وزیراعظم شہباز شریف نے قوم کو نئے سال کی مبارکباد دیتے ہوئے کہا ہے کہ 2025 کے اختتام پر ہم شکرگزاری اور عاجزی کے ساتھ اپنے سفر کا جائزہ لیتے ہیں اور نئے عزم کے ساتھ آگے بڑھتے ہیں۔
وزیراعظم نے اپنے خصوصی پیغام میں کہا کہ گزرا ہوا سال کئی اعتبار سے آزمائشوں سے بھرپور رہا، تاہم اس نے قوم کی اجتماعی طاقت اور خود اعتمادی کو مزید مضبوط کیا۔ استقامت، نظم و ضبط اور مشکل مگر ناگزیر فیصلوں کے ذریعے معیشت کو مستحکم کرنے، اعتماد بحال کرنے اور پاکستان کو معاشی بحالی اور پائیدار ترقی کی راہ پر گامزن کرنے کے لیے اقدامات کیے گئےیہ کامیابیاں آسانی سے حاصل نہیں ہوئیں بلکہ یہ پاکستانی عوام کی محنت، صبر اور قربانیوں کا نتیجہ ہیں، جنہیں ان کی ثابت قدمی اور مستقبل پر یقین کے لیے خراجِ تحسین پیش کیا گیا۔
وزیراعظم نے دشمنوں کی جارحیت کے مؤثر جواب اور دہشت گردی کے خلاف بے مثال جرات و بہادری کا ذکر کرتے ہوئے کہا کہ میدانِ جنگ اور مذاکرات دونوں محاذوں پر قوم نے حوصلہ دکھایافیلڈ مارشل سید عاصم منیر کی مثالی عسکری قیادت کو سراہتے ہوئے مسلح افواج پر فخر کا اظہار کیا گیا، جنہوں نے ثابت کیا کہ جنگیں غرور سے نہیں بلکہ حوصلے سے جیتی جاتی ہیں۔
ایل او سی ،برف پوش مورچوں سے پاک فوج کے جری جوانوں کا سال نو پر پیغام
بیان میں اقتصادی بنیادوں کو مضبوط بنانے، گورننس بہتر کرنے، سماجی تحفظ میں توسیع اور طویل المدتی ترقی کی بنیاد رکھنے کے لیے اقدامات پر بھی روشنی ڈالی گئی وزیراعظم نے کہا کہ مالی نظم و ضبط، ساختی اصلاحات، سرمایہ کاری، برآمدات اور توانائی کے تحفظ میں پیش رفت کے ذریعے پاکستان نئے اعتماد کے ساتھ آگے بڑھ رہا ہے۔
پیغام میں کہا گیا کہ مستحکم، خود انحصار اور خوشحال پاکستان کی تعمیر ہمارا مشترکہ عزم ہے جو ہر شہری کو مواقع اور وقار فراہم کرے۔ اس سال تاریخی سنگِ میل منائے گئے، شہدا اور قومی ہیروز کو خراجِ عقیدت پیش کیا گیا اور امن، اتحاد اور قومی یکجہتی کے عزم کی تجدید کی گئی۔
وزیراعظم نے تعلیم، مہارتوں، ڈیجیٹل تبدیلی اور ابھرتی ہوئی ٹیکنالوجیز میں سرمایہ کاری کو نوجوانوں کو بااختیار بنانے اور قومی صلاحیتوں کے فروغ کے لیے ناگزیر قرار دیا اور زراعت، صنعت، آئی ٹی اور قابلِ تجدید توانائی میں پیداوار بڑھانے، جدت کی حوصلہ افزائی اور روزگار کے مواقع پیدا کرنے کے عزم کا اعادہ کیا۔
سال نو کی پہلی گرفتاری، ہوائی فائرنگ کرنے والا ملزم رنگے ہاتھوں گرفتار،2 افراد زخمی
ثقافتی اور روحانی ورثے کے تحفظ پر زور دیتے ہوئے وزیراعظم نے کہا کہ ہماری روایات اور فنون ہماری طاقت اور شناخت ہیں، جنہیں ترقی کے ساتھ ساتھ فروغ دینا ہوگاعوامی فلاح کو تمام کوششوں کا مرکز قرار دیتے ہوئے سماجی تحفظ، صحت و تعلیم میں بہتری، کسانوں اور محنت کشوں کی حمایت اور جامع ترقی کے عزم کا اظہار کیا گیا، ملک امن، علاقائی استحکام، کثیرالجہتی تعاون اور قوانین پر مبنی عالمی نظام کے لیے پُرعزم ہے، اور مکالمے، ترقی اور تعاون کو ترجیح دیتا رہے گا۔
وزیراعظم نے کہا کہ اتحاد، نظم و ضبط اور محنت سے ہم ایک مضبوط، منصفانہ اور باوقار پاکستان تعمیر کریں گے نیا سال امید اور مواقع کی روشنی لے کر آئے، وطنِ عزیز سربلند رہے، کھیتوں میں فراوانی، گھروں میں امن اور ہر پاکستانی کی زندگی میں مقصد اور کامیابی نصیب ہو۔
پاکستان میں سال نو کا آغاز،پرتپاک استقبال،فائرنگ،آتش بازی
