Baaghi TV

Tag: وزیراعظم شہباز شریف

  • عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا کیا،وزیراعظم

    عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا کیا،وزیراعظم

    وزیراعظم شہباز شریف کا کہنا ہے کہ پاکستان کو ناقابل تلافی نقصان پہنچانے والے کی مکاری، غداری سے قوم حیران ہے-

    باغی ٹی وی : اپنی ٹوئٹ میں شہباز شریف نے کہا کہ عمران نیازی نے جریدے ایف ٹی سے انٹرویومیں اپنی بیرونی سازشی تھیوری کی تردید کی۔

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ


    انہوں نے کہا کہ عمران نیازی کی اپنی بیرونی سازشی تھیوری کی تردید شیطانی کردار کی یاد دہانی ہے، اس نے اپنے سیاسی مفادات کیلئے پاکستان کے بیرونی تعلقات کو نقصان پہنچانے میں کردار ادا کیا پاکستان کو ناقابل تلافی نقصان پہنچانے والے کی مکاری، غداری سے قوم حیران ہے۔

    چینی کارکنوں، منصوبوں اور اداروں کے تحفظ کیلئے پاکستان کا بھرپور عزم کا اعادہ

    واضح رہے کہ گزشتہ روز برطانوی اخبار فنانشل ٹائمز کو انٹرویو میں عمران خان نے کہا تھا کہ امریکی سازش کا معاملہ ختم ہو چکا، پاکستان کو دنیا بھر خاص طور پر امریکا کے ساتھ اچھے تعلقات رکھنے چاہئیں پاکستان اور امریکا کے تعلقات غلام اور مالک کے رہے ہیں لیکن اس میں زیادہ قصور پاکستانی حکومتوں کا تھا۔

    عمران خان کی تقریر سن کر جذباتی ہو گیا تھا۔چیف الیکشن کمشنر کو قتل کی دھمکی دینے والے نے مانگی معافی

  • وزیراعظم شہباز شریف کی لندن سے پاکستان روانگی موخر

    وزیراعظم شہباز شریف کی لندن سے پاکستان روانگی موخر

    وزیراعظم شہباز شریف کی لندن سے پاکستان روانگی موخر ہوگئی ہے۔

    وزیراعظم شہباز شریف کی طبیعت خرابی کی وجہ سے لندن سے پاکستان روانگی تاخیر کا شکار ہوئی، اب وزیراعظم شہباز شریف کل پاکستان روانہ ہوں گے، وزیراعظم گزشتہ روز پاکستان روانگی کے لئے بڑے بھائی نواز شریف سمیت سب کو الوداع کر کے نکل چکے تھے کہ انکی طبیعت خراب ہو گئی، وزیراعظم شہباز شریف کو بخار محسوس ہوا جس کے بعد انہوں نے پاکستان روانگی کا پروگرام موخر کر دیا، اب وزیراعظم شہباز شریف کل پاکستان واپسی کے لئے سفر کریں گے

    ذرائع کے مطابق وزیر اعظم شہباز شریف نے لندن میں مزید ایک روز قیام بڑھا دیا۔ وزیر اعظم نے رات لندن سے لاہور کیلئے روانہ ہونا تھا ،وزیراعظم نے نجی پرواز کے ذریعے ہیتھرو ائرپورٹ سے روانہ ہونا تھا۔ تاہم اب وزیراعظم شہباز شریف کی وطن واپسی کل متوقع ہے-

    جتھوں کی بات پہلے مانی ہے نہ اب مانیں گے. نواز شریف

    وزیراعظم شہبازشریف نے لندن میں نوازشریف سے تین دن میں چار ملاقاتیں کیں۔ ملکی صورتحال پر صلاح مشورے کیے گئے۔پاکستان میں اتحادی سیاسی جماعتوں سے بھی رابطے ہوئے۔ شریف برادران نے حکومت کی مدت پوری کرنے پر اتفاق کرلیا۔

    بیان میں کہا گیا ہے کہ چاہے کچھ بھی ہو، حالات اور نتائج کیسے بھی ہوں، وزیراعظم کسی ’’دباؤ‘‘کو قبول نہیں کریں گے۔ نواز شریف نے کہا، جتھوں کی بات نہ پہلے مانی، نہ اب مانیں گے۔ ملک اس وقت مشکل میں ہے، دعا ہے سارے معاملات بہتر ہو جائیں۔

    وزیراعظم شہبازشریف کا کہنا ہے کہ آرمی چیف کی تعیناتی آئینی معاملہ ہے، قانون کے مطابق ہوگی۔

    نروس نہیں ہیں، ہمارا کام محنت کرنا ہے نتیجہ اللّٰہ کے ہاتھ میں ہے،بابر اعظم


    وزیر دفاع خواجہ آصف جو لندن میں موجود ہیں انکا کہنا ہے کہ میاں نواز شریف نہ صرف میرے قائد اور میرے بڑے بھائی ہیں بلکہ وہ شخص ہیں جو زندگی بھر میرے لیے طاقت کا ستون رہے ہیں۔ ان کا پیار اور محبت میرے لیے اعتماد اور تحریک کا باعث ہے۔

    وزیر دفاع نے کہا تھا کہ 2013 اور2018 کی تعیناتیوں کی سمری بھی 18 تاریخ کے بعد بھجوائی گئی تھی، اگر سمری 18 نومبر کے بعد آتی ہے تو پرانی روایت برقراررہے گی

    پہلے پاکستانی نے 8 ڈالرز ماہانہ کے عوض ٹوئٹرکا بلیو ٹک حاصل کر لیا

  • مصر میں وزیراعظم کی شہزادہ محمد بن سلمان سے ملاقات

    مصر میں وزیراعظم کی شہزادہ محمد بن سلمان سے ملاقات

    مصر کے شہر شرم الشیخ میں وزیراعظم شہباز شریف کی سعودی ولی عہد شہزادہ محمد بن سلمان سے ملاقات ہوئی –

    باغی ٹی وی : سعودی وزارت خارجہ کی جانب سے جاری بیان کے مطابق دونوں رہنماؤں کی ملاقات میں مختلف شعبوں میں پاک سعودی تعاون کے مختلف پہلوؤں پر تبادلہ خیال ہوا شہباز شریف اور سعودی ولی عہد میں ماحولیاتی تبدیلی سے مقابلےکے لیےکوششوں پر بھی گفتگو کی گئی۔

    پاکستان کوقرضوں میں ریلیف اتنا نہیں ملاجتناملنا چاہیے تھا،انتونیو گوتریس


    ملاقات میں سعودی وزیر خارجہ ، پاکستانی وزیر خارجہ بلاول بھٹو زرداری اور وزیراطلاعات مریم اورنگزیب بھی موجود تھیں۔

    دوسری جانب سفارتی ذرائع کے مطابق محمد بن سلمان کا نومبر کے تیسرے ہفتے میں دورہ پاکستان متوقع ہے، ان کے 21 نومبر کو دورہ پاکستان کا امکان ہے رواں ہفتے کے آخر میں سعودی خصوصی سکیورٹی ٹیم پاکستان پہنچے گی اور سکیورٹی انتظامات کا حتمی جائزہ لے گی۔

    سفارتی ذرائع کا کہنا ہے کہ ولی عہد کے دورے میں پاکستان کو 4.2 ارب ڈالرز اضافی بیل آؤٹ پیکج ملنےکی توقع ہے، دورے میں سعودی عرب کی پاکستان میں مضبوط سرمایہ کاری متوقع ہے اور متعدد پاک سعودی پیٹرولیم معاہدوں کو آخری شکل دی جا رہی ہے۔

    واضح رہے کہ وزیرا‏عظم سے مختلف ملکوں اور اداروں کے سربراہوں نے ملاقات کی شہباز شریف سے اسپین، نائیجر،ایسٹونیا، کویت ، بحرین ، تاجکستان ، عراق ، انڈونیشیا اور لبنان کے قائدین نے الگ الگ ملاقات کی ان کے علاوہ کمشنریورپی یونین اور عرب لیگ کے سیکرٹری جنرل سمیت آئی ایم ایف کی ایم ڈی کرسٹالینا جورجیوا سے بھی وزیراعظم کی ملاقات ہوئی۔

    کانفرنس میں غیر ملکی رہنماؤں نے پاکستان میں سیلاب سے ہونے والی تباہ کاریوں اور جانی نقصانات پر افسوس کا اظہار کیا وزیراعظم شہباز شریف کا کہنا تھا کہ موسمیاتی تبدیلیوں سے پوری دنیا متاثر ہو رہی ہے، اجتماعی کوششیں لازم ہیں۔

    وزیراعظم نے متاثرین سیلاب کی امداد پر عالمی برادری کا شکریہ ادا کیا، کانفرنس میں شہباز شریف کی عالمی رہنماؤں سے ملاقاتوں میں دوطرفہ، علاقائی اور عالمی امور پر تبادلہ خیال کیا گیا۔

    مصر میں وزیراعظم اور یورپی یونین کے صدرکی ملاقات

  • وزیراعظم کا خاتون صحافی صدف کے اہلخانہ کیلئے 50 لاکھ روپے امدادکا اعلان

    وزیراعظم کا خاتون صحافی صدف کے اہلخانہ کیلئے 50 لاکھ روپے امدادکا اعلان

    وزیراعظم شہباز شریف نے پی ٹی آئی لانگ مارچ کے دوران جاں بحق ہونے والی خاتون رپورٹر صدف نعیم کے اہلخانہ کے لیے 50 لاکھ روپے مالی امداد کا اعلان کیا ہے۔

    باغی ٹی وی : وزیراعظم نے متعلقہ حکام کوضابطےکی کارروائی فوری مکمل کرکےچیک اہلخانہ کےحوالےکرنےکی ہدایت کی ہے-

    آج پھرعمران خان لانگ مارچ چھوڑ کرلاہور واپس آگئے:اہم اجلاس طلب کرلیا

    مریم اورنگزیب نے کہا ہے کہ لانگ مارچ کنٹینر سے گر کر جاں بحق ہونے والی رپورٹر صدف نعیم کے شوہر سے ٹیلی فون پر میری بات ہوئی۔ اندوہناک واقعے پر دکھ اور افسوس کا اظہار کیا۔ میں ذاتی طور پر صدف کو جانتی تھی، وہ نہایت بہادر اور محنتی رپورٹر تھیں۔ ان کے گھر والوں کی ہرممکن مدد کریں گے۔ صدف کے لئے سب دعا کریں-


    دوسری جانب ترجمان پنجاب حکومت مسرت جمشید چیمہ کے مطابق وزیراعلیٰ پنجاب چوہدری پرویز الہٰی نے بھی صدف نعیم کے اہلخانہ کے لیے 25 لاکھ روپےکا اعلان کیا ہے۔

    پی ٹی آئی نے ارشد شریف کی شہادت پر سیاست کرنے کی کوشش کی،فیصل کریم کنڈی


    ترجمان پنجاب حکومت کا کہنا ہےکہ محکمہ ڈی جی پی آر کی جانب سے بھی صدف کے اہلخانہ کو 10 لاکھ روپے دیئے جائیں گے، پنجاب حکومت مرحومہ کے بچوں کی کفالت اور تعلیمی اخراجات برداشت کرے گی۔


    ترجمان کا کہنا ہےکہ عمران خان، وزیراعلیٰ پرویز الہٰی صدف کے جاں بحق ہونے پر دکھی ہیں، پنجاب حکومت اور تحریک انصاف دکھ کی گھڑی میں صدف نعیم کی فیملی کے ساتھ کھڑے ہیں۔

    چینل فائیو کی رپورٹرصدف عمران خان کےکنٹینرکےنیچےآکرجاں بحق

  • ڈیپارٹمنٹل سپورٹس کی بحالی کا نوٹیفکیش جاری،پاکستان ہاکی فیڈریشن وزیراعظم شہباز شریف کی مشکور

    ڈیپارٹمنٹل سپورٹس کی بحالی کا نوٹیفکیش جاری،پاکستان ہاکی فیڈریشن وزیراعظم شہباز شریف کی مشکور

    وزیراعظم پاکستان میاں محمد شہباز شریف کی جانب سے ڈیپارٹمنٹل سپورٹس کی بحالی کے نوٹیفکیشن کے اجراء کا پاکستان ہاکی فیڈریشن کے صدر برگیڈیئر رخالد سجاد کھوکھر اور سیکرٹری جنرل حیدر حسین نے خیرمقدم کیا ہے۔

    باغی ٹی وی : پاکستان ہاکی فیڈریشن کی جانب سے جاری پیغام میں وزیراعظم پاکستان کی جانب سے ڈیپارٹمنٹل سپورٹس کی بحالی کو کھیلوں کی ترویج و ترقی کے لئے احسن اقدام قرار دیا گیا ہے۔

    نیوزی لینڈ کرکٹ ٹیم کے دورہ پاکستان کا شیڈول جاری

    پاکستان ہاکی فیڈریشن کےصدر برگیڈیئر رخالد سجاد کھوکھرنےکہاہے کہ ڈیپارٹمنٹل سپورٹس کی بحالی وقت کی اہم ضرورت تھی وزیراعظم پاکستان میاں محمد شہباز شریف کی جانب سے ڈیپارٹمنٹل سپورٹس کی بحالی کا یہ اقدام سپورٹس کی ترقی کے لئے ایک اہم سنگ میل ثابت ہوگا۔ نوجوان کھلاڑیوں کے لئے روشن مستقبل اور بطور پروفیشنل سپورٹس مین ملازمتوں کے موقع فراہم ہوں گے۔

    پاکستان آرمی کا سیکورٹی دستہ فیفا ورلڈ کپ 2022 کی سیکیورٹی کیلئے قطر روانہ

    سیکرٹری جنرل پاکستان ہاکی فیڈریشن حیدر حسین نےکہاہےکہ وزیراعظم پاکستان میاں محمد شہباز شریف کی جانب سے ڈیپارٹمنٹل سپورٹس کی بحالی کے فیصلہ نے کھلاڑیوں کے دل جیت لئے۔

    حیدر حسین نےکہا کہ ملک بھرکے پروفیشنل کھلاڑی بےیارومددگار تھےاوران کا کوئی پرسان حال نہ تھا ایسےوقت میں وزیراعظم پاکستان میاں محمد شہباز شریف کی جانب سے ڈیپارٹمنٹل سپورٹس کی بحالی کے نوٹیفکیشن کا اجراء نہ صرف انکے معاشی مسائل کا بہترین حل ہے بلکہ نوجوان کھلاڑیوں کے لئے روشن مستقبل کی نوید ہے۔

    انٹرنیشنل کک باکسنگ چیمپئن شپ؛ پاکستان نے بھارت کو شکست دے دی

  • سردیوں کیلئے گیس کا انتظام نہیں ہوسکا،وزیراعظم شہباز شریف

    سردیوں کیلئے گیس کا انتظام نہیں ہوسکا،وزیراعظم شہباز شریف

    وزیراعظم شہباز شریف نے خبردار کردیا کہ سردیوں کیلئے گیس کا انتظام نہیں ہوسکا۔

    باغی ٹی وی : وزیراعظم نے تھرکول بلاک 2 سندھ کول مائن کمپنی کےتوسیعی منصوبے کا افتتاح کر دیا اور خطاب میں کہا کہ تھرمیں پیداہونےوالی بجلی دس روپے یونٹ ہوگی، تھر کے کوئلے سے 300 سال تک بجلی بنائی جاسکتی ہے۔

    موسمیاتی تبدیلی سے نمٹنے کیلیےسرگرم یواین تنظیم کا پاکستان کونائب صدارت دینے کا…

    انہوں نے مزید کہا کہ سردیوں کیلئے گیس کا انتظام نہیں ہوسکا، بہت مہنگئی ہوگئی ہے لہٰذا درآمد نہيں کرسکتے۔

    ان کا کہنا تھا کہ ہم نے اپنی توانائی کی ضروریات پوری کرنے کے لیے 24 ارب ڈالر کی درآمدات کی ہیں، گیس مہنگی ہوکر ہماری بساط سے باہر جاچکی ہے، اللہ تعالیٰ نے تھر میں کوئلے کا اتنا بڑا ذخیرہ دیا ہے، اس سے استفادہ کرکے قوم کی محرومیاں دور نہ کرنا بہت بڑی غلطی ہے۔

    انہوں نے کہا کہ اس سے زیادہ پاکستان کے 22 کروڑ عوام کے ساتھ زیادتی نہیں ہو سکتی کہ مہران کی وادیوں میں اتنا بڑا خزانہ ہو اور اس کا فائدہ پورے پاکستان کو نہ پہنچے، میں آئندہ ہفتے اسلام آباد میں اجلاس بلاؤں گا جس میں تمام اسٹیک ہولڈرز کو مدعو کیا جائے گا۔

    پی ٹی وی کو کوئی نہیں دیکھتا پھر بھی 35 روپے دیتے ہیں، مرتضیٰ وہاب

    خیال رہے کہ گزشتہ دنوں وزیر مملکت برائے پیٹرولیم مصدق ملک نے بھی کہا تھا کہ سردیوں میں گیس بہت کم ہوگی لہٰذا کوشش ہوگی کہ لوگوں کو ناشتے اور کھانے کے وقت گیس فراہم کرسکیں۔

    مصدق ملک کا کہناتھاکہ بولیاں طلب کرنے کےباوجود 40 ڈالر فی ایم ایم بی ٹی یومیں بھی گیس نہیں مل رہی، سوئی ناردرن سسٹم پر گھریلو صارفین کو 95 کروڑمکعب فٹ یومیہ چاہیےلیکن سوئی ناردرن کے پاس سردیوں میں یومیہ صرف 68 کروڑ مکعب فٹ گیس دستیاب ہو گی، ایسی ہی صورت حال سوئی سدرن پر ہے۔

    مصدق ملک کا کہنا تھاکہ پچھلے سال کے مقابلے میں ماہانہ 20 ہزار ٹن اضافی ایل پی جی درآمد کریں گے، جتنی گیس پچھلے سال تھی اتنی گیس کا انتظام کر لیا ہے، سردیوں کےحوالے سے مؤثرپلان بنا رہے ہیں اور گیس کےحوالے سے پلان کا اعلان جلد کریں گے۔

  • وزیراعظم کو منی لانڈرنگ کیس میں عدالت حاضری سے مستقل استثنیٰ مل گیا

    وزیراعظم کو منی لانڈرنگ کیس میں عدالت حاضری سے مستقل استثنیٰ مل گیا

    لاہور: احتساب عدالت نے منی لانڈرنگ ریفرنس میں وزیراعظم شہبازشریف کی حاضری سے مستقل استثنیٰ کی درخواست منظور کرلی۔

    باغی ٹی وی : لاہورکی احتساب عدالت کے جج قمر الزماں نے منی لانڈرنگ ریفرنس پر سماعت کی جس میں وزیراعظم شہباز شریف کی کیس میں مستقل حاضری معافی کی درخواست پر بھی سماعت ہوئی۔

    ٹرانسجینڈر کے حقوق کے لیے ’’خنثہ حقوق بل‘‘ پیش

    احتساب عدالت نے منی لانڈرنگ ریفرنس میں وزیراعظم شہبازشریف کی مستقل حاضری معافی کی درخواست منظور کرتے ہوئے نمائندہ مقرر کرنے کی اجازت دے دی۔

    عدالت نے وزیر اعظم شہباز شریف کی منی لانڈرنگ ریفرنس میں مستقل حاضری معافی کی درخواست منظور کرلی اور انہیں عدالت میں پیشی کے لیے نمائندہ مقرر کرنے کی اجازت دے دی –

    عمران خان اپنا منہ بند رکھیں،ورنہ آپ کی تمام چیزیں پبلک کردوں گا،اسحاق ڈار

    عدالت نے حمزہ شہباز کی مستقل حاضری معافی کی درخواست پر نیب سے جواب طلب کرلیا اور ان کی ایک روزہ حاضری معافی کی درخواست منظور کرلی۔

    وزیر خزانہ اسحاق ڈارکا 90 فیصد سیلاب زدگان کو نقد ادائیگیوں میں بے ضابطگیوں پر…

  • یہ مذاق ہورہا ہے،یہ کیسا ڈیش بورڈ ہے؟،وزیراعظم ڈیش بورڈ سے ناخوش،افتتاح کرنے سے انکار کر دیا

    یہ مذاق ہورہا ہے،یہ کیسا ڈیش بورڈ ہے؟،وزیراعظم ڈیش بورڈ سے ناخوش،افتتاح کرنے سے انکار کر دیا

    وزیراعظم شہباز شریف نے ڈیش بورڈ کا افتتاح کرنے سے انکارکر دیا-

    باغی ٹی وی : وزیراعظم سیلاب متاثرین کیلئے بنائے گئے ڈیش بورڈ کی تیاریوں سے ناخوش کہا آج ڈیش بورڈ کا افتتاح نہیں کرسکتا،انہوں نے کہا کہ یہ مذاق ہورہا ہے،یہ کیسا ڈیش بورڈ ہے؟ٹیم کی کاوشوں پر کوئی اعتراض نہیں، لیکن یہ ڈیش بورڈ وہ نہیں جو قوم چاہتی ہے-

    سندھ پولیس نے بلدیاتی انتخابات میں سکیورٹی دینے سے معذرت کر لی،انتخابات ایک بار پھر ملتوی ہونے کا امکان

    وزیراعظم شہباز شریف نے کہا کہ ڈیش بورڈ پر ریئل ٹائم اپ ڈیٹ کرنے کی ضرورت ہے،وزیراعظم نے وفاقی وزیر احسن اقبال سے کہا کہ کھربوں کا نقصان ہوگیا اور ہم ڈیش بورڈ بہتر نہیں کرسکے،ڈیش بورڈ پر بجلی، این ایچ اے اور بحالی کے دیگر منصوبوں کی رئیل ٹائم انفارمیشن ہونی چاہئے-

    وزیراعظم نے پوچھا کہ ڈیش بورڈ کے اعداد و شمار رئیل ٹائم اپ ڈیٹڈ نہیں، رضائیاں کہاں جارہی ہیں؟ بے بی فوڈ کہاں تقسیم ہورہا ہے؟اس کی تفصیل کہاں ہے؟ وقت ضائع کیا گیا۔

    وزیر اعظم کے سوالات پر وفاقی وزیر امین الحق اور احسن اقبال کی وزیراعظم کو وضاحتیں دیں لیکن وزیر اعظم نے مزید کہا کہ کھربوں کا نقصان ہو گیا اور ہمارا ڈیش بورڈ رئیل ٹائم انفارمیشن نہیں دے رہا،اس ڈیش بورڈ کو مجموعی نقصان اور ریلیف اقدامات کا اندازہ نہیں لگایا جا سکتا یہ معلوم ہونا چاہئے کہ امدادی سامان کہاں کہاں جا رہا ہے،یہ ڈیش بورڈ تو اس معیار کا ہےہی نہیں جو ہمیں چاہیے،میں کلاؤڈ برسٹ کے امکانات کا پوچھ رہا ہوں ان کے پاس اس کا کوئی جواب نہیں ہے-

    ملک میں جدید ترین واٹر منیجمنٹ اینڈ ریسرچ سینٹر کے قیام کا فیصلہ

    وفاقی وزیر امین الحق نے کہا کہ معیار کو بہتر کرتےہیں وزیراعظم نے کہا کہ میں کلاؤڈ برسٹ کے امکانات کا پوچھ رہا ہوں اس کا کوئی جواب ہی نہیں ہے ان کے پاس، امین الحق صاحب اور کتنا ٹائم چاہئے آپ کو؟ جس پر امین الحق نے کہا کہ میری گزارش یہ تھی کہ آپ آج اس کا افتتاح کر دیں ہم اس کو بہتر کر لیں گے-

    وزیراعظم نے ڈیش بورڈ اپ ڈیٹ کرنے کیلئے ایک ہفتے کا وقت دے دیا اور کہا کہ خامیاں دور کردیں افتتاح کرنے آجاؤں گا۔

    اس سے قبل وفاقی وزیر احسن اقبال نے کہا کہ وزیراعظم کی ہدایت کے مطابق ڈیش بورڈ تیار کیا گیا ہے، پاکستان موسمیاتی تبدیلی کا شکار ہوا ہے،سیلاب متاثرین کیلئے دیئے گئے فنڈز کی تفصیلات ڈیش بورڈ پر دستیاب ہوں گی، ہماری دعا ہے پاکستان آنے والے وقت میں ایسے خطرات سے محفوظ رہے،ڈیش بورڈ کے ذریعے قدرتی آفات سے نمٹنے کیلئے مربوط کاوشیں ممکن ہو سکیں گی-

    حکومت پر دباؤ ڈال رہے ہیں کہ عمران خان کو گرفتار کریں، مولانا فضل الرحمان

    علاوہ ازیں حکام نے وزیر اعظم کو سیلاب متاثرہ اضلاع کے حوالے سے بریفنگ میں بتایا کہ پنجاب اور خیبرپختونخوا میں حالات بہتر ہیں،بلوچستان کے چار اضلاع میں سے 2اضلاع میں پانی اتر گیاہے،سندھ کی صورتحال کافی خراب ہے-

  • وزیراعظم شہبازشریف ، چینی صدر شی جن پنگ کی ملاقات

    وزیراعظم شہبازشریف ، چینی صدر شی جن پنگ کی ملاقات

    وزیراعظم شہبازشریف اور چینی صدر شی جن پنگ میں ملاقات ہوئی ہے

    ملاقات میں دونوں رہنماوں نے دوطرفہ تعلقات کے پہلووں جائزہ لیا ،وزیراعظم شہباز شریف نے چینی کمیونسٹ پارٹی کی 20 ویں سی پی سی قومی کانگریس کے لیے نیک خواہشات کا اظہارکیا ،وزیراعظم شہباز شریف کا کہنا تھا کہ ہماری آل ویدر اسٹراٹیجک کوآپریٹو پارٹنرشپ اور آہنی بھائی چارے نے وقت کی کسوٹی کا مقابلہ کیا وزیراعظم شہبازشریف نے دوطرفہ تعلقات کو مزید بلندیوں تک لے جانے کے ذاتی عزم کا اعادہ کیا ملاقات میں دونوں رہنماوں نے باہمی دلچسپی کے اہم علاقائی اور بین الاقوامی امور پر تبادلہ خیال کیا ،وزارت عظمیٰ سنبھالنے کے بعد وزیراعظم شہبازشریف کی چینی صدر سے یہ پہلی ملاقات تھی

    وزیراعظم نے پاکستان میں سیلاب سے متاثرہ افراد کی فراخدلانہ اور بروقت مدد پر صدر شی جن پنگ، چینی حکومت اور چین کے عوام کا شکریہ ادا کیا۔ انہوں نے کہا کہ پاکستان چین بھر کے تمام حلقوں کی طرف سے ہمدردی اور حمایت کے اظہار پر مشکور ہے اور یہ ہماری منفرد دوستی کا حقیقی عکاس ہے۔ انہوں نے مزید کہا کہ وزیر اعظم "چین پاکستان دوستی کے لیے دیرینہ عزم” رکھنے والے رہنما ہیں۔ دونوں رہنماؤں نے دو طرفہ تعلقات کے تمام پہلوؤں کا جائزہ لیا اور باہمی دلچسپی کے اہم علاقائی اور بین الاقوامی امور پر تبادلہ خیال کیا۔وزیراعظم نے اس بات پر زور دیا کہ شنگھائی تعاون تنظیم نے اپنے مشترکہ ویژن اور باہمی اقدار کو علاقائی تعاون اور یکجہتی کے ٹھوس عملی منصوبوں میں آگے بڑھانے کے لیے ایک بہترین فورم فراہم کیا۔ چین پاکستان پائیدار دوطرفہ تعلقات کا ذکر کرتے ہوئے انہوں نے صدر شی کے ساتھ 5 ستمبر 2022 کو صوبہ سیچوان میں آنے والے زلزلے سے ہونے والے المناک جانی نقصان اور تباہی پر تعزیت کا اظہار کرتے ہوئے اس بات پر زور دیا کہ پاکستان کی حکومت اور عوام اس قدرتی آفت کے دوران چین کے ساتھ کھڑے ہیں۔

    وزیراعظم شہباز شریف نے تجویز دی کہ شنگھائی تعاون تنظیم کی طرف سے موسمیاتی تبدیلی کے مسئلے کو اٹھایا جائے، تاجکستان، ازبکستان، ایران اور منگولیا کے صدور کی طرف سے وزیراعظم شہبازشریف کی تجویز کی تائید کی گئی صدر مرزایوف کی جانب سے وزیراعظم شہبازشریف کی تجویز ایس سی او تنظیم کی سطح پر اٹھانے پرزوردیا گیا شنگھائی تعاون تنظیم اجلاس میں تاجک صدر نے وزیراعظم شہبازشریف کی تجویز کی سب سے پہلے حمایت کی صدر مرزایوف نے رکن ممالک پر سیلابی صورتحال سے نمٹنے میں پاکستان کو بھرپور مدد اور حمایت فراہم کرنے پر زوردیا

    شنگھائی تعاون تنظیم کے سربراہ اجلاس میں شریک سربراہان کا اجلاس کے آغاز پر گروپ فوٹو بنایا گیا کانگریس سنٹر سمرقند میں ایس سی او سربراہ اجلاس کے موقع پر رکن ممالک کے سربراہان کاگروپ فوٹو بنایا گیا

    افغانستان کو نظراندازکرنا غلطی،دنیا کو ہماری مدد کے لیے آگے آنا ہوگا،وزیراعظم

  • قومی اسمبلی میں وزیراعظم شہباز شریف اورعمران خان کو ایک ساتھ بٹھاؤں گا،فاروق ستار

    قومی اسمبلی میں وزیراعظم شہباز شریف اورعمران خان کو ایک ساتھ بٹھاؤں گا،فاروق ستار

    کراچی: قومی اسمبلی کے حلقہ 245 سے امیدوار فاروق ستار نے کہا ہے کہ وہ قومی اسمبلی میں جا کر وزیراعظم شہباز شریف اور عمران خان کو ایک ساتھ بٹھائیں گے۔

    باغی ٹی وی : کراچی میں میڈیا سے گفتگو کرتے ہوئے فاروق ستار نے کہا کہ حلقہ این اے 245 کے عوام کا ووٹ اور ان کی حمایت کراچی کی قسمت پر لگے تالے کو کھولے گا،کراچی کیلئے انشاء اللّٰہ وفاق سے پورا حق لینا ہے، ہم 4 ہزار ارب روپے دیتے ہیں ہمیں بھی اب 40 ارب کی خیرات نہیں چاہیے۔

    کراچی:این اے 245 میں انتخابی مہم کا وقت ختم ،پولنگ کل ہو گی

    انہوں نےکہاکہ پورے حلقے کا دورہ کیا،عوام مسائل میں گھرے ہوئے ہیں، کامیاب ہوکرحلقےکے مسائل کو حل کرنے کیلئے ہر ممکن کوشش کروں گا قومی اسمبلی میں کسی نے بھی کراچی کے مسائل حل کرنے کیلئے کوئی آواز نہیں اٹھائی، قومی اسمبلی میں پہنچ کر کراچی کے عوام میں جو مایوسی ہے ،انشاء اللّٰہ اسے دور کریں گے۔

    دوسری جانب کنوینر ایم کیو ایم پاکستان ڈاکٹر خالد مقبول صدیقی نے کہا کہ ہمارے علاقوں میں 90 ہزار پر حلقہ بنایا تو اپنے علاقوں میں 25 سے 30 ہزار پر بنایا گیا ، یہ انتخابات سے پہلے کی گئی دھاندلی ہے۔

    پاک سرزمین پارٹی کے سربراہ مصطفیٰ کمال نے کہا کہ پیپلز پارٹی نے ایم کیو ایم کے حق میں اپنا امیدوار دست بردار کردیا ، اس سے اندازہ ہوتا ہے کہ ایم کیو ایم پیپلز پارٹی کو کیسی سروس دے رہی ہے ۔

    صوبہ سندھ میں بارشوں کی تباہ کاریوں سے چالیس ارب روپے کا نقصان ہوا،مراد علی شاہ

    واضح رہے کہ کراچی میں قومی اسمبلی کے حلقے این اے 245 میں انتخابی مہم کا وقت ختم ہوگیا پولنگ کل اتوار کو ہوگی پی ایس پی کے امیدوار اور فاروق ستار بھی انتخابی میدان میں ہیں تحریک انصاف اور ایم کیو ایم میں کانٹے کامقابلہ متوقع ہے انتخابی دنگل میں 15 امیدوار مد مقابل ہیں۔

    ضمنی الیکشن میں 5 لاکھ 15ہزار ووٹرز کے لئے 263 پولنگ اسٹیشن اور 1052 پولنگ بوتھ قائم کئے گئے ہیں 2018ء کے مقابلے میں 71463 ووٹرز کا حلقے میں اضافہ ہوا ہے۔

    سلمان رشدی بارے عمران خان کے بیان کے بعد ہمارا موقف سچا ثابت ہو گیا۔ مولانا فضل الرحمان