وزیراعظم شہباز شریف نے کہا ہے کہ خواتین کے حقوق کا تحفظ پائیدار ترقی اور قومی خوشحالی کی ضمانت ہے،حکومت اس بات کے لیے پُرعزم ہے کہ ایسا ماحول یقینی بنایا جائے جہاں خواتین بغیر کسی امتیاز اور خوف کے اپنی مکمل صلاحیتوں کو بروئے کار لا سکیں۔
آج دنیا بھر کی طرح پاکستان میں بھی بین الاقوامی یوم خواتین منایا جا رہا ہے جس کا مقصد خواتین کے حقوق، مساوات اور بااختیار بنانے کے عزم کو اجاگر کرنا ہے جبکہ عالمی یومِ خواتین کے موقع پر اپنے پیغام میں وزیراعظم نےعالمی یومِ خواتین کے موقع پر میں پاکستان اور دنیا بھر کی خواتین کو خراجِ تحسین اور نیک تمنائیں بالخصوص پاکستان کی خواتین، ماؤں، بہنوں اور بیٹیوں کو مبارکباد پیش کی-
انہوں نے کہا کہ اس سال عالمی یومِ خواتین ‘حقوق، انصاف اور عمل: تمام خواتین اور لڑکیوں کے لیے’ کے عنوان کے تحت منایا جا رہا ہے، جو خواتین کے حقوق کے تحفظ کے عزم کا اظہار ہےخواتین کے حقوق کا تحفظ پائیدار ترقی اور قومی خوشحالی کی ضمانت ہے اور کسی بھی قوم کی مجموعی ترقی خواتین کو مساوی مواقع اور بامعنی شرکت فراہم کیے بغیر ممکن نہیں۔
خاتم الانبیاء مرکزی ہیڈ کوارٹر نے امریکا اور اسرائیل کی سہولتکاری کرنے والے ممالک کو خبردار کر دیا
وزیراعظم نے کہا کہ زندگی کے ہر شعبے میں خواتین کی محنت، عزم، حوصلہ اور خدمات قوم کے لیے باعثِ فخر ہیں۔ ان کے مطابق خواتین نہ صرف خاندان بلکہ معاشرے اور ریاست کی مثبت اقدار پر مبنی بنیادوں میں بھی کلیدی کردار ادا کرتی ہیں،تعلیم سے کھیل تک، گھروں سے حکومت تک پاکستانی خواتین کی جدوجہد اور کامیابیاں ایک مضبوط اور خوشحال ملک کی تعمیر میں انقلابی کردار ادا کر رہی ہیں-
وزیراعظم نے کہا کہ وزیراعظم، اسپیکر اسمبلی، وزیر اعلیٰ، عدلیہ، قانون نافذ کرنے والے اداروں، صحت، تعلیم، کاروبار اور مسلح افواج سمیت مختلف شعبوں میں خواتین نے نئی راہیں ہموار کی ہیں پاکستان میں خواتین کے حقوق کے قانونی تحفظ کے لیے مؤثر قانون سازی موجود ہے جو ہراسانی اور استحصال کے خلاف قومی عزم کی عکاسی کرتی ہے۔
انہوں نے کہا کہ خواتین کو معیاری تعلیم تک رسائی، مالی شمولیت، خواتین کاروباری افراد کی معاونت، کام کی جگہ پر تحفظ اور ہراسانی و تشدد کے خلاف مؤثر اقدامات حکومت کی اولین ترجیحات میں شامل ہیں سب کو مل کر ایسا معاشرہ تشکیل دینا ہوگا جہاں ہر خاتون کو عزت و وقار کے ساتھ ترقی کے مساوی مواقع میسر ہوں تاکہ پاکستان ایک زیادہ منصفانہ، ترقی یافتہ اور جامع مستقبل کی جانب آگے بڑھ سکے۔
