Baaghi TV

Tag: نواز شریف

  • اسلام آبا د ہائیکورٹ سے بھی نواز شریف کی حفاظتی ضمانت منظور

    اسلام آبا د ہائیکورٹ سے بھی نواز شریف کی حفاظتی ضمانت منظور

    اسلام آباد ہائیکورٹ ، العزیزیہ اور ایون فیلڈ ریفرنسز میں سابق وزیراعظم نواز شریف کی حفاظتی ضمانت کی دو درخواستوں پر سماعت ہوئی،

    اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب نے سماعت کی،ن لیگی وکلا اعظم نزیر تارڑ ، امجد پرویز عدالت کے سامنے پیش ہوئے نیب پراسیکیوٹر رافع مقصود اور نعیم سنگھیڑا ہائیکورٹ میں موجودتھے، دوران سماعت ن لیگی وکیل اعظم نذیر تارڑ نے کہا کہ نواز شریف ٹرائل کورٹ میں اشتہاری تھے اس میں وارنٹ معطل ہوگئے ہیں،اسلام آباد ہائیکورٹ کے چیف جسٹس عامر فاروق نے سوال کیا کہ آپ کے پاس وہ آرڈر ہے؟ اعظم نذیر نے بتایا کہ آرڈر ہوگیا ہے،وکلا ابھی احتساب عدالت سے آرہے ہیں ،

    سماعت کے بعد اسلام آباد ہائی کورٹ نے میاں نواز شریف کی حفاظتی ضمانت منظور کر لی،اسلام آباد ہائیکورٹ کے چیف جسٹس عامر فاروق نے کہا کہ ہم حفاظتی ضمانت دے کر کیس پیر کو مقرر کردیتے ہیں ، وکیل نواز شریف نے کہا کہ ٹرائل کورٹ نے منگل کے لیے کیس رکھا ہے ،

    اسلام آباد ہائیکورٹ نے نواز شریف کو 21 اکتوبر کو پاکستان واپسی پر ائیرپورٹ پر گرفتار کرنے سے 24 اکتوبر تک روک دیا ، چیف جسٹس عامر فاروق اور جسٹس میاں گل حسن اورنگزیب نے احکامات جاری کئے، عدالت نے نواز شریف کو 24 اکتوبر کو ہائی کورٹ کے سامنے پیش ہونے کا حکم دے دیا.

    عدالتی فیصلہ، نواز شریف اب لاہور ہی آئیں گے
    دوسری جانب اطلاعات ہیں کہ اب نواز شریف پہلے کے شیڈول کے مطابق لاہور ایئر پورٹ پر ہی اتریں گے، نواز شریف نے عدالت میں سرینڈر کرنے کے لئے دائر درخواست میں لکھا تھا کہ وہ عدالت پیش ہوں گے اور اسکے لئے انہیں اسلام آباد ایر پورٹ اترنا تھا تا ہم اب عدالتی فیصلے کے بعد نواز شریف لاہور ایئر پورٹ ہی لینڈ کریں گے،اسلام آباد ہائیکورٹ نے 24اکتوبر تک نواز شریف کو گرفتار کرنے سے روک دیاہے

    نواز شریف کو ایون فیلڈ کیس میں دس سال اور العزیز یہ کیس میں سات سال سزا سنائی گئی تھی،23 جون 2021 ہائیکورٹ اسلام آباد نے عدم پیشی پر نواز شریف کی اپیلیں خارج کر دی تھیں،اسلام آباد ہائیکورٹ نے نواز شریف کو اشتہاری قرار دیا تھا،ہائیکورٹ نے اپنے فیصلے میں پاکستان واپس آنے پر اپیلوں کی بحالی درخواست دائر کرنے کی اجازت دی ہے،حفاظتی ضمانت منظور کرتے ہوئے عدالت کے سامنے پیش ہونے کی استدعا کی جائے گئی،توشہ خانہ کیس اسلام آباد کی احتساب عدالت نے بھی نواز شریف کو اشتہاری قرار دے رکھا ہے

    نواز شریف کو وطن واپسی پر گرفتار نہیں کیا جائے گا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

    پاکستان مسلم لیگ (نواز) کی ترجمان مریم اورنگزیب کا کہنا ہے کہ نواز شریف 21 اکتوبر کو وطن واپس آئیں گے، پاکستان آمد پر نواز شریف کا فقید المثال استقبال کیا جائے گا 

    سابق وزیراعظم نواز شریف لندن میں4 سال رہنے کے بعد 21 اکتوبر کو پاکستان پہنچ رہے ہیں،نواز شریف نے مرکزی قیادت کو استقبال کے لئے ٹاسک سونپ دیا ہےمریم نواز استقبالی معاملات کی نگرانی کر رہی ہیں، اور تنظیمی عہدیداران کو استقبالیہ جلسے میں زیادہ سے زیادہ لوگ لانے کی ہدایت کردی گئی ہے۔

  • توشہ خانہ کیس ،نواز شریف کے وارنٹ معطل

    توشہ خانہ کیس ،نواز شریف کے وارنٹ معطل

    توشہ خانہ میں نواز شریف ا شتہاری، حفاظتی ضمانت کی درخواست پر احتساب عدالت میں سماعت ہوئی

    احتساب عدالت نے توشہ خانہ کیس میں سابق وزیراعظم نواز شریف کے وارنٹ گرفتاری معطل کردیئے ہیں، عدالت نے محفوظ فیصلہ سنا دیا

    احتساب عدالت کے جج محمد بشیر نے سماعت کی،نوازشریف کے وکلاء کمرہ عدالت میں پہنچ گئے،وکیل نے کہا کہ نوازشریف 21 کو پہنچ جائیں گے، آپ ناقابل ضمانت وارنٹ واپس لے لیں، نیب پراسیکیوٹر نے نوازشریف کے ناقابل ضمانت وارنٹ گرفتاری معطل کرنے کی مخالفت نہیں کی،قاضی مصباح ایڈووکیٹ روسٹرم پر موجود تھے، عدالت نے نواز شریف کیس کا ریکارڈ منگوایا

    احتساب عدالت میں توشہ خانہ سے غیر قانونی طریقے سے گاڑی لینے کے کیس میں نواز شریف کے وکیل نے دائمی وارنٹ معطل کرنے کی استدعا کردی،جج محمد بشیر نے استفسار کیاکہ نوازشریف کے نہ آنے کی وجہ کیا تھی؟ قاضی مصباح ایڈویٹ نے کہا کہ نوازشریف شدید بیمار تھے، لاہور ہائی کورٹ نے شہباز شریف کی گارنٹی پر نوازشریف کو لندن بھیجا تھا، لاہور ہائی کورٹ کا نواز شریف کو باہر بھیجنے کا فیصلہ برقرار ہے، نیب نے نوازشریف کے ناقابل ضمانت وارنٹ گرفتاری معطل کرنے کے فیصلے کی حمایت کردی، نوازشریف کی میڈیکل رپورٹ عدالت میں پیش کردی گئی،وکیل نے کہا کہ نواز شریف کی گرفتاری کا خطرہ ہے،گرفتاری کو روک دیں،عدالت نے استفسار کیا کہ اگر نواز شریف کو اسلام آباد ہائی کورٹ نے ضمانت نہ دی؟جج احتساب عدالت نے استفسار کیا کہ توشہ خانہ سے غیر قانونی طریقے سے گاڑیاں لینے کے کیس میں نواز شریف ایک دفعہ بھی پیش نہیں ہوئے ؟،

    جج محمد بشیر نے ریمارکس دیتے ہوئے کہا کہ عارضی ریلیف کی حد تک سوچتے ہیں، عدالت نے کیس کی سماعت کے بعد فیصلہ محفوظ کر لیا جو بعد میں سنا دیا گیا ہے، عدالت نے فیصلے میں کہا کہ اگرنواز شریف 24 اکتوبر کو نہ آئے تو وارنٹ بحال ہو جائیں گے،عدالت نے حکم دیا کہ 24 اکتوبر تک نواز شریف کو گرفتار نہ کیا جائے،

    واضح رہے کہ 2 مارچ 2020 کو توشہ ریفرنس آیا لیکن نواز شریف ایک بار بھی پیش نہیں ہوئے،نوازشریف، زرداری اور یوسف گیلانی کے توشہ خانہ کیس کا فیصلہ 4 سال سے نہیں ہوا،نواز شریف کو 9 ستمبر 2020 کو توشہ خانہ کیس میں اشتہاری قرار دیا گیا تھا،نیب کی جانب سے نواز شریف کے حوالہ سے عدالت کو بتایا گیا تھا کہ سال 2008 میں وہ کسی بھی سرکاری عہدے پر نہیں تھے، اس کے باوجود نوازشریف کو بغیر کوئی درخواست دیئے توشہ خانے سے سرکاری گاڑی مہیا کی گئی۔

    نواز شریف کی بیماری کا علاج جیل میں نہیں ہو سکتا، ڈاکٹر کا انکشاف

    شہباز شریف اور مریم پہنچے کوٹ لکھپت، شہباز شریف کی گاڑی کی ٹکر سے کارکن ہوا زخمی

    کرونا کے باوجود ، باؤ جی ، لندن میں علاج کرواتے ہوئے

    نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

    نواز شریف سے جیل میں نیب نے کتنے گھنٹے تحقیقات کی؟

  • نواز شریف کو بیٹے سے تنخوا ہ نہ لینے پر نکالا گیا تھا. میاں جاوید لطیف

    نواز شریف کو بیٹے سے تنخوا ہ نہ لینے پر نکالا گیا تھا. میاں جاوید لطیف

    پاکستان مسلم لیگ نواز کے سینئر رہنما جاوید لطیف نے کہا ہے کہ 2018کے کردار آج خو د مان رہے ہیں کہ دباو میں فیصلےکیے ہیں‌اور 2018کے کردار آج خو د مان رہے ہیں کہ دباو میں فیصلے کی تھے جبکہ نواز شریف کو بیٹے سے تنخوا ہ نہ لینے پر نکالا گیا تھا۔ابھی تو بہت چیزیں باقی ہیں جن پر پردہ ڈالا ہوا ہے لیکن وقت آنے پر یہ پردہ اٹھ بھی سکتا ہے۔

    واضح رہے کہ انہوں نے مزید کہا کہ نواز شریف لاہور لینڈ کریں گے اور سیدھا جلسہ گاہ جائیں گے جبکہ ہم قانونی تقاضے پورے کریں گے اور نواز شریف ہی ملک کو موجودہ بحرانوں سے نکال سکتے ہیں، جاوید لطیف کا مزید کہنا تھا کہ ہرایک کیلئےدروازے کھلے رہنے چاہئیں لیکن دہشت گردوں کیلئے نہیں۔
    نواز شریف کو تقریر کا موقع تو مل جائے گا مگر جیل جانا ہو گا۔ راجہ عامر عباس
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    یاد رہے کہ پاکستان مسلم لیگ نواز کے قائد اور سابق وزیراعظم نواز شریف کو جیل میں جانے سے بچانے کیلئے ن لیگ کی قانونی ٹیم نے حکمت عملی تیار کرلی تھی اور جیسا کہ آج درخواست پر سماعت بھی ہوئی اور یہ جو ضمانت ملی ہے اس بارے ناقدین کا کہنا ہے یہ بہت کم وقت کیلئے ہے لہذا نواز شریف کو ایک بار جیل جانا ہوگا.

  • نواز شریف کو تقریر کا موقع تو مل جائے گا مگر جیل جانا ہو گا۔ راجہ عامر عباس

    نواز شریف کو تقریر کا موقع تو مل جائے گا مگر جیل جانا ہو گا۔ راجہ عامر عباس

    نواز شریف کو تقریر کا موقع تو مل جائے گا لیکن بالآخر جیل جانا ہو گا، سابق نیب پراسیکیوٹر راجہ عامر عباس نے دوٹوک موقف اپناتے ہوئے بتا دیا ہے سابق وزیر اعظم نواز شریف وطن واپسی پر مینار پاکستان پر جلسہ کا موقع مل جائے گا لیکن بالآخر انہیں جیل جانا پڑ جائے گا، انہوں نے سینئر اینکر مبشرلقمان سے بات کرتے ہوئے کہا ہے کہ نیب کے پراسیکیوٹر کا وہاں کام ہی نہیں ہے.

    ان کا کہنا تھا کہ اسی عدالت نے کہا تھا کہ نواز شریف کو فورا واپس آنا چاہئے، اور اسی عدالت نے کہا تھا کہ اگر نواز شریف نہیں آئیں گے تو ہم انہیں مفرور قرار دے دیں گے، اس کاروائی کے بعد اسی عدالت نے انہیں مفرور قرار دیا تھا لیکن اب نواز شریف جیل جائیں گے اور اس کے بعد ان کا وکالت نامہ سائن ہوگا اور اسکے بعد عدالت دیکھے گی کہ کیا کرنا ہے
    مزید یہ بھی پڑھیں:
    کیا پاکستان کا ورلڈ کپ میں مزید آگے جانامشکل ہے؟
    آئی سی سی نے نئی رینکنگ جاری کردی
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    سابق نیب پراسیکیوٹر نے کہا کہ جو کچھ بھی ہورہا ہے اور عدالت کے سامنے ہے اور یہ بھی پاکستان کی تاریخ میں پہلا موقع تھا جب کوئی مجرم باہر ملک چلا گیا اور یہ جو بیل کیلئے اپلائی کیا گیا یہ تو جہاز کے زریعے آنے پر یعنی جہاز سے اترتے ہی گرفتار نہ جائے لیکن اس کے علاوہ بھی انہیں عدالت کے سامنے پیش ہونا ہے اور اس کے بعد انہیں دوسری ضمانت کیلئے اپلائی کرنا ہے.

  • نواز شریف اسلام آباد سےبذریعہ ہیلی کاپٹر لاہور پہنچیں گے

    نواز شریف اسلام آباد سےبذریعہ ہیلی کاپٹر لاہور پہنچیں گے

    سابق وزیراعظم نواز شریف 21 اکتوبر کو پاکستان پہنچ رہے ہیں

    نواز شریف کی لاہور آمد کا پروگرام تھا اور ن لیگ کی جانب سے کہا گیا تھا کہ نواز شریف لاہور لینڈ کریں گے، تا ہم آج اسلام آباد ہائیکورٹ میں درخواست دائر کی گئی جس میں کہا گیا کہ نواز شریف اسلام آباد لینڈ کریں گے اور عدالت کے سامنے سرنڈ ر کریں گے، حفاظتی ضمانت دی جائے، اس ضمن میں ن لیگی رہنما سیف الملوک کھوکھر کا کہنا ہے کہ نواز شریف اسلام آباد اتریں گے، عدالت پیش ہوں گے اور اس کے بعد لاہور آئیںگے ، نواز شریف اسلام آباد سے بذریعہ ہیلی کاپٹر لاہور پہنچیں گے اور مینار پاکستان گراؤنڈ میں جلسہ سے خطاب کریں گے، نواز شریف شام پانچ بجے لاہور پہنچین گے، جلسہ میں صرف نواز شریف کا ہی خطاب ہو گا

    ن لیگی رہنما سیف الملوک کھوکھر کا کہنا تھا کہ مسلم لیگ ن کے قائد میاں نواز شریف کا بھرپور استقبال کیا جائے گا، اپنی بیماری کو بھول کر عوام کے لیے آ رہے ہیں، پاکستانی عوام میں جذبہ نظر آ رہا ہے،میاں نواز شریف ملک کو ترقی کی راہ پر گامزن کریں گے،جو دوسرے صوبوں سے ریلیاں ہیں وہ 20 اکتوبر کو آنا شروع ہو جائیں گی، ایک نشئی نے ساڑھے تین سال ملک کا بیڑا غرق کر دیا،کیا غلطی کی تھی کہ میاں نواز شریف کو ملک سے دور کیا گیا،بڑی عاجزی سے کہتا ہوں اتنا بڑا جلسہ آج تک نہیں ہوا ہوگا،پورا لاہور ہی جلسہ گاہ ہوگا صرف مینار پاکستان نہیں، صرف ایک ہی سپیچ ہوگی جو قائد میاں نواز شریف کی ہوگی،میاں نواز شریف 5 بجے ہیلی کاپٹر کے ذریعے یہاں پہنچیں گے،

    نواز شریف کو وطن واپسی پر گرفتار نہیں کیا جائے گا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

  • نواز شریف کی حفاظتی ضمانت کی درخواست پر نیب کو نوٹس جاری،سماعت ملتوی

    نواز شریف کی حفاظتی ضمانت کی درخواست پر نیب کو نوٹس جاری،سماعت ملتوی

    اسلام آباد ہائیکورٹ نواز شریف کی وطن واپسی کا معاملہ،نواز شریف کی حفاظتی ضمانت کی درخواست پر سماعت ہوئی

    اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب نے سماعت کی،وکیل امجد پرویز نے کہا کہ حفاظتی ضمانت کی درخواست ہے نواز شریف سرنڈر کرنا چاہتے ہیں، اسلام آباد ہائیکورٹ کے چیف جسٹس عامر فاروق نے استفسار کیا کہ ابھی آپ کا اسٹیٹس کیا ہے؟ وکیل امجد پرویز نے کہا کہ ابھی اشتہاری کا اسٹیٹس ہے، لیکن عدالتی فیصلے موجود ہیں سرنڈر کرنے پر پروٹیکشن دی گئی، جسٹس میاں گل حسن اورنگزیب نے استفسار کیا کہ کس فیصلے کی آپ بات کر رہے ہیں؟ وکیل امجد پرویز نے کہا کہ عاصمہ عالمگیر کا کیس ہے جس میں فیصلہ ہوا تھا،عدالت نے استفسار کیا کہ کیا پراسیکیوشن کے بعد حفاظتی ضمانت دی گئی تھی ؟وکیل امجد پرویز نے کہا کہ جی پراسیکیوشن کو سن کر حفاظتی ضمانت دی گئی تھی ، میں نے اس ملک کی کسی عدالت کی ضمانت کا غلط استعمال نہیں کیا ،میرے خلاف جتنے کیس بنے میں خود پیش ہوتا رہا ، جسٹس میاں گل حسن اورنگزیب نے ریمارکس دیتے ہوئے کہا کہ آپ تو اس طرح کہہ رہے ہیں کہ terrible کام ہائیکورٹ نے کیا ہے کہ عدم پیروی اپیل خارج کردی ،

    عدالت نے استفسار کیا کہ نواز شریف کب واپس آ رہے ہیں ، اعظم نذیر تارڑ نے عدالت میں کہا کہ 21 اکتوبر کو نواز شریف واپس آ رہے ہیںَ، عدالت نے استفسار کیا کہ کیا نیب کی طرف سے کوئی ہے؟ نیب پراسیکیوٹر فوری عدالت کے سامنے پیش ہو گئے اور کہا کہ نواز شریف واپس آنا چاہتے ہیں تو آنے دیں ہمیں کوئی اعتراض نہیں،جسٹس میاں گل حسن اورنگزیب نے نیب پراسیکیوٹر پراظہارِ برہمی کیا اور کہا کہ اگر یہی ہدایات ہیں تو اپیلوں کی پیروی کیوں کر رہے ہیں؟ کل تو آپ کہیں گے اپیلیں ہی کالعدم قرار دے دیں،نیب کو کیا پہلے ہی ہدایات ملی ہوئی ہیں؟یہ کرنا ہے تو پھر چیئرمین نیب سے پوچھیں آج ہی نوازشریف کی سزائیں کالعدم بھی کر دیتے ہیں،نیب پراسیکیوٹر نے کہا کہ وہ جب اپیل فکس ہو گی تو اس وقت ہدایات لے کر دلائل دیں گے،

    عدالت نے نیب کو نوٹس جاری کرتے ہوئے سماعت کل تک کے لئے ملتوی کر دی،عدالت نے نیب کو نوٹس جاری کرتے ہوئے کل جواب طلب کر لیا

    قبل ازیں سابق وزیر اعظم  نواز شریف کی حفاظتی ضمانت کی درخواست اسلام آباد ہائیکورٹ میں دائر کر دی گئی،نواز شریف کی ایون فیلڈ اور العزیزیہ ریفرنس میں حفاظتی ضمانت دائر کی درخواست دائر کی گئی،اسلام آباد ہائیکورٹ کے فیصلے کی روشنی میں حفاظتی ضمانت دائر کی درخواست دائر کی گئی،نواز شریف کی حفاظتی ضمانت کی درخواست میں کہا گیا ہے کہ عدالت کے سامنے سرنڈر کرنے کے لیے حفاظتی ضمانت منظور کی جائے کیسز کا سامنا کرنا چاہتے ہوں عدالت پہنچنے کے لیے گرفتاری سے روکا جائے،درخواست پر سماعت کے لیے آج ہی بینچ بنا کر سماعت کرنے کی استدعا کی گئی.درخواست میں کہا گیا ہے کہ نواز شریف اسپیشل فلائٹ سے اسلام آباد آرہے ہیں،

    نواز شریف کی حفاظتی ضمانت کی درخواست دائر ہونے کے بعد نیب کےپراسیکیوٹر بھی عدالت پہنچ گئے،نواز شریف کی لیگل ٹیم عدالت پہنچ گئی،نواز شریف کی حفاظتی ضمانت کی دونوں درخواستوں پر اسلام آباد ہائیکورٹ کے رجسٹرار آفس نے کوئی اعتراض عائد نہیں کیا رجسٹرار آفس نے 3333/2023 اور 3334/2023 نمبر الاٹ کردیا گیا ، نواز شریف کی درخواست پر آج ہی بنچ تشکیل اور سماعت کا امکان ہے

    نواز شریف کی حفاظتی ضمانت کی دونوں درخواستیں آج ہی سماعت کے لیے مقرر کرنے سے متعلق اسلام آباد ہائیکورٹ کی دائری برانچ نے نوٹ بنا کر چیف جسٹس کے سیکرٹری کو بھجوا دیا، رجسٹرار آفس کے نوٹ میں کہا گیا ہے کہ ” پٹشنر کی جانب سے درخواست آج ہی سماعت کے لیے مقرر کرنے کی استدعا کی گئی ہے ”

    ن لیگی رہنما عطا تارڑ بھی اسلام آباد ہائیکورٹ پہنچ گئے۔اس موقع پر عطا تارڑ نے صحافیوں کے کسی بھی سوال کا جواب دینے سے انکارکیا صرف کہا کہ "میں صرف قانونی ذمہ داری پوری کرنے آیا ہوں” اسلام آباد ہائیکورٹ میں نواز شریف نے اسپیشل اٹارنی عطا تارڑ کے ذریعے دونوں درخواستیں دائر کیں عطا تارڑ نے بطور اسپیشل اٹارنی ہائی کورٹ میں بائیو میٹرک کرائی.

    مسلم لیگ ن نے حکمت عملی کے تحت آج درخواست دائر کی ہے اگر عدالت نے پہلے سرنڈر کرنے کا حکم دیا تو نواز شریف لاہور کی بجائے پہلے اسلام آباد لینڈ کریں گے،اسکے بعد لاہور آئیں گے،

    نواز شریف کو ایون فیلڈ کیس میں دس سال اور العزیز یہ کیس میں سات سال سزا سنائی گئی تھی،23 جون 2021 ہائیکورٹ اسلام آباد نے عدم پیشی پر نواز شریف کی اپیلیں خارج کر دی تھیں،اسلام آباد ہائیکورٹ نے نواز شریف کو اشتہاری قرار دیا تھا،ہائیکورٹ نے اپنے فیصلے میں پاکستان واپس آنے پر اپیلوں کی بحالی درخواست دائر کرنے کی اجازت دی ہے،حفاظتی ضمانت منظور کرتے ہوئے عدالت کے سامنے پیش ہونے کی استدعا کی جائے گئی،توشہ خانہ کیس اسلام آباد کی احتساب عدالت نے بھی نواز شریف کو اشتہاری قرار دے رکھا ہے

    نواز شریف کو وطن واپسی پر گرفتار نہیں کیا جائے گا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

    پاکستان مسلم لیگ (نواز) کی ترجمان مریم اورنگزیب کا کہنا ہے کہ نواز شریف 21 اکتوبر کو وطن واپس آئیں گے، پاکستان آمد پر نواز شریف کا فقید المثال استقبال کیا جائے گا 

    سابق وزیراعظم نواز شریف لندن میں4 سال رہنے کے بعد 21 اکتوبر کو پاکستان پہنچ رہے ہیں،پارٹی ذرائع نے بتایا کہ نواز شریف نے اسلام آباد کے بجائے لاہور آنے کا فیصلہ کیا ، ،نواز شریف نے مرکزی قیادت کو استقبال کے لئے ٹاسک سونپ دیا ہےمریم نواز استقبالی معاملات کی نگرانی کر رہی ہیں، اور تنظیمی عہدیداران کو استقبالیہ جلسے میں زیادہ سے زیادہ لوگ لانے کی ہدایت کردی گئی ہے۔

  • نواز شریف کی واپسی سے قبل ن اور پی پی میں لڑائی

    نواز شریف کی واپسی سے قبل ن اور پی پی میں لڑائی

    سینئر اینکرپرسن مبشر لقمان نے اپنے پروگرام کھرا سچ میں مسلم لیگ ن کے سابق اور پیپیلزپارٹی کے موجودہ رہنماء عبدالقادر بلوچ سے سوال کیا کہ آپ کی جماعت کو کیا تحفظات ہیں میاں صاحب سے جبکہ اس کے جواب میں انہوں نے کہا کہ کچھ چیزیں سامنے ہوتی ہیں اور اس پر رائے دینے سے کوئی نئی بات نہیں ہوتی۔

    عبدلقادر بلوچ نے کہا کہ اس وقت جو نگران سیٹ اپ ہے اس میں بہت سارے لوگ جو ہیں ان میں اکثریت کی تعداد ن لیگ سے جیسے کہ پرنسپل سیکٹریز تک رہے ہیں لوگ جبکہ انہوں نے اپنے لوگوں اس نظام میں شامل کیا ہے۔


    ان کا کہنا تھا کہ ایسے لوگ تو اہمیت مسلم لیگ ن کو دیں گے ناکہ ہمیں لیکن ہونا ایسا چاہئے کہ نگران نظام والوں کو الیکشن کروانے ہیں غیر جانب دار رہے لیکن اس میں زیادہ تر لوگوں کا جھکاؤ مسلم لیگ ن کی طرف ہے، اور 21 اکتوبر کو بہت کچھ ہونے والا ہے اور میاں صاحب چار سال باہر رہے ہیں اور اس کیلئے بہت ساری تیاری کی گئی ہے۔

    مزید یہ بھی پڑھیں؛

    پاکستانیوں کا بائیکاٹ میکڈونلڈ ویران
    ورلڈ کپ 2023: 256 رنز کے تعاقب میں جنوبی افریقہ کے 8 کھلاڑی آؤٹ
    سولہ سالہ لڑکی سے مبینہ زیادتی اور زہریلی اشیاء کھلانے کے واقعہ میں اہم ہیشرفت

    عبدالقادر بلوچ نے کہا کہ وہ ایسا ماحول بنانا چاہتے ہیں کہ لوگوں کا جھکاؤ ان کی طرف ہو جبکہ میں ان کی بہت قدر کرتا ہوں لیکن سوال ہے کہ عدالت کی اجازت پر بیماری کیلئے باہر گئے لیکن بیماری کے معاملے پر کوئی اہم چیز نہیں جو پیش کرسکیں، ان کا کہنا تھا کہ الیکشن میں سب کو برابر ماحول فراہم کیا جائے تاکہ آزادانہ انتخابات ہوں

  • نوازشریف ملکی بہتری و ترقی کے لئے کام کرے گا،مریم نواز

    نوازشریف ملکی بہتری و ترقی کے لئے کام کرے گا،مریم نواز

    پاکستان مسلم لیگ ن کی رہنما مریم نواز شریف فیڈریشن پاکستان چیمبر آف کامرس اینڈ انڈسٹری کے دفتر پہنچ گئیں

    مریم نواز شریف کے ہمراہ سیف الملوک کھوکھر، خواجہ سلمان رفیق بھی موجود تھے،ایف پی سی سی ائی کے صدر عرفان اقبال شیخ نے مریم نواز کا استقبال کیا،لاہور کی صنعت کار اور تاجر برادری بھی اس موقع پر موجود تھی،ن لیگی رہنما مریم نواز نے خطاب کرتے ہوئے کہا کہ نواز شریف نے مہنگائی کو کنٹرول کیا، بجلی کی کئی کئی گھنٹے ہونے والی لوڈشیڈنگ کو کم کیا۔ ملک کو معاشی ترقی کی پٹڑی پر چڑھایا۔ نواز شریف کو پانامہ کی بجائے معمولی اقامہ پر نکال کر ملک کی ترقی کو بریک لگا دی گئی۔ نوازشریف آ کر ملکی بہتری و ترقی کے لئے کام کرے گا۔

    صدر ایف پی سی سی آئی عرفان اقبال شیخ کا کہنا تھا کہ تمام سیاسی جماعتوں کو ملکی ترقی کے لئے میثاق جمہوریت کی طرح میثاق معیشت بھی کرنا چاہیئے۔ پٹرول کی قیمت کم ہونے سے صنعتی پیداواری لاگت کم ہو گی۔حکومت کے حالیہ اقدامات کر سراہتے ہیں۔ میاں انجم نثار کا کہنا تھا کہ کاروبار چلے گا تو ٹیکس ملے گا اور ملک ترقی کرے گا،کاروباری برادری ملکی ترقی میں رکاوٹ کی حامی نہیں۔

    مریم نواز کا کہنا تھا کہ پاکستان کے نوجوانوں کومذموم مقاصد کے لئے استعمال کیاگیا، آگ اور خون کی ندیاں بہائی گئیں،اللہ تعالی کے فضل سے تمام سازشی کردار اپنے انجام کو پہنچ چکے ہیں، سب کچھ بھلا کر پاکستان کی ترقی پر توجہ مرکوز کرنی ہے،

    نواز شریف کو وطن واپسی پر گرفتار نہیں کیا جائے گا

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

    پاکستان مسلم لیگ (نواز) کی ترجمان مریم اورنگزیب کا کہنا ہے کہ نواز شریف 21 اکتوبر کو وطن واپس آئیں گے، پاکستان آمد پر نواز شریف کا فقید المثال استقبال کیا جائے گا 

    پارٹی ذرائع نے بتایا کہ نواز شریف نے اسلام اباد کے بجائے لاہور آنے کا فیصلہ کیا ، ،نواز شریف نے مرکزی قیادت کو استقبال کے لئے ٹاسک سونپ دیا ہےمریم نواز استقبالی معاملات کی نگرانی کر رہی ہیں، اور تنظیمی عہدیداران کو استقبالیہ جلسے میں زیادہ سے زیادہ لوگ لانے کی ہدایت کردی گئی ہے۔

  • جو نواز شریف کے استقبال کیلئےجائے گاوہ جنتی ہے،ن لیگی رہنما کی ویڈیو وائرل

    جو نواز شریف کے استقبال کیلئےجائے گاوہ جنتی ہے،ن لیگی رہنما کی ویڈیو وائرل

    اگر کسی نے جنت میں جانا ہے تو وہ لاہور میں نواز شریف کا استقبال کرنے جائے وہ سیدھا جنتی ہوں گا،
    سابق ن لیگی ایم این اے،

    ٹوبہ ٹیک سنگھ سے سابق لیگی ایم این اے اسد الرحمن کی ایک ویڈیو وائرل ہوئی ہے جس میں وہ ایک کارنر میٹنگ سے خطاب کر رہے ہیں، ن لیگی رہنما کا کہنا تھا کہ میں تفصیل میں نہیں چاہتا،میں نے کہا کہ اللہ تعالیٰ نے فرشتوں‌کو حکم دیا کہ یہاں جتنے لوگ اکٹھے ہیں سب لاہور میں ہوں گے، اللہ نے فرشتوں کو کہاہے کہ یہان جتنے لوگ ہیں سب کے نام لکھ دو بغیر حساب کے سب جنت میں جائیں گے،جتنے آپ آ گئے وہ جنتی ہیں،میں سرٹفکیٹ دیتا ہوں کہ جو یہاں آئے وہ بھی جنتی اور جو لاہو ر جائیں گے وہ بھی جنتی، میں لکھ کر دیتا ہوں، میں ٹکٹ کی خاطر اس لئے نہیں کہہ رہا ، اسوقت ن لیگ سے بہتر کوئی قیادت نہیں، یہ فرشتے ہیں.

    سماجی رابطے کی ویب سائٹ ٹویٹر پر ایک صارف نے ویڈیو شیئر کرتے ہوئے ساتھ کہا کہ بریانی اور موٹرسائکل سے کام نے بننے پر ٹوبہ ٹیک سنگھ سے سابق لیگی ایم این اے اسد الرحمن نے فتویٰ دیا کہ نواز شریف کے استقبال کے لئے جو بھی جائے گا وہ جنتی ہے۔

    نواز شریف کو ویلکم کریں گے. پیپلزپارٹی

    نواز شریف نااہلی معاملہ دوبارہ عدالت میں جائے گا. ماہر قانون کا دعویٰ

    کیا نواز شریف انتخاب لڑ پائیں گے یا پھر تاحیات نااہل؟

    پریکٹس اینڈ پروسیجر ایکٹ فیصلے کا نواز شریف پر کوئی اثر نہیں ہوگا. شہباز شریف

    نواز شریف کو ریلیف نہ ملا تو وہ واپس نہیں آئیں گے . فیصل کریم کنڈی

    پاکستانی ہائی کمیشن ڈاکٹر فیصل کی نواز شریف سے الودعی ملاقات، ویڈیو لیک

     نواز شریف کو آج تک انصاف نہیں ملا،

    نواز شریف کی وطن واپسی، قانونی ٹیم نے حکمت عملی تیار کرلی

    واضح رہے کہ نواز شریف کی واپسی رواں ماہ 21 اکتوبر کو طے ہے،ن لیگ نواز شریف کے استقبال کی تیاریان کر رہی ہے، نواز شریف 21 اکتوبر کو پنجاب کے صوبائی دارالحکومت لاہور میں پہنچیں گے، نواز شریف کا طیارہ لاہور ایئر پورٹ پر دن 12 بجے اترے گا، نواز شریف کے طیارے میں 152 افراد سوار ہوں گے جس میں ن لیگی رہنما، اور میڈیا کے افراد بھی شامل ہوں گے،نواز شریف ایئر پورٹ سے مینار پاکستان آئیں گے جہاں وہ ایک جلسے سے خطاب کریں گے، جلسے سے صرف نواز شریف کا ہی خطاب ہو گا،

    نواز شریف کے بھر پور استقبال کی تیاریاں جاری ہیں، مریم نواز روزانہ کی بنیاد پر پارٹی رہنماؤں اور کارکنان کے ساتھ استقبال کی تیاریوں کے حوالہ سے اجلاس کر رہی ہیں، ن لیگ کی کوشش ہے کہ مینار پاکستان کو بھرا جائے،اورشاندار استقبال کیا جائے،پنجاب کےتمام اضلاع میں ن لیگ کی کارنر میٹنگز ہو رہی ہے،ضلعی و تحصیلی عہدیداران کو 21 اکتوبرکو مینار پاکستان بندے لانے کے لئے ٹاسک مل گیا ہے

  • نواز شریف کو جیل جانے سے کیسے بچایا جائے؟ن لیگی قانونی ٹیم متحرک

    نواز شریف کو جیل جانے سے کیسے بچایا جائے؟ن لیگی قانونی ٹیم متحرک

    سابق وزیر اعظم نواز شریف کی پاکستان واپسی،نواز شریف کو جیل جانے سے کیسے بچایا جائے؟ ن لیگی قانونی ٹیم نے حکمت عملی بنا لی

    ن لیگی قانونی ٹیم کی جانب سے العزیزیہ اور ایون فیلڈ ریفرنس میں سابق وزیراعظم نواز شریف کی طرف سے اسلام آباد ہائیکورٹ میں درخواست دائر کی جائے گی، نواز شریف کی طرف سے ان کے وکلا کی جانب سے درخواستیں آئندہ 48 گھنٹے میں دائر کئے جانے کا امکان ہے،دونوں ریفرنسز میں نواز شریف کی درخواستوں کا ابتدائی مسودہ تیار کرلیا گیا،آج رات یا کل صبح تک مختلف قانونی نکات پر غور کے بعد درخواستوں کا مسودہ فائنل کیا جائیگا ،اس ضمن میں شہباز شریف اور مریم نواز سے بھی قانونی ٹیم مشاورت کرے گی.

    سابق وزیر اعظم نواز شریف ایون فیلڈ اور العزیزیہ ریفرنس میں سزا یافتہ ہیں ،احتساب عدالت نے نواز شریف کو دس سال قید اور 80لاکھ پاؤنڈ کی سزا سنائی تھی،العزیزیہ ریفرنس میں احتساب عدالت نے نواز شریف کو سات سال قید کی سزا سنائی تھی،سابق وزیر اعظم نواز شریف کو عوامی عہدے کیلئے بھی نااہل قرار دیا گیا تھا.

    نواز شریف کو ویلکم کریں گے. پیپلزپارٹی

    نواز شریف نااہلی معاملہ دوبارہ عدالت میں جائے گا. ماہر قانون کا دعویٰ

    کیا نواز شریف انتخاب لڑ پائیں گے یا پھر تاحیات نااہل؟

    پریکٹس اینڈ پروسیجر ایکٹ فیصلے کا نواز شریف پر کوئی اثر نہیں ہوگا. شہباز شریف

    نواز شریف کو ریلیف نہ ملا تو وہ واپس نہیں آئیں گے . فیصل کریم کنڈی

    پاکستانی ہائی کمیشن ڈاکٹر فیصل کی نواز شریف سے الودعی ملاقات، ویڈیو لیک

     نواز شریف کو آج تک انصاف نہیں ملا،

    نواز شریف کی وطن واپسی، قانونی ٹیم نے حکمت عملی تیار کرلی

    واضح رہے کہ نواز شریف کی واپسی رواں ماہ 21 اکتوبر کو طے ہے،ن لیگ نواز شریف کے استقبال کی تیاریان کر رہی ہے، نواز شریف 21 اکتوبر کو پنجاب کے صوبائی دارالحکومت لاہور میں پہنچیں گے، نواز شریف کا طیارہ لاہور ایئر پورٹ پر دن 12 بجے اترے گا، نواز شریف کے طیارے میں 152 افراد سوار ہوں گے جس میں ن لیگی رہنما، اور میڈیا کے افراد بھی شامل ہوں گے،نواز شریف ایئر پورٹ سے مینار پاکستان آئیں گے جہاں وہ ایک جلسے سے خطاب کریں گے، جلسے سے صرف نواز شریف کا ہی خطاب ہو گا،

    نواز شریف کے بھر پور استقبال کی تیاریاں جاری ہیں، مریم نواز روزانہ کی بنیاد پر پارٹی رہنماؤں اور کارکنان کے ساتھ استقبال کی تیاریوں کے حوالہ سے اجلاس کر رہی ہیں، ن لیگ کی کوشش ہے کہ مینار پاکستان کو بھرا جائے،اورشاندار استقبال کیا جائے،پنجاب کےتمام اضلاع میں ن لیگ کی کارنر میٹنگز ہو رہی ہے،ضلعی و تحصیلی عہدیداران کو 21 اکتوبرکو مینار پاکستان بندے لانے کے لئے ٹاسک مل گیا ہے،