Tag: نوشہرہ

خیبرپختونخوا کے ضلع نوشہرہ میں نامعلوم ملزمان کی فائرنگ سے سول جج اور وکیل جاں بحق ہو گئے۔

میڈیا رپورٹس کے مطابقڈی پی او نوشہرہ عبدالرشید نے بتایا کہ مقتولین مردان سے جا رہے تھے کہ حملہ آوروں نے ان کی گاڑی پر حملہ کر دیا جس سے وہ موقع پر ہی ہلاک ہو گئے۔ لاشوں کو نوشہرہ میڈیکل کمپلیکس منتقل کیا گیا، جن کی شناخت مردان ڈسٹرکٹ کورٹس کے سینئر سول جج محمد حیات کے نام سے ہوئی، جوسوات کے رہائشی تھے۔ڈی پی او نے بتایا کہ جج کا ساتھی پیشہ ورانہ طور پر ایک وکیل تھا، جس کا نام خالد خان تھا، جو ملندرہ ضلع مردان کے رہائشی تھے۔

ڈی پی او کے مطابق واقعہ ذاتی دشمنی کا شاخسانہ بتایا جاتا ہے کیونکہ حال ہی میں ضلع مردان کے علاقے ملندری میں مقتول کے ایک رشتہ دار کو قتل کیا گیا تھا۔تاہم، واقعے کی ایف آئی آر درج کی جا رہی ہے اور کیس کی مزید تفتیش شروع کی جائے گی۔

آئی جی خیبر پختونخوا کا نوٹس
دریں اثنا، آئی جی خیبر پختونخوا ذوالفقارحمید نے سینئر سول جج حیات خان، وکیل خالد خان اور سابق ضلع ناظم کوہاٹ ملک اسد پر قاتلانہ حملوں کا نوٹس لے لیا۔ آئی جی نے ریجنل پولیس افسر مردان اور کوہاٹ سے رپورٹ طلب کر لی، انہوں نے ریجنل پولیس افسران کو افسوسناک واقعات میں ملوث ملزمان کو فوری گرفتارکرنے کے احکامات جاری کردیے۔

پشاور کے علاقے نوشہرہ میں نامعلوم مسلح افراد کی جانب سے ایکسائز موبائل اسکواڈ پر اندھا دھند فائرنگ کی گئی، جس کے نتیجے میں سب انسپکٹر سمیت چار اہلکار شہید ہو گئے،سب انسپکٹر باچاخان کا اہم بیان سامنے آیا ہے-

باغی ٹی وی : شہید ہونے والوں میں سپاہی افتخار، مجاہد، پرائیویٹ ڈرائیور شبیر اور سب انسپکٹر فاروق باچا شامل ہیں واقعے کے بعد حملہ آور موقع سے فرار ہو گئے، جن کی تلاش میں علاقے میں سرچ آپریشن جاری ہےزخمی حالت میں قلمبند کیے گئے سب انسپکٹر فاروق باچا کے بیان نے واقعے کی سنگینی اور پس منظر کو واضح کیا ہے۔

باچا خان نے اپنے بیان میں بتایا کہ اطلاع ملی تھی سفید رنگ کی ڈبل کیبن گاڑی میں بھاری مقدار میں منشیات پنجاب سمگل کی جا رہی ہے، یہ بھی اطلاعات تھیں کہ منشیات سے حاصل کی گئی رقم دہشتگردانہ کارروائیوں میں استعمال ہو گی اس گاڑی کو روکنے کے لیے ہم جی ٹی روڈ پر سبزی منڈی کے مقام پر موجود تھے کہ گاڑی نے ہمیں کراس کیاہم نے تعاقب کیا تو گاڑی میں موجود ملزمان نے فائرنگ شروع کر دی، جس سے دو اہلکار اور ہمارا ڈرائیور موقع پر ہی جاں بحق ہو گئے،اگر ملزمان سامنے آئے تو وہ انہیں شناخت کر سکتے ہیں۔

انکشافات کی روشنی میں ایف آئی آر کے لیے سی ٹی ڈی مردان کو باضابطہ مراسلہ ارسال کر دیا گیا ہے، جس میں قتل، اقدام قتل، سرکاری اہلکاروں پر حملہ، اور دہشتگردی سمیت دیگر سنگین دفعات شامل کرنے کی درخواست کی گئی ہے۔

شہید اہلکاروں کی نماز جنازہ پشاور کی ملک سعد پولیس لائن میں سرکاری اعزاز کے ساتھ ادا کی گئی، جس میں پولیس، ایکسائز، اور دیگر سیکیورٹی اداروں کے افسران نے شرکت کی جنازے کے بعد شہدا کو سلامی دی گئی اور ان کے جسد خاکی آبائی علاقوں کو روانہ کیے گئے۔

پولیس حکام کا کہنا ہے کہ واقعے میں ملوث دہشت گردوں کو جلد قانون کے کٹہرے میں لایا جائے گا اور شہدا کا خون رائیگاں نہیں جائے گا اس واقعے نے ایک بار پھر سیکیورٹی فورسز پر بڑھتے ہوئے خطرات اور منشیات کی آڑ میں جاری دہشتگردی کی سنگینی کو اجاگر کر دیا ہے۔

نوشہرہ : پاکستان تحریک انصاف (پی ٹی آئی) پارلیمنٹیرینز کے سربراہ پرویز خٹک کا کہنا ہے کہ پی ٹی آئی کے جعلی انٹراپارٹی الیکشن سے متعلق سپریم کورٹ کا یہی فیصلہ آنا تھا۔

باغی ٹی وی: نوشہرہ میں گفتگو کرتے ہوئے پرویز خٹک نے کہا کہ تحریک انصاف میں 2010 اور 2011کے بعد کوئی الیکشن صحیح نہیں ہوا، پارٹی میں الیکشن کے بجائے سلیکشن ہوئی، ایک پارٹی اپنے اندر جمہوریت پیدا نہیں کرسکتی تو ان سے جمہوریت کی کیا توقع ہوگی، الیکشن میں پی ٹی آئی کے تمام امیدواروں کی حیثیت آزاد امیدواروں کی ہے، آزاد امیدوار ان کے کسی کام نہیں آئیں گے، اگلے پانچ سال میں تحریک انصاف مکمل طور پر ختم ہوجائے گی، ہماری پارٹی نئی پارٹی ہے، پورے صوبے میں انتخابی مہم چلا رہے ہیں، پورے صوبے میں تقریباً 70 حلقوں سے امیدوار وں کو کھڑا کر رہا ہوں۔

انتخابی نشان کے معلومات حاصل کرنے کے لئے پی ٹی آئی کا ویب پورٹل تیار

دوسری جانب پی ٹی آئی نے بلے کا نشان نہ ملنے پر ووٹرز تک پہنچنے کا نیا طریقہ ڈھونڈ نکالا، پی ٹی آئی کے امیدواروں کو بلے کا نشان نہ ملنےپر آزاد حیثیت میں مختلف انتخابی نشانات جاری کیےگئے ہیں جسپر تحریک انصاف نے ووٹرز تک پارٹی امیدواروں کی تفصیلات پہنچانے کے لیے نیا طریقہ ڈھونڈ نکالا پی ٹی آئی کی جانب سے پارٹی ویب سائٹ پر پورٹل بنا دیا گیا جہاں تمام امیدواروں کی حلقوں کے لحاظ سے تفصیلات اپلوڈ کردی گئی ہیں، کارکنان کسی بھی حلقے سے پارٹی امیدوار کی تفصیلات چیک کر سکیں گے۔ پورٹل بنانے کا فیصلہ گزشتہ رات سپریم کورٹ کے فیصلے کے بعد کیا گیا۔

نواز شریف 8 فروری کو پھر اقتدار میں آئے گا اور ترقی کا سفر وہیں …

مصدق ملک نے شاہد خاقان کی نوازشریف کے حوالے سے بیان کی مذمت کر دی

نوشہرہ: پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ اگر الیکشن سے پہلے ہی نتائج طے کرنے ہیں تو الیکشن کا کوئی فائدہ نہیں ہے۔

باغی ٹی وی : چئیرمپن پیپلز پارٹی بلاول بھٹو زرداری نے پیر کو خیبرپختونخوا کے شہر نوشہرہ میں خٹک باغ میں ورکرز کنونشن سے خطاب کرتے ہوئے کہا کہ مجھے امید ہے کہ چیف جسٹس اور چیف الیکشن کمشنر یہ یقینی بنائیں گے کہ فروری میں ہونے والے الیکشن پر کوئی سوال نہ اٹھا سکے،پاکستان کےمسائل کا حل صاف و شفاف الیکشن ہیں ایسا نہ ہو کہ الیکشن سےپہلے نتائج آںے لگیں اور پھر اسکے بعد دھاندلی کے الزاما ت اور دھرنوں کی سیاست شروع ہو جائے۔

بلاول نے کہاکہ میں 70 ستر سال کے سیاست دانوں سے کہتا ہوں کہ وہ اپنی ساکھ پر الیکشن لڑیں، انتظامیہ کے زور سے الیکشن میں نہ جائیں،میاں صاحب کہہ رہے ہیں کہ جو لوگ پاکستان میں سرمایہ کاری کر رہے ہیں، ان سے نہ پوچھا جائے۔ ہم سمجھتے ہیں کہ ان سے پوچھا جانا چاہیے کہ وہ کتنے لوگوں کو روزگار دے رہے ہیں۔

محمد خان بھٹی کی تعیناتی کیس، پرویز الہٰی کی درخواست ضمانت خارج

بلاول بھٹو زرداری نے تحریک انصاف کے چیئرمین عمران خان کی جانب اشارہ کرتے ہوئے کہا کہ جو سب کو جیل بھیجنے کی بات کرتے تھے، آج وہ جیل میں ہے جب وہ باہر تھے تو ایوب خان ان کا آئیڈیل تھا اور جب وہ حکومت سے باہر ہوتے ہیں تو ذوالفقار علی بھٹو بننا چاہتے ہیں۔

قبل ازیں چیئرمین پی پی پی بلاول بھٹو زرداری سے پاکستان پیپلزلائرز فورم نوشہرہ کے وفد کی ملاقات ہوئی جس میں صوبائی صدر گوہر رحمان کے علاوہ پی ایل ایف نوشہرہ کے جنرل سیکریٹری عثمان خان، حیدر نواز خٹک، چٹان خان، حاجی فیاض علی خان ودیگر موجود تھے-

ملک میں فی تولہ سونے کی قیمت مستحکم

علاوہ ازیں پاکستان پیپلزپارٹی کے چیئرمین بلاول بھٹو زرداری سے پی پی پی شعبہ خواتین خیبرپختونخوا کے وفد نے ملاقات کی،چیئرمین بلاول بھٹو زردارینےا شعبہ خواتین خیبرپختونخوا کے نمائندوں سے عام انتخابات کے حوالے سے انتخابی مہم کی حکمت عملی پر تبادلہ خیال کیا چیئرمین بلاول بھٹو زرداری سے پی پی پی شعبہ خواتین کی خیبرپختونخوا میں صدر روبینہ خالد، جنرل سیکریٹری شازیہ طہماس، اشبر جدون، نیلوفربابر، دینا ناز ودیگر نے ملاقات کی، شائستہ رزاق، شہناز بی بی، مہرسلطانہ، شاہینہ خان، نگار رؤف، شہناز شمشیر، افراح سجاد، شیرازہ علی، ڈاکٹر غزالہ، مریم میاں خیل، فرح پیٹرک، صائمہ عمر ودیگر نے بھی ملاقات کی-

سندھ میں گیس کے نئے ذخائر دریافت

نوشہرہ کے علاقے اکبر پورہ بانڈہ ملاحان میں دس سالہ بچے کو تشدد کا نشانہ بنا کرکے قتل کر دیا ۔ پولیس کے مطابق ملزمان نے بچے کو گھر سے اغوا کر کے کھیتوں میں لے جاکر تشدد کے بعد قتل کر دیا۔ پولیس نے مقتول پر جنسی تشدد کا شبہ ظاہر کرتے ہوئے نعش پوسٹ مارٹم کے لئے بھجوا دی ہے ۔
آصف محمود ولد طلا محمد نے پولیس کو بتایا کہ اس کا دس سالہ بیٹا حامد محمود گزشتہ روز گھر سے نکلا اور واپس نہیں آیا۔ جس کو تلاش کیا گیا لیکن بچے کا کوئی پتہ نہ چلا ۔ پیر کی صبح اس کی لاش شاہ شاہ فیصل کے کھیتوں میں پڑی ملی۔ بچے کے والد نے موقف اختیار کیا ہے کہ میرے بیٹے کو تشدد کے بعد پھانسی دے کر قتل کیا گیا ہے ۔ مقتول کے والد نے الزام لگایا کہ اس کے بیٹے کو ملزم وسیم اللہ ، نعیم اللہ پسران ہاشم علی، روخان ولد بخاری ، حسیب ولد نسیم نے قتل کیا ہے کیونکہ ملزمان کے ساتھ چند روز قبل ہماری لڑائی ہوئی تھی۔

-انسپکٹر جنرل آف پولیس صوبہ خیبر پختونخواہ اختر حیات خان کانوشہرہ میں کمان اینڈ کنٹرول روم، کینٹ امام بارگاہوں، جلوس کے گزرگاہوں کا دورہ۔محرم الحرام کے حوالے سے کئے گئے سیکورٹی انتظامات کی چیکنگ کی اور اہل تشیع مشران کیساتھ ملاقاتیں کئیں اس موقع پر سیکورٹی انتظامات کے حوالے سے ڈسٹرکٹ پولیس افیسر ناصر محمود نے انکو تفصیلی بریفنگ دی جس آئی جی کے پی کے کے جانب سے اطمینان کا اظہار کیا گیا، انسپکٹر جنرل آف پولیس اخترحیات خان نے محرم الحرام میں امن وامان کے حوالے سے نوشہرہ کا مختصر دورہ کیا۔اس موقع پر ریجنل پولیس افیسر محمد سلیمان اور ڈسٹرکٹ پولیس افیسر ناصر محمود بھی اُنکے ہمراہ تھے۔نوشہرہ پولیس کے چاک و چوبند دستے نے سلامی دی۔انسپکٹر جنرل آف پولیس نے کمانڈ اینڈ کنٹرول روم کا معائنہ کیا۔انسپکٹر جنرل آف پولیس نےنوشہرہ کینٹ کے امام بارگاہوں اور جلوس کے گزرگاہوں کا دورہ کرتے ہوئے تمام سیکورٹی انتظامات چیک کئے۔اہل تشیع مشران سے ملکر ان سے مہیا کردہ سیکورٹی کے بارے میں معلومات حاصل کی۔ ڈسٹرکٹ پولیس افیسر ناصر محمود نے تفصیلی بریفنگ دیتے ہوئے واضح کیا کہ محرم الحرام میں امن وامان برقرار رکھنے کے لئے نوشہرہ پولیس تمام تر وسائل کو بروئے کار لا رہی ہے۔ کسی بھی نا خوشگوار واقع سے بچنے کے لئے پولیس افسران و اہلکاران خوش اسلوبی سے اپنی ڈیوٹی سر انجام دے رہے ہیں۔ انہوں نے مزید کہا کہ کسی بھی ناخوشگوار حالات سے نمٹنے کے لئے ریزرو ٹیم ہمہ وقت تیار ہیں۔انسپکٹر جنرل آف پولیس نے محرم الحرام کے دوران امن و امان برقرار رکھنے کیلئے نوشہرہ پولیس کے سیکورٹی کے لیے اٹھائے گئے اقدامات پر اطمینان کا اظہار کیا۔