریز کا عندیہ

وزیراعظم شہبازشریف نے پرویز خٹک کی شمولیت پر نالاں اختیار ولی کو بھی رام کرنے کی کوشش کی۔ پارٹی ترجمان اختیار ولی نے پرویز خٹک سے متعلق اپنے خدشات وزیراعظم کے سامنے رکھ دئیے،وزیراعظم نے اختیار ولی کو ساتھ لے کر چلنے کی یقین دہانی کرا دی، انہوں نے اختیار ولی خان کو اسلام آباد میں ہی قیام کرنے کی ہدایت کی۔

وزیراعظم سے وفاقی وزیرامیرمقام نے بھی ون آن ون ملاقات کی ہے ملاقات میں ملکی و خیبرپختونخوا کی سیاسی صورتحال پر تبادلہ خیال کیا گیاوفاقی وزیرانجینئرامیرمقام نے شہبازشریف کی ایک سالہ بہترین کارکردگی پرمبارکباد دی اوروزیراعظم کو خیبرپختون خوا کے دورے کی دعوت دی۔

ایف آئی آر سے لے کر مقدمات کا تمام ریکارڈ ڈیجیٹلائزڈ کیا جائے،آئی جی سندھ

واضح رہے کہ وزیراعظم کے مشیر پرویزخٹک کی کابینہ میں شمولیت پر ن لیگ کے پی کے کوسخت تحفظات ہیں کے پی کے پارٹی عہدیداروں نے بھی پرویز خٹک کے بارے میں وزیراعظم شہبازشریف کوتحفظات سے آگاہ کیا،ملاقات کرنے والے وزرا کو وزیراعظم نے انہیں وفاقی کابینہ کا حصہ بننے پر مبارکباد دی اور نیک خواہشات کا اظہارکیا، وفاقی کابینہ کے ارکان نے وزیراعظم کا ان پراعتماد ظاہر کرنے پر شکریہ ادا کیا۔

فیصل جاوید کو سعودی عرب جانے سے روک دیا گیا ، پشاور ائیرپورٹ پر آف لوڈ