Tag: ناروے

نائب وزیراعظم و وزیر خارجہ سینیٹر محمد اسحاق ڈار نے ناروے کے وزیر خارجہ ایسپن بارتھ ایدے سے ٹیلی فونک رابطہ کیا اور شاہِ ناروے ہیرالڈ پنجم کے انتقال پر پاکستان کی جانب سے دلی تعزیت کا اظہار کیا۔

ترجمان دفتر خارجہ کے مطابق اسحاق ڈار نے صدر، وزیراعظم، فیلڈ مارشل، اپنی جانب سے اور پاکستانی عوام کی طرف سے شاہی خاندان اور ناروے کے عوام سے ہمدردی کا اظہار کیا،نائب وزیراعظم نے ناروے کے وزیر خارجہ کو آگاہ کیا کہ وزیراعظم شہباز شریف نے وفاقی وزیر مواصلات عبدالعلیم خان کو 9 ستمبر کو اوسلو میں ہونے والی شاہ ہیرالڈ پنجم کی آخری رسومات میں پاکستان کی نمائندگی کے لیے نامزد کیا ہے، شاہ ہیرالڈ پنجم کا انتقال 89 برس کی عمر میں ہوا تھا اور ان کی آخری رسومات 9 ستمبر کو اوسلو میں ہوں گی۔

اسحاق ڈار اور ایسپن بارتھ ایدے نے دونوں ممالک کے درمیان قریبی رابطہ برقرار رکھنے پر اتفاق کیا اور اقوام متحدہ کی جنرل اسمبلی کے اجلاس کے موقع پر ملاقات کی خواہش کا اظہار بھی کیا۔

اوسلو:ناروے میں 89 سالہ کنگ ہیرالڈ کے انتقال کے بعد ان کے صاحبزادے ہاکون ہشتم نے اقتدار سنبھال لیا،شاہی محل کے مطابق نئے بادشاہ کی بطور حکمران پہلی تقریر ہفتے کی شام نشر کی گئی۔

ناروے کے بادشاہ شاہ ہارالڈ کی گزشتہ جمعہ کو 89 برس کی عمر میں انتقال کے بعد ان کے فرزند شاہ ہاکون ہشتم نے منگل کے روز پارلیمنٹ کے سامنے ملک کے آئین اور قوانین کی پاسداری کا باقاعدہ حلف اٹھا لیا ہے۔ اس حلف برداری کے ساتھ ہی تاج و تخت کی منتقلی کی رسمی و روایتی تقاریب کا سلسلہ مکمل ہو گیا ہے۔

سابق حکمران شاہ ہارالڈ کی وفات کے بعد سے اب تک دسیوں ہزار نارویجن شہری شاہی محل کے باہر پھول، موم بتیاں، خاکہ جات اور قومی پرچم رکھ کر انہیں خراجِ تحسین پیش کر چکے ہیں عوام کی بڑی تعداد نے آنجہانی شاہ ہارالڈ کی شفیق طبیعت اور ہر طبقے کو ساتھ لے کر چلنے کی صلاحیت کو سراہا، جبکہ نئے بادشاہ شاہ ہاکون نے قوم سے اپنے پہلے خطاب میں انہیں ایک ’بہترین اور شفیق باپ‘ قرار دیا۔

ملک بھر میں قومی سوگ منایا جارہا ہے اور سرکاری عمارتوں پر پرچم سرنگوں ہیں ہزاروں افراد نے اوسلو کے شاہی محل پہنچ کر مرحوم بادشاہ کو خراج عقیدت پیش کیا، جہاں پھولوں کے ڈھیر لگ گئے ہیں، ہیرالڈ نے 1991 میں تخت سنبھالا اور 35 سال تک بادشاہ رہے ، ہاکون نے چرچ، پارلیمنٹ اور سپریم کورٹ کے سربراہان سے ملاقاتیں بھی کیں وہ منگل کو پارلیمنٹ میں وفاداری کا حلف اٹھائیں گے۔

نئے بادشاہ کے تخت سنبھالنے کے دوران ناروے میں شاہی نظام کی مقبولیت میں نمایاں اضافہ دیکھا گیا ہے، سرکاری نشریاتی ادارے NRK کے لیے ‘نورسٹیٹ’ کے تازہ ترین سروے کے مطابق، 72 فیصد عوام شاہی نظام کی حمایت کرتے ہیں جبکہ صرف 20 فیصد جمہوریت یا حکومت کی کسی دوسری شکل کے حامی ہیں۔ یاد رہے کہ مئی میں کیے گئے پچھلے سروے میں شاہی نظام کی حمایت 64 فیصد تھی۔

حلف برداری کی اس تاریخی تقریب میں بادشاہ کی والدہ ملکہ سونیا (89 سال)، شہزادی انگرڈ الیگزینڈرا (22 سال) اور شہزادہ سویرے میگنس (20 سال) نے شرکت کی۔ تاہم، شاہ ہاکون کی 53 سالہ اہلیہ ملکہ میٹے مارٹ پھیپھڑوں کے پیوند کاری (ٹرانسپلانٹ) کے بعد پیدا ہونے والی طبی پیچیدگیوں کی وجہ سے تقریب میں شریک نہ ہو سکیں۔

اوسلو یونیورسٹی اسپتال کے معالج ڈاکٹر آر ہولم نے شاہی محل سے جاری بیان میں بتایا کہ پھیپھڑوں کی پیوند کاری کے بعد ایسی پیچیدگیاں ہونا غیر معمولی نہیں ہے، جس کی وجہ سے ملکہ کو پورا دن طبی نگہداشت میں رکھا گیا ہے۔

واضح رہے کہ ناروے کے قوانین کے تحت والد کے انتقال کے ساتھ ہی ہاکون خود بخود ملک کے نئے بادشاہ بن گئے تھے۔ ناروے میں 1908ء میں تاجپوشی کی رسمی تقریب ختم کر دی گئی تھی، جس کے باعث یہاں صرف پارلیمنٹ کے سامنے حلف اٹھانے کی روایت برقرار ہے۔

ناروے سے تعلق رکھنے والی صحافی ہیلے لِنگ نے دعویٰ کیا ہے کہ بھارتی وزیر اعظم نریندر مودی سے سوال پوچھنے کی کوشش کے بعد آن لائن تنقید کے باعث ان کے انسٹاگرام اور فیس بک اکاؤنٹس معطل کر دیے گئے ہیں۔

ہیلے لِنگ نے سماجی رابطے کی ویب سائٹ ایکس پر بتایا کہ پورے دن وہ اپنے انسٹاگرام اکاؤنٹ تک رسائی حاصل نہیں کر سکیں اور بعد میں یہ اکاؤنٹ مکمل طور پر معطل ہو گیا –

ایک اور پوسٹ میں ہیلے لِنگ نے ان صارفین کو جو میٹا کے زیرِ ملکیت پلیٹ فارمز کے ذریعے ان سے رابطہ کرنے کی کوشش کر رہے تھے آگاہ کیا کہ ان کے انسٹاگرام اور فیس بک دونوں اکاؤنٹس معطل کر دیے گئے ہیں میں چاہتی تھی کہ زیادہ سے زیادہ ہندوستانیوں کے سوالات کے جواب دے سکوں، لیکن اب میرے جوابات میں تاخیر ہو گی امید ہے کہ مجھے اپنے اکاؤنٹس واپس مل جائیں گے،“ اور اس دوران میٹا کو ٹیگ بھی کیا۔

واضح رہے کہ ناروے اور بھارت کے وزرائے اعظم کی مشترکہ پریس بریفنگ کے دوران ہیلی لِنگ نے بھارتی وزیر اعظم سے سوال پوچھنے کی کوشش کی جب وزیر اعظم مودی ہال سے باہر جا رہے تھے تو ہیلی لِنگ نے اونچی آواز میں کہا کہ آپ دنیا کی سب سے آزاد پریس کے کچھ سوالات کیوں نہیں لیتے؟ اگرچہ یہ واضح نہیں ہوسکا کہ بھارتی وزیر اعظم نے ان کی بات سنی یا نہیں، لیکن اس واقعے کی ویڈیو سوشل میڈیا پر تیزی سے وائرل ہو گئی۔

ساہیوال :سی ٹی ڈی کی انٹیلیجنس بیسڈ کارروائی ،مبینہ تخریب کاری کا منصوبہ ناکام ، خطرناک دہشتگرد گرفتار

بعد میں لِنگ نےایکس پر لکھا کہ مجھے مودی سے جواب کی امید نہیں تھی، لیکن دنیا میں صحافتی آزادی کے لحاظ سے ناروے پہلے نمبر پر ہے جبکہ بھارت کا نمبر 157واں ہےاس واقعے کے بعد ہیلے لِنگ کو سوشل میڈیا پر شدید تنقید کا سامنا کرنا پڑا جہاں بہت سے صارفین نے ان پر غیر ملکی ایجنٹ، جاسوس اور چینی پراکسی ہونے کے الزامات لگائے جبکہ دیگر نے کہا کہ یہ مشترکہ میڈیا بریفنگ تھی، رسمی پریس کانفرنس نہیں۔

ان الزامات پر صفائی دیتے ہوئے ہیلے لِنگ نے ایک اور پوسٹ میں کہا کہ میں نے کبھی نہیں سوچا تھا کہ مجھے یہ لکھنا پڑے گا لیکن میں کسی بھی غیر ملکی حکومت کی بھیجی ہوئی کوئی جاسوس نہیں ہوں، میرا کام صرف صحافت ہے۔

تاہم اس تنازع کے بعد انٹرنیٹ پر ان کی مقبولیت میں زبردست اضافہ ہوا اور ان کے فالوورز کی تعداد چند سو سے بڑھ کر 45 ہزار سے زیادہ ہو گئی دوسری طرف اس معاملے پر سیاسی بحث شروع ہونے کے بعد ناروے میں موجود بھارتی سفارت خانے نے اسی دن ہیلے لِنگ کو ایک الگ بریفنگ میں مدعو کیا وہاں انہوں نے بھارت میں انسانی حقوق اور ساکھ کے حوالے سے دوبارہ سوالات اٹھائے۔

سرکاری اور نجی ایئر لائنز کی گزشتہ تین سال کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش

اس کے جواب میں بھارتی وزارت خارجہ کے سیکرٹری سبی جارج نے بھارت کی ہزاروں سال پرانی تہذیب، شطرنج، یوگا اور کورونا وبا کے دوران دنیا بھر میں ویکسین پہنچانے جیسے اقدامات کا ذکر کرتے ہوئے بھارتی موقف پیش کیا۔

کے دارالحکومت اوسلو میں امریکی سفارت خانے کے باہر زور دار دھماکا ہوا ہے، جس کے نتیجے میں عمارت کے داخلی حصے کو معمولی نقصان پہنچا ہے۔

روئٹرز کے مطابق ناروے کی پولیس نے بتایا ہے کہ دھماکا مقامی وقت کے مطابق اتوار کی رات تقریباً ایک بجے امریکی سفارت خانے کے احاطے کے قریب ہوا، دھماکا سفارتخانے کے قونصلر سیکشن کے داخلی دروازے کے قریب ہوا جب کہ دھماکے کی وجہ فوری طور پر معلوم نہیں ہو سکی۔

پولیس کمانڈر مائیکل ڈیلی مائر نے مقامی میڈیا کو بتایا کہ وہ ابھی دھماکے کی نوعیت یا تفصیلات پر تبصرہ نہیں کر سکتے تاہم ابتدائی معلومات کے مطابق یہ کسی شخص کی کارروائی لگتی ہے۔

کسی بھی قوم کی مجموعی ترقی خواتین کو مساوی مواقع اور بامعنی شرکت فراہم کیے بغیر ممکن نہیں،وزیراعظم

واقعے کے عینی شاہد نوجوان کے مطابق وہ تین دوستوں کے ساتھ سفارت خانے کے قریب ٹیکسی کا انتظار کر رہے تھے، تین زوردار دھماکے ہوئے جس کی شدت اتنی تھی کہ زمین بھی ہل گئی جیسے ہی وہ ٹیکسی میں بیٹھے اور وہاں سے گزرے تو دیکھا کہ سفارت خانے کے سامنے کی سڑک دھویں سے گھری ہوئی تھی۔

پولیس کا کہنا ہے کہ تحقیقات کے لیے کتوں، ڈرونز اور ہیلی کاپٹرز کا استعمال کیا جا رہا ہے تاکہ ممکنہ ملزمان کا پتہ لگایا جا سکے پولیس نے اس بات کی بھی وضاحت کی کہ فی الحال اس دھماکے کا مشرقِ وسطیٰ میں امریکی تنصیبات پر حملوں سے تعلق کا کوئی ثبوت نہیں ملا ہے۔

پاکستانی انٹیلیجنس اطلاع نہ دیتی تو معلوم نہ ہوتا آئل ریفائنری پر حملہ اسرائیل نے کیا تھا،سعودی وزیر دفاع

واضح رہے کہ ناروے بھی امریکا اور اسرائیل کی جانب سے ایران پر حملوں کی مذمت اور اسے بین الاقوامی قانون کی خلاف ورزی قرار دینے والے ممالک میں شامل ہے،ناروے کے وزیر اعظم جونس گاہر اسٹور نے ایران کی جانب سے پڑوسی ممالک پر کیے جانے والے جوابی حملوں کی بھی سخت مذمت کی تھی۔

ناروے کے سفارتکار نے جیفری ایپیسٹن فائلز میں بھارتی وزیراعظم نریندر مودی کا نام آنے پر تبصرہ کرتے ہوئے کہا ہے کہ جب آپ کسی ہندوستانی اور سانپ سے ملیں تو پہلے ہندوستانی کو ماریں۔

بدنام زمانہ مجرم جیفری ایپسٹین سے متعلق دستاویزات کے حالیہ انکشاف نے پوری دنیا، خاص طور پرہندوستان میں ایک بڑا تنازعہ کھڑا کر دیا ہے۔ امریکی محکمہ انصاف کی جانب سے عوام کے لیے جاری کیے گئے 30 لاکھ صفحات پر مشتمل ان دستاویزات میں ناروے کے سابق بااثر سفارتکار ٹیرجے روڈ لارسن کا ایک ای میل سامنے آیا ہے، جس میں ہندوستانیوں کے خلاف انہوں نے تبصرہ کیا ہے-

روس کے سرکاری میڈیا آر ٹی (RT) کے مطابق، 25 دسمبر 2015 کو ٹیرجے روڈ لارسن نے جیفری ایپسٹین کو ایک ای میل بھیجی تھی۔ یہ ای میل اس وقت بھیجی گئی جب ایپسٹین نے ایک ہندوستانی سیاستدان کا پیغام لارسن کو فارورڈ کیا تھا جواب میں لارسن نے ایک کہاوت استعمال کرتے ہوئے لکھا:کیا تم نے یہ کہاوت سنی ہے اگر راستے میں ایک ہندوستانی اور ایک سانپ ملے، تو پہلے ہندوستانی کو مارو۔

ٹیرجے روڈ لارسن ناروے کے ایک بہت ہی بااثر سفارتکار رہے ہیں انہیں 1990 کی دہائی میں اسرائیل اور فلسطین کے درمیان ہونے والی تاریخی ‘ اوسلو امن عمل ‘ کا مرکزی شخص سمجھا جاتا ہے۔ وہ اقوام متحدہ میں سفیر اور مشرق وسطی امن عمل کے خصوصی رابطہ کار جیسے بڑے عہدوں پر رہ چکے ہیں۔ 2020 تک وہ انٹرنیشنل پیس انسٹی ٹیوٹ کے صدر تھے، لیکن ایپسٹین کے ساتھ ان کے مالی تعلقات کی خبر آنے کے بعد انہوں نے استعفیٰ دے دیاتھا۔

حال ہی میں جاری ہونے والے ان دستاویزات میں صرف لارسن ہی نہیں بلکہ کئی دیگر جگہوں پر بھی ہندوستان کا ذکر آیا ہے۔ رپورٹس کے مطابق، ایپسٹین ہندوستان ، امریکہ اور اسرائیل کے درمیان پردے کے پیچھے اپنا اثر بنانے کی کوشش کر رہا تھا۔

جیفری ایپسٹین ایک امریکی فنانسر تھا، جس پر نابالغوں کی اسمگلنگ اور جنسی استحصال کے سنگین الزامات تھے۔ 2019 میں جیل میں اس کی مشکوک موت کے بعد ہی اس کے بااثر روابط کی تحقیقات چل رہی ہیں۔ اب امریکی قانون کے تحت جاری کیے گئے ان دستاویزات میں دنیا کے بڑے رہنماؤں، صنعتکاروں اور مشہور شخصیات کے نام سامنے آ رہے ہیں جو کسی نہ کسی طرح ایپسٹین کے رابطے میں تھے۔

ناروے کی ولی عہد شہزادی میٹے-ماریٹ کے 28 سالہ بیٹے پر 4 خواتین کے ساتھ ریپ کرنے اور متعدد پرتشدد کارروائیوں کا الزام عائد کیا گیا ہے-

’اے ایف پی‘ کی رپورٹ کے مطابق استغاثہ نے پیر کو بتایا کہ ماریوس بورگ ہوئبی، گزشتہ سال 4 اگست کو اپنی گرل فرینڈ پر تشدد کے شبہے میں گرفتاری کے بعد سے تحقیقات کا سامنا کر رہے ہیں،ماریوس بورگ ہوئبی، ولی عہد شہزادی میٹے-ماریٹ کے ولی عہد شہزادہ ہاکون سے شادی سے پہلے ’ریلیشن شپ‘ کے دوران پیدا ہوئے تھے۔

پبلک پراسیکیوٹر اسٹُرلا ہنرِکس بو نے صحافیوں کو بتایا کہ ولی عہد شہزادی کے بیٹے پر الزام ہے کہ انہوں نے 4 خواتین کے ساتھ اس وقت ریپ کیا، جب وہ سو رہی تھیں، کم از کم تین معاملات میں انہوں نے خواتین سے ملاقات کی اور رضامندی سے جنسی تعلق قائم کیا، لیکن بعد میں مبینہ طور پر زیادتی کی۔

بھارت کے معروف اداکار 91 برس کی عمر میں چل بسے

ہوئبی پر یہ بھی الزام ہے کہ انہوں نے خواتین کے جسم کے نجی حصوں کی ان کی لاعلمی میں ویڈیو اور تصاویر بنائیں، ہنرکس بو نے کہا کہ تفتیش کاروں کے پاس ویڈیو کلپس اور تصاویر بطور ثبوت موجود ہیں، مبینہ زیادتی کے یہ واقعات 2018، 2023 اور 2024 میں پیش آئے، جن میں سے آخری اُس وقت پیش آیا، جب پولیس نے پہلے ہی تحقیقات شروع کر دی تھیں،ان پر مزید الزامات میں ایک سابقہ ساتھی پر گھریلو تشدد، متعدد بار پرتشدد کارروائیاں کرنے، امن عامہ کو خراب کرنے، توڑ پھوڑ، اور ایک اور سابقہ ساتھی کے خلاف عائد عدالتی پابندیوں کی خلاف ورزی شامل ہیں۔

قومی کرکٹرز کے سینٹرل کنٹریکٹ کا اعلان، اے کیٹیگری ختم کردی گئی

استغاثہ کی جانب سے صرف ایک متاثرہ خاتون کی شناخت ظاہر کی گئی، جو ہوئبی کی سابقہ گرل فرینڈ نورا ہاؤکلینڈ ہیں، ان پر الزام ہے کہ انہوں نے 2022 اور 2023 میں اس پر جسمانی اور نفسیاتی تشدد کیا، استغاثہ کے مطابق تشدد میں، دیگر باتوں کے علاوہ، بار بار چہرے پر مارنا، مکے سے ضرب لگانا، گلا گھونٹنا، لاتیں مارنا اور سختی سے پکڑنا شامل تھا،فردِ جرم میں شامل جرائم کی زیادہ سے زیادہ سزا 10 سال قید ہے،ہوئبی کو شاہی خاندان کے رکن کی حیثیت سے نرمی نہیں دی جائے گی، ان پر سختی بھی نہیں کی جائے گی، بلکہ عام شہری جیسا سلوک کیا جائے گا۔

شاہی محل کی جانب سے کہا گیا کہ یہ انتہائی سنگین اقدامات ہیں جو زندگی بھر کے زخم چھوڑ سکتے ہیں اور زندگیاں تباہ کر سکتے ہیں،محل کی ترجمان سارا سوانیمیر نے کہا کہ یہ عدالتوں کا کام ہے کہ وہ اس معاملے پر غور کریں اور فیصلہ سنائیں۔

سٹاک ایکسچینج میں تیزی، انڈیکس پہلی بار ایک لاکھ 49 ہزار پوائنٹس سے تجاوز