سپریم کورٹ بار کے صدر عابد زبیری کا کہنا تھا کہ جس کیس میں سزا سنائی جاچکی ہو، حفاظتی ضمانت نہیں ملتی، عدالت نوازشریف کو اشتہاری بھی قرار دے چکی ہے جبکہ نجی ٹی وی دے گفتگو کرتے ہوئے پاکستان بار کونسل کے وائس چیئرمین ہارون رشید نے کہا کہ نوازشریف کا حق ہے عدالت ان کی اپیل میرٹ پر سنے، میڈیکل بنیادوں پر اس وقت کی حکومت نے نوازشریف کو باہر جانے کی اجازت دی۔

تاہم ہارون رشید نے کہا کہ نواز شریف کی سزا معطل ہونے پر باہر جانے کی اجازت دی گئی، نوازشریف پہلے حفاظتی ضمانت لیں گے اور انہوں نے مزید کہا کہ سیکیورٹی مسائل پر مقدمات کی سماعت جیل میں ہوتی ہے، حکومت کی پالیسی ہوتی ہے ٹرائل اوپن یا جیل میں ہونا ہے، سائفر کیس کی سماعت اوپن کورٹ میں ہونی چاہیئے۔

جبکہ سابق اٹارنی جنرل عرفان قادر نے کہا کہ نوازشریف عدالت سے رجوع کریں گے تو حفاظتی ضمانت مل جائے گی، نوازشریف الیکشن میں حصہ لے سکیں گے، تاحیات نااہلی اب ختم ہوچکی ہے۔ عرفان قادر نے مزید کہا کہ قانون کی روح کے تحت آئین میں تبدیلی نہیں ہوسکتی، حاضر سروس جنرل کے چیئرمین نادرا کے تقرر سے مسائل ہوسکتے ہیں۔
مزید یہ بھی پڑھیں؛
سیمنٹ کی قیمت میں بھی اضافہ https://login.baaghitv.com/cement-ki-qemat-me-izafa/
آئی سی سی پی کی جرائم کی شرح میں نمایاں کمی پر تمام افسران کو شاباش
ممی کو 128 سال بعد مناسب طریقے سے دفنانے کی اجازت دے دی گئی
انتخابات میں عالمی مبصرین کو بلانے بارے الیکشن کمیشن کا اجلاس
واضح رہے کہ عمران خان کے خلاف سائفر کیس پر بات کرتے ہوئے سابق اٹارنی جنرل کا کہنا تھا کہ سائفر کیس کی سماعت اوپن کورٹ میں ہوئی، عدالتوں کے معاملات اوپن ہونے چاہیئے، پریکیٹس اینڈ پروسیچرکیس کی سماعت لائیو ہورہی ہے، اس سے لوگوں کو پتہ چلے گا ہمارا لیول کیا ہے، سپریم کورٹ بار کے صدر عابد زبیری کا کہنا تھا کہ جس کیس میں سزا سنائی جاچکی ہو، حفاظتی ضمانت نہیں ملتی، عدالت نوازشریف کو اشتہاری بھی قرار دے چکی ہے۔

تحریک انصاف کے باغی رہنما فیصل واوڈا کا کہنا ہے کہ ویسے تو ن لیگ کا سافٹ وئیر اپگریڈ ہوگیا ہے، لیکن ان کے ساتھ وہ ہونے والا جس کے بعد یہ سیاست سے ہی توبہ کر لیں گے واضح رہے کہ نجی ٹی وی کے پروگرام میں گفتگو کرتے ہوئے فیصل واوڈا نے کہا کہ ن میں سے ش آپ کو نظر آرہی ہے، خواجہ آصف بمقابلہ مریم نواز آپ کو نظر آرہا ہے، اعظمیٰ بخاری، مریم اورنگزیب، خاقان عباسی، ان کے اپنے جھگڑے ختم ہوں گے تو یہ آگے بڑھ سکیں گے۔

جبکہ انہوں نے مزید کہا کہ یہ جو غیر روایتی طور پر استقبال کی بات کر رہے ہیں، 5 لاکھ لوگ لانے کی بات کر رہے ہیں، مریم نواز صاحبہ کے اپنے جلسے میں 500 لوگ نہیں تھے۔ تو جو آرگنائزر ہے اس کے اپنے جلسے میں 500 آدمی نہیں ہیں وہ پانچ لاکھ آدمی ارینج کرے گا؟ اور فیصل واوڈا کا یہ بھی کہنا تھا کہ آپ ہونڈا موٹر سائیکلیں تو کیا ہونڈا سوک بھی دے دیں تو 5 لاکھ کا دس پرسنٹ بھی نہیں لاسکیں گے، یہ سیاسی جماعتوں کی چال ہوتی ہے، 25 ہزار آدمی ہوتے ہیں تو ہم کہتے ہیں ڈھائی لاکھ آدمی آگیا۔
مزید یہ بھی پڑھیں؛

سیمنٹ کی قیمت میں بھی اضافہ https://login.baaghitv.com/cement-ki-qemat-me-izafa/
آئی سی سی پی کی جرائم کی شرح میں نمایاں کمی پر تمام افسران کو شاباش
ممی کو 128 سال بعد مناسب طریقے سے دفنانے کی اجازت دے دی گئی
انتخابات میں عالمی مبصرین کو بلانے بارے الیکشن کمیشن کا اجلاس
امریکی کرنسی کے مقابلے روپیہ مزید تگڑا
انہوں نے مزید کہا کہ عوام میں عمران خان کی مقبولیت اصل میں ان سے نفرت ہے کیونکہ ویسے تو نواز شریف کا آنا مشکل ہے، لیکن آنا چاہتے ہیں تو سیدھا جیل چلے جائیں، خیریت و عافیت اسی میں ہے خیال رہے کہ فیصل واوڈا کا کہنا تھا کہ چترال حملہ اگر آپ پروب (تحقیقات) کریں گے تو وہاں پر بھی آپ کو ایک پولیٹیکل پارٹی انوالڈ (ملوث) نظر آئے گی۔ نجی ٹی وی کے مطابق ان کا مزید کہنا تھا کہ نواز شریف نے کہا کہ میں باجوہ کا احتساب کروں گا، شہباز شریف نے پاکستان میں قدم رکھا اور اگلی فلائٹ سے واپس گئے ’پھر یوٹرن اور گلاٹی ایسی کھائی۔

رہنما مسلم لیگ ن خرم دستگیرکا کہنا ہےکہ نواز شریف ملک کی دو عدالتوں کی مرضی سے باہرگئے تھے، اب عدالت کی ہی مرضی سے واپس آئیں گے جبکہ نجی ٹی وی سے گفتگو کرتے ہوئے رہنما مسلم لیگ ن خرم دستگیر نے نگران وفاقی وزیر داخلہ سرفراز بگٹی کو جواب دیتے ہوئےکہا کہ نواز شریف ائیرپورٹ سے پہلے مینارپاکستان جائیں گے پھر اگلے دن عدالت جائیں گے۔
جبکہ خرم دستگیر کا کہنا تھا کہ ن لیگ کے نئے بیانیےکا اعلان نواز شریف مینار پاکستان کے جلسے میں کریں گے، نواز شریف 21 اکتوبر کو واپس آرہے ہیں، عوام کو یہ سمجھانا ہےکہ مہنگائی کے ذمہ دار وہ لوگ ہیں جو 2014 سے سیاسی انجینیئرنگ کرتے رہے، 2013 میں حالات خراب تھے، نواز شریف نے ملک کو بدترین حالات سے نکالا، آج بھی مشکل حالات سے نواز شریف ملک کو نکال سکتے ہیں۔

ان کا کہنا تھا کہ 16ماہ کی حکومت کی کامیابیوں اور ناکامیوں کی ذمہ داری 15 جماعتوں پر ہے ، 16 ماہ کی مسلم لیگ ن کی کارکردگی ڈوبی ہوئی کشتی کو نکالنےکی کہانی ہے، ن لیگ کو اکثریت ملی تو نیب کے معاملے پر عمل درآمد کریں گے تاہم انہوں نےکہا کہ شاہد خاقان عباسی کو بتانا چاہیے تھا کہ کراچی میں آج امن ہے تو کریڈٹ ن لیگ کو جاتا ہے، آج جو دہشت گردی بڑھ رہی ہے عمران خان اور عارف علوی نے 2021 میں طالبان کو عام معافی کی آفر کی تھی اور لاکر بسایا، یہ اس کے مضمرات ہیں۔