Tag: مہنگائی

قصور
تبدیلی کا کامیاب سفر جاری،10 کلو آٹے کا تھیلا 630 روپیہ میں فروخت،شہری گراں فروشوں کے ہاتھوں تنگ،گورنمنٹ نشہ کرکے دعوے کرنے میں مصروف

تفصیلات کے مطابق ملک بھر کی طرح قصور میں بھی تبدیلی سرکار کی تبدیلی کا سفر بڑی روانی سے جاری ہے
سرکار نشہ کرکے دعوے کرنے میں مصروف ہے جبکہ عوام بیچاری گراں فروشوں کے ہاتھوں لٹنے پر مجبور ہے
قصور اور گردونواح میں آٹے کا 10 کلو والا تھیلا 630 روپیہ میں مل رہا ہے جبکہ دکانداروں نے قسمیں کھا کر بتایا کہ مل مالکان 600 روپیہ کا تھیلا دے رہے ہیں جس کے باعث ہم 10 سے 20 روپیہ نفع لیتے ہیں اور جب کوئی فوٹو سیشن کرنا ہو تو ضلعی انتظامیہ بجائے فلور ملوں کا رخ کرنے کے ہم چھوٹے دکانداروں کو جرمانے کرکے اپنا غصہ ٹھنڈا کرتی ہے کیونکہ ان کی جرآت نہیں کہ فلور ملوں کو پرائس کنٹرول کے تابع کر سکیں اور ان کو سرکاری نرخ پر آٹا فروخت کرنے کے پابند کر سکیں

شہریوں کا کہنا ہے کہ روزی اللہ نے دینی ہے ورنہ موجودہ گورنمنٹ تو سانس بھی نا لینے دے

قصور
پی ٹی آئی کی حکومت سے عوام مایوس مہنگائی کا جن بے قابو ہونے سے شہریوں کی زندگی اجیرن ہوگئی بڑھتی ہوئی مہنگائی کی وجہ سے کرائم کی شرح میں بھی دن بہ دن اضافہ ہورہا ہے۔شہریوں کوسبزیاں اور پھل،دالیں،چینی،گھی اور آٹا روزمرہ کی اشیا بھی سرکاری نرخ ٹھیلوں اور دکانوں سے غائب دوکاندار دونوں ہاتھوں سے عوام کو لوٹنے لگے۔شہریوں کے مطابق لوگ پی ٹی آئی گورنمنٹ نے بہت مایوس کیا ہے پرائس مانیٹرنگ ٹیم بھی حرکت میں نظر نہیں آرہی روزمرہ کے استعمال کی اشیاء خودو نوش دال،سبزیاں اور پھلوں،دالوں،آٹااور چینی کے منہ مانگے دام وصول کیے جارہے ہیں عوام دوکانداروں کو منہ مانگے ریٹس دینے پر مجبور دکھائی دیتے ہیں دوکانداروں نے عوام کودونوں ہاتھوں لوٹنا شروع کردیا۔عموماًدیکھنے میں آیا ہے کہ کسی بھی دوکان پر سرکاری نرخ نامہ اویزاں نہیں کیا گیا سبزیاں،دالوں اور پھلوں کے علاوہ چینی،گھی،آئل کے ریٹس اپنی مرضی کے وصول کیے جارہے ہیں سبزیوں،دالوں اور گھی کی قیمتوں میں بے پناہ اضافہ کیا جاچکا ہے یوٹیلیٹی سٹور پر اور عام دوکانوں کے ریٹس میں کچھ خاص فائدہ دکھائی نہیں دیتا قیمتوں میں انیس بیس کا ہی فرق ہے اس مسئلے پر کو ئی بھی پرائس مانیٹر کرتی ٹیم دکھائی نہیں دے رہی شہریوں کا کہنا ہے کہ حکومت کے دعوے دھرے کے دھرے رہ گئے ہیں جو الیکشن سے پہلے سستی اشیاء عوام کو فراہم کرنے کے وعدے کیے گئے تھے ان میں سے کسی ایک بھی وعدے کی تکمیل نہیں کی گئی عوام حکومت سے مایوس دکھائی دے رہے ہیں لوگوں کا کہنا ہے کہ مہنگائی کی وجہ سے عوام کے کندھوں پر بوجھ بڑھنے لگا ہے اور اگر دالوں،سبزیوں اور پھلوں،آٹا،چینی کے ریٹس کنٹرول نہ کیے گئے تو لوگ خودکشیوں پر مجبور ہوجائیں گے اس لیے حکومت وقت کو چاہیے کہ پرائس کنٹرول کمیٹیوں کو متحرک کیا جائے اور سرکاری نرخ نامے ہر شاپ پر آویزاں کروائے جائیں اور مہنگائی پر قابو پانے کے لیے عملی اقدامات کیے جائیں تاکہ عوام روزمرہ کی اشیاء خوردونوش باآسانی خرید سکیں

قصور
ضلعی انتظامیہ حکومتی رٹ قائم رکھنے میں مکمل ناکام ،سبزیوں،پھلوں کی سرکاری و دکانداروں کی قیمتوں میں کئی زمین آسمان کا فرق،انتظامیہ منہ دکھلائی کیلئے چھوٹے دکانداروں تک محدود

تفصیلات کے مطابق ضلعی انتظامیہ قصور حکومتی رٹ ہو قائم رکھنے میں مکمل ناکام ہے جس کے باعث ہر بندہ اپنی من مانیوں پر اترا ہوا ہے جس کے باعث پھلوں،سبزیوں کی سرکاری و ملنے و قیمتوں میں زمین آسمان کا فرق ہے 20 سے 40 روپیہ فی کلو سرکاری قیمت والی سبزیاں منڈی سے 60 سے 70 روپیہ فی کلو مل رہی ہیں جس کی باعث دکاندار خرید کر اپنی دکانوں پر 80 سے 100 روپیہ فی کلو تک فروخت کر رہے ہیں
جب بھی ضلعی انتظامیہ کو قیمتوں میں استحکام کی توجہ دلائی جاتی ہے تو رسم منہ دکھلائی کی طرح رسم کاروائی کرنے کیلئے چھوٹے دکانداروں کی شامت آجاتی ہے کہ جو بیچارے خود مہنگی چیزیں خرید کر مہنگی بیچنے پر مجبور ہیں مگر منڈی میں بیٹھے آڑھتیوں ،کمیشن ایجنٹوں کو کوئی ہاتھ نہیں ڈالتا جس کے باعث سرکاری و منڈی کی قیمتوں میں زمین آسمان کا فرق ہے
شہریوں نے ڈی سی قصور آسیہ گل،کمشنر لاہور ڈویژن اور وزیراعلی پنجاب سے استدعا کی ہے کہ خدارا چھوٹے دکانداروں کو جرمانے کرنے کیساتھ بڑے بڑے مگرمچھوں کو بھی ہاتھ ڈالئے تاکہ حکومتی رٹ قائم ہو سکے

ضلع قصور کی تمام تحصیلوں میں پرائس کنٹرول کمیٹیاں قائم کرکے لوگوں کو معیاری اشیائے خورد و نوش مناسب نرخوں پر فراہمی کو یقینی بنایا جائے گا ۔ ان خیالات کا اظہار پرائس کنٹرول کمیٹی سینٹرل پنجاب کے چئیرمین ندیم قادر بھنڈر نے قصور اور تحصیل چونیاں کا دورہ کرنے کے بعد پتوکی میں تحریک انصاف تحصیل پتوکی کے صدر چوہدری عقیل اسلم کے ہمراہ میڈیا سے خصوصی گفتگو کرتے ہوئے کیا انھوں نے کہا کہ ضلع قصور کی چاروں تحصیلوں میں پرائس کنٹرول کمیٹیاں قائم کرکے ایک ایک کوآرڈینیٹر اور دو دو میمبرز پر مشتمل کمیٹیاں تشکیل دی جارہی ہیں جو حکومتی ہدایات کے مطابق اشیائے خوردونوش کی قیمتوں کو کنٹرول کرکے عوام کو پرائس لسٹ کے مطابق اشیاء خوردونوش کی فراہمی کو یقینی بنائیں گے اس سلسلہ میں ڈپٹی کمشنر، اسسٹنٹ کمشنر اور پرائس مجسٹریٹ ان کی معاونت کریں گے انھوں نے کہا کہ سینٹرل پنجاب کے تمام اضلاع میں پرائس کنٹرول کمیٹیاں قائم کرنے کے لیے ہنگامی بنیادوں پر کام جاری ہے انشاء اللہ وزیراعظم پاکستان عمران خان اور وزیراعلی پنجاب عثمان بزدار کے وژن کو کامیاب بنانے کے لیے تمام وسائل بروئے کار لائیں جائے گے۔ اس موقع پر میاں سیلمان مالک چئیرمین پرائس کنٹرول کمیٹی لاہور ، تحریک انصاف تحصیل پتوکی کے صدر چوہدری عقیل اسلم، ظفر اسلم ، ریجنل یونین آف جرنلسٹس پنجاب کے جنرل سیکرٹری تنویر اسلم خاں آر یو جے ضلع قصور کے صدر منیر احمد خان ساقی سٹی پریس کلب پتوکی کے میڈیا کوآرڈینیٹر خالد ورک ترجمان محمد فرخ سجاد اور صفدر علی عادل بھی موجود تھے

قصور
ادویات مہنگی کرنے کا سلسلہ نا رک سکا ،ایک بار پھر ادویات مہنگی، موجودہ دور حکومت میں تاریخ میں پہلی بار ادویات کی قیمتوں میں 300 فیصد تک اضافہ

تفصیلات کے مطابق اشیاء ضروریات کی ہر چیزیں مہنگائی کی حدوں کو چھو رہی ہیں خاص کر ادویات سب سے زیادہ مہنگی ہوئی ہیں اور خاص بات یہ ہے کہ دیگر اشیاء ضروریہ کی قیمتوں میں اتار چڑھاؤ ہوتا رہتا ہے مگر ملکی تاریخ گواہ ہے کہ ایک بار ادویات مہنگی ہو جائیں پھر اس کی قیمتیں کبھی کم نہیں ہوئیں اب ایک بار پھر نزلہ زکام،کھانسی،بخار کی ادویات میں اضافہ کر دیا گیا ہے جن میں بیسوکوئین،ایرینیک،بروفن،سیپٹران،سپروفلاکساسین و دیگر ادویات شامل ہیں مگر ان ادویات کی قیمتوں بارے گورنمنٹ آنکھ بند کئے ہوئے ہے جبکہ ملکی تاریخ میں موجودہ گورنمنٹ واحد ہے جس کے دور حکومت میں ادویات 200 سے 300 فیصد تک مہنگی کی گئی ہیں اور تاحال یہ سلسلہ رکا نہیں مذید بڑھتا ہی جا رہا ہے جس پر غریب لوگ سخت پریشان ہیں کیونکہ سرکاری ہسپتالوں میں ادویات نا ہونے کے برابر ہیں زیادہ تر ادویات لکھ کر ہی دی جاتی ہیں

قصور
چکن کی بڑھتی قیمتوں کے پیش نظر بیشتر فاسٹ فوڈ و باربی کیو والے اپنے کاروبار بند کرنے پر مجبور،قیمتیں مہنگی ادویات،فیڈ کے باعث بڑھیں پولٹری فارم مالکان

تفصیلات کے مطابق اس وقت ملک بھر کی طرح قصور میں بھی چکن کی قیمتیں تاریخ کی بلند ترین سطح پر پہنچ چکی ہیں جس سے شہری تو پریشان ہیں ہی اس کے علاوہ فاسٹ فوڈ والے بھی سخت پریشان ہیں جن میں سے بیشتر نے مہنگے چکن کے باعث اپنے کاروبار ختم کر دیئے ہیں ان کا کہنا ہے کہ اگر چکن کی قیمت 200 سے 250 روپیہ فی کلو کے درمیان رہے تو ہمیں بچت آتی ہے اور کاروبار بھی چلتا ہے جبکہ چکن کی قیمتیں بڑھنے سے کاروبار نا ہونے کے برابر رہ گیا ہے کیونکہ ہر چیز مہنگی ہو گئی ہیں اس لئے متوسط و غریب لوگ فاسٹ فوڈ و باربی کیو کا رخ نہیں کر رہے جس سے ہمیں بھی مجبوراً کاروبار بند کرنا پڑ رہا ہے جبکہ پولٹری فارم مالکان کا کہنا ہے کہ چکن کی قیمتیں فیڈ و پولٹری میڈیسن کی قیمتیں ڈبل ہونے کے باعث بڑھائی گئی ہیں لہذہ اگر چکن کا ریٹ کنٹرول کرنا ہے تو گورنمنٹ پولٹری فیڈ و میڈیسن کی قیمتیں اعتدال پر لائے