باغی ٹی وی کی رپورٹ کے مطابق سابق وزیراعظم نواز شریف پاکستان سے علاج کے بہانے لندن گئے تو وہیں کے ہو کر رہ گئے، پاکستان میں عمران خان کی حکومت کے خاتمے کے بعد بھائی شہباز شریف کی حکومت بنی پھر بھی واپس نہ آئے، ن لیگی رہنما دعوے کرتے رہے کہ نواز شریف جلد واپس آئیں گے لیکن کسی نے کوئی حتمی تاریخ نہیں دی، اب حکومت کی جانب سے نواز شریف کی واپسی کے لئے تاحیات نااہلی ختم کروانے کی کوشش کی جا رہی ہے، اس ضمن میں ایک بل بھی پاس کیا گیا ہے، نواز شریف کب واپس آتے ہیں اس کا ابھی تک کنفرم نہیں تاہم ن لیگی امید ہیں کہ نواز شریف الیکشن سے قبل واپس آ سکتے ہیں
گزشتہ روز ن لیگی رہنما اور وفاقی وزیر قانون اعظم نزیر تارڑ نے لندن میں نواز شریف سے ملاقات کی، اس ملاقات کے بعد اعظم نزیر تارڑ نے میڈیا سے بھی بات چیت کی جس میں انہوں نے دعویٰ کیا کہ نواز شریف الیکشن مہم کو لیڈ کریں گے، وفاقی وزیر قانون اعظم نذیر تارڑ کا کہنا تھا کہ چیئرمین پی ٹی آئی پر فوجی عدالت میں مقدمہ چلانے کا فیصلہ قانون کے مطابق کیا جائے گا ، جے آئی ٹی شواہد اکٹھے کرلے پھر اس کی سفارشات پر عملدر آمد کریں گے منتخب وزیر اعظم کو ہٹا کر ایک شخص کو لانے کیلئے ایک کھیل کھیلا گیا تھا، واپسی کے حوالے سے نواز شریف جو روڈ میپ دینگے اس پر عمل ہوگا الیکشن مہم کو لیڈ نواز شریف کریں گے تاحیات نااہلی والا بل اٹھارویں ترمیم کے ساتھ منسلک ہے اس کا اطلاق اسی دن سے ہو گا جس دن سے اٹھارویں ترمیم کا ہوتا ہے
وفاقی وزیر قانون اعظم نزیر تارڑ کا مزید کہنا تھا کہ دفاعی اداروں پر حملہ کرنے والوں کو معاف نہیں کریں گے۔ لندن اور کیپٹل ہل پر حملوں پر بھی سزائیں ملیں، پاکستان میں کوئی کام انوکھا نہیں ہورہا فوجی عدالتوں پر وکلا تقسیم ہیں۔ ملزمان کے بنیادی حقوق فوجی عدالتوں سے متاثر نہیں ہوں گے
وزیر قانون اعظم نذیر تارڑ سے سوال کیا گیا ہے کہ قانونی نکتہ ہے جب میاں نواز شریف وطن واپس جائیں گے تو کیا ضمانت لے کر جائیں گے ؟ جس کے جواب میں وزیر قانون اعظم نذیر تارڑ کا کہنا تھا کہ وکلاء کوئی بھی بات فیس لیئے بغیر نہیں بتاتے ۰
وفاقی وزیر خرم دستگیر کا کہنا ہے کہ عید الاضحیٰ کے بعد مسلم لیگ ن پہلے سے زیادہ متحرک نظر آئے گی ، پاکستان کی سیاست اب تعمیر کی طرف جا رہی ہے ، ہم دوبارہ اس ایجنڈے پر آرہے ہیں جس میں پاکستان کی بہتری ہو، عید الاضحیٰ کے بعد مسلم لیگ ن کی الیکشن مہم تیز ہوگی، نواز شریف مسلم لیگ ن کی الیکشن مہم کی قیادت کریں گے ،
پاکستان میں الیکشن کب ہوں گے؟ اس حوالے سے بھی ابھی تک سوالیہ نشان موجود ہے، ملک میں مہنگائی نے غریب کی کمر توڑ کر رکھ دی ہے،بجٹ میں بھی عوام کو ریلیف نہیں دیا گیا، پی ڈی ایم حکومت آنے کے بعد سو گنا بلکہ اس سے بھی زیادہ مہنگائی ہوئی، ن لیگی رہنما کہتے ہیں کہ الیکشن وقت پر ہوں گے، آصف زرداری کہتے ہیں کہ جب میں چاہوں گا تب الیکشن ہوں گے، تو کئی سیاسی رہنما کہتے ہیں کہ موجودہ معاشی صورتحال میں اگر الیکشن ایک سال کے لئے لیٹ بھی کر دیئے جائیں تو کوئی مسئلہ نہیں، معیشت اہم ہے، پاکستان میں معیشت کو استحکام ملنا چاہئے،
برج کھیل کب ایجاد ہوا، برج کھیلتے کیسے ہیں
عمران خان سے اختلاف رکھنے والوں کی موت؟
حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر
برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے
کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس
وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟
