Tag: نواز شریف

رہنما مسلم لیگ ن خرم دستگیرکا کہنا ہےکہ نواز شریف ملک کی دو عدالتوں کی مرضی سے باہرگئے تھے، اب عدالت کی ہی مرضی سے واپس آئیں گے جبکہ نجی ٹی وی سے گفتگو کرتے ہوئے رہنما مسلم لیگ ن خرم دستگیر نے نگران وفاقی وزیر داخلہ سرفراز بگٹی کو جواب دیتے ہوئےکہا کہ نواز شریف ائیرپورٹ سے پہلے مینارپاکستان جائیں گے پھر اگلے دن عدالت جائیں گے۔
جبکہ خرم دستگیر کا کہنا تھا کہ ن لیگ کے نئے بیانیےکا اعلان نواز شریف مینار پاکستان کے جلسے میں کریں گے، نواز شریف 21 اکتوبر کو واپس آرہے ہیں، عوام کو یہ سمجھانا ہےکہ مہنگائی کے ذمہ دار وہ لوگ ہیں جو 2014 سے سیاسی انجینیئرنگ کرتے رہے، 2013 میں حالات خراب تھے، نواز شریف نے ملک کو بدترین حالات سے نکالا، آج بھی مشکل حالات سے نواز شریف ملک کو نکال سکتے ہیں۔

ان کا کہنا تھا کہ 16ماہ کی حکومت کی کامیابیوں اور ناکامیوں کی ذمہ داری 15 جماعتوں پر ہے ، 16 ماہ کی مسلم لیگ ن کی کارکردگی ڈوبی ہوئی کشتی کو نکالنےکی کہانی ہے، ن لیگ کو اکثریت ملی تو نیب کے معاملے پر عمل درآمد کریں گے تاہم انہوں نےکہا کہ شاہد خاقان عباسی کو بتانا چاہیے تھا کہ کراچی میں آج امن ہے تو کریڈٹ ن لیگ کو جاتا ہے، آج جو دہشت گردی بڑھ رہی ہے عمران خان اور عارف علوی نے 2021 میں طالبان کو عام معافی کی آفر کی تھی اور لاکر بسایا، یہ اس کے مضمرات ہیں۔

مسلم لیگ ن کے بڑوں کی لندن میں بڑی بیٹھک ،اعلی لیگی قیادت کے لندن میں منعقدہ اجلاس کی اندرونی کہانی سامنے آ گئی،

نواز شریف کی وطن واپسی کے لئے 21 اکتوبر کی تاریخ کی تجویز شہباز شریف نے دی،شہباز شریف کی تجویز سے سب نے اتفاق کیا، مسلم لیگ ن نے آئندہ عام انتخابات میں کسی بھی جماعت سے قومی و صوبائی سطح پر اتحاد نہ کرنے کا فیصلہ کیا ہے، میڈیا رپورٹس کے مطابق مسلم لیگ ن پنجاب میں تمام نشستوں پر اپنے امیدوار نامزد کرے گی،لندن اجلاس میں پنجاب میں پیپلز پارٹی سے مقامی سطح پر سیٹ ایڈجسٹمنٹ بھی نہ کرنے کا فیصلہ کیا گیا،مسلم لیگ ن کی اعلی قیادت نے استحکام پاکستان پارٹی کو بھی سرخ جھنڈی دکھا دی، نہ اتحاد نہ سیٹ ایڈجسٹمنٹ، فیصلہ ہو گیا،

مسلم لیگ ن خیبرپختونخوا اور بلوچستان میں مختلف جماعتوں سے مقامی سطح پر سیٹ ایڈجسٹمنٹ اور اتحاد کا فیصلہ کرے گی، خیبرپختونخوا میں جمعیت علمائے اسلام(ف) اور اے این پی سمیت دیگر ہم خیال جماعتوں سے سیٹ ایڈجسٹمنٹ ہو سکتی ہے،بلوچستان میں بلوچستان عوامی پارٹی(باپ) اور دیگر قوم پرست جماعتوں سے سیٹ ایڈجسٹمنٹ کرنے کا فیصلہ کیا گیا، آئندہ عام انتخابات میں انتخابی مہم کی قیادت نواز شریف کرینگے،شہباز شریف، مریم نواز اور حمزہ شہباز بھی انتخابی مہم میں بھرپور حصہ لیں گے،

مسلم لیگ ن آئندہ اجلاس میں انتخابی مہم اور پارٹی بیانئے کی منظوری دے گی،اجلاس میں خواتین اور نوجوان وزٹرز کو مدنظر رکھتے ہوئے انتخابی مہم اور بیانئے کی تشکیل کا فیصلہ کیا گیا،اجلاس میں انتخابی مہم کے دوران نواز شریف اور شہباز شریف کے سابق ادوار کے ترقیاتی منصوبوں کو بھرپور اجاگر کرنے کی تجویز کا خیرمقدم کیا گیا،اجلاس میں مسلم لیگ ن کی اعلی قیادت کیخلاف ہونے والی انتقامی کارروائیوں کو بھی عوام کے سامنے رکھنے کی تجویز دی گئی،لیگی قیادت کو انتقام کا نشانہ بنانے والی سابقہ اعلی شخصیات کے نام لے کر عوام کو آگاہ کرنے کی بھی تجویز دی گئی،نواز شریف کی وطن واپسی پر شاندار اور شایان شان استقبال کے لئے بھرپور مہم چلانے کا بھی فیصلہ کیا گیا،

نواز شریف کو وطن واپسی پر گرفتار نہیں کیا جائے گا

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

 نواز شریف کو آج تک انصاف نہیں ملا،

 نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

پاکستان مسلم لیگ (نواز) کی ترجمان مریم اورنگزیب کا کہنا ہے کہ نواز شریف 21 اکتوبر کو وطن واپس آئیں گے، پاکستان آمد پر نواز شریف کا فقید المثال استقبال کیا جائے گا 

پارٹی ذرائع نے بتایا کہ نواز شریف نے اسلام اباد کے بجائے لاہور آنے کا فیصلہ کیا ، اور ان کی وطن واپسی عام پرواز سے ہوگی،نواز شریف نے مرکزی قیادت کو استقبال کے لئے ٹاسک سونپ دیا ہےمریم نواز استقبالی معاملات کی نگرانی کر رہی ہیں، اور تنظیمی عہدیداران کو استقبالیہ جلسے میں زیادہ سے زیادہ لوگ لانے کی ہدایت کردی گئی ہے۔

ماہرقانون اشتر اوصاف کا کہنا ہے کہ نواز شریف کو وطن واپسی پر گرفتار نہیں کیا جائے گا بلکہ انہیں عدالتوں کا سامنا کرنا پڑے گا ، مسلم لیگ (نواز) کے رہنما خرم دستگیر کہتے ہیں کہ ن لیگ کی جانب سے وزارت عظمیٰ کے امیدوار نوازشریف ہی ہیں، فواد حسن فواد کو تجربہ کی بنیاد پر کابینہ میں شامل کیا گیا جبکہ نجی ٹی وی سے گفتگو کرتے ہوئے ماہر قانون اشتر اوصاف نے کہا کہ ’نوازشریف کو مقدمات کا سامنا کرنا پڑے گا، مقدمے کی عدم پیروی پر قابل ضمانت وارنٹ جاری ہوتے ہیں، قابل ضمانت وارنٹ پر گرفتار نہیں کیا جاتا۔

انھوں نے کہا کہ نوازشریف کو عدالت میں سرینڈر کرنے کا موقع دیا جائے گا، سرینڈر کرنے والے کو گرفتار نہیں کیا جاتا، اشتر اوصاف نے مزید کہا کہ نوازشریف کے ساتھ جو ہوا وہ ریکارڈ کا حصہ ہے، سب جانتے ہیں کہ نوازشریف کو کیسے سزا سنائی گئی۔ انہوں نے کہا کہ نوازشریف نے ہائی کورٹ میں اپیل دائر کی، عدالت نے قائد ن لیگ کو علاج کیلئے باہر جانے کی اجازت دی، نوازشریف کے کیسز کو داخل دفتر کردیا گیا۔

علاوہ ازیں ان کا کہنا تھا کہ عدالت نے اعتراف کیا کہ فیصلے دباؤ میں دیئےگئے، نوازشریف کی نااہلی کی سزا ختم ہو جائے گی، سابق وفاقی وزیر خرم دستگیر نے کہا کہ وزارت عظمیٰ کے امیدوار نوازشریف ہی ہوں گے، عدالت مریم نواز کو مقدمات سے بری کرچکی ہے، انہوں نے کہا کہ ’2018 میں نوازشریف سے جو نا انصافی ہوئی وہ ریورس ہوگی‘۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
علاوہ ازیں ان کا کہنا تھا کہ شہباز شریف کہہ چکے ہیں کہ وزارت عظمیٰ کے امیدوار نوازشریف ہیں، انھوں نے پاکستان سے دہشت گردی، ٹارگٹ کلنگ اور لوڈشیڈنگ ختم کی جبکہ خرم دستگیر نے کہا کہ نوازشریف کے دور میں سی پیک کا آغاز ہوا، ان کے دور میں پاکستان تیزی سے ترقی کر رہا تھا، ترقی کی وہی رفتار رہتی تو پاکستان 2030 میں 20 ویں بڑی معیشت ہوتا تاہم انہوں نے کہا کہ فواد حسن فواد کو تجربہ کی بنیاد پر کابینہ میں شامل کیا گیا، فواد حسن فواد کو کئی سال ناحق جیل میں رکھا گیا۔