Baaghi TV

Tag: ملتان

  • نشتر ہسپتال کی چھت سےلاشیں ملنے کا معاملہ،پولیس نے ہسپتال انتظامیہ پر ذمہ داری ڈال دی

    نشتر ہسپتال کی چھت سےلاشیں ملنے کا معاملہ،پولیس نے ہسپتال انتظامیہ پر ذمہ داری ڈال دی

    ملتان :نشتر ہسپتال کی چھت پر واقع کمرے اور صحن سے لاشیں ملنے کے بعد پولیس اور ہسپتال انتظامیہ ذمہ داری ایک دوسرے پر ڈالنے لگے،پولیس نے ہسپتال انتظامیہ پر ذمہ داری ڈال دی۔ سٹی پولیس آفیسر ملتان خرم شہزاد کا کہنا ہے کہ لاوارث لاشوں کی تدفین نشترہسپتال انتظامیہ کا کام ہے۔دفعہ 174 کی کارروائی کے بعد لاوارث لاش نشتر ہسپتال کے سردخانے میں رکھی جاتی ہے۔

    آئی ایم ایف سے کیے گئے وعدے پورے کریں گے:وزیرخزانہ اسحاق ڈار

    پولیس کا سردخانے میں لاش رکھوانے کے بعد کوئی عمل دخل باقی نہیں رہتا،قانون کے مطابق لاوارث لاشیں ہسپتال میں رکھوانے کی پولیس پابند ہے۔ سی پی او کے مطابق لاشوں کو کتنا عرصہ رکھنا اوران کا کیا کرنا ہے؟ یہ ہسپتال انتظامیہ کا کام ہے،اگر وارث آجائے تو قانونی کارروائی بعد ہسپتال انتظامیہ لاش حوالے کردیتی ہے۔

    میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

    قبل ازیں ملتان میں نشتر ہسپتال کے سرد خانے کی چھت پر مزید لاشیں پڑی ہونے کا انکشاف ہوا ۔ رپورٹ بتایا گیا کہ سرد خانے کے اوپر 2 کمرے لاشوں سے بھرے ہوئے ہیں،ایک کمرے میں متعدد لاشیں پڑے ہیں جبکہ نشتر ہسپتال کے سرد خانے کے فریزر کئی سال سے بند ہیں،نشتر ہسپتال کے سرد خانے میں 40 میتیں رکھنے کی جگہ ہے،ایک فریزر میں صرف 7 سے 8 لاشیں رکھی جا سکتی ہیں۔ مزید بتایا گیا کہ پنجاب حکومت اور ہسپتال انتظامیہ نے معاملے پر انکوائری کمیٹیاں بنا دیں،کمیٹی تین روز میں اپنی رپورٹ پیش کرے گی جبکہ مونس الٰہی نے نشتر ہسپتال شعبہ اناٹومی کی سربراہ کا بیان شیئر کیا۔

    پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…

    شعبہ اناٹومی کی سربراہ پروفیسر مریم کے مطابق لاشیں نا معلوم افراد کی تھیں جو پولیس نے نشتر میڈیکل یونیورسٹی کے سپرد کیں،لاشیں پوسٹمارٹم کیلئے ہسپتال کو دی گئیں۔ پولیس کی طرف سے میڈیکل کے طلبہ کیلئے استعمال کرنے کی بھی اجازت دی تھی۔نشترہسپتال کی چھت سے لاشیں ملنے کے واقعہ پر وزیر اعلٰی پنجاب پرویز الٰہی نے نوٹس لیتے ہوئے تحقیقات کا حکم دیا۔وزیراعلیٰ پنجاب نے افسوسناک واقعہ کی مذمت کرتے ہوئے ذمہ دارعملے کے خلاف سخت کارروائی کی ہدایت کی۔

  • ملتان: وزیر اعلیٰ پنجاب نے نشتر اسپتال کی چھت پر لاوارث لاشوں کی موجودگی کا نوٹس لے لیا

    ملتان: وزیر اعلیٰ پنجاب نے نشتر اسپتال کی چھت پر لاوارث لاشوں کی موجودگی کا نوٹس لے لیا

    ملتان: وزیر اعلیٰ پنجاب چودھری پرویز الہیٰ نے نشتر اسپتال کی چھت پر لاوارث لاشوں کی موجودگی کا نوٹس لیتے ہوئے افسوسناک واقعہ کی انکوائری کا حکم دے دیا-

    باغی ٹی وی : چودھری پرویز الہیٰ نے نشتر اسپتال ملتان کی چھت پر لاوارث لاشوں کی موجودگی پر نوٹس لیتے ہوئے سیکرٹری ہیلتھ کیئر اینڈ میڈیکل ایجوکیشن سے رپورٹ طلب کر لی۔

    انتظار قتل کیس،سزا کے خلاف پولیس اہلکاروں کی اپیلوں پر فیصلہ آ گیا

    پرویز الہٰی نے لاشوں کی موجودگی کے واقعے کی تحقیقات کرنے کا حکم دیتے ہوئے کہا کہ ذمہ دار عملے کے خلاف کارروائی کی جائے۔
    چودھری پرویز الٰہی نے کہا کہ ذمہ دار عملے کے خلاف سخت تادیبی کارروائی کی جائے لاشیں چھت پر پھینک کر غیر انسانی فعل کا ارتکاب کیا گیا ہے۔

    چودھری پرویز الٰہی نے کہا کہ لاشوں کی بے حرمتی کا واقعہ ناقابل برداشت ہے کسی بھی معاشرے میں ایسے واقعہ کی کوئی گنجائش نہیں۔
    چھت پر لاوارث لاشوں کو پھینکنے کا واقعہ انسانیت کی تضحیک ہےانکوائری جلد مکمل کرکے ذمہ دارو ں کا تعین کیا جائے اور کڑی سزا دی جائے-

    ڈینٹل کلینک پر حملے میں ملوث ملزم گرفتار

    نشتر میڈیکل یونیورسٹی کے ترجمان ڈاکٹر سجاد مسعود نے کہا کہ نشتر اسپتال کی چھت پر لاوارث لاشوں کی تعداد 4 تھی قدرتی طور پر خشک کی گئی لاشیں طلبہ کی پڑھائی کے لیے ہوتی ہیں اور 4 سے 5 سال پرانی لاش طلبہ کو پڑھانے کے لیے استعمال کی جاتی ہے۔

    انہوں نے کہا کہ لاشوں کے بارے میں پہلے سی پی او کو اطلاع دی گئی تھی۔

    دوسری جانب ایڈیشنل چیف سیکریٹری جنوبی پنجاب ثاقب ظفر نے نشتراسپتال کی چھت پر لاوارث لاشیں پھینکنے کا سخت نوٹس لیتے ہوئے انکوائری کمیٹی تشکیل دے دی ہے۔

    واقعے کی مکمل تحقیقات کے لئے سیکرٹری اسپیشلائزڈ ہیلتھ کئیرنے چھ رکنی انکوائری کمیٹی کا نوٹیفکیشن جاری کردیا ہے، ایڈیشنل سیکرٹری اسپیشلائزڈ ہیلتھ کئیرمزمل بشیرکمیٹی کی سربراہی کریں گے، کمیٹی تین دن میں اپنی رپورٹ پیش کرے گی۔

    قبل ازیں مشیر وزیراعلیٰ پنجاب چوہدری زمان گجر نے ڈیڈ ہاؤس کی چھت پر چار لاوارث لاشوں کی نشاہدہی کی تھی جس کے بعد اسپتال میں سخت خوف وہراس پھیل گیا سنگین غفلت سامنے آنے کے بعد اسپتال انتظامیہ حرکت میں آئی اور لاشوں کی موجودگی سے متعلق انکوائری شروع کردی گئی ہے۔

    ملک میں تیزاب گردی کا ایک اوراندوہناک واقعہ ، 8 سالہ بچی جاں بحق، ماں شدید زخمی

  • نشتر ہسپتال ملتان کی چھت پرلاوارث انسانی لاشیں،وائس چانسلربھی میدان میں‌ آگئے

    نشتر ہسپتال ملتان کی چھت پرلاوارث انسانی لاشیں،وائس چانسلربھی میدان میں‌ آگئے

    ملتان:نشتر ہسپتال ملتان کی چھت پر لاوارث انسانی لاشوں کو پھینکے جانے کا معاملہ ، قائم مقام وائس چانسلر نشتر میڈیکل یونیورسٹی نے تین رکنی انکوائری کمیٹی قائم کر دی ، شعبہ اناٹومی کی سربراہ کا موقف بھی سامنے آ گیا ، لاوارث لاشوں کو پیوٹریفیکیشن کے عمل سے گزارنے کیلئے چھت پر رکھنا ضروری ہوتا ہے،

    نشتر ہسپتال کے شعبہ اناٹومی کی چھت پر لاوارث انسانی لاشوں کو پھینکے جانے کی نشاندہی گزشتہ روز مشیر وزیراعلی پنجاب طارق زمان گجر نے دورے کے دوران کی تھی جس پر وزیراعلی پنجاب نے نوٹس لیا تھا اس حوالے سے قائم مقام وائس چانسلر نشتر میڈیکل یونیورسٹی پروفیسر ڈاکٹر مہناز خاکوانی نے تین رکنی انکوائری کمیٹی قائم کر دی ہے جس میں پروفیسر ڈاکٹر عباس نقوی ، ڈاکٹر غلام مصطفی اور ڈاکٹر طارق پیرزادہ شامل ہیں ،

     

    آئی ایم ایف سے کیے گئے وعدے پورے کریں گے:وزیرخزانہ اسحاق ڈار

    ترجمان نشتر میڈیکل یونیورسٹی کے مطابق کمیٹی کھلے آسمان کے نیچے چھت پر رکھی گئی لاوارث لاشوں کے حوالے سے تحقیقات کریگی ، تاہم ہوم ڈیپارٹمنٹ کی جانب سے جاری کردہ ایس او پیز کے مطابق لاوارث لاشوں کی تدفین کیلئے سی پی او ملتان کو مراسلہ بھجوا چکے ہیں ، سی پی او کو چند ماہ قبل بھجوائے گئے مراسلہ میں ایس ایچ او ملتان کینٹ کو لاوارث لاشوں کی ایس او پیز کے مطابق تدفین یقینی بنانے کا کہا گیا ہے ،

    میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

    اس حوالے سے شعبہ اناٹومی کی سربراہ ڈاکٹر مریم اشرف نے بھی وائس چانسلر نشتر میڈیکل یونیورسٹی کو تحریری طور پر معاملے پر جواب دیتے ہوئے بتایا ہے کہ پولیس کی جانب سے پوسٹ مارٹم کیلئے لائی گئی لاوارث لاشوں کو فریزر میں رکھنا ناممکن ہوتا ہے ، لاشوں کی حالت اس قدر خراب ہوتی ہے کہ انہیں ٹیچنگ کے مقاصد کے لئے بھی استعمال نہیں کیا جا سکتا ، طبی اصطلاح میں پیوٹریفیکیشن کا عمل مکمل کرنے کیلئے لاشوں کو چھت پر رکھا جاتا ہے ، عمل مکمل ہونے کے بعد لاش کی ہڈیوں کو طلبا اور طالبات کو سمجھانے کیلئے استعمال کیا جاتا ہے ، ہڈیوں نکالنے کے بعد لاشوں کی ایس او پیز کے مطابق تدفین کی جاتی ہے ،

    پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…

    جبکہ ترجمان نشتر میڈیکل یونیورسٹی کا کہنا تھا کہ لاشوں کو چھت پر جالی سے بند کمروں میں رکھا جاتا ہے ، لاوارث لاشوں سے ٹیچنگ مقاصد کیلئے ہڈیوں کا حصول بھی قانون کے مطابق کیا جاتا ہے ، لاوارث لاشوں کی متعلقہ پولیس اسٹیشن کے ذریعے تدفین کروائی جاتی ہے۔

  • سابق وزیراعظم یوسف رضا گیلانی کے پہنچتے ہی فائرنگ:ہرطرف خوف وہراس پھیل گیا

    سابق وزیراعظم یوسف رضا گیلانی کے پہنچتے ہی فائرنگ:ہرطرف خوف وہراس پھیل گیا

    ملتان:سابق وزیراعظم یوسف رضا گیلانی کے پہنچتے ہی فائرنگ:ہرطرف خوف وہراس پھیل گیا،اطلاعات کے مطابق سابق وزیراعظم سید یوسف رضا گیلانی آج شام ملتان میں ایک جلسے میں شرکت کے لیے پہنچے توکسی شرپسند نے ان کو دیکھتے ہی فائرنگ شروع کردی ، جس کی وجہ سے جلسے میں ہرطرف خوف وہراس پھیل گیا

    پیپلزپارٹی کے ذرائع کے مطابق آج ملتان کےحلقہ این اے 157 پرضمنی الیکشن کیلئے پیپلزپارٹی کی جانب سے جلسہ کیا گیا۔اس جلسے میں دیگرمقامی رہنماوں کی طرح یوسف رضا گیلانی بھی مدعوہی نہیں تھے بلکہ مہمان خصوصی تھے

    پولیس ذرائع کے مطابق ملتان کے ڈیرہ محمدی کےعلاقے میں سابق وزیراعظم یوسف رضا گیلانی جب شرکت کے لیے اس جگہ پہنچے تو ان کی آمد پر ہوائی فائرنگ بھی کی گئی۔

    اس سلسلے میں مزید انکشافات ہوئے اور سوشل میڈیا پر وائرل ویڈیو میں دیکھاجاسکتاہے کہ یوسف رضا گیلانی کے پہنچنے پرایک شخص نےہوائی فائرنگ کی۔

    اس حوالے سے پولیس کا کہنا ہے کہ واقعے کاعلم نہیں، تحقیقات کے بعد قانونی کارروائی ہوگی۔یہ بھی معلوم ہوا ہے کہ سید یوسف رضا گیلانی نے بھی اس واقعہ پر گہرے دکھ کا اظہارکیاہے اور کہا ہے کہ ایسے واقعات نہیں ہونے چاہیں

  • عام انتخابات اپنے وقت پر ہوں گے،سید یوسف رضا گیلانی

    عام انتخابات اپنے وقت پر ہوں گے،سید یوسف رضا گیلانی

    رہنما پیپلز پارٹی، سابق وزیراعظم سید یوسف رضا گیلانی نے کہا ہے کہ ن لیگ نے علی موسیٰ کا ساتھ دینے کا اعلان کیا

    سید یوسف رضا گیلانی کا کہنا تھا کہ علی موسیٰ کی حمایت پرن لیگ کی اعلیٰ اور مقامی قیادت کے مشکور ہیں،ہم ملک کی نمائندگی کے لیے تیار ہیں موثر مہم چلائیں گے ،عمران خان پہلے استعفٰی دے چکے ہیں پھر بھی کہتے ہیں 9 سیٹوں پر الیکشن لڑوں گا،عمران خان کا مقصد قوم کو سڑکوں پر رکھنا ہے، اسمبلی جانا نہیں،پی ٹی آئی امپورٹڈ جماعت ہے، جو فارن فنڈنگ سے بنائی گئی،مسترد کر تے ہیں عام انتخابات اپنے وقت پر ہوں گے،ذوالفقار بھٹو کو شہید کیا گیا، ہم نے ریفرنس بھی دیا ذوالفقار بھٹو کیس کا فیصلہ آج تک نہیں آیا ہم اس کے باوجود اداروں کی تہہ دل سے قدر کرتے ہیں، مجھے ڈس کوالیفا ئی کیا گیا ،کبھی عدالتوں کا بائیکاٹ نہیں کیا، آئین فارن فنڈنگ کی اجازت نہیں دیتا۔

    قبل ازیں ضمنی الیکشن NA157 ملتان ،سید علی موسیٰ گیلانی نے پی ٹی آئی کی بڑی وکٹ گرا دی ،سابق وزیراعظم سید یوسف رضا گیلانی کی قیادت میں پی ٹی آئی کے چیئرمین خان پور مڑل علاؤالدین جاٹ اور فاروق جاٹ نے ساتھیوں سمیت پی ٹی آئی کو خیرآباد کہہ کر پاکستان پیپلز پارٹی میں شمولیت اختیار کر لی اور سید علی موسیٰ گیلانی کی بھرپور حمایت کا اعلان کردیا چیئرمین علاؤالدین جاٹ نے شمولیت کا اعلان اپنی رہائشگاہ پر منعقدہ ورکرز کنونشن میں کیا اس موقع پر سید یوسف رضا گیلانی اور سید علی موسیٰ گیلانی نے شرکاء سے خطاب بھی کیا

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

  • ملتان،3 بچے قتل،ملزم جلد گرفتار کر لیں گے،آئی جی پنجاب

    ملتان،3 بچے قتل،ملزم جلد گرفتار کر لیں گے،آئی جی پنجاب

    ملتان میں تین بچوں کو اغواء کے بعد قتل کر دیا گیا. تھانہ مخدوم رشید کے علاقے میں اغواء کے بعد تین بچے قتل کر دیئے گئے۔ پولیس کے مطابق قتل ہونے والوں میں دو بھائی اور ایک کزن ہے، قتل ہونے والا مرسلین 10 سال، کاشف 12 سال اور ارسلان 9 سال کا ہے، بچے گزشتہ روز گھر کے قریب سے لاپتہ ہوئے تھے۔

    پولیس ںے لاشوں کو تحویل میں لے کر پوسٹ مارٹم کے لیئے اسپتال منتقل کر دیا۔ وزیراعلیٰ پنجاب چودھری پرویز الٰہی نے ملتان میں قتل ہونے والے بچوں کے واقعہ کا نوٹس لیتے ہوئے رپورٹ طلب کر لی ہے۔وزیراعلیٰ کا کہنا تھا کہ واقعہ کی جامع تحقیقات کرکے حقائق سامنے لائے جائیں۔ اعلیٰ سطح کی انکوائری کی ٹیم تشکیل دی جائے۔ جاں بحق بچوں کے لواحقین کو انصاف کی فراہمی یقینی بنائی جائے۔

    آئی جی پنجاب فیصل شاہکار نے ملتان میں 3 بچوں کی لاشیں ملنے کے واقعہ کا نوٹس لے لیا ہے.آئی جی پنجاب نے آر پی او ملتان سے واقعہ کی رپورٹ طلب کرلی۔آئی جی پنجاب نے سی پی او ملتان کو واقعہ کی تمام پہلوؤں سے تفتیش کرنے کا حکم دیا ہے.آئی جی پنجاب فیصل شاہکارنے کہا کہ فرانزک ٹیموں کی مدد سے تحقیقات کرتے ہوئے ملزمان تک پہنچا جائے۔واقعہ میں ملوث ملزمان کو ٹریس کر کے قرار واقعی سزا دلوائی جائے گی۔

  • نشتر اسپتال ملتان میں غیر ملکی ڈاکٹر نےخود کشی کر لی

    نشتر اسپتال ملتان میں غیر ملکی ڈاکٹر نےخود کشی کر لی

    ملتان: نشتر اسپتال کے بھٹہ ہال میں غیر ملکی ڈاکٹر نے خود کشی کر کے زندگی کا خاتمہ کرلیا۔

    باغی ٹی وی : تفصیلات کے مطابق ملتان کے نشتر اسپتال میں خودکشی کرنے والے ڈاکٹر عبدالرحمٰن کا تعلق صومالیہ سے تھا، جس نے ہاسٹل کے واش روم میں خود کو چھری مار کر خودکشی کرلی۔

    بھارت: بے اولاد خاتون کو علاج کا جھانسہ دے کرزیادتی کا نشانہ بنانے والا سادھو گرفتار

    ابتدائی اطلاعات کے مطابق عبدالرحمٰن نشتر اسپتال میں اپنے دوست کے پاس رُکا ہوا تھا اور ایف سی پی ایس (فیلو آف کالج آف فزیشنز اینڈ سرجنز پاکستان) کے امتحان کی تیاری کررہا تھا پولیس نے موقع پر پہنچ کر لاش تحویل میں لے لی ہے جبکہ واقعے کے بارے میں تحقیات جاری ہیں-

    دوسری جانب گوجرانوالہ میں ڈکیتی مزاحمت پر قتل ہونے والی کینیڈین خاتون کے مقدمے کا ڈراپ سین ہوگیا، ردا نامی کینڈین نیشنل خاتون کا قاتل اسکا شوہرہی نکلا-

    آئی سی سی کے سابق امپائر روڈی کوئٹزن ٹریفک حادثے میں انتقال کرگئے

    پولیس حکام نے بتایا کہ ملزم شہزاد سہیل نے اپنے قریبی عزیزوں کی مدد سے بیوی کو قتل کروایا، ملزم شہزاد سہیل نے بیوی کو قتل کروانے کے بعد واقعے کو ڈکیتی کا رنگ دیا ملزم شہزاد سہیل نے دولت کی ہوس میں بیوی کا قتل کروایا، مقتولہ ردا شہزاد کو کینیڈا میں بیماری کے علاج کی مد میں 8 کروڑ روپے ملے تھے، ملزم شہزاد سہیل زبردستی اپنی بیوی ردا شہزاد کو پاکستان میں ہی رکھنا چاہتا تھا لیکن وہ کینیڈا واپس جانے کی ضد کررہی تھیں۔

    بیوی کا پاکستان میں نہ رہنا جرم بن گیا اس وجہ سے خاوند نے پیشہ ور قاتل سے بیوی کو قتل کرایا۔ گوجرانوالہ پولیس ملزم کو پکڑنے کے لیے کراچی گئی وہاں اداروں سے شوٹرکامقابلہ ہوا، جس میں ملزم پولیس مقابلے کے دوران ہلاک ہوگیا ملزم کے دو ساتھی پہلے ہی پولیس حراست میں ہیں ۔ شوہرعبوری ضمانتیں کرواکرراہ فراراختیارکررہاتھا، جسے اب گرفتار کرلیا گیا ہے۔

    مستونگ:کرسچن کالونی میں فائرنگ،سابق ایم پی اےکےبڑے بھائی قتل

  • ضمنی انتخابات ،جنوبی پنجاب میں ایڈیشنل آئی جی کا آر پی او ملتان کے ہمراہ مختلف پولنگ اسٹیشنز کا دورہ

    ضمنی انتخابات ،جنوبی پنجاب میں ایڈیشنل آئی جی کا آر پی او ملتان کے ہمراہ مختلف پولنگ اسٹیشنز کا دورہ

    ملتان:- ضمنی انتخابات ،جنوبی پنجاب پولیس آفس میں الیکشن میں سیکیورٹی انتظامات کی مانیٹرنگ کیلئے کنٹرول روم قائم تمام حلقوں سے باقاعدہ مانیٹرنگ کی جا رہی ہے۔

    باغی ٹی وی : الیکشن کے عمل کو پر امن بنانے کے لیے تمام ممکنہ وسائل بروئے کار لائے گئے ہیں ہر حلقے سے لمحہ بہ لمحہ رپورٹ لی جا رہی ہے جنوبی پنجاب کے ضمنی الیکشن کے حلقوں میں سیکیورٹی کے فول پروف انتظامات ہیں ڈسٹرکٹ پولیس افسران الیکشن کے عمل کو پر امن بنانے کے لیے خود فیلڈ میں موجود ہیں pp217 ایڈیشنل آئی جی ساؤتھ پنجاب ڈاکٹر احسان صادق نے آر پی او ملتان کے ہمراہ مختلف پولنگ اسٹیشنز کا دورہ کیا-

    اے آئی جی ڈسپلن ساؤتھ پنجاب بھی ہمراہ تھے پولنگ اسٹیشنز پر سیکیورٹی انتظامات کا معائنہ کیا گیا ایڈیشنل آئی جی ڈاکٹر احسان صادق
    نے کہا کہ pp 217 کی عوام الناس کو پر امن ماحول فراہم کرنے کے لیے تمام تر اقدامات مکمل ہیں pp217 میں شرپسند عناصر کو سر اٹھانے کا موقع نہیں دیا جائے گا پولیس غیر جانبدار رہتے ہوئے قانونی پہلوؤں پر عمل پیرا ہے سیکیورٹی انتظامات سے مطمئن ہوں pp217 میں تمام افسران الیکشن کے عمل کو پر امن بنانے کے لیے فیلڈ میں موجود ہیں ۔

    پی پی 217 میں 4 امیدوار آمنے سامنے، ن لیگ اور پی ٹی آئی کے درمیان بڑا مقابلہ متوقع ہے ن لیگ کے شیخ سلمان نعیم اور پی ٹی آئی کے زین حسین قریشی کے مابین کانٹے دار مقابلہ متوقع ہے تحریک لبیک کے زاہد حمید گجر اور جماعت اسلامی کے ساجد اسماعیل بھی میدان میں ہیں

    حلقہ میں 124 پولنگ اسٹیشن جبکہ 392 پولنگ بوتھ قائم کئے گئے ہیں مرد ووٹرز کے لئے 214 جبکہ خواتین کے لئے 178 پولنگ بوتھ بنائے گئے ہیں مردوں کے لئے 61، خواتین 55 جبکہ 8 کمائنڈ پولنگ اسٹیشن قائم ہیں ضمنی الیکشن میں دو لاکھ 16 ہزار 996 ووٹرز اپنا حق رائے دہی استعمال کرینگے مرد ووٹرز کی تعداد 115158 جبکہ خواتین ووٹرز کی تعداد 101838 ہے –

    ملتان میں پولیس کی جانب سے سیکورٹی کے سخت انتظامات، 26 پولنگ اسٹیشن حساس قرار دیئے گئے ہیں پولیس ،ایلیٹ فورس، ڈولفن فورس کے 2633 جوان سیکورٹی کے فرائض سرانجام دینگے تمام حساس پولنگ اسٹیشنز پر واک تھرو گیٹ نصب، ہر شخص کی تلاشی، سخت چیکنگ ہوگی دفعہ 144 کے تحت اسلحہ کی نمائش ، ہوائی فائرنگ، مسلح گارڈ رکھنے پر پابندی عائد ہے ڈی سی آفس میں کنٹرول روم قائم ،سی سی ٹی وی کیمروں سے تمام صورتحال مانیٹر کی جائے گی-

    واضح رہے کہ 2018 کے الیکشن میں پی پی 217 سے سلمان نعیم نے سابق وزیر خارجہ شاہ محمود قریشی کو شکست دی تھی ضمنی الیکشن میں شاہ محمود قریشی کے صاحبزادے زین حسین قریشی سلمان نعیم کے مقابل ہیں-

    دوسری جانب اطلاعات ہیں کہ ملتان،پی پی 217 خواتین پولنگ اسٹیشن نمبر 14 پر خواتین کو شیر پر مہر لگانے کی تلقین کی جا رہی ہے پی ٹی ائی کارکنان پولنگ اسٹیشن نمبر 14 کے باہر جمع ہیں-

    خواتین کا کہنا ہے کہ اندر بیٹھی ہوئیں پرائذڈنگ افیسر سب خواتین کو شیر پر مہر لگانے کا دباو ڈال رہی ہیں .ہمیں ازدانہ ووٹ ڈالنے دیا جائے عملہ کیوں شیر پر مہر لگانے کا دباو ڈال رہا ہے-

  • حکمران قوم کو گمراہ کر رہے ہیں، شاہ محمود قریشی

    حکمران قوم کو گمراہ کر رہے ہیں، شاہ محمود قریشی

    حکمران قوم کو گمراہ کر رہے ہیں، شاہ محمود قریشی

    باغی ٹی وی کی رپورٹ کے مطابق تحریک انصاف کے رہنما ،سابق وزیر خارجہ شاہ محمود قریشی کا کہنا ہے کہ پنجاب اسمبلی کی نشست 217 میں ضابطہ اخلاق کی خلاف ورزیاں جاری ہیں

    میڈیا سے گفتگو کرتے ہوئے شاہ محمود قریشی کا کہنا تھا کہ پی ٹی آئی نے ہائی کورٹ کے فیصلے کو سپریم کورٹ میں چیلنج کرنے کا فیصلہ کیا اور ہمارے وکلا آج سپریم کورٹ میں گئے ہیں۔ دوبارہ گنتی سے مسئلہ حل نہیں ہوتا ہمارے نقطہ نظر میں وزن ہے اسے سننا چاہیے حمزہ شہباز کو ہم پر مسلط کیا گیا ہے جبکہ ہم الیکشن پر امن ماحول میں چاہتے ہیں کچھ چینلز سرکار کی بولی بولتے ہیں آپ کی معیشت دن بہ دن بگڑتی جا رہی ہے اور حکمران قوم کو گمراہ کر رہے ہیں ہمارے نزدیک صرف شفاف الیکشن ہی حل ہے ہر دن ملک اور عوام کی پریشانی میں اضافہ کر رہا ہے اور اسحاق ڈار کچھ بھی نہیں کر سکتے

    سابق وزیر خارجہ شاہ محمود قریشی کا مزید کہنا تھا کہ مولانا فضل الرحمان نے پی ڈی ایم کا اجلاس بلانے کا کہا ہے اور مولانا کی اپنی جماعت میں اس وقت بے چینی ہے حلیف جماعتیں کہتی ہیں سندھ میں ڈرامہ کیا گیا حکومت نے 11 سو ارب کا جو ٹیکہ لگانا تھا وہ لگا دیا گیا۔

    پی پی 217 ملتان میں انتخابی مہم جاری ہے مخدوم شاہ محمود قریشی نے مختلف علاقوں کا دورہ اور کارنر میٹنگز میں شرکت کی۔ متعدد اہم شخصیات نے پاکستان تحریک انصاف میں شمولیت اختیار کی، شاہ محمود قریشی نے مقامی پارٹی رہنماؤں، کارکنان اور حلقے کے معززین سے ملاقاتیں کی۔اس موقع پر ان کا کہنا تھا کہ 17 جولائی کو چیئرمین عمران خان کے نامزد کردہ امیدوار مخدوم زادہ زین حسین قریشی کو ووٹ دے کر کامیاب کریں۔ امپورٹڈ حکومت آئے روز عوام پر مہنگائی کے بم گرا رہی ہے۔

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    عمران خان اگلے سال الیکشن کا انتظار کریں،وفاقی وزیر اطلاعات

    فارن فنڈنگ کیس،اسکروٹنی کمیٹی رپورٹ میں معلومات قابل تصدیق نہیں ،وکیل

  • ملتان میں جرائم کی تعداد میں دن بدن اضافہ قصور وار کون ؟

    ملتان میں جرائم کی تعداد میں دن بدن اضافہ قصور وار کون ؟

    ملتان میں جرائم کی تعداد میں دن بدن اضافہ قصور وار کون ہے!

    باغی ٹی وی کی رپورٹ کے مطابق ملتان میں ڈولفن فورس اور محافظ سکواڈ کی کارکردگی کو صفر تصور کیا گیا۔اس کے علاوہ آس پاس کے تھانوں میں بھی کارکردگی کچھ خاص اچھی نہیں۔اسی وجہ سے ملتان میں بہت سی جرم کی وارداتیں سامنے آ رہی ہیں۔گزشتہ کئی دنوں سے جرائم کی تعداد میں خاطر خواہ اضافہ ہوا ہے۔

    جب پولیس اور ڈولفن ہی اپنا کام احسن طریقے سے انجام نہیں دیں گے۔ اور مجرموں کو سزائیں نہیں ملے گی تو جرائم تو خود ہی زیادہ ہوں گے۔
    مزید برآں یہ کہ ملتان کے رہائشیوں نے انہی جرائم اور ڈولفن کی کارکردگی صفر ہونے کی وجہ سے ہی حکومت سے نوٹس لینے کا مطالبہ کیا۔

    اس حوالے سے پولیس حکام کا کہنا ہے کہ آبادی کے تناسب سے نفری کی کمی کا مسئلہ ہے۔ اور ان کا مزید کہنا تھا کہ بہت کم وسائل کے باوجود جرائم پر قابو پانے کیلئے ہماری طرف سے کوشیش کی جا رہی ہیں۔پولیس کی رپورٹ کے مطابق اب تک چوری کی 3537، ڈکیتی کی 1794، راہزنی کی 4239 اور قتل کی 19 وارداتیں ہو چکی ہیں۔ اس کے علاوہ اور بھی بہت سے جرائم ہو رہے ہیں۔
    لہذا پولیس اور ڈولفن کی کارکردگی بلکل صفر ہے۔ جس کی وجہ سے ملتان میں بہت سے جرائم کی واردات سامنے آئی ہیں۔ اور مزید اور بھی بہت سے جرائم سامنے آ رہے ہیں۔