اسلام آباد: وزیراعظم شہباز شریف نے ٹانک اور باغ ضلع خیبر میں دہشت گردوں کے خلاف افواج پاکستان کے کامیاب آپریشن کی تعریف کی ہے۔

باغی ٹی وی : وزیراعظم نے کامیاب آپریشن پر افواج پاکستان کو خراج تحسین اور شہید 5 جوانوں کو خراج عقیدت پیش کیا ہے،اسلام آباد سے جاری بیان میں انہوں نے کہا کہ افواج کے جوانوں نے اپنی جانوں کی پرواہ کیے بغیر دہشتگردوں کی سرکوبی کےلیے کارروائی کی،اللہ رب العزت شہدا کے درجات بلند اور ان کے اہلِخانہ کو صبر جمیل عطا کرے، مجھ سمیت پوری قوم شہدا کے اہلِ خانہ کو خراجِ تحسین پیش کرتی ہے۔افواج پاکستان کے افسران اورجوانوں نے ملکی سلامتی کو ہمیشہ اپنی جانوں پر فوقیت دی،دہشت گردی کے ناسور کے ملک سے خاتمے تک اس کےخلاف جنگ جاری رکھیں گے، پوری قوم دہشتگردی کےخلاف اس جنگ میں افواج پاکستان کے شانہ بشانہ کھڑی ہے۔

دوسری جانب خیبرپختونخوا کے ضلع خیبر کے علاقے باغ میں آپریشن کے دوران شہید ہونے والے اہلکاروں کی نماز جنازہ پشاور گیریژن میں ادا کردی گئی، آرمی چیف جنرل سید عاصم منیر، فوجی اور سول حکام نےبڑی تعداد میں نماز جنازہ میں شرکت کی۔

اقتصادی رابطہ کمیٹی کا اجلاس ،مختلف وزارتوں، ڈویژنوں کیلئے ٹیکنیکل سپلیمنٹری گرانٹس …

آئی ایس پی آر کے مطابق کہوٹہ کے 32 سالہ نائیک محمد اشفاق بٹ، ضلع پونچھ کے 30 سالہ لانس نائیک سید دانش افکار، لیہ کے 32 سالہ سپاہی تیمور ملک، باغ کے 22 سالہ سپاہی نادر صغیر اور خوشاب کے 23 سالہ سپاہی محمد یاسین بہادری سے لڑتے ہوئے شہید ہوئے، نماز جنازہ میں شرکت کے بعد آرمی چیف جنرل سید عاصم منیر نے آپریشن کے دوران زخمی ہونے والے فوجیوں کی خیریت دریافت کرنے کے لئے سی ایم ایچ پشاور کا دورہ کیا آرمی چیف جنرل سید عاصم منیر نے زخمیوں کے بلند حوصلے کو سراہا اور بھرپور قوت اور جذبے کے ساتھ دہشتگردی کا مقابلہ کرنے کے قوم کے عزم کا اعادہ کیا، شہدا کو پورے فوجی اعزاز کے ساتھ ان کے آبائی علاقوں میں سپرد خاک کیا جائے گا۔

رفح کراسنگ پر اسرائیلی اور مصری فوجیوں کے درمیان جھڑپ

اسلام آباد: وزیراعظم شہباز شریف 4سے 7جون تک چین کا دورہ کریں گے-

ذرائع کے مطابق وزیر اعظم شہباز شریف کے ہمراہ وفاقی وزرا سمیت اعلی سطح کا وفد بھی ہوگا، دورے میں ایم ایل ون، سی پیک فیز ٹو اور دفاعی معاہدوں پر دستخط کیے جانے کا امکان ہے، وزیر اعظم کی قیادت میں وفد چینی صدر شی جن پنگ، وزیر اعظم اور دیگر قیادت سے ملاقات کرے گا،دورے کے دوران سرمایہ کاری اور دو طرفہ تعلقات کو مزید مضبوط بنانے پر بات چیت ہوگی۔

وزیراعظم شہباز شریف ایک روزہ دورے پر متحدہ عرب امارات پہنچ گئے۔متحدہ عرب امارات کے نائب صدر، نائب وزیراعظم اور صدارتی دربار کے چیئرمین نے وزیراعظم شہباز شریف کا استقبال کیا۔وزیراعظم کے استقبال میں متحدہ عرب امارات میں پاکستانی سفیر اور اعلیٰ پاکستانی و اماراتی حکام بھی شریک تھے۔

وزیراعظم شہباز شریف آئی ٹی شعبے سے تعلق رکھنے والی پاکستانی اوریو اے ای کی کاروباری شخصیات سے ملاقات کریں گے،وزیراعظم شہباز شریف وفاقی وزرا کے ہمراہ ایک روزہ دورے پر متحدہ عرب امارات روانہ ہوگئے ہیں، وزیرِ اعظم کا وزارتِ عظمی کا منصب سنبھا لنے کے بعد شہباز شریف کا متحدہ عرب امارات کا یہ پہلا دورہ ہے، ان کا یہ دورہ پاکستان اور متحدہ عرب امارات کے مابین موجود دیر ینہ برادرانہ تعلقات کے ایک نئے دور کا آغاز ثابت ہوگا۔

اسلام آباد: وزیراعظم پاکستان شہباز شریف نے کہا ہے کہ شاہ سلمان پاکستان کے مخلص دوست اور امت مسلمہ کے لیڈر ہیں، شاہ سلمان کی صحت یابی کے لیے دعاگو ہیں۔

باغی ٹی وی : سماجی رابطے کی ویب سائٹ ایکس پر اپنے ایک بیان میں وزیراعظم شہباز شریف نے کہا کہ مجھے شاہ سلمان بن عبدالعزیز کی صحت کے بارے میں گہری تشویش کے ساتھ پتہ چلا ہے، شاہ سلمان بن عبدالعزیز پاکستان کے مخلص دوست ہیں، اس کے علاوہ وہ خادم الحرمین الشریفین کی حیثیت سے پوری امت مسلمہ کے رہنما بھی ہیں،شاہ سلمان بن عبدالعزیز کی صحت کے حوالے سے خبر کا سن کر فکر ہے، پاکستان کے عوام میرے ساتھ ہیں اور ہم شاہ سلمان بن عبدالعزیز کی جلد صحت یابی کے لیے دعا گو ہیں۔

اسحاق ڈار کی بطور ڈپٹی وزیر اعظم تعیناتی کیخلاف دائر درخواست سماعت کیلئے مقرر

میڈیا پرسنز کے عدالتوں میں مفت مقدمات لڑیں گے ، لطیف کھوسہ

پی ٹی آئی کی حکومت معیشت کو جس گہری کھائی میں پھینک کر گئی ہے،سیف …

اسلام آباد: حکومت نے بجلی تقسیم کار کمپنیوں میں ایف آئی اے اور انٹیلی جنس افسران تعینات کرنے کا فیصلہ کیا ہے۔

باغی ٹی وی : وزیراعظم شہباز شریف نے پاور ڈویژن کو ایف آئی اے اور انٹیلی جنس افسران کو تعینات کرنے کی ہدایات جاری کر دی ہیں،بجلی تقسیم کارکمپنیوں میں مستقل ڈپٹی ڈائریکٹر ایف آئی اے تعینات کرنے کی ہدایت کی گئی ہے جبکہ بجلی کمپنیوں کے بورڈ میں سیاسی بنیادوں پر تعینات ڈائریکٹرز کو فارغ کرنے کا فیصلہ کیا گیا ہے۔

ایف آئی اے ڈپٹی ڈائریکٹر تقسیم کار کمپنیوں کے کرپٹ افسران کے خلاف کیس تیار کرائے گا جبکہ ایڈیشنل ڈائریکٹر جنرل ایف آئی اے ہیڈکوارٹر کی سطح پر کوآرڈی نیشن اور مانیٹرنگ کرے گا،پاور ڈویژن نے احکامات پرعمل شروع کر دیا ہے جس کے بعد کرپٹ افسران کے خلاف گھیرا تنگ ہوگیا ہے۔

صدر مملکت نجی دورے پر بیرون ملک روانہ،چیئرمین سینیٹ قائم مقام صدر

چین: پرائمری سکول میں بچوں اور اساتذہ پر خاتون کا چاقو سے حملہ،2 افراد …

مسنگ پرسنز کے حوالے سے کچھ سفارشات کمیٹی نے مرتب کر رکھی ہیں،وزیر قانون

اسلام آباد: وزیراعظم شہباز شریف نے کہا ہے کہ پوری کوشش کر رہے ہیں کہ عوام کو زیادہ سے زیادہ ریلیف پہنچائیں-

باغی ٹی وی : وزیراعظم آفس سے جاری بیان میں کہا گیا کہ وزیر اعظم شہباز شریف کی زیر صدارت مسلم لیگ (ن) کے ارکان قومی اسمبلی اور وفاقی وزرا کا اجلاس ہوا جہاں انہوں نے ارکان کو حکومت کی معاشی پالیسیوں، بیرونی سرمایہ کاری اور سیاسی صورت حال پر اعتماد میں لیا۔

اجلاس میں ارکان قومی اسمبلی نے وزیر اعظم کی قیادت میں ملک کے معاشی استحکام کے لیے اقدامات اور سفارتی محاذ پر کامیابیوں پر وزیر اعظم کو خراج تحسین پیش کیا اور وزیراعظم شہباز شریف کی زیر صدارت اجلاس میں ملک کے موجودہ سیاسی حالات پر مشاورت کی گئی۔

غزہ کے جنوبی شہر رفح میں یہ ہولناک مرحلے پر پہنچ گئی،جنوبی افریقا

وزیراعظم نے حکومتی ٹیم کی کارکردگی کو سراہتے ہوئے کہا کہ اللہ کے فضل و کرم سے پاکستان معاشی استحکام کی جانب گامزن ہے، بیرونی سرمایہ کے فروغ اور سفارتی محاذ پر کامیابیوں کا سہرا پوری حکومتی ٹیم کو جاتا ہے،مجھے پورا اعتماد ہے کہ اگر یونہی محنت جاری رکھی تو پاکستان کے معاشی حالا ت ان شا اللہ جلد ٹھیک ہو جائیں گے، پوری کوشش کر رہے ہیں کہ عوام کو زیادہ سے زیادہ ریلیف پہنچائیں۔

وزیر اعظم شہباز شریف نے اجلاس میں شرکت پر وفاقی وزرا اور ارکان قومی اسمبلی کا شکریہ ادا کیا-

علی امین اور پیسکو چیف کاصوبے میں لوڈشیڈنگ کا نیا شیڈول جاری کرنے …

اسلام آباد: وفاقی وزیر اطلاعات عطا تارڑ نے کہا ہے کہ حکومتی اقدامات سے مہنگائی کا جن قابو میں آ رہا ہے اور بیرونی سرمایہ کاری دن بدن بڑھتی جا رہی ہے-

باغی ٹی وی : اسلام آباد میں پارلیمنٹ ہاؤس کے بباہر وزیر امور کشمیر انجینئر امیر مقام کے ہمراہ میڈیا سے گفتگو کرتے ہوئے وفاقی وزیر اطلاعات عطا تارڑ نے کہا کہ تحریک انتشار یہ سوچ رکھتی ہے کہ کسی نہ کسی طرح انتشار پھیلے، ماضی کی نااہل حکومت اور ہماری حکومت میں زمین آسمان کا فرق ہے، ہماری حکومت کا کام زخموں پر مرہم رکھنا ہے-

انہوں نے کہا کہ وزیراعظم کے بروقت نوٹس نے ہمیں ایک سانحے سے بچالیا، جس کی وجہ سے دشمن کی سازش ناکام ہوگئی، کل جب وزیراعظم شہباز شریف نے بلا امتیاز طور پر تمام اسٹیک ہولڈرز کو بلایا تو وفاق کے اعلیٰ عہدیداران اور اتحادی جماعتوں کے نمائندگان موجود تھے جن کے ساتھ مل کر آزاد کشمیر میں مظاہرین کے مسائل کے حل کے لیے فوری اقدامات کیے گئے، میں سمجھتا ہوں یہ حکومت کی کامیابی ہے کہ کیس بڑے نقصان کے بغیر آزاد کمشیر میں ہڑتال ختم ہوئی اور مظاہرین منتشر ہوگئے،یہی وہ فیصلہ سازی ہے جو حکومتوں کو کرنا چاہیے، ماضی کی حکومتیں ایسا نہیں کرتی تھیں،آزاد کشمیر میں جو پولیس والے شہید ہوئے ان کے خاندان کے ساتھ مکمل ہمدردی ہے، آزاد کشمیر کا ایک خصوصی اسٹیٹس ہے اور وفاقی حکومت کی گرانٹ سے آزاد کشمیر حکومت کے معاملات چلائے جاتے ہیں جب کہ مقبوضہ کشمیر کا مسئلہ اقوام متحدہ کی قراردادوں کے مطابق حل ہونا چاہیے۔

آج سچ بولنے کا وقت ہے، آج وقت ہے کہ سب سچ بولیں،علی محمد خان

وفاقی وزیر اطلاعات عطا تارڑ نے کہا کہ مہنگائی میں کمی، اسٹاک ایکسچیج کی کارکردگی بہتر ہورہی ہے، بین الاقوامی وفود آرہے ہیں اور ملک میں سرمایہ کاری کی بات کررہے ہیں تو یہ باتیں ملک دشمن عناصر کو ہضم نہیں ہورہیں اور وہ گھر کے اندر سازش کرتے ہیں جو ناکام ہر گئی ہیں جیل سے باتیں کرنے والے کو اپنی کرپشن کا جواب دینا چاہیے، آپ قیدی ہیں سزا یافتہ ملزم ہیں تو آپ کے قول، خط اور فعل کسی کی وقعت نہیں، آپ نے آئی ایم ایف اور دیگر معاملات میں ملک کو نقصان پہنچانے کی کوشش کی ہم پاکستان کی ترقی کی خاطر ہر قدم اٹھائیں گے اور ملک دشمن عناصر کو کامیاب نہیں ہونے دیں گے، کشمیر ہماری شہ رگ ہے اور کسی کو اس کی طرف میلی آنکھ سے دیکھنے نہیں دیں گے اور سازش کرنے والوں کو ناکام بنائیں گے۔

آئی ایم ایف کا پاکستان کے ٹریک اینڈ ٹریس سسٹم میں خرابیوں پر تشویش کا …

اس موقع پر امیر مقام کا کہنا تھا کہ 9 مئی پر معذرت کریں اور 9 مئی کو تسلیم کریں، پاکستان اور کشمیریوں کی جیت ہوئی ہے، یہ پلان جن لوگوں نے بنایا تھا ان کا خیال تھا کہ لاشیں گریں گی۔

اسلام آباد: وزیراعظم شہباز شریف کا کہنا ہےکہ سعودی ولی عہد محمد بن سلمان کی قیادت میں ہم عالمی معاشی انقلاب لاسکتے ہیں،اس وقت ہماری تمام توجہ معیشت کی بہتری پر ہے-

باغی ٹی وی : عرب میڈیا کو انٹرویو میں وزیراعظم نےکہا کہ پاکستان اور سعودی کے درمیان تاریخی برادرانہ تعلقات ہیں، پاک سعودیہ تعلقات کئی دہائیوں پر محیط ہیں، پاکستان اور سعودی عرب خطےکی ترقی وخوشحالی میں شراکت دار ہیں، دورہ سعودی عرب میں ولی عہد محمد بن سلمان سے ملاقات مثبت رہی، ورلڈ اکنامک فورم کے موقع پر سعودیہ سمیت دیگر شراکت داروں سے جامع بات کی، میرے دورہ سعودی عرب کے بعد سعودی وزیرخارجہ وفد کے ہمراہ پاکستان آئے، سعودی وفد نے پاکستان میں سرمایہ کاری کانفرنس میں شرکت کی جو نتیجہ خیز رہی۔

آئی ایم ایف نگران حکومت کے اقدامات کی متعرف

وزیراعظم شہباز شریف کا کہنا تھا کہ جدید آلات اور ٹیکنالوجی کی مدد سے ہم زرعی پیدوار بڑھاسکتے ہیں، آئی ٹی کے شعبے میں سعودی عرب نے نمایاں خدمات انجام دیں، آئی ٹی کے شعبے میں پاکستان سعودی عرب کے تجربات سے فائدہ حاصل کرسکتا ہے، پاک سعودیہ مشترکہ تعاون سے نوجوانوں کو مختلف شعبوں میں تربیت دیں گے، تربیت حاصل کرنے کے بعد پاکستانی ہنرمند سعودی عرب میں کام کرسکیں گے پاکستانی ہنر مند ریونیوپاکستان بھجیں گے تو معیشت بہتر ہوگی، کویت، قطر، یواے ای اور ترکیہ بھی آئی ٹی وسرمایہ کاری شعبوں میں پارٹنر بن سکتے ہیں، چین ہمارا عظیم دوست ہے وہ بھی اس میں پارٹنربن سکتا ہے، محمدبن سلمان کی قیادت میں ہم عالمی معاشی انقلاب لاسکتے ہیں۔

کوہاٹ اور گھوٹکی میں فائرنگ،پولیس اہلکار سمیت 4 افراد جاں

شہباز شریف نے کہا کہ پاکستان کو اس وقت بڑے معاشی بحران کا سامنا ہے، اس وقت ہماری تمام توجہ معیشت کی بہتری پر ہے، معیشت کی بہتری کے لیے اصلاحات اور بنیادی نظام کی تبدیلی کے لیے پرعزم ہیں، مختلف شعبوں میں اصلاحات کے بغیر پاکستان ترقی نہیں کرسکتا، شہباز اسپیڈ اب پاکستان اسپیڈ ہے۔

سلطان اذلان شاہ کپ: فائنل میں پاکستان کو شکست

اسلام آباد: وزیراعظم شہباز شریف نے قومی ہاکی ٹیم کیلئے نیک خواہشات کا اظہار کیا گیا ہے۔

باغی ٹی وی : سماجی رابطے کی ویب سائٹ ایکس پر اپنے پیغام میں ان کا کہنا تھا کہ 13سال کے طویل انتظار کے بعد سلطان اذلان شاہ ہاکی ٹورنامنٹ کے فائنل میں پہنچنے پر پاکستانی ہاکی ٹیم کو دلی مبارکباد دیتا ہوں،آج کے فائنل میچ میں قومی ٹیم کی کامیابی کا منتظر ہوں، ہاکی ہمارا قومی کھیل ہے اور پورے پاکستان میں اس کا رجحان پھر فروغ پارہا ہے ۔

اذلان شاہ ہاکی ٹورنامنٹ کا فائنل پاکستان اور جاپان کے درمیان ملائیشیا کے شہر ایپوہ میں جاری ہے،دونوں ٹیموں کے درمیان سنسنی خیز مقابلہ پنالٹی شوٹ آوٹ مرحلے میں پہنچ گیا، میچ میں چوتھے کوارٹر کے اختتام پر مقابلہ 2-2سے برابر رہا ، پاکستان نے 2011 میں آخری بار اذلان شاہ ہاکی ٹورنامنٹ کا فائنل کھیلا تھا، پاکستان نےٹورنامنٹ آخری بار 2003 میں جیتا تھا، پاکستان ٹیم ایونٹ میں ناقابل شکست رہی ہے، پاکستان نے 3 میچ جیتے اور دو میچز ڈرا ہوئے ۔

گزشتہ 21 سالوں میں سب سے طاقتور شمسی طوفان زمین کی فضا سے ٹکرا گیا

ہالی ووڈ پاکستانی ثقافت سے متاثر ہوکر فلم بنانے کیلئے پرامید

جاپان: ڈبل روٹی کے پیکٹس سے چوہے کی باقیات برآمد ہونے پر کمپنی کا …