حافظ آباد: وزیراعظم عمران خان پاکستان تحریک انصاف کے زیر اہتمام منعقادہ جلسہ عام سے خطاب کر رہے ہیں۔ قبل ازیں وزیراعظم کی جلسہ گاہ آمد پر زبردست استقبال کیا گیا۔

باغی ٹی وی : وزیراعظم عمران خان نے حافظ آباد میں جلسے سے خطاب کرتے ہوئے کہا کہ شاندار جلسے کے انعقاد پر کارکنوں کو مبا رک باد دیتا ہوں،لگتا ہے ایسا ہےکہ حافظ آباد میں ایک سال کے دوران وہ کام ہورہے ہیں جو70سال میں نہیں ہوئے تحریک انصاف نے5 سالوں میں جو کام کیے-

انہوں نے کہا کہ پاکستان کی تاریخ میں سب سے زیادہ تاریخی کام ہم نے کیے بتایا جائے مجھے25سال پہلے سیاست میں آنے کی ضرورت کیا تھی پاکستان ایک بڑے مقصد کے لیے بنا ہے نظریے کے بغیر کوئی بھی قوم نہیں بنتی نظریے سے ہٹنے والی قوم تباہ ہوجاتی ہے ہم نے ایک عظیم قوم بننا تھا مگر نہیں بن پائے –

وزیراعظم نے کہا کہ قوم جب بنتی ہے جب اس کا نظریہ ایک ہو، جاگ پنجابی جاگ، سندھو دیش، بلوچستان کی آزادی کی تحریک یا پختونستان، جب تک ہم یہ نعرے نہیں چھوڑیں گے ہم ایک قوم نہیں بن سکتے، میں نے فیصلہ کیا کہ قوم کی تربیت کے لیے رحمت اللعالمینؐ اتھارٹی بناؤں اور قوم کو بتاؤں کہ نبی کریمؐ کی زندگی کیا تھی، انہوں نے مدینے کی ریاست میں تمام مذاہب کو جمع کیا جس میں مسلم بھی تھے اور غیر مسلم بھی جو کہ ایک نظریے پر جمع ہوئے۔

وزیر اعظم نے کہا کہ مدینہ کی ریاست میں لوگ اچھائی کے ساتھ برائی کے خلاف تھے جب قوم ظلم اور کرپشن کے خلاف کھڑے نہیں ہوں گے تو یہ بڑھ جائے گی میں 25 سال سے تبلیغ کررہا ہوں کہ ہم نے اچھائی کے ساتھ چلنا ہے اگر عظیم قوم بننا ہے تو اچھائی کا ساتھ دیں، میں اس لیے سیاست میں نہیں آیا کہ آلو کی قیمت کیا ہے اور ٹماٹر کی قیمت کیا ہے، میں نوجوانوں کو ایک قوم بنانے کے لیے سیاست میں آیا ماضی میں حکومتیں گرانے کےلیے چوری کے پیسے سے ضمیر خریدا گیا کوئی پیسے کے زور پر حکومت گرانے کی کوشش کرے تو قوم مقابلہ کرتی ہے۔

وزیراعظم عمران خان کا کہنا تھا کہ نوجوان ہمارےملک کا مستقبل ہیں ہم نے سب سے پہلے تعلیم پر کام کیا، ریاست گرانے کے لیے لوگوں کا ضمیر خریدنے کی کوشش کی جاتی ہے ہم نے 26 لاکھ اسکالر شپ دئیے جب قوم ظلم اور کرپشن کے خلاف کھڑی نہیں ہوگی ،تو یہ بڑھ جائے گی پاکستان میں امیر اور غریب کے لیے یکساں نصاب کرلیا ہے، پاکستان میں پہلی بار انفارمیشن ٹیکنالوجی کی دو یونیورسٹیاں بنا رہےہیں-

عمران خان نے کہا کہ فضل الرحمان کہتا ہےکہ عمران خان نے بڑا ظلم کردیا جو لوگ ان کے جوتے پالش کرتے ہیں وہ ان کو حقارت سے دیکھتے ہیں ماضی کے حکمران انگریزوں کے سامنے ٹائی اور سوٹ میں پیش ہوتےتھے لیڈر کبھی کسی کے سامنے نہیں جھکتا ہماری بدقسمتی دیکھیں، کہ ہمارا وزیراعظم امریکی صدر سے ملتا ہے تو ہاتھ میں پرچی ہوتی ہے امریکی صدر سے ملتے ہوئے ہمارے وزیراعظم کی کانپیں ٹانگ رہیں تھیں اور پرچی ہاتھ میں ہوتی ہے کہ کوئی غلط بات منہ سے نہ نکل جائے۔

وزیر اعظم نے کہا کہ یورپی یونین کے سفیر نے خط لکھ کر کہا کہ روس کےخلاف بیان دیں میں نے یورپی یونین کے سفیر کو کہا کہ بھارت کو بھی خط لکھا ہے پاکستان میں گزشتہ 10سالوں کے دوران 400 سےزائد ڈرون حملے ہوئے آصف زرداری اور نوازشریف نے ڈرون حملوں کی مذمت نہیں کی 20 سے زائد سفیروں نے مجھے کہا کہ ڈرون حملوں کی مخالفت کیوں کررہے ہو میں نے جواب دیا تم لوگوں نے لندن میں ایک دہشت گرد بٹھایا ہوا ہے دہشت گرد نے کراچی کے لوگوں کا قتل کیا کہتےہیں اس کو پاکستان کے حوالے کریں تو کہا عدالت میں ثبوت پیش کریں ،برطانیہ سے کہا کیا ہم اس دہشت گرد پر لندن میں ڈرون حملہ کرکے ماردیں؟

وزیر اعظم نے مزید کہا کہ دنیا میں ہرملک سے اچھے تعلقات رکھنے چاہییں،امریکا ایک بڑا پاورفل ملک ہے،ہمارے پاکستانی وہاں ہیں چائنہ نے بہت کم وقت میں پاکستان کو جہاز فراہم کیے روس کے صدر نے ہم کو عزت دی،3 گارڈ آف آنر پیش کیے صدر ٹرمپ نے مجھے عزت دی کیونکہ اس کو پتہ تھا میں دونمبر نہیں-

عمران خان نے کہا کہ25 سال قبل بھی قوم سے کہا تھا کہ نہ کسی کے سامنے جھکوں کا اور نہ اپنی قوم کو کسی کے سامنے جھکنے دوں گا، پاکستان میں 15سال بعد اسلامی ممالک کی کانفرنس ہورہی ہے دنیا سے بہتر تعلقات چاہتے ہیں مگر پاکستان کے مفادات پر سمجھوتہ نہیں کریں گے-

وزیراعظم کا کہنا تھا کہ مغربی حکمران آپ کی عزت اس وقت کرتے ہیں جب انہیں نظر آئے کہ ہمیں اپنی ملک کی فکر ہے، جب یہاں کوئی سفیر یا حکمراں مجھ سے ملنے آتا ہے تو اس کی پوری زندگی کی تفصیلات مجھے فراہم کی جاتی ہیں اسی طرح جب ہماری حکمراں ملنے کہیں اور جاتے ہیں تو وہاں بھی ملاقات سے قبل آپ کی تفصیلات وہاں پہنچادی جاتی ہیں جس میں لکھا ہوتا ہے کہ لندن میں آپ کی پراپرٹی کتنی ہے؟-

چئیرمین پی ٹی آئی نے کہا کہ غریب عوام کو سستا گھر دینے کے لیے بینکوں نے قرض دینا شروع کردیا ہے گھر کا کرایہ دینےوالے اب بینک کو قرض کی رقم دے کر اپنا گھر حاصل کریں گے دو کروڑ خاندانوں کو احساس راشن کارڈ پر سبسڈی ملے گی پٹرول اور ڈیزل کی قیمت میں10روپے اور بجلی کی قیمت 5روپے کم کردی پاکستان میں سب سے سستا پٹرول 150روپے فی لیٹر ہے ٹیکس کا پیسہ ملتارہےگا قوم پر خرچ کرتے رہیں گے

عمران خان نے کہا کہ کورونا کے باعث دنیا کی معیشت ٹھپ ہوگئی سب کو کہا اگر لاک ڈاون لگایا تو مزدور کا کیا بنےگا سندھ حکومت نے میری بات نہیں مانی اور لاک ڈاون لگا دیا پاکستان نے کورونا کے دوران بہتر اقدامات کیے، دنیا نے تعریف کی ہم نااہل ہوتے تو دنیا ہماری پالیسی کی تعریف نا کرتی میرا ایمان ہے پاکستان ایک عظیم ملک بننے جارہا ہے-

احتساب کے ڈر سے سارے چور اکٹھے ہورہے ہیں حکومت گرانے کے لیے تین چوہے نکلے ہیں یہ خود شکار ہوں گے

قبل ازیں وزیراعظم عمران خان کو جلسہ عام سے خطاب کی دعوتے دیتے ہوئے سینیٹر فیصل جاوید نے اعلان کیا کہ عمران خان کے پاس ایک ایسا کارڈ ہے جس کی بنا پر اگلی حکومت بھی پی ٹی آئی بنائے گی۔

اس سے قبل جلسہ گاہ میں وزیراعظم کی آمد سے قبل ان کے معاون خصوصی شہباز گل نے خطاب کرتے ہوئے کہا کہ عمران خان نہ خود جھکا ہے اور نہ عوام کو جھکنے دے گا۔

انہوں ںے کہا کہ واضح طور پر کہا کہ عہدے ہمارے جوتے کی نوک پر ہیں۔ ان کا کہنا تھا کہ عمران خان کبھی بھی سمجھوتہ نہیں کرے گا۔

وزیراعظم کے معاون خصوصی شہباز گل نے عوام الناس سے خطاب کرتے ہوئے کہا کہ کرسی بچانا کوئی مشکل کام نہیں ہے۔ ان کا کہنا تھا کہ صرف زرداری سے ہاتھ ملانا پڑتا۔

لاہور: مسلم لیگ ق کے رہنما اور اسپیکر پنجاب اسمبلی چوہدری پرویز الہٰی نے کہا ہے کہ وزیر اعظم کے مشیر حکومت اور میڈیا کے درمیان خلیج حائل کر رہے ہیں-

باغی ٹی وی : مسلم لیگ ق کے رہنما اور اسپیکر پنجاب اسمبلی چوہدری پرویز الہٰی نے کہا کہ وزیر اعظم کے مشیرغلط بیانی سے حکومت اور میڈیا کے درمیان خلیج حائل کر رہے ہیں تحریک انصاف کے ارکان کو میڈیا میں جانے سے روکنے کی اطلاعات ہیں وزیراعظم سے درخواست ہے وہ اپنے مشیروں سے محتاط رہیں۔

پی پی پی کا عوامی مارچ: لاہور میں جیالوں کاحکومت کے خلاف منفرد احتجاج

انہوں نے کہا کہ تحریک انصاف کی طرف سے ارکان کے مخصوص چینلز میں نہ جانے پر تشویش ہے جس کی وجہ سے پی ٹی آئی اپنا نقطہ نظر متوازن طریقے سے عوام کے سامنے نہیں رکھ پائے گی آزادی اظہار رائے جموریت کا حسن ہے، وزیر اعظم اور پارٹی قیادت سے فیصلے پر نظر ثانی کی درخواست کرتے ہیں۔

چوہدری پرویز الہٰی نے کہا کہ چند اخبار اور میڈیا ہاؤسز کے اشتہارات بند کرنے پر بھی تشویش ہے اشتہارات پر پابندی بظاہر پیکا آرڈینینس کے تناظر میں لگائی گئی ہے جبکہ سرکاری اشتہارات کو مخصوص اخبارات اور چینل کو نشانہ بنانے کے لیے استعمال نہیں کیا جانا چاہیے۔

کہیں نہیں جار رہے،ایسا سوچیں بھی مت،وزیراعظم کو یقین دہانی کروا دی گئی

انہوں نے کہا کہ وزیر اعظم نے مجھے میڈیا ہاؤسز اور حکومت کے درمیان پیکا آرڈیننس کے حوالے سے معاملات سلجھانے کا ٹاسک دیا ہے مجھے حیرانگی ہے تحریک انصاف کی طرف سے میڈیا ہاؤسز کو کیوں نشانہ بنایا جا رہا ہے۔

اگلے48گھنٹےاہم:عمران خان کاجانا یقینی:کپتان کےجانے سےبہارآئےیانہ آئے:یہ ہمارا…

اسلام آباد : وزیر اعظم عمران خان نے وزیر دفاع پرویز خٹک سے سخت ناراضی کا اظہارکیا ہے۔

باغی ٹی وی : ذرائع کے مطابق وزیراعظم نے پرویز خٹک سے سخت ناراضی کا اظہار کرتے ہوئے کہا ہے کہ ’میرے خطاب سے پہلے عوام کو تیل کی قیمت میں کمی ہونے کی خوش خبری کیوں سنائی؟ جب سب کو منع کیا تھا تو پھر آپ کو یہ بیان دینے کی کیا ضرورت تھی؟-

ذرائع کا کہنا ہے کہ وزیراعظم عمران خان نے پرویز خٹک کو اس حوالے سے اپنا پیغام بھجوا دیا ہے۔

پیکا قانون سےآزادی صحافت متاثرنہیں ہورہا پیکا ترمیمی آرڈینس بہت ضروری ہے،وزیراعظم

خیال رہے کہ وزیراعظم نے بجلی اور پیٹرول کی قیمتوں میں کمی کے حوالے سے اعلان اپنے خطاب میں کرنا تھا لیکن پرویز خٹک نے وزیراعظم کے خطاب سے پہلے ہی تقریر میں سب بتا دیا تھا کہ وزیراعظم پیٹرول کی قیمت 10 روپے کم کرنے والے ہیں –

انہوں نے کہا تھا کہ وزیراعظم پٹرول 10 روپے سستا کرنے کا اعلان کریں گے پرویز خٹک نے بتایا تھا کہ اس کے لیے حکومت 250 ارب روپے کی سبسڈی دے گی جس سے پیٹرول سستا ہوجائے گا اور 4 ماہ تک دوبارہ قیمت میں اضافہ نہیں ہوگا۔

عدم اعتماد کا خوف یا کچھ اور،وزیراعظم کا اہم ترین شخصیت سے رابطہ

پرویز خٹک کا کہنا تھا کہ بجلی کی فی یونٹ قیمت بھی 5 روپے کم کی جائے گی لیکن پرویز خٹک کا یہ دعویٰ غلط ثابت ہوگیا تھا اور بجلی کی قیمت کم کیا ہوتی بلکہ الٹا اس میں 5 روپے فی یونٹ مزید اضافے کا اعلان کردیا گیا تھا نیشنل الیکٹرک پاور ریگولیٹری اتھارٹی (نیپرا) نے آج بجلی کی قیمت میں 5 روپے 94 پیسے فی یونٹ اضافے کی منظوری دے دی تھی-

تاہم بعد ازاں قوم سے خطاب کرتے ہوئے وزیراعظم عمران خان نے پیٹرول اور ڈیزل کی فی لیٹر قیمت میں 10، 10 روپے اور بجلی کی فی یونٹ قیمت میں 5 روپے کمی کا اعلان کرتے ہوئے کہا ہے کہ ہم مستقبل میں قیمتوں میں اضافہ بھی نہیں کریں گے۔

ترجمان مسلم لیگ (ن) کا وزیراعظم عمران خان کے خطاب پر ردِ عمل

وزیراعظم کا جہانگیر ترین سے رابطہ ہوا ہے وزیر خارجہ شاہ محمود قریشی نے اس بات کی تصدیق کی ہے کہ وزیراعظم عمران خان نے جہانگیر ترین کو فون کیا ہے اور انکی خیریت دریافت کی ہے –

باغی ٹی وی : تفصیلات کے مطابق وزیر خارجہ شاہ محمود قریشی نے کہا کہ وزیراعظم نے جہانگیر ترین کی صحتیابی کے لیے دعا کی ہے جہانگیر ترین نے وزیراعظم عمران خان کا شکریہ ادا کیا۔

جہانگیر ترین اچانک لندن روانہ

جہانگیر ترین علاج کے لیے لندن ہیں وہ دو روز قبل لندن روانہ ہوئے جہانگیر ترین کی بیماری پر شہباز شریف اور آصف زرداری نے انہیں پھول بھجوائے تھے جبکہ مریم نواز اور مریم اورنگزیب نے بھی دعائے صحت کی تھی ۔

وزیراعظم عمران خان اور جہانگیر ترین کا رابطہ تقریبا دو برس بعد ہوا ہے جہانگیر ترین پر مقدمات چل رہے ہیں اور انہوں نے الگ سے ایک پارلیمانی گروپ بھی بنا رکھا ہے گزشتہ دنوں شیخ رشید نے بھی کہا تھا کہ جہانگیر ترین ہمارے اپنے ہیں ان سے رابطہ کرنا چاہیے ۔

واضح رہے کہ اس وقت اپوزیشن عدم اعتماد کی کوشش کر رہی ہے اور شہباز شریف اور بلاول کی بھی جہانگیر ترین سے خفیہ ملاقاتیں ہو چکی ہیں جس کی آج شہباز شریف نے بھی تصدیق یا تردید نہیں کی۔

پاکستان کیطرف سوچ سمجھ کردیکھنا:آج وہ نہیں جودہشت گردی کےجواب میں‌ ساڑھیاں…

جہانگیر ترین وزیراعظم کے قریبی ساتھی تصور کیے جاتے تھے تاہم ان پر کیسز بننے کے بعد جہانگیر ترین نے وزیراعظم ہاؤس سے دوری اختیار کر لی تھی-

واضح رہے کہ پاکستان تحریک انصاف (پی ٹی آئی) کے رہنما جہانگیر ترین طبیعت ناسازی کے باعث علاج کے لیے گذشتہ روز ایئر ایمبولینس کے ذریعے لندن روانہ ہوئے تھے۔

چرچ آف انگلینڈ کے سربراہ کی آرمی چیف سے ملاقات، ملک میں اقلیتوں کے تحفظ کیلئے پاک فوج کی کوششوں کا…