Tag: مہوش حیات

کارتک آریان نوجوان نسل کے نمائندہ فنکار ہیں، بالی وڈ میں اس وقت ان کے نام کا ڈنکا بج رہا ہے. کارتک آریان بالی وڈ میں واحد وہ آرٹسٹ ہیں جن کی فلموں نے اس سال دھواں دار بزنس کیا. ان کی فلم بھول بھلیاں ٹو نے ریکارڈ توڑ بزنس کیا. اس وقت کارتک آریان بالی وڈ میں ہاٹ کیک بنے ہوئے ہیں ، وہ ہر پرڈیوسر اور ڈائریکٹر کی اولین چوائس ہیں. ویسے تو کارتک کو فلم انڈسٹری میں آئے کافی برس ہو چکے ہیں لیکن کامیابی ان کو اب جا کر ملی ہے اور ایسی کامیابی ملی ہے کہ جس پر کوئی بھی رشک کرے. کارتک آریان ان دِنوں‌قطر میں موجود ہیں وہاں‌وہ فیفا ورلڈ‌کپ دیکھنے کےلئے پہنچے ہوئے تھے اس دوران ان کی ملاقات پاکستانی اداکار ہمایوں سعید ، سجل علی اور

مہوز حیات کے ساتھ ہوئی ،سوشل میڈیا پر سرکولیٹ پونے والی تصویر میں دیکھا جا سکتا ہے کہ ہمایوں سعید ، سجل علی ،مہوش حیات ، ثمینہ ہمایوں اور ثناء شاہنواز کارتک آریان کے ساتھ کھڑے ہیں اور سب خاصے خوش دکھائی دے رہے ہیں. کارت کآریان کے چہرے پر خوشی نمایاں ہے. پاکستانی فنکاروں‌کی کارتک آریان کے ساتھ ملاقات کو سوشل میڈیا پر بہت کوریج مل رہی ہے ہر کوئی اس ملاقات اور سرکولیٹ ہونے والی تصویر کے بارے میں بات کررہا ہے.

وزیرآباد میں لانگ مارچ کے آغاز پر پاکستان تحریک انصاف کے چیئرمین عمران خان کے کنٹینر کے قریب گزشتہ روز فائرنگ کا واقعہ پیش آیا جس میں وہ زخمی ہوگئے۔عمران خان کے زخمی ہونے کے بعد پاکستانیوں میں تشویش کی لہر دوڑ گئی ہے. مہوش حیات جو کہ عمران خان کی بہت بڑی سپورٹر ہیں انہوں نے عمران خان کے حق میں ایک ٹویٹ کرتے ہوئے کہا ہے کہ عمران خان پر قاتلانہ حملے نے بے نظیر بھٹو کے ساتھ جو کچھ ہوا اس کی یاد دلا دی ہے. خدا ہمارے ملک کو سلامت رکھے پاکستانیوں کی حفاظت فرمائے. مہوش حیات نے مزید یہ بھی کہا کہ پرامن

احتجاج سب کا حق ہے لہذا حکومت کو سیکیورٹی فراہم کرنی چاہیے. یاد رہے کہ مہوش حیات عمران خان کی حامی ہیں وہ ان کے حق میں نہ صرف بات کرتی ہیں بلکہ ان کو پاکستان کا مسیحا سمجھتی ہیں‌. مہوش حیات کے ساتھ بہت سارے دوسرے سٹارز بھی عمران خان کے حامی ہیں اور وہ سمجھتے ہیں کہ پاکستان کے مسائل کا حل صرف اسی میں ہے کہ عمران خان کو اقتدار کی کرسی پر بٹھایا جائے. شان شاہد ، ہارون شاہد ، ثمینہ پیرزادہ ، منیب بٹ و دیگر عمرا ن خان کو سوشل میڈیا پر کھل کر سپورٹ کرتے ہیں.

اداکارہ مہوش حیات جو بہت ووکل ہیں وہ ہر معاملے پر کھل کر بات کرتی ہیں پاکستانی خواتین کے لئے وہ انسپریشن ہیں. مہوش حیات جتنی باصلاحیت اداکارہ ہیں اتنی ذہین انسان بھی ہیں. وہ بین الاقوامی فورمز پر ٔپاکستانی خواتین کے حق میں بات کرتی ہوئی نظر آتی ہیں. انہوں نے پاکستان میں آئے سیلاب اور اور اس کے بعد ہونے والی تباہی پر بالی وڈ کے فنکارو‌ں کی خاموشی پر دکھ کا اظہار کیا ہے . اس چیز کا گلہ مہوش حیات سے پہلے ایک برطانوی صحافی نے کیا انہوں نے پاکستان میں آنے والی قدرتی آفت کے بعد بالی وڈ‌کے فنکاروں‌کی طرف سے خاموشی کو ناپسند کیا . اداکارہ مہوش حیات نے اسی صحافی کا ٹویٹ اپنی انسٹاگرام سٹوری میں شئیر کیا اور کہا کہ ”بالی وڈ میں خاموشی حیران کن ہے،

مصیبت کسی کی قومیت، نسل یا مذہب کو نہیں دیکھتی ہے،بالی وڈ فنکاروں کے پاس یہ اچھا وقت ہے وہ ثابت کرسکتے ہیں کہ قوم پرستی اور سیاست سے بالاتر ہو کر وہ پاکستان میں اپنے مداحوں کی فکر کرتے ہیں۔مہوش حیات کی اس ٹویٹ کو بہت سراہا گیا اور بالی وڈ کے فنکاروں کی اس موقع پر خاموشی اور بے حسی پر سوال اٹھا دیا. یار رہے کہ جب پاکستان میں اے پی ایس میں بچوں کو شہید کر دیا گیا تھا اداکار سلمان خان نے بگ پاس کی میزبانی کے دوران اس شو میں اس افسوسناک واقعہ کی مذمت کی اور اسے انسانیت کے خلاف عمل کہا.

پاکستان میں‌ سیلاب نے بڑے پیمانے پر تباہی مچائی ہے، تباہی کی جس قسم کی وڈیوز سامنے آئی ہیں ان کو دیکھ کر دل دہل گیا ہے. لوگ کھلے آسمان کے تلے بھوکے پیاسے بیٹھے ہیں . ہر طرف پانی ہی پانی ہے لیکن پینے کو پانی کا قطرہ نہیں ہے. اسی صورتحال میں‌جو بھی جو کچھ کر سکتا ہے وہ کررہا ہے تاکہ سیلاب متاثرین کی مدد ہو سکے. اداکارہ مہوش حیات نے یہ بھی اپیل کی ہے کہ سیلاب متاثرین کی مدد کی جائے آپ کی جتنی استعداد ہے اسکے مطابق مدد کیجیے. انہوں نے انسٹاگرام پروڈیو کے زریعے لوگوں سے اپیل کی کہ وہ سیلاب متاثرین کی بحالی کام کیلئے مسلم چیرٹی تنظیم ’پینی اپیل‘ کے ساتھ اشتراک کریں کیوں کہ یہ تنظیم سیلاب سے شدید متاثر 30 علاقوں میں کام

کررہی ہے۔مہوش حیات کا کہنا تھا کہ کبھی کبھار الفاظ کافی نہیں ہوتے۔ آج میں ’پینی اپیل‘ کے ساتھ مل کر ایمرجنسی گلوبل اپیل لانچ کررہی ہوں تاکہ ان متاثرین کی مدد کی جائے جو سیلاب کے خوفناک المیے کا شکار ہیں۔ مہوش حیات نے مزید یہ بھی کہا کہ ضروری نہیں کہ پیسے ہی دئیے جائیں آپ کے پاس جو کچھ بھی ہے اور جو کچھ دے سکتے ہیں سیلاب زدگان کو دیجیے وہ اس وقت ایسی صورتحال میں‌ ہیں کہ جس کو دیکھ دل کٹ رہا ہے سوچ کر تکلیف ہورہی ہے کہ وہ کس اذیت سے گزرے اور مسلسل گرز رہے ہیں. بطور انسان ہمارا فرض ہے کہ ہم انسانیت کی خدمت کریں .

معروف مصنف خلیل الرحمان کسی نہ کسی پر تنقید کرتے رہتے ہیں، وہ کسی پر بھی تنقید کرنے کا کوئی بھی موقع ہاتھ سے نہیں جانے دیتے. حال ہی میں انہوں نے اپنی تنقید کا رخ اداکارہ مہوش حیات کی طرف کیا انہوں نے کہا کہ مہوش حیات نے بہت کام کر لیا ہے اب کسی اور کو موقع ملنا چاہیے ، وہ جگہ خالی کریں اور کسی اور کام کرنے دیں. ان سے سوال ہوا کہ کیا آپ نے ماہرہ خان کو معاف کر دیا تو انہوں نے کہا میں نے انہیں معاف کر دیا ہے. تاہم اس پر تفصیلی جواب دینے سے کتراتے ہوئے نظر آئے اور اس بار ماہرہ خان کا نام سن کر زیادہ نہیں بھڑکے اور نہ ہی ان کے بارے میں کچھ بھی

الٹا سیدھا کہا یہ پہلا موقع تھا کہ جب خلیل الرحمان قمر نے ماہرہ خان کے بارے میں کچھ نہیں کہا. ورنہ تو خلیل الرحمان قمر ماہرہ خان کو آڑھے ہاتھوں لیتے ہیں. اسی انٹرویو میں مصنف نے دعوی کر دیا کہ انہوں نے اداکار نعمان اعجاز کا آڈیشن لیا تھا جس میں وہ فیل ہوگئے تھے. یاد رہے کہ خلیل الرحمان قمر عہد حاضر کے وہ رائٹر ہیں جو کسی کو بھی نہیں بخشتے ان کو ہر کسی سے کوئی نہ کوئی شکایت رہتی ہے.ان کے بارے میں کوئی بات کر دے تو اس کو جان نہیں چھوڑتے.

اس وقت جو فلموں میں کام کررہی ہیں وہ تقریبا تمام ہیروئنز ٹی وی پر بھی کام کرتی ہیں بلکہ یوں کہنا چاہیے کہ وہ ٹی وی سے ہی فلموں کی طرف گئی ہیں.ا سوقت جو اداکارائیں سب سے زیادہ مقبول ہیں ان میں ماہرہ خان اور مہوش حیات کا نام قابل زکر ہے. ہم آپ کو بتاتے ہیں‌ کہ کونسی اداکارہ ڈرامے کی ایک قسط کا کتنا معاوضہ لیتی ہے. کہا جاتا ہے کہ اس وقت سب سے زیادہ معاوضہ لینے والی اداکارہ ماہرہ خان ہے. وہ ڈرامے کی ایک قسط کا تین سے پانچ لاکھ روپے لیتی ہیں، ان کے بعد جو اداکارہ معاوضہ زیادہ لیتی ہے ان کا نام مہوش حیات ہے وہ ڈرامے کی ایک قسط کا تین لاکھ روپیہ لیتی ہیں. صبا قمر تقریبا 2.9 لاکھ فی قسط لیتی ہیں۔ صنم بلوچ تقریبا 2.7 لاکھ روپے ، اقرا عزیز 1.5 لاکھ روپے ایک قسط کے لیتی ہیں. باقی اداکارائیں ان سے زرا کم معاوضہ لیتی ہیں. ان سب اداکارائوں کو معاوضہ ان کی مارکیٹ ویلیو دیکھتے ہوئے دیا جاتا ہے. ماہرہ خان اور مہوش حیات

ٹی وی پر جب بھی آتی ہیں کسی ایکسکلیوسیو چیز کے ساتھ آتی ہیں شائقین ان کو دیکھنے کےلئے بے تاب رہتے ہیں دوسری طرف بات کریں‌ہم صباقمر کی تو انہوں نے اپنی صلاحیتوں کا لوہا منوایا ہے فلم کملی میں انہوں نے ثابت کر دیا ہے اداکاری میں کوئی ان کو نہیں پچھاڑ سکتا. اقراء عزیز کی جب سے شادی ہوئی ہے وہ سکرین پر نظر نہیں آئیں لیکن وہ آج کل اپنے ہی شوہر کی ڈائریکشن میں بننے والے پراجیکٹ میں کام رہی ہیں.

ایک وقت تھا جب اخبار میں چھپنے والی ایک کالم یا تین سطروں کی خبر بھی طوفان بپا کر دیتی تھی یہ وہ دور تھا جب الیکٹرانک اور سوشل میڈیا نہیں تھا.لیکن اب اخبار میں خبر بعد میں اتی ہے لیکن سوشل میڈیا پر پہلے ہی اس حوالے سے طوفان بپا ہوتا ہے. یہاں چلنے والی مثبت یا منفی کمپین کسی کے بھی کیرئیر کو بنا اور ختم کر سکتی ہے. کچھ اسی طرح کے خیالات ہیں اداکارہ مہوش حیات کے انہوں نے کہا ہے کہ سوشل میڈیا آج بہت پاور فل ہے یہاں چلنے والی مہم کسی کوبھی کہاں سے کہاں‌پہنچا سکتی ہے. اداکارہ نے کہا کہ ہمیں سوشل میڈیا کا استعمال سوچ سمجھ کر کرنا چاہیے. ویسے تو پوری

دنیا میں ہی اس کا استعمال ہو رہا ہےلیکن اس میڈیم کا مثبت استعمال کم ہی دیکھنے کو مل رہا ہے. اس میڈیم کا مثبت استعمال کیا جائے تو بہت سارے مسائل حل ہو سکتے ہیں.اس پلیٹ فارم کو شعور اور آگاہی دینے کےلئے بھی استعمال کیا جا سکتا ہے. انہوں نے کہا کہ ہم اس پلیٹ فارم سے اپنے ملک کے لئے لڑ سکتے ہیں اپنے ملک کا اچھا اور بہترین امیج اجاگر کر سکتے ہیں اور ان تمام پراپگینڈا کو جواب دیا جا سکتا ہے جو پاکستان یا ہمارے ملک کی کسی شخصیت کے خلاف ہو رہا ہو. اداکارہ نے اس انٹرویو میں سوشل میڈیا کے مثبت استعمال پر خاصا زور دیا .

مہوش حیات اس وقت پاکستان شوبز انڈسٹری کی نمبر ہیروئین کہلائی جاتی ہیں حال ہی میں ان کی فلم لندن نہیں جائونگا ریلیز ہوئی ہے اس نے کامیابی کے ریکارڈز قائم کئے ہیں اس کے علاوہ وہ مس مارول کا بھی حصہ ہیں.شہرت کی بلندیوں کو چھونے والی اس اداکارہ نے ایک اور اعزاز اپنے نام کر لیا ہے اور وہ اعزاز ہے یوکے مسلم فلم کی اعزازی سرپرست کا مقرر ہونا. رپورٹس کے مطابق پاکستانی اداکارہ مہوش حیات کو برطانیہ کی فلاحی تنظیم ’یو کے مسلم فلم‘ نےاپنے فلاحی منصوبوں کی پہلی اعزازی سرپرست مقرر کردیا ہے. اسی تنظیم نے حال ہی میں مہوش حیات اور کینیڈین نژاد امریکی مسلمانمصنفہ لینا علی کو اپنے فلاحی منصوبوں کے لیے پہلے سرپرست کے طور پر مقرر کیا، جس کا اعلان تنظیم نے اپنے سوشل میڈیا پلیٹ فارمز پر کیا جب کہ مہوش حیات نے بھی اس ضمن میں سوشل میڈیا پوسٹس شیئر کیں۔

’یو کے مسلم فلم‘ نامی تنظیم کا مقصد مسلمانوں کا بین الاقوامی سطح پر مثبت چہرہ دکھانے کے ساتھ مسلمانوں کے خلاف پھیلائے جانے والے غلط اور جھوٹے مواد کو آئینہ دکھانا ہے.یہ تنظیم دنیا بھر کے مسلمان مصنفوں‌ کو بہت زیادہ سراہتی ہے اور ان کو مالی مدد بھی کرتی ہے تاکہ انکی اچھے انداز میں حوصلہ افزائی ہو سکے اور وہ بہتر انداز میں اپنا کام کر سکیں. اس تنظیم کو دنیا بھر کے مصنف اپنی لکھی ہوئی چیزیں بھیجتے ہیں بعد میں ان کی سکروٹنی بھی ہوتی ہے.

مہوش حیات ڈر گئی ہیں جی ہاں مہوش ڈر گئی ہیں. مہوش حیات کو ڈر ہے کہ مہنگائی کی وجہ سے لوگ سینما گھروں‌کا رخ نہیں‌کریں گے. ان کو لگتا ہے کہ مہنگائی جس حد تک بڑھ چکی ہے لوگ ایسے میں کیسے اتنی مہنگی ٹکٹ خریدیں گے لیکن ساتھ ہی انہوں‌نے یہ امید بھی ظاہر کی کہ چونکہ لوگوں‌کو عید کے روز اینٹرٹینمنٹ کی ضرورت ہوتی ہے ایسے میں‌وہ ضرور گھروں سے نکلیں گے اور ٹکٹیں خرید کر سینما کا رخ کریں گے. یاد رہے کہ پیٹرولیم مصنوعات کی قیمتوں میں اضافے کے بعد سینما گھروں‌کی ٹکٹوں کی قیمتوں میں‌بھی اضافہ کر دیا گیا ہے. ساڑھے سات سو سے ٹکٹ شروع ہو کر پندراں سو روپے تک جا رہی ہے. ایسے میں‌شائقین کا کہنا ہے کہ ہم کیسے اتنی مہنگی ٹکٹ خرید کا سینما کا رخ کریں اور اسی خدشے

کا اظہار مہوش حیات نے بھی کیاہے. مہوش حیات کی حال ہی میں فلم لندن نہیں‌جائونگا ریلیز ہوئی ہے ریلیز ہوتے لوگوں‌کی ایک بڑی تعداد نے فلم دیکھی ہے شائقین فلم کو بہت پسند کررہے ہیں لیکن جو مزدور یا دیہاڑی دار طبقہ ہے وہ یقینا اس فلم کو نہیں‌دیکھ سکے گا کیونکہ سینما کی ٹکٹ جتنی مہنگی ہے اسے افورڈ‌کرنا ااس کے لئے مشکل ہی نہیں‌ناممکن ہے. فلم لندن نہیں‌جائونگا اور قائداعظم زندہ باد دونوں‌فلموں‌کو لوگ دیکھنا چاہ رہے ہیں لیکن مہنگی ٹکٹیں کہیں نہ کہیں رکاوٹ ضرور بنتی نظر آرہی ہیں.

ویب سیریز مس مارول میں فواد خان کی اینٹری کے لئے ان کے مداح منتظر تھے مس ماورل کی پانچویں قسط میں فواد خان کی اینٹری ہو گئی ہے اور ان کا کردار تحریک آزادی کے ایک متحرک رکن کے طور پر دکھایا گیا ہے، اگرچہ انہیں مسلمان کردار میں دکھایا گیا ہے، تاہم انہیں تحریک آزادی سے متعلق لوگوں میں شعور بیدار کرتے وقت بانی پاکستان قائد اعظم کی جدوجہد کے بجائے گاندھی کی جدوجہد کی پرچار کرتے ہوئے دکھایا گیا ہے۔فواد خان کو قائد اعظم کی جانب سے دیئے گئے دو قومی نظریئے کے بجائے صرف گاندھی کی جانب سے آزادی کے نظریئے کو آگے بڑھاتے ہوئے دکھایا گیا جس پر کئی شائقین نالاں دکھائی دیئے . کہا جا رہا ہے کہ اس میں کیوں دو قومی نظریے کو گاندھی کی طرف آگے

بڑھاتے ہوئے دکھایا گیا حقیقت اس کے برعکس ہے. دو قومی نظریہ قائداعظم کی طرف سے دیا گیا تھا. ماورل کو جو لوگ بہت زیادہ فالو کررہے ہیں وہ مس ماورل کی حالیہ قسطوں کو لیکر نالاں ہیں اور ہدایتکارہ شرمین عبید چنائے پر تنقید کے نشتر برسائے جا رہے ہیں ان پر طرح طرح‌کے الزامات لگائے جا رہے ہیں. سوشل میڈیا پر کچھ صارفین کا کہنا ہے کہ شرمین بھارتی ایجنڈے کو پرموٹ کررہی ہیں یا اپنے بھارتی پرستاروں کو خوش کررہی ہیں. قیام پاکستان کی تحریک اور دو قومی نظریے کا سہرا قائداعظم کے سر ہے ان کا زکر کم کیوں ہے.یاد رہے کہ مس مارول کو لوگوں کی بڑی تعداد دیکھ رہی ہے اور اس میں‌پاکستانی فنکاروں کی موجودگی کو سراہ بھی رہی ہے.