Tag: نوشہرہ

نوشہرہ میں شوہر نے غیرت کے نام پر 26 سالہ بیوی کو قتل کر دیا۔ پولیس کے مطابق ملزم شوہر فضل واحد کو بیوی کے کردار پر شک تھا۔ مقتولہ آمنہ کے بھائی نے میڈیا سے بات کرتے ہوئے موقف اختیار کیا کہ مقتولہ آمنہ علاج کے غرض سے نجی کلینک جارہی تھی کہ شوہر فضل واحد اور دیور ہمایون نے راستے میں زبردستی پکڑ کر تشدد کا نشانہ بنا کے گھر لے گئے،
پولیس نے مقتولہ آمنہ کی نعیش پوسٹ مارٹم کے لیے ڈسٹرکٹ ہیڈکواٹر ہسپتال نوشہرہ منتقل کردی۔ پوسٹ مارٹم کرنے والی لیڈی ڈاکٹر کے مطابق مقتولہ کے گلے سینے جسم اور پشت پر چھریوں کے درجن سے زائد وار موجود ہیں جس سے مقتولہ کی موت واقع ہوئی،.پولیس کے مطابق مقتولہ کے جسم پر تشدد کے نشانات بھی موجود ہیں۔ پوسٹ مارٹم کے بعد مقتولہ کی نعیش ورثا کے حوالے کردی گئی۔ جبکہ واقع کا مقدمہ تھانہ مصری بانڈہ نوشہرہ میں درج کرلیا گیا۔ پولیس کے مطابق واردات کے بعد فرار ہو گئے جن کو بہت جلد گرفتار کر لیا جائے گا،

رسالپور پولیس نے کروڑوں روپوں مالیت کی منشیات کی بھاری کھیپ پنجاب سمگل کرنے کی کوشش ناکام بنادی ۔سوزوکی پر مرغیوں کے پنجرے سے 30 کلوگرام افیون اور 50 کلوگرام چرس برآمد ۔02 ڈرگ ڈیلر گرفتار کر کے مقدمہ درج کر لیا گیا
ڈسٹرکٹ پولیس افیسر ناصر محمود کی خصوصی احکامات پر منشیات فروشوں اور سمگلروں کیخلاف گھیرا تنگ کرتے ہوئےاشفاق خان SHO رسالپور کو کو خفیہ اطلاع ملی کہ آج کسی بھی وقت بھاری مقدار میں منشیات پنجاب سمگل کی جائے گی ۔اطلاع ملتے ہی فوری طور پر مختلف ٹیمیں تشکیل دے کر منشیات سمگل کرنے کی کوشش کو ناکام اور ملزمان کی گرفتاری کے لئے کاروائی کی گئی ۔ اشفاق خان SHO رسالپور نے پولیس نفری سمیت رشکئی انٹرچینج کے قریب ناکہ بندی کرکے ایک مشکوک سوزوکی روکی جس سے تلاشی کے دوران 30 کلوگرام افیون اور 50 کلوگرام چرس برآمد کر لی گئی۔ موقع پر موجود ملزمان سیف اللہ ولد یوسف خیبر ایجنسی اور محمود ولد چنار گل جسکا تعلق پشاور سے تھا کو حراست میں لے کر تھانے منتقل کر دیا گیا۔مقدمہ درج کرکے تفتیش جاری ہے۔ڈسٹرکٹ پولیس افیسر ناصر محمود نے پو لیس ٹیم کی کارکردگی کو سراہتے ہوئے اپنے پیغام میں کہا نوجوان نسل کو نشے کی لت میں مبتلا کرنے والے موت کے سوداگروں کے خلاف کاروائیاں جاری رہے گی ،

پی ٹی آئی دور حکومت میں ڈی ایچ کیو ہسپتال نوشہرہ میں غیرقانونی بھرتیوں کا انکشاف ہوا ہے، جس کی وجہ سے ڈی ایچ کیو ہسپتال کو شدید مالی مشکلات کا سامنا ہے ، دستاویز کے مطابق ہسپتال کے ایم ایس نے اضافی ملازمین واپس لینے کے لیے ڈی جی ہیلتھ کو خط بھیج دیا ، خط کہا گیا ہے کہ پچھلے دور حکومت میں ہسپتال میں237 ملازمین کی اضافی بھرتی کی گئی ، دستاویز میں اس بات کی نشاندہی کی گئی ہے کہ ملازمین میں 44 میڈیکل آفیسرز ، 40 نرسز ، 92 وارڈ اٹنڈنٹ اور50 پیرامیڈیکس شامل ہیں ، اضافی سٹاف کو سالانہ 16 کروڑ 10 لاکھ روپے تنخواہیں دی جاتی ہیں ، زرائع کے مطابق غیرقانونی بھرتیاں سابق وزیر اعلیٰ اور وزراء کی سفارش پر کی گئی ہیں ، دستاویز میں ہسپتال کی سالانہ آمدن 80 لاکھ روپے ہے ، 2022_23 بجٹ 60 کروڑ 30 لاکھ روپے ہے، جس میں 53 کروڑ 44 لاکھ تنخواہوں اور 6 کروڑ 85 لاکھ روپے نان سیلری بجٹ ہے، ہسپتال کی عمارت 1953 میں تعمیرہوئی اور عمارت کا ڈھانچہ پرانا ہوچکا ہے ، لیکن مالی خسارے کے باعث اسپتال کی تزئین و آرائش نہیں کی جا سکتی ،
نیب زرائع کے مطابق ڈی ایچ کیو ہسپتال نوشہرہ میں غیر قانونی بھرتیوں کی تحقیقات کررہی ہے،

تھانہ ایکسائز مردان کی رشکئی بائی پاس پر کا میاب کاروئی کے نتیجے میں 12 کلو چرس بر آمد،، ترجمان ایکسائز منشیات گاڑی کے خفیہ خانوں میں رکھا گیا تھا،جو پشاور سے براستہ نوشہرہ پنجاب سمگل کی جا رہی تھی، پولیس نے شک کے بنیاد پر گاڑی کو روکا اور تلاشی لی جس کے نتیجے میں منشیات برامد ہوئی،گاڑی چلانے والے ملزم کی نشاندہی احمد حسن کے نام سے ہوئی ہے جسکا تعلق پشاور سے بتایا جا رہا ہے،تاہم ملزم کو گرفتار کر کے مقدمہ تھانہ ایکسائز مردان میں درج لیا گیا ہے ،ملزم سے مزید تفتیش جاری ہے،جس کے نتیجے میں منشیات فروش گروہ تک رسائی حاصل کی جا سکتی ہے،

نوشہرہ میں گھروں میں ڈکیتی کرنے والا دو رُکنی گروہ گرفتارہو گیاملزمان کا تعلق افغانستان سے ہے۔نشاندہی پر چوری شدہ مال کو فروخت کرنے کارقم اور تالے توڑنے کا کٹر برآمد کیا ،26 مئی کو فیاض خان نامی شخص کے گھر پہ کچھ لوگوں نے ڈاکہ ڈال کے گھر سےکچھ سامان
لےگئے جس پر فیاض خان ساکن نستہ حال واپڈا کالونی نے قریبی تھانے میں آیف آئی آردرج کراتے ہوئے کہا کہ اُنکے گھر سے رات کو نامعلوم چور قیمتی الیکٹرنک اشیاء چوری کرکے لے گئے ہیں۔ جس پر ایس ایچ اوحنیف خان پبی نے واپڈا کالونی میں مختلف مقامات پر CCTV فوٹیج چیک کئے۔مخبروں کے ذریعے علاقے میں موجود مشکوک افراد کا ڈیٹا حاصل کیا اوراپنی پیشہ وارنہ صلاحیتوں کے بنیاد پہ ملزمان تک رسائی حاصل کی۔ملزمان وسیم ولد شاہ ولی اور نور ولی ولد زر ولی جن کا تعلق افغانستان سے ہے ان کو گرفتار کر لیا گیا۔ابتدائی تفتیش کے دوران ملزمان نے اعتراف جرم کر لیا۔ملزمان کی نشاندہی پر چوری شدہ سامان کی فروختگی رقم اور تالے توڑنے والا کٹر بھی برآمد کر لیا گیا۔ملزمان سے مزید تفتیش جاری ہے،